تحميل رواية «عاقر» PDF

رواية عاقر الفصل الاول

-انتي اتجننتي يابت عايزه تقنعي جوزك يتجوز عليكي ؟!

اتنهدت بحزن وانا بقعد علي طرف السرير:

-فكرك يعني سهل عليا اقوله كده

ردت بغيظ :

-وليه تقوليله من اساسه !

عيوني لمعت بالدموع ورديت بنبره ممزوجه بوجع

-عشان هو من حقه يبقي اب

رفعت راسي وانا ببصلها بحزن:

-انا عمري ما هقدر اخليه يبقي اب

قامت وقفت وهي بتقرب مني وبتمسك ايدي بشفقه

-ياسمين حبيبتي كرم اخويا بيحبك ومش فارق معاه اي حد غيرك و.....

قاطعتها وانا بهز راسي بنفي:

-بس هو من جواه زعلان ونفسه يبقي اب زي اي بني آدم طبيعي

حتي مامتك وباباكي ياحنان ،هما اه قالولي اكتر من مره أن ده نصيب وإن هما مش زعلانين بس اكيد نفسهم يفرحوا ويشوفولهم حفيد

ارجوكي ياحنان عشان خاطري ارجوكي اقنعيه يتجوز و....

-لا مش هقنعه استحاله اعمل كده

-عشان خاطري يا حنان عشان خاطري لو بتحبيني اقنعيه

ردت بعصبيه :

-انتي مجنونه رسمي بجد مفيش حد عاقل يعمل كده

انتي ازاي اصلا تفكري في حاجه زي كده

معني كده بقي انك مش بتحبي اخويا ومش بتغيري عليه

مفيش ست ممكن تطلب طلب زي ده إلا لو كان جوزها مش فارق معاها !

قعدت علي طرف السرير وانا بحط وشي بين ايديا وبعيط بحرقه وصوت عالي

حاسه قلبي هيخرج من مكانه من كتر الحزن

الكل مفكر انه سهل عليا اللي بقوله وعايزه اعمله

مكنتش اتوقع في يوم اقول لجوزي اتجوز عليا

لكن كنت مضطره

انا بحبه ،بغير عليه ،بخاف عليه اكتر ما بخاف علي نفسي

بحس أنه طفل صغير تايه وانا ملاذه الوحيد

اول ما قابلته حسيت أنه كان بيغرق وانا كنت طوق النجاه

مقدرتش أنكر أن أنا كمان كنت غرقانه وتايهه وسط الحياه وهو شدني وخباني جوه قلبه

قصه حبنا والظروف اللي قابلتنا لو اتحكت هتتكب من ضمن الاساطير

واجهنا ظروف كانت اقوي من اي حاجه لكن قدرنا مع بعض نتخطاها

افتكر اليوم اللي دخلنا فيه البيت يوم فرحنا

احنا الاتنين اخدنا نفس طويل واحنا بنبص لبعض بنظره قادره تحكي كل المشاعر اللي جوانا

وقتها عيطت لكن المره ديه كانت دموع فرحه

لذه الوصول للحلم اللي طال انتظاره مفيش اجمل منها

لكن اوقات الحلم بيتحول لكابوس مُفزع

لحظه اكتشافي اني استحاله اخلف كانت اصعب لحظه في حياتي

وقتها مشوفتش منه أي رد فعل يدل علي حزنه!

بالعكس خباني بين ضلوعه وهو بيقولي بكل رضا

"انا مش عايز حد غيرك "

ابقي انانيه لو حرمته من أنه يكون اب

كان لازم اعمل كده

لازم اقنعه يتجوز حتي لو ده عكس إرادتي

حتي لو من جوايا بتحرق كل ما اتخيل ان في واحده ممكن تاخد مكاني في قلبه

فوقت من شرودي علي ايد " حنان" اللي بتطبطب علي كتفي

-كفايه عياط

كرم عمره ما هيسيبك صدقيني هو بيحبك

اتنهدت وانا برفع راسي وبهز راسي بيأس

-مفيش قدامي غير حل واحد عشان يوافق

ردت بقلق :

-هتعملي ايه ؟

رديت بجمود :

-هطلب الطلاق

ردت بذهول وهي بتتنفض :

-انتي اتجننتي طلاق ايه اللي تطلبيه

مسحت دموعي وانا برد بهدوء وثبات مُزيف:

-اخوكي من حقه يعيش حياه طبيعيه زي اي بني آدم

ابقي انانيه لو حرمته من أنه يكون اب

اخدت نفس طويل وانا بضغط علي ايدي وبحاول معيطش

-انا عشان بحبه لازم اعمل كده

لازم اقس*ي عليه وعلي نفسي ...

هزت راسها بيأس وهي بتاخد شنتطها وبتبصلي بعتاب قبل ما تخرج

-صدقيني محدش هيندم غيرك

فكري قبل ما تاخدي قرارك ،ومتفتكريش أن كرم ممكن يسيبك بالساهل

قالت كلامها وخرجت من الاوضه وانا واقفه دقات قلبي سريعه ،صوت نفسي مغطي الاوضه ،عيوني بتلمع بالدموع

جوايا براكين لو خرجت هتحرق البحر واليابس !

نفسي أصرخ بكل الوجع اللي جوايا

مكنتش اتمني نوصل للحظه ديه ابدا

قلبي مكس*ور ميه حته

اتمني بس لو ارجع بالزمن شويه ومقابلهوش

اتمني كنت افضل علي مبدأ اني عمري ما هتجوز

قبل ما اشوفه كنت مقرره اعيش لنفسي

اشتغل ،واحقق ذاتي

مخليش الحب يدخل قلبي لاني عارفه نهايته هتكون ايه

لكل بدايه حب نهايه معظمها بتكون بشعه

دايما كنت شايفه أن قلبي أضعف من انه يتحمل النهايه الحزينه

كنت مقرره أنه عمري ما هسمح للحب يأثر علي حياتي

كنت مقرره الغي قلبي ومشاعري واحكم عقلي بس

لحد ما شوفته اول مره

وقتها عقلي وقف عن التفكير

قلبي هو اللي فضل يدق بشكل واضح وصريح

حاولت اسيطر عليه لكن مقدرتش !

يوم ورا التاني ورا الثالث ومع كل مره كان بيقرب مني كنت بضرب بكلامي عرض الحائط

.

معاه بدأت أتخيل حاجات عمري ما اتخيلتها في يوم

فستان خطوبه ،دبله مزينه صوابعي ، ،فستان فرح ،بيت دافي ، بنت واقفه في المطبخ بتحاول تتعلم اكله عشان الشخص اللي بتحبه ،قهوه بتحاول تعملها للمره المليون وبتفور كالعاده ، اطفال بتجري هنا وهناك

بدأت مخططاتي تتغير

احلامي بقي هو جزء منها

قطع تفكيري دخوله الاوضه

وفي الحقيقه معرفش جه أمتي وازاي

معرفش انا بقالي قد ايه قاعده بفكر من الاساس

قرب مني وباس راسي وهو بيقولي بنبره دافيه :

-وحشتيني

رفعت راسي وانا ببص في عيونه بدموع :

-وانت كمان

حاوط وشي بقلق :

-مالك انتي كويسه؟

بلعت ريقي وانا بشيل أيده وببعد خطوه لورا باخد نفس طويل قبل ما أقوله الكلمه اللي صدمته ووجعتني

-طلقني

سكت لحظه بيحاول يستوعب كلامي وهو بيبصلي بذهول وبيهز رأسه

-انتي قولتي ايه ؟

رديت بجمود :

-قولت طلقني ياكرم

رد بذهول اكبر :

انتي واعيه انتي بتقولي ايه ؟

-ايوه

زعق في وشي بنفاذ صبر :

-لا مش واعيه اكيد مفيش حد واعي يقول كده !

اخدت نفس طويل ورديت بثبات عكس اللي جوايا :

-لو سمحت ياكرم انا عايزه اتطلق

-مفيش زفت طلاق

دموعي نزلت بعد ما حاولت أكتمها لكن مقدرتش

-لو سمحت متتعبنيش اكتر من كده

اخد نفس طويل وهو بيمسح علي وشه وبيحاول يهدي أعصابه

قرب مني وحاوط وشي وهو بيقولي بهدوء :

-انا سبق وقولتلك مش عايز حد غيرك

انتي ليه مش عايزه تصدقيني

رديت بدموع :

-عشان انت من حقك تكون اب و...

قاطعني بعصبيه وزعيق :

-مش عايز اكون زفت مش عايز كفايه بقي حرام عليكي كفايه اللي بتعمليه في نفسك وفيا ده

رديت بدموع وعصبيه :

-انت اللي كفايه ارجوك بقي ارحمني وخلصني من العذاب ده

-عذاب!!

-ايوه وجودي معاك عذا"ب ،انا مش قادره استحمل نظره السفيه اللي بشوفها في عينك وعين اهلك

..

انا بقيت حاسه انك مكمل معايا شفقه

مفيش بني آدم ممكن يرضي يعيش مع واحده مبتخلفش

مفيش بني آدم يستحمل يعيش عمره كله من غير ما يشيل حته عيل يتسند عليه لما يكبر

رد بسخريه:

-ياااااه للدرجادي معندكيش ثقه فيا ولا في حبي ليكي !

غمضت عيني وانا بضغط علي ايدي بقوه وبرد بنبره حاولت متكونش مهزوزه :

-انا اسفه بس....

رد بجمود :

-حضري شنطه هدومك عشان هوديكي لأهلك

رديت وقلبي بيتنفض :

-ه ه هتطلقني

-مش أنتي عايزه كده

اه ياياسمين هطلقك

رواية عاقر الفصل الثاني

ورغم إنك على سريرك لا تفعل أي مجهود يُذكر، لكنك مزدحم! مزدحم بالذكريات ، بالتفاصيل وبمعركة قلبك وعقلك التي لا تنتهي ، رغم صمتك بداخلك ضجيج يبتلعك..!

في الحقيقه كان اكتر نص ممكن يعبر عن حالتي وانا قاعده في اوضتي وعلي سريري في بيت اهلي

قاعده ساكته ،مش بعيط ،مش بصرخ ،مش بحكي لحد احساسي

مش بعمل اي مجهود يُذكر

لكن في زحمه في دماغي

زحمه ذكريات

تفاصيل عيشتها معاه لاول مره في حياتي واستحاله تتنسي

صراع ابدي بين قبلي وعقلي

عقلي شايف أنه عمل الصح

قلبي بيلومني وشايف أنه اتوجع قبل ما يوجع قلبه!

سندت راسي علي المخده عشان أهرب في النوم كالعاده لما بتضايق

كنت لسه هغمض عيني بس الباب اتفتح فجأه ودخل كرم

قلبي دق بفرحه وابتسمت وانا بهمس بنبره كلها دموع

-كرم

اتنهد وهو بيقرب مني ببطئ وبيبصلي بعتاب لحد ما وقف قدام السرير

قومت اتعدلت وانا برفع راسي ابص في عيونه بأسف من غير ما انطق حرف

عيوني وعيونه كانت كفيله تحكي كل اللي جوانا !

قعد علي طرف السرير وبصلي وسكت لحظه وكأنه متردد يتكلم أو لا ؟

-هان عليكي العشره ياياسمين؟

بصيت النحيه التانيه وانا بحاول اتكلم بصوت ميكونش مهزوز

-ا انت عارف انا عملت كده ليه

-وانا قولتلك مش عايز حد غيرك يا ياسمين !

لفيت راسي وانا ببصله وبرد بصوت ممزوج بقهره ودموع

-هيجي يوم وهتحن لطفل ياكرم

وقتها هتتضطر تتجوز عليا من غير ما تعرفني عشان متجرحش مشاعري

ا انا ا انا عارفه انك بتحبني زي مانا بحبك ب بس اوقات ا اوقات بنضطر نكذب علي اللي بنحبهم عشان منخسرهمش

ا اوقات بنضطر نعمل حاجات من وراهم عشان منجرحش مشاعرهم

وانت اكيد هيجي يوم وهتتجوز عليا عشان تخلف

ا انا ا انا مش حمل اكتشف انك اتجوزت عليا

انا جيتلك بكل إرادتي وقولتلك اتجوز غيري عشان تقدر تجيب العيل اللي نفسك فيه بس انت رفضت

سكتت لحظه وانا بضغط علي ايدي عشان معيطش لكن مقدرتش

حطيت وشي بين ايديا وعيطت بحرقه وانا بهمس بصوت مكتوم

-انا تعبانه اوي ت تعبانه ومش عارفه اعمل ايه

مش سهل عليا اقولك روح اتجوز غيري وخلف منها عشان انا ارض بور مبخلفش

قرب مني وضمني وخباني جوا ضلوعه وهو بيهمس برقه

-اهدي ياحبيبتي اهدي عشان خاطري والله العظيم انا بحبك مش عايز حد غيرك ومش بفكر في الخلفه لو مش منك انتي

وبعدين الدكتور قالنا مفيش حاجه بعيده علي ربنا

حالتك مش ميؤس منها للدرجادي ياحبيبي والله هنلف تاني علي اكتر من دكتور

لو اضطرينا نسافر برا ونصرف اخر مليم هعمل كده

عشان خاطري كفايه اللي بتعمليه في نفسك وفيا ده

مسكت في الجاكيت بتاعه جامد وانا بضم نفسي لحضنه وبهمس بقلبي قبل لساني

-يااااارب

رفع رأسه لفوق وهو بيهمس بتوسل :

-يااارب

بعدني عن حضنه وحاوط وشي وهو بيمسح دموعي وبيبتسم برقه

-ممكن كفايه عياط وتقومي تلبسي عشان نرجع البيت

هزيت راسي وانا ببتسم ابتسامه باهته :

-ح حاضر

قومت لبست وحضرت شنطتي ورجعنا البيت كانت حوالي الساعة ٧ بالتقريب

اول ما دخلت اتنهدت براحه وكأني كنت غايبه من زمن !

قرب مني وباس راسي وهو بيهمس بحب :

-نورتي بيتك يا ياسمينتي

سندت راسي علي صدره وانا ببتسم بحب :

-ربنا يخليك ليا

-ويخليكي ليا

رفعت وشي وقولتله بندم :

-انا اسفه ياكرم

حاوط وشي وابتسم بهدوء :

-انا عمري ما ازعل منك وعارف أن كل اللي قولتيه من ورا قلبك

هويت راسي اكتر من مره بلهفه :

-والله من ورا قلبي والله

رد بغموض وهو بيضمني لحضنه :

-عارف اتمني أنتي اللي متزعليش مني

رديت باستغراب :

-ازعل منك ليه

اتنهد تنهيده طويله ورد بحيره :

-ولا حاجه ياحبيبتي

ادخلي غيري هدومك عقبال ما اطلب اكل عشان انا واقع من الجوع

-امممم طب ما تستني اعملك بيتزا

قفل عينه نص قفله ورد بشك :

-محروقه زي اول امبارح

حكيت فروه راسي بحرج :

-علي فكره انت السبب

-انا!!

-اه انت كنت بتكلمني في الفون وعمال تجولي كلام يدوخ جوي جوي ياخال

ضحك بعلو صوته وهو بيشيل خصله من شعري وبيحطها ورا ودني وبيبصلي في عيوني بهيام

-زي ايه مثلا؟؟

-امممممم زي انك بتحبني مثلا

-اوي اوي ياحسن

-وانا كمان بحبك اوي ياكرم

باس ايدي برقه واخدني في حضنه من غير ما ينطق حرف

وفي الحقيقه كنت حاسه أنه في حاجه مخبيها عني لكن مكنتش عارفه ايه هي !

-يلا ياروحي ادخلي غيري هدومك لهدوم خروج عشان أنا عازمك علي العشا برا

رديت بفرحه :

-بجد بجد ؟

-بجد هنزل بس اشتري حاجه وطالع علي طول

-اشطا فوريررررره

قولت كلامي وطلعت اجري علي الأوضه والإبتسامة مرسومه علي وشي

لكن !

اول ما دخلت الاوضه بدأت ابتسامتي تتلاشي بالتدريج وانا شايفه واحده قاعده علي السرير

لابسه هدوم مش محترمه ،حاطه ميك اب اوفر ،فارده شعرها

بتبصلي بابتسامه كلها شماته

قلبي اتنفض وانا بقرب منها ورُكبي بتخبط في بعض من الخوف

-ا ا انتي مين

ابتسمت ابتسامه صفراء وهي بتمضدغ لبانه وبتقولي بكل برود

-ضرتك ياحياتي

كلمتها كانت بمثابه خ"نجر مسم*وم اترشق في قلبي

حطيت ايدي علي بوقي وانا بهز راسي بهستريه :

-لا ل لاااا لا كرم ميعملش كده فيا لا

قامت وقفت وهي بتقرب مني بمياعه وبتبصلي من فوق لتحت باحتقار

-لا يعمل كده واكتر من كده كمان

انا مراته قبل ما تكوني انتي مراته ياقمر

صرخت في وشها بعن"ف وج*نون :

-انتي كدابه لا لا كرم ميعملش كده لا

شديتها من هدومها وانا بهزها بكل قوتي :

-انتي مين اللي زقك علينا هااا ردي عليا مين اللي زقك علينا

ضحكت ضحكه خليعه بكل سخريه :

-ايه جو المسلسلات ده ياحبيبتي

يابنتي بقولك انا مرررراته ولو مش مصدقه اوريكي القسيمه

سيبتها وانا ببعد خطوه لورا وبهز راسي بهستريه ودموع

قربت مني وهمست في ودني ب*غل :

-اقولك علي الكبيره ؟؟

كرم بيه هو اللي مش بيخلف

بعدت عني ونبره صوتها اتخنقت بالدموع وهي بتديني ضهرها

-فضلت خمس سنين فاكره أن العيب مني انا وبلوم نفسي

وطلبت منه يتجوز غيري عشان يخلف وهو ما صدق

فوراً راح اتجوزك وعايش معاكي احلي ايام حياته

لفت بصتلي بحقد وكره :

-كل ما كنت اطلب اشوفه يقولي اصلي مشغول

اصل ياسمين تعبانه ،اصل انا تعبان ومش قادر

قعدت علي طرف السرير وهي بتعيط بحرقه :

-كنت بستحمل واحط جزمه في بوقي عشان عارفه أن محدش هيستحملني لو اتطلقت وعارفه أن مفيش حد هيرضي يعيش مع واحده عاقر زي!!

لحد ما في يوم واحده صاحبتي طلبت مني التحاليل اللي عملتها انا وهو عشان تعرضها علي دكتور شاطر في انجلترا

هزت راسها بحزن وهي بتقولي بحزن :

-اكتشفت ان العيب منه مش مني انا

اكتشفت أنه زور كل التحاليل بتاعتي

تعرفي؟؟

بعد ما واجهته قالي ايه

قالي ايوه انا مش بخلف وعايزه تتطلقي وتغوري في س،تين داه*يه هطلقك

قعدت علي الارض وهي بتلطم علي خدها بوجع وقهره

-معرفتش اعمل ايه ، مليش حد ،اهلي ما صدقوا رموا طوبتي،اخواتي محدش فيهم بيطيقني

مليش حد في الدنيا غيره

بصتلي بوجع:

-كنت مضطره اعيش معاه حتي بعد ما خدعني

مسحتها دموعها بقوه وقامت وقفت قدامي وهي بتقولي بتحدي وكره

-انا وانتي طريقنا واحد ،كرم خدعنا احنا الاتنين لازم *ننت*قم منه

كنت ببصلها وانا شايفه كل حاجه قدامي طشاش

دماغي لفت والرؤيه بدأت تتلاشي وفجأه وبدون اي مقدمات وقعت علي الارض وانا بتمني من جوايا لو تكون دي آخر لحظه في حياتي .....

رواية عاقر الفصل الثالث والاخير

-انتي بتعملي ايه هنا فهميني ودخلتي البيت ازاي

-ايه مش مراتك زي زيها!

وبعدين دخلت بالمفتاح النسخه اللي كنت فاكر انها ضايعه منك ،اصل بصراحه انا اللي سرقتها

مسكها من ذراعها وهو بيجز علي أسنانه :

-كنتي مراتي متنسيش اني طلقتك

حاوطت رقبته بدلال مصطنع وهي بتلمس وشه:

-ممكن تردني وابقي خدامه تحت رجليك

شال ايديها من علي رقبته بكل عصبيه وهو بيهزها بكل قوته

-قولتلها ايه عشان يحصلها كده؟!

بصتله بتحدي وغل :

-قولتلها الحقيقه

-حقيقه ايه ؟

ردت ببرود :

-حقيقه اني مراتك وكذبت عليها وقولتلها ان العيب مش مني ولا منها

وقربت منه وهي بتبصله بكل تحدي :

-عرفتها أن انت طول السنين دي كنت بتضحك عليا وعليها وان العيب منك

وبصتله ببراءه مصطنعه :

-بصراحه حطيت تاتش من عندي وقولتلها اني لسه علي ذمتك لحد دلوقتي و....

قاطع كلامها وهو بيقرب منها وبيحط أيده علي رقبتها يخ*نقها بكل غ*ل وعيونه بتخرج شرار

-آااااه كح كح كح كح كح

كان صدره بيطلع وينزل بعن*ف وعروق رقبته بارزه وهو بيقولها بغ*ل وكره

-هم**وتك هموو***ووتك

وشها بقي ازرق ونفسها بدأ يقل بس بصتله وردت بخنقه وصوت متقطع

-م مش فارقه م مش فارقه تم*وتني أو أو لا ك كده كده انا عايشه مي*ته بعد اللي عملته فيا

ا انا بكر*هك ب بكر-هك وع وعمري ما هسامحك ابدا ع عمري ما هسامحك علي كسره النفس اللي عيشتني فيها

ولا علي الذل اللي كنت بشوفه وانا معاك ،ع عمري ما هسامحك لانك خدعتني لما كنت لسه عيله صغيره وضحكت عليا بكلمتين حلوين لحد ما بقيت رخيصه وسلمت نفسى لواحد زيك

ع عمري ما هسامحك اني عيشت متجوزاك في السر ومعيشتش حياتي زي اي ست طبيعيه

انا غلطانه واستاهل كل اللي يجرالي ،ا اكيد ده عق*اب ربنا ليا عشان سمعت كلام الشيطان ورخصت نفسي وسلمتها لواحد ميستاهلش

ل لولا هد*دتك اني هعرف اهلك بكل حاجه مكنتش اتجوزتني ،وبعد ده كله حرمتني من اني اخلف ولما و ولما حملت قولتلي لازم العيل ينزل

صوتها اتخ*نق بالدموع وهي بتقول بضعف :

-ولما رفضت ا اخدتني غصب عني وخلتني انزله عشان متلبسش في حته عيل من واحده رخيصه زي مش انت قولتلي كده !

بس خلاص ك كل حاجه لازم تتعرف لازم كل الناس تعرف حقيقتك ياحق*ير يا.......

ضغط اكتر علي رقبتها بكل قوته وهو بيصرخ في وشها

-اخرسي اخرررررررررررررسي ا آاااااه

قالها بوجع لما انا ضربته بكوبايه علي دماغه ،اصل في الحقيقه انا كنت سامعه وشايفه كل حاجه

كنت مصدومه

قلبي مع كل حقيقه بتتقال يتشرخ اكتر ما هو مشروخ!

عيوني بتبكي بدل الدموع دم بالمعني الحرفي

دقات قلبي من كتر ماهي سريعه حسيته هيقف من كم الصدمات اللي جتلي من اقرب حد ليا !

وزعت نظراتي ما بينهم هما الاتنين بتوهان وصدمه احتلت كياني وانا بهز راسي بهستريه وخوف

-لا لا لااا ده مش حقيقي انا بحلم ا انا اكيد بحلم

حطت التانيه ايديها علي بوقها بصدمه وهي بتبصلي بتوتر

-يخربيتك انتي عملتي ايه موت*ي الراجل؟؟

قالت جملتها الاخيره وهي بتقعد علي ركبتها قدامه وبتتفحصه برعب

-كرم كرم انت كويس

فتح عيونه ورد بضعف ورأسه بتنزف:

-ا اطلبي الإسعاف

هزت راسها اكتر من مره :

-حاضر حاضر حاضر

وفعلا طلبت الإسعاف وانا واقفه في مكاني مش قادره اتحرك

مش قادره اعمل اي رد فعل

وكأني اتحولت لصنم!

اما عنها

سندته وحطت حته قماشه علي دماغه عشان توقف النز*يف وقعدته علي السرير لحد ما الإسعاف تيجي

كان في الوقت ده فقد الوعي ....

قربت مني وهي بتشدني من هدومي وبتهزني بج*نون

-لو حصله حاجه هموتك انتي سامعه لو حصله حاجه ه*مو*وووتك

رفعت عيوني وانا برد بتوهان :

-بعد كل اللي عمله فيكي خايفه عليه ؟؟

صرخت في وشي ودموعها علي خدها :

-ايوه عشان بحبه بالرغم من كل اللي عمله فيا بس بحبه ومقدرش اتخيل حياتي من غيررره

شيلت ايديها من علي هدومي وانا بهز راسي وببصلها وببصله بكل كره واحتقار

-انتوا الاتنين ازبل من بعض

وقربت من وشها وانا ببصلها بجرأه وتحدي معرفش جبتهم منين في وقت انا كنت منهاره فيه !

-اقولك حاجه ،انتي مصعبتيش عليا تعرفي ليه ؟!

عشان انتي رخيصه ومعندكيش كرامه ،انتي اللي سمحتيله يعمل فيكي كل ده

محدش كان ض*ربك علي ايدك وقالك تسلمي نفسك لواحد زي ده

وضربت رأسها بخفه وانا بشاور علي عقلها :

-ده موجود عشان نفكر قبل ما نعمل الحاجه

عيوني لمعت بالدموع وانا ببصله وبهمس بحزن :

-يمكن هو وشه وش ملايكه وقدر يخدعك ببرائته زي ما كان خادعني كل السنين دي بس برضو ده مش مبرر انك تفضلي عايشه مع واحد حقير زيه

لفيت وشي وعيطت بصمت وانا بحط ايدي علي بوقي

ومن بعدها اخدت نفس طويل ومسحت دموعي وانا بلف مره تانيه وببصلها بقرف

-اشبعوا ببعض ،متنسيش تحملي تاني وتخليه يسقطك ويقولك مش عايز عيل من واحده رخيصه زيك

كنت لسه هخرج بس رجعت تاني وانا بسألها بحيره وقهره

-طب بس مين فينا اللي مبيخلفش انا ولا هو ؟

اتنهدت وردت بهدوء :

-انتي بس هو السبب

-يعني ايه ؟؟

-يعني هو في أول الجواز مكانش عايز يخلف منك

كان بيحطلك برشام منع الحمل في الاكل او العصير او اي حاجه بتاكليها

بس بعد كده ندم

حطيت أيدها علي بوقها وهي بتعيط و بتبصلي بكره :

-ندم عشان حبك ،قالي انك الشخص الوحيد اللي خلي لحياته معني

ندم ونفسه في حته عيل منك بس للاسف ربنا عاقبه والبرشام خلاكي عاقر

هويت راسي بجن*ون وانا بقرب منها وبضر*بها بج*نون :

-انتوا مش بني ادمين انتوا حيو***اناااااات انا بكرهكم بكرهكممممم حسبي الله ونعم الوكيل فيكم

لفيت وقربت منه وانا بض*ربه بكل قوتي وب*صرخ ب*ج*نون وهستريه :

-انا بكرهككككك ياكرم بكررررهك قد ما حبيتتتتك

الباب خبط جريت تفتحه وانا مازلت بض*رب فيه

مكنتش حاسه بنفسي ،كنت عامله زي الم*جنونه

كنت تايهه ،مصدومه ،قلبي مفتور بي*نزف!

كانت ابشع صدمه مرت عليا في حياتي

مكنتش أتخيل الضربه تجيلي منه هو بالذات

اكتر شخص حبيته ،وثقت فيه ثقه عمياء

اكتر شخص راهنت عليه بحياتي

وبكل أسف خسرت الرهان

وحقيقي من اصدق الجمل اللي شوفتها

اللي انت في يوم حبيته وقدّرته

هو اللي اذاك.!"

دخلوا الممرضين وشافوني وانا بضرب فيه وحاولوا يبعدوني عنه بس أنا كنت بضرب فيهم وفي كل اللي أيده تطوله

قهره قلبي وقتها كانت مغيباني عن العالم

قدروا يبعدوني عنه واخدوه علي برا

واحد من الممرضين بشك:

-هي اللي عملت فيه كده ؟

فركت ايديها بتوتر وهي بالله ريقها :

-هه لا لا ده وقع علي الارض واتخبط في التربيزه

رد بشك :

-متأكده؟

-ايوه ايوه طبعا

-عموما لما يفوق كل حاجه هتبان بس لو قال كلام غير كده وقتها هنقدم فيكم بلاغ ونقول انتوا السبب وخصوصاً بعد اللي المدام كانت بتعمله

ردت بتوتر :

-ياخويا دي أخته و وكانت ب*تض-ربه عشان خايفه عليه

رد بسخريه:

-ازاي يعني ؟

-ع ع عشان ا اه عشان هو الوحيد اللي فاضلها من العيله بعد ما ابوها وامها ما**توا وهي من ساعه ما شافته كده منهاره ياحبه عيني

عماله تضرب فيه عشان يصحي و.....

قاطعتها بقوه وانا ببصلها بغ*ل وكره :

-الكلام ده مش حقيقي ،انا مراته وانا اللي ضربته كده ولو رجع بيا الزمن هعمل كده واكتر من كده كمان

وقربت منه وانا ببصله باستسلام:

-سلمني للبوليس خليه يسجني ،اهو السجن ارحم من اللي شوفته في دنيتي !

بصلي ورد بشفقه:

-ليه عملتي كده ؟؟

-عشان هو كد*اب وخا*ين وحق*ير وخدعني سنين كتير اوي

نبره صوتي اتخنقت بالدموع وانا برفع راسي وبقوله بصوت متقطع :

-انا مبكرهش في حياتي قده ،علي قد ما حبيته علي قد ما كرهته لما عرفت أنه السبب في اني مخلفش

اتنهد وبصلي بشفقه وهو بيطبط علي كتفي وبيهمسلي بخفوت :

-اهربي

-هه

-اهربي قبل ما البوليس يعرف واناهقول اني مشوفتش حاجه

رديت بتوهان :

-ليه؟

-لاني حاسس بيكي ،عشان بنتي اتحطت في نفس الموقف زمان

اهربي بسرعه

هزيت راسي بنفي وانا بمسح دموعي :

-انا معملتش حاجه عشان أهرب ،انا كنت بدافع عنها

-بتدافعي عن مين ؟

ردت هي بهدوء وتعب :

-عني انا

-مش فاهم

-كانت بتدافع عني عشان الحقير جوزي وجوزها حاول يموتني

هزيت راسي وانا برد بقوه :

-ايوه وهروح اسلم نفسي واقول الحقيقه انا مش جبانه

اتنهد وهو بيبصلنا بحيره :

-ارجوكي متعمليش اي حاجه دلوقتي لحد ما يفوق ونشوف هيقول ايه

-تمام

-عن اذنكم

ردت هي بلهفه :

-ثواني انا جايه مع حضرتك

وحطت وشها في الأرض بأحراج :

احم هغير هدومي بسرعه بس

-تمام هستناكي برا

خرج وهي لبست عبايه علي هدومها وطرحه وخرجت وراه

اما عني كنت واقفه في نص الاوضه ،دماغي بتلف بيا

كنت حاسه اني واقفه في متاهه حقيقيه

وفجأة وبدون اي مقدمات قعدت علي الارض وانا بحط وشي بين ايديا وبعيط بحرقه وصوت عالي

فضلت علي الحال ده يمكن اكتر من ربع ساعه

بعيط علي حظي ،قلبي ،حبي لشخص ميستاهلش

بعيط علي مشاعري اللي راحت هدر

الفون بتاعي رن رديت من غير ما اشوف الاسم

-الو

-ازيك يا ياسمين

قلبي اتنفض وانا برد بلهفه وكأنه طوق نجاه :

-عمر

رد بقلق :

-انتي كويسه

هزيت راسي بنفي ودموع :

-الحقني ياعمر الحقني

-انتي فين

بلعت ريقي ورديت بتعب :

-ف في البيت عندي

رد باستعجال :

-مسافه السكه وهكون عندك

قفل الفون وخمس دقايق ولقيت الباب بيخبط جامد

قومت وانا بجري نحيته وبفتحه بلهفه

اول ما شوفته قدامي اترميت في حضنه وانا بعيط :

-عمررر

بعدني بقلق وهو بيحاوط وشي :

-في ايه ايه اللي حصل

رديت بصوت متقطع :

-خ خاني و وخدعني طول السنين ديه

-هو مين ده ايه اللي حصل فهميني !

بدأت احكيله كل اللي حصل بالتفصيل وقلبي بيتحرق من القهر والوجع اللي جواه

ملامحه اتغيرت وبص قدامه وهو بيقول بنبره كلها شر

-نهايتك علي ايدي ياكرم يامنشاوي

بصلي بحنان وهو بيمسك ايدي وبيبوسها برقه وبيبوس راسي

-وحياه غلاوتك عندي حقك هجبهولك ،ادخلي ياحبيبتي حضري شنطه هدومك ويلا عشان اروحك

رديت بتعب :

-مش قادره

اخدني من ايدي وقعدني علي الكنبه وهو بيقولي بحنان :

-خليكي انا هحضرها

حضر الشنطه ونزلنا ركبنا عربيته واخدني علي البيت

اول ما وصلت اترميت في حضن ماما وعيطت بكل الوجع اللي جوايا

ماما بقلق :

-في ايه يابنتي مالك في ايه ،كرم جراله حاجه

اول ما جابت سيرته عيطت اكتر وهي مش فاهمه مالي

بصت لعمر بقلق :

-في ايه ياعمر مالها ياسمين

رد بحزن :

-كرم طلع متجوز ياخالتي

لطمت علي وشها :

-يامصيبتي السوده ازاي وليه ده بيموت فيها و

قاطعها عمر بجديه:

-دلوقتي دخليها اوضتها ياخالتي وبعدين نتكلم

هزت راسها وسندتني ودخلتني اوضتي ونيمتني علي سريري واخدتني في حضنها هي بتعيط

شويه وروحت في النوم أو تظاهرت اني نمت عشان اقدر اكون لوحدي

باست راسي وغطتني كويس وخرجت

فات نص ساعه ،كنت سانده راسي علي المخده ودموعي علي خدي

شويه والباب اتفتح ،غمضت عيني عشان محدش يتكلم في الموضوع لاني مكنتش قادره انطق حرف

-انا عارف أنك صاحيه ياياسمين

ضغطت علي شفايفي وغمضت عيني بقوه وانا برد بصوت مبحوح

-ارجوك ياعمر مش قادره اتكلم

قعد علي طرف السرير وطبطب علي راسي وهو بيبتسم برقه

-انا مش عايزك تتكلمي ،قومي اصر*خي ،عيطي ،كسري الأوضه ،اعملي اي حاجه بس متفضليش كده

سكت لحظه وهو بيقول بنبره غريبه :

-انا مش حمل يجرالك حاجه !

فتحت عيوني ورفعتها وانا ببصله بكسره:

-انا ليه بيحصل فيا كده

هو انا وحشه ياعمر ؟!

هز رأسه بلهفه :

-لا طبعا ده عشان ربنا بيحبك

-ازاي وانا حياتي متدمره بالشكل ده؟!

اتنهد تنهيده طويله ورد بعقلانية :

-يمكن انتي شايفه انها اتدمرت بس لو فكرتي شويه هتعرفي أن اللي جاي كله خير

تقدري تقوليلي لو كنتي خلفتي منه حته عيل واكتشفتي أنه متجوز عليكي كنتي هتعملي ايه

-ك كنت هتطلق

-بس ممكن كنتي تسامحي

رديت بذهول وانا بقوم اقعد :

-اسامح؟.

-عشان ابنك او بنتك كنتي ممكن تسامحي

-استحاله انت ازاي تقول كده

-ياسمين ياما ستات كتير عملت كده عشان عيالها

رديت بعصبيه ودموع :

-ستات معندهاش كرامه

-لا ستات بتحب عيالها اكتر من نفسها ،ماعلينا انتي دلوقتي مش خسرانه اي حاجه هتتطلقي منه وخلاص !

ابتسمت بسخريه :

-مش خسرانه حاجه؟؟

انت ليه ياعمر مش حاسس بيا

بصلي بصه غريبه مقدرتش افسرها وهو بيقولي بحزن

-انا اكتر واحد حاسس بيكي يا ياسمين

-انا خسرت كتير اوي ياعمر

خسرت عمري وصحتي ومشاعري وقلبي خسرت كل حاجه

مسك ايدي بحزن :

-انا اسف

-علي ايه ؟

-اسف علي كل حاجه حصلتلك

رديت بدموع :

-وانت ذنبك ايه ؟

شبك صوابعه في صوابعي وهو بيبص في عيوني :

-ذنبي اني ب......

قطع جملته اول ما الباب اتفتح ودخل "كرم" فجأه وهو بيقول بلهفه

-ياسمين انا...ايه ده انت بتعمل ايه هنا ؟؟

قام وقف وهو بيقرب منه بغض*ب وبيشده من هدومه

-انت ايه اللي جابك هنا ياحيو*ان

رفع حاجبه بابتسامه كلها سخريه:

-جيت في وقت مش مناسب ولا ايه

-انت كمان بتتريق ياو***"**

اتعصب كرم وبعد نفسه عنه وهو بيبصلي بغضب :

-ايه ياهانم ما صدقتي تخلصي مني عشان يخلالك الجو مع حبيب القلب ولا ايه

وفجأة وبدون اي مقدمات كانت ايد "عمر" بتنزل علي وشه بقلم صوته هز المكان

-ياسمين اشرف منك يازبا*له وحالا تطلقها بالذوق بدل وربي وربي اسجنك

قامت خناقه ما بينهم وانا بوزع نظراتي بخوف

مكنتش قادره اتحرك ولا اسلك ما بينهم

لولا رجوع بابا واخويا من الشغل في الوقت ده كان حد فيهم هيم*وت التاني

والمؤكد أن عمر اللي كان هيعمل كده !

بابا واخويا مكانوش فاهمين اي حاجه لحد ما عمر حكالهم الموضوع

وقتها قامت خناقه اكبر واخويا مسك كرم مخلاش فيه حته سليمه

فاتت ايام كنا في حوارات مبتخلصش لحد ما قدرت اتطلق منه بمساعده عمر وأصحابه المحامين

فات شهر حاولت اتعافي من اللي حصلي وفي الحقيقه لولا وجود عمر مكنتش هقدر أخطي خطوه واحده لقدام

هو مش أبن خالتي وبس هو اخويا وصاحبي وكل اللي ليا من وقت ما كنت صغيره وانا حاسه اننا روح واحده

-بقولك ايه انا زهقت

-مالك بس؟!

-عايز اتجوز ياستي

ابتسمت ابتسامه مهزوزه:

-تتجوز و وياتري مين اللي امها داعيه عليها ديه

رفع حاجبه بمراوغه :

-امك

-الاه عايز تتجوز خالتك ياعبيط

-توء انتي فاهمه غلط انا اقصد أن امك هي اللي داعيه عليكي في ليله القدر

قفلت عيني نص قفله ورديت بغباء :

-وانا امي تدعي عليا ليه

ضرب رأسه بخفه وهو بيهزها بيأس:

-غب*يه طول عمرك ماشاء الله

-لا بجد مش فاهمه

اتنهد تنهيده طويله وقام وقف وهو بيفرك أيده بتوتر :

-ياسمين انا ا احم ا انا انا

-انت علقت ولا ايه

-يخربيت الفصلان ياستي اخرسي خليني اتنيل اقول الكلمتين المحشورين

ضحكت جامد وانا بحط ايدي علي بوقي :

-خلاص خلاص سكت اهو قول

اخد نفس عميق وبص في عيوني وقالها بسرعه :

-ياسمين انا بحبك وعايز اتجوزك

رمشت بعيوني اكتر من مره بصدمه وانا بردد كلمته في عقلي

-ياسمين انا بحبك وعايز اتجوزك

قرب مني بقلق :

-بصي ل لولا كلامي ضايقك اعتبري اني مقولتش حاجه و....

قاطعته بذهول :

-ازاي احنا اخوات!!

رد بتشنج :

-اخوات مين يام اخوااات امي اسمها فتحيه وامك اسمها عدلات

-انت بتردح ياعمر

-احم تقريباً

-لا بجد بس انا مش بهزر احنا طول عمرنا زي الإخوات و...

-بس انا عمري ما اعتبرتك زي اختي يا ياسمين انا بحبك من زمان بس انتي اللي مش حاسه بيا

-معقوله؟

مسك ايدي بتوسل :

-ارجوكي تديني فرصه ،خليني اعيش ولو مره واحده مبسوط ،انا تعبت من كتر مانتي قريبه وفي نفس الوقت بعيده عني

ارجوكي يا ياسمين وافقي واوعدك هنسيكي كل اللي حصل وهعوضك

عيوني لمعت بالدموع وانا بهز راسي اكتر من مره :

-م موافقه ياعمر موافقه اديك عمري كله لاني واثقه ان انت الوحيد اللي مش هتخدعني زي اللي فات

باس ايدي برقه وهو بيمسح دموعي :

-شهور العده بتاعتك تخلص وهنتجوز موافقه ؟؟

-موافقه بس بس .....

-انتي في امل كبير تخلفي

-بجد ياعمر بجد

-بجد ياروحي أن شاء الله هنسافر امريكا وتتعالجي ونخلف بيبي زي القمر زيك

ضغطت علي أيده وانا ببصله بأمتنان:

-شكرا انك في حياتي

مابعد سنين من التوهة

ومن قلة أمل خدني

يشاء ربك يعوضني

وتيجي حياتي تمليها امل وحنان

ياأجمل خطوة بابدأها

ياقصة مش مصدقها لحد الآن

بقى انتي يانجمة يا نقيه

يا عاليه ياصعبه ياعصية

بقا انتي تفكري فيا ..؟ ❤️'