رواية نيران الحب والغيره الفصل الأول 1 - بقلم هويدا زغلول

في سرايا كبيره كانت واقف رؤوف العديني ومعاه امه وكانت معاها بنت لابسه عبايه سمرا

رؤوف

انا قلت لك مش هتجوز يعني مش هتجوز يا امي ريحي دماغك من الكلام اللي انتي عماله تقوليه ده

الام

وانت عارف متاكد كويس قوي ان انا مش بعيد كلامي مرتين وانا قولت فرحك النهارده يعني هيكون فرحك النهارده هتنزل دلوقتي وتكتب كتابك على بسمه وتسع شهور بالظبط وعايزاها تكون حامل

رؤوف

انا عمري ما هقدر انسى رحمه انا بحبها جدا وما اقدرش اعيش من غيرها حرام عليك خليني اتجوزها وساعتها انا هعملك كل اللي انت عايزاه

وفي الوقت ده الام اتعصبت جدا وقالت

الام

انا قولتلك الف مره مش عايزه اسمع سيره البنت دي في القصر انت سامع ولا لا

الام

قدامك خمس دقايق بالظبط يا رؤوف يا تنزل تكتب كتابك على ندي دلوقتي وتعمل اللي انا قولتلك عليه بالحرف يا اما تنزل بشنطة هدومك وتمشي من السرايا دي ومش عايزه اشوف وشك فيها تاني طول ما انا عايشه وانت عارف كويس اني لما بقول كلمه مببرجعش فيها ابدا

رؤوف

حرام عليكي يا امي ليه عايزه تكسري قلبي بالشكل ده وليه مصممه تدفني عمري بايدك انا بحب رحمه ومش شايف غيرها في الدنيا كلها ولو اتجوزت غيرها هعيش طول عمري ميت بالحيا ومش هقدر ابص في وش البنت اللي هتتظلم معايا

الام

انا مليش دعوه بحبك وعشقك والكلام الفاضي ده انا عايزه حفيد يشيل اسم العديني قبل ما اموت وندي هي البنت اللي تليق بينا وانا دفعت دم قلبي علشان الجوازه دي تتم ومش هسمح لواحده زي رحمه تخرب اللي انا خططتله

وبعدها تنزل الام هي وندى ويفضلوا قاعدين تحت وندى هتقرب منها وتقول ليها

ندي بصوت واطي

هو حضرتك ليه عايزه تجبريه على حاجه هو مش راضي عنها وليه ترضي ان حياته وحياتي تبقى كلها نكد ووجع من اول يوم جواز ما الجوازه اللي بتتبني بالعافيه عمرها ما بتكمل ولا فيها راحه لحد

الام

بقولك ايه يا ندي انتي اخدتي المقابل اللي اتفقنا عليه وعملت عملية امك بفلوسي يعني تنفذي المطلوب منك من غير كلام كتير ومش عايزه اسمع منك اعتراض تاني لان هنا في السرايا دي انا اللي كلمتي هي اللي بتمشي على الكل

ندي

والله يا هانم انا ما كنتش اعرف ان رؤوف مجبور على الجوازه دي ولو كنت اعرف انه قلبه مع واحده تانيه ما كنتش وافقت ابدا لاني عمري ما ارضى اكون سبب في كسر قلب حد ولا اخطف راجل من البنت اللي بيحبها

الام

تمام يا حبيبتي وانا ما عنديش اي مشكله خالص انت ماضيه على شيكات وكمبيالات ولا انت ناسيه ادفعي الفلوس اللي عليك واطلعي بره القصر ده وما تتكلميش في اي حاجه انت سامعه ولا لا

وبعدها ندى قعدت على الكنبه وهي حاسه ان الدنيا كلها ضلمه في وشها وعينيها مليانه دموع ومش قادره تستوعب اللي بيحصل حواليها

وبعدها بدات تفتكر ايه اللي حصل لما كانت مامتها في المستشفى

فلاش باك

كانت ندى واقفه قدام اوضة العنايه المركزه وهي بتعيط وخايفه على امها اللي كانت تعبانه جدا

وفي الوقت ده وصلت ثريا هانم بلبسها الانيق وهيبتها المعروفه وبصت لندى بحزن وبعدها قالت

ثريا هانم

على فكره المستشفى دي مهمله جدا ومش هينفع تفضل فيها امك اكتر من كده لأن حالتها محتاجه رعايه واهتمام وانا خلاص قررت انقلها مستشفى تانيه احسن علشان يقدروا يخلوا بالهم منها كويس

ندى

بس يا هانم انا والله ما معايا فلوس اقدر ادفع بيها تكاليف مستشفى تانيه واحنا يادوب بالعافيه بنصرف على العلاج وكنت مستنيه الدكتور يخرج يطمننا ويقولنا هنعمل ايه وربنا يسهل الحال

ثريا

ايه الكلام اللي انتي بتقوليه ده يا بنتي هو انا سايباكي لوحدك علشان تشيلي الهم ده كله طول ما انا موجوده جنبك مش عايزه تشغلي بالك بفلوس ولا بمصاريف ولا بأي حاجه خالص اهم حاجه عندي دلوقتي ان امك تقوم بالسلامه

ندى اول لما سمعت كلامها فضلت تعيط جامد وهي ماسكه ايد ثريا هانم وبتشكرها

وفعلا بعدها بساعات اتنقلت ام ندى لمستشفى كبيره جدا وعملت العمليه بس بعد ايام حالتها تعبت اكتر وفجأه قلبها وقف

وندى وقتها انهارت تماما وكانت بتصرخ وبتعيط وهي ماسكه ايد امها وبتقول

ندى

حرام عليكي يا امي سيباني لمين بعدك انا مليش حد في الدنيا غيرك قومي بالله عليكي ومتسبنيش لوحدي انا خايفه ومش عارفه هعيش ازاي من غيرك

ثريا

اهدي يا حبيبتي وبطلي اللي انت عماله تعمليه ده ما تقلقيش مامتك راحت بس انا مكانها

وبعد الدفنه بيومين كانت ندى قاعده تاخد العزا في بيت عمها وعينيها كلها دموع وحزن

وفجأه دخل عمها بعصبيه شديده وقال بصوت عالي

سيد

جرى ايه يا حلوه هو انتي كمان ليكي عين تيجي هنا بعد ما دفنتي امك انا كنت فاكر انك هتوديها من المستشفى على الترب وتمشي على طول انما جايه تقعدي هنا كمان وعايزاني اصرف عليكي بعد اللي حصل انا عايز كل الفلوس اللي ليا عند امك حالا ومش هسيب حقي يضيع

ثريا وقفت مره واحده وبصتله بغضب شديد وقالت

ثريا

انت ازاي داخل تكلم بنت لسه دافنه امها بالطريقه دي بدل ما تطيب خاطرها وتواسيها جاي تطلب منها فلوس وتكسرها اكتر ما هي مكسوره

ندى مسحت دموعها بالعافيه وقالت بصوت مخنوق

ندى

لو سمحت يا هانم اهدي الفلوس دي فعلا انا ماضيه عليها وصل امانه لعمي ووعدته اني هشتغل واسددله كل جنيه حتى لو هتعب العمر كله بس ارجوكوا بلاش مشاكل دلوقتي

سيد

انا مش عايز وعود ولا كلام يتقال وقت الحزن انا عايز فلوسي دلوقتي كلها والشقه دي كمان امك كانت بايعاهالي بيع وشراء يعني من النهارده ملكيش قاعده فيها ولا ليكي مكان هنا

ثريا هانم قربت من ندى ووقفت قدامها وكأنها بتحميها وبعدها بصت لعمه وقالت بقوه

ثريا

فلوسك كلها عندي يا حاج وما لكش دعوه بندى خالص من النهارده البنت دي تحت حمايتي وانا اللي مسؤوله عنها ومحدش هيقدر يذلها ولا يكسرها طول ما ثريا العديني عايشه

سيد

حلوه قوي الكلام اللي انت عماله تقوليه ده خلاص ماشي انا هجيب لك الشيكات وبعدها تدفعي لي كل الفلوس اللي عليها بس الشقه دي بتاعتي وانا هاخدها

ثريا

انزل هات الكمبيالات والشيكات وانا همضي لك شيك دلوقتي تروح تصرفه بكره

سيد

لا يا حبيبتي انا ما بخش شيكات انا باخد فلوسي وقتي ابعتي دلوقتي وهاتي الفلوس وانا قاعد تحت في شقتي ولما تخلصي تبقي تخبطي عليا وهطلع لك لحد هنا يا ستي

وبعدها اخذ بعض ونزل وكانت ندى واقفه مصدومه من اللي بيحصل وقالت ليها

ندي

انا مش فاهمه بس حضرتك ذنبك ايه انك تدفعي الفلوس دي انا والله هشتغل واسدها دي

ثريا

هو انت مش شايفه واقف معاكي وعامل ازاي ما تشيليش هم الفلوس خالص وانا هدفعها بس هيبقى في شرط واحد انت بتقولي انك هتسدي الفلوس تمضي ليا وصل امانه بيها

ندي

طبعا هعمل كده مش كفايه ان انت هتخرجيني من المشكله اللي انا واقعه فيها دي وانك وقفت جنبي وجنب امي انا بجد مش عارفه اشكرك ازاي على اللي انتي عملتيه معايا ده

وبعدها فعلا جابت الفلوس لعمي وما تطلعوا على وصولات امانه وبعد اسبوع كانت جايه عندي ثريا وقلت ليها

ندي

والله بجد مش عارفه اقول لك ايه بس انا مش لاقيه اي وظيفه خالص

ثريا دخلت وقعدت وبعدين قالت ليها

ثريا

انا عندي وظيفه ليكي بس مش عارفه انت هتوافقي عليها ولا لا انا عايزاك تتجوزي ابني وتجيبي لي حته عيب وعايزه تطلقي بعد كده تطلقي بس انا عايزه حفيد

ندي كانت مصدومه من الكلام اللي هي بتسمعه وبعدها قالت ليها

ندي

لا طبعا انا مش موافقه على الكلام ده انا بفكرش في موضوع الزواج ويوم اتجوز مش هتجوز بالطريقه دي

ثريا قربت منها وقالت بخبث

ثريا

بقى كده يا ندى انا عملتلك كل اللي انتي عايزاه وانت واقفه قدامي دلوقتي وبتقولي الكلام ده وانا كنت فاكره ان انت مستعده تعملي اي حاجه علشان خاطري

ندي

بس الجواز ده اكيد مش حلال يعني لانه الفتره وبعد كده كل واحد هيروح لحاله

ثريا

لو انتي موافقه انك تكملي مع ابني انا ما عنديش اي مشكله

ندي

تمام ماشي انا موافقه اعمل اللي انتي عايزه

باك

وبعدها كتبوا الكتاب وكان رؤوف فوق وطلعت ندى

ولما دخلت لقت رؤوف واقف عند الشباك ومديها ضهره

ندى

والله العظيم يا رؤوف انا ما كنت اعرف بالموضوع ده خالص انا كنت فاكره انك موافق على الجوازه ومامتك ضغطت عليا زي ما ضغطت عليك بالظبط ولو كنت اعرف انك مجبر بالشكل ده عمري ما كنت وافقت ابدا

رؤوف لف ليها مره واحده وكانت عينيه كلها غضب وقال

رؤوف

اوعي تفتكري نفسك مراتي ولا تحلمي حتى ان ممكن يبقى بينا اي حاجه انتي واحده جايه من الشارع ومهما لبستي واتغيرتي مقامك هيفضل الشارع وقريب قوي اول لما اقدر اتخلص من تحكمات امي هطلقك وارجع لرحمه اللي قلبي وروحي معاها

ندى اتصدمت من كلامه ودموعها نزلت وقالت بصوت مكسور

ندى

انا مش مجبره اسمع الكلام الجارح اللي انت عمال تقوله ده طول الوقت انا كمان اتظلمت في الجوازه دي ومحدش سألني انا عايزه ايه ولا قلبي حاسس بايه

رؤوف قرب منها بعصبيه وقال

رؤوف

والله لو عندك دم ومش مستحمله الوضع ده الباب قدامك اهو اتفضلي امشي حالا انا قلبي متعلق بواحده مستحيل انساها طول عمري وحتى لو الدنيا كلها وقفت ضدي عمري ما هحب غيرها

وبعدها سابها وخرج من الأوضه بعصبيه شديده

أما ندى فقعدت على الأرض وهي بتعيط بحرقه وحاسه ان قلبها بيتكسر

وفي الوقت ده كان رؤوف رايح المستشفى بسرعه

ولما وصل دخل أوضة رحمه وكانت نايمه على السرير وشكلها تعبان جدا

أول لما شافته ابتسمت بالعافيه وقالت

رحمه

عامل ايه يا رؤوف ما تعرفش انا قاعده من بدري وعمالها ابوص على باب ومستنيه ان انت تفتح الباب وتدخل واشوفك

رؤوف قرب منها بسرعه ومسك ايدها وقال بحزن

رؤوف

انتي عامله ايه دلوقتي يا رحمه قوليلي انك بقيتي احسن علشان خاطري

رحمه ابتسمت بوجع وقالت

رحمه

هكون عامله ايه يعني يا رؤوف انا عايشه النهارده بس اكيد هموت بكره انت عارف ان المرض ده نهايته معروفه والسرطان عمره ما رحم حد

رؤوف دموعه لمعت في عينيه وقال بعصبيه وخوف

رؤوف

بطلي الكلام اللي انتي عماله تقوليه ده علشان خاطر ما ازعلش منك انتي هتكوني كويسه وهتخفي وهنتجوز انا وانتي واكيد مستحيل اسيبك في يوم من الايام مهما حصل

رحمه

وتفتكر يعني يا رؤوف مامتك هتسيبنا ان احنا نتجوز انت عارف ومتاكد كويس قوي ان هي واقفه عقبه في حياتنا مش عارفه انا عملت لها ايه علشان خاطر هي تعمل كده ربنا يعلم انا لو قدرت اقف على رجلي وابقى كويسه انا هحطها جوه عيوني

رؤوف بحزن

انا عايزه اقولك على حاجه يا رحمه بس مش عايزك تزعلي لان اكيد اخوك هيقول لك بسبب ان هو شغال عندي في الشركه وهيبقى عارف

انا اتجوزت

وفي الوقت ده رحمه انهارت وفضلت تعيط وتقول له

رحمه

امال انت جاي بقى تعمل ايه بقى ان شاء الله دلوقتي جاي تديني امل علشان خاطر اكون كويسه واعيش في الدنيا لوحدي وقلبي مجروح ربنا ياخذني وارتاح ولا اشوفك مع واحده ثانيه ابدا

رؤوف

اهدي بس بالله عليك انا مش عايزه اشوفك بالمنظر اللي انت فيه ده والله العظيم انا غصب عني وهطلقها

واكيد مش هقدر اكمل حياتي معاها انا بحبك انتي انا بحبك انت ومعاكي وعمري ما هسيبك

رحمه بصتله بحزن شديد وقالت

رحمه

بس انت دلوقتي بقيت متجوز يا رؤوف وحتى لو قلبك معايا الواقع بيقول انك بقيت لواحده غيري وانا مش عايزه ابقى سبب في خراب حياتك ولا ظلم البنت اللي اتجوزتها انا كده كده ميته هو انا عارفه ومتاكده من الكلام ده كويس قوي

رؤوف شد على ايدها وقال بلهفه

رؤوف

ندى دي جوازه غصب عني وعمري ما هعتبرها مراتي انتي الوحيده اللي قلبي دق ليها والوحيده اللي نفسي اكمل عمري معاها ومهما حصل مستحيل حد ياخد مكانك جوايا

ورحمه فضلت تبصله بدموع وهي حاسه بالخوف من اللي جاي والخوف الاكبر ان الحب ده نهايته هتكون كلها وجع ودموع

وبعدها دخل اخوها كمال وقال

كمال

هو انت جاي تعمل ايه دلوقتي هنا انا كنت جاي المستشفى علشان خاطر اخرج اختي منها احنا مش هنقدر يا باشا ندفع مصاريف المستشفى الغاليه دي واكيد بعد ما انت اتجوزت يعني مش هتدفع لاختي اي مصاريف

رؤوف

ايه الكلام الغريب اللي انت بتقول عليه ده يا كمال انت عارف متاكد كويس قوي ان انا بحب اختك ولا يمكن اسيبها ابدا وموضوع الجواز ده والله العظيم غصب عني بس هو انت عرفت منين

كمال

مامتك كانت لسه موجوده في الشركه ومديانه كلنا مكافاه شهرين علشان خاطر موضوع جوازك بقول لك ايه ابعد عن اختي لان اختي عمرها ما هتكون ليك انت سامع ولا لا

رؤوف

لا مش سامع ولو حصلت ان انا هقتل اللي اسمها ندى دي هقتلها علشان خاطر اخلص منها وبكره تشوف وبعدها خرج من المستشفى مروح بسرعه ودخل القصر وكانت ندى نايمه ودخل وجابها من شعرها

يتبع