رواية اعشقه كرهآ الفصل السابع والعشرون 27 - بقلم زينب عبد المطلب

البارت السابع والعشرين
زينب عبد المطلب

لم...اكذب...اني..احببتك.
لم...اكذب..قط..في..حبك..
شوقي..حنيني
..قادني..اليك..
وبسرعه .الضوء..اصبحت
بيت..يديك..
لم...اكذب...حين
..قلت..اكرهك..
دفعني..غرورك..
.وكبرياءك..لقتلك
مزقتُ....طفولتي...واتعبت.شبابي..
وسكبتَ..لي..المر..
.في..كاس..شرابي
اخذت..مني
..امني..واماني..
اعلنت...حربي...
على..نفسي..لااني..اكذب..
اكرهك...واسال..عنك..
واشتاق..الى..لمسه..يدك..
واحن..لى..طعم..شفتاك..
اني..اكذب...لم..اكرهك..
بل...ذبتُ...في..حبك
ارحمني...ولا..تتمادى..
في..عذابي..فكن..حذرا..
وترحم..بي..واجعلني..
اميره..حبك..

بعد ما صار اغماء جماعي امير اخذ غزل ولمياء وبلغ الي وياهم واخذهم للبيت لان عرف همه ضيوف ابو خطيبته صحت لمياء وملاك شافت شلون امها تباوع ع هالشخص وحست شاون خايفه منه يعني حتى مشكرت من عنده
وصلو لبيت الشيخ الي استقبلهم
وعرف انو غزل تعبت بالطريق فدخلوها للغرفه مباشرتا ضلت لمياء رايحه جايه وتفكر بخوف وسالت الموجودين علمود امير وكلولها انو اسمه جود وهو من كان صغير ربوه اهنا استغربت معقوله اكو هيجي شبه  بس العيون تختلف هذاك امير عيونه كلها رعب وخوف
بس هذا عيونه مبينه بريئه
كعدت غزل بس كانو بعدها نايمه متقبل تتحرك من الصدمه لمياء كلتلها انو مو هو بس مفرق عند غزل شي لان هو نفسه رجعتلها كل معانتها الراحت لمياء تضرب براسها
ملاك.  ماما ليش اضربين براسج
لمياء. حبيبتي طلعي بره شوفيلج احد تلعبين وياه
ملاك. تمام بس اكولج ديري بالج لتتخبلين
ضاجت لمياء وتباوع ع حال غزل لازم تروح وتتاكد من سالفه هالشخص ليطلع صدك امير عزه شكوللها لغزل اي هذا زوجج رجع الي كان سبب بموت كل اهلج الي دمرج والي عبالنه مات طلع عايش لا خلي اتاكد حتى ارتاح
امير جان كاعد يم الاسطبل وجان يفكر بغزل مستغرب شلون هالانسانه من نضره وحده حس انو هو يعرفها ويريد بس يشوفها بعد عكس كل الشافهم قبل
وبعدين ليش من شافتني اغمى عليها هي وصديقتها  لازم ابعد هالافكار من راسي اني عندي وحده تحبني ولازم احبها وهذه مزوجه من الشيخ يعني بس لان كانت حلوه كلش حبيت شكلها
وهو ديفكر اجتي عليه ملاك باوع عليها وصفن حس بشكلها انو هي تشبه تحد يعرفه بس مديذكر
ملاك. مبين عليك صفنت لان سالتك ومرديت
امير.  هااا شكلتي
ملاك. كتلك شنو اسمك
امير. اسمي جود (لان ميذكر اسمه ومها كلتله اسمك جود)
ملاك. اهااا
اني اجيت حتى اشكرك لان ساعدت امي وخاله غزل
انعصر كلب امير بس ذكرت اسم غزل
ملاك. يله اني اروح لان اكيد امي تريدني لان حاستها حتتخبل ما اعرف ليش
امير. ههههه مبين لسانها طويل مو بعمرها
اشوفج بعدين ملاك
ملاك. اتفقنا وتصافحت وياه وراحت

لمياء راحت ع غزل تركض
ولج غزل مو هو صدكيني مبقيت احد مسالته كلها تكول من هو اصغير عايش اهنا وخاطب بنتهم  ويحبها وتحبه وبعدين لو هو امير جان هسه اني وياج ميتات
صحيح لمياء تحجي بس بعقلها مقتنه هو امير
غزل ساكته لحد الان ومصدومه وكانو ماكو شي كدامها تباوع افراغ  وتذكر شكله من شافته ع البحيره وهو يباوع عليها
لمياء خافت ع غزل لان شكلها ميطمن
غزل احجي اي شي لضلين ساكته
غزل. تدرين كم مره طلبت منهم ينزلون بالوادي ويدورون عليه كل هالاسنين واني ادور ع جثته وماهي
لمياء. شنووووووووووورووووووو

غزل. تدرين لمياء عمري مكلت ليش من مات ابويه وامي مكلت ليش من راح اخويه مكلت ليش من اغتصبني ولا كلت ليش من سعادتي وياه راحت ولا كلت ليش من ابني راح بس هسه حكول ليش ليش حيرجع ولج بعد ما اتحمل والله تعبت صدكيني صار خمس سنوات يوميا اذكره بس تعودت هو ماكو صحيح حسيت اني ميته بس جنت اتنفس

لمياء. كافي غزل مو هو
غزل.  لمياء اني اعرفه كل ذوه بجسمي تعرف امير
لمياء. زين اذا هو ليش معرفج
غزل. ما ادري بس كل الاعرفه انو هو هذا اميرر
امير بالاسطبل واجتي مها يمه وجانت ملانه من وجود غزل ولمياء هي لحد الان مشافتهم لان اول مجوي كالو تمرضو وراح يستضافوهم اليوم ع الاكل
مها. حبيبي اتحضر لان اليوم حنشوف الخانم غزل هالعجوز منين اجتي مادري
امير تفكيره مو يمها فقط مركز ع غزل
امير. هااا
مها. شبيك حبيبي دا اكولك امشي نبدل علمود العزومه
امير. تمام بس حصاني فراس انطيه الاكل والحكج
مها. ليش سميته فراس
امير. ما اعرف حسيت نفسي احب هالاسم
وكانو سامعه قبل
مها. يله لعد كمل حتى نتحضر
راحت مها وبقى امير حتى ينطي لحصانه الاكل

غزل شافت خوف لمياء بعينها وتدري مو خوفا ع نفسها لا خايفه ع بنتها واصلا يكفي الواحد يعرف امير عايش يخليه يرجف
لمياء. راح اروح لابو مها واكوله احنا نريد نرجع بعد ما اتحمل كافي
لمياء جانت تفكر وتدري انو غزل راح تظل وراه لحد متتاكد منه  فرادت تحميها من نفسها وترجع بدون تفكير  وبدون حتى متسال
بقت غزل سااعات وهي كاعده وحده وصافنه اذا هذا امير لعد ليش مذكرني  واذا طلع هو اني شحسوي حيرجع وياه الخوف والحزن والوجع  اذا رجعت حتظل تفكر هو احتمال عايش يعني لا هو ميت ترتاح ولا هو عايش ترتاح
لازم تروح وتتاكد جسمها كله كام يرجف  وخصوصا اذكرت انو امير هو سبب تعاستها هو اخذ امها ابوها واخوها وبسببه موتت ابنها رجعت كل اوجاعها حتى واذا هو عايش ما ممكن افرح لان هو سبب كل تعاستي

امير بعد ما كمل وراد يطلع من الاسطبل اندار وشاااف ......
غزل واكفه وهي صافنه عليه وجسمها يرجف اول مشافها نزل عيونه بس بلحظه رفعها مكدر يمنع نفسه ميباوع عليها استغرب انو شلون هالانسانه سيطرت عليه
امير. انتي ليش واكفه هناك تريدين شي اساعدج بيه
استغربت غزل من طريقه كلامه وشنو السالفه هذا امير شكله صوته بس نضره عيونه مو هي
وبلحظه وبدون اي مقدمات ركضت وباسته من باسته هو اجمد بمكانه بس حس انو هالشفايف مو غريبه عليه وهو بادلها البوسه وحس بيها شلون متلهفه عليه
حست غزل ع روحها ودفعته باوع عليها مستغرب

غزل. لعبه جديده منك صح
امير. ظل امير يباوع عليها وصافن وكانو دتحجي مو وياه
غزل متاكده وتاكدت هسه هذا امير بس ليش هذه تصرفاته ويايه
غزل. انت منو
امير.  اني جود

غزلل مستحيل مبين من عيونه يحجي الصدك
غزل. زين ياجود انت تعرفني لو لا
امير.  اي
غزل وكف كلبها
امير. انتي مرت الشيخ
ضاجت غزل ودفعته وراحت وهو كلش ضاج من تصرفها الممفهوم حط ايده ع حلكه واذكر بوستها وبشرتها وشعرها ونعومته وعيونها الي حس بروحه داخ بيها
ركضت غزل ودخلت للغرفه
وكعت بالكاع وشويه تضحك وشويه تبجي
اهم شي انو هو ممات وتضحك ع قدرها الي لعب بيها وخلاها ترجع لنقطه البدايه خمس سنوات هو عايش وهي متوقعته ميت صرخت وصراخها من كلبها ااااااااااه ه ه ه
ليش ليش رجع كلشي حيرجع هسه الذكريات.  الكراهيه. الانتقام. الحب. العشق.
ضربت الكاع بكل قوتها وتصرخ

وقت العشاء
الكل مجتمع مها وابوها وامير ماعدين ينتضرون والملل بين ع امير وعيونه ع الباب ويضرب باطراف اصابعه ع الميز
مها. حبيبي بيك شي
امير. لا
وبهالاثناء انفتحت الباب اتوقع غزل اجتي ومن شاف بس لمياء ضاج سلم عليها وبين عليها الخوف وهو مستغرب
لمياء. اني اسفه اجيت وحدي بس غزل هم تعبت
ابو مها. عادي مصار شي
اتفاجئت مها من شافتها لان عبالها عجوز او محلوه بس طلعت عكس توقعها
وكعدو يسولفون ع المزارع والحصاد والبساتين وابو مها جان مفكر انو حيستفاد منهم بهوايه امور
كاعدين وبدوا ياكلون واندكت الباب باب الصاله فتحوها والمفاجئه
غزل اجتي
وهي بقمه جمالها وانوثتها ومتقصده سوت هيجي
لمياء تعرف غزل من تلبس هيجي يعني وراها مصيبه
عزل. اسفه اتاخرت عليكم
ابو مها. عادي مصار شي
مها. الصدمه مبينه عليها يعني اتوقعت عجوز او بيها شويه شوفه بس مو بهالجمال مباشرتا مها مسكت ايد امير وقدمته لغزل
هذا حبيبي وخطيبي وقريبا يكون زوجي
امير من دخلت غزل عيونه منزلها عنها حس داخله بركان من شافها هيجي طالعه حلوه اتمنى يحضنها وبس هو يباوع عليها وفز من صفنته من غزل مدت ايدها وتسلم عليه
وقدمولها الاكل وشافت لمياء شلون متوتره شاورتها
غزل. لمياء اطمئني هذا مو امير اني اتاكدت ارتاحي حبيبتي
لمياء حست جبل انشال عن ضهرها واخذت راحتها
غزل كذبت حتى لتظل لمياء تخبصها بالرجعه لحد متتاكد من سالفه امير
بعد العشه كعدو يشربون قهوه غزل تريد تسال بس متريد كدام لمياء لحد ما اجوي عليها وكلولها انو ملاك تريدها
غزل. فديتج يملاك دائما تنقذيني
لمياء. غزل لتسويلنه مشكله اتاكدنه مو هو فخلص معلينه بيه
غزل. تمام روحي
وبعد مراحت لمياء فرغت الساحه لغزل
ممممم اكولج معا احجولي عن قصه حبكم لان اني احب قصص الحب الي تنتهي بزواج
مها فرحت. وكالت احنا ربينه امير من هو صغير وحبينه بعض وخطبني
غزل. وااو يعني تزوجين واحد لا اصل ولا فصل اله
ضاجت مها. شنو لا اصل وفصل هذا جود خطيبي
غزل. اسفه مقصدي بس هذه الحقيقه
تعمدت غزل هيجي تحجي حتى تثير امير بكلامها
زين كملي او اكولج خلي جود يكمل
امير. الصراحه ما اذكر من وره الحادث
رجفت غزل من سمعت حادث
غزل. حادث شنو؟
امير. قبل خمس سنوات صار عندي حادث وفقدت الذاكره وكلشي بعد ما اذكر
عرفت اهنا لا اصلا هي متاكده هو امير بس رادت تعرف شنو سبب تغير تعامله وياها وعرفت كل هذا لعبه من مها حتى يصير الها
والي نرفزها اكثر خمس سنوات وهو يمها يم مها وعايفها وكلش استفزها هالشي

ابو مها. طبعا احنا كلش فرحنه بوجودج ونتمنى تبقون يمنه حتى ازورج كلمزارعنه والبساتين واشوفج الانتاج وكلشي
غزل. ان شاء الله واني اترخص اويد اروح انام
ابو مها. جود روح ويه مرت الشيخ وصلها لغرفتها
مها خزرت ابوها بس امير مباشرتا راح و وافق يوصلها
غزل مستمتعه وهي تمشي وهو وراها لحد ما اندارت. عادي ارجع اكدر امشي وحدي
امير. لا ميصير لازم اوصلج
غزل. ها اي مو نسيت انو انت تسمع كلام اسيادك وزين هو قابل بيك وانت هذا وضعك علمود بنته
امير. مثل ما هو وبنته رايديني اكو ناس قبل كم ساعه ديبوسون هالشفه
ضربته غزل وعصبت وشافت شلون عيونه احمرت اي هي هذه نضرات امير
يله مثل الكلب حتروح وتهرول لاسيادك

قرب وجه عليها وكامت ترجف وكال. تامرين هسه اروح
راحت ومن اندار شاف لمياء
اعذرها اذا معصبه بس المشكله بيك
امير. اني ليش
لمياء. لان انت تشبه شخص هي جانت تعرفه وشبه كل قوي بينكم واذا عصبت منك معناها اذكرته
امير. زين هالشخص كانت تكرهه
لمياء. تكرهه وتحبه تحقد عليه وتعشقه وهو يعبدها بحبه بس حبهم مكان كافي الهم وخلاهم يتفاركون وراح ومات وهي ازوجت الشيخ الي يقدرها
ضاج امير يعني هي باسته لان اذكرت هالانسان الي تكرهه وحس بالغيره منه حتى لو ميت ليش تذكريني بيه
ثاني يوم

كعدت غزل ولكت روحها نايمه بالكاع واذكرت امير يعني الخطر رجع لحياتها بس بداخلها اكو فرحه انو هو عايش وبعده موجود اذكرت من باسته وشلون حست هو مشتاق الها بالرغم من هو فاقد الذاكره بس بعده يريدها
هالشي فرحها وقررت متكول لاي احد لان تدري اذا عرفو بيه عايش معناتها يقتلوه فقررت حاليا تستمتع بما انو هي لسانها طويل وتغلط عليه وهو ساكت والله لو ع قبل الا يشك حلكي بس همزين ميذكر وهالشي حيسليني
كامت وبدلت ولبست فستان ازرك طويل ورفعت شعرها وطلعت روعه دخلت ملاك
ملاك. واااو خالتو طالعه تخبلين
غزل. مو احلى منج يا ملاكي وين امج
ملاك.  ما اعرف كالت حتروح وين النسوان حتى تشوف البساتين
غزل. لعد امشي اني اطلعج امج حقيره راحت تونس روحها
ملاك. زين وين حنروح
غزل. حروح نلعب بالنار😈

امير جان كاعد ويه ابو مها واعصابه صايره ناار من طلب ابو مها هو منا منايم من وره كلام لمياء من عرف غزل باسته بس علمود يشبه احد
ومنا هذا طلب منه يكون دائما ويه غزل وين متروح اذا تحتاج شي هو يمها
امير. عمي ملكيت احد غيري
الاب. لا بس انت وبدون نقاش  والصراحه هي رادت هالشي
امير. يعني هي الرادت بسيطه والصراحه اني اريد هالشي
تمام عمي موافق بس اسبوع واحد

طلع امير ولكه غزل وملاك ومها واكفين ينتضروه لان مها راح اطلع غزل وتشوفها المنطقه
مها. حبيبي فرحانه اني لان انت حتجي ويانه
غزل. بعدين فرحي لان استعجلنه
مها وامير ضاجو بس ملاك مدت ايدها تسلم عليه
غزل. ومنين تعرفيه
ملاك. هذا جود صديقي الجديد
غزل.  اي طبعا مو بنت فراس اكيد راح تحبها الدم يحن تحجي بداخلها

وطلعو كلهم وغزل وحركاتها كدام امير دمرته ومها الطريق كله والطلعه كلها مسكتت كعدو حتى ياكلون وعيون امير منزلت عن غزل ابدا
ملاك. اريد حمام
غزل. يله امشي اوديج
كام امير وراهم وشاف غزل واكفه تنتضر ملاك انتبه عليها من وره اكو بركبتها اثر ضرب
امير. منو ضاربج بضهرج
غزل صفت وحست الدم مديمشي وجاوبته
اجلدت 100جلده بتهمه الخيانه
امير. منو الي سوه بيج هيجي صدكيني اقتله
غزل. الي سواها بعده عايش بس الي صبرني بعد الضرب الي اكلته صار شي غير كل حياتي واذكرت عرسها ويه امير
قرب امير عليها رمسكها من ركبتها غزل فقدت ومحست بروحها بس من ملاك طلعت من الحمام واخذتها ورجعت والطريق كله عيونها مرفعتها ع امير وهالشي ضوجه
وصلو ومها راحت وكلتله تنتضر تشوفه قبل متنام لان هو شال ملاك حتى يوديها بفراشها لان نامت ولحد موصلو للغرفه وهي وياه ساكتين
غزل. شكرا يله روح
ضاج امير. ليش اروح ضلي باوعي عليه مو شكلي يذكرج بواحد
انصدمت غزل وعرفت لمياء الي كلتله
غزل. اي زين عرفت سبب تصرفي وياك البارحه ليش هيجي صار من وره هالسبب
امير. اي بس لهالدرجه متكدرين تميزين بيناتنه
غزل. روح
امير. زين سؤال من بستيني حسيتي بيه لو بيه
غزل. اميررررر مافي اطلع بره وحطت ايدها ع حلكها لان كالت اسمه
امير. اني مو امير اسمي جووووود لتخلطين بيناتنه فهمتي
شافت غزل شلون عيونه صارت تخوف ويشد باعصابه حست جسمها كله يرجف رجعت وره وهو تقدم عليها ميبعد وجهه عنها بس مسافه قصيره
مسك ايدها وحطها ع كلبه وهو يدك بسرعه وعيونه حمره
دسمعين دتحسين بكلبي من شفتج البارحه لليوم هذا حالي ولج كل ذره بجسمي صارت ملكج وما اعرف ليش اني انسان عصبي وما اتحكم باعصابي فلتختبرين صبري ابداااا
وشغله ثانيه لتنسيها ابدااا اسمي هو جوود مو اي احد ولتخربطين بيني وبين واحد ميت
غزل بس ساكته وباوع عليها وطلع
كامت ترجف اكثر بس طلع وكعت بالكاع
اني شسويت صدك اني دا العب بالنار بس هالمره مو وحدي ححترك لا العالم كله حيحترك ويايه
كامت تبجي بصوت ناصي بس ملاك سمعتها
ملاك. خالتو ليش تبجين
غزل. ماكو شي حبيبتي بس شويه خايفه
ملاك. مممممم تعالي اني احضنج وانومج لتخافين الوحش جوه الجربايه ميطلع النه اذا نمنه
ضحكت غزل وحضنتها ونامو سوه

كعدت الصبح وراحت هي وملاك ولمياء يتريكون وضاجت من مشافت امير بعده مجاي ولمياء حست عليها شلون ضايجه
دخل امير وهي بس شافته بعد مرفعت عيونها عليه وهو بحسره نضره منها لحد ما حست لمياء بنضرات امير لغزل فسالتهم شوكت تزوجون عرفت غزل معنى سؤال لمياء يعني عو مو امير ومو الج
مها. مبقى شي ونزوج
غمضت غزل عينها وهي تسب مها وابوها انتو الي قشمرتو عليه واخذتو زوجي مني خمس سنوات بكذبكم صح نقذتو الكل من شره بس حكمتو عليه بالموت بفراكه
لمياء.  يعني لازم تبلشين تحضرين بتجهيزات العرس
رفع امير ايده وحطها ع حلكه وهالحاله عنده من زمان مغيرها من يضوج من شي او يعصب يحط ايده ع حلكه ومبين ضاج من قرب يوم العرس

لمياء. اه لو اشوفون عرس غزل شلون حلو ولا عرس الاميرات
ضاجت غزل من لمياء. اكولج لمياء يا عرس منهم عرسي بامير لو كرم
انصدمت لمياء من حجايه غزل وسكتت
ضحك امير وعيونه ع غزل ويفكر يعني زوجج امير وهو الي كلما تشوفيني تتخيليه

مها. يعني ازوجتي مرتين
غزل. اي تريدين احجيلج
لمياء. كافي غزل

غزل. زوجي الاول اسمه امير شايفه الشيطااان هو بعينه وعنده مشاكل نفسيه هووايه  جنه اني وياه اصدقاء الطفوله بس قتل امي وابويه واخويه وخطفني واغتصبني وجلدني وكل ضربه يضربها بيه اصل للموت واخر شي مااااات وازوجت كرم  وهو مثل الملاك نادرا متلكين رجال مثله يبوس التواب الي امشي عليه  حبني ودار باله عليه وداراني ويحبني للموت
سكتت وشافت الكل صافن عليها وامير عيونه راح تطلع وكانو الموت بعيونه رجع كامت وبدون اي كلمه طلعت ولمياء ابتسمت ولحكتها
مها. اني حنت اتوقعها مو طبيعيه بس هسه عرفت انو هي اصلا مخبله
امير من سمع كلام غزل ع امير ورغم تعذيبه الها بس بعدها تحب امير زوجها والله لو بعده عايش جان قتلته
(حقك متدري اصلا هذا انت😡)

مشت غزل ولمياء وراها
لمياء. غزززززل اوكفي
غزل. شوفي ادري اني غلطت بس منطتها لمياءتكمل كلامها وضربتها راشدي انصدمت غزل
لمياء. شبيج انتي فهميني شفتي شلون يباوعون عليج بشفقه ذليتي روحج كدامهم
استغربت غزل اول مره تشوف لمياء هيجي تصرف وياها. انتي مدتفهميني اني
لمياء. لا غزل اني افهم كلشي وعندي عيون واشوف بيها اعرف بيج تنهارين من اشوفين هالانسان كدامج ويه وحده غيرج بس مو هو تره مو بس انتي مركز الكووون
غزل. شقصدج
لمياء. قصدي جود الي انتي تباوعين عليه وبنضرات حب ولج الرجال يومين وياه وصل مرحله عيونه متنزل عنج ليش تخليه يحبج ليش تخليه يدمر حبه ويترك خطيبته علمودج
غزل.  تخبلتي اني ما افكر هيجي
لمياء. صدك كمت تقهريني او اكلج شي كرم قاهرني اكثر منج اهمالج اله ومتحبيه ولا تعامليه كزوج ولج حتى اراهنج من اجينه لحد هاللحظه مفكرتي بيه كل تفكيرج بشبيه امير وكرم ميستاهل منج الحب سوه المستحيل علمودج بس انتي تفكيرج بس بامير ولج الخيانه مو اله بالجسد الخيانه حتى بالتفكير
اني احبج غزل بس كااافي
غزل.  كامت تبجي من كلام لمياء وفعلا فكرت انو هي بس عرفت بامير عايش نست زوجها وبيتها والامان الي عايشه بيه
ولاول مره اتمنت امير ميت
اعتذرت من لمياء بس عافتها وراحت لحد ما سمعت صوت امير. شبيج
غزل. مابيه شي رووح واندارت ورجعت تبجي
امير متحرك ابدا. وحس روحه ديتكطع بجيها
امير. اسكتي شتريدين اسوي علمودج بس سكتي
حست غزل بدفو كلماته الها. شعليك انت
امير. لان احس كل دمعه تنزل منج تحركني حرك
شهكت غزل وكلبها كام يدك سريع اشتاقتله لحد الموت وتمنت تحضنه واتاكدت بأنانيتها وكلام لمياء صحيح متفكر بس بروحها واذكرت كرم ميستاهل منها هيجي تسوي
غزل. انت مو مستعد كلشي اسوي علمود ما ابجي
امير.  اي
غزل. لعد لتخليني اشوفك بعد
كلما اشوفك اذكره واذكر حبي اله بس هو بكلبي حيبقى حتى لو ميت
اني عاملتك بكره مو لان اكرهك لان معصبه منك لان تشبهه وهو راح ومات وعافني ولهالسبب من اشوفك ابجي لان انت اذكرني انو هو ماات
ضاج امير لان هو حبها وهي تشوفه وتفكر بزوجها
امير. بس تدرين ابو مها كلي اروح وياج وين متكونين
غزل. تمام بس من بعيد واتمنى تحترم هالشي لان كم يوم ورايحه
امير وبعصبيه. تمام
راح امير وغزل قررت تتركه لحياته الجديده خليه عايش بفقدان ذاكرته لان حياته هسه احسن من قبل

مررت اياام
وامير مشوف وجه لغزل نهائيا وقت الاكل يتحجج حتى من كاعده وحدها تحسه يباوع عليها بس متشوفه وعرفت من ملاك لان هي دائما تروحله اتكوللها مبين عليه تعبان ومينام
بس هي قررت اتركه لحياته ومحد يعرف بيه عايش ابدااا

بالليل وغزل وحده بالغرفه تفكر بامير احوي يسالوها ع ملاك لان ماهي وامها حتتخبل عليها
طلعت غزل ومخلو مكان مدورو بيه وهي ماكو لحد ما فكرت بالاسطبل لان ملاك تحب الحيوانات راحت ولكت اكو ضوه جوه دخلت وشافت امير كاعد ولازم خنجر بيده وعبالها ملاك الموجوده
غزل. مشفت ملاك ماهي
وامير ميرد
غزل. شبيك اطرشيت مشفت ملاك
وسمعت صوت يكولون لكينه ملاك هياتها
غزل. الحمد لله ومن دتطلع امير كال
امير. يعني وجهي يذكرج بيه
اندارت غزل وهي ترجف
امير. من وره هالوجه ما اكدر ابقى يمج من وراه ما اكدر اباوع بعيونج لوما اشبهه منهزمتي مني
غزل. انت شتريد
امير. اريدج
غزل. مستحيل
امير.  من وره وجهي موو
رادت غزل ترد انو هي مزوجه ومتخون زوجها بس امير حجه
امير. فهمت من وره وجهي وبدا بجرح وجهه بالخنجر عاطت غزل وهو يبتسم ويجرح بخده وهي جمدت بمكانها
وراد يجرح خده الثاني بس غزل ركضت عليه وبعدت الخنجر
امير. وهسه هم مراح تباوعين عليه
غزل. انت مريض
امير. بيج
غزل. كافي لتحبني اني مو الك
امير بعصبيه. لا الي
غزل. لا اني مزوجه واحب زوجي
بلحظه كام امير ومسكها من ركبتها ودفعها ع الحايط
امير. انتي الي وانسي تصيرين لغيري
غزل. اني مو الك اني ملك زوجي
امير. وربي اقتله لج انتي الي باوعي عليه وحبيني الي مو تتخيليني زوجج الميت
ليش مو رجال اني كدامج
غزل. وعمرك مصير رجال مثله
امير. اذا تريدين اقنعج ما عندي مانع ودفعها اله وباسها هي تبعد وهو متمسك بيها لحد ما جمعت كل قوتها وراحت تركض لغرفتها بكل سرعتها وقفلت الباب و اندارت وشافت من الشباك احد ديدخل واتفاجئت بامير كدامها
امير. ديري بالج تنهزمين مني بعد فهمتي لو لا
غزل. روح انت شنو جابك اهنا رووح
امير. اتخبليني زوجج امير صح اغار منه بس تخيليني ولو بوسه وحده منه
غزل   وهي مشتاقه اله كل هالخمس سنوات وهي تتمنى حضنه
غزل. بوسه وحده مضر
قربت شفتها عليه والبوسه الرقيقه تحولت لعنف لاشتياق لبركان حست بالزمن وهو واكف بس الهم رجعت ملكت الدنيا من جديد وهو يعرف انو هي تتخيله زوجها بس موافق ع هالشي وبهالاثناء اندكت الباب
غزل تباوع ع امير بخوف
امير. لتفتحيها خليح ويايه
غزل. لحظه امير
وصاحت.  منو
كرم. اني  فتحي الباب
........
يتبع
زينب عبد المطلب

اسفه اتاخرت عليكم بس نزلتلكم بارت طويل جدا تعويض ع تاخيري
شنو رايكم بالبارت
وتوقعاتكم😍
صوت مع تعليق ومتابعه