رواية أعد لي هويتي الفصل السابع عشر 17 - بقلم ss4a4ss

الــــبـــــــارت الـــسابع عشـــــــــر
00000000000000000000
السقف ينزف فوق رأسي
والجدار يئن من هول المطر
وأنا غريق بين أحزاني تطاردني الشوارع للأزقة .. للحفر !
في الوجه أطياف من الماضي
وفي العينين نامت كل أشباح السهر
والثوب يفضحني وحول يدي قيد لست أذكر عمرهُ
لكنه كل العمر

فاروق
00000000000000
الساعه 2 ونص الظهر
توها تدخل البيت.... ومعها كذا كتاب وكشكول وحقيبتها .. ومن الحر تتافف .. وتسحب عبايتها من خلفها .. الا تسمع ..
ام ضاري : وكيف كذا يا صالح من بعد 20 سنه ترجع لهم ..
ابو ضاري : لا 21 سنه سبحان الله كيف رجعها بعد السنين كلها ..
ام ضاري : وكيف وشلون ..؟
هند تدخل وتحط كتبها على الكنبه ..
هند : وش السالفه ياعمه ..؟
ام ضاري : تعالي اجلسي وشوفي القدر سبحان الله رجعها لاهلها بعد 21 سنه ..
ابو ضاري : ترا بكره انتي معزومه بـ بيت اخوي عندهم عشا ..
هند : وش تقصد عمتي .
ابو ضاري : العشا بكره رجوع بنت اخوي لاهلها بعد 21 سنه كانت مخطوفه وهي عمرها 4 سنوات ..
هند : ماشاءالله الحمدلله على سلامتها وكيف ارجعت لهم ومن اللي خطفها ..؟
ام ضاري : اللي اتذكر انه ابوها يدرس في امريكيا مناقشه دكتوراه وهو يدرس هناك انخطفت بنته وجنت زوجته وما لقوها والحين سبحان الله ارجعت لهم كيف او اشلون اسالي عمك ..
هند : الا قلي ياعمي كيف لقوها بعد السنين ذي كلها ..؟
ابو ضاري : والله وانا عمك اتصل علي اخوي ابو مشاري وقالي عازم ناس على الغدا .. طبعا عزمني انا وخواني كلهم ..
هند تقاطعه : ابو مشاري هو نفسه ابو جواهر صح .؟
ام ضاري : ايوه هو نفسه ..
هند : ايه عمي كمل اسفه قطعتك ..
ابو ضاري : لا من حقك تسالين لانك بعدك ما تعرفينهم .. ايه وقال لنا تعالوا الاني عازم رجال ولما وصلنا لبيته قال لنا القصه وانه الرجال اللي عازمه هو دكتورها اللي يعالجها وهو بنفسه اللي دور على اهلها وجابها لاهلها ..
هند : ماشااءالله بس دكتور شنو وهو وش جنسيته ..
ابو ضاري : سعودي وشكل البنت ماهي بصاحية الانه دكتور نفسي يشتغل ,,
ام ضاري : يادفع البلا مجنونه يعني ؟

ابو ضاري : ماقال لي عادل مجنونه قالي تعبانه نفسيتها ولا ادري عنها ..
هند : انت ما شفتها ؟
ابو ضاري : قلت لهم بشوفها واسلم عليها قالي عادل اسمح لي البنت نايمه وتعبانه وقالي قريب بتشوفها باذن الله .. عاد انا قلت له القاعه علي ما تشوفين فرحته برجعت بنته ..
ام ضاري : لازم اليوم اروح لهم وبارك لهم على رجوعها ..
هند : بروح معاك يا عمه ..
ام ضاري : لا انتي اجلسي هنا مانبي مشاكل مع جواهر واهلها رايحين نبارك ونرجع ماراح نتاخر ..
هند : وانا ببارك لهم وبشوف اختها ..
ابو ضاري : لا انتي اجلسي مع وفاء زوجة ضاري وبكره باذن الله عندهم عشا كبير وبترحون له اكيد ..
هند : وفاء زوجة ضاري ما تجلس بالبيت وانا مليت من الجلسه اجي من الجامعه اجلس بحالي ..
ام ضاري تغمز عين لهند يعني بس .: هند خلاص ..
هند : استاذن بروح فوق ارتاح ..
ام ضاري : روحي ارتاحي ..
ابو ضاري : شوفي يا ام ضاري اذا رحتي لهم لا تجيبين طاري طلال وجواهر روحي باركي وبس .. مانبي مشاكل واذا فتحوا الموضوع قولي عسى الله يهديهم ويجمعهم وبس ما ابي مشاكل تسمعين ..!
ام ضاري : وش فيك قلبت علي انا بروح ابارك وبس حتى ما ارح اطول لو اعزموا علي بالعشا ..
ابو ضاري : حلو واذا جلستي مع جواهر بروحها حاولي تفهمينها وتقنعينها بيت زوجها احسن ..
وجيبي شي ليان لا تدخلين ويدك فاضيه..
ام ضاري : ابو ضاري لا تعلمني انا اعرف وش اجيب وش اسوي لا تصدع راسي ..
ابو ضاري : بس احذرك واعلمك علشان اذا صار شي لا تقولين ما قلت لك ..

اما هند ..بغرفتها ترمي الكتب على اقرب كنبه وتفصخ العبايه والشيله
وتنصدم بوجود طلال يتعبث بجواله ومنسدح على السرير ..

هند : السلام عليكم ..
طلال يوم من السرير : وصلتي
هند : يادوبي وصلت تبي شي ..
طلال : لا سلامتك بس حبيت اخبرك عند عمي بكره عشى ....
هند : طيب دوبها قالت لي عمتي
طلال : كويس لا حبيت اخبرك بس ..
هند : وانا بكره بروح للعشا ..
طلال : اكيد ابيك تباركين لزوجة عمي ..
هند : وجواهر اخاف تقتلني جدام الكل ..
طلال يسرح ويتذكر الرساله اللي طرشها مالقا منها رد وهو يشوف جواله : جواهر طيبه وماراح تسوي لك شي ولا تخافين ماتاكل لحوم ..
هند : اشوفك حنيت ؟
طلال : بنت عمي وام اعيالي كيف ما احن لها طول عمري وانا كنت اتمناها ماصدقت عيوني انها صارت لي .. والحين ( يتنهد ) الله يسامح من فرقنا ..
هند بعصبيه: تقصدني انا ما قصبتك على يدك وقلت تزوجني ولا قلت لك تخلى عن زوجتك ... او قطيت عمري عليك .. ولا كنت اساسا مخططه لك .. جينا على حسب انها زياره ولو ادري اني بكون لك في يوم من الايام لرميت نفسي بالطريق ولا لصق جسمي على جسمك .. انت رجال وشورك بيدك لا تخلي الظلم كله علي .. مثلك انا مظلومه وانجبرت قصبن علي .. واذا عن جواهر .. فهي ذلتك وش ذنبي انا ما تبيك ولا تبي قربك والدليل انك ترجيتها خلال اربع اشهر وجيتها كذا مره وغير الجوال والمسجات تحسبني ماعرف ياطلال عيوني مفتوحه لك وعارفه وش تفكر فيه .. انا انسانه انظلمت منك ومن اهلك .. واوجعتني كثير .. حسستني اني سلعه رخيصه مالها أي قيمه عندك .. لا تخليني ياطلال وتخسر الاثنين .. جواهر هي ما تباك ولا تبي شوفتك .. تقول انه كرامتها انهانت وانت رحت كذا مره تراضيها وغير الجاهيه اللي ارفضتها وفشلتكم وهي بالمستشفى .. وغيره وغيره ياطلال .. الى متى بتلحقها الى متى بتركض وراها وهي تصدك ..؟؟
بسالك انا وش قصرت معك علشان تجفيني .. كل الي بيدي سويته لك ما ابي علاقتنا تتحطم وتسبب مشاكل بين امك وابوي .. اذا جواهر ما اهتمت للعلاقه الاهل انا بهتم مابي النفوس تتعب .. هذي حياتنا ولا تدخل احد فيها وهذا حظها وهذا نصيبها ..وهي تبي تنفصل ياخي طلقها ..

بصوت رجولي خشن وغاضب يقرب منها من غير شعور يعطيها كف : طاااااااااخ
هند تمسك خدها ووتعطيه نص خدها وعيوها مصدومه ووتنهد بوجع : اااااااااااااه
طلال : اطلقها تحلمين تحلمين ياهند .. جواهر عيوني المركبه اخسر الكل لكن ما اخسرها صحيح عنيده لكن اعرف طيبة قلبها بتسامح وبترجع لي لكن اعترف اني غلط وماخبربتها باللي يدور حوليها وهي مغمضه ..
كنت جاهل كنت احسب انه الامور بتنحل بسهوله .. ما توقعت انها بتستمر بصعوبه (بصوت ارفع ويرفع اصبعه السبابه ) كللللل شي قوليه الا اني اطلقها تحلمين عشم ابليس بالجنه .. جواهر بتضل زوجتي وام اعيالي بخليها فترى احسبيها فترة نقاهه لها والا انا بعرف كيف بجيبها خليها ترتاح الانها قلب طلال واحساسه وحبه الاولي .. ومستحيل ياهند بشيله احددددد ..

هند : قولها قولها وريحني انك تكرهني الا تبقضني الاني نصحتك بانسانه باعتك خلتك تبكي وتنهان برافوا عليك وعليها بصدق صرتوا افلام هنديه كل واحد يكابر والثاني يترجى وينذل .. خسااره تحبها بجد خساره تحب انسانه باعتك هانتك ذلتك يا طلال وجدامك انسانه حبتك وانت ماعطيتها ربع احساس او شعور او نظره تعبرها بانه حق من حقوقك .. خافت تهز شعورك بكلمه تدور رضاك وانت اللي تجرحها بالكلام كل يوم واالثاني جواهر وجواهر يبا انت ماعندك قلب ما تحس تاخذ اللي تبيه وترميني على بحر .. خلني ارسى عليك خلني افهمك لو مره .. الحياة اخذ وعطا .. عطني القليل ماطلبت منك الكثر ياطلال ..

طلال يشوفها بعيونه ويشوف نظراته ودموعها وترجيه لها سكت ولا قدر ينطق .. حياته بيد جواهر وهو ما يقدر يعطيها موافقه انها تدخل عقله او قلبه .. كل شي بيدها وحبها هو وحده من ينطق لها .. يحس بانه قلبه يدافع عنها يحاول يهاجم كل من يوقف ضد جواهر ما يدري كيف يجي الكلام ويترتب لكل يعرف انه الكلام كان طالع من قلبه وكلامها مثل لوحه تحاول تلصقها فيني وما نفع صمغها بـ انه يضمد جرحي الدامي ..
من غير ما يتكلم وجه لها نظره واخذ مفاتيحه وطلع .. من غير شماغ من غير وعي .. كلامها بين الصح وبين الغلط .. محتار ضايع ماقدر يحدد موقفه هو متاكد انها تحبه وانه اللي تسويه تكابر وتدافع عن كرامتها وعن حقها اللي انسلب منها .. لكن هو بعد مجبور يعالجها ويستعمل غيابها وعنادها علشان خاطرها بس يطلقها مستحيل مستحيل ياطلال تسويها وياويلك تفلت من يدك ..
يدخل السياره ويفتحها ويجلس وهو متضايق ويفكر وين بيروح وين بتوديه اقدامه .. الا صوت الجوال يرن بمسج ..
جواهر ..(((
لاتقارني بغيري
تربط الناس بمصيري
انت اكثر شخص يفهم
اني ماني مثل غيري ))
يبتسم طلال لكلمات الاغنيه المفضله عنده وعند جواهر .. كانت دايم تردده له بانها تحبه ولا تفكر بقلب ثاني غيرها وكتب هالمسج
((أسأل عيونك حبيبي
وين تلقى مثل طيبي
ولا مثل احساس قلبي
يوم انادي يا حبيبي))
ابتسمت جواهر انه فهم قصدها وحبت ترسل البيت اللي بعده
((لا انا عندي قلب واحد
لو نويت اعشق يعاند
يعني راسه يا حبيبي
مايجيبه اي واحد))
فهم طلال وش تقصد وتالم لهذا البيت وحب يبرر حبه وارسل ..
((قلب حبيته و حبك
عذبه بالصد قلبك
قد مابيدك جرحته
ماسألته ليش حبك ؟؟))
جواهر وهي تعرف انه كلمات الاغنيه كثييير تربطها بواقعها اللي تعيشه وحبت ترسل له تكملت البيت ..
((لا كان قلبك حب ثاني
بكره تدور حناني
مايعوضك بغيابي
يا حبيبي شخص ثاني ))
((ماراااااااح اللقاء لو بـ موت جواهر حب ثاني يعوض حبك.. انا تعبان تكفين ردي مشتاق لك وعارف قلبك ابيض وماترضين طلي يبكي من ابعادك "تكفين" اقولها لك لا تعذبيني اكثر .. ))..
جواهر (( لا تقول تكفين انت ذبحتني والميت ما يرجع ياطلال ))
طلال : طلباتك ..؟
جواهر : انك تبعد وتسكر باب فتحناه ..
طلال : خليني اكلمك بالجوال ما ينفع مسجات..
جواهر : ما ينفع صوتك صار منكر بالنسبه لي ..
طلال : افااا انا منكر ياجواهر هذا اكثر شي صدمني فيك

جواهر : طلال شفت حبي لك انقلب كرهه الكل يكفر اني انانيه اني متكبره لكن المذبوح غير اللي ذبح .. واللي يشوف غير اللي يسمع .. الكل يتهموني الانك ترجيتني كثير ارجع .. بس انت طعنتني وجرحتني ومستحيل اتقبل صدمتك لي .. بعد الوعد ينقلب كل شي مجرد سراب ووعود خرافيه ..لا تلومني اذا صديت عنك كل واحد ياخذ جزاته ..

بعد مسج جواهر الاخير اتصل طلال ماقدر يستحمل كلامها الجارح ..
وتشيله جواهر وهي بغرفتها تتسطح على سريرها وترفع السماعه من غير ما تتكلم ..
طلال : اجل انا صوتي منكر .. وانا اللي طعنتك .. انتي مافكرتي في يوم امك وبطلباتتها انك تنفذينها وانه تحت اقدامها الجنه .. تبغيني اخسر امي واخسرك جواهر انا انسان ماني جماد او حيوان ما احس .. حتى الحيوان يحس لكن انتي اليوم اثبتي لي انك جماد تفكرين بنفسك ولا تفكرين باللي حولك .. اقولك احبك تقولين تطعني .. اقولك ارجعي تقولين كبريائي .. كبري عقلك ياجواهر .. هذي امي امي ياجواهر وتحت ارجولها جنه جنه ياجواهر واذا عن زواجي ماني متهني فيه واللي تسمينها غلطه كانت من فعايلك ايه من فعايلك الانك تركتيني وانا اترجاك ومافي رجال بيستحمل الحلال جدامه وهو ينتظر سراب مطعون .. اسمعي ياجواهر واخر كلام عندي تبين ترجعين ياهلا فيك وباي طلب تتطلبينه انا حاضر لكن تستمرين بعنادك اخذي راحتك اما طلاق انسي اطلقك .. وحياتك مربط بديني .. وانا خيرتك بترجعين ياهلا فيك بحطك فوق راسي واكثر من عيوني .. وانتي بيدك تقررين .. الامر انتي تعرفينه مو بيدي ولا بشوري .. لكن شي انجبرت عليه ان ما وقفتي معي من بيوقف لو ما احبك ما جبرت نفسي اتوسل لك وارضيك واجيك لبيتكم واطلب راضااك .. افهميني ياجواهر .. اشتريني قبل لا اضيع وانا اقولك للمليون اطلبي عيوني لو تبين بس لا تنسين انه طلال شاريك شاريك شاريك يا ام ليان .. وتكفين لا تحرميني من شوفتك وانتي تعرفين قلب طلال لمنوا ولاتخسريني ويربحني غيرك ..
لك اسبوع فكري فيه وان مالقيت رد بعرف انك على رايك واسمحيلي بيكون اخر كلام معك اليوم وطلاق ماراح اطلق .. وفكري في كلامي ياجواهر عدل طلال شاريك وما يبي غيرك ولو هنده حور الجنه ما تغنيه عن جواهر حبه الاول ..

سكت طلال وهو يبلع ريقه من كثر الكلام ولا يدري وش خربط من كلام بس تطمن انه كلامه ما اثار ردها : تسمعيني ياجواهر ..
جواهر : اسمعك
طلال : اسبوع ياجواهر فكري على راحتك وانتظر منك الرد ياقلب طلي يالله فمان الله....
جواهر : مع السلامه ..

طلال بعد ما غفله حظن جواله وهو مبسوط حس من ردها انها بتفكر وانه الفكره عاجبتها .. وابتسم لما سمع صوتها ارتاح شعور ما حسه الا بوجودها .. ما يبغى يضيعها قد ما يقدر يبي يتمسك فيها .. وشغل الاغنيه محمد عبدو وهو مبسووط
ابعتذر ... عن كل شيء ...
إلا الهوى .. ما للهوى عندي عذر ..
ابعتذر .. عن أي شي ..
إلا الجراح .. ما للجراح إلا الصبر ..
إن ضايقك اني على بابك أمرّ ...
ليلة ألم ... واني على دربك مشيت عمري وأنا
قلبي القدم ...
ابعتذر ... ابعتذر ... كلي ندم ...
عن كل شيء ... إلا الهوى ...
ما للهوى عندي عذر ...
ا تصدقي ... ما اخترت أنا أحبك ...
ما احدٍ يحب اللي يبي ...
سكنتي جروحي غصب ...
ياحبي المرّ ... العذب ...
ليت الهوى وانتي ... كذب ...
كان اعتذر لك عن هواي ...

جواهر بعد ما اغفل طلال السماعه طاحت دمعه حارقة خدها .. ما تدري هي دمعة اشتياق والا دمعة ندم والا دمعه حسره وقهر .. ماعرفت كيف تترجمها .. كلامه لها يذبح كانه يخيرها بـ الموت او الانتحار .. ضاعت مشاعرها .. اشتاقت لصوته ما تقدر تنكر مع كل حرف يطلع منه كانت بـ تقول احبك احبك احبك وانت حطمتني .. ماقدرت تقول في شي يمسك لسانها غصب يمسك انها ما تنفعل وتخرب كل شي .. ودها تقول ودي ارجع لاحضانك لكن جروحي عيت تسامحك .. وحشني صوتك وحشني صدرك وضمك ووحشني كل شي فيك وحشتني ايامنا ووضحكت مبسمك .. وحشني خيالك وصورتك حتى اسم طلي وحشني اقوله له .. وش فيك ياجواهر كانك اقتنعتي فيه وسلمتي عليه .. استقري ياجواهر استقري ... ماراح يطلقك لكن بيجبرك تعشين معها اكيد ..

تدخل عهود الغرفه وهي مستعجله وتكب الاغراض اللي شرتهم من السوق .. وهي تلهث من التعب وتدور لها ثياب علشان بتاخذ شور بعد ما خبرتها انه عمانهم وخوالهم بيزرونهم يباركون على سلامة العنود .. وما انتبهت لجواهر الي تمسح دموعها قبل لا تنتبه عليها العهود ..

عهود بصوت عالي : وين فوطة شعري وين ضيعتها الخبله " مينا " < اسم الخدامه
وتلتفت بالغرفه الا تنصدم بـ جواهر ..
عهود بصدمه : جواهر وش فيك شي ؟؟
جواهر : لا ياقلبي بس تعبت شوي ..
عهود : اخبر امي ..
جواهر : لا ياقلبي اجلسي لا تخبرين احد وتوترينهم ..
عهود : اجل وش فيك قوليلي فيك شي ..
جواهر بتنهد : اتصل طلال ..
عهود برتياح : اكيد هو اللي نزل دموعك ..؟
جواهر : قالي كلام ما اقدر ارد عليه وعطاني مهله اسبوع افكر فيها يا ارجع او اجلس ببيت اهلي معلقه ولا راح يطلقني لو شنو .. ويقول فكري ياترجعين لي خلال اسبوع او انسي اني اطلقك او اسال عنك ..
عهود : جواهر ياقلبي صحيح مالي علاقه بحياتك وهذا اللي علمنا ابوي عليه مالنا شغل بحياتك بس لو يصير لي هذا الموقف تدرين وش بسوي ..
جواهر بتوسل : ايه عفيه دليني وش بتسوين ..؟
عهود : والله والله وانا بنت عادل ما اخليها تتهنى فيه ليله وما اخليه يلمسها او يشوفها بقهرها علشان ما تفكر فيه دامني ضمنت الرجال يحبني ويركض وراي ويترجاني بجاهيه والله لروح معه الانه الامر مو بيده ياجواهر مثلك انصدم ..لو تسمعيني لو مره بس صدقيني بتعشين حياتك حلوه .. بكره بتزوج بتجلسين وحدك .. حتى العنود بيجي يوم وبتتزوج اكيد .. والكل بيتزوج بتجلسين لحالك ؟؟ صحيح انا اصغر منك بس كثير ناس يقولون ياما صغير عبقري وفطيم وفيه حكم ..
جواهر : لا تغترين الاني طلبت نصيحتك ..
عهود : هذا ما اسمه غرور هذي حكم قالها الفلاسفه .. المهم لا تضيعين الموضوع .. اذا بترجعين له اسمعي اللي بقوله لك واسمعيني عدل علشان بعدها قولي ما قالت عهود وتظمنين الرجال بكفك وبملعبك ..
جواهر : قولي يا عبقرية زمانك ..
عهود اسمعي ..... اطلبي بيت لك وبحالك لا شريك لك منها ترتاحين من بيت عمي ومن هند زوجته ومنها تظنين انه الرجال بين يدك اذا كان يحبك بتعرفين انه يجلس معاك .. واذا لا هو الخسران ياقلبي ضمنتي البيت واللي فيه ومايقدر يطلعك منه .. الانه على قولته ماراح يطلقك لو شنو ..
جواهر تضربها مع راسها :: والله وطلع فيك عقل وانا احسبه فاضي ..
عهود : ههههههههههه انتي لو تسمعين بعد بتطلع لك افكار وافكار ويمكن خطط سياسيه لغزو العالم ,,,

جواهر : ههههههههههههههههه ياحبني لك ..
الا تدخل عليهم العنود كانت لابسه بجامه لكن هذي المره من بجايم العهود .. الانه بجاماتها كلها فاسخه ..
العنود بابتسامه : مساء الخير ..
العهود بابتسامه : يامسا الفل والزعتر والزيتونه ..
جواهر بضحكه : تراها مسكينه ماتعرف عربي لا تجننينها ياعهود ..
العنود باستغراب : ما بكم ؟؟
جواهر : عهود تقول لك بالعربي مساء الخير والزعتر والزيتون انها تمسي عليك بطعام ..
عهود : يعني لازم تترجمين ادق التفاصيل ياختي قولي لها مساء الخير وبس ..
العنود : اريد تعلم العربيه .
جواهر : سوف تتعلمينها ياعزيزتي .. وبسرعه الانها سهله جدا ..
العنود : اتمنى ذالك حقا .. وتلتفت لعهود : اريد فستانا جميل ..
العهود : لا ياحبيبتي شفتيني راجعه من السوق تسرقين اغراضي انسي ياحبيبة امك ..
جواهر ماتتت من الضحك : بس تكفين ياعهود فيك خير قوليها بالانقليزي علشان تفهم ..
عهود : عادي اقولها : لا ياعزيزتي ليس لي ثوب جميل كل ثيابي لا تعجبك ..
جواهر مبلغه عيونها منصدمه من الترجمه اللي تغيرت ..
جواهر : تعالي معي انا من سوف البسك ثيابك ..
عهود : ولكن انتي حامل كيف لي ان ارتدي من ثيابك ؟؟
جواهر : هعهههه كلا قبل اربع اشهر فقط كنت ابدو كما انتي ولكن بعد الحمل بالتوام تضخم جسدي قليلا ..
عهود : اي خير شوي الا صرتي شكل دائري بروح انادي ليان علشان اعلمها الاشكال واول شكل هو الدائره والمربع وخليها تشوف بعينها امها ..
جواهر : جب جب وجع يوجع عدوينك قومي تروشي وساعدي امي ..
عهود : يافرقااا بيجونا ناس بعد اليوم شكلي باخذ اجازه اسبوع علشان الضيوف ..
جواهر : روحي قبل لا اعلم امي عليك ..
عهود : طيب طيب بس لا تحشين فيني ..
جواهر ترفع حواجبها : عند منو ؟
عهود : انت اختك اللي ماتعرف عربي .
جواهر : الحمدلله والشكر لك اقول اذلفي قبل لا اخلي ليان تطنزعليك ..
عهود : يالله رايحه تاخذ ملابسها واغراضها الجديده وتدخل الحمام مع استشوارها وادوات المكياج البسيطه ..

جواهر : تعالي معي ..
عنود بابتسامه : هل ستساعديني ..
جواهر : بالطبع انتي اختي ويجب علي اعطائك كل ما لدي من ثمين ..
عنود بابتسامه : جميله جدا الاخوه ..
جواهر تبتسم : هيا سوف افتح خزانتي ..
وتفتح الخزانه وتشوف فساتينها القديمه وتتذكر طلال كل فستان لها ذكرى معه .. وقفت سرحانه ..
العنود تمد يدها على فستان لونه تايغر عليه احزام بني قصير وعليه فتحه من الصدر تجنن ..
جواهر : هذا ارتديته خلال عيد زواجنا الثالث الانه كان هديه من زوجي,,
العنود : ها اسفه حقا.. لا اريد لك ذكرى مؤلمه ..
جواهر تطلع من الخزانه : انه سيبدو رائع عليك يا عزيزتي ..
العنود : هل انتي راضيه ..
جواهر بابتسامه : كل الرضا وغدا صباحا سوف نشتري لك كميه كبيره من الفساتين والملابس المناسبه لك .. ولكم يجب عليك اولا ياعزيزتي ان تتعلمي الصلاة كيف الان انتي اصبحتي مسلمه ..
العنود : حقا ارغب بشده تعلم الاسلام ..
جواهر : في الليل سوف اعلمك كل شي عن الاسلام وعن الصلاة ..ةولكن الان اجلس حتى ارتب شعرك واضع اللازم لعشا اليوم ..
العنود : ابي يقول لي انه سوف ياتي اسرة ابي ومع اسرة امي ..
جواهر : نعم ولن يطول الامر بهم سوف يغادرون بسرعه الانه غدا العشا الرئيسي لهم واليوم اتين حتى يباركون لابي وامي بعودتك ..
عنود : هل هم كبار بالسن ؟
جواهر : ليس كلهم بل البعض ..
عنود : كيف سيكون اسلوبي معهم ..؟
جواهر : كوني على طبيعتك .. سلمي لاخوة ابي بالخد والراس والنساء كما الرجال ولكن ربما يدخل احد غريب سوف اخبرك بان ترتدي ثيابك المحشمه وان لا تجلسي معهم ..الانهم ليسوا حرما لك ..
العنود : هذا ما قال لي ناصر عنه ليس كل من تعرفينهم تقبلينهم ..
جواهر : نعم صحيح ...هيا انتهيت من الميك اب ومن تسريح شعرك هيا البسي الفستان وتعطري من هذا العطر .. حسنا ,.
العنود : حسنا ..
جواهر : انا ساذهب لامي لراى ماذا تحتاج ..
العنود : لن ترتدي ؟
جواهر : هذي جلابيه واسعه ونظيفه لا احتاج لتزين .. الانني متعبه ياصغيرتي قليلا ,,
العنود بخوف : هل انادي امي ؟
جواهر : ههه كلا الم بالظهر فقط .. هيا اذهبي فهم على وصول ياصغيرتي ...
العنود بابتسامه : شكرا لك هل يسمح لي تقبيلك ..
جواهر بصده : ولماذا تقبليني ..
العنود : هههه الانني احببتك الانك طيبة القلب وساعديني كثير هذا اليوم ..
جواهر تقدم خدها : لا امانع بقبله ..
العنود تبوسها وتبتسم : شكرا لك ..
جواهر بضحكه : هيا اذهبي قبل ان اغضب عليك ....
العنود : الى الان لم ارى غضبك اشكر الرب على ذالك ..
جواهر : بل اشكري الله ياعزيزتي انتي الان مسلمه
العنود : اه نسيت بالفعل ..
جواهر : اياك ان تنسي وكما قلت لكِ في الليل سوف اسهر معك واخبرك ماذا ستقولين وتفعلين ..
العنود : متشوقه للدروس ..
جواهر : هيا اذهبي ياجميله فانتي اليوم ورده كل الانضار اليك ..
العنود : لن ابدوا اجمل منك ..
جواهر : كلا فقد ذبلت وكبر العمر بي ..
العنود تقرب منها وتضمها : بل انتي بغاية الجمال ولك عبق رائع (ترفع راسها لوجه اختها ) لا اريدك ان تذبلي فقد اذبل انا ايضا ..
جواهر بابتسامه بسيطه : مازلتي كما اعرف طيبه وتشاركين الكل باحزانهم ..
العنود بضحكه وصدمه : هل كنت هكذا من صغيري .؟؟
جواهر : كنتي تشاركينا الالعاب لا تحبين ان تلعبي بمفردك ..وحين يضربنا والدي كنا نحظن اجسادنا الصغيره ..
العنود : لا اتذكر شيئا ..
جواهر : ههه الانك صغيره وكان عمري 6 اعوام . هيا اذهبي ياعزيزتي قبل ان تغضب والدتي ...فانتي لم تريي غضبها بعد ..
العنود بابتسامه : سوف اذهب هيا اللى اللقاء .
جواهر : مع السلامه
تخرج العنود وتنزل تحت وتخرج العهود من الحمام تنشف شعرها بعد الحمام بالاستشوار ..
جواهر : نعيما ..
عهود : جميعا .. وين راحت ..؟
جواهر : اذا قصك العنود انزلت تحت بعد ما لبستها ..
عهود : ماراح تلبسين ..
جواهر : خلي لبسي لبكره المهم وش شريتي بهذي السرعه ..
عهود : الله وكيلك محل واحد شريت قطعتين منه وحده لي وحده للعنود وطلعت بسرعه ..
جواهر : وش شريتي لها ؟  

عهود تقرب من الاكياس : شوفي هذا لونه يجنن معه اكسسوراته وباقي بس كعب له وتذكرت انه عندي كعب بهذا اللون قلت بشوف اذا نفس قياسي بخليه تلبسه .. تعرفين مافي وقت بالمره نروح للسوق وعمر ناشب مثل عظم السمكه يالله يالله خلصي طولتي .. نشبه وش رايك بفستان العنود ؟؟؟

جواهر : رووووعه ماشاءالله ناعم وبنفس الوقت فخم ..
العهود : خليها تتفاجئ به بكره ..
جواهر : يالله تكشخي وانزلي انا بنزل ..
العهود : طيب
جواهر تاخذ جوالها وتنزل تحت على الردج الا تسمع صوت العالم تحت تسلم على العنود ..
واصواتهم كانت واضحه ...

ام يوسف: ماشاءالله تبارك الرحمن عليها ..
ام شاهين : لا فيها من جواهر كثير ..
ام ضاري تسمع سلمت على العنود بهدوء من غير ما تتكلم ..
وضحه عمتهم ام محمد : تقريبا هذا وجهها ماتغير من صغرها
نوال عمتهم ام سامي : اسم الله عليها الله يحفها والحمدلله على سلامتها
شريفه ام هادي .خالتهم : وشلونها الحين يا ميثه عقب امس ..
ميثه : لا الحمدلله هذي جدامك بخير ..
منيره ام احمد : خالتهم : مشاءالله عليها قمر اسم الله عليها
غدير مرت مشاري : اكيد دامها بنت عمتي ميثه اكيد بتطلع قمر ..
ميثه : تسلمين والله يابنت الغالي
منيره : وشلونها امك اليوم ياغدير ..
غدير : والله للحين ياعمه الضغط يلعب فيها يرتفع وينزل ..
وضحه : هي بس لو ما تفكر باخوك خالد كانت بخير ..
غدير : شتسوي ما تحب احد يسافر عنها وخالد من راح ما يكلمها كثير واذا ما رد عليها يرتفع ضغطها .. تعبنا فيها
ميثه : ما الومها انا عثمان وعمر راحو سنه وتضايقة وقمت افكر والله لين كملوا دراستهم هنا قلت هنا نفس هناك المهم انهم يكونون جنبي ..

العنود كانت جالسه جنب امها ولا تدري وش السالفه تبتسم من غير ما تفهم ولا كلمه ..
ولا تعرف من ذولا تعرف انهم قريبين لها بس وش صلة القرابه ما تدري ..
ام ضاري طول الجلسه وعيونها على العنود وتتذكر الفستان اللي كانت لابسه انها مو لها هذا فستان جواهر وتتذكره لما تلبسه وتقول هذا هدية طلال بعيد زواجنا ..نفس الفستان ماتغير وانصدمت كيف جواهر تعطيه لاختها ..
وام مشاري تسوالف كيف لقوها وكيف جتهم وكيف وكيف كان مشاعرهم وش صار من امس الى اليوم ..
وام ضاري ماهي معهم الانه اللي انزلت من الدرج ضيعت كل تفكيرها وضاعت هي وش راح تسوي او كيف بتكون المواجهه بينهم ..
الكل قام علشان يسلم على جواهر وقامت ام ضاري علشان تسلم .. مرت جواهر بابتسامه وسلمت على الجميع ولما اوصلت عند ام ضاري وقفت وشافتها عين بعين .. وكانها تقول لها ولك وجه تجين بيتنا بعد اللي سويته لي .. استمرت النظرات سلمت جواهر بالخد بس مالامس خد ام ضاري كانت بوسه على خد وهمي جدام الجميع .. واستغربت منها

ام ضاري بقلبها : يعني جدام الكل انها سلمت وهي عطتني خدها ما لامس خدي .. يعني تستفزني بهذا الحركه والا وش قصدها ..
تجلس جنب اختها وامها وهي فرحانه وتسوالف مع العنود ..
وكانه ما حولها احد .. وتسوالف مع عماتها وحريم عمانها ..
جواهر : وش اخبارك خالة منيره وش اخبار البنات ؟؟؟
منيره ام احمد : الحمدلله والحين رايحين السوق يشترون لحفلة بكره ..
جواهر : الله يعين تصدقين يبيلنا اغراض لحفلة بكره وابوي الله يهديه من فرحته ما اهتم فينا وفي اشغالنا خله الحفله بكره ..
ام شاهين : خيره ما تدرين ياجواهر والحمدلله على سلامة اختك الا هي وش فيها ساكته ..
غدير بضحكه : ما تعرف عربي ..
ام شاهين : وشهو اجل وش تعرف ؟.:؟
جواهر : الانقليزي ياعمه ..
ام سامي : ما الومها عايشه عند الاجانب وش تبينها تتكلم ..
العنود تبتسم لما شافت الانظار لها ..
ام يوسف : ياااهلا وغلااااااا والله بزوجة الغالي ..
عهود اول ما انزلت من الدرج انصدمت بالتهليل وكانت بطيح لما شافت بوجها عمتها ام يوسف .. بغت تقص وتطيح من طولها جتها رجفه وشويت خرعه خرست لسانها يوم شافت ام يوسف توقف وتهلي ..
ام مشاري شافت عهود اضحكت واستغربت تصرف بنتها وهدوءها ..
تتقدم بدلع وغنج وثقل وبسكوت حاد : تسلم على الكل ولما اوصلت عند ام يوسف خرس لسانها وسلمت بحيا ..
ام مشاري : شوي شوي ياام يوسف ترا بنتي تستحي ..
جواهر : ودي اصدق يايمه ..
ام يوسف : تعال تعالي ياحبيبتي اجلسي عندي جنبي انت زوجة الغالي وامك حبيبة ..
ام مشاري : تسلمين ياحياتي
ام ضاري كانها الضيفه الغير مرغوب فيها بينهم ساكته وتسمع ما حبت تزيد من حضورها سلمت عليهم وتحمدت على سلامت بنتهم .. وتنتظر اتصال ابو ضاري علشان يقول لها يالله ..
تتضايق من انظار ام ضاري لها .. واخيرا تتذكر اللعبه اللي جابتها لليان ..
ام ضاري : جواهر وش اخبارك ..
جواهر : الحمدلله زينه وتمام وباحسن حال ..
ام ضاري : ليان وينها ..
جواهر : فوق تلعب ..
ام ضاري: ما شفتها ودي اسلم عليها وابوسها وحشتني ..
جواهر : اكيد وحشتك لك اربع اشهر ما شفتيها مافيك خير ياعمه ..
ام ضاري انحرجت وام مشاري تغمز لجواهر عين يعني اسكتي ..
ام ضاري : وش نسوي الظروف ما خلتنا نشوف الغالين ..
عهود : انا بقوم اناديها ..
جواهر عيونها على اختها ودها تقول لا تنادينها وانثبري في مكانك بس ودها تتكلم وامها تقرص لها عين يعني اسكتي ..واسكتت وهي مجبوره ..
وجت ليان وباست جدتها وضمتها وعطتها ام ضاري اللعبه ..
عهود مسكت جوالها الا 12 مكالمه من مشعل انصدمت وش سبب العدد الكبير من المكالمات على انها رايحه المطبخ تقوم وتشيل الجوال
عهود : خير مشعل فيك شي ؟
مشعل : وينك عن جوالك ؟
عهود : كنت عند امك والحريم ..
مشعل : انا عند ملحق اللي وراء المطبخ تعالي من باب المطبخ الخارجي ..
عهود : انت مجنون ..
مشعل : تكفين دام الاهل منشغلين وقبل لا تتصل علي امي تقول نمشي تكفين يا عهود اخر طلب اطلبه منك لا تخذليني ..
عهود : الا بالله جنيت الا استخفت لو شافني احد اخواني او ابوي بيكسر راسي ..
مشعل : تطمني كل شي عندهم والملحق ماراح يطبونه بس اوقفي عند باب المطبخ بشوفك تكفيييييين ..
عهود : طيب اخر طلب ..
مشعل : بسرررعه انتظرك ..
تغفله عهود وتطلع عند باب المطبخ وبحيا طبيعي وتبتسم وتبان غمازاتها كانت لابسه فستان طويل وعليه جاكيت قصير ورافعه الشعر لفوق بمشات بلاستكيه لها شكل روعه وغير المكياج الناعم .. والعطر اللي ريحته تجنن ..ليدي ميلون ...
مشعل ابتسم وتشقق اول ما شافها وقرب منها : يامساء الورد وريحانه يااحلى جوريه ولهانه ..
عهود تقرب منه بخطوه : مشيعل والله بمووت من الخوف ..
مشعل : وليه تموتين انا زوجك وماني احد غريب ..
عهود : مشيعل فكني من شرك احساسي بشوفنا احد ..
مشعل يقرب اكثر ويمسك يدها المرتجفه ..: افا تخافين من زوجك وانتي بعدك شفتي شي مني (يتنهد بوله ) ااااااااااااه يابعد قلب مشيعل وعيونه يلوموني فيك جمال وربي جمال الا ايه مصوره وش الزين وش العيون وش الطول الله واكبر كيف بصبر اسبوعين والله ظلم حرام يمنعوني عنك ..يقرب منها اكثر ..
وعيون عهود مبحلقه عليه : وش بتسوي ..
مشعل : بمسك خدك ..
عهود : لالا بس تكفى انا لازم اروح ..
مشعل : بعدي ما شبعت ..
عهود : عمرك ماشبعت ولا اموت ..
يمسك ذراعها مشعل ويشد عليها : خاطري فيها ..
عهود بخوف : وش خاطرك فيه ..
مشعل يقرب منها ويعطيها بوسه على الخد وعهود ولع وجها احمر ..
عهود : وش هذا احمد ربك ما شافنا احد ...
مشعل : ودي بالخد الثاني ..
عهود تبعد عنه شوي : لا بس انا كيف سمعت كلامك وجيتك لازم اروح ..
مشعل : ثواني تكفين ثواني يانظر عيني ..
عهود : مشيعل يابعد عيون عهود تكفى رح قبل لا يطيح علينا احد ..
مشعل يمسك يدها : عيونك حلوه وخدك ناعم وجمال لكن اللسان بعدي ما سمعت منه كلمه احبك
عهود : رووح احبك يامشعل ..

مشاري : الله الله غراميات . وانا مدري مشيعل ما قلت بتجيب لك عصير وبترجع شفتك طولت ..
عهود تيبست اعضامها وتركض وتعثر وتطيح وتوقف لين اوصلت باب المطبخ الخارجي ادخلته وغفلت الباب وطيااااري لغرفتها واغفلت الباب عليها وتسطر نفسها وتتنفس بعمق ويالله تحس انه الهواء يدخل بعده .. وتسطر خدودها : خبله ياليتني ما سمعته الحين بيذبحني مشاري الا بيقطعني الا بينحرني ويكرني مثل الخروف .. ياويلك ويلاه ياعهود وش سويتي بنفسك شافك مشاري وش بينفعك فيه مشعل ..

مشاري : سلامات موعد غرامي ؟؟
مشعل بخوف : ها بس هي زوجتي ودي اشوفها لا عيب ولا حرام ..
مشاري بضحكه: طيب كان قلت لي واضبطك ياخي احمد ربك ما جاك عمر والا عثمان يمكن يذبحونك ..
مشعل : يابو عيسى وش اسوي في ابوك اللي هو عمي كل مره اقوله بشوفها من ملكنا يقول ماعندنا شوفه الا بالعرس وحتى الصوت حرمينا منه حرام يكفي تاجل العرس كذا مره وانا ماعاد فيني صبر لو ود ودي كان خليته بهذي اللحظه من غير عرس ولا بطيخ انا رجال يا مشاري وودي بالزواج الحين قبل بكره ..
مشاري يقرب منه وبابتسامه : عارف الاني مريت مثل ظرفك بس تحمل صدقني لا تلصق بالمره كثير لما تتزوج بتمل منها من اول اسبوع ..هذي الجده يعني اول الايام بس وبعدها بتمل خل شوقك ليوم العرس ..
مشعل : مافيني صبر قلت بشوفها وخليت الخدامه تناديها لي وهي هم انصدمت امااانه عليك يا مشاري لا تسوي لها شي ..
مشاري : من صجك انت هذي زوجتك وماراح اتكلم لا توصي حريص ومابقولها شي تلقااها ميته من الخوف بحجرتها ..
مشعل ..: يافديتها الشرود لسان من غير قلب ..
مشاري : ايه تغزل جدامي ياللي ما تستحي لا تخليني اتزوج الثانيه ..
مشعل : لا خلك بوحده ..
مشاري : شكل بغير منك انت والعهود بملك علشان اشوفها من وراء اهلها بجرب الشعور ..
مشعل : لا تجرب يعور القلب وكانك تترجى احد ترجي ويالله قبلت تجلس هاالثواني ..
مشاري : بس حلوه انها قالت لك احبك يا مشعل ..هعههههههههههههههههههه
مشعل : ايه تطنز يحق لك انك تتطنز صايد علينا صيدده وكانك ماسك يدينا ولاويها ؟؟
مشاري : روح الله يستر عليك وعليها ويهنيكم ويوفقكم واذا تبي تشوفها مره ثانيه عطني علم ..
مشعل صدق : جد والله يالله ضبطني موعد لبكره ..؟
مشاري : من جدك ما بقى الا اسبوعين اصبر ياخي يعني صبرت صبرت مانت عاجز تصبر هالاسبوعين ..
مشعل : مالت عليك بس من نسيب ..
مشاري ميت ضحك : صراحه كسرت خاطري ههههههههههه رح للدوانيه قبل لا يدورونك يالله وانا بجيب دلة القهوى ..
مشعل : الله يسامحك ..
مشاري : هههههههه لا تكفى لا تبرطم اخاف ابكي معك خربت اللقاء الحبايب عاد كان ودي اتسمع لكن اخاف من مشاعري تثور ومشكله اذا ثارت ..
مشعل : يهب ياوجه العدو .. يالله الجلسه معاك تقصر العمر والا وجالس مع مشرح موتى اللهمه طولك ياروووح ..
ويطلع للمجلس ومشاري ميت ضحك على اخته ومشعل اللي مسوي فيها مسكين وبريئئئ ,,

0000000000000000

راحوا الزوار كلهم .. والساعه 10 بليل ..
ومشاري وخواته وامهم وابوهم جالسين الا العهود ما قدرت تجلس معهم ذبحها البكي وتقول للكل انها مصدعه وتنتظر اي كلمه من مشاري لا يفضحها ويعلم ابوها او امها .. المسكينه جالسه تعاقب نفسها بنفسها وتتهرب من وجهه مشاري ..وتعلن ابو اجذاب مشعل واللي يكلمه ..

كانت الاجواء بالمجلس تجنن بين لمت الام والابو .. وبين الاخوان والاستاذ مشاري ..
مشاري : ماما تساوي امي بالعربيه ..
العنود تشوف امها وتبتسم : امي ..
عثمان : ولكن بالعاميه نقول ( يمه )
العنود : يووومه .
الكل ضحك : مشاري : عثمان اسكت خلني اكمل ..
عثمان : ابشر طال عمرك ..
مشاري : هذي ورقه فيها صور اشتريتها اليوم لكِ كي تتعلمي الاحرف والارقام بالعربيه ..
غدير : حرام عليك كلهم بيوم واحد اكيد بتنسى ..
مشاري : ماعليك بذكرها كل يوم ..
ابو مشاري وام مشاري جالسين بزاويه بروحهم ومشاري واخوانه يدرسون العنود .. اللغه العربيه والعاميه بنفس الوقت ..

ابو مشاري : هذا الي قاله ناصر بالضبط ..
ام مشاري : كيف تبغاني ما اتعلق فيها انا ما صدقت انها ترجع لي ..
ابو مشاري : قالي بالحرف الواحد قربها منك بيذبح البنت ..
ميثه : كيف بيذبحها انا امها يا عادل امها كيف بضرها ..
عادل : تعلقك الزايد فيها وتعلقها هي بخليها طفله صغيره اي سبب بيصدمها منك او منا لا انا بقرب منها ولا انتي خليك عادي مثل ما تعاملين جواهر وعهود ..
ميثه : انا سمحت لك اني ما اتدخل بحيات بناتي لكن العنود اسمح لي ياعاد انا انقطع قلبي عليها من يوم اختفت .. والحين تقول لي لا تقربين منها مسكينه عاشت بروحها ومحتاجه حناني هي حدها اللي بترجع لي بنتي سالمه يا عادل ناصر ما يعرف انها كل هذا التعب علشان افقدت ام واهل والحين تقول لها ابعدي عن اهلك والله لتموت وترجع لامريكيا وتتركني ..
عادل بتوسل : ميثه تكفين بس هذي المره اسمعيني لا تضيعين بنتا بين يدينا بتكون صدمتها اقل وما بتتاثر ..
ميثه : وش الي يظمن لي ؟ ناصر مجرد توقعات حاطها براسه وقالها لك ..
عادل : هو دكتور واكيد قاري عن الحاله ومسوي عليها بحث ..؟
ميثه : ما اضيع بنتي لو شنو وقل لناصر .. ماراح اتركها انت ماشفتها كيف تنتظرني عند باب الحمام وكيف تلحقني من المطبخ للغرفة المجلس ..
عادل : عارف باللي صار واللي بيصير ياميثه اذا تعلقت كثير فيك موب زين ياميثه .. الشي اذا زاد عن حده صدقيني بينقلب ضده ..
ميثه تهز راسها بالنفي وتسكت شوي وبعدها تتكلم : انا ضيعتها 21 سنه انحرمت من حظني وحناني وشافت الويل بدنياها والدليل المرض النفسي اللي تقوله وانها طول السنين كانت تدور علينا .. وليه الحين تبيها تنحرم منا بعد ما لقتنا ..
عادل : ياحبيبتي يا ميثه تكفين افهميني انا ماقلت ابعدي عنها انا قلت لا تخلين وقتك كله معها لا تخلينها تتعلق فيك .. شوفي انا قلت لمشاري يدرسها وجواهر تعلمها الدين يعني يومها كله بتنشغل عنك الاني عارف ماراح تتركينها وتخربين خطت علاجها ياميثه اذا بجد تبين بنتك ترد احسن من اول صدقيني هذي المره بس ..

ميثه : وبطول الفترى ؟
عادل : على حسب الانه ناصر كل يوم بيحضر ساعه او نص ساعه يتطمن عن حالتها .. ماقصر الرجال بيجينا للبيت يعالجها واللي مثله يقول تعال العياده والكل يدري عنها وعن مرضها ..
ميثه : طيب ..
عادل يطبطب على كتفها : ياقلبي انتي صدقيني بتشكرينيي على تحسن حالتها ..
ميثه : طول عمري اتبعك وانا مغمضه وبنشوف نهاية خططك لوين بس اذا راحت مني بنتي ماراح تلوم الا نفسك يا عادل كاني خبرتك من الحين ..وتقوم من غير ما تقول شي وتستاذن بام الانه وراها قومه الصبح ..
وعادل يسمع صوتها بالعربيه ..
مشاري : ورده ..
العنود : وورده ..
مشاري : كتاب ..
العنود : كتاب
هو كتاب فيه صور ويعلمها الصوره وش اسمها بالعربي وهي تكتب انقليزي معرب .. علشان تحفظها فوق كل صوره تكتب انقليزي معرب علشان اذا جلست مع حالها تحفظها اسرع ...
العنود : حقيبه ..
مشاري : ولها اسم اخر بالعاميه : شنطه
العنود تكتب وتنطق : ش ا ن طه ..
جواهر : لا يوجد حرف الالم بين الشا والنون ..
مشاري : خليها مع الايام بتعرف اهم شي تعرف الصوره والاسم ومع الايام بتصحح لنفسها ..
ويستمر الدرس للساعه 1 ونص بليل لين تعبت العنود ..
مشاري وجواهر وغدير : انتهينا ..
العنود بتعب : اخيرا ..
جواهر : هيا للنام غدا لدينا اعمال سوف تتعبنا ..
غدير : ايه والله الله يعينا بكره الا جواهر تراني طلبت وانا جايه من امي الصبح لبكره حلويات من باتشي هديه مني للعنود وطالبه كميه كبيره وطلبتهم يجبوها هنا احسن من القاعه ..والزحمه خليها للضيوف القراب ..
جواهر : مشكوره ياقلبي ليه تتعبين عمرك وتكلفين ..
غدير : فرحتكم هي فرحتي ..وتستاهل العنود ..
العنود : لم افهم شي ..
مشاري : انها ثرثرت نساء لن تنتهي ..ويلتفت لغدير .. قوومي يالله ننام تراني حدي تعباااااان ..
غدير بضحكه : سلامات يا باشا ..
ويقوم مشاري وغدير يرحون لجناحهم ..
وتركب جواهر والعنود الدرج رايحين غرفتهم ..
العنود : اين هي عهود لم اراها ؟
جواهر : انها متعبه قليلا وتريد ان ترتاح تقول ..
العنود : اها اتمنى لها الشفاء العاجل ..
جواهر بتستم : اللهمه امين ..
العنود :استاذن قليل ..
جواهر : اين سوف تذهبين ..؟
العنود : الى الغرفه المجاوره اريد تقبيل راس امي ..
جواهر : دعيك انهم نائمون بالغد قبليها ..
العنود بابتسامه : حسنا .. وتقرب من سريرها وتمسك جوالها وتعبث فيه ماجاها النوم ..
الا تشوف اسم ناصر وتبتسم .. ومن غير شعور تتصل عليه وعهود نايمه وجواهر بالحمام كرمكم الله ..
العنود تنتظر يشيل السماعه ..
ناصر بصوت نايم ماشاف الرقم : الوووو
العنود : هاي ..
ناصر مو مستوعب : عنود ؟ ما بك هل بك شيء ؟
العنود بابتسامه : كلا انا بخير ولكن لماذا لم اراك اليوم ولماذا لم تطلب لقائي ..
ناصر بضحكه ويجلس على سريره : ما بك هل هرب النوم منك ..
العنود : تقريبا ولكنني عتبه عليك ...
ناصر : اتركيني هذي اليومين وبعدهم سوف تملين مني وتقولين ارجوك نصر اذهب الانني مللت منك ..
العنود : كلا فـ اليوم الوحيد الذي افقدك حقا .. واشتقت لكلماتك الهوجاء ..
ناصر بضحكه وكانه الكلمه جايزتن له : اذن كلماتي هوجاء ايتها المشاكسه
العنود بضحكه : ههههههه لا اعلم ما بي ولكن اشتفت لعتابك وكلماتك التي تسخر مني ..
ناصر : انتِ فقد اصبري علي قليلا فـ اليومين هذا اعتبريها اجازه مني .. وانا ساظل كما ظلك لا يباعدك وسوف تبكين من كلماتي وتنوحين لوالدتك ولن تنفع لك ِ ..
العنود ..هههه اذن اغرب عن وجهي ظننت انني لم اراك كي اطمئن ولكن اخبرتني بخبر سيء للغايه ..
ناصر بابتسامه طيرت النوم : اذن مشتاقه لي ياعزيزتي مابك مشاعرك انقلبت فجاءه ..
العنود بتوتر : ماذا مشاعري ليس بها شيء انت الذي ما بك ..

تطلع جواهر من الحمام وتستغرب هذي منو تكلم ..؟
جواهر : من تكلمين بهذا الوقت ..
العنود بابتسامه : انه الدكتور ناصر ..
ناصر يافرقووا هذي افضحتنا ماعلى لسانها ستر ..
جواهر : اغفليه هيا بالغد تكلمي معه وليس ليلا هذا ليس وقتا للحديث عن العلاج ..
العنود تغير نبرتها : حسنا ..
وتلتفت للسماعه : اعذرني يجب ان اغلق ..
ناصر : كلمات شقيقتك على حق . فـ هذي العادات التي قلت لكِ عنها انا ساظل دكتورا ولي اواقت تتهاتفيني بها .. هيا تبصبحي على خير ..
العنود بابتسامه بتقبل شديد : وانت ايضا ..
وتغفل الجوال .. وتجلس جنبها جواهر وتعلمها ..: هذا ليس من الادب انك تهاتفين رجلا غريبا عنك بهذا الوقت ..
العنود : انه نصر دكتوري ..
جواهر : حتى ياعزيزتي هناك اوقات بالصباح هاتفيه بها .. ليس بهذا الوقت ..لا يتصل بهذا الوقت الا الذي نسميه منحرفا عن اخلاقه ..
العنود افهمت : اه فهمت ..
جواهر بابتسامه حنونه : اتمنى ان لا تتضايقي من كلماتي ؟!!
العنود بضحكه : كلا فانتي تعلميني وانا سوف اتعلم اليس كذالك ..
جواهر : سوف تتعلمين وسوف تعرفين الكثير عن حياتنا وتحبيها اكثر ..
العنود : اتمنى ذالك هيا نامي وتصبحين على خير ..
جواهر : وانتي كذالك تصبحين على خير ..

000000000000000000
لأنك سر..
وكل حياتي مشاع.. مشاع..
ستبقين خلف كهوف الظلام
طقوسا.. ووهما
عناق سحاب.. ونجوى شعاع..
فلا أنت أرض..
ولا أنت بحر
ولا أنت لقيا..

فاروق
000000000000
البيت اصبح خليت نحل .. مافي احد جالس فاضي .. الكل مشغول ..من ساعات الفجر الاول .. ام مشاري حضرت الاغراض والملابس وشرت اللي تقدر عليه من حلا وفطاير وتحجز الخدمه .. وتطلب شاي والقهوى ... وجواهر من الصبح وهي بالسوق ما جت الا على اذان العصر .. تعبانه هلكانه وجوعانه .. والعنود وعهود مسويتات تسريحات ومكياج عند صالونه تسوي لهم ..
تقريبا عهود خلصت باقي عليها اللبس وهي تشرف على صالونة المكياج تضبط العنود وتخلي مكياجها كثيير ناعم الانه العيون عليها كثار ..

جواهر : تبعت تكفين يا عهود شيلي كعبي من ارجولي ..
عهود : سلامات سلامات ماقصرتي وانتي خبله تلبسين كعب وانتي حامل ما حسبتي لنفسك حساب ..
جواهر : مالك شغل فيني ااخ عطيني ماي حدي عطشانه ..
عهود تجيب لها كوب الماي الانه قريب منها : تفضلي ها بشر وش صار ..
جواهر : حجزت الورد وحجزت دي جيه والله لما شفت الاعلان بالجرايد اليوم الصبح قلت خليني احجز اكيد حفله من غير رقص ماتطلع حلوه وكويس انه وافق مع اننا ما حجزنا قبلها بيوم .. كويس فهم موقفنا ووافق ..
عهود : من كلمه ؟
جواهر : عثمان ..
عهود : كويس ماهو عمر والا راح فيها الرجال ..
جواهر : خلصتي انتي ؟
عهود : ايه باقي علي اللبس وقربت تخلص العنود شوفيها وش رايك بمكياجها .؟
جواهر تلتفت للعهود : قاست الفستان قبل لا تحطون لها المكياج ..
عهود : افا عليك جربت الفستان مع الكعب . وطالع عليها يخبل الا يجنن.
جواهر بابتسامه طمانيه : كويس ومكياجها ناعم وحلو وحتى مكياجك الانه حفله وثوبك فخم وشعرك رافعته بطريقه حلوه بتطلعين تجننين ..
عهود : لا ياحياتي كل شي لعرسي مخليته خليني ناعمه الحين وبعد اقل من اسبوعين بكون الملكه من غير منافس ..
جواهر : يارب يفرحك ويتمم عليك ..
عهود : اللهمه امين ..
يدخل مشاري عليهم بعد ما يتحنن ..
مشاري : خلصتو ..
وعيونه على العهود وعهود ميته خووف وهو ميت ضحك لما شافها تذكر موقف امس ..
مشاري : وش اخبارك ياعهود وشلون راسك عسا هون ..
عهود وراسها بالقاع : اشوى والحمدلله ..
مشاري : تعالي بكلمك ..
عهود بتوتر : هااا لا تكفى خلها بعدين انا مشغوله ..
مشاري ما يبيها ولا شي بس عاجبته وضع العهود وحرقت اعصابها وهو بداخله وده يرفس من الضحك سكت وابتسم لها وقال : طيب طيب بكره لي معك كلام ..
عهود بقلبها : من بيصبرني لبكره بجلس بفكر ببكره وش بيصير بمصيري ..

بعد 5 ساعات الكل خالص ومتوجهين للقاعه .. وكل بغاية الفخامه ..
ام مشاري : بفستانها العشي الغامق وعليه بعض الشوارفسكي .المتناثر على الصدر ..ومغطى اليدين بكم خفيف ..
وجواهر بفستانها الحكلي الغامق اللي يغطي تفاصيل جسدها من الحمل .. كان فستانها كثير ناعم ورافعه شعرها لفوق ..
وعهود : بفستانها الاصفر عليه بعض اللون الاخضر الغامق , كانه فستان سهره عاري من الخلف ومفتوح من الصدر وعليها عقد يجنن .. وكانت رووعه ..

العـــنود : بفستانها الابيض السكري المايل للون اوف وايت .. وعليه اكسسورات احجار كريمه من الصدر لونها احمر الغامق وازرق الغامق والوردي الفاتح ..كان شكله جناااااااااان وعليه من الدانتيل المطرز عليه الالوان الثلاثه .. كان تحفه فنيه ورافعه شعرها لفوق ومعها تاج وعليها عقد خفيف واكسسورات خفيفه ..
غدير مرت مشاري : لابسه فستان احمر بذهبي قصير ومنزله شعرها لتحت اللي يوصل لنص ظهرها وعليها اساور واكسسورات تجنن وعليها طوق بشعرها ..

الكل يدخل للقاعه ويدخلون العنود بغرفه ويخدمونها ويقولون لها لا تخرجين بيسون لها مثل الزفه للعروس ..

الكل بالقاعه يسال وينها وينها اللي ياشر على العهود يقول اكيد ذي بنتهم اللي انخطفت .. والقريب منهم يقول وينها بنشوفها .. وام مشاري تقول بتجي الساعه 10 بليل ..
والعنود مبسوطه بالداخل بين الخدمه والبراد وهدوء الاعصاب وفرحانه بلمت الاهل وصوت المسيقه والكل العايله موجوده وما كان عندها الا اختها الجواهر الانها تعبانه من الحمل وجلست معها بالغرفه وغفلن عليهم الى حين وقت اللي محددين له باكتمال المعازيم لزفتها للبشر عامه انها بنت عادل مشاري محسن العيسى ..

انتهى الجزء 17 .. على امل اللقاء بكم بالجزء 18 ..
جزء طويل واتمنى اني كفيت ووفيت بوعودي .. والبارت القادم راح يكون بالمثل باذن الله ..
موعدنا يوم الخميس الفجر يعني بليل الاربعاء : كونوا معي ياحبايبي ولا تبخلون علي بالتعليقات الطووويله والحلوه .. واقتراحاتهم وش راح يصير في كل شخصيه بالحفله ..

نتواصل انجال