رواية أعشق أنانيتك عندما تتمناني لك وحدك الفصل الحادي والعشرون 21 - بقلم nona_A

رفقا بي ي وجع فلم
يبقى في القلب من متسع

(منقول )
،
،
،

ام اسامه بصرخه:ايششششش
ابو اسامه طالع اسامه ..وهو يناظر رائد بحده. .مما خلاه يتأكد
ان الشي. .الي قاله صدق ..قال بعصبيه : وشهوو ي رائد اللي تقوله
رائد مسح خشمه اللي رفض يوقف نزيف وطالع اسامه بحقد : والله العظيم ماكذب وهذا هو عندك واسأله ومن مبطي بعد متزوج ومسكنها في شقه في حي ........
اسامه
نزل راسه للأرض ..يوم شاف نظرة ابوه ينتظر منه تفسير للي يقوله..هالخايس...كور يده ..وضغط عليها بقهر ...يعني ايش
يقتله عشان يبرد خاطره. .. رفع راسه يوم ابوه صرخ يبي يعرف وش يقول له.. ايه متزوج ...وحده مستر عليها..عشان ولدك هالخايس ...لاعب عليها ...وعشان اقدر احميه ..سويت هالشيء. ..وانفضح لو قلت ...اني متزوج وحدة بهالاخلاق ..بس لا مستحيل اقول ...كذآ ..ولا هي مرجله مني ...ناظره رائد اللي يناظره بتحدي ..هذا جزاه يعني ..يالله قد ايش اثبت لها حقارته ..ليته خلاه يذبحه ..
ام اسامه بصرخه وهي معصبه حدها: تكلم اشوف وشهوله ساكت
ابو سامه بحده:للمره المليون ي اسامه اسألك صدق اللي يقوله
اسامه رفع راسه وقال بقهر وغيض : ايه متزوج ومافيها شيء على ماظن
ام اسامه تقربت منه وضربته على صدرة بقوه : وش اللي حدك تتزوج بالسر ..ليه يمه تقهرني كذا.وانا اللي انتظر هاليوم الي
افرح فيك .. .كان جيت وقلت ابي اتزوج ومين بيردك بالعكس كنا بنفرح فيك ..وزود بعد ليه يمه سويت كذآ
اسامه مسك يدها وقال بغيض من اللي هو فيه ومن اللي سببهه له هالرائد ...آخر شيء توقع بيكون كذا رد جميله يوم فكه من اللي تدبس فيها : يمه خلاص وبعدين انا رجآل ومافيها شيء وتزوجت على سنة الله ورسوله
ام اسامه بصرخه عصبيه: مين قالك انه حرام بس ماهو بهالطريقه قولي مين البنت اللي لعبت فيك يمه وحدتك تتزوجها بالسر
ابو اسامه بحدة : اسامه ابي اعرف ليه سويت كذا وش اللي حدك
اسامه قال وهو مجبور: خفت ماتوافقوا وانامقدر...
ام اسامه بصرخه قاطعته : عشتوووا يعني ذا كله حب آه ي
قهري عليك ي اسامه توقعت كل شيء من هالشحط قدامك بس انت لا
رائد بقهر: ايه شفتوا كيف متوقعين كل شيء زين منه اماا انا عادي اي شيء تتوقعوا اسويه ..اسود وجيهكم وبحقد..يالله أجل هذا ولدك العاقل ..شوفي وش سوى
اسامه
ناظره ..بعصبيه ...بيذبحه أكيد اليوم عشان يرتاح ..ولما شاف نظرة الاستفزاز اللي ..في عيون رائد خلاص معاد قدر ..ورجع هجم ..بكل قوه وبصرخه : والله اليوم محد يفككك مني يال******
ابو اسامه بعصبيه وهو يحاول يبعده ..بس فين ماقدر فيه ...حاول ..بس بدون فايده ..وش جاب جسم اسامه له ....
ام سامه صرخت بقوه وهي تشوف مافي حد قدر يبعد اسامه من رائد اللي يصرخ بكل صوته ....وجهه كله دم ضربت اسامه بكل
قوه على ظهره..بس وين ي جبل مايهزك ...
لطيفه
كان تصرح بكل صوتهاا....حاولت مع امها تبعده ...بس فين ذا خلاص هاج ..والله مافي شيء يرده اكيد بيذبحه ...
صرخت بقوه وخوف أكبر يوم شافت.... رائد اللي يصرخ. ..سكت بدون صوت ...وجسمه ارتخى صرخت بكل صوتها : ذبحته والله ذبحته
ام سامه بضرخه: يمه ولدي ذبحت اخوك
اسامه اول ما فكه ..فعلآ على طول ارتخى ..ابو اسامه بضرخه :وش سويت يال******
ام سامه وهي تصرخ وتضرب في وجههه رائد اللي ..غايب عن الوعي ...
ابو اسامه بعصبيه : انقلع احمله للسيارة بسرعه
اسامه بصرخه: يستاهل يموت بعد وطلع من البيت بكل عصبيه
لطيفه راحت ركض وجابت مويا وهي تحط على وجهه عشان يصحى ...
ام سامه تصيح: يمه رائد قوم حبيبي تكفى يمه قوم
رائد فتح عينه ..وقال : خلاص راح شاف
الكل سكتت ..يعني يمثل عليهم .. ..قال بالم وهو ماسك كتفه : وش اسوي يوم شفت ان ابوي.. ماقدر يفزع لي منه ماعندي إلا كذا ولاتبغون ذا الهمجي يذبحني صدق.. وشاف نظرة ابوه اللي من خوف تحولت لعصبيه قال بسرعه: تكفى ماهو ناقص يكفي اللي فيني ترا انا تكوفنت ..هالشهر حول عشرين مره ويمكن تتطلع روحي صدق هالمره على يدك
ام سامه
تنهدت براحه ...
يالله يسوي اللي يبي ....بس اهم شيء انه بخير..كان تبي تموت من الخوف ...عليه ...جلست على الكنبه وكل شيء
فيها يرجف ..رفعت عينها وطالعت..ابو اسامه اللي واقف ..وحده معصب ..قال بحدة وهو يناظر رائد : مدام انك بخيرر ممكن اعرف وش الحكي اللي قلته من تو
رائد مسح خشمه وسند راسه على الكنب وبتعب:الحين مافيني احكي والله
ابو أسامه بحدة: بتحكي ولا انا اللي بخلص عليك صدق
ام اسامه
خايفه لا .تنعاد السالفه قالت بخوف: خلاص ي ابو اسامه هذا كذا تراه كذاب ودايم كذا يقط خيط وخيط إلا انت مصدق ان اسامه يسوي هالشيء صدقني اخرطي كله
رائد بقهر ناظرها: توه معترف ولسى مو مصدقه وناظر ابوه يبه صدق والله اسامه متزوج بالسر بس لا تسألوني ليه اسألوه... هو وسكتت يوم شاف ابوه الحين صدق عصب وامه بعد اللي تناظره ..حس على عمره تووو..وش مسوي هوو وش قايل بعد ..بعني هو ماتزوجها إلا عشانه ..يوم
كان بيتدبس ...قال وهو يتهرب : كيفكم مع ولدكم وطلع بسرعه
بر البيت ..ومستحيل يرجع ..حتى السالفه تبرد شوي ..ايه يمكن هالمره تنقلب عليه ..بس هو اثق من اسامه مستحيل يتكلم ..يعرف اخوه زين ... ...
ابو اسامه
جلس على الكنبه وهو ماسك على راسه: يعني كلهن طلعوا
ومافهمنا السالفه مثل الناس
لطيفه بصدمه : معقول اسامه يسوي كذا
ام اسامه بعصبيه: يطلقها وغصب عنه ولو يبي يتزوج يتزوج مثل الخلق
لطيفه
لسى مصدومه ...اسامه متزوج ...طيب وين حبه لاسيل...
على انها مصدومه ...وماهي عاجبتها الطريقه.. بس والله فرحانه حيل ..احسن خليه يبعد عن عيلة ريتاج الهم ...ناظرت امها تبكي بقوه ..تقربت منها وهي تحضنها : يمه ماعليه ..صدقيني السالفه مو كذا بس رائد غبي ماعرف يوصلها زين
ابو اسامه بسخريه: واعتراف اسامه بعد هذي ماوصلها زين
ام اسامه بصرخه: كله منك ماتدري بعيالك وين جالس عند آبلك
ومهتم فيها اكثر منهن وكل واحد يهبب من جهه تغيب بالاسابيع ولا تدري فيهن
ابو اسامه وقف بعصبيه: ايه حطيها علي الحين إلا قولي انت
ماخلفتي رجآل
ام اسامه بعصبيه :ليه عيالي لحالي
ابو اسامه اعطاها ظهره وهو معصب : كرهتوني في هالبيت
ويقولون ليه ماتجلس
ام اسامه بقهر : شوفوا كيف قلبها له
لطيفه وهي تهدي في امها : يمه خلاص هدي عشان نفهم السالفه زين والله يهديك ي رائد دايم تولعها وتروح
ام اسامه بقهر : شوفي كيف شرد ولا كن السالفه قويه ...
لطيفه : ماعليه يمه خليه يروح اليوم وبكره تهدي شوي وندق عليه ونخليه يجي يتفاهم مع اسامه ليه سوى كذا
وسمعت جوالها يرن وقفت واخذته..شافت رقم وليد ....
*
*
*
في شقة اسامه
ريوف اللي ممددده على السرير ..وماسكه على خدها ..وهي تتألم من قوة ألم ضرسها .. .خلاص مافيها عاد تتحمل ..تبي مسكن ولا اي شيء ..ليت مأخذ جوالها ..كان تقدر تدق عليه ..يجيب.. مسكن لها ...ولا يشوف صرفه خلاص مافيها عاد .. قفلت عيونها وهي تصبر نفسها ..ودها تصرخ من كثرة الألم.
.فتحت عيونها على الاعصار اللي داخل عليها ...
اسامه دخل الشقه معصب وفتح باب غرفة النوم ...وهو معصب حده بسبها صار الي صار ..الحين وش يقول ..لأهله...
قال بصرخه وهو يشوفها قدامه مفجوعه وتناظره بخوف:عارفه وش صار بسبتك
ريوف هزت راسها بخوف
اسامه بسرعه تقرب منها ومسكها... من شعرها وهزها ..بقوه وهو معصب حده: عارفه ان الزفت جالس يهددد وبعدها قال اني متزوج بالسر .... شايفه كيف الحين اللي ...يسمع يقول ان اللي غلطت ...وجالس استر على حالي ..وبصرخه شفتي كيف
ريوف بألم وهي تصيح:حرام عليك والله مو فاهمه عليك
اسامه شد بقوه على شعرها واعطاها كف بقوه على خدها وبصرخه : حرام علي ولا حرام عليكم اللي صار فيني بسبتكم
ريوف صرخت بألم ضربها مكان الضرس اللي يعورها .
صرخت بقهر وعصبيه: حسبي الله عليك انت واخوك
أسامه فتح عينه بصدمه من كلامها: جالسه تتحسبي علي
طيب انا وش اقول اللي صدق تبدست بوحده مثلك واطيه
ومع مين مع اخوي ..
ريوف بقهر وقفت يوم شافته بعد عنها شوي وقابلته وبصرخه : ليه انت قاسي كذا ليه ماتحس .. ليه احسك مسلط علي بزيادة وش لللي عارفه عني عشان تحكم علي بهالطريقه ولدرجه اصير في نظرك واطيه ..ماعمري اذيتك في شيء وانت جالس تتفنن في أذيتي ...ليه ضربت الصدر
اسامه قفل عيونه بصبر: ي زفت عارفه وش تقولي وليه ضربت الصدر ..اقولها لك للمليون .. مرجلتي حكمت علي... اني اسوي كذا ..الا انت مكانك الزباله
ريوف عصبت من جد جالس يتلفظ عليها من يوم مارتبطت فيه قالت وهوو رافض يصدق وخلاص بصدق طفشت وهي تعيد وتزيد ...في نفس السالفه ..ولا عمرها طلعت بشي ينصفها ...لا نفس الحكايه ....وكل يوم تنعاد ..قالت بصرخه وبقهر من كل شيء تورطت فيه : اقسم بالله مابه مرجله فيك
وانت مستقوي على مره ضعيفه يتيمه ماعندها أحد اقرب احد لها رماها لواحد مايرحم ولا يبي رحمة ربي تنزل
اسامه ضحك بقوه: ههههههههههه وشهوو وبقهر صدق مابه مرجله وانا مخلي وحده على ذمتي مثلك وهاا انت قلتي بنفسك اقرب احد رماك يعني بالله وشهو افهم من حكيك
ريوف بعجز جلست في الارض وصرخت بقهر وهي منهارة : وش تبي مني وش تبي مني قول خلاص انا تعبت رجعني لبيت اخوي خليه يذبحني ..واذا ذبح اخوك الي خايف عليه ومضحي عشانه وتزوجتني عشانه .وجالس تعذبني عشانه. عادي صدقني
لو سوى هالشي بيأخذ جزاه ويقصوا رقبته
وكل أحد يأخذ حقه
وصرخت بتعب حرام حرام الي يصير فيني منك ومن الكل انا وش ذنبي في هالدنيا ..وش الشي ال سويته عشان استاهل هالعقاب كله
اسامه جلس على ركبه قدامها ومسك ذقنها ورفعه وقال بفحيح: عارفه وش ذنبك بس حس بشي ثاني وهو. يناظر عيونها مايدري ليه حس بشفقه عليها وهي تناظره كذا ..وبعد يشوف الصدق في عيونها. ..بس كيف يقدر يصدقها ...والي شافه شيء كبيرة ....قال بقهر انقلعي اطلعي من الغرفه ..
ريوف
انصدمت ليه يقلعها من الغرفه ..لايكون بيطلعها من الشقه بعد ...
بلعت ريقها وقالت بخوف: وين اروح حرام عليك
اسامه بصرخه: انقلعي عندك الصاله فارقي ابي انام شوي
تعبان حدي ...وبعد خلاص شكلي بسكن هنا بعد اللي.. بعتي حالك عشانه فضح الدينا
ريوف انصدمت أكثر وشهوو يسكن هنا ...كيف راح تحتمل وهو يجي في الاسبوع مره ويالله تتحمل الضغط والإهانة الي تشوفها منه ...
اسامه شافها لسى جالسه في الأرض وتناظرة مثل الهبله
قال وهو صاك على سنونه: شكلك حابه بطريقه مميزة تتطلعي
ريوف حست بتهديد مبطن في صوته وقفت وهي ترجف تخاف منه بشكل ...وطلعت سمعت صرخته يبيها تقفل الباب قفلته .. وجلست على الكنبه ..وهي تحس بألم اكثر من قبل. ..سحبت الخداديه ...وخلتها تحت خدها ووهي تعض شفتها ..يالله حتى متى اتحمل. .تعبت والله ... ضغطت على الخداديه وهي تتمنى يخف شوي بس .....سمعت صوت دق على الباب تفاجأت ..اول مره احد يدق الباب .....حست بخوف ..مين جاي. .اتجهت للغرفه. .فتحت الباب بشويش ..وهي خايفه منه ..بس لازم يشوف مين على الباب. ..تقربت منه شافته مدخل راسه تحت المخده ..قالت بهمس: اسامه حسته ماتحرك ..معقول ..نام
بهالسرعه ..رفعت صوتها اقوى شوي ...اسامه فيه احد يدق على الباب
اسامه اللي حس فيها من وقت مادخلت ..بس مايبي يشوفها ..
بس يوم قالت فيه أحد يدق ..شك انه ابوه . وبعد حاس انه هو لان ..رائد زفت قاله عن مكانه . قدامه ....حس بتوتر ..وبعد بخوف لا يكون رائد فيه شي ..لانه ذبحه بالطق..وبعد خايف ...انه جاي عشان يصدق الي قاله رائد. .وقف ..واتجهه للباب الللي كان
مصر يدق ..قال :مين
ابو اسامه وراء الباب: انا افتح
اسامه ناظر ريوف الي واقفه جنب باب غرفة النوم قال بهمس : ابوي
ريوف تحس رجولها ثقلت عليها ابوه..جاي هنا موقادره تتحرك ..ودها تعرف ..ليه جاي ..يعني دري ولاكيف ..شافته
فتح الباب وهو يقول بجمود: تفضل يبه رجعت بسرعه الغرفه وهي خايفه
ابو اسامه دخل وهو يشوف اللي دخلت بسرعه ..ناظره ..بعصبيه وبصرخه قويه: حاولت اكذب الموضوع كله بس الحين اثبت لي رائد صدق اللي قاله. .
وبسرعه اعطاه كف على وجههه ..وهو يسبه ....
ريوف بسرعه سمعت صراخه عليه ..طلعت بفضول ..وهي تناظر من عند الباب ..بس يوم اعطاه الكف ..صرخت من غير حس :
اسامه انصدم ..ليه يضربه ناظر ريوف اللي صرخت آخر شيء توقعه.. انها تطلع .....
ريوف
وش اللي خلاها ..تطلع ..ليه مانقلعت وجلست مكانها .
.
بسرعه..قفلت الباب بالمفتاح. ...وهي ترجف وخايفه

أكيد بيكمل عليها ..آخر شيء توقعته ..انه ينضرب قدامها كذا ...يالله ليه طلعت .أكيد ..بيعصب أكثر. ...سندت ظهرها على الباب وهي تسمع تسكيرة الباب .قفلت عيونها بخوف ..اكيد الحين بيكسر الباب عشان يبرد خاطره بس انتظرت دقيقه دقيقتن
..مافي صوت له ..معقول طلع ...مسكت على خدها ..ماهي ناقصه الم..يارب يروح ....
اسامه قفل الباب
وجلس على الكنبه ...وهو مصدوم ...ماعمره ابوه مد يده عليه ..ويوم يمد يده عليه يكون مظلوم ...وش يقول لهم بالله ..موقفه صعب حيل ...رفع رأسه وسنده على ظهر الكنبه وهو يزفر بضيق ..يبي يهدي حاله ..مايبي يدخل و يذبحها. ..ليته مادق الصدر ليته ماقال أنا أخذها. .ليته فكر قبل مايقول ..ابي اتزوجها ...آه كله كوم واسيل كوم ثاني ...ولد عمها بيخطبها ...وأكيد راح توافق. . مدام..الرأس الكبير سلطان في السالفة. ..يعني ايش راحت عليه ...وهو يالله فرح ..يوم لطيفه رجعت لوليد ..وجالس ينتظر ترجع العلاقه شوي ...بس آه من وين طلع له هالولد العم ..بعدين اللي يعرفه ناصر ..متزوج....يالله من وين يحصلها من أهله الي زعلانين عليه ولا من ذي العله على قلبه مايدري كيف ينفك منها ....وترجع له حياته اللي قبل هادئه بدون مشاكل ولا ضغوط ...
اليوم الثاني
غلا

صحت على صوت المنبه.. .من اصله مانامت زين ..افف منكده حدها
وقفت وراحت الحمام الله يعز القارى ..تنهدت براحه وهي
تشوف الصاله فاضيه قدامها ..ناظرت جهة غرفتها قالت بقهر نومه بلى قومه... ان شاءالله بعدها آخذت شور..بارد ..وبعدها طلعت بعد مانشفت جسمها ..وشعرها ..وفرشت السجادة وصلت الضحى ..ولبست العبايه بعد ماشافت رقم فاديه ..أكيد السواق برا بسرعه سحبت شنطة اليد ..وطلعت بسرعه ...وهي راميه حكي سامي وتهديده عرض الحائط ... ركبت السيارة وهي تساسر فاديه ..: الله يستر من ابو عدنان
فاديه بهمس : ماعليه ان شاءالله خير
غلا
هزيت راسي وانا متوتره ..خايفه من اللي بيقوله لي ..احسه
ماهو طايقني ولا طايق احد فينا ..ودي اعرف ليه مشغلنا
عليه اخلاق أعوذ بالله ..يارب خير ..افف لو ينحس معي ويفصلني ايش اسوي ..مابي ارجع لللطبخ مره ثانيه. .احس
هالوظيفه اريح ..وفيها فلوس أكثر. .حسيت بصرخة فاديه
ناظرت فتحت فمي بصدمه : سيارة سامي
العم محمد: الله يكفينا شره بسم الله وهو يحاول يبعد عن اللي جالس يعترض له ..بطريقه متهورة
فاديه بصرخه: انتبهه ي عم
غلا حسيت مو قادره افتح فمي.. بذات مع عصبية عمي محمد
لا لا ذا بي يموتنا أكيد ...حسيت شوي ويضرب ..فينا صرخت
بخوف ... بيضيعنا بجنونه
فاديه بخوف: وقف شوفه ايش يبي
العم محمد بعصبيه : هذا شكله من شلة صيع لما يشوفن حريم مع سواق يسوون كذا ..وهو يحاول يبعد عنه شافه زاد وبذات مع صوت البوري زاد التوتر عليه ....وقال بصرخه يوم سمع صراخ البنات اهدن شوي مابقي غير شوي ونصل المجمع ..
غلا
خلاص شوي وتموت من الخوف. .من االي تعرضت له ..
وماتبي تقول انه زوجها تدعي ربي يصرف شره عنهم
؛
؛
سامي من اول واقف في اول الحارة ..وجالس يراقب سيارة السواق االي يوديهم المجمع..ويتمنى كان انه ..تسمع كلامه ..
حرك بعدهم بقهر وهذا وهوو جالس يسكر الطريق عليهم ..ويبي يخلي السواق يوقف ..قبل مايصل ...زاد السرعه ..وصرخ وهو يسب سبه قويه ...يبه يوقف فك الدريشه وبصوته كله ..: يالخايس وقفف.
وبحركه متهورة كان بتضيعهم جميع بس غصب حاول يهدي ..يوم شاف السوق قدامه يعني هالشايب مسوي يتحدى
العم محمد بعصبيه ..وهو مو مصدق انه وصل السوق بالسلامه..
سامي بسرعه نزل وهو يفك الباب الي وراء وبصرخه: انزلي
العم محمد نزل بسرعه وقال بصرخه: هيي الدنيا فوضه اقول ابعد عن البنت
سامي بعصبيه :تبي تعيش هاليومين اللي باقيه لك من عمرك لا تتدخل
غلا وهي متفشله تناظر ..فاديه اللي اكيد عرفته يوم نزل ..
قالت بقهر : خلني اتوكل دوامي وبعدها نتفاهم ..
سامي مد يده وسحبها بعصبيه ..
غلا بألم مشت معه ماتبي تتفشل اكثر قالت بهمس: ماهي حلوة السحبه ذي فكني خلاص
سامي بعصبيه وهو صاك على سنونه :اركبي ساكته قبل ماذبحك ..

غلا
ركبت السيارة.. وهي تناظر العم ابو محمد ..بفشله .وبعد فاديه الي واقفه ..
سامي بسرعه داور ..وركب السيارة وهو معصب قال وهويحرك السيارة ..وبصرخه : ايش قلت
غلا بصرخه أعلى : اقسم بالله حركتك ذي ماراح انساها ولا راح تعدي كذا بالساهل ...
سامي بصرخه : غلا قولي ليه تحبي تعاندي
اقسم بالله لا اربيك من اول وجديد ولا ماكون سامي
غلا بقهر : عجبي والله قال يربيني
سامي وهو مقفل على سنونه ومعصب حده:اقسم بالله لو ماهو حامل كان طلقتك وارتحت من شيء اسمه غلا وبصرخه كرهتيني عيشتي وصديقني عنادك هذا كله بتدفعي ثمنه غالي
غلا عضيت شفتي بقهر: ليت مابه حمل كان تطلقت وارتحت من شيء اسمه سامي ..
سامي بصرخه قاطعها: غلا اقسم بالله اذبحك اليوم لو اسمع لك نفس ودوام أخذ اعمرك لو شفتك رايحه له ..والي فيها فيها
غلا بعصبيه : هيي لاتفتكر الحين مشيت معك بالساهل.. صدقت عمرك لا ي الصايع اقسم بالله ماراح تمر كذا ودوامي عادي اليوم نضحي به بس من بكرة اروح وغصب عن خشتك ذي
سامي
اسرع أكثر وبصرخه : ..هيين قلتي غصب عن خشتي ...طيب راح تعرفي تثمني هالكلام كله ي غلا والله ي لو فيها موتي ماتروحي وشوفي مين كلمته تمشي على الثاني
غلا وهي تسترخي على المقعده وقالت بسخريه : اثمن ايش حبيبي ترا كلك على بعضك ماشوفه وش الثمن الي بيجي من وراك وعلى قولك نشوف مين كلمته الي بتمشي ..
سامي ناظرها بقهر وقال وهو يتنهد :ودي اعرف ليه شايفه حالك تراك بنت السكير راجح ..والله لو تسمعي بس سمعته كيف في الحارة تنزلي رأسك. .ومعاد ترفعيه
غلا أكثر شيء يعصبها يوم يذكرها قالت بعصبيه: ايه هذا اللي عندك غبي متخلف تعيد وتزيد في هالكلمه بس تصدق والله على انه سكير بس مايذي أحد ماهو مثلك إلا اذيتك واصله للخلق الله جميع والضيحه الاكبر ولدك اللي جاي بالطريق والله انه بيتحسف طول عمره على ان ابوه شيء مثلك وهي تشير عليه بتحقير
سامي صرخ بقوه : ماهو اول مره ي غلا تحقري فيني او تصغري فيني بس اقولها لك والله العظيم اني لا احسفك حيل
غلا بصرخه :اقول هييي انت تكلم على قدك اوك
سامي وصل البيت نزل معصب ...شافها نزلت وهي متجهه لبيت ابوها بس كان اسرع منها ومسكها من يدهاا وسحبها معه
وهي معترضه تصرخ :فكني ي ******
سامي وهو يناظر حوله:عشم ابليس في الجنه عاد ترجعي
لهالبيت الا لما ينتهي الاتفاق اللي بينا ف امشي معي بدون فضايح ......
غلا حاولت تسحب يدها من يده ... ودها تصرخ ..وتصرخ
بس أكيد راح تنفضح أكثر من كذا ...مشت معه ..قالت بهمس: فكي يدي طيب وانا راح امشي معك
سامي بعصبيه وهو يسحبها بعنف : امشي ساكته وبتجي وغصب عنك ودخلها البيت وبعصبيه صرخ: اشوف عتبي برا هالبيت وحتى بيت ابوك مافي
غلا

عضت شفتها بقهر ..قالت بسخريه : مسوي مستقوي اقول اقسم بالله لو ماتبعد عني وتخليني ارجع بيت ابوي لا اقلب يومك ذا
سامي مسكها من عند كتوفها وسحبها معه لغرفته ..ودخلها غصب وهي تحاول تفك حالها منه ..بس كان شاد عليها بقوه
صرخت بقوه معترضه على اللي يصير
سامي بسرعه سحب المفتاح وقال بعصبيه: مكانك هنا واجلسي اصرخي حتى ينبح صوتك ....
وقفل الباب بالمفتاح من برا وزفر بضيق ...رفع ساعته شافها شوي وتجي على عشره يالله تأخر على مقابلة ابو عمار ..
بسرعه ركب سيارته وحرك فيها وهو.. خحلان ..يكفي امس
ماراح ....
بعد دقايق وصل الشركه
نزل بعد ماضبط التشخيصة ...وحاول يهدي حاله ..يحس بقلق وش راح يقول له. ... وش عذرة بعد اليوم تأخر عن موعده ..

دخل الشركه وهو يناظر حوله ...حاول يهدي من توتر وكلم اللي
قدامه جالس :السلام عليكم
رفع راسه من الجهاز اللي قدامه: هلا عليكم السلام
سامي بتوتر: ممكن اقابل ابو عمار
: فيه موعد
سامي امم البلشه اففف لهالدرجه يعني : ايوه قول له الي جاي من طرف عمار وأكيد ان شاءالله يعرفني
ابتسم بسخريه: ماشاءالله بعد متأكد
سامي عقد حواجبه هذا وش قصته الحين قال بجمود: اللي عليك انك توصل له وبس
هز راسه وقف وهو متذمر ...
سامي جالس يناظر المكان ...وهو خايف لا يتفشل اذا ابو عمار
قال لازم موعد ...وماتمشي معه انه جاي من طرف ..عمار
جاه اللي قبل رسله له : معليش يقول مافي موعد
سامي انصدم حلوو من اولها كذا
بسرعه طلع جواله ودق على رقم عمار ...انتظر لما جاه الرد: اقول ي الاخو دق على ابوك ذكره فيني شكل الزهايمر لاعبن بوه وهو مخفض صوته ...
عمار بضحكه : كرشك ههههه
سامي بقهر: لا ي شيخ مبسوط اقول ذكره فيني قبل مافجر في اللي قدامي جالس وهو فاك الخشه مبسوط
عمار بسرعه: لا تكفى ماتسوي مشاكل الحين ادق عليه ولا يهمك وسامي لا اوصيك خلك مره وحده ثقيل بس لما تظمن الوظيفه وسوي اللي تبي
سامي بقهر : اقول بسرعه بس ترا حدي طاقه روحي

وقفل جواله ...وناظر اللي يناظره
: بعد عندك امل ولسى تحاول
سامي ميل فمه بسخريه: وبعد عندي امل اكرشك من هالمكان وبحاول .. وضحك بعرجبه هع هع هع سكت يوم شاف الكل يناظر فيه بس اللي مبسوط منه حيل انه قهر ذا اللي جالس قدامه
وفعلاً دقايق وجاه الرد انه يدخل
رجع له التوتر إذا موظفينه كذا شينين أجل هو ايش ..
كان يبي يدخل على طول تذكر يدق الباب ..مثل ماقاله عمار
لازم يصير شوي اتكيت وثقيل ..رز نفسه ودق الباب. .
وسمع تفضل. .دخل وهو يرد السلام
ابو عمار منزل راسه على الملف الي قدامه: عليكم السلام تفضل اجلس
سامي تنحنح وجلس ..بعد دقايق ..حس بطفش ..من وقت ماجا مارفع راسه ..حتى ..يالله ..وش ذا حس انه ماهو مرحب فيه ابد
ابو عمار رفع راسه وناظره وقال بجمود: انت اللي جاي من طرف عمار
سامي لا ي شيخ الحين تسأل ..: ايوه
ابو عمارهز راسه :اوك الحين ارسلك مع واحد من الموظفين
وتشوف ايش راح تمسك في هالشركه ..
سامي هز راسه بفرحه وقف ...وده يرقص ..والله بس مسك حاله ..لازم يثقل ..

*
*
عند غلا اللي جالسه تبكي من وقت مارجعت لهالغرفه
ي انها تكرها بشكل ..هين سامي تفتكر اني راح استسلم ..
انت بس تعال ، وتعرف وش راح اسوي ....
أكيد بدريه زفت الحين تفرح. .بس والله اني راجعه لك ي الخايسه
فكرت تدق على ابوها وتقول له ...بس خافت ..يقول لها انثبري مكانك لأنها عارفه ...انه مايبها تجلس عنده ..كله عشان الضفدع اللي عنده ...طلعت جوالها ودقت على رقم سامي وهي معصبه ...عصبت أكثر يوم قفل في وجهاا ...رجعت دقت مره ثانيه .
عصبت زود وحلفت له
*
*

في الجامعه
ريتاج جلست جنب شوق : آه اليوم آخر يوم

يالله مابغينا نفتك اففف
شوق : لا تفرحي كلها اجازة عيد ماتعد عشرة أيام
ريتاج : عادي راضيه لو يومين بس نرتاح شوي
شوق وهي مستغربه: غريبه لطيفه ماداومت وهي قالت بتداوم
ريتاج : ان شاءالله خير اللي منعها
شوق بهمس : كيف تتوقعي بتكون حياتك وحياتها في بيت واحد
ريتاج وقفت بضيق:اقول ي الملقوفه لو جااا سواقكم قولي لي ابي اروح معك واعطتها ظهرها
وهي تناظر البنت النشبه
شوق بضحكه : طيب سؤالي ليه مارديتي عليه
ريتاج بقهر رمت عليها علبة المويه
حست بالي يتكلم من وراها: اروح ادوسها لك لو زعلتك
ريتاج بضيق : نعم
:اقولك تبين مساعده
ريتاح : لا شكراً
وراحت وهي تتافف وش تبي منها هالبنت ...وصراحه مو حابه
تكلمها ابد ...وضعها مايطمن ....الله يهديها ويبعدها عني ..
*

بيت ابو اسامه
ام اسامه وهي قلقانه على ولدها : وين راح تتوقعي
لطيفه بسخريه :يمكن بايب عندها يمه

ام اسامه بعصبيه : آه ودي اعرف كيف صار كذا وحنا ماندري
ابوك زعلان حيل شكله لاني ادق عليه مايرد ...
لطيفه بفضول: من اي عائله تتوقعي
ام اسامه سحبت علبة الفاين ورمتها بقوه وبصرخه: انقلعي دقي على زوجك وروحي
لطيفه ضحكت غصب عنها على الصدمه. ..الي امس كانت فيها بس الحين والله عندها فضول تعرف مين هي..... قالت وهي تبي تعاند امها: طيب تتوقعي حلوة وشردت يوم شافت امها قامت لها .......
*
*
بيت ابو سامي
رجع البيت وهو فرحان ...حده. ..اخيرآ ضمن وظيفته وتأكدت ..يالله ماهو قادر ..يوفي حق عمار ...صدق الرجال مواقف وهو ماقصر أبد معه. ..بس تذكر المصيبه الي منتظرته
دخل البيت ...وشاف امه جالسه تنشر ملابس في الحوش ..رد السلام وهو فرحان حده وتقرب منها وهو يضمها :باركي لي خوخه خلاص ولدك استلم اليوم وظيفته وجلست على مكتبي بعد
ام سامي بفرحه : صدق الحمدلله ربي يفرحك يمه

سامي :آمين يارب
ام سامي بعصبيه وهي تسمع صوت مكيف غرفته شغال : ليه فاتح مكيف الغرفه وانت ماهو فيها ولا كذا صرف بس صادق ماتدفع انت
سامي فتح عنيه بصدمه توها فرحانه قال بضحكه : غلا هنا ماهو مفتوح كذا
ام سامي بصدمه : ايششش بنت ابليس هنا الله يقلع بدريه قلت لها لاترجعيها لي عله على قلبي بس آه وين ذي البقرة تسمع الحكي
سامي : اقول خوخه مو كنك تتكلمي عن مرتي وجالسه تغلطي عليها
ام سامي بسرعه رفعت طشت الملابس ورمته عليه
وهو ضحك بصوت عالي:ههههههههههه والله احبك
وهدي خلاص راح اعطيك نص الراتب بس خلي غلاي منك
ام سامي تقول سكبت عليها موية باردة:صدق يمه فديتك وانا اقول من اول ولدي سامي زين شباب الحارة
سامي بضحكه : متأكدة جاني خبر انك كنتي تقولي اصيع شاب في الحارة
ام سامي وهي تضربه على صدرها: هووووو انا حشى يمه ماقلت كذا
سامي برفعة حاجب : يعني مظلومه اوك احاول اصدق
ام سامي :ايه يمه صدق من زمان اشوفك رجآل فديت حسك بس
سامي :ايه اكيد الناس يحبوا يظلموا كثير فمابالك وحده مثلك مشهورة بقوه بعد

ام سامي : ايه فديتك وغلا بعد بنتي
سامي فتح عينه بصدمه : لا يمه هذي مقدر اصدقك فيها لانها كبيرة مره
ام سامي بكذب :ليه يمه صدق اشوفها بنتي
سامي :يالله نحاول نصدق بعد
ام سامي : صدق يمه صدق
سامي : طيب ابشري ...بس ممكن تعطيني مبلع وارده لك
ام سامي دخل فيها عفريت وبسرعه تحولت وبصرخه : لا ماهو ممكن ومن الحين بجلس احسب اللي عليك عشان تخارجني هي
وانقلع من وجهييي
سامي ضحك بقوه : ههههههههههه اوك انتظر كم يطلع علي
واعطاها ظهره يالله قد ايش يحب امه ..وقد ايش يحب حكيها ..وبخلها ..يموته ضحك ...دخل الغرفه شافها نايمه بالعبايه ...
الحمدلله والشكر بس ..هز راسه ..بعجز منها ..بس أفضل شي سوته انها نامت ... مافيه ...يجادل معاها ويأخذ .. ويعطي قفل البااب بالمفتاح وأخذه .. معه عشان ماتفكر تطلع
وفسخ ثوبه ...وتمدد..جنبها ودخل المفتاح تحت مخدته
...
في بيت ابو وليد

وليد نزل من الغرفه ..وهو لسى زعلان من ريتاج ..مقهور
من امس ..يوم راح لها ..ورفضت تجي معه ..وبعد لطيفه
دقت عليه ..وقالت لا تجي ...امي تعبانه شوي ..وش حكايته
مع امهاتهن كل وحده من جهه تقول امي....شاف امه طالعه من المطبخ
سلم عليها ..وجلس وهو يسألها : وش غدانا ي ام وليد ترا حدي جوعان
ام وليد بحنان: كل خير يمه
وليد
شاف اللي داخلين عليهم ..بصوتهم كله يضحكن مايدري وش بينهن ...
ريتاج بضحكه : حرام عليك شوق
شوق بتريقه: شوفي مين ينتظرك جالس اخسس رتوج صايرن ينتظرونا وحركات
ريتاج عقدت حواجبها وناظرت وليد وقالت بقهر من حكي شوق : والله ماعنده خبر انا جايه معك
شوق : امشي بس ماتمشي علي هالكذبه
تقدموا شوي
ريتاج ردت السلام وتقربت من ام وليد وسلمت فوق راسها
ام وليد: هلا والله بالغاليه. .
ريتاج : تسلمي والله يالله عن اذنكم
وليد بجمود: اجلسي تغدي
ريتاج ناظرته : شكراً توني مأكله وفيني نوم
وليد وقف : اوك يمه خلي ميري تطلع لنا الغداء فوق
وهو يمسك يدها ويمشيها معه
ريتاج حاولت تسحب يدها منه بس خجلت ..قدام خالتها همست له ..: وش تبي
وليد رفع حاجب : ابي اتغدا معك
ريتاج بعصبيه: وليد اجلس تغدا مع أهلك والحين لطيفه تنزل وماتشوفك ماهو ناقصه انا
وليد وصل الغرفه فتح الباب ودخل وهو يسحبها معه وقفل الباب
وقال بحده : لطوف ماهي فيه
ريتاج رمت الشنطه في الارض بقوه : وانا قلت لك شغل اللعب ذا مابيه ولا يمشي عندي
وليد بعصبيه: ريتاج لا تتفكري حالك شيء ترا ولا شيء عندي اوك
ريتاج بحده : وليد انت ماكنت كذا معي كان تكرهه تطل في وجهي حتى
وليد قاطعها قال: ي شيخه انت احد يكرهه يطل
في وجهكك
ريتاج فتحت عينها بصدمه: وليد وش ناويه عليه
وليد مسك يدها وجلسها على السرير مقابله له
وقال بجديه: شوفي ي بنت الناس انا مستعد اعدل بينك وبين

لطيفه بما يرضي الله
ريتاج بسخريه : طيب قبل ماتكمل حكيك ممكن أسأل لطيفه عندها خبر ولا تبي تعدل وهي ماتدري
وليد : هالفتره ماتدري بس أكيد الوضع ماراح يطول ..وأكيد بتدري وبترضى بعد انتي زوجتي مثل ماهي زوجتي

ريتاج رفعت حاجب: وبترضي بعد طيب وانا مايهمك رضاي لاني مستحيل اوافق على هالمهزله

وليد بحده:حياتي معك تسميها مهزله
ريتاج وقفت وبعصبيه صرخت: ايه مهزله لو بتكون بالسر وقال ايش يعدل وانا حضرتي اجلس انتظر متى لطيفه تدري واشوف ردة فعلها ي شيخ روح مابي منك شيء
وليد رفع حاجب: طيب ممكن اعرف ليه هالعصبيه
يعني حنا الحين نتناقش ماله داعي نصرخ ونعصب ترا حتى انا اعرف اعصب ولو عصبت صدقيني ماهو في صالحك وبعدين الي طلبته انا نعيش بدون عناد ومشاكل ماطلبت شيء كبير ابي احس بقدري عندك بس...

ريتاج : وليد اطلع من غرفتي
وليد ابتسم بسخريه: غرفتك بعد
ريتاج بعناد :ايه مدام جالسه فيها غرفتي عندك مانع سيد وليد
وليد قال بأبتسامه : اوك بالعافيه عليك ومن اصله ناوي اسوي لك جناح افتح الغرفة االي بعدها على بعض عشان يصير واسع مثل جناح لطيفه شفتي اني أخاف الله فيكم ومابي اظلم أحد
منكم
ريتاج بغصه طنشت كلامه كله وقالت: قصدك غرفة بندر
تفتحها
وليد بعصييه مسك كتفها بقوه: ريتاج احترمي حالك قبل ماتحترميني وش فيك انت كذا كم مره اعيد واكرر خلاص ابعديه من راسك وخافي ربك قبل كل شيء
ريتآج بألم : أستغفر الله العظيم ماقلت شيء بس سألت
وليد : متأكده طيب والغصه اللي سمعتها صوتك شوي وتنزل دموعك
ريتاج : خلاص وليد انا تعبانه وابي اريح
وليد بحدة: نتغدا وبعدها نامي
ريتاج
اعطته ظهرها ونزلت نفسها شوي وأخذت الشنطه الي رمتها ..في الأرض وببرود ظاهري: اوك وفسخت العبايه ...
واتجهت لدولاب وأخذت لها بجامه ..وبسرعه دخلت الحمام الله يكرم القارئ وأخذت شور بارد ...وطلعت بعد مانشفت جمسها ولفت المنشفه على رأسها. .شافته جالس على الكنبه. .وقدامه الأكل على الطاوله ...اللي قدام التي في..
وليد وهو يأخذ الملعقة : تعالي
ريتاج تقربت منه وجلست على الكنبه
وليد أخذ ملعقه وناولها: سمي
ريتاج أخذتها بهدوء وبدت تأكل ..بس صدق مالها نفس. .وبذات وهي محتاره من هالادمي ..قدامها كذا فجأة جاي يقول لها ابي اعدل ..وليت عدل مثل اي رجل يبي يعدل بين زوجاته لا ..يبي يعدل في السر قد سمعتوا بذي ...صراحه انا اول مره اسمع فيها رفعت رأسي على سؤاله الغبي

وليد : وش رايك في حكيي اللي من تو
ريتاج بلعت القمه وقالت بسخريه: توني افكر في حكيك
وليد رمى الملعقة في الصحن وسند نفسه على الكنب وقال بسخريه:وش طلع مع تفكيرك ان شاءالله خير
ريتاج ناظرته وحست انه يتمسخر عليها كملت معه وقالت بسخريه أكبر : معليش مو موافقه
وليد بدا يعصب صدق معطيها وجهه بزيادة : ومين قال يبي الموافقه وقال بحدة اكثر ريتاج ماشاورك جالس ورجع يأكل
ريتاج رفعت حاجب وهي تشوفه بكل برود رجع يأكل وكنه خلاص قرر : يآرب متى ارتاح
ريتاج ناظرت الملعقه وكيف رماها وقفت واعطته ظهرها: لما تكمل أكلك اطلع وقفل الباب ابي انام شوي وراي مذاكرة
وليد وقف ومسكها ولفها له وقال بعصبيه:ليت فيه احترام شوي بينا يكون مثل قبل
ريتاج ناظرته من فوق لتحت : اوه اسفه غلطت على الكابتن
واي احترام تتكلم عنه تذكر كان انا اطلبه منك اشوف صاير العكس وتتكلم عن الاحترام
وليد بحده: ريتآج حتى الحين الكابتن على قولك محترمك
ومسوي لك قدر
ريتاح
خلاص عرفت كيف حياتها بتكون ..وليد مستحيل ..يخليها في حالها. ..ودها تعرف بعد ما حست ان فرجها قريب وبذات مع جية عصام ..صرخت غصب
عنها: مستحيل وليد وماهو انا الي ارضى على نفسي امشي معك في اللعبه

وليد ناظرها وهو عاذرها ..صدق هو ماهو قادر يقول للطيفه
قال بهمس:ماهو انا الي اغصبك على الحياة معايه اعطاها ظهره وطلع ......
ريتاج
تنهدت براحه يوم طلع ..تقدمت من الباب وقفلت على حالها
بالمفتاح ..هزت راسها وهي ودها تدخل عقله وتعرف وش الي
يحس فيه ...صدق اثبت لها انه ضعيف شخصيه عند لطيفه يوم قلت مقدر اعيش كذا ...كان ودي يقول لي راح اقولها ...اني ابي اعدل مثل حكيه لا اثبت العكس ....
صدق اثبت لها خبثه ومتأكد انه يسايرها جالس مدري لوين بيصل اوك وليد ..انا لك .....

*
*

بيت ناصر
منيرة ..
قفلت من عند امها وهي فرحانه يوم قالت لها سافروا من شوي ..
نست ماتقول ..لها ترسل السواق ..رجعت دقت عليها وقالت
لها ..قفلت وهي تشوف ناصر واقف عند باب غرفة النوم ومتسند
عليه قال برفعة حاجب: خلي عيالي وروحي انت
منيرة وقفت ورفعت خشمها وبتحدي: ماتقدر تمنعني منهن
وعيالي معي وانت روح خلي اسيل بنت عمك تجيب لك عيال غيرهن

ناصر بعصبيه: اقول خليك من هالهرج كله واثبتي لي مرة وحده
انك عاقله وتفكري بعقل ..
منيره بسخريه ميلت فمها:ان شاءالله تشوف العقل الي تدور عليه عند الدلوعه بنت عمك ومرت من عنده ودخلت الغرفه
ناصر لحقها شافها تنزل الشنطه تقرب منها ..حس بضيق وهو يشوفها طالعه ...كيف يعني ..تروح عنه ..والله مايقدر يعيش بدونها ..قال بمحاوله أخيرة ويدري فيها تموت في شيء اسمه فلوس ....: راح اعطيك قد مهرها بس اجلسي
منيره اعطته ظهرها وهي تأخذ ملابسها من الدولاب ...: عادي مانكرهه ارسل لي بالفلوس وانا بيت أهلي
ناصر ولع من برودها وقال : واهون عليك تخليني
منيره ناظرت عيونه ..يالله جالس يلعب معاها أكيد ...يبي يتزوج عليها ويقول يهون علي اذا تركته طيب وانا كيف هنت عليه يوم يبي يتزوج علي بس مستحيل ..انزل حالي له واقوله كذا بهمس : اكيد يهون
ناصر قال بأبتسامه : تكذبي
منيره ضربته على كتفه وهي مبتسمه ابتسامة قهر وشوي دموعها تنزل وهي تحاول ماتبين ضعفها : ي شيح افرح وانت تبي تنفك مني ورفعت راسها وناظرت عيونه ماهو تقول انك مو مرتاح من يوم تزوجتي ..ولو الزمن يرجع فيك

لوراء ماتأخذني ماهو هذا كلامك كل ماتهاوشنا يالله حبيبي دربك خضر
ناصر حس قلبه يتقطع عليها ....صح مغروره وشايفه حالها وبقوه بعد بس والله يحس بكسره في صوتها ...قال بحنان: قلتي وقت مانتهاوش عادي الواحد يكون معصب ويقول اي شيء يعني مفروض ماتمسكي علي هالشي ..

منيره : خلاص ناصر اكيد السواق وصل
ناصر بحدة: منيرة كيف ذي تجي تحرميني من عيالي
منيره : مين قال بحرمك وقت ماتبي حياك بيت اهلي موجود وخذهم بعد معك المكان اللي تبي بس النوم لا
ناصر بقهر :منيره وش هالعذاب مممكن نفكر بعقل وصدقيني الي تبيه انفذه بس تحرميني منك ومن عيالي لا
منيره ابتسمت بسخريه : ي رجآل شوي واصدقك انك ميت علي ماهو جالس تنتظر الموافقه من بنت عمك
ناصر قال بصدق :والله الحين ادق عليهن واقول هونت بس اجلسي ومابي هالزواجه كلها وصدقيني من شوي وانا افكر اني تسرعت
منيره عقدت حواجبها : تسرعت ي شيخ بطل بكش وصدقني لو فعلا هالشي صار من اول مشكله تجلس تعاير انك ضحيت ومدري ايش
ناصر بعصبيه:منيره كم مره قلت لك لا تسوي حالك مظلومه وحنا الظالمين ترا سبب تعاستنا لسانك وغرورك
منيره كملت عنه: وعدم مسؤليتي مافي شيء جديد كل مره تقول نفس الحكي قولي وش حادك قلت بتزوج قلت لك مبروك والقلب
داعي لك .... الحين وش تبي مني خلني اروح ناصر صدقني لو فرشت لي الارض حرير ماراح أجلس وهذا آخر
كلام عندي تزوجت جلست مالي فيك معاد بينا غير العيال بس
وبعد ماولد طلاقي يجيني وسحبت الشنطه ونزلتها وهي تناظره واقف
تقدمها بقهر : هاتي انا آخذها وامشي انا اوديك
منيره : مشكور السواق اكيد برا

ناصر بحده: قلت انا اوديك خلاص افهمي عاد
منيره بعناد : وانا قلت السواق وهي تسحب سلطان وريماس وناظرت الشنطه قالت بسخريه: انت الحقني بالشنطه
خلاص لا تزعل

واعطته ظهرها ونزلت وهي تشوف عيالها واصلين نهاية الدرج صرخت بخوف : بشويش انزلوا ... وفي نص الدرج من غير ماتحس داست على طرف عبايتها وحست ان توازنها كله اختل .وبخوف ..صرخت: آآآآآآآآه