رواية أعد لي هويتي الفصل الخامس والعشرون 25 - بقلم ss4a4ss

البارت الخـــامس والعــــشرون ...
0000000000000000000
لماذا .. جَمَّعَتنا
في مولدِ الأشواق
ليتها في مولدِ الأشواقِ كانتْ فَرّقَتْنا
لا تسلني يا رفيقي
كيف تاهَ الدربُ .. مِنَّا
نحن في الدنيا حيارى
إنْ رضينا .. أم أَبَيْنَا

فاروق
0000000000000000
الا دقايق الاصوت على الدرج طخ طخ بخطوات رشيقه وموزونه بثوب روعه عليه قليل رغم بساطته الا انها هي معطيته روونق وروعه وسحر ..
العهود بصدمه توقف بعد ما انتبهت لوجوه الحضور ..
ميثه : سلمي يا يمه .
ميثه ما انطقت اسم بنتها علشان ندى ما تحط انتباها لعهود ..
عهود : طيب تسلم على الكل ببرود وريحتها عطر " ترش " الغالي .. الا توقف عند ندى وتنصدم فيها ببطنها وشكلها وفي قلبها " ذي اللي اخذها وكسر قلبي وخلاني "

ميثه : عهووود ..
الا تشهق ندى : انتِ عهود ..
تقطع الصدمه ام يوسف : كيف حالك ياعهود عساك بخير ..
العهود بعد شهقت ندى ابتسمت الانه اخيرا شافت ندى والانه عرس مشعل ما حضرته وشافتها على الطبيعه وقارنتها بينها وبين نفسها طلعت هي الرابحه الانها جمالها اجمل من جمال ندى وهي اطول من ندى وشعرها حرير وذي ندى جايبه كل جمالها الصناعي لا طول ولا جسم وحتى الشعر واضح عليه استشوار محروق ..
ابتسمت العهود وردت على عمتها وهي تمد يدها على ندى وتصافحها .. ما تبغى تبوس خدها الانه بيحرقها وهي تتذكر شفايف مشعل بتكون مطبوعه فيها ومستحيل تقرب منها وهي تتذكر مواجعه وذكرياته اللي رمتها ..
العهود بابتسامة النصر : بخير والحمدلله ..
وتجلس اقبال نوف ..: اخبارك يانوف ..
نوف بابتسامه مماثله : بخير والحمدلله اخبارك انتي ..
عهود : اظن قلت اني بخير والحمدلله ..الا بسالك ما تخرجتي بعدك ..؟
نوف : باقي لي كورس تخرج ..
عهود : يو ليه ماخلصتي بعدك الميداني ..
نوف بقهر : وش اسوي تعرفين حضي ما لقيت المادتين اللي ابيهم سكروا وانا ما سجلت اكتفاء بالعدد ..
عهود : يو تعيدين مادتين علشان سكروا الحمدلله الانه معارف ابوي كثار بالدكاتره كل شخص يبيني اسجل عنده ..
ندى تشوف عهود مغروره بكلامها وبحركاتها وتتدعي ندى انه هالليالي تعدي على خير معاها ..
نوف : وليه الدكتورة ابتهاج وش حطت لك ؟
عهود بكل فخر : وش بتحط اكيد امتياز a+ وهي مغمضه تحطه الانه تعرفين بنت عمك ماترضى غير بهذي العلامه ..
نوف تاخذ نفس وماهي مستحمله ثقالة طينة العهود : امممم ..
ندى تهمس باذن نوف : وش ذي مغروره وشايفة نفسها ..
نوف تبتسم وتهمس لندى : استحمليها ..
عهود تنقهر من تصرفاتهم يعني خش عيني عينك تشوفهم وتوقف بطولها وتبتسم يعني ماهميتوني من غير ما تستاذن مشت للمطبخ بتشوف وش فيها العنود تاخرت .. وتحس انها خلاص ما تقدر تستحملهم بهذي الثواني القليله .. تتافف وهي تبغى تدخل المطبخ وتحس بقهر يكويها يحرقها من نوف وندى.. ماقدرت تستحمل القهر اللي فيها اوقفت قريب من المطبخ وسندت جسمها على الجدار وطاحت دمعه بخدها ارفعت راسها علشان ما تنزل .. كملت طريقها للساحة الخلفيه خلف المطبخ المزرعه جلست على كراسي المزرعه الخارجيه من غير جلال ولا ستار يسترها من البرد ..حست العظام كافيه انها تدفيها من النار اللي بين ظلوعها .. من غير ما اهتمت من كان اقبالها ارفعت راسها وهي تمسح دموعها تبي الهواء البارد يجمد دموعها وقلبها .. ما حست الا الشخص اللي اقبالها جالس على المقعد وعيونها بتطلع من مكانها بغدم التصديق ..
مشعل : كنت متوضع اشوفك ..
عهود توقف من غير ما تكلمه : باي حق تشوفني مو ناقص شوهت سمعتي وخليتني ولا شي بعيون الناس ..
مشعل : عهود ..
تقاطعه عهود بدموع: ولا كلمه لو سمحت من هذي اللحظه انساني انساني لو سمحت ..
تمشي بخطوات سريعه .
مشعل بصوت مبحوح : عهود جيت هنا مخصوص الاني عارف المكان اللي لما تتضايقين ترجعين له ..
عهود تلتفت له : وش يخصك دامك عايش حياتك لو سمحت لا تطري اسمي على لسانك ولا اشوفك هنا مره ثانيه ..
تمشي بخطوات سريعه.
عهود بصوت عالي :
احكي بهمسك حبيبي توّها تغفي جروحي
لا تصحيها ترا تنويمها عندي صعب
ليه متأخر حضورك ؟
راحت ايامي وروحي !
لي ثلاث سنين بحدادي على قول العرب
احرجوني في سؤالي عنك وما اقوى ابوحي
كل ما قالولي وينه ؟
قلت .. ماربي كتب !
ايش اجاوب ؟
وانت داري عارف الحال بوضوحي
من يصدقني اذا قلت الفراق بلا سبب ؟!
توّها تنزل دموعك !
جعلها تكفير نوحي ..
الله يسامحك مابي ادعي بلحظة غضب
صرت ماضي في حياتي وانت بالماضي طموحي
دارت الدنيا وياما دارت الدنيا عجب !
خذ جنودك من خفوقي ما بقى لك بي فتوحي
جيشك اللي مارحمني .. بعد مافاز .. انغلب!
لا تجيني ودي تنسى دربي وترحم جروحي
خلها تغفى طلبتك هذا هو آخر طلب

( غنية عبد المجيد عبدالله ) غنيه روووعه خياليه ..
تدخل بيت المزرعه وتدخل المطبخ وهي تمسح دموعها وتتنهد ماهي مصدقه شافته بعد السنين هذي سنتين مرت سنتين مرو علي مثل جمر عيا لا يبرد او يطفي بظلوعي ..

العنود بخوف تقرب من عهود اللي تتنهد عند الباب وتبكي بكتم : وش فيك
عهود من غيرشعور طاحت بحضن العنود وتبكي وتبكي وهي تكتم صرختها لا يسمعها احد ..
عنود : اكيد شفتيهااا زوجته او اهله ..
عهود ترفع راسها : الا شفته هو ..
عنود بصدمه : من جدك ..
عهود بدموع : شفته كان ينتظرني عند المجلس المكشوف يعرف المكان اللي اروح له وانا متضايقه ياعنود للحين ما نسى حتى المكان عنود مشعل ينتظرني..
عنود تعطيها ظهرها وتشيل الصنيه وتقولها بالانقليزي : لا تضعفي وتكوني لقمه سهله لديه اعلمي كيف يطعن نفسه لا تاتيني بفخر بانه يتذكر بعض الذكريات السخيفه من رماني من قاموسه سوف اوقع به بشر اعماله ..
عهود : مرات تجيبين اشياء ما ادري كيف تجيبينها ..
عنود : ماعرف كيف افهمك بالعربي لكن لا تضعفين اقباله ..
عهود : تتدرين وش قال ؟
عنود : واذا قال ..؟ الرجال صار عنده حرمه من اختار غيري سأحرق قلبه بي ..
عهود عجبها كلام العنود : والله رغم اللي فيني الا كلامك درر اليوم ..
عنود بضحكه : قومي لا تجلسين هنا سمعتهم اوصو عمي مجبل .. وغير هذا بنات خالتي منيره وشريفه ..
عهود : الله وناسه دام خالاتي هنا الوضع بيكون تمام ..
عنود : ليه طيب ؟
عهود تقرب من الكرسي الطعام وتجلس ولا كانها عهود المتالمه ومتحطمه من مشعل : الانه اذا جلست امي مع حريم عماني لتشب حريقه ويمكن تنطفي ويمكن لا ..
عنود : سلامات ليه ؟؟
عهود : احسن مافيك تقولين كل كلمه والثانيه سلامات الله يقطع عمر اللي علمك هذي الكلمه ترا عندنا كلمات كثيره دوري غير سلامات ..
عنود : طيب قوليلي السالفه ولا تدققي ..
عهود : بقولك طال الله في عمرك .. هذي الجميع معهم ماضي مع امي يعني مافي بيت خليجي لا يخلوا من هذي المشاكل يمكن يهيئ لك انه مافي مشاكل بس مافي بيت لا يخلوا منها ... وكان بالقديم مشاكل بيت واحد وحقد كبر مع السنين والايام .. وكبر زياده مني ومن اختي جواهر هههههههه

عنود : كيف يعني كبر هو ماهو انسان يكبر ..
عهود : لا قصدي كبرت الخواطر اللي بداخلنا بالاول بسالفة جواهر وطلال وزوجة طلاال الثانيه يعني موامره كيد على اختي والحين ام يوسف لما طلقوني من ولدهم وهذا حقد بين الحريم والرجاجيل يحاولون قد ما يقدرون يصلحون المكسور وللاسف نسوا انه كل مكسور لا يرجع ولا ينجبر زي قبل ...
العنود : طيب خلينا نمشي قبل لا يرتفع ضغط امي ..
العهود : يالله والله يصبرنا على شوفتهم ..
العنود : اهم شي لا تحطين عينك بعينهم الانه هذي اهم نقطه يدل انك ضعفتي اقبالهم ..
العهود : ومن المجنون نستفيد ..
العنود بضحكه : كلنا مجانين هههههه..
العهود : ههههههه يالله يالله خليني احمل معك الحلا ذا ..
العنود : لا والله انا اسويه وانتي اللي تقدمينه بيضنونه انتي الي تعبتي عليه ..
العهود : ههههههههه طيب طيب خففتي علي الحمل
تشيل المعالق والصحون ..
العنود : ههههه امشي امشي الله يهديك ويصلحك ..
العهود : ههههههه بدينا بتقليد كلمات امي هههههههه عنود يرحم امك لا تقلدين كل الكلام كل جيل له اسلوبه وكلماته يعني دققي في ترجمتي وبس ..
العنود : بس بس ذليتيني هههههههههه ..
تمسك الحلا واحد بيمينها والثاني بسيارها.. وتمشي على كعب اصبع وشكله يجنن كبير الامام والخلف صاير ضعيف .. ومن جدام عليه فيونكه ورديه .وكله اسود .. ولابسه عليه كانه مديل غربي قديم نص الثوب القصير لونه وردي ومن فوق مضموم بجسمها باكمام طويله فلور لونه اسود .. يجنن عليها واحده شعرها بف من جدام وذيل حصان من الخلف .. والمكياج حاطه خطط الستينات .. وحمره ورديه باربي .. كان شكلها يجنن رغم بساطته والبس يوحي للحين على انها متطبعه للغرب ..
تمشي بخطوات رزينه وابتسامه التفاؤل رغم الخوف والكلام الي خوفتها عهود فيه .. على امل انها تناظر المجتمع اللي فيه بتفاؤل غير عن الكلام .. الانها اول مره بتجلس مع عمانها وحريمهم كلهم لمدة ثلاث ايام .. يعني بتصير احداث تحاول انها ما تغير او تندم على تعاملها معهم ..
وترجع اللي تقدر عليه كان هذا طموحها تغير نظرت الكل كما تغيرت نظرتها عن المجتمع الذي تعيشه ..

تمشي وخلفها عهود تطنز عليها بمشيتها وكيف ماسكه الحلويات والعنود تبتسم من غير ما تلتفت للخلف ..
واول ما ادخل المجلس انصدمت بكمية البشر الموجودين ماتوقعت انه كل ذولا حريم .. الا صوت ام مشاري ..
ميثه : تعالي يالعنود حطي الحلا هنا ..
الكل يهمس باسمها ويتساسرون : هذي العنود ..,ــ تغيرت كثير .,,ـ تهبل __ للحين ما تتكلم عربي ..

كانت هي اهم الهمسات اللي قدرت انها تسمعها ..
قربت من امها ووضعت الحلا بالطاوله ومشت بخطوات واثقه جدام الحضور وهي تسلم ..
اول الجالسين من اليسار ..
خالتها منيره ام احمد : هلا وغلا والله بالزين ..
تبتسم العنود : هلا وغلا بخالتي وحبيبتي ..
منيره : كيف حالك يابعدي ..
عنود : بخير الله يسلمك يالغاليه ..
منيره : دوم ان شاءالله ..
عنود تمشي وتتابع الا تشوف وحده من حريم عمانها بس ما تتذكر اسمها ..
ام شاهين : هلا ولله بالعنود كيف حالك ..
العنود تبتسم : تمام والحمدلله ..
ام شاهين : ماشاءالله ياحلوك ..
العنود : تسلمين ...
ام مشاري : العنود ذي مرت عمك راشد ام شاهين ..
العنود : هلا والله اعذريني والله ماعاد اركز بالاسماء ...
ام شاهين : عادي فديتك ماشاءالله عليك ماشاءالله ..
وتمشي العنود للحرمه الثانيه اللي العهود تتمنى انها ما تسلم ولا تعبرها بس العنود ابتسمت وسلمت عليها ..
العنود : هلا ام يوسف ..
ام يوسف : هلا بالعنود كيف حالك ..
العنود : تمام والحمدالله ..
وتمشي لبنتها نوف وتسلم عليها عادي وتمر ندى وتمر عليها وتسلم على خالتها شريفه وبعدها ام ضاري اللي جت متاخره ومعها وفاء مرت ضاري ...
ومع بداية الجلسه سوالف خفيفه وكيف الحال ..
مع شويت همسات وانحيزات .. كان المجلس كبييير وفي بنات وحريم وحتى بزران ..

نوف : ندى ..
تلتفت لها ندى اللي كانت تسوالف مع وفاء زوجة ضاري وبنات عمهم الثانيات ..
ندى : هلا .
نوف : هذي العنود بنت عمي عاشت بامريكيا 21 سنه تعرفين انها كانت مخطوفه وتوها قبل سنتين ونص ارجعت لنا ..
ندى : ذي اللي عاشت بأمريكيا 21 سنه ..واكتبو عنها بالجرايد
نوف : ايوه ذي اللي اخطفوها امريكين ..
ندى : ما توقعت انها تقرب لكم ..
نوف : اخت العهود ..
ندى : ماشاءالله تتكلم العربي عدل اللي مثلها مكسر كلامها ..
نوف : تراها فيها حالة نفسيه تتعالج ..
ندى بشهقه : يعني مجنونه ..
نوف : لا ماهي مجنونه بس من اللي شافته من الغربه ويقولون كان يعذبونها تعذيب وغير هذا كانت بالاستخبارت الامريكيا اللي سمعته يقولون الحين عندها ملايين ..
ندى : اوف ملايين من الامريكيين ليه بالله ..
نوف : كانت تشتغل بالاستخبارات وبعدها المجرم اعدوا علييه وقبل لا يعدمونه عطاها ثروته ..
وغير التعويض من الامريكين طول هالسنين الانه كذبوا عليهم بانه بنتهم ميته سالفتها سالفه ..
ندى : احلى من العهود ..
نوف تشوفها بنص عين : ههههه احلى تشوفينها الانه بعينك عهود كانت زوجة مشعل ..
ندى بغرور : الاني كسبته انا وخسرت هي ..

كانت هذي الكلمات طاحت في صميم اذن العهود اللي كانت جسدها وكلامها لجميع البنات واذنها طايحه على ندى ونوف ..

عهود بصوت عالي : بنات باركولي بعد شهر بكون الدكتوره عهود عادل ال*** والكل بيحسب لي الف حساب .. بنات علشانكم صديقاتي مجانا وتلتفت لنوف وندى .. وعشانكم خصم 50 بالميه خصم لا تستحون تعالوا ..
نوف والغيض بدا دخل بقلبها : ساعتها بكون مثلك دكتوره حبيبتي ..
عهود بضحكه : هههههههه اذا تخرجتي حبيبتي نسيتي انك تاخذين مراجعاتك وكل كتبك مني . والا اللي مثلك ما يدخل طب
نوف بقهر واستفزتها العهود : شايفه نفسك كثيررر
عهود بضحكه اكبر بضحكة انتصار : بنت اكبر دكتور جراحة قلب الدكتور عادل ويحق لي افتخر واعتز ..
ندى : وش تفتخرين فيه بشهاده وباسم ههههه والكل عارف من انتي وسمعتك مشهوره ..
عهود ما قدرت تستحمل كلام ندى وهجومها عليها وعارفه وش تقصد ندى بكلامها لكن حبت تتاكد اكثر : نعم نعم وش قصدك ..
ندى تهز كتفها : انتي اعرف بنفسك وشرفك ..
هنا عهود ما قدرت تمسك نفسها من الشياطين اللي تنقز براسها .. اكيد الخبل مشعل قال لها هنا اكرهته اكثر واكثر واكثر ...
عهود : نعم احترمي نفسك من تكونين انتي تتكلمين عن شرفي واذا سمعتي احب اصحح لك معلوماتك انا اشرف من شرفك وسمعتي عال العال لكن ناس بعد ما تشوف النعمه تدوسها وتتكلم كلام ماله بالاساس .. ويكون بعلمك لو اني مسويه شي ما شفتيني للحين حيه ..
وتلتفت لنوف وكلها ياس : خساره بانها كانت موجوده وما بررت لهم باني انقى من القطن الابيض .. واكثر شخصيه تعرف تفاصيل حياتي ..

تقاطعها ندى بضحكه : هههههه اكيد من الحره اللي بقلبك ماعندك كلام تقولينه اصلا الناس كلها تعرف وش سواتك العميا ..
عهود وبصوت مرتفع وتقرب كثير من ندى وبلا شعور : احترمي نفسك واذا الخبل مشعل قالك كلام ما احب اصححه لك بكره الايام بتبين لكم ..كيفك دام ربي شاهد بالنوايا وامي وابوي عارفين وش صار لي ماهمني نظرة البشر كلها لو كانت ضدي ..

وتعطي نظره لنوف اللي جالسه ساكته .. وندى تبتسم ..
وعهود تهز راسها وتنفس بقوى : الله يسامح من كان السبب .. كان عارف وش صار بس ناس تخاف تحكي على احساب غيرها ...


عنود تبي تهدي الموقف : بنات وش رايكم نتمشى برا الجو رووعه ..
عهود : العنود (وتلتفت لبنات خالتها ) خلنا نمشي هنا ناس تجيب المرض ..
وتعطيهم ظهرها وتمشي ..
العنود تتوجه للندى وتكلمها بالانقليزي الانها ما تحسن التعبير بالعربي : لا تقذف الا الشجره المثمره ياعزيزتي وكل ما لديك ليس الا رجل عاشق انثى غيرك وملكتي بقايا رجل محطم ولكن ارجوا ان تتمسكي به قبل ان يعود لقلب عشيقته الاني ارى انضارالاشتياق بعينه تعود بعد ما حطم قلبها .. ولا تفتخري كثيرا بما لديك من للسان سليط كل شيء طويل سينكسر يوما او يقع فنصيحه مني وتقبليها لا تنظري للاعلى فقط تسقطين يوما ..

تتركها مع نوف المصدومه من كلام العنود ..
ندى تناديها باخر لحضه : ما يهمني من اواجهه المهم اني رابحه الشي الكثير ..
العنود تبتسم بالانقليزي : لا تعجبني الابتسامه بالبدايه فالنهايه محطمه بالتاكيد والخسائر ستكون محطمه لتوقعاتك من يعلم ..

نوف : العنود بس خلاص بنجلس ثلاث ايام حرب ونظرات كرهه خلاص السالفه انتهت..
العنود : انتهت كذا بسهوله تقولينها ..!! اللي يحترق غير اللي يشوف النار تاكل كل شي ولا يسوي أي شي اقباله هذي انتي للاسف يانوف شفتي فعل العهود كارثه وخطيئه لن يغفرها الزمن ونسيتي بانه الله غفور رحيم .. وما ذنبك بانه البشر لا تسامح وخالقهم يسامح مع اني ماعرف بالاسلام الا الاشياء الاساسيه ومنك المفروض نتعلم حسن التعامل بالاسلام لكن ما قول الا الله يغفر لك ..
ندى : هههههههه بصراحه ضحكتني بنت عمك الاجنبيه ..
العنود تعطي نظره بارده لنوف وندى .. تتجاهلها العنود من غير ما تبدي رايها وتطلع مع اختها والبنات بالحديقه ...
0000000000000000
بـ اجمل حلى وبـ اجمل اطلاله لابسه نفنوف قصير لونه تايغر بني وعليه شريطه حمررره والنفنوف كان قصته من الصدر كات وشعرها مسويته مموج لونه احمر قمر رديني وعليه شريطه حمرا وكعب لونه احمر والاظافر حمرا والحمره هم لونها حمرا كانت مثل الجمر الملتهب بجمالها ولبسها .. وعطرها اللي بخرت البيت منه ..
بعد ما نومت اعيالها الساعه وحده الظهر وطلبت غدا وحطته بغرفتها النوم .. وصرفت الخدامه ..
جلست على اول كنبه من جناحها تنتظره .يقبل عليها بشوق ولهفه ..وكلها امل بحضنه وانفاسه ..

كانت الدقايق طويله والثواني اطول
الا ثواني والباب ينفتح بشويش ..
جواهر : الحمدلله على سلامتك يالغالي ..
طلال بصدمه : جواهر ..
جواهر : ههههههه ايه جواهر ياعيون جواهر ..
طلال : وش هالزين وش الجمال ..
جواهر بخجل : وش رايك ..( تدور حولين نفسها )
طلال : نحفانه كثير وجسمك يجنن اموت على الخصر والطول ..
جواهر : بس طلال استحي ,,
طلال : وش قلت ترا بعدي ما تكلمت يعني انتي قلتي وش رايك وقلت رايي .. ويقرب منها ويحاوط خصرها ويقرب منها ويعطيها بوسه على الخد ..
جواهر : لالا مو قبل ما تتغدى ..
طلال : بعد اتغدى مافيني صبر ..
جواهر : العدا بيجيا الى هنا ..
طلال يلتفت : وينهم اعيالنا ..
جواهر بضحكه : نومتهم كلهم ..
طلال بصدمه : يو وش سويتي باعيالي غريبه الكل ينام مع بعض ..
جواهر : ههههههه حطيت لهم دواء زيرتك ونامو ..
طلال : وش المناسبه ياحلو كان خبرتيني وجبت معي ورد احمر على الجو الجمر اللي حرقتيني فيه ..
جواهر بضحكه والوناسه ماهي شايلتها : علشانك وبس قررت اني احتفل كل يوم مو بس اليوم ..
طلال : لالا اكيد في سبب ..
جواهر تضمه : احس اني مقصره معك بالفترى الاخيره ولا ابيك تتضايق مني اعرف اهملتك بسبب مرض جهاد واياد تعرف حراره واسنان وغير هذا غيرت ليان .. وانت طفلي الاول ولازم ما اخليك ناقص عن اهتمامي ..
طلال بعياره : ايه والله محتاج حنانك وطيبتك وجمالك اللي اذوب منه ياحلالي ..
جواهر تضربه بالكتف خفيف : بسسس عاد يالله بروح حط الغدا ..
طلال : وش مسويه لنا ياحلو..
جواهر : كل شي مطعم بخليك ما تتحرك ابد ..
طلال بغمزه : وش رايك نبدي بالرياضه وبعدها بالاكل ..
جواهر : طلوولي ...
طلال : خلاص شورك وامري لله وكيف باكل وانتي اقبالي صدقيني بشتهيك اكثر من الاكل ..
جواهر بدلع وغنج : طلي .
طلال : ياعيوووونه وخدوده ومصارينه ..
جواهر تعفس وجها : وش مصارينه هااا بقوم قبل لا تقط خيط وخيط ..
طلال : ههههههههههههه عجلي تراني جوعاااااااان مرررره ..
جواهر افهمته : ههههههههههههه طيب طيب ..

وبعد ما عدل السفره والاكل جلسوا يتغدون ..
طلال : جواهر
جواهر ترفع راسها : سم ياقلبها وروحها ..
طلال : ليه مارحتي مع اهلي للمزارع لاهلك جهاد واياد الحمدلله تقولين راحت الحراره منهم ..
جواهر : هو سال والا استفسار .؟
طلال : بصراحه الاثنين ..
جواهر : ما ابغى الا انت ابغى اعيش معك بكل حالاتك ابي كون معك لوحدنا بهذا البيت من غير اهلك ولا اهلي .. ما ابغى افارقك دقيقه .. ما ابغى مشاكلي باهلي واهلك تاكثر علي وعليك ما ابغى بدنيتي احد سواك .. لو اقدر اخلي لنا كوكب محدن يوصله والله لسويها انت ما تدري ياطلال ما ابغى أي احد يشوف عيونك ويشوفك غيري انا يمكن اكون طماعه بس يحق لي انت لي وانا حلالك وما ابغى غيرك ..
طلال يقرب منها وما يفصل بينهم الا انشات بسيطه .. : وانا ما ابغى غيرك لا تفكرين كثير اخاف عليك من التفكير في يوم يجننك ..
جواهر : انت جننتني وانتهيت ..
طلال : ههههه ياحبني لك ..
جواهر تنزل راسها خجل من لمست طلال يدينه خدوها وانفاسه الحاره : طلال احبك
طلال : وانا اعششقك
جواهر : ربي لا يحرمني منك ..
طلال يقرب منها اكثر ويهمس باذنها : ولا منك .. ويخمها ويحضنها ويدغدغها فوق ضحكاتها وضحكاته ..

  بعد ما انتهى الغدا بالمزرعه الحريم الكبار راحو يقيلون والبنات على حسب من ترتاح معه تجلس معها ..
العنود جالسه عند البركه وما عليها طرحه او جلال على ظل شجره كبيره تحميها من الشمس كانت تشوف المزرعه وهي تبتسم .. ماهي متخيله بانه بتجتمع باهلها بيوم ..
تلعب برجولها بالماي جالسه بروحها ما تبغى تختلط بالجو المشحون .. طول عمرها عاشت وحيده حست بانها مشتاقه للوحده كثير ومشتاقه للهدوء وبعيد عن جو المشاكل والشحنات تمنت تكون جواهر موجوده حست بانه جواهر دايم تفهمها وانه عهود متسرعه وانفعاليه .. تسرح بارض الله وتفكر كيف تغير حالها كثير وكيف قدرت تحقق التغير ..
وكيف كانت ووين اوصلت ..انجازات افرحت لها وبنفس الوقت ما اعجبتها الحال .. امسكت جوالها بعد ما تذكرت الماضي وتذكرت اشخاص سعوا لتغيرها .. ابتسمت لمجرد ذكر اسمه على ذاكرتها .. فحبت تتصل عليه وتسال عنه ..

اتصلت من غير تردد وهي تشوف الساعه مبتسمه لازعاجه .. من غير ما تحس بانه هناك شخص يراقبها لستغرابه تصرفاتها ...
بالانقليزي
العنود : مرحبا ياعزيزي اسفه لازعاجك ..
ديفيد مبتسم : ايتها المزعجه هل هناك شخص يتصل بالساعه الخامسه صباحا ..
العنود بضحكه : ههههههه انني اشتقت وما ذنبي اذا اشتقت ..
ديفيد : ايتها الشابه المتعجرفه ماالسبب الذي تذكرتينا به بعد طول غياب..
العنود : اشتقت اليك وفاحببت السؤال عنك ..
ديفيد : لا اظن بانك اشتقتي ..
العنود : بل اشتقت لم استطيع التاقلم هنا ياديفيد ..
ديفيد : لو تسمعك زوجتي لتشن الحرب من جديد من اجلي ..
العنود : ههههههههه زوجتك وهل عدة اليها اخيرا ظننت انك انفصلتما ..
ديفيد : الحب هو من يجمع ..
العنود : ولم اجده بعد ..
ديفيد : غريب ذالك مع انه حولك ويحيطك ..
العنود تتنفس ببطئ : ديفيد افهم ما يدور بتفكيرك ولن لن يكون ..
ديفيد : وهل هذا ما جعلك تتصلين بي بهذا الوقت وتزعجيني ..
العنود : بل الكثير تغير ولم استطيع تغيره ..
ديفيد : سبق وقلت لك بانك سوف تتواجهين امور لا تحبيها وسوف تقعين بها بلا جدوى ..
العنود : تمنيت ان تكون بجانبي ..
ديفيد : ماذا بالسابق تمنيتي العائله والاب والان لا تريدينهم .؟
العنود : بل للان اريدهم واعشقهم .. ولكنني لم اتاقلم لا استطيع ان اعيش بعالم مغلق لي ..
ديفيد : هكذا هم مجتمعك مغلق لا يحبون للنسا الخروج ..
العنود : ماذا افعل اعددت على سلوكيات وافعال بالسابق تريحني والان احسست باني بدائره مغلقه .. لا استطيع الخروج وحدي ولا استطيع التعلم الدراسات الانقليزيه يريدون مني التعلم العربيه لا استطيع حقا لا استطيع فانها صعبه للغايه ..
ديفيد : مازلتي باول سنتين ما بك هل ياستي بهذي السرعه وانتظري اين هو ناصر الم يكن هو ظلك الذي يعلمك بكل شي ..
العنود : كلا فقد انتهى من علاجي ولا استطيع رئيته ولا حتى مكالمته ياديفيد ..
ديفيد : ولماذا ..؟
العنود : من الان اصبح انسان لا استطيع مخاطبته وهو لا يريد مخاطبتي ..
ديفيد : وما الذي حصل ؟
العنود : لا اعلم ..
ديفيد : هل هو الذي جعلك تشتاقين الينا ..
العنود : لا اعلم ياديفيد ولكنني اشعر بالغربه وانا بموطني الذي اشتقت ان اقبل تربته ...
ديفيد : تحدثي قولي لي بكل ما يضايقك ياصغيرتي ..
العنود : لا استطيع ياديفيد احساسي بالاختناق يزداد ..
ديفيد يحاول يشغلها عن التفكير والضيقه : وكيف الجو لديكم سمعت بانه الجو لا يطاق من الحراره ..
العنود : ليست حرارة الجو فقط بل حرارة المشاكل تلتهب اكثر واكثر ..
ديفيد : ما بك ..
العنود : هل تعلم ما افكر به ...
ديفيد : بماذا ..
العنود : ان اعيش كما بالسابق وكلما اشتقت عدة الى هنا لا استطيع هنا الجو لا استطيع استلطافه ..
ديفيد : كلا يالعنود هذا الشعور باول سنوات سوف يعذبك وبعدها سوف تتاقلمين ..
العنود : احساسي بالغربه يقتلني وانا من هذي بلاد لا استطيع العيش بها ..
ديفيد : كلها سنوات ولا تستطيعين الابتعاد عنها ..
العنود : سياتي يوم وسوف تتفاجا بي اطرق باب شقتك ..
ديفيد : وهل تريدين زوجتي ان تقتلك ههههههههه
العنود بضحكه سحرت اللي يسمعها من غير ما تدري : اريد ان اقتل زوجتك الانها اخذت مني والدي العزيز الذي اشتقت اليه .. ديفيد هل تتذكر حفلة الشواء هههههههه التي جعلت زوجتك تحترق بنظراتي اليها هههههههههه
ديفيد : نعم اتذكر حين خدعتها باننني قد احببت فتاة اخرى ..وانتي اجدتي التمثيل ياعزيزتي باحتضانك لي وضحكاتك ..
العنود : هههههههههه لم انسى ذالك اليوم احببت حق احراق اعصابها ولكن يجب ان تشكرني لاني اعد اليك زوجتك وجعلتها لاتفارقك بذاك اليوم ..
ديفيد : هههههه وهل تتذكرين حين ذهبتي للويس واني معك عامل صيان تبريده جعلتيني معلق بين انابين التبريد يومها تجمدد واحسست بالموت يدغدغ اطرافي ..
العنود بضحكه هستريا : هعههههههههههه نعم نعم تذكرت حينها لويس تعجب من اختفاءك بغرفته وانت بانابيب التبريد تكشف الاوراق ههههههههههه( تضحك بقوة ) : ياللهي لم استطيع امساك نفسي من االضحك
ديفيد : هل تضحكين على مزعبلاتك ..
العنود مازالت متواصله بالضحك : كلا كلا ارجوك لا استطيع التوقف نسيان هذا الموقف صعب كل مره اتذكره ازداد ضحكا ..
ديفيد :هههههههه هل تتذكرين بيتر هههههههههه حينها كان وقت الفجر ننتظر وننتظره وهو واقف بجانبنا يضحك الانه لم نشاهده هو اسود اللون والظلام شديد العتمه وثيابه مثله سوداء هههه
العنود بضحكه هستيريا : نعم ولم نلاحظ الا طقم اسنانه الابيض حينها احسسنا بشبح بجانبنا هههههههههههههه ياللهي يا ديفيد لا استطيع الضحك اكثر كل ما اتذكر احسست بانه معدتي سوف تتقطع من المواقف الجميله ..

ديفيد : حقا انها مواقف مرعبه ولكنها جميله ..
العنود : هههههههه هل تتذكر حين نمت بين مقاعد الحديقه وانت وكارتر تاتون بثعبان لعبه ..
ديفيد : نعم اتذكر ههههههههه
العنود : كانت اوقات جميله حقا ..
ديفيد : ما سر الذكريات ؟.
العنود : لا اعلم ولكنني اعلم بانني مشتاقه ..
ديفيد : عزيزتي يجب ان اذهب فالوقت الجميل ينتهي بسرعه وانتي تعلمين مدى خطورت التاخر ..
العنود بابتسامه : حسنا يا والدي العزيز اعتني بنفسك وارجوك ان تبلغ سلامي الحار لـ كارتر وبيتر وشون ولهمدي ارجوك اتمنى ان يكون بخير ..
ديفيد : سوف ابلغهم تحياتك ..
العنود : فمان الله ..
ديفيد : هههه الى اللقاء ايتها الفتاة المسلمه ..
العنود بضحكه : الى اللقاء ..

تغفل الجوال وهي تضحك وتشوف المزرعه ووانشرااحها .. تبتسم لكلام ديفيد الانه الانسان الوحيد اللي حست بالابوه معه .. صحيح ما يجوز تكلمه لكن تعبره ابو مخلص ..وعمره ما شافها لدافع غايه او غريزه ..انتبهت بالصوت ..

.......: انتِ اكيد العنود ..
العنود تلف له وهي مستغربه من الشخص ونست انه ماعليها جلال : منو انت ..
......: قريب لك ..
العنود انتهبت ع نظراته وتلف تبي جلال او شي يغطيها : لو سمحت ابعد نظراتك نسيت جلالي ..
.......: يرمي شماغه عليها : خذي وغطي نفسك وبعد ما توصلين للبيت لك حرية انك ترجعينه او لا ..
العنود تلف نفسها وريحة بخور بالشماغ مو طبيعيه حست معتقه ببخور غالي : منو انت ..
......: وش اللي ماعجبك بالديره يالعنود اسف الاني سمعت كلامك مع اللي تسوالفين معه ما ادري انتي تفهميني او لا ..
العنود : افهمك واعرف وش تقول لكن شي خاص وما احب الافصاح عنه .. واظن انه تصرفك ماهو زين علشان تراقبني ..
........: الاني بصراحه استغربت انك تبغين ترجعين لديره اللي ضيعتك من اهلك ..

توقف العنود : اظن انه مو من شغلك تسالني ..
..........: يمكن لي شغل الاني بخطبك من ابوك الانه بصراحه عاجبتني ..
انصدمت وكانه صاعقه عليها نزلت : وشهووو ..
...........: مع انه كلامك يوحي بانك تحبين دكتورك بس بنت عمي ولازم استرك ..
العنود : وليه شايفني ضايعه او اني تصرفت تصرف خرب سمعت العايله ..
..........يقرب منها : لا الاني ابغاك تتعلمين اشياء حلو مني من ثواني بس قررت اغير نظرتك بالبشر هنا واخليك تعشقين الدوله ويمكن تعشقيني معهم .. والولد يستر على بنت عمه وهذا طبعنا الولد لبنت عمه والبنت لولد عمها ..
العنود : وش الجاهليه اللي انت عايش بها مافي قانون يجبر الزواج بالقصب ..
.........: بنشف يالعنود ..
العنود : انتظر بعدي ماعرفتك ..
..........يبتسم بشكل وسيم.: يمكن ماتعرفين اسمي لكن بتعرفين شكلي وراح اغير حياتك يالعنود
..

العنود منقهره من كلامه واسلوبه . تبي تكمل معه بس تركها وهو يضحك
اخذت نفسها وراحت جري لاهلها
اوصلت وهي تاخذ نفس عميق ..
غدير : وش فيك يالعنود ..
العنود : غدير في واحد هناك ماعرفه لكن كلامه غريب ..
غدير تطلع راسها من الدريشه : وين وين يالعنود ..
العنود : ما ادري وين راح بس كلامه ينرفز الواحد ويرفع ضغطه ..
غدير : وش قال لك
العنود : المشكله اني بعرف كيف سمع كلامي .ز
غدير بستغراب : وش الكلام مافهمت ..
العنود : كنت اكلم شخص عزيز علي بامريكا وحبيت اسلم عليه ودار ببيننا حديث والاخ طلع يتسمع ويعلق وكررت عليه وش اسمك ومارد علي حذف شماغه وقال بنت عمي وبسترك والبنت لولد عمها .. أي جاهليه يتكلم هو مافي زواج اجباري ..
غدير ضحكت : ههههه والله وطلع لك عشااق يالعنود ..
العنود : اووص لا يسمعك ابوي وساعتها بيضربني ضرب ..
غدير : طيب وش بتسوين بالشماغ ..
العنود : ما اعرف وش اسوي فيه قالي ياحتفظي به او ارميه ..
غدير : عطينيااه انا بتصرف فيه ...
العنود : وش بتسوين ..
غدير : تبغين تعرفين منو صاحبه ..
العنود : ايوه تكفين متلهقه اعرف المغرور ..
غدير : طيب اصبري شوي ..
وتتصل على مشاري وتقوله تعال بساحة الطبخ ..
وثواني الا وهو مشاري عندهم ..
مشاري : خير ياغدير ؟؟
غدير : خير بوجهك يابو نواف بس العنود شافت هذا الشماغ طايح بالطريق قالت اكيد لواحد من الرجاجيل قلت لها بشوف من له اكيد دخل عليكم واحد من غير شماغ ..
مشاري وهو يتذكر : ايه صح دخل شاهين من غير شماغ يقول ما يدري وين طاح شماغه ..
غدير بصدمه : شاهيــــــــــن ..
العنود تشوف الغدير بستغراب وتسال : ومن شاهين ذا ؟
مشاري : ولد عمي
العنود : امه ام شاهين ..
غدير تلفت لها : ايوه هي ..
العنود : ناقصين مشاكل حنا ..
مشاري مافهم : وش تقولين أي مشاكل ..
غدير حلتها : ههههههه قصدها مشاكل بانه العنود شافت الشماغ طايح خافت احد يسبب لها مشكله ..
مشاري : لا تخافين هو بنفسه يقول مايدري وين طااح ..
غدير : طيب اخذه ورجعه له ..
مشاري : طيب عطيني ايااه ..
غدير تعطيه له ويروح مشاري وهو مستغرب من زوجته ومن اخته ..
العنود : ومن يطلع شاهين ذا يااربي والله ما حبيته ولا استحسنته ..
غدير بضحكه : هذا مهندس بترول ..
العنود : واذا يعني ..
غدير : مطلق زوجته من سنتين وما تزوج ..
العنود بفضول : وليه ما تزوج مع انه وسيم ..
غدير بضحكه : حبيتي وسامته ؟
العنود : وااع مالق ..
غدير بضحكه : وليه تسالين دامه ما همك ..
العنود : استغرب انه ما تزوج للحين ..
غدير : كره معشر النساء على قول امه ..
العنود : ما الومه بصراحه هنا الحريم يقهرون الواحد ..
غدير تجلس رجل على رجل وتبتسم : وش اللي ما يعجبك فينا يا ست العنود ..
على كلامها تدخل العهود وهي تتحلطم ..
العهود : تكفون خلوني اقتلها تكفووون ..
غدير : وش مشكلتك بعد انتي الثانيه ..
العهود : ليه العنود عندها مشكله ..
العنود : خليني من مشكلتي وقوليلي وش فيك ..
العهود : مشعل يلحقني وغير هذا جوالي ما سكت من المسجات ..
غدير مستغربه : وش اللي رجعه ؟
العهود : ما اعرف لكن مسجاته كلها ندم وحسره ..
غدير : ههههههه الانه شاف وقارن بصراحه انتي اجمل منها وذي ام لسان الله يعينه عليها يستااهل لا تزعلين ياعهود بصراحه اللي مثله يستاهل اكثر من جزااه ..
عنود : ههههههههههه يعني ندم شي حلو خليه يحترق لين يتفحم ..
عهود : وندى هذي والله لو يحللونها والله حلال ذبحها ياختي من تجلس والجلسه تلوع الكبد ..
عنود : امي وينها ما شفتها اليوم ..
غدير : عند حماتي ..
عهود : قصدك خالاتي ..
غدير : وش ذنبي اني بنت خالكم ..
عنود : للحين مافهمت العايله وتسلسلها من العقد ..
عهود : خليك انتي لوحدك يبيلك اعادة برمجه ..
غدير : جواهر ماهي مسيره علينا ؟؟
عهود : ما اظن اعيالها مرضا ..
غدير : لها وحشه ..
عنود : ايه والله وحشتني كثيييييير ..

00000000000000
عند الرجاجيل يدخل مشاري وبيده الشمااغ ..
شاهين استغرب انه الشماغ بيده يعني الخبله قالت لاخوها اكيد ..
مشاري يقرب منه وهو يبتسم : لقوا شماغك والله انه حلال ..
شاهين : كويس وين لقيته انا دورته ..
مشاري : الاهل لقووا وقلت اكيد لك ..
شاهين : وانت قلت انه لي ؟
مشاري بتعجب : ايه قلت انه لك الانك تدوره وشكرتهم عنك ..
شاهين سرح بينه وبين نفسه : ااخ يعني عرفت منو انا ..طيب يالعنود دوااك عندي يابنت عمي اذا ما طيحتك فيني ما اكون شاهين ..كل هالجمال والطوول عندي وانا ياغفلين لكم الله .. بس لازم اعلمها وش يعني السعوديه والبنت السعوديه والعنصريه بالبلد ..

يبتسم وهو يلبس شماغه و يشم ريحة الطبخ فيه واستاذن بانه الشماغ فيه ريحه وحاب انه يغسله على عذر انه يشوفها او يتحرش بها ...
[COLOR="darkred"]
انتهاء الجزء ال25 على امل اللقاء بكم بالبارت 26 ..