رواية اعشقه كرهآ الفصل السادس عشر 16 - بقلم زينب عبد المطلب

البارت السادس عشر
(زينب عبد المطلب)

دخلت لمياء ع غزل ومن شافت انو الفستان كان لونه ازرك كامت اتصرخ شنو هذا ليش هاللون ومنو الي دزه واني طلبت يسولي لون احمرر ليش ازرررررك جاوبيني
لمياء/الخياط بيه عمى الوان
غزل/شنوووو ومغلط الا باللون الازرك
هسه دلبسيه لان ماكو وقت حتى تشوفين غيره
اوووف اوووف ليش هيجي كلشي ضدي
شوفي حبيبتي الصراحه انو الخياط كان يمه وحده ثانيه دتخيط وكام وانطاها فستانج وانتي اخذتي فستانها طبعا لمياء تحجي وتعض ع شفايفها حتى متضحك
راح اقتله لهذا الخياط
لميا/زين شنو الي معاجبج بيه اصلا احلى فستان شفته بحياتي
صارت غزل اعصاب وكامت تصرخ لان لونه ازرررررررك
وشبيه الازرك يشبه لون عيونج
وكعدت غزل وفهمت لمياء بلي صار هي وجوري علمود هاللون
لميا/ومن شوكت امير يحب هاللون
غزل/ميحبه هو بس سوه هالشي عناد بيه
لمياء/ ويجوز فعلا يحبه لان لون عيونج
وباوعت غزل بنضره ع لمياء وخلتها تسكت
لمياء/هسه بكل الاحوال ماكو وقت والعالم كامت تجي وبعدين لتنسين انو كل فساتينج وملابسج امشككه والعالم كامت تجي
غزل/لج انتي مدتفتهمين هسه عباله لان اني لبسته علموده وهذه الخ الي اسمها جوري هم حتلبس مثله
لميا/وانتي من اشوكت اديرين بتل لتفكير امير وبعدين جوري شفتها قبل ما اجي جانت لابسه فستان لونه ذهبي وفستانج كلش روعه وحتطلعين احلى وحده
غزل/شعجب جانت متلهفه تلبس هاللون المهم يله هو الصراحه الفستان حلو حكوم اللبسه يله تعالي ساعديني
ضحكت لمياء ومكيجت غزل وبرزت ملامحها ووسعت عيونها حتى تبرز اكثر بالكحل
وبعد ما كملت لمياء مكياج غزل كامت وشافت روحه بالمرايه وجانت طالعه كلش حلوه وفستانها الازك الغامق الي مفصل ع جسمها وكان الصدر مفتوح والردان دانتيل وحافات الفستان من مزين بالمجوهرات وكامو فستان للاميرات
لميا/مو كتلج اليوم حيتخبل امير
غزل/اصلا ما اهتمله وكل همي انو يعرف انو غزل القديمه ماتت واني حاليا ممهتمه اله
ها صدك هاج لمياء هذا الباكيت الج هديه
لمياء/هذا الي شنو بيه
فتحيه وشوفي
وفتحته وكان بيه فستان رووعه
هذا الج من رحت للخياط شفته عارضه وحسيته تخيط الج واشتريته
ضحكت لمياء/اشكرج حبيبتي بس هذا مو الي (زينب عبد المطلب)
غزل/لا الج وحتطلعين حلوه بيه واحلى من الموجودات شوفي لمياء قيمه الانسان مو ابن منو قيمه الانسان بطييته ومحبته للعالم واني مشفت احن منج
لمياء/مكتلج قبل انو اني احبج وتحاضنو
لميا/بس تدرين اني ميصير احضر الحفله
ومنو كلج مراح تلبسيه شوفي تلبسين هالفستان بين ما اروح شويه لحفله امير المكروه هو وهذه الله ياخذها جوري وراها اطلع واجيج ونسوي اني وياج حفله بنات ونغني ونركص وننسى كل همومنه
لميا/تمام روحي هسه ومن ترجعين نحتفل
لا ارتب شعرج ومكياجج وتبدلين واطلع
مو راح تتاخرين ع الحفله
عادي خلي اتاخر حتى من ادخل عليهم اريد الكل ينصدم من يشوفني
يله هسه شلون تريدين شعرج يكون انزله لو ارفعه
لميا/وربي انتي خبله
بدات الحفله وصار عليها ساعه وامير كاعد ويمه جوري وكانت كلش حلوه بفستانها الذهبي واهلها فرحانين بهالخطوبه وعرفها امير ع كل الحضور وكان مستغرب انو ملبست الفستان الازرك بس اللون الفضي كلش حلوه طالعه بيه وبلشت اول رقصه بين غزل وامير وكانت كلش فرحانه
اما امير كان كل همه ع غزل وهي وينها والكل بين بالحفله الا هي وكان معصب عليها لان فراس حجاله كل الي سوته غزل بغيابه وهو فكر يخليها تظل تلعب ع راحتها حتى يعرف شلون يصرف بوقت الحساب
وصلت غزل وقبل متفتح باب الصاله وكفت وره الباب واخذت نفس وكامت تحجي ع الخياط الي خيط هالفستان وتسمع اصوات الموسيقى وصوت ضحك العالم الجوه الي جانو قبل كلاب وخدم لابوها وهسه همه خدم لامير  يله ياغزل بدا وقت العرض وفتحت باب الصاله
امير كان منطي ضهره للباب وسمع بدخولها وشلون الكل يحجي بجمالها واناقتها ولعن نفسه الف مره لان هي سوت هالشي قصدا واجتي متاخره حتى الكل ينتبه عليها من تدخل
جوري وهي بنبره صوت حزين/شوفها شلون طالعه باللون الازرك
اهنا امير اندار ومن شافها نسه كلشي كل الي ديفكر بيه انو هي اجمل ما شافت عيونه وصارت ملامحه جامده مثل الصخر ويباوع عليها ودمه يغلي لان ممنوع احد يباوع ع شي يخصه ولو بيده هسه ياخذها ويسحلها كدام الكل وياخذها للغرفه
ضلت غزل تضحك وتسلم ع الكل وكلام المدح والجمال والغزل كله الها وهي فرحانه وتدري امير منزل عينه عنها ولو النضرات تقتل الشخص كان ماتت من اول مدخلت
جوري/حبيبي شبيك هذا 10كاس تشربه بيك شي
امير/لا حبيبتي بس افكر بشغلات تخص الشغل
جوري/لا حبيبي مو وكتها هسه
وحضنها امير وغزل تباوع عليهم
غزل/مو وقت الغيره هسه انسيه لهالانسان وقت الانتقام هسه
وراحت ع امير وجوري
وااو طالعه كلش حلوه يا جوري
وامير يضحك (زينب عبد المطلب)
عزل/انت هم طالع حلو وباسته من خده حتى تثيره وتبين حقيقته كدام جوري واهلها
جوري/طبعا كلش حلوه طالعه وهالفستان رووعه طالعه بيه
غزل/اي الي جابه الي كلي انو نفس عيون عيونج
جوري/وااو مبين عنده ذوق وكلش يحبج
غزل/الصراحه كلش يحبني ومفتقده صحبته كلشش
كام امير يشرب اكثر وشافه فراس وكال لازم ادخل قبل ما غزل تخليه يفور اكثر
ضلت غزل تحجي ويه جوري وتباوع ع امير وهو يغلي ونضراته ع غزل
فراس/هلو غزل وينج جنت ادور عليج وقرب وجه من يمها وكال/غزل كافي شوفي امير شلون صار لتلعبين بالنار
غزل/اوو فراس شلونك اني هم كنت ادور عليك
يله لعد تعالي ويايه اعرفج ع شخص
يله امشي ونترخص منكم
شفتي بله ادعيلي لان خلصتج منه وربي كان قتلج
ولا يهم عاادي
وراحت غزل وفراس وعرفها ع هارون
فراس/هذا هارون الشخص الثاني الي امير يثق بيه من بعدي طبعا احم احم
غزل/انت هارون هوايه سمعت عنك
هارون /الي الشرف اتعرف ع الانسانه الي اخذت قلب امير
غزل/اي واضح اخذته واليوم خطوبته
اكوله فراس اريدك تروح للحديقه الخلفيه اكو احد انت تحبه واكف اهناك
فراس/منو هذا
غزل/البنيه الي عيونك مشوف غيرها وعقلك ميفكر بس بيهاواهنا فراس عيونه كامت تلمع

هي متدري انك حتروح الها سويتها مفاجئه الها واذكر تره هي اختي واذا اذيتها يوم راح اسلخ جلدك سلخ
فراس/بس هي متحبني
غزل/هي تعشقك واني متاكده من هالشي واندارت ع امير هي تباوع عليك مثل ما اني اباوع عليه بس هي خايفه لان اكو فوارق بينكم روحلها و خلي هالخوف يروح منها
فراس/اني احبها لا اني اعشقها اعوف كلشي علمودها والله
غزل/اعرف ولهالسبب ساعدتك يله روح ولتخليها تنتضرك
ضحك فراس/احبش ياخبله
غزل/دروح وخلي الحب بس الها شسوي بيك اني
مر من الوقت 3ساعات والحفله مستمره والكل فرحان ونضرات ع غزل وجمالها وع امير وجوري الي متعب من الركص بالرغم من عمره كله مركص ويه غزل وهالشي كلش ضوجها
وبالاثناء اجاها الشخص الي هي مستغلته حتى تتخلص من امير وكان خايف عليها بس هي طمنته انو هي متروح من القصر بعد ما تتخلص من امير
واخذها وراحو يركصون كدام امير
امير صار اعصاب/لج اليوم شيخلصج مني مبقى احد مركصتي وياه وسلمتي عليه اليوم اسحلج
جوري/شبيك حبيبي ويامن تحجي
لاماكو شي

ورجع امير يفكر بغزل والشخص الي وياها لان يعرف انو هي متفقه وياه حتى يتخلصون مني لان فراس كلشي كله ظل هو يباوع عليها وهي تباوع عليه وتركص
بهالاثناء اجه احد من اهل جوري وطلب يركص وياها وهي وافقت وخر امير من يمها وفتح اول ازرارتين من قميصه ويباوع ع غزل وشافها من طلعت بره الصاله وراحت للشرفه هي والخاين الي وياها ومحد يمهم
حضنها من وره وكال/ليش متركين كلشي وتجين يمي وازوجج اني
اول شي نزل ايدك ليشوفك احد ويفهمنه غلط وثاني شي اني مو لاحد
بس يزوج امير من جوري اجي واخذج
غزل/اهوو هذا شلون حخلص منه لان كام يضوجني وشكلي مراح استفاد منه بعد لان امير عرف كلشي مبين عليه
لمحت غزل امير من بعيد وهو يباوع عليهم
مسكت غزل وجه وكالت/انت مستعد كلشي تسوي علمودي(زينب عبد المطلب)
ومستعد اموت علمودج
اي زين لعد حتى ما احس بتأنيب الضمير من تموت والي حيصير بيك هسه
باوع عليها باستغراب لحد مشاف امير وهو داخل عليهم وشاله ورفعه من ركبته
رجعت غزل وره وتباوع الوحش الكدامها وبكل برود وشلون ديخنكه وهي متوقعه منه يموت لان امير عرف بلي تفكر بيه غزل
غزل/طبعا انت اذا راح تقتل كل واحد يحبني بهالحاله منو حيزوجني تحجي وامير وعيونه نارر عليها
غزل/ارجع للحفله احسلي
قبل متطلع سحبها من ايدها
ودفعها ع الحايط ويباوع عليها ويصرخ ليش دسوين هيجي تريدين مصيرج يكون مثله
غزل/وحتى مرمشت وصرخت عليه واني شنو سويت غلط
امير/تصرفاتج مال بنات شارع والضحك والشقه ويه الكل شتريدون يكولون عليج مو شريفه هاااا
غزل/اووو لا امير لتبالغ خطيبتك اصلا ركصت اكثر مني واشكال ركصو وياها وحتى فستانها مفتوح اكثر من فستاني ع شنو هيجي معصب لهالدرجه اني مهمه عندك هااا
امير/هذا حلكج لو يسكت تدرين هسه اذا اقتلج شعره وحده مني مراح تتاثر فراقبي حلكج من يحجي بعد وانتي اصدين اتنزلين وحده اتونس وياها فهمتي لو لا
غزل/زين اذا مو مهمه عندج لعد ليش هيجي تسوي ويايه
امير راد يروح بس كال/دشوفين انو انتي مهمه عندي دروحي شوفي الي بره بالحفله اشلون يحترموها وانتي يباوعون عليج باغراء منتضرين شوكت اشمرج حتى ياخذوج الهم
حست غزل انو كلامه مثل السيوف تنزل عليها رفعت رجلها ومسكت وجهه  وهو اهنا نضراته كلها تحولت لرغبه وحب استغرب اشلون هالانسانه تحوله من وحش لاانسان
ثاني بنضره وحده من غزل
دفعها ع الحايط وبدا يبوس بيها وهي رجعت استسلمت اله وهو فرح وحضنها قوي وبدا يعض لركبتها وهي تكوله وخر ليشوفون ركبتي
امي/عادي خلي الكل يعرف انتي مالتي وحلالي
واهنا سمعو صوت احد يجي باتجاهم بس مدخل للشرفه وسمعو صوت جوري وهي ادور ع امير
غزل/امير وخر لتروح اتشوفنه
ميهمني
امير اهلها ليعرفون يمعود راح تفضحني
ميهمني
ههههه كافي امير وخر واطلع الها
طبعا اهنا غزل فرحت انو امير ممهتم بجوري وبس بيها واهنا جوري راحت وغزل من من شافتها واحت عضت ركبه امير
امير/وربي انتي حتكونين سبب موتي
غزل/ومنو كلك اني مراح اموتك
ورجع امير يقبلها وهي مستسلمه استغربت من استسلام جسدها اله عكس عقلها الرافض هالشي
وامير كان فرحان ممصدك بيوم يشوف غزل هيجي وبهالطريقه مستسلمه اله
غزل/احبك امير
اهنا امير فتح عيونه من الصدمه ومحست غزل الا ومن شافت امير شلون يباوع عليها
غزل/شسويت اني معقوله هيجي استسلمت لي ليش سويت هيجي وبسته ليش وين راح انتقامي امير مات ودفنته ويه اهلي هذا قاتل شلون استسلم اله
بعد امير عنها لان عرف هي بشنو دتفكر
غزل/اني شسويت وخر من يمي وخرر وانسى انو بيوم هالشي راح ينعاد ابدا
بعد ما راحت مسك امير شعره ورجعه وره وابتسم ومن اذكر كلمه احبك امير
ضحك وعرف انو اكو حب بداخل غزل اله  وظل يمشي وهو يضحك
شاف هارون وكله انو الكل يدورون عليه
امير/مو وكتك هسه وخر
رجعت غزل وهي تركض وتبجي لحد ما جسمها انصدم بشخص رفعت واسها وشافت كرم
كرم/شبيج غزل ليش هيجي وجهج وشبيج تركضين منو وياج
وبهالاثناء شاف امير وراها يركض وعرف كرم سبب ركض غزل وخوفها
باوعت غزل ع امير وشافت عيونه صايره حمره لان شا كرم يمها
كرم/لتخافين اني موجود ودفعها وراه
غزل تباوع ع امير وضمت روحها وراه
طل امير يباوع ع غزل بكل كراهيه وحقد وشهكت غزل من الخوف وامير اهنا....

يتبع
(زينب عبد المطلب)

توقعاتكم وتعليقاتكم