رواية أعشق أنانيتك عندما تتمناني لك وحدك الفصل الرابع وخمسون 54 - بقلم nona_A

قال بضيق : بنتك معك لا تخافي و امشي بدون مرادد

غلا ناظرت ام سآمي بتحدي.... مثل الي تقول لها مايهمني كلامك مدام رد ولدك كذآ

ام سامي بعصبية : آكيد مانت بصاحي أشلون تخليها في بيت لحالها لا سند ولا رجآل معاها وبعد غرام معاها وين الي يقول بنتي محدن يربيها غيري اشوفك آلحين غيرت حكيك كله
ولا خلاص جلست معك شهر قلبت حسبتك كلها ..ي حيف على المرجله بس ...

غلا عضت شفتها بقهر ودها تذبحها ...جالسه تحرضه
وهي يالله ماصدقت يوافق حسبي الله عليها من عجيز ...

سآمي بضيق: يمه الله يرضى عليك خلاص والله مافيني واشر لغلا تمشي ..

ام سآمي صرخت معترضه: وشهو الي خلاص فكر بعقل يعني ترمي بنتك مع هالمهبوله الي ماتدري وين مصلحتها فيه
وناظرت غلا بقهر أحمدي ربك على هالعيشه غيرتس يتمناها ويالله انثبري مع بنتس وخلي عنتس شغل الهبال الي ماهو سنع
سامي زفر بتعب : يمه تكفين ......

بدريه الي من أول تناظرهم ساكته بس فعلاً جلوس غلا وغرام لحالهم صعبه : امي صادقة ي سامي فكر فيها

سآمي رفع يده : انتهى خلاص أمشي قدامي

غلا مشت وهي تسمع صراخها وتهديدها ..لسانها تحكها ودها تقول لها كم ..كلمة تسكتها بس ..لا ماهو في مصلحتها أبد أفضل شيء تسكت ومصيرها تهجد والله لو ردت ..ماتقدر تنفك منه تعرفه وتعرف رأسه العنيد ....
حست براحه يوم طلعت السيارة ...افف صدعت رأسي ..
قال ايش شغل هباله والله الخبال فيك وفي ولدك ...
ناظرت سامي ...الي يسوق ساكت ...وعاقد حواجبه ..شكله ماهو عاجبه ...بس مايهمني ....أول مادخلنا الحارة ..حسيت بقلبي وجعني ..وقف السيارة ..ونزلنا ...مشيت وانا حامله بنتي
وقفت عند الباب وانا ابلع الغصه .....ناظرت سامي الي حمل الشنطه ..وقرب منا وهو يطلع المفتاح ...مد يده .. وفتح الباب واشر لي ادخل من غير مايتكلم ..مشينا متجهين للصاله
ودخلنا ...جلست على أول كنبه ..حسيت بوجع وحزن ناظرت مكانه ...الي دايم يجلس فيه ...آه يبه فرقاك اوجعني حيل ..
.
بجمود: اي شيء تبيه دقي عليه ...وقرب من بنته وسلم عليها وقال بهمس استودعتكم الله ورفع رأسه وقال أمانه غرام ي غلا
غلا بهمس : لا توصي محدن يحبها وينتبه عليها مثلي

سآمي بضيق: مثل ماقلت أي شيء تبيه دقي عليه
يالله مع السلامة واعطاها ظهره ...رجع لف لها وقال وهو يحذرها لا تفتحي الباب لحد طيب ..وتأكدي من تقفيل الباب...
وجوالك لا تقفليه طيب ...
غلا هزت رأسها بدون ماتتكلم ...
أول ماطلع قفلت الباب ..وحملت بنتها ودخلت غرفة أبوها
الدمعه الي ماسكتها طاحت ...كل شيء يذكرها فيه ..الله يرحمك يبه ..والله انك فقيده .. رفعت يدينها وهي تصيح يآرب ترحمه يآرب وتغفر له وتتجاوز عنه ...صاحت بوجع وهي ترفع مخدته ..فراقه ذبحها حيل ...صح يوم كان معاها يوم صاحي وعشرة لا ..بس كان مونسها ويكفي حسه ..ناظرت بنتها الي تصيح ..حملتها وهي تصيح معاها ..همست لها بوجع: ودي كان يشوفك .....

@
@
@
@
@
@
@
عند رائد

ركب سيارته ..وهو مقهور..من الرسالة الي وصلته ...
فتح جواله وهو يقرأ الرساله مرة ثانية ((تمنيتك بس جا اللي يسواك ويتصدر المجالس بمرجلته ))

قفل الجوال ...ورماه بقهر ..قذرة ...حرام والله مايستاهلها أسامه ..هذي حرام بعد اي رجآل ينبلي فيها ...مد يده وأخذ جواله وهو متردد بس لازم يسوي كذآ ..ولا أخوه بيروح فيها وقتهامعاد ينفع ...فتح الواتس وكتب لها ((ياليت الموافقة الي أمس أعطيتيهم تنسحب اليوم لمصلحتك بس ولا عارفة وش يكون جزاك
((
ثواني وردت ((وش جزاي وفيس سخريه ))

عض شفته بقهر هذي مجنونه أكيد. .مايبي يتمادى معاها ...
بس أطر أرسل لها ...صوتها وهو مسجل ...من أول حفظه عنده يدري فيها خايسة ...ومالها أمان ((الرفض أكيد الليله اسمعه و يالله يسعدك مع أشكالك ال*****))ورمى الجوال وهو يضحك أكيد راح تنكتم آلحين ....قال آيش جاها الي يتصدر المجالس بعيده ..عليه ي أريج ....حرك سيارته وهو مبسوط ...رايح لاسولته ..من أمس وهي بيت أهلها... مد يده وأخذ الجوال بيدق عليها تتجهز بس وصلته محادثه فتحها حس الدنيا سودة بوجهه و السيارة ماقدر يتحكم فيها ...حاول يسيطر على السيارة وهو مصدوم .. ((عادي هالتسجيل مايهمني يعني آلحين
يقال بخسر أخوك والله مايهمني مثل مايهمك انت إذا ارسلت لك صور أسيل على التواصل الإجتماعي كله وتعرفني ي رائد ماهدد واهياط مثلك قول وفعل ي رجآل
))
فاتح عيونه على الآخر. ..صور صور .. ي أريج عض شفته بندم ... يوم تذكر طلبه .إنها تصور له أسيل . .بسرعة دق عليه بس ماردت رجع دق مرة ثانية نفس الحكاية ثواني وصلته رسالة منها ((فتحها كان صورة محادثه له مكتوب فيها . ."سوري مقدر أرد عليك حرام الخيانة " )) وكتبت بعدها
((تذكر هالرد ارسلته لي قبل و حلفت وقتها بردها لك ي رائد ..ضحكت علي وفي النهاية رميتني كذآ.باي بكرة انتظر صورة حبيبتك على مواقع التواصل الإجتماعي كله وأكيد الفهاين الي مثلك بخقون عليها وآخر واحد يهدد أنت اوك ولعاد تدق ماراح ارد عليك ))

.كان يقرأ وهو معصب والي يهمه آلحين صورة أسيل. ..ارسل لها بسرعة ((والله ثم والله ي اريج لو فعلاً عندك صور لاسيل بيكون نهايتك على يدي وتعرفيني رأسي مافيه غير الطناخه والرجولة اسوي الشي ولا افكر به))

ارسلت له ((الرجوله وين الي تحكي عنها والله لو راسك به رجوله على قولك كان ماطلبت صورلبنات ))

ضرب الدركسون بعصبيه وكتب لها ويدها ترجف من قوة عصبيته ((أريج قسم بالله اذبحك لو فكرتي بس تأذي أسيل ولو فيه صور بطلعها من عيونك ولا ماكون رائد))
ارسلت له ((يدك وماتطول أستاذ رائد ((
رائد رمى الجوال بقهر ..ال*****..و****** و*** اخخ فيه قهر وده يذبحها جالسة تهدد الخايسه ...سند رأسه على المقعدة وهو مقهور ..معقول عندها صور لاسيل ..ولا بتلعب عليه ...اخخ يحس بندم ..وقهر هذا جزاه هوو الي طلب منها بس ال******ماتوقعها تمسكها عليه ...فكر يلعب عليها بلعتبها الوسخه ..
ويقدر وقتها يمسك عليها دليل قوي ..عشان يقدر وقتها يضمن صور اسيل ماتنتشر ويأخذ جوالها بعد ....بس وش يسوي ...الخايسه ذكيه ..وماهي بهالسهوله الي يخليها ترجع تتطخ وتموت فيه مثل قبل لو يطلب منها ايش تعطيه ...بس محلوله ...
ودبارتها عندي ولا ماكون ولد أبوي
. ....
@
@
@
@
@
@
حضرت القهوة وأخذت صحن الحلى وطلعت للصاله
جلست على الكنبه ..تنتظره يجي من صلاة التراويح ..تعرفه لازم يتقهوى وبعد بقوله عشان زيارة أخوي ...ويارب هالمرة يوافق يآرب وتقدر تشوف أخوها. ..مستحيل تتنازل بهالسهوله.. ...ماتدري كم راح ينحكم ...يعني طول وقت سجنه ماتشوفه مستحيل ...بس فيه شيء محيرها ....من زوجة أبوها ترسل لها
محادثه صوتيه على الواتس ...تعزمها تروح معاها تزور اخوها ...فيه شيء في الموضوع. ...وش ذي الطيبه الي نزلت فجأة ...يالله ماعلينا أهم شيء الرأس العنيد يوافق أعوذ بالله مثل عناده وشوفة نفسه ماشفت ولا بشوف بعد ...بلعت ريقي يوم سمعت صوت المفتاح ..ي هلا شرف ...

أول مادخل شافها ..محضرة القهوة والحلى ...غريبة دايم هو يطلب منها ...تحضر له ...رد السلام وجلس وهو يناظر الطاولة مستغرب ...

ريوف طالعته وردت السلام وهي متوترة. .وخايفه ... عارفة انه محذرها بس والله مافيها وقفت بسرعة وهي تصب له ومدت يدها بالفنجان :سم

أسامه مد يده وأخذ الفنجان وهو يطالعها مستغرب حده ..

ريوف قربت منه صحن الحلى ورجعت مكانها وهي تفرك يدينها في بعض من التوتر ...وخوف من الي بتقوله قالت وهي تطالع الأرض مافيها تناظره :اسامه بطلب منك طلب وتكفى ماتردني

أسامه عقد حواجبه وقال وهو شاك في طلبها: ان كان طلبك زيارة أخوك من آلحين أقولها لك لا

ريوف قفلت عيونها بقهر وشدت على يدها بغيض..ودها ترمي التبسي الي على الطاولة بوجههه ...طالعته بقهر: لا من غير ماتعرف حتى طلبي
أسامه ببرود وهو يرفع فنجان القهوة ويشرب: معروف طلبك قبل ماتقوليه وبقهر ليه ماهو راضيه تفهمي زيارة مافي

ريوف بعصبيه وقفت :تصدق لأول مرة زوجة ابوي تعزمني اروح معاها لعند أخوي أكيد انه هو طالب منها تكفى لا تحرمني

اسامه وقف بعصبيه وقابلها وقال بحده : بعد رايحة مع زوجة ابوك والي بيروح فيكم عناد صح

ريوف بقهر : مدري مين بس اهم شيء اروح وبس

أسامه قرب منها بعصبيه : اتوقع إني كنت محذرك من يومين ي ريوف وشهوله هالعناد

ريوف بعصبية : ي رجآل أفهم السالفة ماهي عناد لكلامك هذا أخوي ومافي قوة تمنعني عنه ..

أسامه جلس على الكنبه وبستفزاز:يالله اشوف قوتك لوين بتوصل معي ...

ريوف عضت شفتها بقهر أعطته ظهرها و راحت لغرفة النوم وضربت الباب بقوة
وي دوب بتجلس..على السرير شافته داخل وراها ..وهو معصب حده صرخ بعصبيه:تقفلي الباب بوجهي بعد
ريوف عضيت شفتي بقهر منه ومن نفسي ..دايم اسبب لنفسي المشاكل مدام انه له فترة هادي وشهوله اورط حاله معه ..بس والله فاقدة أخوي قلت وانا خاطري انفك منه : خلاص كلمه وسحبتها وإذا ربي كتب بشوفه

أسامه جلس جنبها وهو يتعوذ :ريوف أكره ماعلي أحد يعاندني اتقي شري تكفين ....وبعدين فكري فيها بعقل وش ذي الطيبة الي نزلت على مرة أبوك فجأة عشان تعزمك والله ماغير بتورطك في مكيدة ناويه عليها وبذات يوم شافتني علقت مع الي اسمه عناد وقالت فرصتها ..وبي تسوي شيء تضرك به

ريوف فعلاً كلامه عين العقل ..وكاد مدبرة لي مكيدة مثل مايقول ...

أسامه يحسها اقتنعت بكلامة افف مابغينا غبيه على الي سوته معاها باقي توثق فيها بس انا لها هالعجيز مستحيل أعطيها فرصة ثانية عشان تأذيها قال بهدوء : قومي طيب تجهزي لطيفه دقت علي تبيك تروحي لها

ريوف بضيق :لا مابي شكراً

اسامه : روحي ونسيها شوي تراها حدها ضايقه بعد الطلاق وجالسة تمثل لنا انها مبسوطه بس انا عارفها ويوم طلبتك استحيت اردها يالله قومي تجهزي
ريوف بصدمه : تطلقت

أسامه بضيق:ايه

ريوف بدون حس: انفكت والله عقبالي ...وسكتت وهي تناظر
اسامه الي وجهه تغير بلعت ريقها بخوف ...حطت يدها على فمها وبعدت يدها وقالت: بدون قصد

أسامه صغر عيونه بقهر : لا ي شيخه بدون قصد وين ذي اصرفها بالله

ريوف رفعت كتوفها من غير ماترد ...

أسامه :تبي تروحي ولا لا

ريوف : امم ثواني خلني أفكر

أسامه حط رجل على رجل ورفع يده يناظر ساعته يحسب لها

ريوف
فكرت تروح ايه لازم تروح حرام ..لطيفه ماتقصر معاها دايم تتطيب خاطرها ...لو امها رمت كلمه .ومدام داقه على أسامه
وطالبتني أكيد حدها ضايقه فزيت من الصرخة

: ساعه تفكرين
ريوف وهي مفزوعة:بسم الله ومسكت على بطنها والله وجعها من الفزة الي فزتها أعوذ بالله

اسامه بقهر : ساعه انتظر وش ذا قولي يالله بتروحي ولا لا بسرعة وراي مشوار
ريوف بقهر : طيب خلاص بروح ثواني بس اتجهز
وقفت وعطتها ظهرها متجهه لدولاب فيها فضول وين رايح
لفت له شافته مشغول يطقق بجواله : وين مشوارك

رفع رأسه وطالعها وهو عاقد حواجبه :نعم

ريوف كشرت من نظرته يالطيف ...تحسه وده يقوم يصفقها قالت بأسف : خلاص آسفين ولفت تطلع لها ملابس لفت بعينها شافته قرب منها وسند جسمه على الدولاب ...

: من جد ودك تعرفين وين رايح

ريوف طالعته :لا

أسامه ابتسم بخبث: والله ماخليها بخاطرك رايح معزوم على السحور بيت خالتي فهود عزمني وقالي تعال ذوق طبخ أريج

ريوف بسخريه ميلت فمها : ان شاءالله تحبه بس

أسامه بهمس :وشهوو
ريوف بقهر :طبخها

أسامه إبتسم على جنب: أكيد الزين مايجي منها غير الزين

ريوف أخذت ملابسها واشرت بيدها يبعد
اسامه بعد شوي وقال بضحكه : بذوقك أكلها اخليهم يحطون لك في حافظه ولا يهمك

ريوف فتحت عينها بصدمه : لا لا أكيد تمزح

أسامه ماسك ضحكته: لا ماامزح صادق بقول لهم المره حامل ودخلت نفسها في طبخ ضرتها

ريوف بقهر:ماتزوجت باقي عشان تقول ضرتها

اسامه :في هذي صادقه آسف خاني التعبير طيب بتذوق طبخ
...
ريوف قاطعته : ياويلك تجيب لي

اسامه قرب منها بتهديد : بعد ياويلك مسكها من بلوزتها ودفها خفيف يالله بسرعة عجلي علينا
توجهه للاستراحة ...وهو معصب ...ماقدر يروح لها ماله وجهه..حسبي الله عليك ي اريج ..وصل ونزل وهو معصب
دخل شاف قدامه عبد الرحمن وسامي ...وبعد جابر...
رد السلام وقرب عليهم سلم عليهم واحد واحد ..
وجلس بعيد شوي ...متضايق حده. ..

عبد الرحمن ناظر جابر ...وقال :آلحين سامي من ساعة جاا وهو ضايق مايتكلم مشيناها بس آلحين رويد يجي ونفس الحكاية ...لا يكون متهاوشين إلاثنين رفع صوته وهو يطالعهم : هييي ذا متهاوشين وجاين هنا تفردون عضلاتكم على بعض من آلحين اقولكم مافيني افك بينكم وطالع جابر فيك حيل قوم لهم امم انا والله مافيني ..ورفع يده لا تحاول والله ماقوم ...

سامي بقهر رماه بسلك الشاحن الي جنبه : ي شيخ تشوفنا ماسكين في بعض آلحين عشان تحلف بعد ..

عبد الرحمن : لا بس عارف النهايه وشهوو ..وقلت عشان يكون عندكم خبروطالع جابر والحين انا داق عليك واقولكم جابر وصل شوفوا بس كيف الرجآل مصدوم توقع استقبال غير تقومون تجيون وانتم مكشرين بس لو انتم مو حابين تشوفنه وجاين مجاملة له هذا شيء ثاني ...

رائد بقهر : تكفى ي الدحمي مافي حد فايق لك أبد

عبد الرحمن بقهر: ودي اعرف ليه جاين مدام النفسيه كذآ
والله اني وعدت الرجآل بهجولة بس صراحه صدمتوني

جابر تمددد وقال : انا بنام مدام الجوو كذا نفسيه تعال ي خويي تمدد ونام ..أفضل لك والله نفسيتي تعبت من مقابلتهم
والهجولة ابشر بعزك نقلت لرياض وبنهجول على راحتنا

عبد الرحمن قال بقهر : المصيبه الهجوله ماتزين إلا بهالخبل وقرب منه ودفه بقوه ...وركض ورا ظهر جابر

سامي وقف وهو معصب ...سحبه من ورا..ظهر عبد الرحمن ..وهو يصرخ قال بعصبيه: ليتك رجآل بس على هياطك .

عبد الرحمن : توبه والله توبه ذبحتني واشر لجابر قوم فكني منه الله يرحم امك

جابر رفع يده : معليش والله ودي بس هذا سامي طول وعرض ماشاءالله وانا عارف قدراتي قدامه لو انه رويد اللي مسكك كان مقدور عليه ...والأمر هين ...

سآمي وهو معلقه بتيشرته :مدام ماهو قد حركاتك ليه تقرب مني

عبد الرحمن نزل رأسهو همس له: شوف رائد ماهو طبيعي أبد والرجال شكل وراه بلى ماهو خالي اعرفه ...

سآمي فكه وطالع رائد فعلاً ..ماهو معاهم أبد ...هو ضايق
عشان غلا ...والغبي ذا ونسه شوي ونساه ضيقته بس رائد فعلاً
..ماستهبل مثل العادة ..دايماً سالفه فيها انا يقوم ...ويتحدى ..
بس اليوم ماغير يناظر الأرض ..ومطنشنا .... ....

رائد مافيه يقدر يجلس ...وعبدالرحمن عصبه زود مافيه على هباله آلحين أبد ....طلع على طول ..بس وقف يوم سمع سامي ينادي بأسمه ...
سآمي قرب منه ومسك كتفه: علامك ماهو على بعضك أبد

رائد من زمان عن سآمي انه يسأله وش فيه ضايق ..يالله كان كل شيء يقوله له ...ومسوين عصابه مع بعض ..قال بوجع: ليت فيني احكي لك

سامي ضربه كتفه وقال: تحزم وانا اخوك قول آيش عندك

رائد هز رأسه وعض شفته بقهر وضرب على كتفه: قلت لك ليت أقدر يالله بحفظ الله ...

سآمي طالعة وهو معطيه ظهره ومتجهه لسيارته ...ماحب يضغط عليه ...خلاه على راحته ...ورجع لعبد الرحمن ...
وجابر ...
@
@
@
@
@
@
@
@

في بيت ابو أسامه

رمتها بكرتون الفاين ...بقهر : غبيه باقي وقت فكري في الي اقوله لك شافتها مسكت خشمها احسن تستاهلي زود والله ودي بعد اكسر الرأس عليك ..

ريوف وهي ماسكه خشمها طالعتها بقهر: خشمي الله يقلع الشيطان..

لطيفه بعصبية : أشلون كذا باردة أقولك حاولي تمنعي هالزواج وانتي طول الوقت وهي تقلد صوتها وش اسوي أخوك خاطره فيه وبعد معزوم اليوم عندهم ...

ريوف بصدق : اي والله صادقه خاطره فيه وبعدين تعالي بالله أسامه حد يقدر يرده عن شيء أعوذ بالله

لطيفه مسكت يدها وهي تحاول تفهمها : بتندمي ريوف شوفي وضعي انا كيف ماقدرت على الثانيه وشوفيني مطلقه بس انا خسارتي أهون منك ...

ريوف : أشلون أهون مني
لطيفه : طلعت من حياته لا وراي ولا قدامي بس انتي شوفي بطنك قدامك كيف وبقهر ي شيخه صارخي عصبي كسري بس لا تستسلمين وتخيله يروح لها كذا

ريوف هزت رأسها : لا انا مقدر امنعه وبعدين وكاد خيره صدقيني وبعد وضعي يختلف عن وضعك ..

لطيفه بعصبيه: والله لو عارفة ان حد بيوصلك آلحين لبيتك لطردتك...وش الي يختلف بالله

ريوف ابتسمت :علامك كذا صايره... والله قبل ماتتطلقي كان ي حليلك ..

لطيفه بقهر :انكتمي..

ريوف ابتسمت لها ...كلها ثواني

ودخلت الشغالة وخبرتهم ان أهل الديرة وصلوا ...
لطيفه ناظرت ريوف مستغربه : جاين آلحين وهي تناظر الساعة 11 غريبه دايم ابوي يعزمهم على الفطور

ريوف : يمكن غير وهالمره على السحور ...

لطيفه :كان قال لنا وجلس يوصي مثل العادة قبل مايجوون
ريوف : وكاد أمك عندها خبر انتي جالسة محبوسة هنا وماتدري آيش يحصل في البيت ...

لطيفه زفرت بضيق:يالله آلحين عمتي صيته حصلت لها سالفة دسمة ..حيل ..والله بكره الديرة ماغير تلفها لف بنت اخوي تطلقت ...ي حسرتي عليها ...

ريوف ابتسمت : حرام عليك والله انها حبوبه ودايم تظلميها الله يسامحك بس

لطيفه فتحت عينها بصدمه: اظلمها أمشي بس خلينا نطلع لهم قبل مايصلنا منقودهن ....تعرفيهن مايصدقن ...ومسكت يدها ونزلووا ...بعد السلامات

ريوف
حسيت بتوتر ..من وجود الجده ....بس يوم شفت إبتسامة عمه صيته أقسم بالله. ..انها سعادة ...ابتسمت لها بحب ...دخلت قلبي هالصيته ..بس كشرت بسرعة يوم شفت نظرات ام ..اسامه يآربي كني مأكله حلالها ...الكره باين عليها مره الله يفكني شرها ..
طالعت لطيفه ...الي تكابر وتقول ..مافكرت في الطلاق وهي الي طالبته وفرحانه ...احسها تكذب والله ...قلبها مكسور ..
حيل ..
الجده اشرت للطيفه : تعالي يمه جنبي

لطيفه قربت منها وقالت بهمس : سمي يمه

الجده مسكتها من كتوفها وقالت بحنان : ربي كتب لتس خيره وكاد وقليل الخاتمه هو الخسران ولعاد تفكري به وانا ميمتس ويوم تكملي عدتس تعالي عندي الديرة والله ي جوها يغير نفسيتس كلها ....

لطيفه هزت رأسها بدون ماتتكلم تكره هالسيرة ..ودها تقول لهم
خلاص لو تحبوني فعلاً...لأحد يذكرني فيه انا يالله بنساه...
قلت بضيق: ماعليه ي ميمه نفسيتي عال العال لا تخافي على بنت ولدك قويه ...

صيته : اي والله خليتس قويه ولا تجلسي تضيعي عمرتس عليه كملي عدتس من هنا والرجال عندي بزوجك الي أحسن منه بواجد .. لا تخافين وخليه يجلس على بنت عمه الي أختارها و هو الخسران إلا مثل لطوف وين يحصل
ليطفه ناظرت ريوف ...وهي تضحك ...عضت شفتها بقهر ..آلحين خلاص خلت الرجآل أختار بنت عمه ..وبعد بتزوجني بعد العدة يآرب يصبرني بس ..قلت بصبر: ابشرك كرهت الرجاجيل كلهم ....

صيته بقهر:كرهك فيهم حسبي الله عليه من رجآل ماقدر النعمه الي ربي أعطاه ...ولا أخوك خايب الرجا بيحدا حدا طليقك بعد ...وبيجيب الثانية ...على هالضعيفه ..
ام اسامه بقهر : صيته هذا موضوع وهذا موضوع تكفين لا تدخليه في بعض

صيته بقهر:وش هو موضوعه هاا قولي ماهو هذاك تزوج على لطيفه والبنت طقت سبدها وتطلقت والحين ولدك بسوي سواته وبيأخذ الثانية وبتطق سبد هالضعيفه وبتطلب الطلاق مثل لطوف ويخرب بيته ال***** وسكتت وهي تشوفه مقبل .
عليهم وهو يرحب .....
صدت بزعل ...من غير ماترد على ترحيبه ...

أسامه قرب منهم وسلم على ميمته وعمته وهو يضحك
قال وهو ماسك ضحكته على حركة عمته بوجهاا : افاا علامها صيته صاده

صيته بقهر : بعد صيته كذا بس محدن ينقد عليك بعد سواتك آه بس من وقت ماجيت وانا ماغير اتمقل في هالبنيه ابي فيها عيب وأحد تخليك تروح تخطب الهطفه هذيك

ام اسامه بحده: صيته ماله داعي هالكلام ومهما كان هذي بنت أختي ومارضى عليها ...

صيته :عساتس ماترضين والله يهمني الحين يقال ....
ريوف ابتسمت.. غصب عني ي ناس والله انها عسل ...
واحس الكل ظالمها ... وحسيت بفرحة وهي تتدافع عني ايه اجلديهم والله انك كفوو ماحد يعرف لأسامه وامه غيرها

ام أسامه سكتت بقهر مافيها ..ترد عليها تعرف لسانها والله ماتسلم ....ولا راح تنفك ....

الجده بحده :صيته خلاص فكينا ...

صيته بقهر : والله هذا الصدق يمه ساحبه ولدها ورايحه تخطب له وطالعت ام اسامه ...وش عذرك بالله وبعدين المفروض ما
تمشي معه البنت معاكم طيبه ليه تخربي بيتها شوفي حنا ماعمرنا حرضنا أخوي عليتس على انتس تستاهلي والله الي يجيب عليتس مره ...

ام اسامه بعصبيه مافيها عاد تسكت زودتها حيل : شيء مالك فيه لاتتكلمي عنه ...

صيته بزعل : ايه لأنه مايضرتس شيء ... تحرقي قلب هالضعيفه وتبيني اسكت

اسامه : خلاص ي جماعة الخير الزواج ي عمه ..انا ودي فيه وجيت قلت لأمي ...يعني لا تحطي عليها هي مالها دخل
صيته قاطعته بسخريه:وبعد لايكون أنت الي شاورت وقلت تبي بنت خالتك خص نص

ام اسامه وقفت بزعل :والله هو شاور انا شاورت عليه قلت لك مالك حق ...وشكلك جايه تبي هواش بس بقولها لك ولدي وعلى كيفي ازوجه بنت أختي بنت الجيران ....

صيته بعصبيه قاطعتها : ايه مالي حق بس والله لو جت عليتس المره تعرفي كيف القهر ...بس وش أقول حسبي الله ونعم الوكيل وناظرت ريوف ربي بيأخذ حقتس منها ...

الجده بعصبيه: وبعدين ي صيته

..
صيته بقهر: يمه يتزوج ومرته بطنها قدام ومافكر وطالعت اسامه بحقد ي رجآل خلاها تولد على الأقل استح على وجهك
والله حسافة تربيتي فيك بس والله ماثمرت فيك مثل الصقر
ي هوو يبرد تسبدي ماعمره قهرني مثلك ...

اسامه بزعل : عمه الله يهديك من وقت مادخلت وانتي حاطه علي وعلى أمي وانا ساكت ....

صيته بقهر :من عمايلك والله ساكت ..وماعندك الرد ..ورفعت يدها بتهديد وعصبيه من آلحين اقولك زواجك ماراح أحضره
وخلى بعد امك تسوي لك الدحه ..

اسامه فيه ضحكه تخيل امه تدح ...الله يغربل الشيطان ..طالع امه وهو ماسك ضحكته ...وقف وهو يبي يراضها عارف ماراح تسكت لازم يطيب خاطرها ...

ام أسامه ودها تروح غرفتها وتخيلهم بس عارفة ..زوجها جاي بالطريق لو ..يوصل ..ومايحصلها ....يومها كله بينقلب
بس والله هالصيته زودتها حيل ..عضت شفتها بقهر من آخر كلمه قالتها يعني آلحين متقطعين عشان تحضر فكه والله ماغير تفشلين انتي ولقافتك بس قهرها أسامه يوم قام ويحاول يراضيها

أسامه وقف وقرب منها وجلس جنبها وحط يده على كتوفها:افاا امي الثانية زعلانه مني والله ماتجي

صيته بقهر ضربته على صدره : انقلع ولعاد تقول أمي خلاص قلت لك ام الصقر بس...

أسامه رفع يدها وسلم عليها :قولي وش تبي وترضي وعلى رأسي

صيته ناظرت ام اسامه وقالت بتحدي: فك نفسك من هالخطبه كلها وخلك رجآل وحافظ على بيتك ومالك شغل الثنتين صدقني تعب بال وحوسه وماغير كثرة هذرة على الفاضي وعرف بالك
ماهو طويل وبتظلم وحده فيهن صدقني ....

لطيفه أول مره تعجب بعمتها : اي والله انك صادقه ي عمه

ام اسامه معصبه حدها والحين لطيفه زودت عليها وبعد لو أسامه يطاوعها ماغير تزعل منه ..ولعاد بترضى عليه ..ناظرته بتهديد ...

ريوف
اخخخ ...الجوو حده مولع ...كلمه من عمه صيته وكلمه من ام أسامه
والجده بعد من وقت والثاني ترمي كلمه على صيته تبيها تسكت .....واسامه الي يحاول يرضي امه وعمته ...بس قهرني يوم قال انا طلبت ...الزواج ...بس انصدمت من طلب عمته ي ترا يوافق .ويكنسل الزواج..او يكون صامل على قرارة
..ناظرت ناحية ام أسامه الي ودها تقتل العمه صيته ....
بس رده كان الحاسم ...للموضوع كله ...

: اسف ي عمه اطلبي من شيء ثاني وابشري بعزك والله
امم ذا الشي مايردني عنه غير الموت ...

صيته بعصبيه وقفت : يمه اعطيني عصاك والله غير امردغه من يومه مايجي إلا بالضرب ......

اسامه وقف وهو يضحك وقرب من ريوف ...وجلس جنبها وهو يقول بهمس : توسطي لي عندها حدها معصبه الله يسكن
شياطينها ...والله لو قامت ماتهجد اعرفها

ريوف بهمس : جزاك ليتها تبرد قلبي بعد

أسامه بضحكه : افف وش ذا الحقد الله يسامحك

ريوف صغرت عيونها وطالعته بقهر : ي شيخ

صيته بقهر قربت منهم : وش تقول لها هاا وانتي بعد مفروض معاد تعطيه وجهه وهو بيجيب عليتس مره صدق انتس مفهيه

اسامه ضحك بصوت عالي على كلمة عمته : اي والله ذبحتني هالفهاوه فيها...

صيته ضربته على ركبته بقوه: انكتم مابي اسمع صوتك

اسامه صرخ بألم وهو يناظر ريوف الي تضحك هي ولطيفه وبقهر :عاجبكم الوضع
ام اسامه وقفت معصبه ..مقهورة من هالمهزلة تحصل قدامها بس الي يهمها رد أسامه كان .والحين خلي صيته تأكل تراب ...قال آيش تبيه يهون ... راحت للمطبخ وهي تدعي الليله تمر بسرعة ويفارقون ....

صيته بقهر : والله ودي اكسرها على ظهرك وظهر امك بعد
الجده بحده: صيته قفلي فمتس لا اسمع لتس حس والرجال مادور الزواج إلا حس بالنقص من الي عنده ....وخلاص قضينا وقفلي هالسيرة ....

ريوف هلا والله يالله ...انا نا قصه آلحين العجيز تقوم بعد ..وانا اقول ياربي هاجدة عني ...بس صدمني رد أسامه .....

أسامه مسك يد ريوف وقال بأبتسامه : لا والله ي ميمه العسل ذي مابها شيء ناقص وقطع كلامه بالضربه الي جته وكانت أقوى من قبل

صيته صرخت بقهر : طيب علامك ي الخبل رايح تخطب
مدام عاجبتك ومافيها شيء ناقص ي ناس الذبح حلال فيك

أسامه عض شفته بألم وهو يمسك مكان الضربه والله هالمرة وجعته حيل وجت على الركبه بقوة : الله يسامحك بس

صيته بقهر :قولي ليه تبي تاخذ الثانية مدام زوجتك عاجبتك

أسامه ناظر ريوف وقال بأبتسامه مستفزة: عشان اخفف من العنوسه هذي مبادرة مني مفروض أشكر عليها ...بس انتي الله يهديك مااعطيتني فرصه اوضح لك .
.

صيته قربت منه وهي ناوي عليه بتكسر هالعصا على ظهره بس وقف بخفه وقفز ورا الكنبه ..وتجنب العصا ...قال وهو يضحك:ليتك تهدين عشان نقدر نأخذ ونعطي مع بعض وكاد اوصلك لك وجهة نظري

صيته حذفته بالعصا بعصبيه ...

أسامه قفز بسرعة وهو يتحاشى العصا ....لا تجي فيه ..مجنونه عمته اليوم صرخ: عمه حرام عليك ناويه الشر بقوة شكلك

صيته ناظرت ريوف الي تضحك وبقهر :والله ودي بعد انتي اعطيك منها بعد بس هالدبه قدامس متر رادتني عنتس إلا كان بيجيك السنع ي المفهيه رجلك بيأخذ غيرتس وانتي ماغير فاكه خشتس وتضحكين

أسامه رفع يده وقال : هي هي لا تفري رأس مرتي علي تراها راضيه ومره سنعه قالت لي عارفة مقصدك خير توكل على الله
واحتزم

صيته بقهر: حسبي الله على العدو صدق هذا ردس له وانا تسبدي محروق

ريوف : لا والله ماقلت له كذا
اسامه بضحكه : افاا ريوف كذا تسحبي كلامك وناظر العصا من حقها ي عمه خايفة من ذي الي في يدك ...

صيته :حسبي الله على العدوو

لطيفه وهي تضحك: والله ي عمه اول مره احبك اعطيه يستاهل وليت بعد تعطي المفهيه على قولك على راسها وحده وكاد تصحى

صيته : قلت لتس الدبه ذي رادتني إلا كان بيجيها أكثر من هالخايب ..

أسامه قفز على الكنبه وجلس جنب ريوف وقال بزعل مصطنع :خايب بعد الله يسامحك

صيته بقهر طالعت ريوف : لو انا مكانتس ماخليه يجلس جنبي اطرده من المكان الي انا فيه وبعد زولي مايشوفه والله لا اخليه يتحسف ومايطوله بعد ...

أسامه :لا هذا كثير ي عمه وشكلي بزعل هالمره صدق عيني عنيك تحرضيها ...

صيته :زعلت جدي ان شاءالله عساك ان شاءالله ماترضى
ريوف
والله مبسوطه على الآخر.ي ناس جلدته جلد يستاهل. .بس مت . ضحك وهي تروح ركض للعصا بعد ماترميه خايفه لا يأخذها شكلها يفطس ضحك وهي تركض ... ...
بس قلبت علي الله يسامحها ...بس ماعليه اهم شيء بردت سبدي على قولها ... بذات وانا اشوفه يفرك مكان الضربه بيده هههههه
..قربت شوي وهمست له :بردت قلبي وزود ليتها تعطيك بعد
وكاد تأخذي حقي كله منك ..
اسامه عض شفته وهمس لها : ويلموني بعد ليه اتزوج اخخ بس بدل ماتقومي وتأحذي عنها هالعصا الي كسرتني فيها ..جالسة ومبسوطه بعد

ريوف ميلت فمها بسخريه : ماقدرت أنت تأخذها منها اقدرانا
وسكتت وانا مفزوعه من صرختها

: قومي قومي من عنده بعد تتساسري معه ..

أسامه مسكها :يمه صيته زودتيها حيل

صيته بقهر : فكها بس

اسامه بعناد: لا وبتهديد شوفي سكت لك على الضرب بس تصل ... وسكت يوم جته وهي ترفع العصا وقف بسرعة ورفع يده خلاص بقوم ..وبقهراخخ آلحين ريوف غيرتك علي آه صدمتي كبيره اليوم حيل
وقرب من جدته وجلس وهو مسوي زعلان ....

لجده ضربت على فخذه و بسخرية:لا تزعل يمه بنت الهنديه لعبت بحسبتها وانا امك

ريوف بقهر هالعجيز مفتكره كلمة بنت الهنديه عيره حسبي الله بس ...وقفت بضيق : يالله نروح حدي تعبانه

لطيفه وقفت معترضه : لا وين السحور عندنا اليوم ...

أسامه : لا ماراح نروح الحين اليوم بتسحر مع الحلوه هذي وهو يأشر على صيته

صيته مدت بوزها وصدت عنه ..
ريوف جلست غصب ...افف مافيني اتحمل نظرات هالعجيز..وامه

ام أسامه طلعت من المطبخ وطالعت لطيفه : دقي على رائد وزوجته قولي لهم يجيون على السحور الكل متجمع ..

لطيفه : ان شاءالله
ريوف طالعت إلا شعورياً ناحية أسامه شفته نزل رأسه للأرض وقف ...فجأة : يالله بروح لشهاب المجلس وناظر عمته بضحكه ودي اعزمك تجي معي بس خايف تكرشيني ...
صيته طنشته ولا ردت عليه ...مقهورة على هالبنت ..ضعيفه حيل ...والله عارفة اسامه قلبه طيب ..وتربيتها بس امه قليلة الخاتمه هي لاعبة فيه ......بس هين ...

ريوف
ماقدر يتحمل ...وهروبه دليل على انها بعد بقلبه ...أسيل ..
ودي الحق لطيفه المطبخ ...ولا أجلس عند العجيز ذي ...
بس بعد مافيني اروح للمطبخ وام اسامه موجودة فيه ..أخذت جوالي وفتحت الأستوديو. ...وجلست ..اتفرج ..لصور أخوي
وهو في المستشفى ....ابتسمت على آخر صورة .مع ابتسامته ..ي حبي له
: وش تناظري وتبتسمي ...
ريوف رفعت عيني وطالعتها صدق فيها لقافة وقلت بهمس : لا بس اشوف صور أخوي ..

صيته : صور اخوك ...

الجده : أخوك هذا الي كان بيضع حياة رائد ولا معك أخو ثاني

ريوف : لا ماعندي غيره والله يرده لي قريب يآرب

صيته : ولا يهمتس يمه والله بنفسي بقنع رويد واخليه يتنازل عنه
الجده بقهر : مخبوله صدز لو بتقنعي الرجآل يتنازل عن حقه

صيته :اي والله بقنعه ويسقط الحق الخاص والله يعينه على الحق العام

ريوف والله بدون شعور وقفت وقربت منها وسلمت فوق راسها
وقلت بصدق :والله مانساها لك ...
في بيت ابووليد
؛؛
؛؛

قال بحده: متى ناوي تردها

وليد بضيق:يبه رافضه ترد علي ودقيت على عمي سمعني كلام مايسر ...

أبو وليد بعصبيه وقف:امش قدامي

وليد طالعه وقال بستفاسر: وين

ابو وليد ضرب بالعصا على الأرض بقوة: لبيت عمك ي الهامل

وليد رفع يده وناظر ساعته : يبه أجلها بعد شوي عندي رحله

ابو وليد : امش قدامي بس ...

وليد تعوذ من إبليس وقف معه وراحوا لبيت ابو عصام

أول ماصلوا. ...استقبلهم ابو عصام ...بسلام بارد عكس العادة ابو وليد بعد السلامات قال: طلبتك ي خوي انك ماتردني
ابو عصام بضيق: تكفى لا تحرجني يكفي الي صار ي جاسم

ابو وليد : ابشر بس الي ابيه ريتاج تجي هنا تقول لي كل شي ولو لها حق بتأخذه طرق من فوق خشمه وناظر وليد بستحقار

ابو عصام طالع وليد بزعل وقال : ريتآج ماتبي تقابله ي خوي

...ابو وليد بضيق: صدقني ماراح تردني وعارف زين ريتآج
ولا تقول لها وليد قول لها عمك بس ...

ابو عصام وقف وهو كاره هالشيء ..بس صعب يرد أخوه وهو في مجلسه ..وبعد يبي ريتآج تتكلم وتقول ..الي في خاطرها
وكاد تفهمه بعد ...انه ولده ماهو كفوو ....
دخل البيت شاف أسيل وام عصام قال بجمود:وين ريتآج

ام عصام وقفت بعصبيه: لايكون بترجع بكلمتك ي جاسم

ابو عصام بحده: أسيل بسرعة قولي لريتاج تجي ابيها

ام عصام بقهر: مسرع ماغير كلامك أخوك حسبي الله ونعم الوكيل فيه ...سحر هالرجآل
ابو عصام قال بحده: اقصري صوتك ي مره وخليك من هالكلام
وسكت وهو يشوفها نازلة ....مع اسيل ...

ريتآج
من وقت ماقالت لها أسيل ان عمها هنا ..وتكلم أبوها عرفت ..مصيرها بيردها له...لمت الشال على كتوفها وقربت من ابوها وقالت بهمس: سم يبه

ابو عصام بحزن عليها : عمك موجود وطلبك يبيك
وقولي الي في خاطرك ....

ريتآج نزلت رأسها وقالت بضيق : ان شاءالله

ابو عصام مد يده ورفع رأسها : ارفعي راسك مدام انا موجود

ام عصام بسخرية: ايه آلحين يتغير كل شيء دقايق بس

ابو عصام جحدها بنظره ومسك ريتاج من كتوفها ومشاها معه
للمجلس ..وهو يهمس لها حقك بتأخذيه وانا أبوك

ريتآج
مشيت معه ...وعارفة مصيري ..أبوي عند عمي كلمته ولا شيء يآرب سخر لي عمي ..ويكون معي ماهو ضدي يآرب
أول مادخلت المجلس ناظرت وليد وهو جالس مقابل الباب على طول انصدمت. .افتكرت عمي بس بس قهرني نظرته وابتسامته المستفزة لبعد أحد. ..صديت لعمي وقربت منه ...وسلمت فوق
رأسه ..ي دوب اتحرك بجلس جنب أبوي حسيت بيد عمي تجلسني جنبه ..جلست وانا متضايقه ..عارفة كلامه الي بيقوله...

ابو وليد : كيفك يبه عساك أحسن

ريتآج رفعت رأسي وناظرته ...و ناظرت وليد الي منزل رأسه عكس يوم دخلت قلت بوجع : بكون أحسن ي عم لو فكيتني من ماقدرت انطق اسمه احس بحقد عليه ..وقلبي شايل عليه بقوة بعد
اشرت بيدي عليه من غير مانطق اسمه شفته رفع رأسه وهو يحذرني بعيونه مايبيني اتكلم ..كملت بغصه.بكون مرتاحه
ولا هو نقص في ولدك ي عم بس سبحان الله ماتوالفنا وماينجبر قلب على قلب ...

وليد وقف معترض وهو معصب: وش ذا الحكي البايت أقول لاتجمعي قولي انك انتي الي تبي الفكه وناظر عمه ماعلي ملامه ي عم بنتك تبي تخرب بيتها وأكيد ماراح تمشي معاها في الي تبيه

ابو وليد ناظره بحده واشر له يجلس ورجع ناظر ريتاج : والله ي ريتآج اعطيني سبب مقنع والله ماغير آلحين اخليه يرمي عليك يمين الطلاق ...وشوفيني حلفت

ريتآج ناظرت وليد بقهر. .وش تقول وش تخلي مافي له ذكرى زينه ..معاها ...بس صعبه تقول الي في خاطرها عشان عصام وشوق ...بس والله تدري لو زادت المشكله ماغيره يروحون فيها
...تبي تنفصل بهدوء ماتبي المشاكل ومافيها تقول ايش بينهم بعد
صعبه ......قالت بوجع:مثل ماقلت لك ماهو نقض بوليد بس مابينا نصيب

ابو وليد بحده : ريتاج وانا عمك وش ذا الحكي أعطيني شيء مقنع عشان اقدر اوقف معك ولو لك حق تأخذيه من فوق خشمه وهذا انا أقول الكلام قدامه ...

ريتاج ماعاد فيها تسكت والله لو جلست تدور له عذر عشان أخوها ماراح تنفك وبعد هي قالت خلاص مستحيل تضحى عشان أحد قالت بقهر : مدام تبي علوم ولدك ابشر ي عم
والله من يوم خذيته ماشفت منه شيء غير التجريح وو

وليد وقف وهو معصب قاطعها مايبيها تكمل وبتهديد: والله ي ريتآج قبل طلاقي منك عصام يطلق شوق

ريتآج ناظرته بصدمه ...خبيث ..يعرف أشلون ..ينتقم ..صدق انه من اشباه الرجآل والكلمه ذي قليلة في حقة بعد ...بلعت ريقها وهي تناظر عمها....بخوف ..لا يأكد كلام ولده ...

ابو وليد ناظر وليد وهو معصب : ليه بأمر مين عصام يطلق شوق ..اقول انثبر مكانك وخليني اسمع من الشيخة كل ماقالت كلمة نطيت واخذتنا بالصوت العالي

ابو عصام بحده : والله ولدك ابد ماهو محترم لا وجودي ولا
وجودك ي سلطان
وليد بعد شيخة ..أكيد بيكبر رأسها الحين زود ...وبيأكلها في الأخير هوو قال بعصبيه : هذا العلم الي عندي ي عم طلاق ريتآج مقابل طلاق عصام

ابو عصام بعصبيه: والله إذا ابوك رضي بهالحكم الظالم الله يخلف أجل

ريتآج
شوي وانهار والله مابي اتسبب في عصام وشوق حرام وش ذنبهم ...حسيت بخوف أكثر يوم احتد الكلام بين وليد وابوي....
ناظرت عمي يوم ابوي وجهه له الكلام كلمته هي الي بتفصل ...الموقف كله ....

ابو وليد بحده وهو يناظر وليد : وبعدين ي وليد من هالكلام الي مافيه مرجله تتطلق أنت وريتاج طيب وش ذنب عصام شوق ولا السالفة عناد طلق أختي اطلق أختك هذي علوم المرجله الي ربيتك عليها ...

وليد انصدم من رد أبوه توقع يقوم معه وبذات جلس يعيد ويزيد يبه يفهم منه ....ويقول فعلاً تتطلق شوق قبل ريتآج ...وعلى الأقل يضغطون عليهم بس إلا لو جاا على الحق والله مستحيل يسويها يدمر مستقبل اخته عشانه
بس والله يبيه تهديد ويدري بريتاج تبيع روحها عشان أخوها بس
أبوه خرب عليه ....ليته اتفق معاه قبل يجي ...كان قدر يكسبه مثل مالعب عليه أول وخلاه يأجل الزواج ...اما آلحين والله بيأكل هووا مدام الرأس الكبير معاها ...
ريتاج
مصدومه ..أخر شيء توقعت بيكون كذا رد عمها ..ضيعت من حياتها سنه كاملة مع وليد ...عشان عصام وشوق ...وفي النهاية عمها ماراح يشبك حياتها مع حياتهم ي هي غبيه طلعت مافيها تتكلم ...ناظرت وليد وهي تحس بالانتصار ...عليه يآرب لك الحمد وقفت وقربت من عمها وسلمت على رأسه وقالت : تسلم والله هذي هقوتي فيك وش ذنب عصام وشوق وناظرت وليد وهي تشوفه يناظرها بقهر علوم الرجاجيل ي ولد عمي ماهي كذآ

ابو وليد وقف و مسكها من عند كتوفها وناظر وليد بحده: مع الأسف زوجتك لواحد ماهو كفوو وعلومه بعيده كل البعد عن الرجاجيل ..

وليد نزل رأسه وهو عاض على شفته بقهر ..هذا اللي مايبيه
أبوه يوقف ضده رفع ..رأسه وناظر عمه الي شكله مبسوط على الآخر مشى بعصبيه ... متجهه للباب بيطلع مستحيل عاد يجلس ..دقيقة وحدة بعد كلام أبوه وكلام ريتآج وبعد ماهو مطمن يخاف يغصبه يرمي عليها آلحين يمين الطلاق يسويها أبوه ...ومجرب بعد ....كيف كلمته ماتنعاد ...

بعصبيه :قبل تمشي طلقها

قفل عيونه هذا الي خايف منه بس والله ...مجنون لو يطاوعه
مستحيل يطلقها ...يكفي خسر لطيفه ..بعد ريتآج لا والله لف لهم وقال بتحدي: والله الطلاق ماتطوله وانا ولدك يبه

ابو عصام بعصبيه قرب منه بيضربه : بطلقها غصب عنك ولا المحكمه والملف الي مانفتح لبنت منصور بينفتح لبنت جاسم

وليد بعده عنه وطلع وهو معصب .صار الكل يهدده ويذكره بسالفة الخلع الي كان بترفعة لطيفه .....ركب سيارته. .
وحرك فيها بسرعة ..اتجهه للمطار ...عنده رحلة بعد ساعة...
دق على امه وسلم عليها وقفل وفتح الواتس وأرسل لريتاج ((لاتفرحي بوقفة ابوي معك والله هالمره ماطاوعه خليها في بالك ))
شوي وجاه الرد ((انا متوكله على ربي قبل كل شيء وهو معي ))
رد عليها ((والنعم بالله المهم ادعي لي شوي وبركب الطيارة إذا صار لي شيء سامحيني وانا مسامحك ))
وقفل الجوال ...يحس بضيق ...مايعلم فيه غير ربي ..يالله لطفك ويارب سهل هالرحله وهونها علي .....

عند ريتآج
بعد ماطلع عمها ...طلعت غرفتها ...بسرعة من غير ماتتكلم مع أحد. ..اول ما وصلت الغرفة وصلتها محادثة واتس فتحتها وكانت منه ..استغربت يرسل لها له عين بعد ...أول محادثه
ارسلها لها قهرتها وآخر محادثه ..قلبها نغزها منها ....من غير شعور قالت يآرب يحفظك...رمت الجوال بقهر ...دايم قلبها يغلب عليها
ودها تعرف ليه حبته كذا ...ليتها ماحبته كان يمكن ...تكون أقوى من كذآ ..
@
@
@
@
@
@
في الصالة
أسيل يالله امها تهدد من جهه وابوها معصب من جهه تعبت وهي تنقع امها تسكت . ..وقفت و.راحت لغرفتها وبالها مشغول على رائد ...قال لها بيجي لها الليلة ...وماجاا دقت عليه مارد ..قلبها وجعها يمه لا يكون فيه شيء ..دقت عليه مرة ثانيه وبعد مارد ...
عند رائد يلف بسيارة وهو ندمان ...شاف رقمها ينور الشاشة ..عض على شفته بندم مافيه يرد عليها ...والله ماتستاهله .رن مرة ثانية وبعد مارد ..أشلون يقدر يأخذ صور ...أسيل ......
يوم رن مرة ثالثة رفعه ورد عليها وقال بضيق : هلا
اسيل وهي عتبانه عليه:حرام عليك قلبي وجعني عليك والله ماغير مية فكرة جتني على بالي فيك شيء

رائد قفل عيونه .بقهر ... صدق مايستاهلها ....قال بوجع :آسف والله بس كنت عند خويي توها جاي من السفر ...وتأخرت
خليك جاهزة جاي لك .

أسيل : ان شاءالله وايه بعد لطيفه دقت علي تقول ماترد عليها
وتقول أهل ابوك موجودين عندكم
رائد قفل عيونه بصبر لا هذا الي مايبيه والله ماغير ينشبون له وهو أبد مزاجه ماهو رايق قال بضيق: مسافة الطريق ان شاءالله وأكون عندك وتكفين أسيل لا تخليني منطق عند باب بيتكم ساعه

أسيل بضحكه : ابشر بلبس العباية بعد قبل تتوصل ان شاءالله

اليوم الثاني
،،
،،
دخل الغرفة وهو يفكر يقول لها ...آلحين ..أوبعد موعدها
..شافها متمدد على السرير جلس على طرف السرير ..وقال بهدوء : توقعت اشوفك جاهزة

ريوف ناظرته ببرود وقالت بهمس:مافيني اليوم اروح خذ موعد ثاني

أسامه رفع حاجب : لا ي شيخه على كيفك هوو

ريوف هزت رأسها بدون ماتتكلم

أسامه مد يده وسحب المفرش وقال بقهر : الحين مترخص عشانك

ريوف جلست وهي تقاطعه :خلاص لا تذلنا ..

أسامه طالعها وهو محتار يقول لها او لا : اوك انتظرك بسرعة
ريوف ناظرت لبسه : طيب تبي تروح بالبدله

اسامه وقف وقال بغرور:هيبه صح

ريوف طنشته وطلعت من الغرفة
اسامه عض شفته بقهر تسحب عليه بعد صايره .. غير ملابسه ..وهو مايدري كيف يقول لها وبعد مايدري كيف بيكون رد فعلها ....
طلع وشافها جالسة على الكنبه قال بقهر:ريوف أقولك مترخص ساعتين وأنتي جالسة تماطلي

ريوف : هدي هدي بس البس العبايه وقفت وأخذت العباية ولبستها ...ماتبي تروح خايفه ..وشي غريب عليها ..بعد
..
طالعته بتوتر: ضروري هالموعد احس إني خايفة

أسامه عقد حواجبه : من وشهوو خايفة

ريوف جلست على الكنبه : مدري كذا

اسامه جلس وقال وهو يطمنها : ي بنت الحلال هالشي لمصلحتك نطمن على صحتك وصحة البيي ..ومد يده وسحب يدها ومشاها معه وهو ماسك ضحكته ...بس يوم حس برجفة يدينها في يده قال : لا كذا أوفر ي بنت ...

ريوف طالعتة والدموع عالقة في عيونها.. .

أسامه حس بحزن عليها ...معقول لهالدرجة خايفة ..قال وهو يهدي فيها :توكلي على الله وبتريقه أجل أشلون يوم الولادة
ريوف قالت بغصه: تخيل وقتها بس على خوفي بعد ماعندي أحد ليت أمي موجودة والله أحتاجها حيل

أسامه حس بقلبه وجعه من غير حس قال : ي قلبي خليك قويه
وبعدين ربي موجود ثم انا ...لا تخافي ربك كريم ومافي ارحم من على عباده

ريوف بعدت عنه وقالت بحزن :وينك أنت أسبوع وأنت عند أريج

أسامه إبتسم : ماعليه بعدين ي شيخه صح باقي أسبوع بس تراها ملكه ماهو زواج يعني مبلط عندك لما نحدد موعد الزواج وبعدها طبعاً أول شهر العروسه تتدلع فيه وبعدها يبدأ العدل بينك وبينها ...تراي رجآل وأخاف ربي

ريوف بسخرية : ماشاءالله عليك الله يقويك

أسامه بأبتسامه : آللهم آمين يالله يالله ورانا دوام والله زميلي الي ماسك مكاني ماغير يخليني امسك بداله أسبوع لو تأخرت دقيقة عن الموعد الي أعطيته .....
@
@
@
@
@
@
@
@
@
في بيت ابو عصام..
دخل البيت وهو يصارخ بصوته كله...الكل طلع مصدوم
ام عصام قربت منه وهي تصيح من فرحتها من هالمفاجاة
: ضمته بقوه ومسكت وجهه بحنان : حيا الله هالوجه
عصام سلم فوق راسها وفوق يدها ونزل بيسلم على رجولها بس ردته ورفضت ...وهي ترفعه وترحب فيه ي قلبي يمه والله كنت ضايقة وشوفتك اسعدتني حيل

عصام بأبتسامه :سلامتك ي ام عصام من الضيقه ...وينه أبوي

ام عصام : آلحين جاي ..ورجعت ضمته ي اني فرحانه بشوفتك ..

ريتاج تناظره وهي فرحانه سبحان الله كان خايفة عليه ...
ي قلبي ي خوي الحمدلله وعمي وقف هالمرة مع الحق ..كان الضحكه هذي والفرحة كلها بتروح ...قالت وهي مبسوطه بشوفته :يمه أعطيني فرصه اسلم عليه ..بس وبعدها ضمي فيه وسلمي على راحتك
عصام بسرعه سحبها وضمها لصدره بحنان :والله فقدتك

ريتآج بأبتسامه : والله وانا أكثر ي خوي

عصام جلس وجلسها معاه وقال : ي قلب أخوك علومك

ريتآج حست بكلامه ونظرته لها إنه عنده خبر ..طالعت امها بشك ..أكيد قايله له ..قالت وهي تطمنه: الحمدلله علومي كلها خير تطمن ي خوي

ام عصام : أكيد بتكون بخير بس ربي يفكها من العله ولد عمها
اخخ ي هو قهرني قال ايش طلاقك من شوق قبل طلاقه من ريتآج
عصام بعصبيه :وش السالفة بالضبط قلتي يوم اوصل اقولها لك بالضبط وبعدين وش ذا أطلق شوق عشانه

ريتآج طالعت امها بعتب :ارتاح ي خوي آلحين وبكرة بنفسي بقولك وناظرت أمها تبيها تسكت ...

عصام بقهر: لا قولي الحين وش مسوي فيك وليد والله ماغير اخليه يعض التراب ...

ريتآج عضت شفتها اخخ ي خوي ...مره متأخر بهالفزعه
قلت بضيق من السالفة كلها : مافي شيء بس لا انا ابيه ولا هو
يبيني ...وتكفى تسكت الحين وخلنا فرحانين برجوعك ..
ويالله قوم روح قابل الشوق تراها تحتريك من مبطي ...
..
عصام ابتسم بضيق : عشانك بس بسكت الحين بس مصيري اعرف وشهوو مسوي فيك ويعرف وقتها كيف العلم

ريتآج مسكت يده : تكفى عصام فكنا وخلي زواجك ينتهي على خير
مابقي منه غير أسبوع ...ولو فعلاً تبي ترضيني تكفى ماتدخل بهالسالفة كلها ....

عصام يحس بندم ...يذكر أول يوم خطبها فيه ..كيف دقت عليه وقالت تبي الفزعه ..بس قال لها عشانه وعشان شوق توافق ..بس والله قبل مصلحته كان بعد يبي مصلحتها ويبيها تنسى بدر ...
وكان متأكد من وليد ..حتى لو ماحبها ماراح يقلل من قدرها ويضيمها يفتكره رجآل ...بس الكلام الي وصله من أمه ...غير فكرته عنه ....هين والله ماغير يربيه ....وبعد الخايس يهدد ..
طلاقه... بطلاقي من شوق .....

@
@
@
@
@
@
طلعت من عند الدكتورة ركبت السيارة ..وهي مصدومه ..توأم
مرة وحده ...ناظرته وهو ماسك الضحكه قالت بقهر:مبسوط بعد

اسامه بسعادة يوم سمع الخبر: أكيد مبسوط هذا زرق

ريوف صاحت غصب عنها ماهي متخيله هي متخوفه من الولادة بواحد ...آلحين اثنين

أسامه عقد حواجبه: وش فيك تصيحي الحين الله يهديك بدل ماتحمدي الله وتقولي يآرب يقومنا بالسلامه انا والي في بطني

ريوف مسحت دموعها وقالت:الحمدلله بس خايفه

أسامه قدر موقفها وسكت ..خلاها تصيح على راحتها ..يكذب لو انه هو بعد مانصدم ..والله بعد يحس بقلق عليها أكثر من أول ....وصولوا. .البيت ..وشافها دخلت الغرفة على طول ..جلس بالصالة ...لازم يقول لها الخبر الي عنده ..ولا أفضل شيء يأجله لما يرجع من دوامه ........
دخل الغرفة ...شافها مسنده ظهرها على السرير وتناظر بطنها قال بأبتسامه وهو يطمنها:وشهوله هالرعب اخخ تخيلي بس شكلهم وهو يركضون مع بعض ويقومون مع بعض ي حبي لهم بس وبعد أولاد من آلحين اسمهم شهاب و

ريوف بسرعة قاطعته :وسمير ......
أسامه عقد حواجبه :سمير

ريوف : ايه سمير ولو بتعترض بذكرك انك اخليت مسؤوليتك ومفروض الحق انا الي اسميهم كلهم ...لأنك نكرت وعصبت وهاوشت عن هالحمل والحين جاي تعترض ...
اسامه بضيق: هذا كلام قديم ريوف ومين قالك بتعرص ..سمير سمير ولا يهمك

ريوف ابتسمت بألم : إذا نسيت أسامه انا مانسيت هذا موجوع منك للآخر
أسامه قال بضيق: أشلون سامحتي أخوك على ماظن ماهو أحسن مني وصدق وهو الي عايش معك وعارف أخلاقك أكثر مني لا تلومي ي ريوف

ريوف بغصه:مالومك ابد ولا عمري لمتك على شيء. . بس حطها في بالك أنت ومرة أبوي مستحيل أسامحكم

أسامه : كنت بقولك شيء قبل روحتنا للمستشفى بس فكرت أجله يوم نرجع بس ..مدام فتحتي السالفة هذي بقولك ..العلم الي عندي ...

ريوف بقلق : قول ...