رواية اعشقه كرهآ الفصل الثاني 2 - بقلم زينب عبد المطلب

راحت عزل لامير بس من دخلت اله انصدمت من شافت اخوه نمير ميت ومرمي ع الارض وابوها واكف يم جثته ومنزل راسه للارض وامير كاعده وبكل برود يباوع عليها هي ضلت صافنه ومدتستوعب الي ديصير ابوها ليش اهنا ونمير ليش ميت وامير كاعد بمكان اخوه والبرود الي بوجه راحت ع ابوها وحضنته وكلتله
غزل/بابا شصار ليش انت اهنا وامي ماااتت ليش عايفها واجيت ومنو الي قتلها ونمير ليش ميت وهذا ليش كاعد بمكانه امير فهمني شصاير
امير/ابوج قتل اخويه وانحكم عليه بالخيانه والقتل
غزل/لا مستحيل ابويه ميقتل نمير يحبه انت دتكذب
امير/بهذا الشي الي كلتيه صح ابوج يحب نمير بس اني لا احب نمير ولا حتى ابوج لان ابوج كان من ضمن الناس الي كرهت امي وعمري مسامحته ولا راح اسامحه ونمير مات وهو يستحق هالشي لان اخذ مكان مو اله (زينب عبد المطلب)
عزل/انت شكاعد تحجي مستحيل الي دتكوله شسويت انت منو انت معقوله انت امير ليش هيجي تسوي ليش گلبك مليان حقد ع الناس امك ماتت وراحت انت هسه خليت امك تتعذب بقبرها ع الي سويته
امير/اني الي سويته المفروض يكون من زمان بس كنت منتضر اللحظه المناسبه والعمر الي اكدر احكم بيه كل هالعشاير واصير اني شيخهم
غزل/انت حياتك انتهت ومراح تكدر تطلع منا لان قتلت اخوك
امير/ومنو كال اني الي قتلته اكو شهود تثبت انو ابوج الي قتله مو اني
غزل/بابا امشي نطلع منا ومعليك بيه محد يصدكه انت مقتلت واني اشهد ع هالشي
امير/ومنو حيسمح لابوج يطلع اصلا ابوج انحكم عليه بالاعدام واني الي راح انفذ الحكم
عزل/امير معقوله تسويها هذا ابويه معقوله تقتله وكلبك ينطيك تقتل ابو ...سكتت ومكملت الكلمه ابو حبيبتك لان كانت تعرف انو امير يحبها مثل ما هي تحبه
امير/اي ليش لا ابوج خائن والخائن ميعيش بنصنه
غزل /كامت تصرخ وتتوسل بامير حتى ميقتل ابوها وكل هذا والاب كان واكف ومتحرك ساكن وغزل كانت مستغربه من تصرف ابوها وبروده لحد ما ابوها نطق وكال الموت ارحم الي من اظل  عايش تحت رحمه واحد خاين
كام امير من مكانه وبلحضه رفع سيف موجود ع جثه اخوه وحطه ع رقبه ابو غزل وقتله.....

بلحضه وقوع ابو غزل ع الارض مات ووقعت غزل مغمي عليها من المنظر الي شافته شافت ابوها كدام عينها انقتل ومنين من اعز انسان ع كلبها وبالاثناء دخل فراس وشاف غزل واكعه وامير كله دم و واكف بمكانه وميتحرك ابدا صرخ فراس ع امير حتى يصحى وبنفس الوقت يصرخ عليه شلون يقتل ابوها كدام عينها وبكل برود امير جاوب
امير/عمري ما انسه انو هو كان من ضمن الاسباب الي خلت امي تموت وعمري مسامحته ولا حسامحه
فراس/بس غزل شنو دنبها
امير/ذنبها انو هذا ابوها وسكت
رجع امير لمكانه وفراس طلب يجون وياخذون غزل حتى ترتاح ويحاولون يصحوها
امير/اخذوها لغرفتي والباب تنقفل عليها ومحد يدخل بس اني
اتفاجأ فراس من رده فعل امير لان شكله اتغير خصوصا بعد الي صار
فراس/اكولك امير البنت الي كانت مسؤله عن غزل جبتها لبيتكم وحبستها بالغرفه حتى من تصحى غزل هي تعتني بيها ولتنسه هي متعوده عليها وهنه مثل الخوات
امير/قصدك اتكول لان انت تحبها ولتخاف مراح اطلب من احد يقتلها الا اذا انت ردت تقتلها لان هي متهمني
فراس سكت وطلب انو يطلع وبهالاثناء اجاه احد من الحرس وبلغه انو العشاير اجوي بعد ما سمعو بالي صار
وفعلا الكل سمع كلام امير للاخير بعد ما اتهم ابو غزل انو هو الي قتل اخوه وهو قتل ابو غزل لان يعتبر قاتل بالرغم محد كان مصدك بهالشي بس بينو اله انو همه مصدكين لان الكل يخاف منه وخصوصا بعد ما كبر وصار جسمه اقوى ومحد يكدر يبارزه وشخصيته كانت قويه جدا وكلمته وحده وكل هذا وعمره كان يبلغ 21سنه بس الي يشوفه يكول عليه فعلا شيخ العشاير وماخذها جدا عن اب(زينب عبد المطلب)
بعد ما انتهى الاجتماع وفعلا اختارو امير انو يكون شيخ عشيرتهم وهو المسؤول عنهم كان اكو بعض المعارضين الي مأجوي للاجتماع لان كانو يفضلون الموت ولا يختاروه وكانو يفضلون ابن عمه كرم هو الي كون شيخ العشيره ومو امير بس الاغلبيه كانو حاضرين وبالفعل اتخذو امير شيخهم
كاعد امير وحده بالصاله المخصصه للشيخ وكاعد يشرب وكان يفكر بداخله بغزل وبلي صار بس كان مستحيل يتنازل ويروح الها ويواسيها بس طلب من فراس انو تروح لمياء يمها وتشوفها وهو كان كاعد ع اعصابه لان بنفس الوقت كان خايف عليها بس ميعترف بهالشي
دخلت لمياء لغزل ومن دخلت انصدمت من شافتها غزل الحلوه الي ماكو بجمالها بالعشيره كلها هذا حالها ملابسها دم وهي حاضنه رجلها وتبجي و وجها كله اثار ضرب هلكد مضربت ع وجها من صحت واذكرت موقف ابوها
دخلت لمياء وكانت الصدمه لغزل لان توقعت انو هي هم ماتت وركضت عليها وحضنتها وكامو يبجون سوه وكل الي بالقصر مال الشيخ امير سمعهم وبجه ع بجيهم
ابوها وامها خصرتهم بيوم واحد حياتها ومستقبلها ادمرو بروحت اهلها وظل بس اخوها ..اخوها الي متعرف اخباره واذكرت انو هو اكيد ميدري بس اذكرت انو اخوها يدرس ويه كرم ابن عم امير يعني وصله الخبر وكامت تبجي بالزايد خوفا ع اخوها
بهالاثناء دخل امير الها والصدمه كانت واضحه عليها وع لمياء بعد ما غزل كلتلها انو هو السبب بوفاه اهلها
توقعاتكم ورايكم 😘

وللحكايه بقيه
طبعا النشر ديكون بالفيس بكروبي وراها انشر بالواتباد
صوت +متابعه