رواية أعشق أنانيتك عندما تتمناني لك وحدك الفصل الثاني وأربعون 42 - بقلم nona_A

فتح الدريشة وهو ناوي على اللي بينهم يكمل خلاص بس ماقدر يقولها ..قال بحده:انسي بنتك خلاص ...وبلاش هالحركات عارف كلها تمثيل

غلا وهي تصيح: اي تمثيل اللي تقوله تكفى سآمي

رده كان انه ...قفل الدريشه. بسرعة وحرك السيارة بسرعة جنونيه ..

غلا
وهي تصيح أشلون أنساها. ..حرام والله اللي يصير
خلاص ..قلت آسفة ..وغلطانه حدي ..ماله داعي هالقساوه كلها ......سويت العبايه زين ..واتجهت
للبيت حسيت الدنيا تلف فيني سندت حالي على الباب وانا احس بوحدة ..وقهر وكل شيء ..حاولت ا فتح الشنطه وأخذ.. النسخه ..وفتحت الباب بعد جهد...
دخلت وانا احس بطني يتقطع .علي بعد ... ..فكيت العباية
ورميتها على الكنبه وجلست عليها وانا اصيح منهارة ..
مارحم ضعفي حتى. ...آه احس بتعب وجع ..في قلبي
حرام اللي صار فيني منه ...تذكرت ملامح بنتي رجعت
صحت بقهر ...حرام سامي وجعتني حيل ...والله ماسامحك
على ذي العملة ..بسرعة طلعت جوالي من الشنطه ودقيت
عليه بس قفل في وجهي. ...رجعت دقيت عليه أكثر من
مرة نفس الحكاية...فتحت الواتس ..وارسلت له. .
))تكفى خذ الي تبي مني بس لا تحرمني بنتي مستعدة لا اي عقاب بس غير هالعقاب ..))
وبعدها انتظرت يرد علي بس وين آه وين ذا بيرد علي ...
حسبي الله عليه رجعت كتبت من ثاني
))سآمي بالعقل طفلة أشلون بتعرف لها تكفى
فكر بعقل ....ومستعدة اسوي اللي تبيه بس لاتحرمني
بنتي والله بموت بدونها ...تكفى ارحم ضعفي ..))
رميت الجوال . بقهر يوم مارد علي ...بس عندي
أمل بيحن علي... سآمي طول ...عمرة طيب ...معي وقلبه يحن
بسرعة حتى لو زعلته... يرجع هو يراضيني ....بس آه
صحت بقهر وين ذا يوم كان طيب ماقدرتي ...
النعمه الي أنتِ فيها ...ضربت خدي بقهر والله متحسفة
حدي وندمانه.... عضيت يدي بقهر ..وش اسوي..عادي
يطلق ...بس بنتي يرجعها لي ...مابي شيء غيرها ..
رجعت دقيت عليه مايرد ...تذكرت أبوي. ..بسرعة دقيت
عليه وفرحت يوم جاني صوته قلت وانا اصيح: يبه
اخذوا بنتي عني يبه تكفى تعال رجعها لي يبه بموت
دونها ...

راجح وهو مفزوع من صياح بنته قال بخوف عليها: مين
اللي أخذها ومن اصلة متى ولدتي وليه ماعندي خبر

غلا وهي مطنشه اسألته كلها اللي همها بنتها الحين قالت وهي
تصيح منهارة : سامي يبه مسوي ينتقم

راجح بعصبيه : وش ذا الانتقام الخسيس وبعدين وش مسويه فيه
عشان يحرمك من بنتك ولا يكون بعد لسى مصغر عقله على اللي بينكم قبل ...

غلا وهي منهاره: يبه الحين تجي يبه تكفى لو مرة انصفني
وقف معي والله بموت هالمرة لو وقفت ضدي..

راجح بعصبيه الحين وقت سامي وحركاته ..هوو يالله
يقدر يكمل شغلته في اسبوع ويالله يمدي قال بسرعة :
ان شاءالله اسبوع وانا عندك

غلا بصدمه : يبه وش اسبوعه أقولك تعال الحين بنتي يبه
تكفى يبه طلبتك هالمرة ماتردني خايبة مثل العادة ورجعت تصيح حرام والله

راجح قال بحزن عليها: خلاص بحاول والحين بدق على بدريه واتفاهم معاها

غلا مسحت دموعها :يبه لا تدق على بدريه دق على سآمي
بدريه وش بيدها

راجح : لا سآمي مافي حد يقدر..يتفاهم معه هي تقنع أخوها الصايع ذامسوي مرجله عليك وانا بعيد...
غلا زفرت بسخريه : يبه أنت اعطيته ذي الفرصه
طول عمرك تخاف منه ودي اعرف وش فيه يخوف عشان
ذا كله كلمه هوو شخصياً يوم اثبت لي يبه انك سندي

راجح بعصبيه: والله هذي كله من لسانك لو انك عاقلة
مثل الحريم كان آلحين بنتك بين يدينك ماهو مسوين اتفقات
وخرابيط ..والحين جايه تطولي لسانك علي بعد

غلا رجعت صاحت بقوة وقالت بحسرة: تكفى يبه لا تذكرني
والله ندمانه وغصب عني يبه لا تزعل مني والله مدري وش اقول

راجح قال وهو مستعجل : خلاص آلحين بقفل وان شاء الله
بنتك ترجع لك ...

غلا
قفلت من عنده وانا متأكدة انه ماراح يسوي شيء. ..ايه طول عمره
يخاف من سآمي ...رجعت دقيت على سآمي. ..مارد علي
تمدتت على الكنبه وانا احس ظهري وبطني ..كلهن
يلموني ....آه يآرب حنن قلبة علي ويرجع بنتي ..يآرب
مالي غيرك ..حسيت الدنيا سودة قدامي قفلت عيوني بتعب
وانا أتمنى ربي يبعد عني كل شر ويقر عيني ب بنتي
،،
،،
،،
،،
في السيارة

ناظرته طول الطريق .... يسوق ساكت ... ناظرته الطفلة
اللي في يدها وقالت بحسرة : وش ذنب ذي البنت
تنحرم من أمها

سامي بقساوه: أمها ماتبيها وبنفسها قالت هالشيء

ام سآمي بحده: وش ذا الحكي البنت مثل المجنونه في الشارع
تركناها وأنت ولا فكرت بها مرة وحيده حتى أبوها ماهو يمها أبد مدري وين الله قاطه فيه

سآمي بعصييه: الحين مسويه فيها الحنونه عليها يمه ...خليك منك بس ..وبنتي يمه لا تخافي ماراح تضايقك بشيء ...مدام ربي معطيني عمر ان شاءالله ماتحتاج أحد وإذا ربيتيها بعد مافيها شيء بنت ولدك مثل بنتك ماهو يقولون ولد الولد اغلى من الولد

ام سآمي بعصييه: وش ذا الحكي الي تقوله أقول عقلك بوه
بلى أكيد وش يعرفك تداري طفلة عمرها يوم ونص..
أقول رجعها لأمها ..وخلها لما تفطم وخذها الحين لازوم
ترضع من حليب أمها عشآن تعيش ...ومن ناحية حبي لها
أكيد بحبها بس ماهو لازم انا الي ادريها امها عايشة

سآمي بحده: الحليب الصناعي ربي كثرة ..
والحين بنزل الصدليه وبأخذ كل شيء تحتاجه ...

ام سآمي سكتت خلاص عجزت تقنع فيه..وهو رأسه
الف سيف مايغير رأيه...والله ماهمتها غلا
بس الآثم هذي في يدها بتروح فيها وكاد ....
وصلووا البيت ...ونزلت ...وهي تحمل هالطفلة في يدها
اول مادخلت شافت بدريه قدامها قالت بتعب:خذي يمه
انتبهي لها اخوك انهبل

قال بعصبيه وهو حامل الأغراض : مانهبلت هذا الي لازم يصير ...

بدريه بصدمه : لا يكون نفدت الاتفاق المجنون الي بينكم

سامي بعصبيه : انكتمي بس وانتبهي لها ساكته

بدريه بقهر: وش ذا الأسلوب الخايس حرام والله تحرمها من امها وتحرم امها منها بسبب اشياء تافهه بينكم ...

سآمي قال بسخرية : شوي واصدقك والله ان قلبك على غلا
اقول انثبري بس وانتبهي لها وخليك في الي مالك فيه
بدريه : لا لا أكيد أنجيت وش انتبهه لها ذي يبي لها حليب يبي لها مرعاه ومحد يوفرة لها غير أمها

سامي ببرود مصطنع: وأنت وش فايدتك يالله خليها تعوضك عن الي فقدتيه

بدريه ناظرت امها بصدمه : وش الي. يقوله ذا والله انك صادقة يمه الولد انهبل ..

ام سامي بحسرة: آه ي وليدي خلاص عقله طار وطيرته بنت راجح حسبي الله عليها من وقت مادخلت حياتنا ماتهنينا

سامي بصرخه : بنت راجح بح خلاص طارت بشرها وبخيرها
والحين معاد به غير هالبنت تنتبهوو لها

بدريه بقهر من تحكمه فيهم: هيي لو انتبهنا لها ماهو شرط حكم علينا لا حبيبي رحمه منا لأن مهما كان طفلة مالها ذنب ان ابوها سامي وامها غلا اللي مدري كيف قلوبكم على الي سويتوه في هالبرئيه

ام سآمي وهي تذكر غلا : حرام والله امها مثل المجنونه تضرب بالسيارة بس اخوك رأسه والف سيف مايرجع عن اللي يبيه

وناظرت سآمي الي بكل برود أخذ بنته من بدريه ودخل الغرفة قالت وهي تعلي صوتها شوي يمه الله يهديك رجعها لامها وخلها
تفطم وعد مني أخذها واحطها بعيوني إذا ربي أعطاني عمر.لحزتها...بس آلحين رجعها

وقف وهو يسمع كلام امه قال بقساوه: والله ماهو رجآل لو خليتها بعد تشوفها ...

بدريه قالت بسخريه: هييي ذي غلا والله لاتوصلها المحاكم وتذكر مالك حق تأخذها بهالسن ...وأنت عارف متى السن القانوني اللي تأخذه بوه

سآمي ضحك ببرود :تبشر بعزها وقتها ..

ودخل الغرفة وقفل الباب. ..وحط بنته الي توها سكتت
على السرير ..وقال بهمس: امك حدتني ...
حط يده في جيبه وطلع مفتاحه وجواله ...وشاف مكالمات
و رسايل. ..كان حاس انه منها . وطنش فتح رسايلها..بفضول..
ابتسم بسخرية وقال ابشري والله وبسرعة دخل الاستديوو مكان تصويرة للمحادثة الي قبل كاتبها فيها انها ماتبي الي في بطنها
وماتتشرف تكون ام لعياله ...
وارسلها لها ..وكتب تحتها ((ليت بعد هالرد معاد ترسلي شيء
وأكيد معاد راح ترسلي اللي وصلك يكفيك للآخر ))
ناظر بنته الي رجعت تصيح رفعها بحنان وقال بهمس...
آسف غصب عني يبه ..بس ماعليك ام مثل كذآ قاسية ماينفع تكون امك صدقيني وبتشكريني في يوم ...
حاول يسكتها بس وين البنت.. جيعانه وقف وطلع وهو حاملها
ودخل غرفة امه شافهم ينظرونه قال بحده : همتكم بدت يالله
ام سآمي بعصبية :أقول لا تكلمني كذا والله لو احلف ماتجلس لاانت ولا بنتك بهالشقه ولا تنسى الشقه شقتي ...

سامي عض شفته وقال بقهر: الله يسامحك يمه ماغلطت عليك
والشقه دافع معك فيها ..وإذا متضايقة عشان بنتي ..
...خلاص آسف ..انا بنفسي بنتبهه لها ..
وإذا كنت الحين ماعرف مصيري اتعلم

بدريه وقفت وأخذتها منه وقالت بحزن على حال البنت: والله عشانها بس إلا أنت وغلا ماهميتوني وخلاص فارق وبنتك بأمان بإذن الله وسكتت وهي تسمع جوالها يرن قربت منه وقالت بعد ما شافت الرقم :عجبك ذا راجح الحين وش أقول له

سآمي ميل فمه بسخريه : والله ي شين ماطريتي وعادي قولي له سامي اللي بينه وبين بنتك انتهي واشوف بالله يقدر يفتح فمه راح افتح له وجهه شوارع

ام سآمي : ايه ايه ارجع لسامي الاولي هذا هو انت مهما قلت الحمدلله ولدي عقل ولدي استطلب ...مصيرك ترجع سامي عربجي الحارة

سآمي
طلع وهو معصب ...وحالته حاله. ..من كلام أمه. ..يعني
الحين خلاص هو طلع غلطان...وغلا الي مسكينه ومظلومة
في السالفة ...رجع دوامه ...وهو متضايق....
أخذ شور ..وطلع ..جلس على السرير...وهو لاف المنشفه على خصره والثانيه نزلها على كتوفه بعد مانشف شعره ...زفر بضيق
يوم سمع الجوال يرن سحبه وكانت أمه رد عليها : هلا ي الغالية

ام اسامه بهدوء:هلا فيك كيفك يمه ليه معاد مريت علي

اسامه : ماعليه يمه انشغلت شوي

ام اسامه بزعل:انشغلت ولا من يوم ماتزوجت خلاص
نسيت أمك

اسامه قفل عيونه بصبر: الله يهديك يمه وش ذا الحكي حد ينسى امه والله لو مليون ريوف مانسيتك ..وماعليك بعد ماتنتهي من زواج رائد ابيك تدوري لي البنت اللي يروق لها رأسك
عشان أثبت لك بس إني ابي رضاك..

ام اسامه عقدت حواجبها وقالت بسخريه : ي الكذب الي يمشي في دمك لو فعلاً تبي رضاي ماتزوجت من ورأي ي اني حاقده عليك بسبة هاالسالفة..

اسامه عض شفته : والله يمه ماكذب وبعد احسك أبد ماهو براضيه على هالزجيه وعشان كذا برضيك وبعد خاطري ...في الزواج الثاني ...

ام اسامه بحده : أقول بلى كلام فاضي ...لا تسمعك الحين مرتك
وتزعل ..ولا تتفتكرني من الحريم اللي يحشرن عيالها على حريمهن

أسامه عض شفته بوجع آه ليته فعلاً يتخلص ويتزوج غيرها
بس مع هالحمل ..شكل الخلاص صعب ...قال بقهر: تخسى تفتكرك كذآ

ام اسامه بصرخه: أسامه وش فيك
اسامه قال ببرود: وش فيني

ام أسامه بسرعه : يالله قول لمرتك تتفضل للحناء دقيت عليها ..جوالها مشغول لا تنسى طيب

اسامه عقد حواجبه: مشغول

ام اسامه بحسن نيه: ايه يمه لي ساعة أحاول بس مشغول المهم قول لها طيب ...

اسامه قفل وهو معصب مع من هالوقت كله تقول ساعه وهي تحاول ..وقف بعصييه وطلع من الغرفة شافها فعلاً تتكلم في الجوال قال بعصبيه : خلاص قدامك ي تاجر معاد به حياا

ريوف ناظرته مستغربه طالع يرمي عليها كلام ماتدري وش
فيه : سلامات
اسامه سحب الجوال ..وسمع صوت لطيفه ..رجعه لها وهو يحاول مايطلع صوت أكثر ولطيفه تحس ...

أشر لها تعتذر منها بسرعة ....وتقفل

ريوف سوت مثل ماطلب منها وقفلت وقالت : خير علامك جاي
معصب

ناظرها بقرف وقال وهو مطنش سؤالها : امي داقه تقول عازمتك على الحناء
ريوف ببرود: عندي خبر بس مالي نفس أحضر

اسامه بوقاحه: آكيد مالك نفس وحبيب القلب خون فيك

ريوف رفعت حاجب : صدقني انا وهم الي تقوله انت عني وعن اخوك
ام أنت حقيقة ومقهور وقلبك شاعل حبيبة الصغر هي الي خونت فيك ..ورفعت يدها يومين بس وتنزف على أخوك

اسامه بعصبية قرب منها واعطاها كف وصرخ بعصبيه
: عارفة ليه خونت لان وحدة حقيرة وقفت في طريقناوجعتنا

ريوف تفاجأت بالكف ماتوقعت بيكون رد فعلة كذا قالت وهي حاطه يدها على وجهاا : الله يوجعك أكثر ي اسامه ورائد
يستأهلها أحسن منك واقولها للمليون والله يستأهلها أكثر منك

اسامه عصب زود وقال بصرخة: ريوف اشتري عافيتك اليوم

ريوف بعناد :عافيتي بيد ربي هو الي قادر عليها
ومثل ماقلت لك يآرب رائد يتوفق معاها وأنت خلك مع عقلك المريض ...واجلس كذا طول عمرك ...وخلاص معاد يهمني شيء الي بتسويه تفضل ماعندي مانع وليت تأخذ عمري وارتاح من العيشه معك

أسامه
مصدوم حده مستقويه بقوه عض شفته بعصبيه .. اليوم يأخذ عمرها ويريح عمره بعد
بس الي صدمة أكثر قربها منه وعنادها والخوف الي كان يشوفه ماشافة الحين في عيونها. .قال وهو صاك على سنونه:ومسوية
قويه بعد

ريوف ناظرت عيونه بتحدي :آكيد قويه مدام بريئة مايخاف إلا الي مسوي اللي في بالك

اسامه ضحك بقهر:في بالي بس وبعد بريئة ي كبرها والله
أقول اجهزي ساكته وخليني ارميك وانفك من حنة أمي
ريوف بعناد : قلت لك مالي في هالروحه

أسامه ناظرها بقهر جالسة تثبت له ...انها مقهورة من زواج
رائد ...قال بعصبيه : عندك نص ساعة والله لو تعدي وماجهزتي أقسم برب الكون بيكون تصرفي معك شيء ثاني. .

ريوف
اكذب لو ماقول ماخفت من عصبيته وتهديده بس مالي في هالروحه اكرة حالي يوم ادخل بيت أهلة... وايه لازم أقوي حالي لمتى بجلس كذآ بس فزيت من صرخته ...
: يالله بسرعة

هزيت رأسي عشان انفك منه ..ومن صراخة على رأسي. ..
ورحت الغرفة وأخذت شور سريع ...ولبست ...وتكشخت
على الآخر. ..وطلعت له شفته ينتظرني لسى ...تمنيت انه مل
وراح وفكني ...قلت بهمس : جاهزة

اسامه رفع نظره لها. .شاف كيف كاشخه ...على الآخر
قال بسخريه: مسويه ذي الكشخة كلها عشان مايبين عليك

ريوف بقهر ...رمت الشنطه من يدها وجلست بقوة على الكنبه المقابله له
وقالت بصرخه: والله ماروح اليوم لوعلى موتي وأشوف كيف تغصبني ...
أسامه ببرود وقف وقال :لا لا اعصابك تكفين
عساك والله ماتروحي ...وصدقيني ...بعد الزواج لو تحلفي مثل كذا يكون أحسن. ...ماودي حد يقول ذي مرة أسامه
اسامه أعلى من ان مرته تكون كذآ

ريوف ناظرته وقالت بغصه: ي غرورك والله

اسامه قرب منها و نزل نفسه شوي وقال بفحيح : وي حسرتك والله باعك .وخذ الشريفة ...الي لا انكتب إسمها جنب اسمه رفع رأسه بفخر ماهو مثلي اللي موطي الراس بفعايلك الشينه ... ورفع حاله وأعطاها ظهرة ...

ريوف بقهر سحبت الفازة اللي على الطاولة ...ورميته عليه وجت في كتفه......اسامه اللي صرخ مصدوم ..
ناظرها وهو ماسك على كتفه ..شاف الدم في يدة ...انصدم أكثر...من كيمة الدم...قال بصرخه : وش سويتي ي ******

ريوف
بعدت بخوف ...ماتبي كذا ..بس ماتدري اشلون صار ذا الشي منها ...كلامة اوجعها حيل ....وغصب عنها يدها انمدت ...
للفازة ...قالت بتلككك:مدري مدري ..كيف...وبسرعة شردت للحمام الله يعز القارىء. ....

أسامه قفل عيونه بألم. ..وجلس على الكنبه ...
وهو يشوف جرحه ..فتح عينه بصدمه من كبر الجرح ...
عض شفته بعصبيه وقال بصرخه :اقسم بالله لا اطلع الحركه
ذي من عيونك. ..وقف وراح الغرفة وهو مقفل الجرح بكمية من الفاين ...ولبس بسرعة ...وراح المستشفى يشوفون له
صرفة لذا الدم ....ينزل منه.. راح .وهو يتهدد فيها..طيب
ريوف.....مصيري ارجع لك. ...

عند ريوف اللي كانت ترتجف ...وحالتها حالة وش سوت
ليه ماصبرت ماهو كل مرة ...تصبر وتسكت ضروري
هالمرة تسوي هالقويه .....حطت رأسها على الباب...
تبي تسمع له صوت ...باقي في الصالة أو لا ...بس كلها دقايق وسمعت صوت باب الشقة يقفل بسرعة. ..انتظرت شوي ...
وطلعت وهي خايفة تتلفت ..يمين ويسار ...خايفة لا يطلع لها
بلعت ريقها وجلست على أول كنبه بحيث لو رجع تقدر تشرد..
يالله وش ذا الرعب الي سببته لحالي ...كان كلام ويعدي مثل
كل مرة ...ولا هالخوف اللي راكبني ......

،،
،،
،،
،،
في بيت ام سمير ..

عض شفته بقهر: موزع بطاقات دعوة ...في الاستراحه. .
يعني خلاص كذا يفلت بفعلته ..وبعد يتزوج ويفرح
وانا قلبي محروق ...

قالت بعد ما حطت فنجان القهوة: وش تبي فيه خله يتزوج
اللي يبي يمه ...وأختك هي رخصت عمرها وخلاص وشهوله

الحين تذكر سيرتها ..مانسيت يعني

سمير كور يده بقهر :آه يمه مين قال نسيت اللي سوته ينتسى
آه ليتني ذبحتها وكاد قلبي يبرد شوي

ام سمير بخوف عليه: لا يمه والله اموت بعدها قولي من لي غيرك قول ...

سمير عض شفته وبحسرة: ودي اعرف ليه سوت كذآ

ام سمير بخبث:الشيطان وعمايله يمه ..وخلاص فكنا من سيرتها
عزالله تسبدي يقلب علي لو جبت سيرتها ..

سمير بنتقام: والله ماهو رجآل لو خليته الخايس يتهني ..

ام سمير بخوف على ولدها : يمه حرام عليك تشعل قلبي الحين
عليك اقطعها من سيرة ولعاد تذكرها عندي مدام تبي رضاي..

سمير وقف وهو يهز رأسه :يصير خيرر يمه ..

ام سمير ..حست بخوف الله.يستر لا يروح يسوي شيء في الولد
ولدها يروح فيها ...بلعت ريقها بخوف ...لا لا بس سمير
اجبن من انه يسوي شيء ..ايه لو ناوي على شيء شين
كان من أول من هوو توو .....والحين يهايط مثل عادته
رفعت فنجانها ...وهي ترجع تدق على ريوف...
تبي تتشمت فيها ..شوي ...عصبت مثل العادة ماترد
تموت وتعرف ليه داقة عليها قبل فترة طيب ....

.. صرخت بعصبية: ساعة نتظرك عشان تجي

زفرت بضيق : يمه عادي اذا بتروح خليها تروح مو لازم منه هالحناء

ام عصام بعصبيه: وشهوو مو لازم ودي اعرف وش مشغلتس ماتجي حناء اختس وشوي وتبدأ غمرتها ..

ريتآج بقهر من اللي هي فيه ..وليد معصب عليها ..وتدق عليه مايرد ..ويوم ارسلت له بعد مارد عليه ..اشلون تروح وهو
محذرها يآرب متى تنتهي من هالعذاب ...قالت : مافي شيء مشغلني يمه وان شاء الله جايه

ام عصام بحده: إذا اللي عندك رافض يجيبك ارسل الحين السواق
وأشوف فيه امه خير يقدر يمنعك بالله

ريتآج قفلت عيونها بصبر من عصبية امها خلاص لو عصبت ماتدري وش تقول : خلاص يمه جاية

ام عصام بحده: بسرعة وقفلت وهي معصبه

قفلت من.. أمها ...ورجعت دقت عليه ...وهي تتمنى يرد عليها
فرحت يوم سمعت صوته بححه: الوو

قالت برجى : تكفى وليد ماهو وقت عنادك امي معصبة علي
وتبيني احضر حناء أسيل

وليد قال بجمود: جاي آلحين خليك جاهزة. ..

عضت شفتها وبهمس: انتظرك ..
وفعلاً كلها دقايق وشافته ...داخل عليها الغرفة ...
قال ببرود وهو يشوف كشختها : يالله لهالدرجه متشوقه للروحه

ريتآج بصبر: وليد اللي يسمعك يقول تتكلم على اني رايحه عشان وحدة غريبة ومالي صله فيها ذي أختي اللي متعنيه لها

وليد جلس على السرير وقال ببرود يذبح:أختك رفضت ولد عمها واختارت الغريب عنه

ريتآج بعقل ماتبي تعطيه كم كلمه ويحرمها هي يالله تقدر
الحين تحضر الزواج الي متأكدة انه بيسوي لها سالفة فيه
وعارفة خبثه كل ماشافها كرر هالكلمه يبيها تعصب وتروح
عليها هالروحه
قالت بهدوء مصطنع :نصيب ي وليد شوف كيف أكبر
دليل حالي وحالك كنت لأخوك وصرت لك

وليد وقف وقرب منها وقال بحده: لا تقولي لاخوي لي بس
فاهمه
ريتاج عقدت حواجبها من رد فعله العنيفة هزت رأسها بخوف: ان شاءالله
وليد قرب منها أكثر ومسكها من عند كتوفها وقال بهمس : ليته مافزع لي ...وأخذك..وتكوني لي من الأول بس وش تقولي طول عمري متسرع وماعرف أتصرف ...

ريتآج انصدمت من كلامه هذي المرة الثانية يقولها ...
بس لا أكيد كذاب ...بندر يبيني من هو صغير ..ومسمى له
من زمان ..ايه يكذب وليد وبعد ماهي غريبة عليه هالحالة
كل مرة طالع بكذبه ..وبعد متفنن فيها
قالت بقهر : وليد لا تكذب بندر يوم خذاني كان من طيب خاطر
ولا هو بفازع لحد

وليد بوجع : ليتني كذوب هالمرة

ريتآج بقهر وتوتر تحس حالها مقهورة من كلامه ...

حرام عليه اللي يسويه فيها قالت بعصبيه: مستحيل تشكنني في حب بندر لي والله يعشق الأرض الي أمشي عليها الله يرحمه

وليد بعصبية : ريتآج انكتمي قبل ماانهيك اليوم
كم مرة قلت بندر ماتجيبي سيرته ليه ماتفهمي الي قدامك رجآل عارفة قد ايش يوجع لما المرة تذكر رجال غيره .قدام زوجها

ريتآج بحسرة على عمرها: وليد انا تعبت منك خلاص كل مرة
تطلع لي بشيء. . الحين جاي تقول بندر فزع لك وخذني
وتبيني أسكت لا والله ماسكت وبقولهاا للميون أخذني من طيب خاطر..ومو أنا اللي عيال عمها يتعازمن عليها ويفزعن لبعض عشانها

وليد بوجع: صدقيني محد خذك فينا من طيب خاطر بس ودي اعرف ..وش صار فينا بعد ...

ريتاج قفلت على أذونها بوجع : خلاص أسكت تكفى أسكت

وليد قرب منها وضمها غصب عنه ..يحبها ياناس
دخلت قلبه مايدري كيف ..ومتى واشلون. ..حس بحركتها وهي تبي تبعد عنه...بس شد عليها وضمها زود وقال بهمس: خلاص ي بنت عمي ..دموعك غالية ...

ريتاج رفعت عيونها له وقالت وهي تصيح : بنت عمك حطمتها

وليد مسك وجهاا بحنان : ليت تعطيني فرصه أخيرة

ريتآج بعدت عنه وهي ترجف : ليت تعطيني الخلاص بسرعة

وليد عض شفته ..وأعطاها ظهره وقال : انتظرك في السيارة

ريتآج
جلست على السرير ..وهي تحس برجفه غريبة تمكنت منها..
رفعت يدها وهي تناظرها كيف ترجف ..وبغصه ..كل ذا عشان قالك ان ..بندر بعد مغصوب عليك أشلون. .مغصوب ..وهو
كان فرحان وبيطير بعد من الفرحة ...قالت بقهر الله
لا يسامحك ي وليد مثل ماخليت كل شيء قدامي شك
في شك...لازم تسأل شوق ..وهي اللي بتقول لها كل شيء. .
ايه لازم تسألها. ..وقفت وراحت غسلت وجهاا ...
وسوت لها مكياج خفيف مرة ثانية ....ولبست العباية ..ونزلت
شافت قدامها حسام يلعب بالسكوتر..قالت بجمود: أنت ماراح
تسلم لما تطيح ..

حسام وهو يتفاخر: شوفي شوفي بس الحركه ذي وبخفه سوى الحركه خلى ريتاج تصرخ بفزع
: يمه بتموت حالك أكيد

حسام بخوف : اسكتي الله يفضحك ...بتورطيني أنتِ
عند ابوي ..ترا يبي إشارة بس

ريتاج بقهر : والله مو منك من الخبل الي خذه لك

حسام وهو يضحك بصوت عالي:في ذي انشهد ان زوجك خبل
والحين نازل معصب ويقال وخروا عن طريقي..وعض شفته اخخ فيني امردغه ..والله بس عشانك اسوي مطنش وساكت عنه
ومكبر عقلي
ريتاج هزيت رأسي وقلت بسخريه : الكذب يمشي في دمكم كلكم

حسام وهو يتعزز: افف وانا ولد ابوي انا كذوب زوجك صح
بس والله انك ظلمتي حالك يوم كذبتي فيني ولفقتي هالصفه مشهور بها زوجك فيني ...

ريتآج رفعت يدي وانا اناظر ميري : اقول وخر بس عن طريقي وأخذت من ميري صحن الحلى الي جهزته

حسام وهو يخوفها رجع يسوي حركات تخوفها ويوقف في
طريقها ..وضحك بقوه يوم صرخت مرة ثانية. .
: هههههه جبانه صدق

ريتآج وانا مفزوعه والله لو يطيح لا ينكسر ظهرة قلت بقهر
: ابشر والله أكلم وليد يأخذة منك غصب ولا تنضر

حسام : والله مافي قوة تقدر تأخذة مني.. ذا حبيبي

ريتآج : طيب اشوف بعدين تقدر تقول كذآ. ..
وطلعت وانا اسمعه يهايط ..كذاب من أول صرخه ..
من وليد يطخ ساكت ..ركبت السيارة. ..بدون ماتكلم...

حرك بعد هو بدون مايفتح فمه بكلمه...بس قبل ندخل الحي قال : دقي علي يوم تبي ترجعي
ريتآج قلت وانا صادة للدريشه: بجلس لما ينتهي العرس

وليد بجمود وهو منهي كلامة: الساعة وحدة تشوفيني واقف يم بيتكم ...

ريتاج ناظرته وبقهر ليه كذا حتى بيت أهلها معاد تقدر
تروح فيه مثل قبل واقف لها في كل شيء : اشوفك ماتمنع
لطيفه شوفها لها يومين بيت أهلها ...جالس مستقوي علي

وليد بعصبيه: تصدقي أكره هالطبع ليه ماتسوي لي مثلها
وليه هي احسن مني ومن ذا الكلام ترى مليت منكم

ريتاج بعصبيه: لا تحطها في ذمتك ماقد قلت لك ليه
تسوي لها وانا لا غير الحين لاني بجلس بيت أهلي لا في شيء
ثاني مافكرت وتدري فيني أنت ...

وليد صرخ بعصبيه : ادري فيك ماهو مفتكرة فيه أبد ولا كني رجلك

ريتآج زفرت وهي تستغفر : استغفر الله العظيم
يآربي وش دخل ذا في ذا آلحين وليد أنت مو راضي على ذي الروحه كلها صح وجالس كل وقت تطلع حجه وتسوي مشكله

وليد تعوذ من إبليس وقال : خلاص نامي وسوي الي تبي وقت
ماتحبي ترجعي عندك السواق
ريتآج ودها تقول له هذا أفضل والله بس لا خلاص يكفي
المشاكل الي صايرة اليوم ...أول ماوقف. حست بيده على يدها ناظرته
قال بحزن عليها : فستانك خرب أحسن فستان أخذه لك دقي علي بس
ريتاج رفعت حواجبي وقلت بهمس : انفصام أكيد توك أمس راسك والف سيف ماتخليني اروح

وليد إبتسم : والله أنتِ سببه هالانفصام ...

ريتآج هزت رأسها بعجز خلاص عجزت تفهمه :الله يسامحك بس على الي تسويه فيني ...بنهبل بسبتك ...

رد عليها بهمس: وش رايك تسحبي ..عليهن ونروح نأخذلك فستان وش رأيك ونعيش كذآ يوم هادي ممكن
ريتآج : بعد تبيني اسحب عشان امي تأخذ عمري اليوم لا لا مشكور وبسخريه خيرك سابق ..و.نزلت
...دخلت بيتهم وهي تشوف...
الحريم ..والصوت عالي ...حست بقهر ..ماحضرت من البداية
فكت العباية ..وناولت الشغالة الحلى ...ودخلت وهي تشوف
امها ...تتحنى ..قربت منها بعد ماسلمت على الحضور..
وقالت بهمس: آسفه ..يمه
ام عصام بحده: شغلي معتس بعدين ماهو آلحين

ريتآج عضت شفتها آه من فين تحصلها من امها ولا من زوجها ..الله يساعدها بس...قربت من أسيل. .وسلمت عليها ..ورفعت
يدها وهي تشوف الحناء. ...ابتسمت بفرحة لها : يجعله مبارك ي قلبي ..

أسيل بدلع: مرة يعور ..ودي اغسله

ريتآج كشرت : بدينا بالدلع الماسخ ..

أسيل : تعالي أقولك ماما عزمت ام رائد ..تجي تحني معنا

ريتآج أنصدمت: ايش غريبة عزمتها ....

أسيل بهمس: عشان تطلع قدام الكل الحين أنها كريمه وبعد على حسابها مثل الحضور الحين كلهن على حساب ماما ...

ريتآج ناظرت الموجودين ماشاءالله كثيرين: عز الله بابا فلس
طيب الحين جاية ولا لا

أسيل : مدري هي اعتذرت وقالت ان عندهم بعد محنيه وصعب تجي .. بس ماما لزمت عليها تجي ...وشكلها تبيها تحضر الغمرة الي بتسويها لي بعدي شوي..إلا بسألك ليه شوق ماجت معك
ريتآج : قالت بتجي مع السواق بعد المغرب..
وسكتت وانا أفكر...في كلام وليد ..مدري ليه أحس ..بشي
موجعني حيل ...رجعت بذاكرتي لوراء ...
بعد الملكه ....ولهفته يوم شافني...هزيت رأسي
بقهر...ريتآج اصحي ...وليد بيشكك بس ..في كل شيء

خلاص أنسي هالشيء ..والتفكير ماينفع. .أبد. .ايه ماينفع
بندر ومات .....وأنت ي وليد كل مرة تقتل اي مشاعر تبي تنولد لك ...

،،
،،
،،
،،
،،
في بيت ام منيره ...

صرخت بعصبيه وهي تناظر غرفة الضيوف اللي أخوها نايم فيها مكيف غرفته خربان نزل تحت نام : سلطان وريماس بس ..خالكم بيقوم يحاوسكم

سلطان وريماس مطنشين...وطالعين نازلين من الدرج ...

منيره صرخت بقهر: سلطان ...والله لو يطلع من غرفته ماتسلم.
وبقهر وهو الله يهديه يعني ماقدر ينام غير في مجلس الحريم
عنده مجلس الرجال وش كبره .

ام منيره ناظرت بنتها وقالت: قومي اخذيهن ودخليهن الغرفة حتى يقوم وبعدها اطلعي معاهن .....

منيره وقفت ...وهي تتحلف فيه ...وقالت بصرخه يوم شرد
بسرعة: لا تنزل انقلع واصل لفوق .. بس ماكملت كلمتها إلا تشوفه قدامها يتدحرج من فوق
صرخت وهي مفزوعه: سلطااااااااااان

،،