رواية اعشقه كرهآ الفصل الثاني والعشرون 22 - بقلم زينب عبد المطلب

البارت الثاني والعشرين

كعدت غزل بالمخزن كله اظلم وبارد ومابيه شي تكعد عليه حست روحها بسجن وجسمها كله يوجعها من الضرب ابتسمت لان هي فضلت هالشي وعرفت راح ياذيها امير ومراحت ويه كرم بس تعبت
تعبت من حياتها ومن حبها لامير الي رافضه تعترف بيه
تعبت من الكراهيه الي دشوفها منه
جسمها كلش يوجعها وكامت تحجي بصوت ناصي /اقتلني وخلصني وراها بعد محست بشي وفقدت
حست اكو صوت يصيح باسمها غزل غزل كعدي
فتحت عينها غزل وبالكوه لمحت اكو شباك فوكاها وعرفت انو هذه لمياء
لمياء. عفيه غزل كولي اي شي حبابه ردي عليه
غزل. حبيبتي لمياء لتبجين مابيه شي
لمياء. راح اتخبل عبالي قتلج هالوحش اليوم اطلعج منا
غزل/لمياء عرفيني وروحي وانهزمي اني امير ميقتلي بس حيظل اياذيني واول شي حيسويه بيج انتي ويقتلج حتى يحرك كلبي
راح يطلب من فراس يقتلج اني متاكده بس فراس ميسويها ابد وشنو يطلب منج سويه وسمعي كلامه وحتى لو عصب عليج اتحملي

لمياء. لا ما اروح لان يكتلني ابقى يمج اهنا واموت وياج
غزل. فدوه لكلبج تره ما عندي طاقه اقنعج اتوسلج روحي لفراس هو اكثر واحد راح يحميج وبعدين انتي تنقذيني حبيبتي لمياء ما اريد كلبي ينحرك عليج رووحي تره تعبت والله

لمياء وهي تبجي وتعرف انو الكلام ميفيد ويه غزل لان كلامها صحيح /تمام غزل حروح بس اريدج تعرفين اني حرجع واطلعج
غزل. اي اعرف
لمياء. غزل حشمرلج ملابس وغطه لان هالحيوان عرفت انو دخلج اهنا وماكو شي موجود بالمخزن
غزل. تسلمين حبيبتي يله روحي فدوه

ثاني يوم الكل مجتمع بالمجلس والكل عرف انو غزل هي الي وصلت الاخبار لاخوها وخانت امير والكل معصب عليها وفراس وهارون كاعدين لحد ما دخل امير والكل سكت
امير/ليش اصواتكم عاليه جاوبوني
طبعا الكل يخافون من امير وهو هادئ اكثر من ماهو معصب
كام احد الشيوخ/شيخنه انت تعرف الوضع واحنا نثق بيك بس الكل يعرف انو غزوان و وياه شيوخ جايين يقتلونه كلنه وينطون المشيخه لكرم واحنا من اضامنه وياك لان نعرف قوتك

امير. ولكم تدرون اني حاربت علمود اكعد ع هالكرسي مبقى احد مقتلته علموده ومن ضمنهم اخويه تتوقعون اخاف من جربوع مثل غزوان وكرم

اي شيخنه نعرفك بس حتى الي اضامنو ويانه تركونه وراحو وياهم باعتبار الحق لكرم مو الك

امير. احركهم كلكهم سمعتو واسمعوني زين راح نقتلهم كلهم حتى لو وحدي اني اوكف كدامهم ومحد ياخذ مكاني ويله انتهى النقاش كلكم طلعو
احد من الشيوخ قبل ميطلع كال/وغزل شلون مو هي الخاينه شلون لحد الان مماتت الخائن معروف شنو مصيره عدنه
امير وعيونه صارت نااار. اني اصرف

شلون تصرف خلي مقتلها حتى اخوها يعرف انو هي ماتت

امير. كلت اني راح اصرف وياها انتو معليكم بيها

شلون حتصرف وهي عايشه هذا مو كلام شلون شيخ يخاف من مره
وبلحظه وبرمشه عين كام امير وقتله والكل وكف مذهول
امير. وهسه اكو احد بعد معترض
الكل سكت وخافو يفتحون حلكهم
امير. لعد سمعوني
غزل متكوت لان الموت الها رحمه وراح تنجلد300جلده وكدامكم كلكم حتى صوتها يوصل لاخوها ويعرف شنو مصيرها من خانتني علموده
واقتلها بعد ما اخليها تشوف اخوها مقتول كدامي كلامي واضح
الكل. اي مفهوم وباجر حيكون عقابها
امير. تمام يله طلعو وشيلو هذا وياكم
وانت فراس وين راس لمياء
فراس. والله ماهي يمكن انهزمت
ظل امير يباوع ع وجهه فراس وعرف بيه مديكذب
امير. شوفها وينها وبسرعه
فراس. ان شاء الله
اااكووولك ااامير
امير. احجي شكوو
فراس. سالفه الجلده تره غزل بعدها طفله ومتتحمل وهذا حتى حيترك اثر عليها ومحد يتحمله هالسوط وانت تعرف شكد اياذي
امير مرد عليه بس بنضره وحده باوع ع فراس يعني اطلع بره وطلع

ظل امير كاعد وحده واعصابه متهدا وحس اكو دم دينزل من خشمه وكام يغسل ويباوع ع حاله بالمرايه/لتضعف ظل مثل ما انت كلبك مليان حقد وابد لتضعف

رجع فراس لغرفته وشاف لمياء موجوده
سد الباب وركض ع الشبابيك /خوما احد شافج
لمياء/لا محد شافني غزل كلتلي اجيك
فراس/شوفي ابقي اهنا ومطلعين ابد لحد مينخمدون اواطلعج
لمياء. وانت ليش حساعدني مو امير كلك اقتلني وانت تنفذ كل اوامره
فراس. لان زمال اني زمال وادري بيج جنتي تقشمرين عليه بس ميهم اني فرحت من مثلتي الحب
حاولت لمياء تتقرب اله وفراس كال لا لتتقربين يمي راح اساعدج وبس فلتمثلين عليه بعد خلص وقت التمثيل وطلع
وكعت لمياء وكامت تبجي عليه لان عرفت كسرت كلبه

ثاني يوم
دخلت جوري ع امير وعرفت مو وكتها بس رادت تدخل وتحجي وياه
جوري. عرفت انو انت انطيت حكم لغزل
امير. اي ويعني شتريدين
جوري. صدك هي تستاهل لان خانتك صدك اني اكدر انسيك غزل بس اتركها ولتفكر بيها
امير. حضري نفسج عكب باجر زواجنه
جوري. انت متاااكد
امير. اي اتفقت ويه ابوج وحيظل يساندني
وهسه طلعي بره
ضاجت جوري من طريقه كلامه بس فرحت انو هي حتزوج امير بعد يومين وطلعت
كام امير وهو ضايج يباوع من الشباك وكلبه مقبوض لان اليوم حكم غزل بالجلد

كعدت غزل وهي متكسره من الوجع وشايله هم لمياء وشنو تفكير اخوها وكرم بعد ما رفضت تروح ويه كرم ضحكت لان هي مندمانه من بقت ويه امير تكرهه كلش وتحبه لحد الموت تعرف انو هي مصيرها وحكمها راح يجي وتمنت الموت لحد ما سمعت اكو احد جاي عليها انفتحت الباب وشافت هارون واكف ومبين عليه ضايج وحزين وتدري انو مو بيده الي حيصير
غزل. هاا حموت مو كول هارون عفيه اريد اموت وارتاح
هارون. حكم عليج 100جلده
غزل. مبين عليه معصب مني كلش هالمره
هارون. غزل اني
وقاطعته غزل. حيكون موجود هو
اي موجود هو وبقيه الشيوخ
غزل. كلش زين حتى هالمره صدك شكو اله بكلبي يروح
هارون. سامحيني والله مو بيدي امير تغير ولا عبالك امير الي. نعرفه
غزل. انت انت معليك وامير من يقرر محد يوكف كدامه
وطلعت غزل وياها هارون وهي تمشي كدامه لحد ما طلعت وشافت امير كاعد ينتضرها هو وكم شيخ منتضرين حكم غزل
امير كان يباوع ع غزل وعيونه حمره ويعصر بيده ويمسح بوجهه وفراس يباوع عليه ومن شاف امير لزم وجهه عرف فراس انو غزل وصلت
غزل عيونه ع الشخص الي ماسك السوط وينتضرها اندارت وشافت فراس اجه عليها معرفت شتسوي محست الا وهي شمرت روحه عليه مو خوف لان هي قويه بس جسمها تعبان وميتحمل ضرب حضنها فراس وهو يتاسف منها لان مابيده شي يسويه
غزل. لمياء وينها عفيه فراس انقذها
فراس. لتخافين عليها وتره امير اخذت هالحكم حتى يسد حلگ الكل وميقتلج
غزل. عادي ما اعتقد حيصير شي اقوى من الي صار البارحه
فراس. غزل غمضي عيونج حتى متحسين بشي فهمتي بس يبلش يضربج غمضي
غزل. احاول ومشت غزل وعيونها صارت بعيون امير وشافت عيونه ميته واي ملامح ماكو بوجهه اتمنت تروح وتركض عليه وتتحماه بيه بس عرفت هالشي ميصير
وبلش الجلاد يضرب بيها وهي عيونها بعيون امير الجامده نزلت عينها عنه بس حست انو امير ديصيحها ويطلب منها تباوع عليه وفعلا رجعت تباوع امير ويه كل ضربه تصرخ بس حست انو امير ممهتم واهنا غزل نست كلشي وبلشت تصرخ من جوه وتتحمل لان وجعها مو بالضرب وجعها كان من نضرات امير البارده عليها
فراس اهنا متحمل وحس غزل حتموت اتقدم عليها وامير صاح بيه
امير. خطوه بعد وحده منك واقتلك
مسح فراس دموعه ورجع لمكانه وشاف نضرات امير ومبين عليه متوجع اكثر من الكل بس لازم تاخذ عقابها علمود الكل يسكت
وبعد ما صارت اخر ضربه امير راح وغزل شافته من طلع رادت توكع بس هارون وفراس ركضو عليها
هارون. فراس اخاف تموت
فراس. لا متموت غزل سباعيه عفيه عليج غزوله يالقويه فديتج اتحملي سباعيه انتي وشالوها واخذوها للغرفه

دخل امير للغرفه واول مدخل سد الباب وراه وظل صافن لدقايق وايده مبطلت بس ترجف حط ايده ع كلبه ويعصر بيه وبدا يصرخ باعلى صوته من كثر الوجع الي بداخله

اخذ فراس لغرفه وصاح كل الدكاتره حتى يشوفوها ويعالجوها
هارون. شسويت فراس مو امير هسه ميقبل لازم ترجع للمخزن
فراس. اسكت هارون ولك هذه اختي لو اعرف امير يطير راسي علمودها ما اهتم

هارون. انشالله اطيب بسرعه
فراس. حطيب غزل شوف الضرب الي بضهرها مو نفس المكان واني كتله من يضربها يحاول ع كيفه حتى متتوجع حيل وبنفس الوقت ضرباته ميكررها بنفس المكان
هارون. عفيه عليك فراس زين سويت
فراس. انت روح يم امير واني حبقى يم غزل لحد متصحى
وراح هارون وره دقايق رجع وهو خايف
فراس. شبيك احجي
هارون. ولك امير قتل الجلاد وقتل الشيخ الي اليوم حجه وياه علمود غزل
فراس. ولك هذا شسوه حتصير حرب اهليه هسه من وراه حيكوم الشيوخ علينه وينه هسه
هارون. صعد بالسطح لان كوه ديتنفس
امشي نروحله
وصعدو فوك
امير. وااو صديقي العزيز فراس
فراس. امير امشي ننزل جوه انت شارب
صرخ امير. لك اني الشيخ انت متامرني فهمت لو لا
اني امير الي قتل الكل وميخاف من احد اني الولد الي امه ماتت كدامه والشاب الي قتل اخوه اني النذل الي امر باحقر عقاب لحبيبته
ولكم شفتو عيونها من اول ضربه انضربتها ولكم اني الي طلبت انو تنضرب ضرب صدره ويصرخ اني الي امرت بضربها شايفين هيجي واحد ناقص مثلي
بس اني حقي لان هي خانتني ولعبت عليه وتريد تنهزم ويه كرم عبالها اخليها تبقى اله لا مسحيل اقتلها وما اخليها تسويها
هي الي من اجتي الدنيا الي وحدي تدري فراس اني رحت ع ابوها وطلبتها للزواج وابوها رفض
فتح فراس عيونه ومصدك/شوكت
امير. اي رحت وابوها طردني لان امي مو عائله شيوخ وميعترف بيه تدري ملما اجاه احد يخطبها اني اقتله مخليت احد حتى لو يباوع عليها الا اذا مقتلته
فراس. يله امير امشي ننزل انت تعبان
امير. هههه نزل لو شنو رايك نروح لمياء صدك البارحه من اجتك للغرفه وين اخذتها هااا اي اذكرت اخذتها لبيت ابوك الي مقفول عبالك ما ادري
فراس. كافي امير انت سكران وانت الي امرت تعاقب غزل بهالطريقه صير رجال وتحمل نتيجه اعمالك
امير. اي صح ولكم ساعدوني بعد ما اتحمل ساعدوني انتو مو اصدقائي اني مو دائما اساعدكم بكلشي تريدوه ساعدوني ولو هالمره طلعو كلبي من مكانه وخلصوني ولكم احبها راح اموت ع شوفتها
فراس وهارون. كافي امير امشي ننزل انت تعبان
اندار امير وشال صخره جبيره وكام يضرب ع كلبه حيل
اندارو عليه فراس وهارون ولك انت خبل لك تريد تموت روحك
امير. ضربوني اترجاكم اريد اخلص من عذابي انسو اني شيخ اني صديقكم وضربوني
وكام افراس وهارون يضربون وهو مستسلم لحد ما راد يغمى عليه وكال/ لحد يكعدني بعد اريد غزل اشتاقيتلها

كام فراس وهارون يبجون عليه
شالوه و اخذوه للغرفه وبدو يمسحون وجهه
امير وبصوت ناصي. فراس اترجاك اخذني يمها والله ما اسويلها شي بس اشوفها من بعيد الله يخليكم اخذوني الكم
هارون. يمعود بس نام انت سكران ومحاس بشي
امير. لا مسكران اخذوني يمها اااااااااخ غززززل

فتحت غزل عيونها وعي تحس بوجع من اذكرت نضرات امير الها محاسه بوجع ضهرها بكد متاذت بنضرات امير البارده الها
كامت تبجي لان هو يباوع عليها وبالكذب مكال كافي واجه وحضنها اتمنت تموت ولا صار هالشي كدامها

ثاني يوم
كعد امير وشاف فراس نايم ع القنفه وراسه يوجعه واذكر الي صار البارحه ومسك راسه وهو معصب كام حتى يبدل وفز فراس
فراس/ها امير شلونك
امير ليش شبيه اني
فراس مو البارحه جنت كلش تتوجع
امير. اسكت فراس مابيه شي اني
فراس. لعد احب اكولك شي تره غزل زينه
اتجمد امير بمكانه وسكت
فراس. زين اسالك ع شغله انت مو تعرف اني مسمعت كلامك علمود لمياء ليش مقتلتني
امير. ولك اني الي بلا كلب البارحه مكدرت اتحمل واشوفها وهي تتوجع وانت الي عندك كلب شلون حتتحمل
فراس. اي بس كلشي انتهى بيناتنه
امير /زين لعد اتحضر بعد يومين حسوي عرسي اجلته لما في الكفايه
فراس. عرسك انت وجوري
امير اي عرسنه

طلع فراس وراح لغزل وشافها كاعده
فراس. صح النوم شلونج اليوم
غزل. زينه واحسن من البارحه الدكاتره مقصرو وحطولي مرهمات ومسكنات دتريحني
فراس. غزل تره الي امير سواه علمودج
غزل. شنو علمودي ولك ياحب هذا الي هيجي يسوي بحبيبه وتاشر ع ضهرها تسويها انت بلمياء
فراس. لا
غزل. لعد اسكت فراس كل الي سويته لان اخاف ع اخويه مسال امير نفسه اني ليش مرحت ويه كرم ولك فكرت انو انطيه فرصه لان احبه بس هو ميفكر
فراس تره لمياء تحبك وهي ممثلت عليك ابد
فراس. اكولج انتي اكلتي
عرفت غزل فراس يريد يسد الموضوع
غزل. اي اكلت
فراس. عفيه عليج وهسه حروح اشتغل عندي هوايه اشغال
غزل. شنو هالاصوات الي بره
فراس. هااا لا ماكو شي
غزل. اهاا اي اذكرت امير هسه محتاج ابو جوري واكيد راح يزوجها
شوكت زواجهم
فراس. بعد يومين
غزل. اهااا بلغه سلامي وكول لامير مبروك
فراس. يله ارتاحي هسه انتي حتى اطيبين بسرعه
طلع فراس وغزل خنكت روحها بالمخده وكامت تصرخ بهستيريا حتى ترتاح واطلع الوجع الي بداخلها
وبلشت تحضيرات العرس وغزل بهاايومين ضلت تتعالج وبلشت تصير احسن بس اثار الضرب بضهرها مراحت وهي تسمع صوت التجهيزات الي دصير وفراس كل شوي يمر عليها هو هارون حتى لتمل وحدها
واجه موعد العرس والكل فرحان ما عدا مير وفراس وهارون الي واكفين بجنازه مو عرس
فراس. من هسه اكولك اني اول المعترضين ع الزواج
امير. اسكت احسن
فراس. صح نسيت تكولك تره غزل تباركلك بزواجك
اتجمد امير. رحتلها للمخزن
فراس. ولك مشفت اقسى من كلبك يعني البنيه مدمره ومدمايه وين تريدني ارجعها واليوم عرسك وتغار عليها شنو انت من بشر
امير. حيجي يوم واكطع راسك
فراس. هوايه سمعت هالكلمه عاادي صارت عندي
امير. يله اسكت اجه السيد الي حيعقد علينه
طبعا الحفله كانت بقاعه تابعه لبيت الشيخ وكلش كبيره والحضور كلهم شيوخ ونسوانهم وكانت جوري كلش حلوه طالعه وفرحانه لانو حيزوجها امير
نضرات امير جانت بارده حييل وبس يريد يكمل هاليوم
بلش السيد يسال ع اسم العروسه
محب فراس يشوف هالمنضر ودار وجهه ع الباب بس الي شافه واكف يم الباب صدمه ومتوقع انو هالانسان حيكون واكف بهالمكان وباللحظه
اندار امير ع فراس وشافه فاتح حلكه اندار اميرر وشااف ........

يتبع

توقعاتكم منو الي اجه ومحد متوقع انو حيجي
وهل امير حيزوج جوري
توقعاتكم للبارت الجاي

واحب ابلغكم انو يوميا بهيجي وقت انشر بارت واحد فقط