تحميل رواية «عائلة الحاوي» PDF

_رايحه فين؟

_ميخصكيش.

_لأ يخصني يا رنا و يخصني اوي كمان لإنك بنت عمي.

اخدت موبايلي و مفاتيح العربيه بتاعتي من قدامها

و قلت و انا عيني في عينها

_و اديكِ قولتي يا ملك بنت عمي يعني ملكيش

دخل في حياتي انا حره.

دموعها نزلت و هي بتبصلي

_بس انا كنت اكتر من اختك و احنا صغيرين انتي

ليه قلبتي كده.

_انتي قولتي بلسانك اهو كنتِ يعني ماضي خلاص خلص و انتهى.

و طلعت و قفلت الباب ورايا

_اوووف شكلي نسيتها.

نزلت من العربية تاني و دخلت الفيلا جبت علبه

المهدئات بتاعتي اللي بقت صديقتي الصدوقه

من وقت موت بابا.

_رنا تعالي عاوزك.

و انا نازله على السلم جدو نده عليا

اتأففت بملل و روحت له لقيت ملك واقفه جمبه

ضحكت بسخريه من أفعال الأطفال بتاعتها دي.

_خير يا جدو عاوزني في ايه؟

_انتي رايحه فين بدري كده؟

_رايحه اقابل صحابي يا جدو.

رفع حاجبه باستغراب

_بدري كده ده الساعة مجاتش 12 الضهر حتى؟!

بصيت في ساعة موبايلي

_عندنا مشوار مهم ممكن اروح بقى عشان اتأخرت.

_روحي يا رنا و ياريت تعملي حسابك تيجي الاجتماع في الشركة الساعة 5.

حدفت له بوسه في الهوا

_حاضر يا جدو باي.

______________________________

و صلت المكان بتاعنا و نزلت لهم و سلمنا على بعض بحراره كالعادة

_رونييي اتأخرتي ليه كده؟

_اووف متفكرنيش بنت عمي الزفته دي قعدت

تقولي رايحه فين و مع مين وقفت عملتلي تحقيق.

_مين ملك؟

_هي فيه غيرها مطهقني في عيشتي.

_طب خلاص فكك و روقي بقى كده عشان عاملكم

النهاردة Day very interesting.

_ايوة بقى عشان البت دي قفلتلي اليوم من أوله.

_لالا يوسف و زياد هيفرفشوكي ب مخططاتهم تاني.

_اشطا امال فين جومانا مش جايه؟

_لا جايه بس سبقت على هناك لما لقتك اتأخرتي.

_طب اشطا باصي اللوكيشن بقى.

______________________________

_جماعة انا نفسي في حاجه عارفين هي ايه؟

ردت جومانا عليا بعد م خدت نفس من الفيب بتاعها

_ايه يا روني عاوزة حجرين معسل ولا ايه اخليه يجيب لك؟

_لأ يا جوجو خليه بليل انا عاوزة حاجة اكبر بكتير.

رد عليا زياد بحماس

_ايه عاوزة تنتقمي من حد؟

قومت ضربت كف ب كف انا وهو

_احبك و انت فهمان يا زوز.

_عيب عليكي اللمعة اللي في عينك دي مبتطلعش غير في الانتقام و بس.

يوسف ساب اللي في إيده و عدل قعدته بحماس

_ايوة بقى خلينا نتسلى بدل الملل ده بس مين؟!

_فاكر الواد اللي كان هيشقلب لي العربيه المره اللي فاتت؟

_اه الواد التنح ابو نضارة ده؟

_هو بعينه ابو نضارة.

_ايوة ماله يعني يا جماعة انا مش فاهمه حاجه.

_الواد ده لما روحت البيت لقيته باعتلي بيهددني

و اني مروحش السباقات دي تاني و كلام خايب

كده.

_طب و انتي عايزة تنتقمي ازاي؟

_هنزل قصاده سباق تاني و هشقلب العربيه بيه و نخلص منه.

جومانا بصتلي بتوتر

_م بلاش يا روني عشان ميتقلبش عليكي الواد ده

شكله تقيل.

_جرى ايه يا جومانا تقيل على نفسه انا مبخافش.

_خلاص يا ستي براحتك انتي حره.

______________________________

في شركه الحاوي/ الساعة 5

_مجتش برضو يا جدو و الاجتماع خلاص.

_معلش يا ملك سيبيها انتي عارفة انها من وقت

موت عمك مؤمن و هي الصدمه مأثرة عليها.

_طب م توديها لدكتور يا جدي يعالجها ولا حاجه انت سايبها ليه؟!

_اصبري بس يا ملك و انا هظبط كل حاجه بإذن لله.

_لما نشوف يا جدي.

______________________________

روحت بليل لقيت ملك قاعدة في الجنينة

تجاهلتها و طلعت اوضتي غيرت هدومي

اخدت مهدئاتي و نمت.

صحيت دماغي مصدعة جامد اوي قومت اخدت

شاور و طلعت لقيت ملك في اوضتي و بتشوف علب

المهدئات اللي جنب سريري

اخدتها منها

_انتي بتعملي ايه في اوضتي اطلعي بره حالا.

بصتلي بعدم تصديق و على ملامحها أثر الصدمه

_مهدئات يا رنا!!

بصيت على العلبه اللي في أيدي تاني ببرود

_ اه ما انا عارفة.

_ايه اللي وصلك ل كده؟!

عليت صوتي و كنت خلاص نفذ صبري

_انتي مالك بتتدخلي في حياتي ليه؟

لآخر مرة يا ملك هقولك ملكيش دعوة بيا ولا

بحاجاتي عشان المره اللي جايه

هتزعلي اوي مني.

سابتني و نزلت جري اكيد هتروح تقول لجدو طبعا.

مسكت موبايلي و قعدت على السرير و انا ماسكه

دماغي من كتر الصداع لقيت الشله باعتين على

الجروب ف رنيت عليهم

_الو ايه يا روني عامله ايه؟

_مصدعة اوي، يوسف هو السج.اير اللي ادتهالي

امبارح دي نوعها ايه؟

_دي نوع جديد كده لقيتها امبارح ف قولت نجربها،

حلوة ولا ايه.

_اه بس بتعمل صداع جامد.

_م هي برضو بتعمل دماغ جامدة.

_طب ايه مش هننزل؟

_اه يلا هقوم البس و ننزل.

_اشطا و احنا هنقوم نلبس برضو.

قومت لبست و اخدت حاجاتي و انا بدندن

باستمتاع لقيت ماما و جدو و ملك قاعدين تحت

ف عرفت انها ليله سودة مش معديه

_رنا انا و جدك عاوزينك خمسه لو سمحتي.

_طيب انتي قولتي انا و جدك ملك بتعمل ايه معلش؟

_رنا اتلمي دي بنت عمك.

_نعم يا جدو انت و ماما عاوزين ايه عشان انا نازله.

_نازله فين،انتي كل يوم تقولي نازله و متجيش الا بليل.

كنت لسه هرد بس جدو قاطعني

_استني يا نوال لو سمحتي سيبيهالي و قوليلهم

يعملولي كوبايه قهوة.

_حاضر يا بابا امرك.

و قامت ماما دخلت المطبخ راح جدي بص ل ملك

_و انتي يا ملك روحي رني على ابوكي قوليله

ميتأخرش النهاردة عشان الضيوف اللي جايين.

_حاضر يا جدو.

بعد ما ملك قامت لقيت جدو بيقولي

_طب و بعدين؟

_و بعدين في ايه يا جدو؟

_و بعدين فيكي انتي المفروض في آخر سنه طب

أسنان هتفضلي كده لحد امتى؟

_جدو لو سمحت انا عاجبني حياتي كده و مش متضايقه،عن اذنك عشان متأخرة.

_رنا مفيش خروج النهاردة.

_و ده ليه بقى يا جدو؟

_عشان في ضيوف جايين و انتي هتقعدي معانا.

_يا جدو بس حضرتك عارف اني مبحبش اقعد مع حد.

_طب انتي عارفة مين اللي جاي؟

_لا معرفش بس هيكون مين يعني رئيس الجمهورية مثلا؟!

_لا يا خفيفة عمك مهدي هو اللي جاي مع ابنه آسر.

_اممم بس هو ايه علاقة انهم ييجو بإن انا مخرجش برضو.

_عشان تقعدي معانا انتي بتفهمي منين؟

_طب هروح بسرعة واجي اقعد معاكم.

_لأ انتي كل مرة بتقولي كده و مبتجيش.

_لا لا المرادي هاجي بجد.

_رنا انا قولت مفيش خروج يعني مفيش خروج.

طلعت الجنينة بعت للشله ماسدج

_جماعة جدو مش راضي يخليني انزل خالص.

شويه و بعتولي انهم بره ف خرجت اشوفهم

_ايه بقى الهزار ده يا روني؟!

_معرفش والله بيقولي عمي و ابن عمي جايين و هقعد معاهم.

_طب و الانتقام طب؟

_خلاص يوم تاني يا جدعان مش عارفه اخلع.

_طيب،عمتا انا شيكت على الأسماء بتاعت النهاردة و هو مش فيهم.

_ايوة صح هو اسمه ايه؟

_آسر مهدي تقريبا.

_بتهزر صح يا يوسف!!!

_لأ ههزر ليه؟

_عشان مستحيل يبقى آسر.

_و ليه مستحيل انا شوفت اسمه في الكشوف القديمه طلع اسمه آسر مهدي الحاوي.

_جماعة حد يقول ان ده تشابه أسماء.

_ليه انتي تعرفيه؟

_عشان ده يبقى ابن عمي اللي جاي النهاردة!!

______________________________

ان ان آن

عشان ده يبقى ابن عمي اللي جاي النهاردة!!

_بتهزري صح؟!

_طب ايه بقى هنقضيها بتهزري و بتهزر و نسيب

ام المصيبة اللي احنا فيها دي.

_صح يا زياد عاوزين نشوف حل.

_اممم.

_ايه الفكرة؟

_…..

_يا زياد.

_ايههههه.

_ايه هنعمل ايه؟

_بقولك ايه سيبك من الموضوع ده، انتي مش نازله معانا برضو ولا ايه؟

اتنهدت بضيق

_جدو مش راضي يخليني انزل عشان الزفت اللي جاي مع عمي ده.

_طب يعني مفيش امل؟!

_مش عارفه اعمل ايه.

_طب ايه يعني هنطلع من البطوله و لا ننزل حد مكانك؟

_ده على جثتي حد ينزل مكاني.

_ارغي بالفكرة.

_بص انتم امشوا دلوقتي و انا هحاول اخلع منهم قبل المعاد.

يوسف رفع إيده قدامي

_ديل يا روني؟

ضربت إيده و انا برد عليه

_ديل يا جو عيب عليك.

_طب اشطا هنستاكي.

_اشطا باي.

______________________________

سلمت عليهم و دخلت لقيت جدو قاعد على الكنبه

بيشرب قهوته و ماما قاعده قصاده

سبتهم و طلعت اوضتي و فتحت الانستا بتاعي و

قعدت اسكرول فيه لحد م زهقت.

قومت نزلت تحت في المطبخ لقيت داده هدى

بتعمل الاكل وقفت سندت ضهري على الرخامه و

انا بقولها

_ايه يا هدهد عامله اكل ايه انهاردة؟

_عامله المكرونة بالبشاميل اللي بتحبيها يا روني.

_ايوة بقى يا هدهد دلعيني.

_من عيوني يا روني عاوزة حاجة تانيه يا حبيبي؟

_تؤ باصيلي المنيو يا هدهد عاوزه اعرف بس.

_طيب يا ستي،عاملين فراخ و رقاق باللحمة و

مكرونة بالبشاميل و بسلة و رز و بيتزا،اعملك حاجه

تانيه؟

_لا يا هدهد كده كفايه تسلم ايدك.

طب انا هعمل قهوة و اطلع اوضتي مش عاوزة مساعدة يا هدهد؟

_لأ يا قلبي تسلمي.

______________________________

بعد شويه جه عمي و الزفت اللي اسمه آسر ده و قعدو تحت معاهم شويه و بعدين لقيت الباب بيخبط

_مين؟

_انا يا روني.

ده مش صوت ملك ده صوت ولد قومت فتحت الباب

_خير عاوز ايه؟

_ايه ده ايه المعامله دي؟

_عاوز ايه مني يا……

_انتي بجد مش فاكراني؟

_لموآخذة مش واخده بالي مين الاخ؟

بان على ملامحه الزعل و الحزن و اترسمت على شفايفه ابتسامه حزينه

_انا آسر،عموما جدو بيقولك يلا عشان الغدا جاهز.

رديت ببرود

_تمام اتفضل و انا جايه وراك.

_تمام.

و نزل و انا قفلت الباب وراه و قعدت على السرير و انا بفتكر ذكريات قديمة جت في دماغي

______________________________

Flash Back

_بخ .

_ايه يا يوسف خضتني.

_بقولك تعالي نروح نشتري حاجات حلوة؟

_ماشي بس بمناسبة ايه؟

_عادي يعني عاوز احكيلك خناقة حصلت في الدرس انهاردة.

_اوكي يلا.

_وبعدين يا ياسو ايه اللي حصل لما ضربت الواد في الحصة؟

_ولا قبلين يا روني اتطردت انا و الواد من الدرس.

ضحكت بعلو صوتي كله على ملامحه و هو بيحكي

كأنه هو المظلوم مش هو اللي ضارب الولا و مطلع

عينه عيله جبروت بعيد عنكم.

_يلهوي مش قادرة بطني.

_المهم بقى عاوزك في مصلحة يا روني.

_قول يا ياسو معاك.

_متجيبيش سيرة لأمي على اللي حكيته ليكي

عشان انتي عارفة امي هتجري ورايا بالشبشب.

ضحكت اكتر و مقدرتش ارد من كتر الضحك

_ها يا رنا اتفقنا.

حاولت اهدي ضحكتي

_اتفقنا خلاص.

_بس انتي مشوفتيش شكل الواد و انا نازل فيه طحن.

_اه ما هو باين من الكدمه اللي في عينك.

_يلهوي طب دي اخفيها بإيه دي؟!

_انت تروح لمرات عمي و ترضى بمصيرك و تضرب بالشبشب و انت ساكت.

بصلي بغيظ و انا انفجرت في الضحك من تاني.

______________________________

Back

فقت من ذكرياتي على صوت خبط على الباب

قومت فتحت لقيت ملك في وشي

_خير؟

_جدو بيقول يلا عشان نتغدى.

_اشطا نازله.

_طب يلا.

_قولت نازله يا ملك انزلي و ملكيش دعوة بيا.

_تمام.

نزلنا اتغدينا و بعدين جاتلي ماسدج من الشله على الجروب

_طب ايه يا روني السباق فاضل عليه ساعه و يبدأ مش جايه ولا ايه؟؟

_يا جماعة اهدو هحاول اخلع دلوقتي.

قومت وقفت و مسكت الجاكت بتاعي و انا بقول لجدو

_طيب يا جدو عن اذنك انا بقى عشان في مشوار مهم لازم اروحه، عن اذنكم يا جماعة.

_رنا استني.

_نعم يا جدو اتفضل.

_تاخدي آسر معاكي.

_لا يا جدو بلاش آسر اكيد جاي تعبان من السفر خليه يرتاح.

جدو بصلي بشك و ماما بصتلي بيأس و تمتمت بكلمات بصوت مش مسموع

آسر قام وقف و عدل هدومه و اخد موبايله

_لأ يا جدو انا كويس ممكن اروح عادي.

_يا جدو معلش انا رايحة مع صحابي في حاجه مهمة مش هينفع يجي بليز.

_طب روحي يا رنا و متتأخريش.

_اوكي باي.

______________________________

_هي رنا مالها انا فاكر انها مكانتش كده اخر مره جيت؟

_رنا كده من ساعة ما عمك مؤمن الله يرحمه اتوفى

الدكتور قال إنها لسه مش قادرة تستوعب الصدمة.

اتنهد آسر بحزن و بص في الأرض و بعدين جده كمل

_آسر كنت طالب منك خدمة.

رفع رأسه و بصله بإحترام

_اؤمر يا جدو طبعا.

_مش انت دكتور ثيرابيست على حسب ما عرفت من ابوك؟

_اه يا جدو الحمد الله.

_طيب احنا اتحايلنا على رنا كتير وهي مش متقبله الصدمه.

_ايوة برضو انا مش فاهم قصد حضرتك.

_انا عاوزك تحاول معاها بحيث ان هي تستوعب

عشان ترجع تعيش تاني انا اتفقت مع مهدي انكم

هتقعدوا هنا فترة عاوزك تحاول معاها و لو جابت

نتيجه ليك مني مكافأة.

ضحك آسر

_ده يا بختي بقى يحيى الحاوي ذات نفسه هيكافأني!

_يحيى الحاوي حاف كده يا حلوف.

_لأ يحيى الحاوي بالسكر.

يحيى قلع الشبشب و حدفه على آسر بس آسر قام نط من مكانه وهو بيضحك ف مجاش فيه.

_ يلا عاوز حاجه يا جدو انا ماشي.

_رايح فين يا حلوف قلب جدك؟

_مشوار سريع سريع كده و جاي.

_طب الله يسترك و انت جاي شوف لو قريب من البت اللي واجعة قلبي دي و هاتها معاك.

_مين اللي واجع قلبك يا يحيى مين يستجري اصلا.

_رنا، هي فيه غيرها الله يهديها،و بعدين قولتلك

مسمهاش يحيى حاف يا حلوف.

_آسف يا يحيى بيه،أنا ماشي.

______________________________

كنا واقفين متجمعين جمب عربيتي لحد م السبق

يبدأ.

جه زياد ناحيتنا و معاه حد كمان لأ ثانيه بس ده آسر!!!

_جماعة اعرفكم ب آسر جديد معانا في التيم.

_ايه ده يا زياد.

_ايه يا رنا هو شاب كويس و انا سألته لو كان قاصد

فعلا يقلب بيكي العربيه و قال ان كان فيه عطل

في عربيته و خلاص صلحه.

_و انا مش عاوزاه معانا في التيم يا زياد!

زياد بصلي و مردش و بعدين لقيت آسر عدل نضارته على عينه و قالي

_احم رنا ممكن ثانيه على انفراد.

بصيت لزياد بضيق و غضب و روحت معاه على مضض

_بصي يا روني.

جاوبته بضيق

_يا نعم.

_بصي انا مش عارف انتي بتعامليني كده ليه

بس انا عاوز اطلب منك طلب ينفع؟

_طبعا اتفضل انا مش قليله الذوق للدرجادي.

_طيب الحمد الله.

بصي انا مش طالب منك حاجه بس انتي بنت عمي و تهميني ممكن نتعامل كأصحاب عادي؟

_اه ممكن بس متتباردش عشان كنت تنح اوي في البيت.

ضحك و قالي

_يبنتي هو انا لحقت افتح بوقي حتى؟!!

و مد إيده قدام وشي

_هنبقى أصحاب و نحكي سوا و لو فضلنا أصحاب فتره هخرجك خروجة جامدة،متفقين؟

ضربت أيدي في إيده

_متفقين.

بدأت صداقه ما بينا و نزلنا السبق قصاد بعض

المرادي مش أعداء لكن أصحاب بنضحك و نهزر و

عندنا مغامرة هنكتشفها بس المرة دي سوا مش

كل واحد هيمشي في مغامرته لوحده.