رواية اعشقه كرهآ الفصل السابع والثلاثون 37 - بقلم زينب عبد المطلب

البارت الاخيرر
زينب عبد المطلب

الصبح فز فراس ع صوت الصراخ الي بالبيت معرف شنو الصاير مسكته لمياء من ايده وبخوف
لمياء. شكو شنو الي صار

وكف بسرعه وبدل ملابسه وكال لمياء. كومي بسرعه وروحي ع ملاك لغرفتها ومطلعون منها الا اني اجيكم
لمياء. بس فهمني شكو وشنو هالعياط
اجاهلها فراس وكمل تبديل ملابسه وكال. سوي الكتلج عليه وراد يطلع
لمياء. هالمره حنتضرك دير بالك تخطط شي وحدك هالمره مثل قبل وربي اقتلك هالمره
فراس. تخبلين وانتي معصبه
بس صدكي ما اتركج هالمره لو اعرف يطلعون كلبج من مكانه ولا اجرحه اني وطلع
لمياء. ياربي ليش كلما نصالح بالليل ثاني يوم الصبح تصير مصيبه والله تعبت شنو هالدرجه احنا مشؤمين

طلع فراس وشاف الكل يركض صاح شكو. وجاوبوه. الدنيا انكلبت يمعود راح نروح
فراس. وين نروح مو ع اساس بعد يومين نطلع
شبيك شنو متدري مو كرم اجه
تحول شكل فراس وصار وجهه اصفر ومرعوب
فراس. شنووو وين اجه اهنا وع اي اساس وليش وشلون دخل الحراس وين جانو بس لحظه هو ليش اجه؟؟؟
فراس انت قافل من الرئيسي ولك اخذ غزل وخدر كل الحرس وحتى امير طلع حاطيله المخدر بالشرب لان محد يكدرله وهو صاحي فراس اهنا ارعب بالزايد وكال. شلون يعني هسه راحت غزل اخذها كرم
اي اخذوها ودخلنه ع امير لكيناه واكع وضاربيه بضهره بس ضربته مو خطيره وكل الكاله النه استعدو نروح الهم وخفنه نحجي اي شي رحنه ع الدكتور وربي من كلناله تعال كام يبجي من الخووف لان شكل امير صدك يخوف وخايفين لينفجر بأي لحظه
فراس. وربي هالمره اذا لزمت كرم الا اسلخ جلده هالجبان النذل عرف نفسه هالمره خسران واخذ غزل حتى يعرف شلون يوكع امير
وهسه تحضرو منا لساعه طالعين وروحو شوفولي من الخاين الي خدر الحرس وامير اني رايح اشوفه

وكف فراس كدام غرفه امير وماعنده جرئه يدخل مو خوفا من امير لا بس ماعنده شجاعه وهو يشوفه بهالحاله لان يعرف بروحه غزل انقتل امير من جوه ضاج من نفسه لان هو مكان موجود ويحميه بس مو وقت العتب والملامه هسه لازم يتقوى ودخل للغرفه وشافه نايم ع بطنه والدكتور معالجه وامير صافن سال انير الدكتور الواكف وشكله كان كلش خايف
فراس. طمني عنه
الدكتور. الجرح مو عميق مبين مكانو ناوين يقتلوه بس جسمه كان مخدر بس بدا مفعول التخدير يختفي
فراس. تمام يله اطلع
الدكتور. لا هذا واجبي وطلع يوكض
ظل كرم يباوع ع امير وميحجي شي ميعرف شيكول وامير الصافن يدري بيه ديتوجع وره فتره تحرك كرم وكعد بالكاع يم سرير امير وظل ساكت لحد ما حجه امير
امير. اخذها من ايدي وكدرت اسوي شي صرت مثل الذبيحه واكع بالكاع وهمه ياخذوها مني
فراس. لا اخذوها منك بالغش اخذوها منك لان اكو خاين اهنا ساعدهم بس وراس بنتي الا ارجع غزل لو اعرف اموت بس الا ارجعها

امير يحجي وكانو ميسمع اي شي. اخذها مني وهي تصيح باسمي لحد هاللحظه صوتها باذني تدري هي سامحتني تدري انفقت وياها اتغير وحسوي كل الي تريده بس عو اخذها اخذ زوجتي اخذ روحي مني وطلع اني امير الي اسمي الكل يرجف من يسمعه صار مثل الذبيحه وهمه ياخذون زوجته منه ولك راحت مني غزل ولك واحت من ايدي
فراس وهو يلعن روحه. شووف الي صار منكدر نغيره بس الي حيصير بيدك انت الي تكدر تسويه ونقتلهم كلهم شوف الكل منتضرك تكووم وتتحرك حتى نروح وكووم يله امير الي اعرفه يحرك الدنيا علمود غزل وحنرجعها منهم
باوع امير ع فراس وملامحه تخوف ملامحه الي عمره مشافها بيه كرم الغبي سوه اغبه شي بحياته من اخذ غزل لان هي الشي الوحيد الي يخليه مسيطر ع روحه هي الوحيده الي تخليه ميطلع كل الي بداخله من حقد وظلم بروحتها حياته حتصير ظلمه ومن هسه لازم الكل يخااف منه

امير. احركهم لا راح اسوي شي بيهم عمرهم مشايفين منه وبالنسبه لكرم فحسابه حيكون مميز ويختلف هو مو يريد حرب راح اسويها اله
صيحلي الدكتور اريد مورفين بسرعه اكو وجع بضهري ما اريده
يبقى وبلغ الكل هسه حنطلع
طلع فراس بدون مينطق اي حرف وراح ينفذ اوامر امير
طلعو واجتهم لمياء ماسكه ملاك. فراس. جنت رايد اجي اودعكم قبل ما اروح ونزل راسه ع ملاك وحضنها وشالها. ولج كاافي تاكلين حتصيرين برميل صايره ثكيله
ضحكت. حبيبي بابا حنتضرك ترجع مو تتاخر
فراس. اكيد حبيبتي ارجعلكم انشالله وباسها باوع ع لمياء الي تباوع عليه وعيونها كلها دموع وكال. لتخافين حرجع غزل سالمه باوعي عليه واشر ع امير احلفلج. انو حيرجعها لو نازله لسابع ارض ونربح ونرجع
لمياء وهي تبجي. والله ادري بس حيظل بالي يمكم باسها من راسها وطلب منها ادير بالها ع نفسها وع ملاك
فراس. تعالي ملاك اوكفج يم هذوله الشيوخ واريدج تحجين وياهم بشغلات ادوخهم حتى ارفع راسي بيج ويكولون والله بنت فراس ذكيه ويغارون
ضحكت عليه لمياء واندارت ع امير من شافته وشافت ملامحه الي تخوف راحت ابتسامتها اتقدم امير عليها وبلغها انتي حاليا احجايتج حتكون مسموعه بغيابي هذا ضمان لسلامتج انتي وملاك وباوع ع فراس. لتخافين عليه حيرجع الكم واريد منج شغله انتي الي لازم تنفذيها وهي گمر لان عرفت هي الي خانتني والي خدرتني اني والحرس

استغربت لمياء لان هذه المره الاولى الي يحجي وياها امير وجها لوجه وبدون ميكون يهدد ولاول مره بحياتها تنتبه انو ولا مره بحياتها عاملها معامله مو زينه ولا مره صغرها كدام احد ولا مره هانها ولا عاملها مثل الخدمه كان زين وياها بطريقته الخاصه يمكن مكان موزين مثل ميكولون يمكن كان كلام غزل صحيح واني الي كنت ممنتبه
ابتسمت لمياء وكالت. ربي يحفضكم وترجعون وترجع غزل اختي وياكم وبالنسبه للخاينه حسابها حيكون ويايه
هذا اخر كلام صار بينهم وراحو وهي وملاك تباوع عليهم وتدعي يرجعون سالمين عن قريب
ملاك. الشيخ امير حيرجع خاله غزل وبابا سالمين مو ماما
لمياء. اي حبيبتي وهسه روحي لعبي بالغرفه لان عندي حساب ويه گمر لازم اخلصه اليوم

بعد عده ايام
غزل الي كانت محبوسه بيت قريب ع مكان التجمع يم الوادي وكانت ايديها مربوطه وتحاول تفتحه بس كالعاده متكدر عقلها حينفجر من التفكير من اليوم الي جابها كرم وهو حابسها وكلشي متعرف عن امير تركته وهو حالته تعبانه كلش تبجي لان هي السبب بالي صار كل حياتها وهي ممرتاحه ولا مرتاح امير وياها اذكرت اليوم الي اجه كرم واخذها كانت بليلتها اسعد انسانه بالدنيا بهالليله شافت السعاده بعيون امير تمنت لو ترجع هالليله تمنت تعيش ويه امير وبدون مشاكل تحبه تعشقه شلون فكرت انو تركه شلون فكرت انو يوم حتكدر متشوفه اتمنت لو تشوفه لحظه لو بس ثانيه وهي تفكر ودتبجي حست اكو احد حيجي عليها مسحت دموعها حتى لتبين ضعفها كدامه
توقعت كرم الي اجاها بس لا دخلت عليها سمره هذه خصصها الها كرم فقط هي الوحيده الي تدخل لغزل هي حلوه وشعرها احمر وشكلها حلو بس لسانها ابدا ميسكت دخلت لغزل وجايبه وياها الاكل كل هالفتره تجي لغزل وتحجي وغزل ابدا منطقت ولا حرف كدامها لان كرهت كل شخص يشتغل ويه كرم لان هو السبب بدمار حياتها حاليا هو السبب بكلشي ديصير
سمره. يعني هم ماكلتي كلما اجيب الاكل الج وارجع الكاه ع حطته تره ميصير هيجي المي مراح يعيشج شوفي شكلج شلون صار من اجيتي لليوم شلون ضعفتي حتى من احجي وياج متردين عليه شنو كاصين لسانج متردين عليه بس احجي ويه روحي
بلشت تنظف الغرفه وهي تلغي وغزل تباوع عليها
تدرين طول عمري اتمنى اشوف الشيخ امير يكولون يخوف ومحد يكدر يباوع بعيونه بس انتي ولوما انتي كان سيطر كل كل الديره سمعت هوايه قصص والي صار قبل سنوات بهذا الوادي وانو انتي السبب بموته انتي الي خليتي كرم يخلص منه بس انتي الي رجعتيه ليش مو انتي الي خلصتينه منه تدرين كم واحد مات من وراه بعدين ليش خنتي كرم والله حلو ويخبل يوميا ادعي هو الي يربح بس تدرين شغله زوجج الي سواه ديخوفنه كلما احد يروحله حتى يتفاهمون ميرجع لان زوجج يقتله ولج سواها مجزره يكتل بالاوادم شنو محد يكدرله تكولين شاد محرك ويثرم بالعالم

بعد ما سمعت غزل هالكلام اندارت ع سمره متفاجئه عرفت انو امير عايش يعني امير مابيه شي كلبها راد يوكف
غزل. شنو شكلتي زوجي قريب يعني هو زين يعني مابيه شي وينه هو كوليلي
سمره. ياااا طلع عندج لسان وصوتج حلو تغردين مثل البلبل وتحجين هوايه كل هالاسئله مره وحده سالتيهم بثانيه بس بكل الاحوال ما اكدر اجاوبج لان اتعاقب اذا تطلع مني كلمه وحده اتقدمت حتى تاخذ الصينيه مسكتها غزل من ايدها
غزل. فدوه بس كوليلي هو زين والله ما اكول لاحد والله تركته وهو واكع بدمه والله عفته ديموت بس كوليلي والله انطيج الي تريديه وبجت بصوت عالي
سمره. زين لتبجين واني الي عبالي انتي وحده حتى قلب ما عندج لتخافين هو كلش زين وهمست حتى سمعت الشيوخ يحجون بيه وديرجفون منه مدزو احد اذا مقتله وحتى اكو شيخ يمكن يصيحوله ابو مها صرخ ع كرم يكوله لازم نقتله شنو مشكلته ويه زوجج ايكول انو هو قتل بنته صدك هالحجي لو خرريط سولفيلي
غزل. اي صح بس تستاهل الكذابه وهسه المهم انو امير بخير وعرفت ليش لحد هاللحظه امير ماجاه وهجم عليهم لان اني اهنا ولهالسبب كرم حطني اهنا حتى يضمن سلامته لان يدري هالمره انو حيخصر كدام امير
بهالاثناءء دخل كرم ودارت وجها عنه وسمره اخذت الصينيه وطلعت وكف كدام غزل وصفن وهي متباوع عليه كعد بعيد عنها وظل ساكت واصلا من اليوم الي جابها لليوم محجه ولا كلمه وهالشي احسن لغزل لان محابه اصلا تسمع صوته
ضلت ساكته بس متحملت وحجت. هاا انت هسه مرتاح شفيت غليلك كولي لشوكت حتظل تماطل حتى يجيك امير ولك كل الي وياك بس يجي امير يديرون ضهرهم الك ويصيرون مثل الخرفان جواه
كرم. لتكولين انو انتي خايفه عليه مستحيل اصدك هالشي
غزل. كافي كرم صدكني حتخصر وهوايه ناس حتروح اني احجي ويه امير وتصالحون صح انت قوي بس هو عمره كله كضاه يتعارك ويقتل مراح تكدر توكف بوجه
كرم. كااافي ما اريد اسويلج شي اندم عليه سدي حلكج وكلشي حيخلص عن قريب

بمكان ثاني ميبعد عن غزل كان امير كاعد ودخل عليه فراس
فراس. شفت اشلون من الجردان يجون يتوسلون شفت شلون ضربتهم والله اني قوي حتفرح بيه لمياء لان زوجها بطل والله

امير كان صافن وممهتم كل تفكيره بغزل لا نوم ولا اكل من يوم الي راحت
فراس. امير نام شويه ارتاح شكلك حييل تعبان
امير. اني زين مابيه شي
فراس. شوف امير مبقى شي ونرجع غزل اصلا يبعدون عنه بس كم ساعه وميكدر كرم اياذيها لشيل هم بس لازم انت ترتاح

امير. كتلك مابيه شي عوفني وحدي
شاف فراس انو ماكو فايده وياه فاحسن حل يطلع ويسكت
امير. ولك مدا اكدر اندار فراس عليه. ما اكدر اغمض عيوتي لان اشوفها من تصرخ واتصيحنيراح اتخبل من التفكير مدا اكدر اتنفس كل الي احس بيه هو العصبيه روحي راحت من اخذوها
تدري انو هي من اخذوها مكانت طيبانه رجلها بعدها مطابت ما اعرف شسولها بس افكر بهالشي اتمنى اطلع كلبي من مكانه وارتاح من الوجع الي بيه لازم اشغل روحي لازم ما انام حتى ما افكر ويقتلني التفكير
فراس. صدكني هي زينه تذكر من انت تكول اني ربيتها ع ايدي متاكد اني هسه هي حاليا مكفرتهم اصلا ما استغرب اذا اجوي هسه وكالولك احنا لغينه كلشي بس اخذها وروح حشوفها عن قريب صدكني

امير. الله كريم هايه شنو بيدك
فراس. ها ردت انسه هذه رساله اجتي دازيها من طرفهم اكيد هذه رساله العاشره او الاكثر الي يطلبون بيها الشيوخ انو تسامحم لان عرفو شغله امير تعبانه ويكولون خلص احنا معلينه بكرم
اخذ الرساله امير وفتحها ومن قراها ظل صافن
فراس. شكو شمكتوب
باوع عليه امير. روح اطلع خليني وحدي اريد ارتاح
فراس. شفت شلون قنعتك ترتاح ولك اني عندي مميزات كلش هوايه والله هنيالها عليه لمياء هسه عرفت ملاك عليمن ذكيه طالعه ع ابوها فديتهاوطلع وهو فرحان

بمكان ثاني
دخلت سمره ع غزل جايبه الها الاكل بس لكتها نايمه
سمره. غزل يله كومي اكلي
غزل. ليش كعدتيني
سمره. الظاهر كنتي تحلمين حبييب القلب سولفيلي عنه صدك يكولون كلش حلو ومكان رجال بجماله
ضاجت غزل وغارت ع امير بس عرفت طبع سمره وجاوبتها
تدرين من كنا اطفال كنت احط الطين ع وجهه لان حلو حتى محد تباوع عليه وهو كل مره ينطيني مجال اوسخ وجهه بس يبين علساس ضاج نزلت راسها وهي تذكر احلى ايام حياتها
سمره. مبين عليج كلش تحبيه اتمنى الكي واحد مثله يحبني واحبه
غزل. لا انتبهي تره صدكيني هيجي حب يعذب
وانتبهت ع الباب
سمره. لتخافين ميجي كرم هسه اصلا الكل مجتمع ما اعرف ليش ايكولون اكو واحد اجه وكلش مهم بس مبين يخوف لان الكل مسنفر ومبين عليهم الخووف
غزل. طززز بيهم ميهمني اي احد عساهم بالموت
سمره. لعد رجعي نامي ارتاحي انتي منا متاكلين ع الاقل النوم يريحج
بدون اي مقدمات بلشت غزل تصرخ وتبجي. ما اريد اناام
سمره. تمام لتنامين اني اسفه بس لتبجين شبيج فهميني
غزل. مشتاقتله كلش والله كلشي بيه مشتاقله بعد ما اتحمل كلبي ديوجعني وتبجي باعلى صوتها احس بروحي حيموت قبل ما اشوفه دا احس بنفس الشعور الي صار بيه قبل خمس سنوات من راح مني دا احس حيروح مني دا احس كرم يستغلني حتى يقتله رفعت رجلها وحطت راسها بين رجلها وتبجي باعلى صوتها موكفت من البجي لحد مسمعت صوت خلاها تجفل
رفعت راسها وانصدمت بلي كدامها
امير وبابتسامه هادئه. وكنتي تريدن تعوفيني شلون تسويها وانتي اهنا صارلج ايام ممتحمله بعدي عنج
بلعت غزل ريكها ممصدكه الي كدامها عبالها دتحلم ضلت صافنه يمكن اتخبلت
دخل كرم. كدامك ساعه وحده ودير بالك اتسوي اي شي ادري تكدر هسه تقتل الكل بس متكدر تطلع منا وهي وياك للن ولحد منكم حيموت واكيد حيكون اشر ع غزل
اشر لسمره حتى تطلع وطلعو وتركو اميروغزل سوه
غزل وهي تفكر انو كرم دخل وحجه ويه امير يعني مدتتخيل يعني هو كدامي زين شلون الف سؤال اجه براسها
ابتسم امير بالرغم من جواه ديتكطع ع غزل عيونها منتفخه من البجي وجها ذبلان مبين عليها متاكل ومتنام وايدها المربوطه حاول ميعصب حتى ميطلع ويقتلهم كلهم هسه
ضلت غزل ساكته وصافنه عليه وممصدكه هو كدامها لحد ما تقدم امير عليها وكعد يمها وظل يباوع عليها يا الله شكد مشتاق لهالوجه لهالملامح هسه ياله حتنفغزل تباوع عليه وعيونها بلشت تنزل اتاكدت امير كدامها
امير وهو يمسح دموعها. تعرفين شصار بيه بغيابج اتوقعت بعد ما اشوفج ردت اتخبل ولج الى متى حتظلين هيجي تعذبيني اهنا غزل متحملت وشمرت كل جسمها ع امير وتحاول تحضنه وتشم ريحته وهو يشمها وكانو شم ريحه الحياه حضنها وهو ممصدك
غزل وهي تبجي. اني اسفه لان كل الصار من ورايه اشتاقيتلك بعد لتتركني ابد ما اكدر بلياك اني احبك
امير. واني هم وصدكي الشي الي منعني اقتل روحي انو حرجع اشوفج شوو باوعي عليه اريد اشوفج زين مبين عليج التعب
غزل. دشوف شكلك علساس انت مقصر مبين عليك التعب شلون تريد تنقذني وانت هذه حالتك
امير وهو يغمز الها. منو كال تعبان مشفتي هذه ام الشعر الاحمر شلون تباوع عليه حتى مكدرت تتنفس من شافتني من جمالي
ضربته غزل وضحكت
غزل. شكد مغرور مسك امير ايدها وعيونه حمرت فتح الحبل وكال. الا اكسر ايده والله الا اخليه يندم ع الي سواه بيج
غزل. والله اني ما بيه شي ولا متوجعه بس اني خايفه شلون اجيت اهنا هددوك بيه مو

امير. كلشي احجيلج بس اريد اشبع منج شوف هسه وحضنها يا الله شكد مشتاقلج مثل المخابيل ولج وربي انتي حتكونين سبب موتي
بعد قايق وغزل كانت حاضنه امير بس قلقه. اكولك امير شعجب وافقو ع الصلح اخاف هذه لعبه منهم لان يدرن انت معصب عليهم ليش كرم قبل بكل بساطه شنو الي ديصير احجيلي انت ضام عليه شي
امير. كتلج ماكو شي لتخافين الكل وافق ع الصلح وانتهى الموضوع خليني هسه اشبع منج حضنها ودفعته غزل
غزل. امير لتظل تعاملني مثل الغبيه شسويت حتى يوافقون عليك احد كلك اني ثوله واصدك بكلامك واصدك انو كرم حيتنازل عن كلشي احجيلي شنو الصار
امير. كتلج كلشي انتهى كاافي
غزل. شوف ادري بيك دتكذب مبين عليك من عيونك احجيلي الصدك والله بعد ما اتحمل اتصير بعد مصيبه جديده كول ليش وافقو ع الصلح
امير. لان اني جبرتهم
غزل. بس كرم مكان ومكدرت تكمل كلامها وهجم امير عليها
امير. معليج بكرم اني كتلج الي صار
غزل. مو كتلك مراح تتغير ابد شوف حتى ما اكدر اتناقش وياك اذا متعصب وتريد تضربني اذا كلامك صح لعد يله امشي نروح منا ونرجع
امير. باجر اجي اخذج بس يخلص الاجتماع
غزل. اي صدكتك احجيلي شنو الي صار شنو ضامه عليه وكامت تصرخ والله تعبت اني تعبت
وبرمشه عين سحبها امير ودفعها ع الحايط
امير وهو معصب. كتلج مضميت عليج اي شي انشالله الكل يموت معليه بيه ما غزيد شي بعد اكتشفت انو كلشي ميسوه وسخ رجلج اني هسه هادئ لان اذا اعصب واخليه يسيطر عليه راح اطلع واقتلهم كلهم بس هالشي حيخليج اضوجين اني هادئ واباوع ع عيونج الي ممصدك دا اشوفها حجيتلج الصدك وبعد ماكو اي مشاكل بينه باجر كلشي حيخلص وعد مني
وقدم وجها عليه ايريد يبوسها بعد غزل وجها عنه وامير كال. تبوسيني لو اجبرج
غزل. مو علساس معاملتك حتتغير ويايه هم رجعت تتامر
امير. كذبت بس من اشرب اتغير😉
غزل. بس مو اهنا ولك
امير. شنو مشتاقلج ولج كان سويت حرب بس علمودج ما استاهل شي عليها
غزل. بس تعرف شكد بره البيت هذا وهمه يتمنون موتك ويقتلوك
امير. وشنو الغلط بالموضوع اصلا حلو هالشي الكل يكرهنه بره والموت محاوط بينه اصلا هالشي كلش رومانسي 😉
غزل. يعني نعتبره تغيير بس حيجون علينه
امير. لا محد يجي يجي كتله ساعه واطلع وبعدها مخلصت الساعه
غزل. ههههههه وربي انت مخبل
امير. بيج
بعد اقل من ساعه دخلت سمره حتى بلغ امير انو كرم ينتضره بره
غزل. حيظل بالي يمك
امير. باجر حنكون سوه للابد كعدي اهنا ولطلعين ولتسوين اي شي بس انتضريني
غزل. تمام بس احلفلي انو محيصيرلك اي شي
امير. صدكيني ميصير شي
غزل. حط ابالك ماعندي غيرك انت كل سعادتي
سحبها امير وباسها وطلع حتى بدون ميلتفت ودعته غزل بدموعها وتتمنى السوء يكون بروحها ولا بيه

طلع امير ومعصب لان تره حب حياته بدون حتى ميلتفت عليها لان يعرف نفسه اذا اندار عليها مراح يتركها ابدا

كرم. شنو شعورك من تترك زوجتك يم رجال ثاني وانت متكدر تسوي شي هااا
باوع امير عليه بكل حقد وبلمح البصر مسكه من ركبته راد يخنكه
كرم ونفسه متقطع. لازم رجعت عن الاتفاقيه بعد مشفتها
امير. باجر الا اخليك تدفع الثمن باجر اندمك ع اللحظه الي رفعت عينك بيها لغزل تريد نتعارك مو حنتعارك وشمره بالكاع وكرم كوه يتنفس التفت ع امير بعد متركه وصاح. باجر بس اني وياك الي حنتعارك و واحد من عدنه حيطلع عايش
امير التفت عليه. اي صح باجر نحسمها لو اني لو انت ما اريد بعد احد يخسر روحه علمودنه يلا نام زين لان هذه اخر يوم الك وانت عايش وهذه اخر كلمه كالها امير وراح
ضحك كرم بس بقهر وصاح. تصبح ع خير خوويه

بعد ساعات
كان فراس يصرخ لان امير راح وحده واتفق
وشلون تركه وحده
امير. لان مكان عندي مجال اتناقش ويه احد فرحت وحدي
فراس. شنو ماعندك مجال وشلون تتفق انو منتعارك وياهم بس انت وكرم وراها كلشي ينتهي شلون تصدكهم تره كل هذا الي ديسوه مراوغه لان يعرفون انت الي مسيطر واكثر شيخ يخافون منه ويسيطر عليهم
امير. كاافي فراس بعد قررت وتدري اني من اكول شي ما اتراجع عنه ما اريد احد يتاذى بعد من ورايه اني وحدي احلها

فراس. والله صاير تفكر زين يعني تضحي بنفسك علمود سلامتنه
باوع امير نضره ع فراس خلاه يسكت وره دقائق هم ساله. اكولك يمكن الي صار لصالحنه لان مستحيل كرم يكدرلك
امير. ما انكر انو هو قوي بس مستحيل يكدرلي
فراس. زين معقوله مهددك بشي علمود هالاتفاق
امير. لا اني الي اقترحت عليه وباقي الشيوخ وافقو بالنتيجه
فراس. تمام لعد لازم نتحضر هو شوكت حنروحلهم
امير. الصبح
فراس. شنو بعد 3ساعات للصبح شوكت الحك اراهن علمودكم والله حربح كوومه من وراك يله انت نام ارتاح شويه واني حروح اجمعهم علمود الرهان وطلع
بعد مطلع امير يفكر مبقى شي وياخذ غزل بحظنه شم ملابسه كان عطرها بيها ظل يشم كانو هذا اخر نفس ياخذه

صباحا
كاعده غزل وعيونها ع الباب حتى يجي امير منامت لحظه وحده تريد بس يطلع الصبح حتى تروح كانت قلقانه حتى كرم من البارحه بعد مشافته وحتى سمره كلما تسالها شي تكوللها ما اعرف
كامت وتروح وتجي بالغرفه وتلعن هالاتفاق الي اتفقوه ليش اتاخر اكو شي داخلها يكوللها حتصير مصيبه وكل احلامها حتروح
بس لا لازم توخر هالافكار من راسها بس الوقت كلش بطئ مديمشي وهذه سمره وينها من كعدت بس مره وحده احتي

بمكان ثاني بعيد بمسافه بسيطه عن غزل هالمكان كان فعلا يمثل القلق والخوف الي بقلب غزل
الكل كان ساكت واكفين ويباوعون ع اقوى اثنين متواجهين
فراس كان متاكد انو امير محد يكدرله بس حاس اكو شي مو زين حيصير
يباوع كرم ع امير الي وجه كان فعلا يخوف مستحيل رجال يوكف مقابيله وميخاف منه بس مو هو الي حيخاف لان كل الي يحس بيه هو الكره
وبلشو يتعاركون وثارت الرمال الي جواهم من قوه الضربات الي بينهم الكل يباوع ع الوحشين الي ديتقاتلون فراس يفكر بامير ويشوف قره كرم فعلا كان قوي

حطت غزل ايدها ع كلبها حست اكو شي مو زين ديصير ضلت تروح وتجي وايدها ع راسها خووف وقلق مسيطر عليها ع امير وليش محد اجه لحد هسه عليها كانت خايفه كلش اول مره تخاف بهالطريقه لان عرفت الي حيصير هو نهايه لكلشي
سمعت صوت احد جاي مسحت دموعها وبدون متلتفت كالت. ليش اتاخرتي والله الف حسبه اجتي ابالي اندارت وانصدمت من الي شافته وحست بوجع مو طبيعي بكتفها شافت ابو مها وهو يحط الخنجر بيها وسحبه
شنو الي ديصير ليش دتحس كلشي وكف كدامها كلشي تحطم لا لا يااارب مو اهنا اموت لا مراح يتحمل من يعرف شهكت وهي تباوع بعيون ابو مها وكل تفكيرها يم امير وشنو حيصير بيه
ابو مها. اتوقعتي راح اسامحج انتي وزوجج ع الي سويتوه بنتي الوحيده خلي كرم يتفق بكيفه وياه بس اني لا هذاك الوحش اخذ مني اغلى شي املكه وهو بنتي واني الي راح اخذ منه اغلى شي يملكه
خافت غزل لان عرفت حتموت حست الالم ينزل ع كلبها وكوه تتنفس والدم ميوكف تفكر انو حتروح وتترك امير هالشي خوفها اكثر من الموت نفسه نزلت دموعها وعرفت هذه هي نهايتها مو مثل القصص تنتهي بنهايات سعيده غمضت عيونها وهي تفكر بكل لحظه عاشتها ويه امير مستسلمه للموت وترحب بيه بهاللحظه سمعت صرخه سمره وهي تركض ع ابو مها وضربته وقتلته بمكانه و وكع ع الكاع شهكت غزل من شافتها
سمره. دم دم ديطلع منج هوايه دم عفيه لتموتين فتحي عيونج وباوعي عليه محد موجود حتى يساعدني يارب شسوي
حاولت غزل تحجي بس متكدر وسمره كلشي مدتفهم ونزلت راسها حتى تسمعها
غزل. وديني ع زوجي
سمره. لا لا حروح اشوفلج دكتور لازم يعالجج ويوكف الدم كامت ومسكت غزل فستان سمره
غزل. اني دا اموت اترجاج ساعديني و وديني يم زوجي للمره الاخيره ودموعها تنزل
تباوع عليها سمره وكلبها يتقطع. تمام حاخذج اله ميبعد عنه بس دقايق كومي اخذج وكومتها وهي تصرخ من الالم

اما غزل وكرم فطول الوقت الضرب بينهم متواصل صح اثنينهم اتاذو بس ولا واحد منهم استسلم استغرب امير من كرم لان شكد مضربه واذاه وكسره بس لاخر لحظه هو مقاوم
الكل كان مستغرب منهم وشلون متحملين كل هالضرب وفراس كان مستغرب شلون كل هالضرب بكرم ومتحمل فعلا كان امير ديضربه بكل قوته بس هو مستسلم
كرم. هاا تعبت تره بعدنه بالبدايه
امير تعب حيل ومستغرب وكال. ضربي الك طول اكثر من ما كنت اعتقد اعترفلك انو انت مو ضعيف بس مكنت مصورك بس الصراحه تره مليت
كرم. صحيح يا اخويه اني هم مليت لازم ننهي هسه كلشي
امير وباعلى صوته. انت هوووايه تحجي وهجم عليه ومن سرعه امير لكرم محد كدر يشوف شنو الي صار بلمح البصر هجم امير عليه وضربه وفقد كرم و وكع بالكاع الضوبه كانت قويه باتجاه كلبه
وكع فراس وكان ميكدر يتنفس بسهوله عرف انو هو حيموت من البدايه بس الي سواه حتى يثبت لغزل ولامير انو هو مو جبان

ابتسم كرم. تدري امير دائما كنت اعرف هالشي حيصير بس تدري هالشي زين اموت ع ايد اخويه احسن من ما اموت ع ايد هالجبناء لان مناوين يتركوك عايش كل الي صار مجرد انو يلهوك ويكسبون وقت اخو زوجتك عرف انو گمر خانتك و وصل خبر انو هي ماتت وعرف اخوها انت الي امرت بهالشي وهو حاليا متوجه لبيتك
امير. وليش هسه دتكول هالشي
كرم. ما اعرف يمكن اكرهم اكثر من ما اكرهك اكولك ع سر اني مكرهتك اني بس كنت معصب عليك لان من ابويه مات امي اجتي وكلتلي انو انت اخويه وعمي وزوجته اخذوك منها مو لان ميصير عدهم اطفال لان همه كان عدهم ابن بس بعد ما اخوك نمير انولد مكدرت امك تحبل بعد فحبتك واخذتك من امي وامي كانت موافقه بهالشي وراها ولدتني وظلت تحبك من بعيد دائما من كنت اجي وياها وازوركم كانت تشتريلك كلشي وادللك واني اكول شنو اني مو ابنها ليش متحبني مثلك بس بعدين عرفت انو انت اخويه وكلتلي روحله هو يحميك واجبت عليك حتى تحميني منهم و وكفت وره ضهرك وانت سلمتني لاخوك الكبير حتى تضلون انتو الشيوخ واني تتخلصون مني انحبست وانت ولا اهتميت
وصرخ بكل قوته ولك انت اخويه الي مو اخو نميررر
تدرين حجايتك صحيحه اني عووايه احجي اضربني بعد ضربه وحده وخلصني لان مليت من هالحياه

الكل يصرخ حتى امير يتخلص من كرم وهو يباوع ع كرم فعلا غبي لان منو الي كان يحميه من نمير ومخلاه يقتله كل هالفتره منو الي كان يروح للحرس حتى محد يضربه ولا يهينه منو الي كان يطلب منهم انو يهتمون بيه حتى باصغر شي بس خاليا عو الي يريده يموت بس بلحظه الكل سكت رفع راسه واستغرب من شاف غزل وهي تشمر جسمها ع كرم صفن ع غزل وهي ملامحه تعبانه و وجها الساحب كانت كوه تتنفس شنو الي ديصير مديفهم
عصب امير كن هالمنضر يعني لاخر لحظه تحميه لاخر لحظه تخاف ع كرم عصب وهو يشوف الشيوخ يباوعون ع زوجته وهي تحكي كرم منه
غزل وهي بالكوه تحجي. مو كتلك مراح تكدر لامير مو لان انت ضعيف بالعكس انت احسن منه ومني كحت وهي تذب دم من حلكها اتفاجئ كرم من شافها وشاف الدم الي كام يبين من كتفها عرف بيها شي
امير وهو معصب. غزززل كووومي غمضت عيونها لان متريده يشوفها ويشوف الضعف الي بوجها بس هي تريد تشوف امير اخر وجه وتموت صرخ امير. دا اكولج كووومي راد يسحبها بس صرخ عليه كررم ودفعها وحاول يكعد ويحطها بحضنه ومسك الجرح وايده صار بيها دم
كرم وبرعب. ولك هي مجروحه يا غبي مدتشوف جيبو دكتور بسرعه

بثانيه اضلم الكون بوجه امير وهو يباوع الدم الي ينزل منها مكدر حتى يوكف يباوع ع وجها الشاحب وعيونه الي متنزلها عن امير وحييل تعبانه وعيونها كلها حزن عليه يباوع وممصدك الي ديشوفه حس انو روحه دتطلع منه رجع خطوتين وره ايريد يفهم ويستوعب الي ديصير حس انو هو بحلم وعيونها متفاركه حس بيها دتموت ماكو اي شي بالكون يوصف الي ديحس بيه من وجع شكد محاول يتحرك ميكدر رجليه اتبسمرت بمكانها ظل بس يباوع ودموعه تنزل يباوع ع كرم وفراس وهمه يصرخون باسمها وهو ميكدر يتحرك وهي عيونها متنزل عن امير وتباوع ع وجهه الشاحب الي كانو هو حيموت مو هي هالشي خلاها تتوجع اكثر من الموت نفسه اتريد تصيحه بس صوتها مديطلع منها صوت فراس تسمعه وهو يسال سمره ع الي صار وتسمع صوت كرم وهو يتوسل بيها حتى تتحمل هي مكانت تريد بس تسمع صوته وبس اله تشوفه رفعت ايدها بكل قوتها حتى تاشرله حتى يجي يمها تتوسله بعيونها حتى يجي يحضنها لاخر مره جمعت كل قوتها حتى بس يطلع صوتها وصاحت. ااامييررر
بنص السكوت الي ديحس بيه امير سمع صوت غزل وهي تصيحه وطلعته من موته الي ديحس بيه وحس بلي ديصير تحرك بسرعه ودفع كرم وفراس وسحبها بحضنه وظل يصرخ. ليش ليش

كلبه احترك ونفسه كوه يطلع ومسك جرحها. لا لا راح اطيبين وتتعالجين مثل معالجتج قبل واخذج منا مثل موعدتج وحسوي كل الي تريديه تره كرم مكنت ناوي اقتله والله ردت بس اخوفه ردت احاسبه بس علمود الي سواه بيج والله مكنت ناوي اقتله
يله حصيرين زينه ونزلت دموعه وهو يشوف الدم ينزل من حلكها ويمسحه مراح اخليج تروحين مني كافي غزل تحملي لخاطري والله ما اتحمل بلياج اهون عليج تركيني وحدي ولج انتي كلشي الي ميعمني شي غيرج والله ياااااا الله ساعدني يا الله لتحرمني منها
سد عيونه فراس وهو كلش ديتوجع من الي ديشوفه كلبه يتكطع عليهم لان يعرف انو امير راح راح يموت وراها باللحظه الي غزل تسد عيونها راح تروح روح امير منه
امير. لسدين عيونج غزل ابد هسه حيجي الدكتور صبري ابدا لسدين عيونج صدكي اموت وراج
غزل ودموعها تنزل ع امير اول مره تشوفه هيجي ضعيف وخايف رادت تحجي وتكوله لتخاف عليه حروح اني وانت عيش حياتك لتنقهر عليه راح اطيب وره روحتي بس تحمل مكدرت تحجي كل هذا بس حاولت تحجي وتكوله. انت هذا وحطت ايده ع كلبها راااح اظل احبك حتى بعد ما امووت يا حب حياتي
وهذه اخر كلمه كالتها غزل وغمضت عيونها
امير. لا لا كعدي لا غزل هذا حلم مو بهالبساطه تروحين وين الدكتوووور باوع ع فراس. هي نايمه شوفها نايمه دتمثل مثل قبل مثل مكنا اطفال وهسه هم سوتها حتى اتخوفني مسك خدها غزل اني خايف والله مو تريدين تخوفيني اني هسه خفت انتي ربحتي فتحي عيونج وشوفيني شلون مرعوب
صرخ امير بكل علو صوته. لاااااااا كعدي صوت صراخه والبجي مالته خله كل الواكفين يبجون عليه لان يعرفون حب امير الها
حضنها وهو يستنجد ربه يااا رب احميها لتحرمني منها
باوع عليها وكال. اهناك شي واحد اسويه وباوع ع وجها شوفها فراس شلون حلوه وهي نايمه شوف اكو هيجي جمال شايفه بحياتك مسك وجها وهو يبوس بكل وجها ويباوع ع وجها وكانو اخر مره يباوع عليها
امير. فراس اني حجيتلك قبل ع السحاره الي كالتلي انو حموت ع ايد حبيبتي حموت واني بحسرتها لعنتني بنفس الي صار بيها فعلا هسه دا احس بيها وعرفت شعورها والي سوته كان هو الصح من قتلت روحها لان مستحيل تكدر تعيش بدون الي تحبه
باوع ع غزل. وسحب الخنجر من كرم وكال. راح اظل احبج حتى بعد الموت ......

بعد مرور عشره ايام
شهكت غزل برعب فتحت عيونها وكل جسمها يوجعها صرخت من الوجع وتباوع هي وين شنو ماتت بس بعدها تتنفس شنو الصار اني وين تباوع بس متكدر تشوف واضح هي بغرفه بس اول مره تشوفها شلون وصلت اهنا اخر شي تذكره هو امير اتريد تكوم وتفهم شنو الصاير الف سؤال الي بداخلها طلعها من هالصراع الي بداخلها صوت كرم
كرم. شنو شعور الواحد من يرجع من الموت اندارت غزل عليه مصدومه
كرم. لتخافين شويه وتحسين بكل جسمج راح عليها ومسك ايدها بلطف اعرف انتي هسه خايفه بس كلشي يروح وحتنسيه اني اشكرج ع كل الي سويتيه وابتسم. هذه اخر مره راح اشوفج بيها لان لازم ارجع وردت اودعج للمره الاخيره كانت غزل تباوع عليه مستغربه وخوف
حتصيرين زينه بعيد عن البيت والولايه حتصيرين زينه لان كل الي ردتيه حيصير ظل يباوع عليها وهو يشوف ملامحها الخايفه وكانو راد يكول شي بعد يله صار وقت الوداع لازم اووح لان اذا بقيت كاعد مراح اكدر اتركج وصل يم الباب وكال
اني كلش احترمج وخصوصا من شفت حبج وعرفت انو الي بينج وبينه مستحيل ينمحي لا اني ولا غيري يكدر يمحيه وربي يحميكم لبعض وقبل ما اروح احب اكولج انو اكو مفاجئه بره تنتضرج وراح
غمضت غزل عيونها بوجع تريد تتنفس تريد تعرف شنو الصار وهي وين اخر شي تذكر من امير حضنها وهي ودعته صرخت وكامت تحاول تمشي رجلها شوي شوي بلشت تكدر تحركها مشت وهي تتكأ ع الحايط وتدعي الي تفكر بيه ميكون صحيح كل ذره بجسمها كانت خايفه طلعت وشافت وجوه اول مره تشوفهم بيت يختلف اشكال تختلف اول مره تلتقي بيهم كل تفكيرها بامير تريد تصررخ بس صوتها مديطلع حست هذا قبرها حطت ايدها ع كلبها وتكول موتي موتي وفجائه ومبين كل الاصوات الي دايرها سمعت الصوت الي رجع الروح الها

امير. هاا شلون كان وداعج ويه كرم ارهنج كان كله حب ورومانسيه اندارت غزل وشافت الرجال الي رجع روحها الها ممصدكه الي تشوفه هي عايشه وامير كدامها لو هذه هي الجنه وامير وياها بس لا امير ميدخل للجنه من وره عمايله حست انو هي راح تتخبل هو يباوع عليها ويبتسم وهي عيونها كلها دموع معقوله انو هي مماتت رجعت لواقعها من حضنتها لمياء من وره وضحكات ملاك وهي تحضن رجلها بلعت ريكها تريد تستوعب الي ديصير
لمياء. واخيرا متدرين شلون كنت خايفه عليج الايام الراحت مثل الكابوس كانت النه ولج كافي تموتين نفسج مو حتموتيني من الهبطات عليج
ملاك. واخيرا كعدتي اني عرفت انو انتي حتكعدين اني وعمو امير كنا يوميا نقرالج قصه كنتي تسمعينه مو صحيح

فراس. صباح الخيررر ياحلوه احجيلي شنو شعرر الرجوع من الموت شنو شفتي اهناك ضربته لمياء
لمياء. ولك مدتشوفها شلون مرعوبه خليها تستوعب الي ديصير

كرم. ولج شلون تضربين زوجح تدرين الولايه هسه الي احنا بيها ممنوع المراه تضرب زوجها واذا ضربته يربطوها بالحصان ويسرح بيها فديري بالج
ملاك. بابا لتكذب
فراس. لا حبيبتي اني الي راح احط هالقانون احنا اهنا الي نحط القوانين

وفجاه وبدون مقدمات صرخ امير ع شخص وصاحله تعال وينك
ودخل الشخص ومن شافته غزل رادت توكع من طولها لا مستحيل الي ديصير ممصدكته شنو السالفه اخوها غزوان كدامها زين شلون هو مو مات كدامها مو امير ضربه كدامها باوعت ع امير ورجعت باوعت ع اخوها بس متكدر تحجي
غزوان. حبيبتي اختي ادري بيج مصدومه وعذريني كل هالسنين مكدرت اكولج انو اني عايش اول شي كنت بعيد عايش اهنا وما اعرف شنو الي ديصير بيج اني اهنا بامر من امير بعد ما اتفقت وياه تذكرين يوم الحادث وقتها امير اخذني وعالجني وطلب مني اجي اهنا لان اذا طلعت بوجه مره ثانيه حيضطر يقتلني بس وقتها اخذت منه وعد انو يحميج وميخلي اي شي ياذيج وفعلا انتي هسه يمي

غزل ساكته وعيونها ع اخوها وع امير ممصدكه الي دشوفه رادت تعصب لان كذبو عليها بس يكفيها انو اخوها وزوجها وكل الي تحبهم كدامها تسمع ومترد وعيونها ضلت ع امير وهو هم مرمش عيونه بس عليها يعني هو مو بحلم عيونها صارت حمره ورادت توكع وحضنها غزوان وهي حضنته وتبجي ممصدكه الي صار فعلا كانت بحلم بس هالمره كان احلى حلم بحياتها
واخر شي حجت وكالت. شلون ممتت

فراس. وااو مراح اصدكين شلون وشنو الصار وشنو الي شفناه من وراج اول شي امير راد يقتل نفسه وكرم نقذه باخر لحظه وسحب الخنجر منه وانتي ساعدج احد الشيوخ ابنه كان كتور ونقلوج لبيته وتعالجتي وزوجته تشتغل بالاعشاب وهي استلمتج وياه بس انتي ضليتي نايمه متكعدين لان جسمج تعبان وهوايه خسرتي دم واذا حسالين منو الي انطاج دمه فهو امير
انتبه فراس هو يحجي وغزل عيونها بس ع امير وهو عيونه منزلها عنها فابتسم وسحب زوجته وبنته وغزوان وطلعو
ابتسمت غزل وعيونها ع امير منزلت نهائيا السعاده الي هي بيها بحر من الكلمات ميكدر يوصفها امير كان مبين عليه التعب ومبين كل هالايام الي نامت بيه هو ابدا منام بس بعده حلو وشكله مثل ما هو متغير
اتقرب عليها هو اكثر وكلتله. يعني ردت تموت روحك ورايه واني وصيتك تنتبه ع نفسك ورايه
ابتسم. تدرين بيه مو من النوع الي اخذ اوامر بعدين شلون اعيش بدنيا انتي متتنفسين بيها بس مكلتيلي شنو الصار بينج وبين كرم ولج شلون بس يجي عليج ويحجي وياج تكعدين
ضحكت. فديت حبيبي الي يغار مسكت خده اني وياك انظل للنهايه بس محجيتلي شغلتين براسي اول وحده علمود اخويه الي لحد هاللحظه ممصدكه هو عايش وثاني شغله احنا وين وشنو الصار هناك
امير. اول اخوج مكدرت اقتله وقتها ردت اعاقبج ع شي طلعتي مو انتي الي مسويته وراها من تحسن جبته اهنا حتى يبقى بعيد عن المشاكل حتى تنجمعون سوه

بالنسبه لسالفه احنا وين وشنو الي صار ف...
صرخ فراس من يمه. من نقذ كرم امير واخذوج حتى تتعالجين احنا استسلمنه الهم واعتبرو حالنه حال مجرمي حرب😂😂وضحك باعلى صوته ولج رادو يقتلونه بس كرم غير الحكم ونفانه بأبعد ولايه يكدر اي احد يوصلها ولج اسبوع ضلينه ياله وصلنه لهنا وحطو انير شيخ عليها 😂😂
امير. اني وحدي دزوني انت شكو اجيت ويايه
فراس. اااخ جرحت مشاعري مو تدري اني ما اكدر اعيش بلياك
ضحكت غزل والكل باعلى صوتها سحبها امير الها وحضنها وطل يبوس بيها
امير. بعد مستحيل تبتعدين عني
اذكرت غزل حلم امير من هو صغير ويريد يصير الشيخ ع الكل وكالت. مراح تندم لان تركت ولايتك الكبيره وحتصير شيخ ع ولايه بعيده
ابتسم امير. ولج مدفهمين لحد هسه انتي ولايتي ومملكتي عرشي قوتي عائلتي شوفي اني احتاجيت عركتين وفقدان ذاكره وجروح تموت وسم حتى اكتشف هالشي اني متت بموتج وحييت وياج من كعدتي انتي كلشي عندي بهالدنيا
غزل وهي تحضنه. وانت كلشي بالنسبه الي واخيرا حصلنه ع السعاده الي نريدها
امير. اكدر اسويها اسعد
غزل. اتادب
امير. وين حبج للمغامره وبعدين تركت كلشي لواحد زعطوط وحطني اهنا ما استاهل مكافأ
غزل. حتبقى تذلني بهالشي العمر كله مو
امير. لحد الموت
غزل. لعد تستاهل لان تستحق هالشي وهسه يا زوجي العزيز شلون ارضيك
شالها امير ودخل للغرفه. والله يا زوجتي العزيزه عندي هوووايه افكار
غزل وباعلى صوتها. اني احبببببك
الكل مام يصرخ ويضحك ويصفگ
امير. اعرف😉
صفر فراس وهو كلش فرحان وهو يشوف هالمنظر الكدامه واخيرا الكل حصل ع نهايه سعيده
ملاك. بابا مو عمو امير كال اذا كعدت من نومها الا اقتلها شو هسه فرحان من كعدت
فراس. والله يا حبيبتي السغله معقده هذا هو العشق هو اكثر شي يخلي الواحد يتخبل منه وخصوصا من يصير بعمج امير وهسه لازم اروح لامج عندي شغلات اسامحها بيها لتتحركين وروحي يم عمو غزوان واخذ لمياء وهي خربانه ضحك

ابتسمت غزل وهي تدخل الغرفه وامير ديمشي بيها و وكعو بالكاع صارت فوكاه وهي خربانه ضحك
امير. بعد لتحرميني منج لان المره الجايه صدكيني اموت
غزل. اعرف وباسته هالشي بعد ميتكرر بعد ماكو خوف والم و وجع وبجي واخيرا اني وياك والي احبهم حصلنا ع نهايه سعيده
امير. للابد يا حب حياتي......

النهايه

مرات يكولون انو النهايه السعيده هي قصص منتهت بعد يمكن هالشي صحيح ويمكن يجي يوووم واكتبلكم الي صار بحياه امير وغزل الجديده بس هسه كل الي اكوله الكم انو همه عاشو احلى عيشه وسعاده حيييل كبيره صح امير متغير من اطباعه كلها بس حبه لزوجته غزل يوم عن يوم يكبر حبو بعض وكانو الحب انخلق بس الهم

تمت وانشالله تكون النهايه عجبتكم اتاسف لان اتاخرت عليكم بس الله يشهد اول مكملت كتابه البارت نزلته وحاولت اكفي بيه وما اخلي اي شي مفقود بيه
اشكر متابعتكم وسعه صدوركم وتعليقاتكم الحلوه
انتضروني بقصه جديده بس ارتاح شويه
دمتم برعايه الرحمن وحفضه
زينب عبد المطلب😍😍😍