رواية اعشقه كرهآ الفصل الرابع 4 - بقلم زينب عبد المطلب

البارت الرابع
زينب عبد المطلب

بعد اسبوع من موت الشيخ السابق نمير واهل غزل واكيد وصل الخبر لاخوها وابن عمه لامير بلي صار
والوضع استقر تقريبا وبقت كم عشيره موافقت ع امير لان كانت تريد كرم(ابن عم امير) هو الي يترائس بالعشيره
بعد ما عرف امير بهالشي قرر يروح الهم ويجبرهم بطريقته وحتى لو يضطر يقتل شيخهم حتى الكل يخضع اله
طلب امير من فراس انو هو يحل مكانه بين ميروح ويرجع وهالشي ضوج فراس لان يحب دائما يكون قريب من رفيق دربه امير
فراس/صدك امير شخبار غزل
امير/بخير
فراس/وين الخير اذا انت صارلك اسبوع حابسها
امير/انت لتحير بغزل حير بلمياء الي مسويها مثل الخدامه ومخليها تخدم اهنا
فراس/بس ع الاقل دتاكل وتشرب هذه حتموت غزل صار الها اسبوع ومتقبل تاكل بس تشرب المي
امير/اي اعرف ومعليك خليها لحد ما تستسلم وتاكل
وبعد ما بدا امير بتجهيز كلشي للسفر دخلت عليه وحده من الخدم وسالها ع غزل وكلتله نوديلها الاكل بس ترجعه مثل ماهو بس تشرب المي وطلب منها تطلع
راح امير لغزل وكانت طالعه من الحمام ولافه المنشفه ع جسمها وكانت كلما يجي يمها تصرخ وتغلط عليه حتى يغمى عليها ومتحس بشي الا لثاني يوم وكان هذا حالها كل هالاسبوع هذا ومن دخل طلبت منه يطلع بس جاوبها انو هذه غرفته فرادت تطلع وهو وقفها
امير/وين تطلعين لتنسين المنشفه الي ع جسمج هذه مالتي وملكي
غزل  وانت نسيت انو انت شككت كل ملابس وكفت وحطت ايدها ع يده الباب والايد الثانيه ع المنشفه تحدي لامير
كانت نضرات امير قاتله لان مستحيل يخليها تطلع وهي بدون ملابس لان غزل تعتبر ملكه ومستحيل يخلي احد غيره يشوفها
كانت غزل مصره تطلع وكان جوابه الها اذا طلعتي صدكي اشلع عيون كل واحد موجود ويشوفج هي عبالها ديشاقه بس كانت نضراته جديه ومكان يمزح وياها وضلت تلعن بيه وبنفسها لان مكدرت تطلع
صاحها امير بس مقبلت تجي يمه وهو كال لتخافين مراح اخذ منج شي لان انتي صايره مثل الزباله روحي شوفي حالج بالمرايه
كلامه استفزها ولا كانو هو الي دمر جسمها ويوميا كان يغتصبها
غزل/شتريد مني
امير/اخذي هذا التيشيرت وانزعي المنشفه والبسيه
خجلت غزل وامير ضحك
هههههه تخجلين ولا كانو اني يوميا شايف جسمج
لعنته غزل وراحت للحمام واخذت القميص ولبسته ومن طلعت من الحمام وبالرغم من كبر القميص عليها بس هو ظل يباوع عليها برغبه مو طبيعيه وهي استغربت من نضراته قبل شويه كال عليها زباله وهسه صفن
راحت واخذت مخده حتى تنام ع الارض وهو مباشرتا اخذها وسحبها يمه وحضنها حتى ينام لان تعود يوميا يحضنها وينام
انتضرت لحد ما غفه واخذت مخده واول منامت ع الكاع صاحلها وين وجاوبتها انام ع الكاع ولا يمك لان اشمئز منك
امير /رجعي ونامي يمي ولو بس اليوم
غزل/ما اريد
امير وبنبره غضب كتلج صعدي ونامي بمكانج
صعدج غزل وهي مستغربه المفروض هي الي تضوج مو هو ع هالتصرف هذا بس انطت ضهرها اله ونامت مباشرتا لان كانت كلش نعسانه ضحك امير عليها وع عنادها وع لسانها الطويل وياه ونام
(زينب عبد المطلب)
كعد امير من النوم وظل يباوع ع غزل لان الليل كله ضلت تتحلم وتبجي وهو حضنها حتى لتخاف ومن طلع الصبح كام وراح للحمام ومن طلع شافها كاعده وكانت تباوع عليه بنظرات حقد وسالها
امير/الليل كله ضليتي تتحلمين وتصرخين من شنو كنتي خايفه
غزل/اكيد حلمت بيك لان انت اسوء كابوس الي
امير /ههههههه بهالحاله اني اخليج تصرخين انتي صاحيه وانتي نايمه
راح للباب بعد ما لبس ملابسه
غزل/امير الا متى حظل محبوسه بهالغرفه ولتخاف مراح انهزم
امير/اصلا متكدرين تنهزمين لان حظل ادور عليج واجيبج لو بنهايه العالم و حقلع كل واحد شافج  بعينه
غزل/وشوكت راح اطلع
امير/من امل اني منج بذيج الحاله اطلعج منا وتركها وراح وهي كامت تصرخ وتضرب بروحها سد الباب وراح وطل يضحك ويكول هذه حتكون السبب بموتي اكيد من كثر عشقي الها
دخل امير لصاله الشيوخ وشاف فراس نايم بمكانه وكال تدري اني قتلت اخويه علمود هالمكان ياترى انت شنو حسوي بيك علمود هالكرسي
فراس/ولك اني الليل كله منمت حتى احضر الك كل امور سفرك ونمت بدون ما احس وانت هيجي تحجي ويايه
امير وبعد ما كعد بمكانه كال وبسخريه/عبالي طمعت بالمكان هههه
فراس/لتخاف ما اخذه اصلا هالمكان مو مريح كسر ركبتي
وبعدها اتحضر امير وبلغ كل الرجال والشيوخ انو فراس حيكون هو نائب عنه من يروح والكل استغرب وبعد ما خلصو الاجتماع
(زينب عبد المطلب)
فراس/اوووف ممصدك الاجتماع خلص
امير/انجب واسكت وانت كل الوقت كنت نايم لتذمر شلون حتركك بمكاني ما اعرف شلون
فراس /اصلا المكان حيكون ممل بدونك وبدون مؤامرات 
اكولك امير شنو اخبار غزل مبين البارحه ليلتكم كانت قاسيه
امير/وشنو الي خلاك تكول حيجي
فراس/شوف ركبتك مدمره كلها خدوش
امير/ههه حضر الخدامه صديقتها تروح عليها
فراس/اول شي مو اسمها خدامه عدها اسم وهو لمياء
امير /اذا عدها اسم ليش تخليها تخدم
فراس/شوف امير اني اسالك ع غزل بس ما ادخل وانت هم لتدخل بموضوع لمياء لان هي تخصني واني اريد اربيها لان حضرتها تستنكف مني
طلع فراس وشاف لمياء بره ومن كثر التعب نايمه بمكانها وايديها مبين عليها التشقق من وره الشغل وظل صافن عليها وع لون شعرها وع جمالها وشكد يحبها من هي صغيره وحاول يصادق كومه بنات حتى يبعد عنها اوينساها وشلون قتل ابوها واتامر ويه امير لان ابوها راد يزوجها فلاح بس هو مقبل بهالشي وقتله
كعدت لمياء وشافت فراس رادت تروح وهو مسكها بعدت عنه وباوعت عليه بأشمئزاز وهو ضاج وكال الها ارجعي بمكانج لا اشوه وجهج
رجعت لمياء وهو كال الشيخ امير يكول روحي زوري غزل
فرحت لمياء ومصدكت انو هي حتزورها
فراس/روحي الها واخذيلها ملابس وخليها  تاكل لان صار فتره ترفض الاكل يله روحي مادام امير راح
لمياء/طبعا متاكل اذا اهلها ماتو وابوها كدام عينها شلون تريدها تاكل
فراس/وبلغيها انو اخوها راح يم الشيوخ الي رافضين حكم امير بلكي هالشي يريحها لان مدا اتحمل الي ديصير بيها وهو اتجاوز كلش الامور الي ديسوي بيها وهذا اقل شي اكدر اسوي الها
لمياء/صدك يعني انهزم يعني عرف كلشي يعني محد يكدر يوصله
فراس وعيونه تجدع نار /وشدعوه انتي هيجي فرحانه
لمياء/اني رايحه لغزل باااي
فراس كانت يكره اخو غزل لان هو كان حاس انو هو ولمياء يحبون بعض وراد يقتله بس امير اتصل ع المدرسه الي كان هو بيها وطلب منهم ميطلع منها وهمه وافقو

وللحكايه بقيه
اكيد احب اسمعك رايكم بهالبارت وتوقعاتكم😘