عالي شموخي الفصل الرابع 4 - بقلم Haboooshy

بعد مرور شهر ..

يمشي بالممر بقمة العصبيه والنرفزه..ويتوعدها بالعقاب الشديد..(طيب ياجومانه ..تغيرين شفتك معي ..ليه ايش مسوي لك انا ؟؟)
يجدها بالمحطه تتحدث مع دكتوره مها.."السلام عليكم ..
..."عليكم السلام
دكتوره مها"اهلا دكتور فهد..مشرفنا بالزياره !!
فهد بنظرات موجهه لـ جومانه"هلابك يادكتوره..ايش رايك بالممرضه جومانه؟؟تاركه شفتها معي
دكتوره مها باستغراب"ليه؟؟...غريبه الكل يتمنى يشتغل معك يادكتور ليه يا جومانه؟؟
جومانه باحراج "ظروف ..انا ابي اغير وقت شفتي وابي اغير لقسم الاطفال...
فهد"اها ..طيب مو من باب الذوق تستأذنيني؟؟...
جومانه باحراج من نظرات الدكتوره مها لأنها حست بشيء خاص بينهم"ماعليش دكتور اعذرني ....
استأذنت وتركتهم واقفين خلفها...

فهد توقف لينظر خلفها بذهول وعصبيه لاحدود لها ...(اوريك ياجوجو ..دواك عندي)...
بينما جومانه مايدور ببالها ..(هذا وراي وراي مايتوب...ماأقدر اشوفه قدامي ابد..الممرضات والدكتورات حوله زي النمل...هووووف بس..باروح قسم الاطفال وابعد عنه ازين)....

....(هذاني انتقلت لمكه من اسبوع..وعايش مع اهلي..امي تسألني عن ساره..ليه ماجبتها معي..انا بيني وبينكم ماابيها كذا والا كذا بنتفارق لاهي اللي مرتاحه معي ولاني مرتاح معها الطلاق احسن حل)..(افضل شيء حصل اني قريب من طلال ..طبعا أمه رافضه ترجع لي ابد ..بس انا وراها وراها ..إلين الحين مااستخدمت اسلحتي معها).....نهض من فراشه ليتجه إلى صالة المنزل ليجد والديه بالاسفل..
أم عساف"يالله حي هالزول..الحمد لله اللي رجعك لنا ياولدي..
عساف يقبل رأس والدته"الله يخليك لي ولايحرمني وجودكم
الاب"ومتى ناوي تجيب زوجتك؟
عساف بارتباك"يبه ساره مابيها ولاهي تبيني ..احنا متفاهمين ويمكن نترك بعض..
الام"عساف الله يهديك وش هالكلام؟؟انت وحريمك وحده هاجه منك ماتبيك ووحده انت ماتبيها..
عساف"يمه باأرجع أم ولدي وبس ..
الاب"بنت عمك ماتبي ترجع ولاتفكر انك تغصبها ياولدي..
عساف بتفكير "لا يبه ماني غاصبها ..بس ولدي ابيه حولي..يعني هي ماتبيني بس انا ابي ولدي..
أم عساف"عفيا على ولدي..وين هالكلام الزين من زمان!!
الاب"خير خير ؟ياحرمه انتِ وولدك..والله لو تفكرون تزعلون ريحان بكلمه لتندمون..
وتركهم الاب وهو بقمة عصبيته..بينما الام صامته ومذهوله..أما عساف ففي فكره تجول عدة خواطر من بينها..(والله لأجيبك يا بنت العم ...بس بدون زعل ..)

...تلتقي ابنها بالباب لتحضنه كعادتها وتجهز له غداءه..بينما هو يثرثر عن اصدقاءه ومعلمته..ومتلهف لمقابلة والده..الذي يأتيه كل يوم للذهاب إما للملاهي أو يأخذه لمنزله أو يجلس معه بالمجلس ويشاهد دروسه او يلعب معه ..المهم أنه يوميا معه ..وهذا ماأرعب ريحان ..وتفكر أن عساف يخطط لمخطط كبير ولكن ليس لها نيه ف ان تكون ضحية هذا المخطط مجددا فـ عساف انتهى من حياتها وليس إلا والدا لطفلها فقط..صحيح أنها لاتفكر بالطلاق ولكن اخاها فهد مصمم وهو يردد عليها دائما إما الطلاق والا العوده لـذل عساف الاناني..مستحيل مستحيل لن تعود إليه...

بعزيمة الأربعا بمنزل والد عساف...ريحان لم تكن تريد الذهاب فقلبها يقرصها من هذه السهره الغير مرغوب فيها من ناحيتها ..لكنها مجبره اكراما لوالدها وعمها..ارتدت فستان طويل من القطن البرتقالي..وحزام من الجلد البني تحت الخصر وصندل بني..كثفت الكحل ووضعت القليل من لمعة الشفاه الاورنجيه وغجرت شعرها الاشقر الطويل ارتدت اساور ذهبيه وخواتم فقط ..كانت ملفته كالعاده وجميله جمال ناعم..فانفها شامخ وصغير وعيناها عسليه كعيني طفلها وشفتاها ناعمتان صغيرتان وخداها مرتفعان بأناقه هي ريحان الانقه والناعمه دوما...

بالمقابل جومانه سعيده جدا بالزياره ومتفائله بالنسبه لـ عساف وريحان تشعر ان هناك بوادر صلح بالرغم من عناد ريحان ولكن اصرار عساف واضح جدا والدليل طلبه منها بالترتيب لينفرد بريحان ويحاول التحدث معها بعقل في حياتهم القادمه...
كانت تجهز الظيافه وتفكر كف تجمعهما معا ..(يالله ياعساف لو حد يدري بس والا تدري ريحان بتزعل مني ....امممممممم مو ضروري تعرف هههههه صح انا ذكيه...)

بالمجلس نظرات حاده موجهه من فهد إلى عساف والبرود والتحدي هو كل ماتصف نظرات عساف..
كان عساف على احر من الجمر ليقابلها ..يعرف انها قد تفضحه وتغضب ولكن بالاخير هي لازالت زوجته وهو فقط يريد الحديث معها...لايدري قد لاتتمكن جومانه من تنفيذ المخطط ولكن الأكيد انه سيحاول مره أخرى...

فهد بالمقابل ..يرسل نظراته الحاده لابن عمه ..وفي فكره تدور الخواطر الغير حسنه فهذا الرجل حرمه من حبه وحرم اخته من سعادتها يكرهه كثيرا كثيرا...(طيب ياعساف الجبان ..مصيرك تستسلم وتطلق..اعرف ان كبرياءك ماهو سامح لك تطلق اختي لا ويمكن حبيتها..بس والله لاحرمك اياها مثل ماحرمتني جومانه...) خلص من افكاره وانتبه على عساف قام من مكانه...!!استغرب فالقهوه والشاي متواجده ..والعشاء ليس بوقته ...ابعد الافكار عن رأسه..وانتبه لوالده يخاطبه...

بالداخل ..جومانه تفرك يديها وترتجف لتقابل عساف بالباب وهي مرتعبه"عسسساف الله يخليك خلاص والله خايفه..
يحضنها عساف"اوووووش خلاص ..ترينها زوجتي وبعدين بس باكلمها واطلع لاتخافين..
جومانه"طيب بس قول والله ماتسوي فيها شيء!!
عساف يطبطب على ظهرها"يابنت خلاص ..ايش قالو لك مجرم حرب..يالله بس وينها فيه؟
جومانه تبلع ريقها"بحمام غرفتي ..سووو نفسك ماتعرف بالله ..ماابيها تدري اني متفقه معك..
عساف وهو يركض سريعا للدرج "طيب طيب...

بغرفة جومانه كانت تخرج من دورة المياه وهي تنشف يديها لتقترب من المرأه وتفتح حقيبتها لتعيد ضبط زينتها..كانت تريد دورة المياه التي بالاسفل ولكن جومانه اصرت عليها بحجة انها تريدها بموضوع خاص ..ولكن اين ذهبت ابنة عمها ؟؟..لم تكمل افكارها الا والباب يفتح ......