رواية اعشقه كرهآ الفصل الثامن عشر 18 - بقلم زينب عبد المطلب

البارت الثامن عشر
زينب عبد المطلب

الغموض والضياع هذا ااي حست بيه غزل من شافت امير وهو كله دم شالوه واخذوه للغرفه وهي ضلت واكفه وكرم يحجي وهي متسمع كلامه خووف الخوف سيطر عليها لتخصر امير ورجعت ذكرياتها بامير من كانت تدخل لبيتهم وتسلم ع اخوه وزوجه امه وتكعد ويه امير كان يكعد وميريد احد يشوفها غيره ويروح وياخذها بره بالحديقه ويكعد جوه الشجره وتنام هي بحضنه وهو يلعب بشعرها وكان امير عنده صوت حلو وكانت غزل تحب صوته وتطلب منه يغني الها  ومن تسمعها اتحس انو حبهم حيكون من المستحيل انو ينجمع وفعلا هسه اتاكدت غزل وبعد الي صار مستحيل تنجمع ويه امير وهسه متاكده انو هو بعد رااح منها وهالسهم حيموته
كرم وصوته مخيف/غززل جاوبيني شبيج ليش متردين بيج شي
غزل/امير امير السهم هو مو اله السهم الي
كرم/لتخافين ماكو شي وامير حيتحسن والي سوه هالشي متقصدج وهوايه روس حتروح اليوم روحي لغرفتج ولطلعين واني حروح اصرف وياهم
كرم يحجي وغزل بس تباوع ع ايدها الي بيها دم امير واخذها لغرفته لان مراح يأمن ع غزل الا وهي بغرفته وعافها وطلع يتحاسب ويه الي فكرو يموتون غزل
وضلت غزل وحدها ومتحركت لليل من مكانهاوسمعت اصوات بره بس متكدر تتحرك من خوفها ع امير ودخلت عليها لمياء وحضنتها وتبجي وتسالها انو هي بخير لان سمعت بسالفه القتل
غزل/سهم اتخيلي لمياء السهم اخذه بمكاني
عرفت لمياء انو غزل مصدومه /اي حبيبتي اعرف ارتاحي هسه وامير قوي وهسه يكوم بالسلامه
غزل/يكوم بالسلامه لعد ليش كلبي يوجعني ليش احس روحي مخنوكه شنو حموت اني نفسي احسه حينكطع
لا لا امير ميموت اني حلفت اني الي اقتله لامير مستحيل يموت لا
لج لمياء جاوبيني ضحى بنفسه علمود ما اموت ليش هيجي كلبي يوجعني بعد ما اتحمل حطلع بره لازم اروحله
بهالاثناء راح فراس وهو يركض لامير بعد مسمع الي صار بامير وشاف الكل مجتمع بالباب وشاف هارون
احجي هارون امير بيه شي منو يتجرا هيجي يسوي مراح اسامح نفسي شلون تركته ورحت وانتو الي واكفين اهنا اعرف انتو الي دبرتوها وربي اذا صار بيه شي كلكم اطير روسكم
هارون/فراس اصحى كافي مير حيكوم انشالله
فراس/تمام تمام وانتو يله وخرووووو منا ما اريد ولا واحد منكم موجود يلللله
الكل راح وبقى بس هو وهارون
واجتي غزل تركض هي ولمياء
فراس/جوري وين
لتخاف من شافت امير وهو دمه اغمى عليها ودزيتها لغرفتها
عاشت ايدك
غزل ساكته وتباوع عليهم بملامح جامده
لمياء/شلونه امير
بعده جوه والدكاتره يمه
رجعت غزل وانحنت ع الحايط وساكته
هارون/شوفها اكيد فرحانه لان حيموت
فراس/اسكت لان لا اني ولا انت ولا حتى ام امير تحبه بكد غزل واصلا زين سوه من نقذ حبيبته
هارون/صح كلامك بس شسوي خايف عليه
وكاعدين وهمه ينتضرون لحد مسمعو صوت صرخه رجت المكان رج وطلعو الدكاتره وكالو انو امير مدينطيهم مجال وبس يتحرك يريدون يسحبون السهم فدخلو فراس وهارون وتركو الباب مفتوحه
وحاولو يمسكوه وفراس يصرخ حتى يسيطرون عليه
غزل/كافي كافي شوفي لمياء امير ديتوجع شلووون
لمياء/شيسون ياعيني لازم يثبتوه
غزل/حدخله اني هم
لمياء/لا وين رايحه الدكاتره يمه ممنوع ندخل بكيفنه
غزل/انتي مدتفهمين امير ميموت من السهم يموت بيدي اني فهمتي
ودخلت وانصدمت من هول المنظر جان امير نايم ع بطنه والدم بكل مكان والدكاتره يصرخون وفراس وهارون مديكدرون يثبتوه
وتقدمت غزل ع امير بلا وعي
فراس/لمياء اخذي غزل منا شدخلكم انتو جوه
غزل/وخرو عنه
فراس/شبيج غزل اطلعي بره وتركينه نعالجه
طلعوووو و وخرو ايدكم عن امير
وخر فراس بس هارون رفض ودفعه فراس وصعدت غزل يم امير وشاورته
دير بالك تموت اني الي اموتك امير البطل ميموت من وره سهم اتحمل حتى يساعدوك ادري بيك دتسمعني امير
الدكتور لازم نسحب السهم هوايه دينزل
رجعت غزل وحطت ايدها ع وجهه والثانيه ع كتفه وكامت تبجي /لتموت امير اني مو عدوتك شلون تحمي عدوتك وتكوت لازم تقاوم وتعيش حتى اقتلك بيدي لتموت امير والله ما اتحمل وحطت راسها ع راسه وكامت تبجي وحست بدموها تنزل وابتسمت لسخريه القدر
شكد رادت تبجي علمود موت ابوها وهيانه امير الها وتعذيبه الها ودمعه منزلت وهسه دموعها مدتكدر اسيطر عليهم
لزمت راسه وضلت تكول /جعل كل وجعك بيه
جعل موتك هسه موتي ارجعلي امير انطيني وجعك وخلي الموت ياخذني
لا اكدر اعيش واني احبك ولا اكدر اعيش واني اكرهك وكامت تبوسه كدام الكل وهمست
احبك اميرر
فراس منزل راسه ودموعه شلال ع امير
هارون/لك فواس شوف امير هدأ
الدكاتره/يله بسرعه خلونه نساعده

فتحت غزل عيونها وشافت فراس يضحك وشافت امير هدأ وحست بامير يريد يحجي قربت اذنها من يمه وهو مغمض عيونه
امير/نزعي هالقلاده الي لابستها لا اخنكج بيها من اصحى( زينب عبد المطلب)
ضحكت غزل ودموعها تنزل ع وجه امير
الدكتور/وهسه الكل يطلع بره وخرت غزل بس امير مسك ايدها
يله بس انتي ابقي
فراس/شوف دكتور اذا تحسن امير راح اخليك اغنى دكتور بالعالم واذا امير صارله شي صدكني احركك وانت حي وطلع بره هو وهارون
وبدا الدكتور بسحب ااسهم وصراخ امير يرج القصر رج قربت وجها وهي تهمس
اتحمل حبيبي مبقى شي تحمل لخاطري انت قوي لازم تتحمل الوجع
واهنا الطبيب كمل بسحب السهم وخيطوه اله الج وامير فقد وعيه من كثر الوجع بس غزل متركته لحد ما الدكتور طمنها انو هو بخير حاليا وانطاها علاج وبلغها انو حرارته حترتفع واتشكرت منه غزل وطلع وهو والمساعدين الي وياه
دخلو فراس وهارون وهمه فرحانين وتشكرو من غزل لان نقذته
بالعكس مسويت شي اصلا السهم كان موجه الي وهو الي حماني منه
مبين عليج تعبانه روحي ارتاحي
لا فراس ما اروح الدكتور كال اصلا حتصعد حرارته ولازم ابقى يمه
اسلا بكل الاحوال غيرج امير ميريد يبقى يمه
وبهالاثناء اجتي جوري
طمنوني عنه شلون صار
الحمد لله الاطباء مقصرو
لعد ليش نايم وميحس
اي طبعا غير سهم جان بضهره
غزل طبعا وخرت من دخلت جوري لان عرفت انو هذا مو مكانها لان هي مو خطيبته ولا تقربله شي بس شافت ايد جوري محطوطه ع مكان العمليه و وجه امير مبين عليه ديتوجع
غزل/جوري ايدج انتبهي ايدج وين
انتي معليج ومن وراج كل الي صار بامير
بعد لتتقربين يم امير فهمتي لو لا
فراس/وخري ايدج تره الرجال ديتوجع
جوري/كلكم تطلعون بره يله فهمتو لو لا اني حصير زوجه الشيخ والكل لازم يسمع كلامي
بس ميصير الي دسويه اني ابقى يمه واسهر وياه
انت ليش تلح فراس اطلع بره انت وياهم اوووف انتي الي جبرتيني شو دتعالي وشاله فراس وهي تصرخ حتى تنزل وهو ممهتم وهارون فتحله الباب واتاسف من غزل لان شك بيها انو هي فرحانه بموته
غزل/ولا يهمك هارون ادري بيك تحبه
وطلعو بره ولمياء شافت وضع فراس ورفعت حاجبها
فراس/من فديت الي تغار
واذكرت لمياء من وعدها فراس يحبها ويحترمه ويقدرها بس تنطي فرصه حتى تحبه ويحبها براحته وضحكت وغمزلها وراح

وبعد كم ساعه وبعد بدلت غزل لامير حست حرارته مرتفعه سوتله كمادات ونزلت حرارته وحسته انو هو عطشان وفعلا هو كان عطشان حاولت تشربه مي بس مكدرت ترفعه ففكرت بطريقه ومكان امو غيرها
شوف امير حشربك مي بس لتفكر بهالطريقه انو اني سامحتك
وكامت تشرب المي وبدون متبلعه تحطه بحلك امير لحد محسته اكتفه من شرب المي وضلت تباوع عليه لحد ما جفلت
امير وصوته ناصي/هذه اطيب مي شربتها بحياتي(زينب عبد المطلب)
عزل/شنوووو انت كاعد
ليش توقعتيني امووت؟؟
من شوكت وانت كاعد
من فراس شال جووري وطلعها من الغرفه
ياحقير لعد ليش متكول وضربته
امير/اااخ
اوي اسفه اصيحلك الدكتور
لا ميحتاج بس وجعتيني
طبعا امير متوجع بس حب يشوف اهتمامها وخوفها عليه واذكر كلامها الي كالته اله وكله سمعه وهو الي خلاه يقوى وخصوصا كلمه احبل هي الي انطته القوه ومندام ع السهم الي اخذه بمكانها لان بين لامير شكد غزل تحبه بس الي ضوجه انو اتاكد هسه ان غزل هي فعلا نقطه ضعف
كومي صيحيلي فراس
وين اصيحه صدك تحجي وين بيك حيل تكوم
اي صح مابيه حيل وهالشي غلط مو وكته هسه
غزل😔😔
امير/انتي غبيه شلون تامنين بيهم حتى يقتلوني وهمه نفسهم الي باعو اخويه وابويه حتى اني اخذ المشيخه عبالج ما اعرف اني بسوالفج
واني مكتلك اتساعدني
اي والله حقج اني صوجي المفروض اخليج تموتين ولتفكرين انو اني ساعدتج لان احبج لا غلطانه ولو اي احد غيرج هم جان ساعته
ضاجت غزل وراد امير يتغطى ومقبلت لان مصخن وراد مي ركضت وانطته امير فرح بس مبين هالشي لان فرحان شلون تخاف عليه ولو يرجع بيه الزمن الف مره هم جانعاد نفس الشي وضحى بروحه علمودها

كامت غزل وصاحها امير /وين رايحه
حنام ع القنفه لان تدري بيه احوص من انام
نامي ع الفراش غزل
ضاجت غزل اذا هو هيجي ندمان لان نقذني ليش نقذني لعد
وراحت ع الفراش ونامت بالحافه وامير يحوص صح معصب منها لان طلعت ويه كرم ومسمعت كلامه بس محتاج حضنها
اوووف حموت من البرد شلون يعني ما اكدر اتغطى
اي مو الدكتور مال مو زين
ادري راح اندم ع الي حسوي بس ماكو غير حل
وكامت وحضنته حتي يدفى وابتسم امير
هى لتضحك تره لان احس بالذنب هيجي سويت لتفرح تره اني اموت منك
امير اوووف بارده
وحضنته غزل بعد اكثر وهو مد ايده من جواها وحضنها
اتجمدت غزل وصفنت لان تعرف الي ديصير مراح يغير شي من الواقع والي ديصير غلط
امير/لتفكرين خلي انام وننسى كل شي وكانو مصار بس هالليله
تتوقع ننسه
بس هالليله
تدري امير لو صاير بيك شي جان متت حسيت روحي راح تطلع اترجاك انتبه وبعد لجازف بهيجي شي (زينب عبد المطلب)
متدرين غزل السعاده الي حسيت بيها اليوم شنو من سمعتج تبجين علمودي وخايفه عليج وتصيحين باسمي حتى اكوم واتحمل
وكل هذا بصفحه ومن شفت السهم جاي عليج بصفحه وربي الا اخليهم كلهم جوه رجلج لان رادو ياخذوج منهم لان مو من حق اي احد يأذيج غيري
هههههههه خبل
بعدك تتوجع
لا ابدا واهنا امير كذب عليها لان هو ديتوجع بس مراد يحسسها بالذنب
ضلو واحد يباوع ع الثاني
وبلحظه رفع امير نفسه فوكاها
ولك انت خبل مو قبل ساعات سولك عمليه بكتفك
وتتوقعين اليوم اكضيها بس نضرات ولج انتي حلالي
مو جتفك يوجعك
والله لو بلا راس اليوم ما اعوفج
ضحكت
ولج حتموتيني انتي وربي وبدا يبوسها
وهي جانت محتاجته
ووووووووووووووو💏💏

عيب معليكم بالعالم كلمن يحير بروحه

يتبع
(زينب عبد المطلب)
بارت طوووويل وفوك الالف حرف توقعاتكم وتعليقاتكم😘