تحميل رواية اعداء عيلة الحاوي بقلم سلسبيل أحمد pdf

- انت كويس ؟ بتزعق مع مين!؟

- المحامي يا ملك

= طب قالك ايه؟

- متشغليش بالك.. اطلعي الاوضة نامي..

= انت متأكد انك كويس!

- اه يا ملك كويس !

= انا عايزة اتكلم معاك!

"بصلها بأستسلام"

- ادهم.. دي تاني او تالت مره تدافع عني.. وتلحقني

رغم كل الى حصل.. مش هقدر اقولك ان كل حاجه اتغيرت.. بس على الاقل مبقتش شَيفاك زي الأول

انا عايزة اعتذر لك عشان كل المشاكل دي انا السبب فيها ومش عاوزاك تبقي متعصب.. ولا عاوزاك تتصرف تاني بتهـ ـور.. ؛ ادهم.. يوم الخناقة.. انا كنت خايفة عليك!!

شريف و طارق بالنسبالي اخواتي.. بحبهم وبخاف عليهم ومش ببقي عاوزاهم يتعرضوا لآذي.. و يومها حسيت ناحيتك نفس الشعور..

" سكت شوية بحزن وبصيت له بتردد "

- هو ممكن يجي يوم ونكون اخوات..؟ ولا ده هيبقي صعب عمره ما هيحصل بعد لما اطلقنا؟

" ادهم مكنش عارف يقولها ايه! اخوات ازاي؟ اتنهد بتعب وهو بيفكر وبصلها "

= كدا كدا حاليا انا غصب عني بقيت حاسس اني مفروض اشيل مسؤليتكم كلكم.. في حاجات كتير حصلت اتحملتها.. معرفش ازاي قبلت اتحملها.. بس يمكن عشان استاهل كده بعد كل الفتره الى كنت غلط فيها..

انتي عرفتي مني نسخه وحشه.. بس هي مبقتش موجوده دلوقتي أعتقد بعد لما عملت حاجات كتير وحشه.. فا دي فرصه عشان اصلح كل ده

بصتله بأبتسامه هاديه ومدت ايدها: يعني اقدر اثق فيك ونعمل معاهده صُلح؟

ابتسم بقلة حيله و بجزء من الحزن: نجرب.

بصتله بسرعه: لكن مش انا وانت بس!

أدهم: اممم و طارق و شريف

بصتله بتأكيد: و يمكن في من الايام يكون يحيى ضمن المعاهده

ادهم بخفوت: يمكن.

>>>>>>>>>>>>>>>>>>>>>>>>>>>>>>>>>>>>>

' اللهم صلِ وسلم وبارك على سيدنا محمد '

|| بعد مرور اسبوع ||

" اتغيرت حاجات كتير.. اول حاجه حصلت اننا اهتمينا بـ طارق... لحد بقى كويس شوية! و القصْية الى فيها الزفت عاصم لسه شغاله... والمرشدي بيحاول بكل الطرق يخرجه منها.. انا و شريف نزلنا الشغل.. الوحش ان شريف و ادهم محدش فيهم اتكلم بحرف مع التاني.. لكن الى كان واخد جمب اكتر شريف..!! ونفس الجمب واخده يحيى يعني الى حصل ان طارق و ادهم اتكلموا شوية! لكن شريف ويحيى عاملين عداوة مع الكل تقريبا! شريف مبقاش طايق حد.. وكذلك يحيى ! و اخر صدمه حصلت في الأسبوع خناقة شديدة عملها عمي جمال و طنط هدى مع شريف و طارق بعد لما عرفوا الى حصل.. وعرفنا انهم نازلين مصر كمان اربع ايام.. "

|| في الجنينة ||

" كان شريف قاعد لوحده على الأرض "

اتفاجئ بـ ادهم قعد جمبه: انت عارف اني لسه مردتش ليك البونية الى ادتهالي في وشي؟

شريف بصله ببرود: لا.. فكر فيها تاني..

هتعرف اننا كده خالصين

أدهم بستغراب: مش فاهم بتتكلم عن ايه؟

- بتكلم ان بينا حساب قديم

ميخلصش بصْربة واحده

= حساب قديم!

- بقولك ايه يا ادهم.. الشويتين بتوعك دول مش هيدخلوا عليا انا عارف انك زيك زيهم ويمكن اسوء ! ومتعملش نفسك مش عارف حاجه ! مش معني ان فات وقت.. يبقي الموضوع خلص

شريف كان قايم ماشي ادهم مسكه: استني!! انا فعلا معرفش بتتكلم عن ايه !!

شريف شال ايده: ومالو افكرك !

"ادهم بصله بعد استيعاب "

شريف: خلينا في اول حاجه عملتها ؟؟؟ مين كان السبب في الخناقة الى حصلت بين عمي خالد قبل ما يموت و ابوك ؟؟؟

" ادهم سكت و الاتنين اتفاجئوا بصوت وراهم "

- انت بتقول ايه؟؟

" ادهم ملحقش يستوعب الموضوع الى شريف فتحه واتصدم بوجود ملك قدامه.. "

شريف بصله: طالما عملت كده يبقي فاكر !

ملك بعدم فهم: ايه الى بتقوله د!؟ هو بابا اتخانق معاهم قبل الحد..ثه؟

بصت لأدهم: بابا كان معاكم؟

ادهم: ملك صدقيني معرفش بيتكلم عن ايه !

شريف: بتكلم عن يوم الحد..ثه ! اليوم الى عمي خالد كشف ابوك فيه وعرف الى بيعمله والشغل القدْر الى اتفق عليه من ورا جدك ! ساعتها يا ملك ابوكي كان عاوز يعرف جدك كل حاجه.. بعد لما اتكلم معاهم طبعا.. و يحيى و عمي محمد هددوه.. وساعتها بقا جه دور ادهم بيه العظيم لما خد جمبهم و راح قاله انه مرتب الورق كويس.. ومفيش عليهم اي دليل مادي.. وقتها ابوكي سابهم وخرج.. معرفش كان رايح فين.. وعمل الحد..ثه فى الطريق.. ومحدش عرف اي حاجه عن الموضوع ده

" ملك دموعها مبطلتش تنزل وكانت حاسه كأنها تايهه!

باصه لأدهم كأنها متعرفهوش"

" وادهم معندوش اي حاجه يقولها..! "

" كأن لحد هنا.. انتهت كل حاجه للأبد "

>>>>>>>>>>>>>>>>>>>>>>>>>>>>>>>>>>>>>

' لا إله إلا انت سبحانك اني كنت من الظالمين '

|| بعد مرور اسبوعين ||

" كانت ملك سايبه البيت ومحدش يعرف لها طريق.. امينه خدتها وقعدوا في الشرقية في بيت جدتها القديم..

و ده طبعا بعد التعب الى حصلها من الى عرفته.. قررت امينه تبعدها عنهم كلهم! "

|| داخل فيلا عزت الحاوي | المكتب ||

ادهم: مساء النور ياجدو.. لسه مفيش اخبار ؟

عزت: ولو فيه يا ادهم؟ هتعمل ايه؟ كفايه الى حصل.. الامور اتغيرت من ساعه ما كل حاجه ظهرت للنور...

ادهم: لا ياجدو! حضرتك طول عمرك بتثق فيا.. ليه حاسس ان ده اتغير دلوقتي! ليه حضرتك مش قادر تعديلي الغلطه دي؟ الى هي اصلا قديمه!! فى الماضي

عزت اتنهد: عشان كنت بتعامل معاك على انك ابني انا بفصلك عن ابوك واخوك عارف انك غيرهم..

عمري ما كنت اتخيل انك مدارى عليهم كل ده!؟؟؟

ادهم مسح على وشه: ياجدو والله العظيم الموضوع ده ملهوش اي علاقة بينا والله عمي خرج طبيعي يومها

والموضوع الى دار مكنش فيه اي حاجه توصله انه يعمل حدثه صدقني ده قضاء وقدر ومن وقتها وانا اتعلمت ! وبعدت عن الى بيعملوه تماما! بقيت معاك والى كنت بتقولي عليه كنت بنفذه! قررت انسي كل القديم !

بقلمي سلسبيل احمد.. معرفش ان طول الفتره دي شريف كان سامعنا وعارف ولا حتي تخيلت ان بابا و يحيى مكملين فى الشغل من وراك لحد دلوقتي.. كل الى ظهر للنور ده انا عرفته زي زيكم.. بخلاف بس موضوع عمي والخناقة لكن والله هو كان خارج مفهوش حاجه محدش كلمه هما كانوا خايفين عشان اتكشفوا !

عزت: كل ده ملهوش لازمه دلوقتي..

" ادهم فقد الأمل ان جده يساعده فى حاجه وحتي سأل جمال عن ملك لكنه قاله معرفش هي فين.. فا ملقاش قدامه غيرهم.. "

|| داخل غرفة طارق و شريف ||

' اللهم صلِ وسلم وبارك على سيدنا مُحمد '

" ادهم دخل و شريف لما شافه اتعفرت "

- انت مين سمح لك تدخل هنا!

ادهم: انا مش جايلك انت ياض !!

طارق: بس بقا انتوا الاتنين ! كفاية؟؟؟

ادهم: هنفضل منعرفش هي فين ؟؟؟ افرض حصل حاجه وحد اذاها !!! هنفضل قاعدين كده !!!

طارق بصله: على اساس انها فارقه معاك اوي!!!

ادهم: طارق هو فيه ايه ! انت عارفني كويس !

شريف بصله ببرود وضحك: محدش بيعرف التعابين!

ادهم: خليك اسود كده!!! فى النهايه كله وقع على دماغك يا شريف! وملك عمرها ما هتبص في وشك بعد لما عرفت انك كنت مخبي عنها الحقيقه طول السنين دي ! وانت مفروض من اقرب الناس ليها!! بس خلاص دلوقتي ملكش لازمه

شريف زقه في صدره بغضب وطارق قام بسرعه مسكه زقه على الكنبه وزعق: انتوا ايه !!! مش بتزهقوا ؟؟؟؟

انا مش عايز اسمع نفس حد فيكم فاهمين!!

شريف بزعيق: هو عايز ايه مننا دلوقتي ؟؟

طارق: عايز نلاقي ملك نفس الى احنا عاوزينه !! ممكن بقا نهدى ونفكر !! انا اتكلمت مع ماما و واثق إنها هتساعدنا

" قاطعهم دخول هدى الأوضة "

- طارق.. عاوزاك

ادهم بصلها بشك: عرفتي حاجه عن ملك!؟؟؟

هدى سكتت وشريف راح عندها: ماما لو عرفتي حاجه قولي لو سمحتي!

هدى: انا شكه مش متأكده.. وبعدين انا معنديش استعداد اثق في شوية عيال

ادهم بترجي: صدقينا مفيش شغل عيال تاني.. احنا عاوزين نطمن عليها ده كل الى هاممنا

" هدى مكانتش عايزه تعرف شريف و ادهم بسبب الى بيعملوه وخناقتهم طول الفتره الى فاتت.. وكل اعتمادها المفروض على طارق "

هدى: عاوز تفهمني ان انتوا الاتنين هتبطلوا الى بتعملوه

" ادهم وشريف بصوا لبعض "

شريف: المهم عندنا دلوقتي ملك..

هدى اتنهدت: فيه بيت لجدتها في الشرقية.. معرفش فين تحديدا.. لكن هما هناك بيكونوا عائلات.. فا ممكن تعرفوا بسهوله.. من اسم العيله

طارق: انا هتحرك دلوقتي

هدى: النهار له عنين يا طارق

شريف سحب مفاتيح العربية: مفيش وقت النهار يطلع علينا فى السكه ان شاءالله

" اتحركوا هما التلاتة و طارق كان سايق و شريف جمبه وادهم قاعد ورا بيقلب في موبايله وبيحاول يوصل لأي حاجه تساعده بعد لما بعت مسدج لعزت عرفه الخيط الى ماشيين وراه.. بقلمي سلسبيل احمد "

>>>>>>>>>>>>>>>>>>>>>>>>>>>>>>>>>>>>>

' سبحان الله وبحمده سبحان الله العظيم '

|| في الشرقية | داخل بيت بسيط ||

- ملك حببتي.. كنتي بتكلمي مين؟

= عمي جمال.. كان بيقولي إنه حولي فلوس تاني..

- وبعدين عاجبك حالك ده؟ تعالي نرجع بيتنا.. وانا مش هخلي حد فيهم يقرب لك

= انا مش قادره اتعامل مع حد لو شوفت واحد منهم معرفش هعمل ايه.. خصوصا..!!

سكت وانا بتنفس وبصتلها: انا اضحك عليا يا ماما !

- معاش ولا كان... وحقنا هيجي يا ملك.. بس على الاقل عرفي جدك مكانا.. مش عمك قالك انه قلقان عليكى؟

= لو عرف هيقول لأدهم!!

- خليه يفكر يكلمك ويشوف هعمل فيه ايه..

= انا الى هعمل

- لا من هنا و رايح انا الى هقفلهم.. انا عاوزاكي تبقي كويسه مش عايزه اشوفك مكسورة كده!

" حاولت ابتسم لها.. فا طبطبت عليا وبعدين خرجت."

>>>>>>>>>>>>>>>>>>>>>>>>>>>>>>>>>>>>>

' لا إله إلا انت سبحانك اني كنت من الظالمين '

|| في شركة عزت | مكتب جمال ||

- بابا اتفضل!

عزت دخل وقعد: عملت ايه؟ه

= متقلقش كل حاجه هتمشي تمام.

- خلاص.. يحيى و محمد اتوقفوا نهائى.

= انت متأكد من القرار ده يا بابا؟

- ده اقل حاجه ممكن اعملها.. عشان احافظ على اسم العيلة وسمعتنا.. غير كده كنت سلمته.. ده مضرش نفسه وبس.. دمر حياة ولاده كمان.. معقول ده ابنى؟

جمال بحيره: انا مش قادره افهم لحد دلوقتي.. عمل كده ليه؟

" و في اللحظات الى بيتكلموا فيها الباب اتفتح بدون سابق إنذار.. دخل منه محمد و يحيى .. عزت فضل مكانه مش متفاجئ من وجودهم بالشكل ده.. "

محمد: بتطردنا يا بابا ؟؟؟ صدقت شوية عيال !!!

يحيى: احنا الى طول عمرنا تعبانين في الشركه دي ! وشايلنها دلوقتي هتخليهم يخدوا كل حاجه!

جمال: كفايه ! ملوش لازمه الكلام ده هنا لينا بيت نتكلم فيه

عزت: بيتي واي حاجه تخصني متحرمه عليهم

محمد: لا كتر خيرك !!! خليهم ينفعوك !

نهي كلامه بزعيق وخرج "

" اما عزت فا سكت بقلة حيلة... وخيبة امل! وجمال كان قلقان على صحته الى نزلت بشكل واضح اخر فتره بسبب كل الى بيحصل."

>>>>>>>>>>>>>>>>>>>>>>>>>>>>>>>>>>>>

' الله اكبر الحمدلله لا إله إلا الله استغفر الله '

|| على الطريق | في العربية ||

أدهم: جدو هيحاول يعرف مكانهم بظبط

طارق: أدهم.. مش محتاج اقولك ان انت مينفعش تظهر اول واحد

شريف: لا مش محتاج تقول مفروض يبقي عارف

طارق بحده: ولا انت كمان !!! انتم اكتر اتنين فى العالم دلوقتي ملك بتكرهم

ادهم: عاوزني اعمل ايه يعني؟؟ انا لازم اتكلم معاها وقبل اي حاجه لازم اطمن عليها

شريف: انا مشوفتش في حياتي بجاحه بالشكل ده

أدهم خبطه في كتفه من ورا: احترم نفسك

شريف لف يرد له الخبطه فا طارق زعق: اييييه احنا على طريق !!! عاوزين العربية تتقلب بينا ونرتاح!

ادهم: طب خليه يتلم شوية

شريف: بطل انت بجاحه

طارق: انتوا لو مبطلتوش انا هقلب العربية بنفسي.!

" كملوا طريقهم.. لحد ما عزت فعلا بعت لهم العنوان الى وصله بطرقه الخاصة من خلال اسم العيلة.. طارق وصل و ركن العربية نزلوا التلاتة قدام بيت "

ادهم: جدو حذرني ان مينفعش نعمل اي مشاكل هنا..

خصوصا اننا اغراب على البلد.. هو طلب نستنى لحد ما يوصل..

شريف: خلينا نتكلم معاها

طارق: انا رأيي ترجعوا انتوا العربية

" قاطعهم صوت تخين من وراهم "

- انتم مين؟؟ واجفين جدام البيت ده ليه؟

ادهم: احنا... انا.. انا ابقي زوج ملك خالد..

" شريف رفع حاجبه بمعني كداب وادهم كمل كلامه"

- هي في بيت جدتها هنا.. من عيلة المنصور فا احنا جايين لها عشان موضوع كده

= موضوع ايه فنص الليل؟ ومين دول؟

شريف بنفاذ صبر: ولاد عمها.. تاخد البطايق؟

- انتم اغراب عن البلد.. وهما حريم لوحديهم وجفتكم هنا هتجبلكم مشاكل البيت ده والى فيه يخصونا

طارق بهدوء: احنا مش جاين نعمل مشاكل..

" في اللحظه دي الباب اتفتح.. ملك سمعت دوشة فا خرجت تبص واتفاجئت لما لقتهم مكانتش مصدقه عينيها.. ولا عارفه تستوعب ازاي وصلوا لها! "

" امينه كانت وراها علطول و اتصدمت بوجودهم"

" لكن وسط كل ده أدهم شايفها قدامه وبيتنهد بقمه الراحه انها كويسه!! مكنش مركز مع حد غيرها "

طارق تقدم و راح عندها: ملك...! انتِ كويسة؟

امينه بحده: ازاي تيجوا لحد هنا وفي وقت زي ده؟

اتكلم الراجل بخشونه: تعرفوهم الاغراب دول؟

امينه بعقل: ايوه.. قرايب عيلة جوزي الله يرحمه

" اتحرك الراجل كأنه اخد كلمه السر من امينه.. الى لو كانت قالت عكسها كانوا قلبوا البلد على شريف و طارق وادهم "

طارق: احنا بس كل الى عاوزينه نتكلم معاكم

امينه: واحنا مش عاوزين اظن لو عاوزين كلام مكناش بعدنا كل ده وجينا لحد هنا عشان خلاص كفايه ! وبلاش يا طارق تدخل انت فى الموضوع

" بيدج الفيس بوك بتاعتي سلسبيل احمد ادهم كان ساكت و بس باصص لملك بعيون كلها ندم وهو شايفها ازاي ملامحها باين فيها الإرهاق! وهي كانت متفاجئه من الموقف.. ومعندهاش اي كلام قادره تقوله"

شريف قرب: ملك..!

" ملك دخلت وسابتهم وكأنها بتهرب من المواجهه"

امينه: ملكش دعوه بيها اتفضلوا من هنا حالا مفهوم؟

" دخلت وقفلت الباب.. والتلاته وقفوا عند العربية بيأس عشان مش عارفين هيتصرفوا ازاي. "

شريف: وبعدين؟

طارق: اديك شايف!

شريف: نستنى جدو يعني؟

طارق: عندك حل تاني؟

شريف بص لأدهم: ساكت ليه..

محدش سمع صوتك يعني

" ادهم مردش عليه.. عمال يجي قدامه نظرات ملك وهي بتبصله! "

طارق: اخرص يا شريف شوية!

"أدهم سابهم واتحرك"

طارق: رايح فين ياعم

" اتمشى مع نفسه وسابهم.. "

طارق بص لشريف بتوعد وشريف رفع ايده ببراءة مرْيفة: ايه!؟

" وبعد ساعه كان عزت حصلهم و لما وصل

حكوا له الى حصل "

عزت: روح دور على شريف..

" قال جملته لشريف وشريف مكنش عنده اي اوبشن يعترض.. من وقت الى حصل ومحدش بيقدر يرفع عينه فـ عزت "

- وانت يا طارق تعالي معايا

" شريف فضل يلف يدور على ادهم "

" اما عزت فا خبط وامينه فتحت ودخلتهم "

>>>>>>>>>>>>>>>>>>>>>>>>>>>>>>>>>>>>>

- انا كده خلصت كلامي يا امينة.. واظن انتي كنتي عرفاه وعارفه ان الى حصل ميصحش.. وعيب

= عيب اني احافظ على بنتي؟

- ملك محدش يقدر يقرب لها

= والله هي موجود تتكلم بنفسها

"ملك سكتت كأن الكلام تقيل عليها"

- انا مش عايزه ارجع.. مش عايزه اشوف حد ولا هقدر اتعامل مع حد دلوقتي

عزت اتنهد: محدش هيكلمكوا انا مسؤول عن ده المهم ترجعوا بيتكم.. ترجعوا الفيلا وبعدين عمك جمال هناك.. و هدى محدش غيرهم في البيت

طارق: احممم وانا وشريف وادهم

عزت بجدية: انتوا تترموا في اي حته بعيد عنهم !

طارق: حاضر اكيد.

" ماما حطتني قدام المدفع..وللأسف معنديش طاقه حتي اجادل.. انا مازالت في حالة صدمه وعدم تصديق.. مش مصدقه ولا مستوعبه الى انا فيه.. ومش عارفه ادي ردة فعل.. جوايا حاجات مكتومه! عايزه اعيط ومش قادره.. شعور اول مره احسه! لكن في النهايه استسلمت لرغبة جدو.. لأني حتي مش قادره ارفض وندخل جدال طويل!"

- انت يالي واخد البلد كعب داير !! فيه اختراع اسمه موبايل عمال ارن عليك !!

"ادهم مردش عليه وفضل واقف في حاله سكون"

- جدك هناك وعايزك

= وملقاش غيرك يبعته

- القدر مصمم يحطنا في طريق بعض

= هو انت ليه بتعمل كده؟

يعني ملك.. بينا مشاكل من بدري والكل عارف.. وبنفضل ننقر مع بعض .. يمكن بسبب ابويا و يحيى بقا المهم ان فيه سبب.. لكن انت بقا ؟ ايه بقا كميه الغل والكره الى جواك ليا دي ؟؟ لدرجه انك تستني لحد ما تجمع كل حاجه ضدنا عشان تصْرب صْـ ـربتك! وتحكي حاجه من الماضي فات عليها سنين! وتبوظ الدنيا وتعمل مشاكل في العيله كلها ايه يأخي كل ده ؟؟؟

شريف سقف له: جامد.. انا عملت كل ده ؟؟ لا حقيقي شابوه برافو علي السيناريو الى مطلع نفسك فيه بريئ ده !!

ادهم: ياعم انا مش بريئ وفيا كل العبر عملت لك ايه؟

شريف: معملتيش لوحدي ياحبيبي!! انا و ملك وطارق من واحنا عيال واحنا قريبين من بعض ! احنا في حته وانتم لوحدكوا فى حته لكن ازاي تسبونا في حالما رغم انها وعمي ومرات عمي عمرهم ما آذوكم الا ان انتم علطول بتفتعلوا مشاكل معاهم! عشان ابوك غيران من عمك خالد ! انت مش محتاج تعملي حاجه عشان اكرهك !! كفاية الى كنتوا بتعملوه معاهم ! انت وعمي محمد ويحيى ! طول عمري عارف نيتكم من ناحيتها من ناحيه ملك بالذات عشان هي البنت الوحيده الى في العيله فا شايفين انها مدلعه وملهاش حق في اي حاجه ! واخدين كل شيء لحسابكم بالقوة! و عشان كده فضلت جمبها لما اتجوزتك! عمري ما هآمن عليها معاك لأنك متستهلهاش!!

ادهم كأنه عمل سكيب لكل كلامه وبصله وهو بيبتسم بسخريه وثبات: وانت بقا تستاهلها مش كده ؟

" شريف سكت وادهم فضل مركز عليه وهو بيقرب له"

- متخيل بقا ان هيجي يوم وتقولك انها بتحبك..؟

" شريف مردش عليه وكان هيسيبه ويمشي

لكن ادهم مسكه بقوة "

= رد عليا

شريف زعق: اوعى ايدك دي !!! انا مش عايز اديلك بونيه تانيه

أدهم بهدوء شديد: كويس انك فكرتني

" ضربة بونيه في وشه "

- كده احنا خالصين

" شريف اتفاجئ من الصْربة و رمى نفسه عليه بقمه الغضب لكن وقبل ما الموضوع يطور كان طارق شافهم وجري بسرعه جدا بعدهم عن بعض "

شريف بزعيق وغضب اعمى: والله العظيم لاوريك

طارق: بس !!!! ايه الى بتعملوه ده !!!!! خلاص !

شريف: هو الى بدء و مد ايده !!!!! والله ما هسيبه

طارق فضل ماسكه: انا قولت خلاص !!!!

ادهم: تعالى وريني اخرك

طارق: كفاية يا ادهم !!!!

" شريف فضل يتنفس بسرعه وغضب و ثبت مكانه وفجأة حس بدوخه فا وقع "

" طارق لحقه و ادهم بص عليه بخضه ! "

طارق: شريف !!! حصل ايه انت كويس

" كان حاطط ايده على دماغه وبيتألم "

طارق: انت عملت له ايه !!!!!!!

" ادهم نزل لمسواه في اللحظه وفضل يبص على مكان الجرح في دماغه ويتأكد انه سليم ولمسه بأيده "

شريف زقه بغضب وعداء : ابعد ايدك عني

طارق: خلاص اهدى

شريف: وسعوا سبوني وسع !!!

" حاول يقوم والاتنين مازلوا جمبه بقلق "

طارق: متأكد انك كويس طيب !!؟؟

شريف مردش عليه.. طارق طلع مفاتيحه لما وصلوا عند العربية و حطها في ايد ادهم: سوق انت

" رجعوا قعدوا وراه و ادهم قعد قدام عشان يسوق.. كان بيبص على العربية الى بتتحرك بـ ملك وعزت وامينه.. "

امينه: مالك ياحببتي

ملك بصتلها بهدوء: مفيش حاجه..

" حاجتنا كلها في العربية.. وخلاص بنتحرك.. وفجأة يظهر قدامي تاني.. ويخليني احس بمليون شعور في نفس اللحظه.. وديت وشي الناحية التانيه وانا بتجنب ابصله.. "

>>>>>>>>>>>>>>>>>>>>>>>>>>>>>>>>>>>>>

" وصلنا الفيلا.. عمي جمال ومرات عمي هدى مبطلوش احضان فيا.. والحمدلله مشوفتش يحيى ولا عمي محمد حتي ماجده مراته اما طارق و شريف و ادهم اعتقد فضلوا بره.. ولأني مكنتش عاوزة اتكلم فا طلعت اوضتي ارتاح.. "

|| في مكتب عزت ||

" دخل و وراه التلاته.. "

" هو قعد وهما فضلوا واقفين "

- الجناح الى فوق ده كله مش عاوز اشوف طيف حد فيه انتم التلاتة محدش يتكلم مع ملك ولا يهوب ناحيتها غير لما هي تكون عاوزة و كلامى ده ممنوع يتكسر.. الى هيعمل عكس كده حسابه هيبقي تقيل اوي معايا اظن واضح ؟؟ محدش يفكر يضايقها لحد لما الأمور تتحل انتم التلاته تفضلوا بعيد عنها.. سامعين؟؟؟؟

طارق: تمام ياجدو

“ طارق وشريف خرجوا وادهم فضل واقف فا عزت بصله "

- انت بالذات يا ادهم.. تفضل بعيد عنهم.. اتفضل بقا روح ارتاح.. عشان عاوزك بكره فايق

" طبعا المفروض الكل يسمع الكلام.. لكن ادهم اكتر واحد جواه براكين.. ومش قادر يصبر اكتر من كده "

" طارق و شريف راحو اوضتهم.. و هو خرج الجنينه.. و بعد لما حس الأجواء حواليه هاديه طلع على الشجره بالسلم ومنها على الدور التاني لبلاكونة ملك الى كان شايفها مفتوحه.. "

" اتحرك براحه و دخل وهي اتخضت من

وجوده فجأة لكن ما تعمل اي حاجه

ادهم حط ايده على بوقها بسرعه "

- اهدي ! جدو لو عرف اني طلعت لك هيصور قتـ ـيل.. ده غير ان العصبيه مش احسن حاجه لصحته دلوقتي هشيل ايدي و متصوتيش ولا تعلي صوتك تمام؟!

" ملك كانت عيونها بتلمع بالدموع وبعدت عنه وهي بتتنفس بسرعه وبصاله بغضب...! "

شكرا لزيارتكم

لجميع الفصول من هنا