رواية عد الى قلبي الفصل الثاني عشر 12 - بقلم الكاتبة روجمان

جنت اشوف سيف ديدكلب على نار هاديه واعصابه مشدودة
وعيونه جان بيها  نظرات غضب مخيفه لااول مرة اشعر باانو اني اخاف من سيف
خفت لاصير مشكله بسببي بس بنفس الوقت جنت فرحانه
لان داشوف سيف ديشرب من نفس الكاس الي شربت منه
بس اكو شعور اخر بداخلي انو اني حزينه عليه ومديهلي كلبي
اوجعة
ماااعرف شنو الي راح اسوي
واني دافكر واجة الاكل وانقطع تفكيري بعد واكلنا كلنا بس
سيف مكدر ياكل بقى الاكل كدامه يلعب بي مثل الطفل
وبعدها كام وراح وكف على صفحه وجان ديشرب جكاير
باوعته جان يروح ويجي مثل الي واحد روحه مفرفحه
ويشرب جكاير وينفخ الدخان بالهوى ويباوع عليه
جنت اشوفه واكف وظليت اباوع وجان
سامي يحجي ويايه  بس مجنت مركزة وياة ولادافهم الي ديحجي
لان جنت اباوع على سيف
وبعدها رجع سيف واني درت وجهي حتى ليشوفني  انو اني داباوع عليه بس من درت وجهي شفت زوجته لسيف تباوع. عليه
كلش خجلت وابتسمتلها بس هي ظلت صافنه
مبادلتني الابتسامه
اني اعرف المفروض ماافكر بسيف ابد بس شسوي موبيدي
عيوني تلحكه مثل ماهو عيونه تلحكني
وكمت من  يمهم
ولمن دامشي شفت مريم بت عمتي اجتي عليه
كالتلي
....ريمان اريد اكلج فد شغله
...كولي شكو
.....مرت سيف اليوم من كمتي وكام وراج سيف
كالتلي سيف شنو شبي وياريمان
كتلها مابي شي
كالتلي لعد ليش يلحكها
كتلها لا ميلحكها
وظلت تحجي ولمحت انو انتي تحبين سيف وشامرة
نفسج عليه وهو يحبها الها
....وانتي ‏شكلتيلها
....كتلها ماكو هيج شي
جريت حسرة
....اوكي مريم خاف تسئل مرة ثانيه هم كوليلها
ماكو هيج شي
.....ريمان
....ها مريم
....اني اعرف بيج تحبين سيف وهو هم بس ماااعرف شلون
راح تتلاكه دروبكم وانتو برغم قربكم بس بعيدين كل البعد
عن بعض
.....اعرف مريم
....ريمان انتي صايرة مثل الوردة الذبلانه
وسيف صاير كتله من غضب اني حسيت  هسه بي
من جان سامي كاعد يمج شلون هو جان ديحترك كلبه
اني كلش انقهرت عليه
.....اعرف بس اني هم كلبي ديحترك
وداحجي ويامريم وجتي امي
صاحتني
...ريمان تعاي
.....ها ماما
عد مريم كالت راح اروح اني ومشت من كدامي وراحت
.....شبيج ريمان وجهج اصفر وموعلى بعضج
علمودة
....علمود منو
....منو غيره الي حرك كلبج
.....قصدج سيف
....اي
.....مابيه شي لتهتمين
....شلون ماااهتم واني داشوفج كدامي تلوبين ودمج محترك
وروحج ذبلانه وعيونج مليانه قهر
....عادي اتعود
...انتي مكدرتي تنسي  وتتعودين من سافر
راح تتعودين هسه من هو كدامج من يحضنها ويبوسها من يكللها احبج ويباوع بعيونج من يشتم عطرها وعباله عطرج
مااريد اكلج تذكرين من كلتلج من قبل دربالج لتخسرين سيف
لان مااريد افتح دفاتر قديمه لان اعرف انتي
هسه متعذبه وتعرفين كل كلمه كلتها جانت صدك

....اعرف بلا متحجين واعرف الي راح تحجي
بس هاي كلمن ياخذ قسمته وهذا نصيبنا
يله الله كريم
....ريمان سامي بعدة يريد يزوجج ليش متقبلين بي
وتعيشين حياتج وتنسين واول وتالي من يصير عندج بيت واطفال
تنسين سيف وتنسين حبه
...مااريد ازوج
....ليش
....مااريد وخلص
....لشوكت
....اهوووو كافي الله يخليج ماازوج لحد ماالله ياخذ روحي واخلص من هالعيشة
...اسم الله عليج مخبله لتحجين هيج سكتي
لج ماما اني كلبي دينزف دم علمودج
ومابيدي اسوي شي شسوي اروح اكله طلك مرتك واخذ بنتي
ازوجها شسوي اني ‏واكفة اباوع ويدي  مربطه
وداشوف روحج دتروح منج يوم بعد يوم
رحت على امي وحضنتها وكمت ابجي ومهتميت للناس الي داير مدايري بس ردت احس بلاامان
...كافي حبيبتي مسحي دموعج ولج انتي  ام خشم  العالي
والحلوة وتبجين علمود رجال
....بس هذا سيف
....سيف ولاغيره هو زوج بعد خلص وانتي هم تزوجين وتعشين حياتج
باعي حبيبتي الفندق قريب منا وتندلي
..اي اندله
،.....روحي تمشي للفندق روحي نامي ارتاحي واني اكللهم
تعبانه مريضه اي شي بس انتي روحي ارتاحي لان وجهج مبين مال بجي مورم وانتي نفسيتج تعبانه روحي ارتاحي وعود العصر نطلع زين
....اي راح اروح بس اروح اخذ الجنطه مالتي
...اوكفي اني اجيبها  الج
...اوكي
وماما انطتني الجنطه وكفت تباوع عليه شويه واني كمت اتمشى
‏وجنت احس نفسي طايفه ‏بهالدنيا
وصلت للفندق واخذت مفاتيح الغرفه وصعدت ونمت
وشويه حسيت نفسي ارتاحيت
وحسيت على صوت الباب تنفتح وجان بابا وماما
وباليل من طلعو اني ماقبلت اطلع
وراحو هما طلعو واني بقيت بالغرفه العب بلتفوني اباوع من البالكون
وسمعت صوت الباب تندك كلت هاي اكيد اهلي نسو شي
ورجعو ياخذو ورحت فتحت الباب وجان اشوف سيف كتله
....سيف
....ليش ظامه نفسج
....مريضه مابيه حيل اطلع
....شبيج مريضه
...راسي يوجعني ومالي واهس اطلع
.....وهسه مرح اطلعين
....لا
....ريمان روحي بدلي وتعاي
...لا
....ريمان روحي بدلي لتعاندين لعد ليش مسافرة
اذا مطلعين جان بقيتي بالبيت
.....ردت ابقى  بس اهلي مقبلو
سيف ترة مرتك بدت تحس اكو شي بينا موطبيعي واني كمت
اخجل من هذا الشي الله يخليك ابتعد عني وراح احاول
اجنبك زين وانت هم اجنبني
وثاني شي اني اصلا احتمال راح انخطب واخلص من هاي السالفه كلها حتى كلشي يكعد بمكانه الصحيح
....منو يخطبج شدتحجين انتي
...سامي
وجان يصيح ويضرب على الباب ويكول
....خرب بيومج لج لتخليني هسه اروح اقتله
....انت شعليك لازم اكون حياة لشوكت ابقى هيج
اني موصغيرة
....سكتي لجيبين طاري الزواج سمعتي لولا ليش مزوجتي
من الاول من اجى اول مرة خطبج شو هسه تريدي
لوهو شغل عناد
....عناد بمنو
...يعني بمنو اكيد بيه
.....سيف مرتك خطيه هي تحبك ومالها ذنب
....ذنبها زوجتني واني ماكو بكلبي حب وهي تعرف
شيلي همج انتي معليج بغيرج
...كلامك هذا ديخوفني منك وديحسسني انو اني مااعرفك
ولاجنك هذاك سيف
...اي لان اني مونفسه هذاك سيف اني غير واحد اكدر كلشي اسوي اني تغيرت وصرت اناني مثلج
....اني راح اوفق على سامي وازوجه واخلص منك
كمشني من يدي وعصرها قوي
....والله اقتله والله العظيم
.....انت متحبني ليش مهتم هيج عوفني اشوف دربي
...لا
شوفي راح اكلج شي واحد لتخليني اتعامل وياج بغير طريقه
انتي مومتريدين زواج ابقى بلا زواج احسن
...وانت شراح تستفاد
...استفاد انو الي مااخذته اني مياخذة غيري
...اني موملكك اني ملك نفسي
....  اعترفي انج متحبيني اعترفي انج متشوفين الدنيا بيه
اعترفي اذا جنتي دكدرين تكذبين
....بس اني كلتلك احبك وماكذبت
واحبك هوايه هم  وانت دك بكلبي انت كلتلي شتحسين
من شوفيني ويا مرتي
واني ماجاوبت وخليت يدك على كلبي واني وكف كل جزء بيه وكل احساس بداخلي وبقى بس كلبي ينبض
اني جنت احجي واحسه ‏ هو يرجف ويتنفس بقوة وبااحساس
وعيونه تباوع على ملامحي
خله يدة على الباب  وكلي
....شتحسين
....احس بنار بركان اخاف افكر  اخاف من فكرت انك تحضنها اخاف من فكرت انك من تزعل وضوج تروحلها اخاف من فكرت انك تلمسها
غمض عينه وكلي
....اخ ياالله اخ ياالله انتي شدسوين بيه كافي ريمان
كلبي يوجعني اني راح اموت من وراج
يتبع .....
#الكاتبه #روجمان