رواية اعشقه كرهآ الفصل السادس 6 - بقلم زينب عبد المطلب

البارت السادس
زينب عبد المطلب

بعد الي صار بين غزل وامير بدات تفكر اول شي انو تطلع من هالغرفه وكان رد امير انو يفكر بهالشي
غزل/اريد اطلع اتمشى لان اختنكت من الغرفه وبعدين سمعت انو كرم جاي واني مشتاقه لشوفته
احمرت عيون امير ومسكها من ركبتها وكال /
وربي اذا بعد ذكرتي اسمه راح اخلي الموت اسعد احلامج  وكسر كل اعضامج فهمتي
غزل مردت وهو بدا يصرخ فهمتييييييي
غزل حركت راسها بالموافقه من الخوف مكدرت تنطق
امير/تمام
وشاف الدم ع ركبتها ومسحها بلسانه وكال
حتى الدم مالتج يثير شهوتي وتركها وطلع من الغرفه
بعد ما طلع كانت غزل مرعوبه توقعت انو هي حتموت لامحاله وكالت هي هذه البدايه استاذ امير وبيومها مرجع للغرفه ونامت الليل كله وهي فرحانه
الصبح دخل فراس ع امير ومن دخل اتفاجا من المنظر لان امير مبقى شي مكسره حتى جام الشبابيك كسرها
فراس/الظاهر كانت ليلتك مرعبه
امير/اوووف طلع الصبح
سحب فراس كرسي من الارض وعدله وكعد
الظاهر غيرت الديكور بس الصراحه ذوقك يلعب النفس
امير/اسكت لخاطر الله ما الي واهس الك ولشقاك من الصبح وهسه عندي استعداد اقتل كل الي كدامي لتخليني ابدي بيك
فراس/شنو سبب مزاجك السئ من الصبح
امير/اريد اقتلها
(زينب عبد المطلب)
راد فراس يضحك لان هو يعرف بس غزل الي تسوي هيجي بامير
فراس/ههههه وشسوت هالمره
امير/ولك الغبيه رادت تموت حالها البارحه
فراس/وهسه شلونها
امير وبصراخ/هي زينه اني الي مو زين شبيه اني ومتريدني وتفضل الموت عليه شنو شنووووو
فراس /شنو قصدك
امير/اول مره احس بهالشعور
فراس/الخوف
امير /لا اني ما اخاف انت شدتحجي
فراس/لعد شتفسر شعورك البارحه
امير/هذا مرض اني مريض من زمان وما اله علاج صدكني
فراس وهو يضحك/تمام هذا مرض بس تدري اني ممصدك انو غزل مخلتك تنام بغرفتك ونايم بالمكتب
امير يباوع بنضرات لفراس خلته يسكت وكال
اليوم حيجي كرم للقصر زين تسوي من طلبت منه يجي لهنا
امير/لان ما اريد احد يقيدني ولازم اقتله
فراس/لتنسه انت اذا قتلته كل العشائر حتصر ضدك
امير/ادري بس ما اوعدك انو اني حسيطر ع نفسي من اشوفه
فراس/انت ليش منطيه اهميه اكبر من حجمه اصلا هو كل الفتره احق من اخوك ان يكون شيخ العشيره بس هو مطالب بهالشي
امير/لتقلل من قيمته انت مشايفه من يبارز بالسيف مثل الوحش يصير محد يكدر يوكف بوجهه
فراس/ادري مدكولي شبيكم العائله كلهابيها انفصام شخصيه واولهم انت وكرم
ضحك امير/اي دير بالك تره حتى اخلي الصخر يبجي ع حاله
فراس/لعد حكوم اني لان الشيوخ الحقراء كلهم فرحانين بجيته
امير/خليهم فرحانين مؤقتا
وقبل ميطلع فراس طلب امير منه يشوف احد من اللخدامات الموثوقه انو تبقى ويه غزل لان هو سمح الها تطلع بره الغرفه
واطلب من الخدامه مالتك تسد حلكها لان لخاطرك انت مقتلتها
فراس /اووووو لخاطري اني واني عبالي تحب غزل وانت طلعت تحبني الي
امير/اطلع فراس احسلك
وطلع فراس وهو يضحك
طلب امير وحده من الخدم تجيبله ملابس من غرفته لان ميريد يدخل واذا دخل احتمال يقتلها من وره لسانها الي ينقط سم لان محد يتجرا يرفع صوته بوجه الا هي
كانت لمياء تساعد غزل بملابسه وسالتها
صدك كرم جاي
لمياء/اي صح والكل منتضر جيته حتى يستقبلوه
غزل كانت ضايجه واستغربت لمياء
ليش انتي ضايجه المفروض تفرحين بجيته
غزل/بالعكس اني فرحانه لان قضيت وياه ايام حلوه هو واخويه واتمنى ارجع مثل ماكنت قبل واني وياه
لمياء/مكنت اعرف هو مهم الج بهالطريقه عبالي بس امير مهم الج ..وسكتت
غزل/كلامج صح بس غزل القديمه دفنتها ويه امير القديم
غزل/شوفيني اني هسه شلون طالعه
لمياء/تخبلين حبيبتي
غزل كانت لابسه دراعه مملوئه بالؤلؤ ولونه مثل لون عيونها كلون السمه
طلعو من الغرفه والكل شافها بتعجب وبيهم الي يشفق عليها وبيهم الي يكرها بس هي مكانت مهتمه لاي احد
وبعد ما شافت فراس جاي من بعيد طلبت من لمياء تبعد عنها لان رادت تحجي كلام مو كدامها
فراس/واااو عرفت ليش امير معصب
غزل وبكل اشمئزاز منه/وينه امير لان كالعاده الذيل يضل لازك بالحيوان مالته
فراس /تمام تمام مبين البزونه فتحت عيونها واخيرا
غزل/وين كرم
فراس/غزل خلي الامور تهدا وبعدين شوفيه
غزل/شوف حباب صير خدام مطيع وكولي وينه
فراس/تمام هو بمجلس الشيوخ وبعد شويه حيروح امير يشوفه
غزل/عفيه عليك يله ولي من كدامي
فراس/تدرين دور الوضيعه لايك الج
غزل/اووو نسيت اشكرك لان انت بلغت لمياء بهروب اخويه لان همه يحبون بعض واتمنى يزوجون عن قريب وشافته شلون عيونه صارت حمره
يله فراس اكيد حعزمك بعرسهم وتركته وراحت
فراس/انشالله تتعاركين انتي وامير ويعصب عليج
دخلت للقاعه ومشافت احد بس لمحت شخص منطي ضهره وعرفته كرم ومن اندار شافت التعب عليه بس رغم هالشي بعده مثل ما هو كلش حلووو
ابتسم كرم ومكان مصدك بشوفتها لان كان عنده استعداد يحرك الدنيا علمودها
كرم /هلا بالحلوه اكيد اشتاقيتيلي
غزل/وهي تقهقه وتباوع عليه شكد كانت مشتاقه لشوفته لان يذكرها باخوها
فتح كرم ايده حتى تجي غزل لحضنه وهي اجته بركض ولهفه وحضنته وهو يشم بعطرها وحس كانو الروح رجعت اله
غزل/اني تعبانه وروحي دتحترك وحتى مدا اكدر ابجي
كرم/اشششش سكتي لتبجين ولتخافين اني اجيت
غزل وهي حاضنته وتطلب منه ميتركها وحدها بعد اليوم
كرم/لو اموت ما اتركج
وكل هذا وهمه محاسين بدخول امير من فتح الباب وهو يكول شنو هذا الي ديصيرررررر
(زينب عبد المطلب)

باللحضه الي سمعت بيها غزل صوت امير وبالرغم من انوهي مطيه ضهرها اله تقسم انوهي سمعت صوت الدم وهو يغلي  وصوت قبضه ايده من تشتد فبلعت ريقها ومسكت الياخه مال قميص كرم وكانو حياتها توقفت عليه
ظل كرم يباوع ع امير وشلون عيونه صارت حمره وسال حاله ياترى هو ضايج من جيتي اله لو لان حاضن غزل بس بكل الاحوال يستاهل هذه نضرته عمري ما انساها حتى ومن هو صغير وهذه نضرته الي تحمل كل الكراهيه بس هالمره بيها حقد وغضب مرعب بس مراح اهتمله حتى لو عصب
انما امير الي دمه كان عباره عن بركان يغلي وهو يباوع ع ايد كرم وهي محتضنه خصر غزل محتضنه الجسم الي هو ملكه اله وحده
امير/اني سالت سوال شنو الي ديصيرر
نضرت غزل لكرم وجسمها كله يرجف
نضر الها كرم بنضره كانو يكول الها لتخافين اني يمج فتركته غزل واندارت بس اتجاهلت امير ومتباوع عليه
(زينب عبد المطلب)
كرم/شيخ امير اني كلش سعيد بشوفتك
اتوجه امير لمكانه وكعد وعيونه مفارقت غزل/واني هم فرحان بشوفتك واتمنى ما اكون خربت عليكم لحضه لقاءكم الحميم بدخولي
غزل حاولت بكل الطرق متباوع عليه لان تدري الي حتشوفه من عيون امير مراح يعجبها فضلت تباوع ع الارض
كرم/بالعكس شيخنه مخربت علينه اي شي بس اني كنت اسلم عليها لان يمكن انت متعرف انو اني اعرفها للانسه غزل لان كانت تجي هي واهلها يشوفون اخوها ولذلك اعرفها وتعرفني
ضحك امير وهو يباوع عليها الي نضراتها كانت للكاع واذكر من كال الها اذا جبتي اسمه اكسر اعضامج انوبه دخل وحضرتها حاضنته وربي اله اكسر كل عضامج عبالها اشاقه اني اااخ لوما الوعد الي انطته الها البارحه ااااخ
غزل جانت تعرف انو امير ميتحمل اذا ظلت العصبيه بداخله وخصوصا اتجاها لان كانت تعرف بيه يغار عليها من اي احد بس هذا مو حب ولا غيره هذا عنده حب التملك بس حاولت تباوع عليه وتجاوبه حتى تخلص من الخوف الي بداخلها منه
غزل/اني اسفه لان دخلت بدون ما اطلب منك هالشي  بس من عرفت انو كرم اجه وسكتت لان اذكرت انو هو طلب منها مجيب اسمه ع لسانها فكالت/من عرفت انو الشيخ اجه فبدون ما افكر اجيت اهنا واني اسفه راح اطلع اخذور راحتكم وبهالاثناء سحبها كرم من ايدها حتى تبقى يمهم وهي مباشرتا باوعت ع امير الي راد يكسر اسنانه هلكد ما ضغط عليهم من العصبيه وهي تمنت انو تنشك الارض وتبلعها لان ميته من وراه لا محاله
عصب امير بالزايد وراد يكسر الكرسي الي كاعد عليه من شده اعصابه واتحمل انو ميكوم ويكسر كل اعظام كرم وراه يقتل غزل من الغيره الي بكلبه عليها حاليا
ظل كرم يباوع ع غزل وماسك ايدها وكال/انشالله بعدين اشوفج لان عندي هووايه كلام وياج
غزل ابتسمت بتوتر بس رادت تنهزم وكالت بداخلها ولج انهزمي قبل ميكوم ويكفشج هسه
زينب عبد المطلب
غزل /اااااااوف اني شسويت بحالي هسه  شلون حطلع حالي من هالمصييه هسه كل قهره يطلعه بيه اني متاكده
بعد ما طلعت عزل من يمهم ظل امير ماسك نفسه حتى ميضرب كرم
كرم/مثل ما انت يا امير ولا اتغيرت
امير/لا بالعكس اتغيرت وصرت بعد احلى
ضحك كرم ههههه اني مكان هذا قصدي قصدي ع غزل بعدها نضراتك الها وخوفك عليها اذكر مره كسرت خشمي من كنت صغير لان مسكت ايدها
امير/اصلا هي متذكرك وكل اعتقادها هذه اول مره تشوفك
كرم/اي بس اني ما انسى طفولتي
امير/اي واضح ولهالسبب اخذو مكانك من ان تكون الشيخ بمكان اخويه شوف اكولك شي احنا متفيدنه العواطف لان اذا كلبنه نبض ولو مره وحده ينتهي امرنه
كرم وهو يبتسم/اذا ع كلامك هذا ليش غزل لحد هسه عايشه وابوها خائن قتل اخوك واخوها راح لغير عشيره ضدك
ظل امير صافن بملامح ميته وجاوبه/يكفي تخلي فراشي بالليل دافئ
كام كرم وهو معصب وامير فرح واتمنى كرم يهجم عليه حتى يقتله ويكول للشيوخ انو هو دافع عن نفسه وقتله
اما كرم ابتلع غضبه وهدء روحه
امير/خيرك يا كرم كلت شي زعجك
كرم/لا بالعكس بس اريد اروح لان باقي الشيوخ دينتضروني
امير/تمام بس احب اذكرك بشي اني قتلت اخويه علمود اصير شيخ فتخيل شسوي بيك اذا حاولت تاخذ الكرسي مني
كرم/بس اني توقعت انو اخوك مات ع ايد ابو غزل
امير/لا اني قتلته عندك اعتراض
كرم/اصلا اني متوقع منك هالشي
امير/كلش زين
راد كرم يروح بس وقفه امير وكال
انت قبل مسكت ايدها كسرت خشمك هالمره شتتوقع اسويلك اذا مديت ايدك ع املاكي
طلع كرم بدون حتى ميجاوبه

وللحكايه بقيه
(زينب عبد المطلب)

ودخلتلكم بطل ثاني للقصه وصورته فووك 👆🏻👆🏻توقعاتكم شنو حيصير بين امير وكرم وشنو حتسوي غزل بكرم حتى تستفز امير بيه
وشنو تصرف امير حيكون من شاف كرم حاضنها