رواية اعشقه كرهآ الفصل التاسع 9 - بقلم زينب عبد المطلب

البارت التاسع
(زينب عبد المطلب)

فزت غزل والي كان يمها مو امير كان كرررم 😱😱
غزل/انت شجابك اهنا وهي تباوع ع كل الغرفه ليكون امير واكف
كرم/هايه شبيها ايدج هذا بسببي مو
غزل/لا انت معليك اطلع عفيه ليجي والله يقتلك ويقتلني
كرم/لتخافين طلع من القصر مموجود
غزل/اوووف الحمد لله
كرم/اسف غزل مكدرت احميج منه
غزل/لتكول هيجي اصلا وجودك يمي يكفيني ويريحني ويحسسني بالامان
ضحك كرم وباس جرح شفتها
وغزل خجلت منه
كرم/هسه اطيب بسرعه
وغزل احمرت من الغزل(ولج بربوك كعدي راحه مو حتى الريحه يشمها بيج امير ويعرف اذا احد باسج لو لا😜😜)
قرب كرم وجهه عليها وكال /تدرين صار شكد مشايف هالضحكه
وقرب شفايفه ع شفايفها وغزل تباوع ع عيونه وتشوف شلون بيها حب الها
وبدا كرم يبوس غزل من ايدها وهي ممنعته مو حبا بيه انما كانت تشوف بيه امير القديم الي تحبه قبل ما سوه هالجرائم وكان من يلزمها  امير كانت حتى كراهيتها اله تروح  وكانها متحس وتفقد السيطره ولهالسبب موقفت كرم حتى تموت كل جزء باقي لامير بيها وتبقي بس الكراهيه والحقد وبدات تبادل كرم النضرات  وكانت كلها حب وبهالاثناء انفتحت باب الغرفه 😱
دخلت فضه وكانت تباوع عليهم وهي تبتسم اتبسامه حقيره
فضه تكون زوجه رئيس الحرس سابقا وهي تحب  امير ومن النوع الي يحبه من دلع وانوثه
نرجع للاحداث
غزل فرحت انو الي دخل مو امير بس انصدمت لان  اول مره تشوف هالامراه وبنفس الوقت شافت دلعها وعرفت انو اكو علاقه بينها وبين امير وهالشي جنن غزل لان متحملت وحده تكون بحياه امير
غزل/هي غرفه امير بس انتي ع اي اساس ادخلين بهالطريقه ومنو انتي
كرم كانت نضراته الها كلها نضرات تحدي وجاوب غزل انو هذه زوجه رئيس الحرس واسمها فضه
فضه/اني اسفه دخلت بدون ما ادك الباب بسسسس امير اووو اقصد الشيخ امير هو ميمانع ادخل لغرفته بدون ما ادك الباب
وانت يا كرم كبران وصاير بعد احلى
وانتي هي غزل وكانت تباوع عليها من فوق لجوه
غزل/ليش احنا تقابلنه من قبل
فضه/لا سمعت عنج وكنت متوقعه شكلج يكون بعد احلى
باوعت غزل عليها بعصبيه
كرم /فضه امشي ويايه اوديج لغرفه مكتب امير وانتضريه اهناك وباوع ع غزل حتى يبلغها انو ليظل بالها من شي وقبل متطلع فضه كالت
فضه/الظاهر رحت ورجعت وصار ذوق امير اكثر انحدار ويلعب النفس
باوع عليها كرم بنضرات كلها رعب
فضه/قصدي ع اثاث الغرفه لتفهومني غلط واخذها كرم وطلعت من الغرفه
غزل/وهي تقلد ع فضه اي طبعا ذوقه اتغير اذا يعرف وحده مثلج بس شلون اذا حجتله الي شافته
دخلت لمياء للغرفه/اووف شكد مكروهه هذه فضه
ابتسمت غزل /هااا شفتيها
لمياء/يمعوده الكل يحجي عنها ويكرها
غزل/عادي ما استغرب بس لج اكو مصيبه شافتني اني وكرم كاعدين  وهو يبوس ايدي و كام يتقرب عليه بس هي دخلت وعبالها راد يبوسني ولج هو جرح ايدي لان سلمت عليه هالمره شحيسوي
لمياء/بستي كرم
غزل/ولج من كل كلامي مسمعتي بس البوسه احجي شسوي
لمياء/والله انتي بورطه بس بشرفج احجيلي شلون كانت بوسته
غزل/ماكو فايده بيج ولج هو باس ايدي وقرب وجه عليه ودخلت هذه  وكامت تفكر بحل لهالمشكله
لمياء/هالمشكله تنحل بس جيت ابلغج انو باجر امير حيسافر
انصدمت غزل /وشلون المرسال الي اندزه لاخويه مدبرتي واحد
لمياء/لكيتلج واحد مضمون وسريع
غزل/وينه جيبيه
لمياء/لكيتلج نسر  مرسال وسميته كوكو
غزل/شنوووو
لميا/اي مو هو بس يكول كوكو وسميته كوكو
غزل/بله بشرفج المرسال كوكو ولج شغله مصيريه هذه حياه اخويه 
لمياء/صدكي مضمون وهو شغلته ومعلميه ع هالشي
غزل/والله اذا عرف امير يشويني اني وكوكو وينطينه للكلاب ياكولنه
ضحكت لمياء بهستيريه
غزل/اي ضحكي حتى اذا مسكه للعصفور ابدال ميكول كوكو صدكي راح يحجي ويكول غزل دزتني
ضلت لمياء بس تضحك بهستيريه وغزل تكول اي عمي ضحكي شكو عليج براس الخايبه حتوكع
زينب عبد المطلب
لمياء/لا جديات تره هذا جبته من واحد هو مدربه ع هالشغله بس تنطيه اسم الشخص ولتخافين اني سالت وطلع امير عنده هيجي نوع من المرسال يعني اذا احد شافه لتخافين لان عبالهم امير الي ديرسله
غزل/اي صح اني سامعه بهيجي شي لعد بقت بس المخطط مال امير شلون حيواجه الشيوخ وبشنو وبذاك الوكت ادزها بس لازم اروح لمكتبه لان هو كلشي يضمه هناك
لمياء/تمام واني حبوك لسان الحرس لان يحبوني ولو حاليا ما اعتقد لان الكلب فراس شمر واحد من فوك السطح لان شافه يحجي ويايه
غزل/ولج ثوله هذا يعشقج بس والله لوما ادري بيه يموت ع امير كان خليتج تسويله اغراءات ويصير تابع النا بس ادري بيه يحبه
لمياء/صدك تحجين لو اموت ما اسويها اووع
غزل/لعد اني الي اصدك حنطي ركبتي لطير اسمه كوكو وراحت للحمام
لمياء/اصلا اسمه يخبل اووي فديت كوكو وكامت تضحك
رجع امير من الاجتماع وكان كل الوقت الوكت يفكر بغزل وضوجه هالشي لان ميحب يستسلم بس الها ومشبع منها وخاصتا الصبح ظل يباوع عليها ومكدر حتى يلمسها وبهالاثناء هجمت فضه عليه وحضنته بدون ما هو يحضنها وكللها شعندج جايه زوجج مصارله اسابيع من مات
فضه وهي حاضنته/سمعت باجر حتروح وجيبت حتى اشبع منك واشوفك
ومرت من يمهم غزل هي ولمياء وكانت تبتسم ومن شافتهم ضلت تباوع عليهم
امير/يا الله شكد مشتاق لهالضحكه وحتى يغيض غزل حضن فضه وعيونه منزلت من عين غزل
لمياء/لح شوفيها بعده زوجها منشفت تربته وهي حاضنه امير امشي نروح منا
غزل/بالعكس امشي نسلم عليهم وعيونها منزلت عن امير
غزل اوووو ست فضه واخير لكيتي امير
امير راد يعرف فضه ع لمياء بس قاطعته غزل
غزل/الست فضه حبيبه امير الجديده واووو
امير يباوع ع غزل ويريد يحذرها تلم لسانها ليجيها بوكس ع حلكها
فضه كانت مصدووومه لان بحياتها مشافت احد يحجي بهالطريقه وهالجرأه ويه امير
غزل/اووو اسفه قاطعت لقاءكم الحميم نفس الكلمه الي كالها لغزل وكرم
امير /مبين اليوم حيييل مرتاحه وحب يذكرها بيها وايدج شلون صارت
غزل بتحدي/اووو الحمد لله زينه صارت وقربت ايدها باغراء ع صدره
امير كان يباوع ع مصدر جنونه وهي كانت عباره عن ناار تهيج بداخله وسال شنو الي تحاولين تسويه وهي يتمنى يدفعها ويبوسها كدامهم ويشلع شفتها
غزل/ولا شي بس فضه كالت اني محلوه واريد اشوفها شلون المحلوه راح تخليك تكطع انفاسك
(زينب عبد المطلب)
امير/ومو كال كطعتي انفاسي
غزل قربت ع شفايفه بدون متلمسها ونفسها كام يدخل بنفسه ومن حاول يقرب حتى يبوسها بعدت عنه
غزل/يله لمياء امشي لان فضه عدها شغل مهم جدا جدا جدا ويه امير
ابتسم امير بس صار اعصاب
ضاجت فضه من تصرفات غزل بس حاولت تبين عكس هالشي وحضنت ايد امير وكالت اي صح عندنه شغل مهم كلش يله بااي
لمياء/يله امشي غزل لان حاليا اكو ذبان بهيجي وقت يكثر
غزل/اي صح هالوكت اكو ذبان هوايه وتدرين الذبان يجذب رادت تكول الزباله بس شافت امير يباوع عليها بعصبيه
يجدب الاشياء الحلوه
وراحت
ضاجت فضه وكالت لامير ليش مسكتتها
امير /ياله شكد حلوه تصير من تعصب
لتنسين فضه انتي الي بديتي وياها واسكتي
فضه رادت تحجي الي شافته اليوم بس الي سكتها تهديد كرم الها ومحجت شي
دخلو للمكتب وشاف فراس كاعد يقرا بالاوراق ومن شافهم كال/زين هذه لحد هسه عايشه
فضه/وانت مثل ما انت يافراس
امير /كاافي
فراس طلع/اي صدك امير بس لازم تقتلها لان هذه حيييه وطلع
فضه/اكرهه لفراس
امير/اششش

كانت غزل بالغرفه وحدها وتفكر بامير وفضه يعني معقوله هو وياها هسه وكان ويه بنات كومه قبلها شلون مجنت اشوفه هيجي قبل وهو يوميا ويه وحده ضاجت من التفكير وكامت ت تسبح ومن طلعت كانت بس لابسه المنشفه واتفاجئت من شافت امير ونضراته كانت تعرفها عرفت انو هو رايديها مكان الها مهرب غير ترجع للحمام وبعدها باول خطوه رجعت وره هجم امير عليها وجسمها ع جسمه وانفاسه داخله بانفاسهاغمضت غزل عيونها وامير بكل هدوء كال افتحي عيونج غزل
فتحت عيونها واستغربت كل جسدها يريده رادت تدفعه مكدرت جسمها جمد كدامه
امير بنفاس ثقيله/غزل ايريدج
غزل/بعد عني
(زينب عبد المطلب)
غمض عينه بالم وجاوبها انتي تريدين تموتيني
غزل وبعصبيه/اي اريدك تموت
امير/اني محتاجج ليش متفهمين اني اريدج
ورايدج بالحلال
غزل/بس انت وعدتني متلمسني
امير/برضاتج وبالحلال حتى تكون هذه اول ليله النا  اترجاج حبيبتي
غزل/ابدا  ابداااا
امير مسكها من ركبتها بكل قوته/ما اكدر مااكدر اوخر عنج ليش متفهمين هالشي اريدج
غزل وبكل قوته لان رادت تختنك/ابدااا
شمرها امير ع الارض
طلع امير وقبل ميطلع كال/صدكيني راح اقتلج وطلع
مسكت غزل ركبتها وايدها ترجف من الخوف
رجع امير لغرفه الي بيها فضه وكانت ممتوقعته يجي وكالت/اووو عبالي حتبقى اخر ليلتك يم غزل شعجب اجيت
مجاوبها امير وكام يشرب وفضه فضلت تسكت لان تعرفه من يعصب كلشي يسوي
وره فتره من الوقت حجه امير/اني اريدها اني دا اتوجع وما اريد غيرها انتي هنا وكل النسوان فاتحات ايدهم الي بس هذا القلب ميريد بس هي
انصدمت فضه وكامت تبجي لان هي تموت عليه من زمان وقتلت زوجها علوده وهو عمره محبها وطلع ميت ع غزل
امير/اووف يمكن اني سكرت
فضه/اعرف ليش متريدك
امير/اي طبعا لان قتلت اهلها
فضه/لا موهذا السبب
امير /لعد شنو
فضه/اليوم الصبح صار شي شفته من ردت اجي عليك بالغرفه ولازم تعرفه

وللحكايه بقيه
زينب عبد المطلب

ادري هسه حتكمزون من وره هالبارت
بس اريد اعرف رده فعلكم من يعرف امير بلي صار بين غزل وكرم وشنو حتكون رده فعله
بارت طويل وحلو شوفوني تعليقاتكم ورايكم