رواية أعشق أنانيتك عندما تتمناني لك وحدك الفصل السابع وثلاثون 37 - بقلم nona_A

في مجلس الرجآل
،،
،،
بعد م الكل وصل

ابو عصام وهو يرحب فيهم: هلا والله ...
وناظر أخوه اللي ساكت حتى السلام مارده ....
الله يستر ...وجهه مايبشر..بخير ...وجيته معاهم بعد ...ناوي على شيء الله. ..

ابو اسامه : كيفك ي ابو عصام

ابو عصام بهدوء :الحمدلله حالي يسرك انشدني عنك ...

ابو اسامه :نحمد الله ونشكره عال العال ..
وناظر ابو وليد كيفك...ي رجآل ماودك تزورني يوم في البر وتشرب من هالحليب اللي يرد لك شبابك ...

ابو وليد بجمود : مالي فيه ....

وليد بهمس :يبه اخطب قبل مايبدا هوو
ابو وليد بهمس : انطم يالثور ..خليه يبدا وأخلي الخبل ذا يحجر عليها .مثل مافهمته في الجوال..عشان عمك مايقول اني الي غاصبه ...ماهو كل مره بوقف له ... وبعترض ..
وليد
حس بتوتر ..ناظر ناصر ماهو مطمن ابد ...متأكد انه راح
يجيب العيد...وبيروح فيها أكثر. ..منه ....يالله سهلها

آخر آمل لي ....

ابو عصام
ماهو مرتاح أبد ...لاخوه ..وبذات مع مساسرة ولده له ...
بس طنش.. وهو يناظر ولده عصام الي يقدم القهوة والضيافة. ....
وقال بصوت عالي وهو يرحب فيهم مرتن ثانيه : حيا الله ابو اسامه ..وناظر اسامه بعتب .بعد جاي معاهم ..مستغرب هالزيارة...معقول جاي يخطب بعد ماتزوج ...لا يكفي ريتاج بعدها حلفت معاد اوأفق على وأحد متزوج وبعد مايجلس على كلمه ......ولا كأنا بينا كلمة رجآجيل

ابو اسامه : الله ي حيك ومالك في الطويلة ..والله حنا جاين ي ابو عصام طالبين القرب منكم وضرب على كتف رائد لشيخ رائد ...
ابو وليد... صغر عيونه وهو يأشر ..لناصر يبيه يحكي ..
قبل ماعمه يرد ..بسرعة مثل مافهمه ...شوي ويقوم يكفخه ..يوم جلس يماطل ..بس تنهد براحه يوم فهم عليه ...

ابو عصام انصدم ...آخر شيء. . توقعه جاين يخطبون لرائد فكر لاسامه... جا يرد قطع عليه كلام .. ناصر اللي ناظره بعصبيه

: اسمحليي ي عم بنت عمي مخطوبه لي وعمي عنده خبر
بهالشي

رائد انصدم ...وناظر أبوه. .ورجع ناظر اسامه ...للي حس الفرحة في وجههه

اسامه
حس روحه رجعت له يوم قال ...ناصر كذا ...يعني مايأخذها
رائد عنده يأخذها غير رائد تكون ابرد على قلبه شوي ..وبعد
متأكد إنها. .. بترفض ناصر مثل ماقالت له... لطيفه من قبل انها رافضته ..مايهمه اهم شيء ... رائد ماتكون له .....

ابووليد بنصر ناظر ابو اسامه ...بس رد اخوه ذبحه وماخلاه يفرح ..شوي ...يوم قال

ابو عصام عصب من كلام ناصر. ....كل مره كذا يسوون اذا حد جا خطب عنده يوقفون له ... والله هالمره ماهو رجال لو ضحى بالثانية ..ناظر اخوه اللي علامات النصر على وجهه قال بحده :لا والله ماعندي خطبه لك ...وناظر ابو اسامه حياك الله وان شاء الله من نصيبه وين نلقى واحد مثل رائد...وأعتبر بعد البنت موافقة والجلسة للثانية ان شاءالله تكون الملكه

ابو وليد بعصبيه من رد أخوه .. ماهو مصدق ان بيكون كذا رده قال بحده : افا ي ابو عصام ترد ناصر عشان الغريب..

ابو اسامه ناظر عياله بفشله خايف لو تعلق بينهم ..
بس قال بقهر من كلام ابو وليد :تسلم ي ابو عصام

عصام بعد مصدوم ..من رد أبوه. .وبعد يعطيهم الموافقة.
بدون مشاورة اسيل عصب بس سكت ....

رائد حس بفرحة ..بس بعد لسى متوتر وخايف من هالشايب... طلع له لكن هين يأخذها ولدك هالمعصقل قال ايش خطيبته .. والله اذبحه ...

ابو عصام ناظر أخوه وقال :لا والله ماينرد ناصر بس تذكر انه خطبها قبل وهو بنفسه قال خلاص مالنا نصيب ..ورفع رأسه ماهو انا اللي ارخص بنتي علي منقود لو سويتها ولا
لا ..ي سلطان

ابو وليد مافيه.. يرد عليه ....ناظر ولده بحده وقهر ...مافيه يتكلم ..ولا يقدر يضغط على أخوه أكثر من كذا ..صح ولده وهو اللي رفض...حسبي الله عليه ضيع البنت عليه ...شاف في وجهه الفرح صدق هامل ومامنه رجى ارخمه من يومه...ورا..مرته ...
ناصر
حس بفرحة هو بعد ..فكه جت منهم الحين ابوه مايقدر يلومه .
وكل مرة يقول له ليه رفضت ..هالمره بيقول له هم الي رفضوني ..ناظر أخوه وليد الي وجهه مايفسر ...رفع حاجب. .وش عنده ذا بعد ..

وليد
طبعاً آه حاله ماهو أحسن... من حال اسامه ...آه آخر.. أمل
عنده ..ضاع ...بس مافيه يتكلم ويقنع عمه ..ويسوي حساسيه بينه وبين ..اهل لطيفه ..واكيد بيقولوا لها وهذاك الوقت بتعرف انه يبي اسيل لناصر ....وبتقول أكيد تربط العايله.. أكثر عشان صعب تتطليق ريتاج ..وده يذبح ناصر ...الغبي برفضه إللي قبل ... ضيع علي ....حس بقهر ..من سكوت.. ابوه يبيه يتعرض ..يسوي شي مثل العاده ..وبعد ..مثل ماوقف ابو حازم عن خطبة ريتآج ...آه شكل حياتي على الحافة بعد ماضاع آخر آمل عنده .....حس بيأس أكثر يوم شاف ابوه ..وقف يعني خلاص ..
ابووليد قال بعزة نفس: بالبركه ي خوي وفعلاً ماراح تحصل احسن من رائد وهو يناظره بتصغير ....يالله الله يتمم لكم
ابو اسامه : اللهم آمين ...
ابو وليد ناظره بجمود ....

ابو عصام وقف وهو يحلف عليه:والله ماتطلع لما تتعشى

عصام وقف وهو خايف لو عمه زعلان ابد ماهو في صالحه :والله ي عم ماتروح .. لما تتعشى ...

ابو وليد رجع جلس عشان مايحسووا انهم انتصروا عليه ..وجلس يسولف مع ابو اسامه مجامله ...
رائد
آه حس براحه ...يعني اسوله بتكون من نصيبي ..مدام ابوها أعطاني كلمه ...وبعد الرأس الكبير هجد ....والحين يسولف بعد الحمدلله ....الله يهجده حتى أملك الله يستر حاس ذا ماراح
يعديها على خير..

على العشا....
وليد الي مسده نفسه ماقدر يأكل جلس مجامله ..ناظر ..ناصر اللي يهف من قلبه قال بحرقة:عساه مايدحر بعد ..

ناصر بغى يغص من صدمته بذي الدعوة ..: وش فيك بعد أنت زعلان أكثر من ابوي ....

وليد بحرقه : انكتم ي الغبي ضيعت علينا ..الله لايبارك فيك ..

ناصر عقد حواجبه :وش ضيعت عليك خلاص البنت مالي نصيب فيها وش يضرك فيه وش فيك صاير كذا شري

وليد ناظر عصام الي جاي يجلس على السفره معاهم قال وهو صاك على سنونه:انكتم .....والشر بتشوفه على اصوله بعد مانطلع ..
بعدها بدقايق

وقف ابو وليد أول واحد وقال بجمود وهو يناظر عياله :يجعلها
سفرة دايمه ....
ابو عصام ناظره ..عارف بزعله ..وبعد مايهون عليه ..بس بنته قطعه منه .بعد ...
بعدها الكل قام من العشا ..
وكلن طلع لبيته ....

،،
،،
،،

ف سيارة وليد
ابووليد اول وماسكر الباب قال بعصبية: ربي رحمه وهو جا في سيارته الا اليوم كان ذبحته الجبان طلع قبل ماطلع ..يفتكر معاد بشايفه .
وليد
الي.. مقهورأكثر من ابوه والي قهره أكثر يوم ناصر قال له وش فيك زعلان ..وش يضرك آه وش يضرني فيه ي الغبي بخسر اللي قلبي فز لها ..وماهو بعد كان عالى الطاري..........
.
،،
،،
،،
،،
،،
،،
في المجلس بعد ماالكل مشى
عصام قال وهو مصدوم من قرار أبوه : اشلون يبه تعطيهم الموافقة من غير شور أسيل..
. ..
ابو عصام بحده: عمك ماعطاني رأي ثاني غير اني اسوي كذا
ولا عزالله كل ماجا حد خطب طب علينا وخرب هو وعياله ...قال ايش خاطب من قبل الهامل متصل علي ..وقايل مالنانصيب ...وعليها البنت رافضة بس ماكسرت قلبه قلت ماعليه ...مالكم نصيب وخيرة يمكن لكم كله مابي يجي مني العيبه بس اليوم عمك وعياله حدوني على قصاي خلاص الإنسان عند صبر وينتهي ..

عصام بقلق : يبه متأكد من قرارك ولا بتظلم أختي ..
ماهو مرتاح لرائد أبد
ابو عصام بعصبية : اي ظلم تحكي الرجآل مافي مثله وبعد ابوه قال وظيفته ان شاءالله يستلمها خلال هالشهر وشوله ارده ولا تبي اسيل بعد مثل ريتاج الي اشوف الكسرة بعيونها ...ولا قادرة تحكي ....وبقهر لاتتفكر كلام امك ..يمر كذا عن ريتاج ...لا طول الليل وانا افكر فيها وشلون طاوعني قلبي ...ورميتها هالرميه ...وليد مقصر مع بنتي ..وعارف بهالشي بس ابيها تحكي مرتن ثانيه ..وبحزن عليها حكت قبل ...واعطيتها اللي ماتستاهله ....بس الحين ابيها تتكلم بعد ....

عصام عقد حواجبه: يبه وش فيها ريتاج سألتها أكثر من مره قالت مافي مثله وليد وبعد بنفسي شايف انها مبسوطه ..وبرجى يبه أبد ماهو وقت مشاكلك مع عمي ...وخلي ريتآج وليد على جنب يكفي ..الحين ناصر الي رديته ...

ابو عصام قاطعه بعصبية : ي ال******خايف على مصلحتك
بس ماتفكر في خواتك ..هذا وانا تاركك بعدي لهن ...
عصام بزعل من كلام ابوه:والله يبه ظلمتني بس مابي مشاكل بينا بذات في هالفترة ...ولاتزعل يبه لو تبي الحين احرك سيارتي واروح لريتاج وتسألها بنفسك لو قالت ماهي مرتاحه قسم بالله ماهو برجال ..لو باتت ..على ذمته
ابوعصام بحده:خلها ..واذا فيه شيء بينهم بنفسي بعرف اتصرف هالمره ...وقف بتعب ..: الله يعين على الحريقة الي بلقاها داخل الحين ...لو تدري بذات بالموافقة اللي اعطيتهم ...دخل شاف زوجته قدامه ...

قالت وهي مستغربه : وش سبب زيارة ابو لطيفه وش الطاري عليهم ...
ابوعصام قال بجمود وهو منهي السالفة بدون لف دوران : جاي يخطب

ام عصام بصرخه: وشهووو يخطب من استخف أكيد

ابوعصام: وش الي استخف جاي يخطب لولده اسيل وانا وافقت

ام عصام بصدمه :وشهوو وافقت بعد ي جاسم لا تقهرن يكفي
الي جاني منك ومن أخوك الحين جاي تقول ابو طبينة بنتي
اللي مذوقتها الويل جاي يخطب لولده وبعد انت موافق الي يسمعك يقول مالها رأي ولا لي انا بعد رأي بنتك لحالك وانا مدري .....

ابوعصام قال بعصبية: لزوم أوافق ولا صدقيني ماراح تروح
غير لناصر
ام عصام بعصبية : وش دخله الحين ناصر خلاص سبدي دبلت منهم ..
ابو عصام بقهر من أخوه ومن تسلطه عليه: جاي يخطب مرتن ثانيه ..ويالله قدرت اصرفه ..
ام عصام فتحت عينها بصدمه و قالت بهمس :لسى سلطان ماقتنع ..ان بناتي ماهو بايرين عشان كذا ينحذفوا على.. عياله وبعد كل ماحد جاا ....يطلب وحده منهن طب علينا .. وقف لهم ....وبصرخة .وش ناوي عليه أخوك ...

ابو عصام وهي منهي الكلام:المهم شاوري بنتك بس وخليك من الكلام الفاضي الي مايودي ولا يجيب ...وشغل الحساسية الي بيتكم ي الحريم خليها منك وفكري بعقل...الولد ماينرد ..
وشوفي بعد الي .... صار بينا جاين لما بيتنا وطالبين... يد بنتك ولا كأن في شيء... صار من قبل ...وراح للغرفه ...وهو متضايق ..من زعل اخوه صح مابين هالشيء ..بس يحس بكسره عليه ..يعزه ويغليه ...وصعب يرد ولد أخوه ....بس مستقبل بنته قبل كل شيء ...

ام عصام مقهورة وبعد معصبة جلست على الكنبه وهي تهمس:اي مشاور ي جاسر بعد ما عطيت كلمتك .. آه ...اشلون ترمي بنتها لام لطيفه والله ماغير تبهذلها ...يمه لايكون بتنتقم من بنتها ...ليه وافقت على ... بنتي تجي على رأس بنتها والحين فرصتها والله ماغير تحر قلبها .....وقفت وهي معصبة
..ومعترضه لو ايش ماخذت هالرائد .......
بيت ابو وليد ...

ابو وليد دخل وهو معصب ناظر زوجته : شفتي وين وصلنا ولدك عمه رده وقدام الغرب ..بعد

شوق بخوف من عصبية ابوها ي خوفي بتجي علي قالت وهي تقرب منه :ييه حبيبي خلاص تكفى عشاني بس ..وصدقني لو فيه نصيب بتأخذه لو ايش

ابووليد ناظرها وقال بقهر: وش تأخذه عمك اعطى الرجال كمله ...آه والله ان عمك كسرني حيل اليوم يرد ولدي ويرحب في الغريب...وش به عقله ضرب كذا ...

ام وليد تنهدت براحه ....ودها تقول له خلاص يكفي قهر وتخريب..بيوب ....وحريم عيالك ربي نصرهن عليك .....بس وقفت وهي مطنشه والحمدلله تطمنت ..ماهي مرتاحه كان لهالزواجه وبذات كاسرين ظهرها عيال ناصر . ...

شوق بخوف يوم ..شافت. امها تركت... ابوها كذا أول .. مره دايم تهديه لو عصب ...ومافي حد يعرف له إلا هي ..بس
ناظرت وليد بقهر على كلامه الي قاله

:صدقت يبه ان ناصر هامل ..شفته كيف الغبي يخطب ..يعني عادي الوضع عند بعدها بلع السفرة كلها بدون احساس وعض
شفته... بقهر ..وطالع مبسوط بعد ....كور يده وهو وده يلعب
في وجههه ...
شوق بقهر :بدل ماتهدي الوضع جالس تحرشه زياده

وليد طشنها وقف ...وهومقهور ..ماله خلق شي خطته كلها فشلت ...آه بس ....ركب الدرج وهو مقهور حده ..قفل عيونه وهو يتذكر ..انه مقفل على ريتاج ...اتجهه على غرفتها ...وهو يناظر الممر فاضي ارتاح .. مايبي يتصادف مع لطيفه وتعلق فيه اسأله لما تشوفه يفتح الباب يدري يحركته مالها داعي...بس آه غصب عنه سوى كذا ..بس ليت بفايدة ..فتح الباب وهو مايدري وش يقول لها ..وبعد معصب حصل ...مثل ماتمنى ...بس مثل دور الي جاي يبشرها وهو موجوع .. حط يده على مقبض الباب وفتحه ودخل وهو يناظرها جالسه ومنزلها رأسها وتصيح ..وعلى طول ناظرته بنظره كسرة قلبة وهو يشوف عيونها الي صايرة حمراء من كثر صياحها قرب منها ..وقال بهمس وهو ينزل نفسه لها وبوجع : وش بشارتي

ريتآج رفعت رأسها وناظرته بخوف :وش صار وليه كذآ سويت فيني
..
وليد مد يده وحطها على فمها عشان ماتكمل وهي تسأله
يكفي صدمته من ان خطته مانجحت أبد. ...قال بهمس:لا تسألي كثير اللي تبيه صار وش تبي بعد ...

ريتاج عقدت حواجبها :اللي أبيه وسكتت ناصر رفض يروح معاكم. . يخطب صح ...
وليد هز رأسه بلا: لا ابوك رده ورحب في رائد

ريتاج بصدمه : ابوي الي رده حست بفخر أخيراً ابوها قدر يوقف في وجهه عمها ...بس ماحبت كلمته الأخير قالت بهمس : رحب في رائد يعني أعطاه.. الموافقه ولا آيش وكيف من غير ماتدري اسيل

وليد مد يدها ومسح الدموع الي على خدها : مدري بشيء غير الي قلته لك وخلاص يكفي صياح... لاتخافي الي تبيه بيحصل ...
وبحسرة.. شفتي .. وعدتك وفيت ...لوخليتك تروحي تسوي مشاكل وقتها ابوي بيزعل منك وبعد يمكن تكبر المشكله وتخرب.. بعد على عصام وشوق ورفع حاجب وهذولا هم الي كاسرين ظهرك صح .......ومخلينك تتحملي وجودك على ذمتي ..
ريتاح تحس بالكذب ..في كلامه ..وليد يسوي شيء يبسطها لا دايم ضدها ...قالت بصدق : صدقني كلامك كله ماقدرت ابلعه

وليد رفع حاجب وهو مقهور :افاا ماهقيت ردك يكون كذا
وبسخريه قلت ابي بشارة ماهو عدم تصديق ..
..
ريتآج رفعت جاحب من حكيه تحلف انه يكذب ..محد يعرفه قدها رفعت كتوفها بدون مبالاة : تبيني أكذب عليك واقولك ماقصرت ومشكور ...هزت راسها لا مقدر الكذب هذي صفه محكورة لك وميلت فمها بسخرية أكثر ...ومتميز فيه.. بعد
وليد حس بقهر من كلامها بس مسك حاله عشان يثبت لها ...عكس الي قالته مثل البرود وقف : اوك ي حلوه على راحتك
ومد اصبعه على خدها وضرب مرتين أحلام سعيده

ريتآج دفت يده بقوه وهي متنرفزه : كم مره قلت لك أكره هالحركه تسويها. .

وليد ابتسم على جنب وهو يشوف وجهاا المحمر قال بسخريه : صايره شيء صعب اقوله وهز رأسه

ريتاج صرخت وهي مقفله عيونها: وليد برا مابي اسمع شي منك يكفي .....

وليد قرب منها بسرعه ومسك وجهاا بشده وقال بعصبيه :كم مره قايل لك لا تطرديني من غرفتي ...وصدقيني.. لو فيه طرد مافي غيرك ..يستاهله

ريتاج بألم مسكت يده ودفتها عنها بقوه وقفت وهي تصرخ :ماانتظر تطردني من الحين والله ماجلس دقيقه

وليد بسخريه :اوك واقولها لك لو فعلاً انقلعتي ..بيت ابوك والله ي شوق يحلم اخوك يشوفها وبذات مع الترحيب الي ابوك ماقصر فيه .اليوم ...ودفها عن طريقة بقوه وطلع معصب ....

انهارت بعد ماطلع. ...حست بقهر ..ليه دايم يقهرها
آه ليت عندها القدرة فعلاً وتنقلع من هنا ..وفي ستين داهيه شوق وعصام ..بس ماتقدر ...بذات هذولا الاثنين ..ماتبي تسبب لهن مشاكل يكفي .موقف ابوها اليوم الله يستر بس منه ..مسحت دموعها خلاص ريتاج هانت ....كلها شهور استحملتي الكثير ....
لازم اهدي وليد ..ماهو ناوي على خير. .جالس يلف ويدور..ماهي مرتاحه أبد ....

عند وليد
الي دخل وشاف لطيفه ..زعلانه ومعصبة .. وقفت اول ماشافته
: صدق الكلام الي قالته لي امي عمك وافق على رائد
وليد هز رأسه بقهر ..وجلس على السرير وهو يرمي ..الشماغ

..لطيفه بعصبية : ذا مايحس ولا اشلون ..يعني مايفكر بالي بينا

وليد بحده :لطيفه تكفين مافيني اسمع صوت صارخك وذا ودك ..في مشاكل اوديك عند اخوك وتفاهمي معه ...

لطيفه بقهر ..من رده عليها ...:هذا ردك علي ..أجل يالله قوم ودني له ...عشان اعرف كيف اتفاهم معه على قولك.

وليد بدون نفس : لطيفه صدقيني عصبيتك ذي كلها بدون فايده تذكري الي صار كلام رجآجيل ...وماينرجع فيه عشان مره

لطيفه حست بقهر من كلامه...لانه هذا الصدق...والله لو تفحط
بعد ابوها معاد رجع في كلمته ...آه ي قهري بس..قالت بصرخه :والله ماحضر زواجه من بنت عمك الزفت ذي

وليد بعصييه صرخ عليها:لطيفه احترمي حالك أنا ماعمري
غلطت على أحد من أهلك

لطيفه بسخريه: ي ويلي اللي مسوي فازع على أهله اقول اعتترف.. بس لأنها أخت حبيبة القلب

وليد وقف وهو معصب : والله من كثر ماتعيدي وتزيدي في هالكلمه شكلها بتصير
لطيفه حست بعصبية من رده قالت بصرخه وهي تشوفه طالع من الغرفة :وين وين رايح ...بس كان الرد صوت الباب القوي ..عصبت وجلست على السرير وهي تزفر بعصبيه الله يفكني منك ي ريتاج وآه .اشلون الحين ..اسيل تكون خطيبة رائد ..يعني يالله فرحت عشان اسامه طخ عنها ..يطلع لي رائد ..يالله الصبر من عندك يآرب. .
،،
،،
،،
،،
،،
،،
،،
بيت ابو ..اسامه
رائد دخل وهو يرقص ...وفرحان ..قرب من امه الي جالسه
تناظره ببرود ...: يمه باركي لي والله ابوها أعطانا الموافقة

ام اسامه بصدمه وهي ماهي متوقعة اللي قاله تو رائد :وافقوا

رائد :ايه يمه والله ابوها أعطانا الضوء الأخضر

ام اسامه :ابوها اللي أعطاك الضوء الأخضر افتكرت موافقة البنت .. اقول استريح بس شيخه ماراح توافق ابد حتى لو وافق أبوها ..

رائد بقهر :يمه ليه كذآ وش ذا التحطيم ...

ام اسامه بقهر:قول وين بس أبوك ...ماشوفه دخل معك ..

رائد :جاي مع اسامه انا جيت قبلهم وطرت عشان ابشرك ..
بس آه منك ي الغالية دايم تعطيني بوم في الجبهه ...

ام اسامه .ودها... تعرف ليه كذا متعلق بذي الاسيل وهو مايعرفها أبد ....ولقد شافها قالت بجمود :إذا ربي كتب وافقت ... أطلب نظرة عشان ذا زواج ي رائد ماهو بلعب ولا مثل خرابيطك اللي دايم تكون تبيها وبعد فترة ترميها ....

رائد : وش خرابيطه يمه ..لا لا وبعد واثق من إختياري من غير نظرة

ام اسامه عقدت حواجبها: وين شايفها عشان ذي الثقه
رائد وهو يوقف :ماشفتها بس كذا دخلت مزاجي من كلامكم عنها ...

رجع البيت ..وهو مصدوم. ..كان عنده آمل. .ولو شوي ..يوم
أعترض ناصر...بس آه ي حسرة...الأمل ضاع ..بكلام ابو عصام. .. آه ...ي وجع قلبي. ...حاول يضغط على روحه. ويكمل الجلسه معاهم .......رمى حاله
على الكنبة. ...مسك على رأسه وهو يهمز عليه بقوة ...
همس ...وش بتوصله ي رائد. ...عاد عض شفته متحسر. ..ليت جلست صامل و مافزعت. ..كان ماضيعت أسيل من يدي...
راح المطبخ وأخذ بندول مع كوب ماي ...واتجهه لغرفة النوم
يدور النوم ...ولا له خلق يرجع للديرة ابد....خليها في ستين داهيه ماحد جاب لي... الكدر غيرها ....
فتحت عينها ..وهي تحس بثقل برأسها. ..
ناظرت حول الدريشه .انصدمت..الدنيا لليل بعد ..يالله من متى نايمه ..تحركت.. شافت سامي جالس على جواله ...قالت بصوت ثقيل من النوم :الساعة كم مارد عليها رفعت حاجب ..مستغربه ..وش فيه..
ذا بعد يالله مع نفسه ..وقفت ..وهي تدور على جوالها. .شافته مرمي على الطاوله ....أخذته فتحت عينها بصدمه الساعة عشرة في الليل نايمه قبل الظهر ...يالله كم فرض راح عليه....استغفر الله وبقهر ناظرت سامي: وشهوله ماصحيتني للصلاة
بس بعد مارد عليها .. .هزت رأسها ..وهي تتأفف ..وراحت الحمام الله يعز القارىء ..ناظرت المرايا ..عيونها منفخه من كثر الصياح والنوم بعد ..شدت على رأسها وهي تحسه يوجعها حيل ..توضت وطلعت ..فرشت السجاده . .وهي تحس بتأنيب ضمير ..كم فرض فوتته ..كبرت وبدات تصلي ...
وبعد ماكلمت صلاتها ....وكل الفروض اللي راحت عليها .. ..وقفت ..وفكت الجلال وهي تستغفر. ..وقالت بصوت تعبان :من متى هنا .
...نفس الحكايه .. مارد عليها ....ابتسمت بسخريه شكلهم ماقصروا ترسوا رأسه ..يالله الله يعينه على حاله،،،،مدام بيسمع منهن وبيصدق ...من غير حتى مايسأل ..هزيت رأسي وانا استغفر حرام يمكن اظلمهن ..وزعله من شيء ... ثاني
او متهاوش مثل العاده مع أحد....طلعت من الغرفة ورحت المطبخ ..فتحت الثلاجة. ناظرتها محتارة ..ودي في شيء دسم ...لي يومين مأكلت شيء ...اممم كبسه ايه ودي فيها ..
خليني اروح أسأله اذا يبي معي ..اسوي بس إذا لحالي مابي
اسوي اي شيء خفيف ..وبس ....رحت الغرفة ..وانا اناظر جهة غرفة خدوج الباب مفتوح والنور ظلام ..شكلها نايمه ..دخلت الغرفة وجلست على السرير بدفاشه... ناظرني بحده ..لا لا ابد الرجآل ماهو ب خالي ابد والله ....قلت وانا مطنشه نظرته: وش رأيك في كسبه كذا يحبها قلبك ....
سآمي بحده : مابي منك شيء وفارقي لأني بكل صراحه ماهو طايقك ...
غلا عقدت حواجبي. ..وقلت وانا أكرر كلامه:ماهو بطايقني ليه سلامات منفس عليوش مسويه ..نايمه طول اليوم كافية شري عنك ......
سامي بحده: غلا قلتي تبي كبسه صح يالله فارقي سوي وتسمممي بس بعيد عني ... ..
غلا
وقفت وانا مقهورة ..أكره لما يقلب علي كذا ...وبعد بدون سبب ...رحت المطبخ ...وسويت لي سندوتش بيض ..خفيف..
وصبيت لي عصير في كاسه ..وشربت وانا مقهورة .....
كملت عشاي..وناظرت الصاله الي تصفر مافيها ولاقطعة أثاث. .ليت بس فيها فرش ..والله لا اجلس فيها ولا اذل حالي له ...
دخلت الغرفة ..وتمددت بطفش اعطيته ظهري وقفلت عيوني وانا أفكر ...وش قايلين له. ..من زمان سامي ماقلب علي كذآ ..متعوده هالوقت نسهر ..مع بعض ..ويجلس يهايط علي ...ببطولاته الفاضيه ...اللي ولا يوم صدقته عضيت شفتي بقهر وش فيني بعد انا صايرة ارتجي كلمه حلوة ولاسهره مع سامي ....
بحده : وش قايل لك انا وشهوله العناد
لفيت له وناظرته .وعقدت حواجبي وقلت وانا استفسر:وش قايل
بسم الله وش بعد اللي عاندت فيه

سامي بصرخه :قايل لا تطولي لسانك عليهم وتحملي اي كلمه

غلا جلست بقهر وناظرته وهو مسند حاله على السرير :ي سلام منفس علي الحين ومسوي فيها ..عشان دافعت عن حالي ...

سامي بقهر:الحين الكلام الي قلتيه دافعتي فيه عن حالك .

غلا :ايه دافعت ولا تبي أختك تجي وتفك لسانها وتجلس تقط كم كلمه واسكت سآمي اقولها للمليون لك ان إنسانه ماسكت عن حقي ابد ....وهذا طبعي ومقدر اغيرة عشآن أحد

سآمي صك على سنونه بقهر : يعني السالفة تحدي

غلا بحده : لا ماهو بتحدي ...بس هذا طبعي وبعد أنت مفروض تسمع من الطريفين وبعدين تحكم ..يمكن أختك كذابه

سامي بعصبية قاطعها : احترمي حالك اختي ماهي بكذابه بس أنت بلاك عليها ليه وليه ابوك أخذها حبيبتي مفروض تفرحي واختي لسى عايشة معه ...اللي مافي قرش دخله حلال على بيته
وانا الي في نظرك صايع وهايت الحمدلله ماعمري دخلت على بنته قرش حرام. ..

غلا
بصدمه من تهجمه علي وعلى أبوي. ..وش قايله عشان كل ذي
العصبيه بس كلمته الأخيرة وجعتني حيل عن ابوي قلت وانا صادقه في كل كلمه قلتها : طيب ممين اللي دله على الحرام
وخلاه مايفكر ..يأكل أختك إلا بالحرام يالله انطق ...
سامي قال بحده:لا تقلبيها الحين علي ..قولي بس ليه كذا ماتسمعي الكلام ...وهذا وانا محذرك ...بس..يالله ابي اسمع من الطريفين قولي وش اللي دافعتي فيه عن حالك

غلا هزت رأسها. . بحسافه كل مابدت تعطيه شوي من تفكيرها وانها ..بتسلمه قلبها قلت بسخريه :ماله داعي أقولك... وش قايله لهم خلاص الكلام الي قالوه صادقين فيه ..وانا سويت فيهن مثل ماقالواا ..يالله خلاص طلعت االي في خاطرك تصبح على خير
وهي ترجع تتمدد وتعطيه ظهرها ....
...سامي حس بقهر من برودها ...ماتوقع كذا ..ترد عليه ..
بس طنش ..وسحب المفرش ..وأعطاها ظهره هو بعد ..وهو مقهور ..
كل ماتذكر كلام بدريه اليوم الظهر اول مادخل عليهم ..يعصب طفش من كثر مايقولون غلا سوت وغلا قالت ..وغلا قليلة أدب وغلا مطولة لسانها...

أول ...م دخل رحب فيها...وجلس شوي وسأل عن غلا
بدريه :ماهي فيه بعد ماسمعتنا كم كلمه الله يهديها راحت وخلتنا
وهي تبكي حرام ي خوي الي تسويه فيني مرتك معصبة ومسويه فيها ليه بس جيت عند امي والله تقول البيت بيتها ومدري ايش
وحنا عارفين إنه بيتها بس آه الزمن حد أمي وخلى اللي مثل غلا يتكلم علينا
سامي بصدمه : قالت كذا ... وناظر امه يبيها تقول الصدق بس بعد امه أكدت كلام بدريه. ..
الي ردت : دايم مرتك متمردة ماتعرفها يعني عشآن تسأل الحين ...
بدريه :ماعليه يمه هي تكرهني عشان متزوجه.. ابوها ماعليك ي سامي مني بس تكفى امي لا تسمعها اي كلمه تغثها مثل اليوم ..
سامي بعصبيه :هذا وانا موصي عليها

بدريه : والله ي خوي هذي لا تجي فيه توصيه ولا تحذير البنت كارهتنا أولنا أنت ..ولا نسيت ي خوي ..بتطيح ضناها لأنه منك ..
ام سآمي :اسكتي خلاص ماله داعي تفتحي هالسيرة
سامي
ناظر امه..وهي تسكتها اكيد ماتبي بدريه تذكرني بالسالفة ذي اللي تدري امي قد ايش موجوع منها ...بس لا يمه من غير تذكير منغصة علي حياتي ..يوم مره ترفض ...أكون ابو عيالها توجع حيل ..تنهد بقهر ..آه ..ليت ماهي حامل ..والله لا يرميها ولا يفكر ..يكفي كلامها الي كله سم ولا عمرها يوم سمعته كلمه حلوة تشفع لها عنده ... ..بس هين ي غلا شغلك عندي ..ناظر اخته بدريه وقال بأسف:ماعليه
وان شاء الله مايكون خاطرك إلا طيب ..وطلع ...من البيت .كله ..لما بدريه راحت رجع ..مايبي يتصادم مع غلا قدامها ...
بس رجع ولسى نايمه .....
،،
،،
،،
،،
،،
،،
،،
،،
،،
اليوم الثاني الصبح
،،
،،
،،

في الديرة

آه ..مانامت من امس ..خايفة وتحس بغربة...بعد ومستوحشه المكان ...ليت طلبت تنام مع الجده ..بس من الليله بتطلب منها. .تنام عندها لو ماجى اسامه ..ماهي مستعده..تعيش حالة..الخوف
والرعب الي قضتها أمس. .طلعت وهي ناويه تصلي وترجع تنام مدام خلاص إذن الفجر ..هنا الصبح ماتخاف ..بس الليل عندهم موحش مره ..طلعت وهي تناظر الحوش ...بخوف..
بسرعة راحت توضت ...ورجعت الغرفة تصلي ..
وبعدها تمددتت براحه وهي تشوف آلنور من الباب....
بس كلها دقايق....سمعت صوت الباب يدق ..وقفت بخوف ...
وقالت بهمس : مين
الجده :يالله حضري لي قهوتي ..

ريوف قفلت عيوني بصبر .الحين كيف اقدر انام والله انها بتجلس لي وبتنقد علي طول الوقت ....فتحت الباب بالمفتاح
وقلت بهمس يوم شفتها في وجهي :ابشري الحين وطلعت من الغرفة ورحت المطبخ. ..عضيت شفتي بقهر ...يعني الحين خلاص ...ماتشرب قهوة إلا من يدي...آه وماقهرني إلا بنتها الملقوفه ذي معاد شفتها أبد امس بطوله ماجت. ..سويت قهوه وطلعت ...حطيتها جنبها
وقلت تفضلي ....واعطيتها ظهري ....بس وقفت يوم تكلمت ......
الجدة بحزم:وين وين
ريوف : ابي انام شوي ..من امس ماهو نايمه ...

الجده بقساوة : ماهو بوقت نوم الحين ..هالوقت وقت شغل يالله روحي حطي للغنم أكل شوفيه عندس في الزوايه ..
وبعدها اسحبي حوض المويه...وارمي الي فيه ....وغيري عندك من الحنفيه ...وبعدها شوفي اي غنمه فيها حليب احلبيه وسخنيه لي ..وسوي لي قرص عليه ...وبعد نظفي زبل الغنم من مبطي ماهو منظف ...
فتحت عيني بصدمه : احط أكل واحلب بعد هزيت رأسي لا لا والله ماعرف أخاف منهن ...

الجده بحده:وش اللي ماتعرفيه أقول روحي بس سوي الي قلت لتس عليه ..ولا ليه اسامه مخليتس ماهو عشان تساعديني ...
ريوف ..
مدري وش اسوي ..ذي جالسة تطلب مني شيء ماعرف ..له ..انا خايفه منها ...وهي في الشبك اقوم أدخل لها وبعد احط أكل ..
والي ذبحني أكثر انظف. ..تحتها ...وش ذي المذله الي وصلت لها ..... حسبي الله عليك ..ي اسامه مثل مابهذلتني كذآ. ..
مشيت بعد ماعرفت لو اعترضت لبكرة والله مايصير غير الي هي تبيه ...قربت من العلف المخصووص لهن ..حملت مكعب منهن ...ودموعي احسها على خدي. ..لا ذي شكل تجبرها علي غير عن الكل وبعد متفرعنه أكثر منهن كلهن .....فتحت الباب حق الغنم وانا ارجف ...وخايفه بعد ناظرتها ..ابيها تحن علي او تغير رأيها ....بس مافي غير نظرة القسوة. ...الي ماعمري شفت غيرها ...أول مادخلت حسيت كله هجم عليه يبي الي في يدي..رميته في الطرف وصرخت بخوف..:يمه ...وطلعت اركض ....

الجده بعصبية : وش ذا اقول ارجعي كلمي شغلتس اللي طلبته منتس والدلع اتركيه

ريوف بقهر ..ذي ماتفهم ولا ايش قلت بصدق : والله ماعرف لها
خلاص حطيت الأكل لها بس المويا والحليب والنظافة ذي مقدر ...

الحده بحزم:بتدخلي وغصب عنتس ...يالله بسرعة غيري المويا
لهن ..ويالله عشان كملي شغلتس بسرعة عشان تسوي فطوري الي طلبته منتس
ريوف عضيت شفتي ..بقهر..ورجعت دخلت الشبك وانا خايفه ..قربت من الصفيحه الحديد الي بها مويا ..نزلت يدي شوي ..ومسكت بدايتها ميلت فيها ...لما نزل المويا كله ...سبحتها ... للخزان الي قالت عنه... وفكيت المويا ..وانا عيني على الغنم الي ملتهي بالأكل. .يآرب مايقرب مني ..حتى أكمل الي في يدي...وبسرعة قفلته يوم شفت الحوض باقي شوي ويطلع من الماء بسرعة قفلته قبل ماتهاوشني ... ....
رجعت خرطوم الماء مكانه ...بس الحين جا الصعب أشلون احلب ...وبعد انظف ناظرت الأرض بقرف ...
والله مافيني طلعت من الشبك وقلت بقهر:سويت كل شيء بس اني امسك الماعزواحلبها وانظف تحتها والله مقدر ...

الجده بعصبية : بعد تحلفي علي ...

ريوف بغصه: والله ماعرف ...اطلبي اي شيء ثاني واسويه غير هالطلب...

الجده بعصبية: عساتس ان شاءالله ماتعرفي دوم .. فارقي عن وجهي مدام كذا عوبه وشهوله رازتس رجلك عندي كان أخذك معاه ...

ريوف والله اني أتمنى أكثر منك ...أعوذ بالله تقهر هالعجيز ..ليه يآرب هالحظ علي مافي حد يحبني .....وكلن يغلط علي ..ويذبح بعد في غلطه...شافت جوالها ..في الشاحن ..سحبته منه ..ودقت
عليه بشوفه وين ..خلاص مافيها ..تتحمل أكثر. من كذآ. .
يرجعها ويجلس عند جدته هو بالعافية ....انتظرته وهو يرن
..بس مارد ...رجعت دقت عليه مره ثانيه ..خلاص معاد عندها صبر للجلسه هنا. ..
عند اسامه
....الي متمددد على الكنبه ..بتعب ...سمع جواله ..مثل الحلم ..فتح عينه وهو مايدري متى غفت عينه ..توه صلى الفجر ..وتممدد شوي ..ويبي يروح دوامه ...سحبه بس وقف رن . ..حس بألم في رقبته من الكنبه ..رجع الجوال يرن بسرعة مره ثانيه وهو في يده ..شاف رقم ريوف ..استغرب ماتدق عليه أبد. .رد وهو يرفع يده ويمسك على رقبته بألم بجمود:ايوه

ريوف بخوف من صوته المرعب : تعال الحين
اسامه عقد حواجبه وقال بعصبية:الحين مزعجتتي ومصحيتني عشان تقولي تعال انا يالله قدرت انام لي ساعة ..طول الليل وراسي ذبحني ...وبصرخه ..ليه ماتفهمي اقولك تنثبري حتى اجي ... لك وبعد ازيدك من الشعر بيت ... طول هالاسبوع بتجلسي بعد لحالك عند جدتي لاني ماهو براجع ولا ابي أطلب إجازة بعد ..يالله اشوف تدق علي ولا تزعجيني مرتن ثانيه

ريوف صرخت برجى : اسامه لا لا تكفى. ..خذني من هنا ...مابي اجلس ..وانا ..عارفة قد ايش ودك تنتقم مني
بس ماهو لهالدرجه انك ترميني كذا وقالت وهي تصيح جدتك تبيني .. انظف حوش الغنم. ..وبعد احط لهن أكل ..اسامه ماهو لها الدرجه تذلون فيني خلاص .وليت على حق ..او اني مسويه شيء عشان ذا كله وبقهر .تعبت تكفى تعال وارمني في الشقة
ولا تسأل علي أبد بس خذني من هنا...عشان خاطر اللي تغليهن
..

اسامه بحقد : اللي اغليها اليوم خلاص راحت.علي ..وبقساوه.. قليل الي تسويه فيك وبعد انا موصيها لان هذا مكانك ...والمفروض من أول راميك هناك عشان تعرفي قد ايش اللي سويتيه... ماهو سهل وحرام العيشة الي كنتي.. عايشتها الحين حقك هالعيشه صح. ..وليت بعد تبرد قلبي شوي ..وقفل في وجهاااا

ريوف عصبت من كلامه ..لا مافيها تتحمل ..ذا كله
بسرعة فتحت رقم ام سامه ....
،،
،،