رواية أعطني حرررريتي .. أطلق يدياااا الفصل التاسع والثلاثون 39 - بقلم Misoo

ماجد .. وضيح خلي بناتس عند أهلس .. وأرواحنا لبيتنا .. باخذس لحالس ..

وضحى بفداغه .. هو وراه أول مره تسويها ..

ماجد انقهر من غبائها .. لارحنا دريتي .. قومي الهمام الهمام >> يعني بسرعه ..

وضحى .. لآ نفداك .. أمي تقول لحدن يخلي ورعانه عندي ألا وأمهم معهم ..

ماجد بقلت حيله .. اجل جيبيهن معس ..

وضحى .. ماجد مقدر ظهري يوجعني قده بينكسر من الوجع .. وبطني يمغصني كن حدن متوطين فيه ..

ماجد بنفاذ صبرر .. بلآس لعبس البارحه ماكن في بطنس ورع ..
كلن عينه عليس .. كرشس طول ذراع وتردحين .. قومي قومي مهوب ذا عندس البارحه ..

وضحى بخجل كاذب .. ماجد انا جاني نزيف عقب لعبي البارحه .. ومقدر أرقى الدرج أخاف أخرر ضناي ..

ماجد بغضب وتخطيطه كل طار هوآ .. جعلس من ذا وأردى .. كانس من يومس قليلت فود وبركه ..

وطلع كنه عجتن طايرره ..

‏*‏ * *

سالم .. هآاا هويآ وينهي ؟؟
هيآ بصوت واطي ‏.. ذلحين بطلع مع نهار والعيال معنا ..

قلت لها تاخذ الحلا اللي في ثلاجتي .. انا بطلع وأكلمها ..

..‏ طلعت تدندن .. ‏
ويلآه .. ضآق الصدر وماذكر يسأل علي ويلآه ..

نسآه طوول الهجرر .. وألا الصبر من قسوته قساه ..

جبآااار....
قاطعها .. وهو يمسكها ‏ ..
سالم .. والله مانسيتس .. ودايم اسأل عنس .. بس الصبر ماعآد به صبرر ..

استدارت بتطلع .. بس قضبها من بقوه .. وقفل الباب وسحب مفتاحه ..

مالس طلعه ألا لين تسمعيني .. عقب لس اللي تبين ..

‏*‏ * *

رفضت !!
رفضت !!
انت صادق وألا تمزح معي ؟؟

بدر يكلمه ‏.. ألا صادق راجع نفسك وانت تعرف ..

سكرر جواله .. وسكت تغير لون وجهه ..

بدور .. رفضت صح ؟؟
فادي ‏.. هز راسه .. بتأكيد ..

بدور .. فادي هذا شي متوقع ..
وبغض النظر عن الأسباب ..

أنتم ماتصلحون لبعض هي راس وانت راس وكل واحد أعند من الثاني ..

فادي .. الله أكبر .. هذا بدر أعند ماهنا هو .. وحرمته كلن عارف عنادها .. وش معنى جت علي انا ..

بدور .. لاتقارن نفسك ببدر .. بدر رغم عناده .. ألا أنه ناجح بجميع المقاييس .. ‏

سحب نفسه وطلع بدون لايرد عليها ..

طيب .. طيب ياخلود .. أنا ترديني !!
من زينك عآد !!

‏"‏ أحساسك بانك مرفوض من أي جهه .. صعب صعب .. ربما يحسسك بنوع مآ بأهانه ..

ويأثر فيك رغما عنك .. خاصه أذا كانت نظرتك مضاده للشخص اللي رافضك "

‏*‏ * *

‏"‏ خلود "

طالعت أختها المزعجه .. وكل شوي تخطرف في سلك بطارية اللاب توب وتفصله عليها وهي في قمة اندماجها في منتداها ..

أو وهي تقرا روايه عاجبتها ومنسجمه معها ..

أو وهي تكتب رد عصرت مخها علآ ترتيبه وكتابته .. وأذا جت بتسوي أرسال .. وفجأه وبدون سابق أنذار .. فصلته عنها متعمده .. وألا ضغطت ازارير كمبيوترها عشوآئي ..

أرتفع ضغطها .. وعصبت ..
جت بتضربها .. بس طررت ببالها فكره مجنونه .. سكرت لاب توبها وجت بجنب اختها سوزي ..

خلود .. سوزي .. أتصدقين أرحمك .. وتكسرين خاطرري ..

..‏ أحس أنا ظلمناك وكلنا خادعينك ..
وانتي مسكينه ماتدرين عن شي ..

سوزي .. وشلون يعني ..

خلود بخبث .. بقولك سرر ..
بس ترا أمانه أمآنه .. ماتقولين لأمي وأبوي أني علمتك .. حرام تعيشين كذا ماتدرين عن شي ..

تحمست سوزي .. والله ما أعلم .. بس قولي ..

خلود بتآثر وهي تحاول تمسك نفسها لاتنفجر ضحك ..

بصرآحه بصرآحه .. أنتي مو بنتنا ..

سوزي .. وشلون يعني ؟؟

خلود ‏.. يارب سامحنا يارب ..
ابوي مره بالشتا طلع يصلي الفجرر .. وكان برررد مره ..

وهو أول من راح للمسجد .. ألا يسمع صوت بزر يصيح .. ألتقت لم الصوت .. لقاك أنتي حاطينك أهلك بكرتون جبن وقاطينك عند المسجد وكنتي ميته بررد ..

كسرتي خاطر أبووي وخذك ..

‏

سوزي بتأثرر .. كذابه كذابه ..

خلود .. ألا صادقه .. أصلا شوفي نفسك ماتشبهين لنا .. انتي بيضا مرره .. وشعرك أشقرر مره .. وحتى اسمك .. سوزان .. مو اسم سعودي ..

الظاهر أمك وألا أبوك أتراك .. وألا شاميين شوفيك شقرا مثلهم ..

طالعت نفسها في المرآيه بشك ..
بس الكل يقول أشبه منتهى .. وشعر منتهى وهي صغيره أشقر مره زيي .. وأنتم كلكم بيضان ..

خلود بتمثيل .. ياقلبي يقولون لك أنك تشبهين منتهى عشان ماتحسين بشي .. وألا كلن داري ألا انتي ..

بعدين بياضك أنتي قوي مره .. مو مثلنا ..

اسباب مقنعه ومنطقيه بالنسبه لطفله .. صبت دموعها صب .. وشغلت السفتيات تصيح ..
آهآااااااهاااااااهااا ...

وطارت لابوها .. ناسيه كل حلوفها لخلود أنها ماتعلم أحد ..

خلود بضحكه وخوف ..
.. وجع بتفضحني ذي ..
تعالي .. تعالي .. يازفته ألعب عليك ..
أمزح .. أكذب ..

طاررت لابوها بالمجلس عند أبوها وعمانها واخوانها .. وفادي اللي جا يستفسر عن سبب رفضه .. وسعد صديق حمد أخوها ..

وهلت الشريط عندهم .. مآااتو ضحك .. وحمد توعدها بالشين ..

‏*‏ * *

يحكى أنه في زمان مسيلمه الكذاب ‏.. كان هناك أمرأه ادعت النبوه مثله .. فعلمت بامره وعلم بأمرها .. فجهزت جيشا جرارا لملآقته وقتاله ..

فعلم بقدومها .. وأحتار في أمرها ..
فلا طاقة له بقتالها وهي تفوقه عتادا وعده ..

ففكر بخدعه .. وقيل أن عجوزا شمطآء هي من أشارت عليه بهذا النصح .. فاستحسن رأيها وأخذ به ..

فنصب الخدر " خيمه مغلقه "
وجهز المخدع " سريرا للنوم "
وعطره بأحسن الاطياب واجود البخور .. وحس هندامه وهيئته ..

التقى الجيشان .. فخرج لهم مسيلمه .. ‏

فقال .. سأدخل أنا ونبيتكم للخدر فأن أقنعتني بدينها أتبعته .. وأن أقنعتها بديني أتبعتني ..

استحسنو جيشها الرأي ودخلت معه ..
فقال فيها ولها من الأشعار والغزل ما أثاررهآ .. فرغب بها .. واستكانت له بعد ماسمعت ورأت واستنشقت ..

فرضخت له بشرط أن يطلبها من قومها .. وكان مهرا أن يسقط عنهم صلاة العصر فبقوا زمانا لايصلون العصر مهر نبيتهم "..

‏"‏ عقاب "

قرب لها .. وجذبتها ريحته .. رفعت طرفها فيه وفتنها جسمه .. نزلت راسها بخجل .. ووجهها شب ضوو .. ورعشة جسمها بانت في يديهآ ..

حاولت تبلع ريقها .. ماقدرت ..
عرف أنه الحين هو المسيطير على الوضع .. وماعليه ألا يحركها مثل اللعبه بيده ..

‏*‏ * *

‏"‏ صقر "

دق عليها كذا مرره ماردت .. عرف أنها زعلآنه ويآحلوو رضآها بعد الزعل ..

أرسل لها ..

‏"‏ توت أنا مانمت .. وراي طريق وسفر ودوام وتعبااان مره .. يرضيس أروح مواصل وأخاف في الطريق ارقد وأنا اسوق "

بتول .. قلبها يدق مع كل دقه لجوالها ..

بينقطع قلبها وترد .. بس زعلها ماخلآهآ ..

فتحت رسالته بلهفه ..
وأول ماقرتها .. دقت متناسيه زعلها ..

ومانامت ألاوهي تضم صورته اللي بجوالها ..
..‏ يارب خليه لي يارب وأحفظه من شر هالطريق ..

‏*‏ * *

نوف تبكي .. ماكان هذا تخطيطها أبد .. لحظة ضعف الانسان تغير أشيآء كانت بنفسه مسلمات يستحيل يسمح بتجاوزها ..

غبيه غبيه وأستاهل .. وزاد بكاها ..

عقاب ‏.. الله أكبر عليس ..
ذلحين وش يبكيس !!
والله لو أني قاطعن راس أمس وألآ أبوس !!

كلشن صار بطيب خاطرس ..
خلي عنس ذا الدلع وقومي جهزي شناطنا للسفرر ..

‏*‏ * *

‏"‏ موضي "

صرخت بأعلى صوتها ..
لآاااااااااااااااا ..

فز جابرر من نومه ..
بسم الله عليس .. وش فيس وش فيس ؟؟

موضي يدها على قلبها وريقها يابس ‏.. وعرقها يصب ..

آه يآقلبي .. تحلمت أنك معرسن علي وآخذن لميس ..

جابر .. هههههههه وعساني قد دخلت عليهآ ..

موضي بغيض .. جعلها السلال .. تحلمت أنك شايلها فوق متونك .. وكراعينهآ البيض توآمآ قدامك ..
ومتمسكتن بقذلتك ..

جابر يغيضهآ .. ههههههه يازينه من حلم .. الله يقهرس وراس تقومين ذلحين وأنا مابعد شبعت منهآ ..

موضي ضربته بالمخده ..
جعلك انت ويآهآ في رياح وضرب رماح .. هي وكريعاتها هالبررص ..

جابرر .. هههههه يآحسدكن يآهالنسوان ..

وش يضرس لاضحيتي لاختس المسلمه وخليتيها تشاركس برجالس .. والقلب دكان وكلن له مكان ..

موضي .. أخمد أخمد بس انت وحكيك ذا اللي يغث ..

..‏ يالله قومي جهزي شناطس بنرجع لديرتنا .. وألا ترا هآ بروح للموستي ..

‏"‏ انتهى البارت "