تحميل رواية عفريتة قلبي بقلم جيجي pdf

.. ناجى.... الساعه جات ٣ الفجر والست عفريته بتاعتك ما ظهرتش

حمدان... انت ما مصدقنيش صوح.... انا خابر انك ما مصدقنيش... دلوك تطل كيف كل ليله وتشوفها بعينك سعتها بس هتصدقنى...

ده حمدان شاب فى الاربعين.. واقف فى الاوضه مع ناجى اخوه شاب فى التلاتين..قال بسخريه من حمدان...

امم طب الليل خلص اصلا بقول ايه اوصفهالى كده يمكن تاجى على السيره.. وهو اعرف اوصافها عشان لو شوفتها فى مكان اعرفها

حمدان... بيضه وعنيها سود ووساع حلوين قوى ولابسه برقع على وشها مبين بس عنيها باقى وشها متخبى تحت البرقع وهو عباره عن سلاسل كتيره لونها دهبى مخبى من تحت العين لعند الصدر.. وفستان ابيض فضفاض وسلسه على وسطها.. وسلسله على قورتها فوق حواجبها يعنى... وجسمها متوسط كده.. وشعرها طويل قوى معدى نصها ولونو اسود... اه ولابسه خلخال كمان..

ناجى بغمز.. طب ما هى مزه اهه امال انت خايف منها ليه...

حمدان... اقولك تور تقول احلبو.. يا جحش الحيشان انت دى عفريته..

ناجى... طب اعكشها المره الجايه وزعق عليا وشوف انا هعملك فيها ايه..

حمدان.. ايه اعكشها دى انا بخاف منيها اصلا اول ما بشوفها بالزق فى الحيط وهى تفضل تبصلى وتهرب من الشباك... حتى بقدر اتحرك انا بترعب لما بشوفها وكل مره بتخلينى لحالى حتى تظهر...

ناجى... لا متخافش ما فيش عفاريت اصلا دلوك... دى تلاقيها واحده من ايهم بتوجب معاك

حمدان... قصدك ايه انها بت وبتقول كده بالعانى

ناجى... ايوه طبعا ما فيش عفاريت دلوك متخافش.. بص بكره انا هاجى انام مكانك وانت نام مكانى وانا هعكشهالك..

حمدان.. جد الله يباركلك

ناجى.. تعال ننام دلوك وما تقولش لحد ولا اى حد مين ما كان يكون

ونامو فى يوم جديد.. ناجى نزل راح المطبخ ولقى بنت فى ال ١٨ دى حوريه بنت عمو واقفه تجهز الغدا قرص وسطها باديه وقال.. اموت انا فى الجمبرى... والوسط الملبن الطرى..

حوريه شهقه بخضه وقالت.. انت اتجنيت قولتلك بطل الحركات السافله دى

ناجى... الحب فى قلبى مولع.. وانت مطنش وبتتدلع..

حوريه... وبعد هالك.. هندهلك حمدان..

ناجى.. لا ولا حمدان ولا حمدت.. انا بس كنت بسال الوكل جهز

حوريه... غور هناك ولما يجهز هجيبو..

ناجى.. ماشى خليكى كده مطنشانى.... ترتاحى وانا فى نارى سيبانى

حوريه... بنى ادم غتت

وطلعت حطت الاكل على السفره وقالت...

كيفك يا حمدان

حمدان.. الحمد لله يا حوريه تسلمى..

نزل والدهم كمال.. راجل فى السبعين.. وقال...

ازيكم يا عيال كويس انكم متجمعين

حمدان.. خير يا بوى

كمال.. بصو انا قلقان على حوريه قوى

حوريه.. من ايه يا عمى

كمال... من التار انتى ناسيه ان ابوكى راح فى التار واحنا خدنا دمو منهم اخاف يئذونا فيكى يا بت اخوى عشان كده لازم تتجوزى

حوريه بضيق.. ايه اتجوز.. اتجوز مين يا عمى انا ما عوزاش اتجوز واصل

كمال.. متخافيش مش غريب انا هجوزك ولدى

حوريه.. ولدك..

كمال.. اه هجوزك ناجى..

حوريه... ايه ده لا

كمال.. امال مين يعنى هو اولى بيكى

حوريه... بس انا مش عوزاه

كمال..عشان خاطرى يا بتى انتى وصيه وما قدرش اروح بذمبك

حمدان... وبعدين يا حوريه ناجى ده زين.. هو صوح غبى ونسونجى بس طيب

حوريه.. بس انا بكرهو..

ناجى.. مقبوله منك يا بت العم.. يا تاعبه القلب وجيبالو الهم..

كمال.. ناجى اكتم.. ها يا حوريه

حوريه... ماشى يا عمى

ناجى.. اهه وافقت اخيرا وانت ما تقلقش.. بكره لما تجرب حضنى.... تحلف ما تنام الا جمبى...

حمدان.. ههه اتحشم يا اض

قربت من ناجى وبصتلو وقالت.. امانه اما تشوف اللى ضحك عليك ابقى قلو حوريه بتقولك.. اتفو

وطلعت على فوق بسرعه.. ناجى لسه هيجرى وراها بس حمدان مسكو وقال...

اعقل بنقولها هيحميكى تقوم تضربها

ناجى... دى تفت عليا

حمدان... معلش...

كمال.. بصو.. انا جبت خدامه عشان تساعد بت عمكم فى البيت.. وكمان تنام مع بتك يا حمدان عشان حوريه هتبات مع جوزها.. هتاجى الصبح... ابقى استناها عشان معاى شغل فتكم بعافيه

حمدان... احلى حاجه يبلينا البلوه وياجى يقولنا عليها

..

باليل.. كان ناجى راح اوضت حمدان وقلع جلابيتو وكان لابس منطلون وبس ونام على السرير وتغطى بس سمع صوت بنت بتقول..

ايه نومت منى اتاخرت عليك ايااك.... قوم عاد ما تعملش ميت

بس ناجى شدها عليه وقعها على السرير وعتلاها وشد البرقع من على وشها... وهى غمضت بخوف وفتحت عين وبصتلو.. وناجى رفع حواجبه ووووو..

.....بس ناجى شدها عليه وقعها على السرير وعتلاها وشد البرقع من على وشها... وهى غمضت بخوف وفتحت عين وبصتلو.. وناجى رفع حواجبه وقال..

تصدقى اول ما قلى عفريته عرفت انها انتى مش هتعقلى وتبطلى الحركات القرعه دى يا حوريه قلبى..

حوريه بصدمه... ان انت

ناجى.. اه تخيلى

حوريه.. بعد عنى هملنى

ناجى... هوهو اهلا... افلتك ليه ما انا عكشتك خلاص هنزل اقول لحمدان انك انتى عفريتت الليل واخره

حوريه.. لاه بالله عليك اوعى

ناجى بعد عنها وقعدو وقال..

ليه لازم مزه ف حضن الاربعينى.. هو الاربعينى بس اللى بيحضن فى مخيلتكم.. لا والله ده التلاتينى بيحض والعشرينى بيحضن والخمسينى بيحضن ويظل الرجل يحضن حتى يحتضنه عزرائيل الموت...

حوريه.... لم روحك ايه الكلام ده

ناجى... ده حضن التلاتينى كلو طاقه وحيويا.. بس انت جرب مره وحس بيا

وقرب منها بس حوريه وقفت وجريت بره الاوضه ضحك وقال بصوت عالى قاصد يسمعها...

وتروح فين منى.. مسيرك ترد لحضنى..

حوريه راحت الاوضه وبقت تلطم وتقول...

يا مرى اتفضحت والله ده ما هيتستر يا مرى

فى صباح يوم جديد كانو حمدان وناجى بيفطرو...

حمدان... ها جات امبارح شوفتها

ناجى وهو بياكل.. هى مين

حمدان.. بت العفريت دى هكون على مين يعنى..

ناجى.. اه لا ما فيش عفريت ولا حاجه دى بنيه كانت عاشقه واحد وهربت من ناسها لجل تتجوزو وليله فرحهم ناسها قتلوهولها وقع بين اديها حصلتلها صدمه وبتدور عليه فى الناس..

حوريه كانت بتحط الاكل بس ناجى شدها عليه من وسطها وقال..

اقعدى جارى كلى

حوريه قعدت بضيق

حمدان.. انت حكيت ويا العفريته يخربيت ناسك

ناجى.. هخاف منيها اياك البنات دول عسل ف كل احوالهم

بس سمعو صوت بنت فى العشرين

بتقول...

يلى هنه

حمدان.. ادخلى انتى مين

قالت.. انا مرجانه.... الحاج كمال قال انكم عاوزين واحده تشتغل حداكم فى السرايا...

ناجى بمعاكسه.... يا بوى ايوه عاوزين ده احنا محتاجين قوى على الاخر جدا..

ولسه هيتقدم عليها بس حمدان شدو من قفاه وقال...

تعال هنه.. احم ايوه احنا عاوزين واحده انتى شغلتك تخلى بالك على بتى اسمها جنه..

ونادى على بنتو وجات بنت خمس سنين

مرجانه... تمام انى اصلا بحب العيال قوى تعالى يا جوجو ورينى اوضتنا

ناجى.. ما اروح انا اوريكى اوضتنا

مرجانه... ههه على مهلك يا عريس.. العروسه تزعل..

جنه... ابوى اروح معاها..

حمدان... اه.. روحى معاها دى خالتك مرجانه هتبات معاكى من هنه ورايح عشان حوريه هتبات مع جوزها

جنه.. ماشى.. وراحت معاها...

ناجى... يا بوى اى دى... دى حقيقه ولا حلم

حمدان.. وبعدين البت قاعده

ناجى.. بت ايه بس هى حوريه بت.... البت اهى قطعه قطعه ياض

حمدان.. اتلم..

حوريه بصتلو بغيظ وضربتو على قفاه وجريت.. لسه هيجرى وراها حمدان مسكو وقال....

اعقل انتو هتتجوزو ما ينفعش تعاكس قدامها..

ناجى.. تضربنى عادى...

حمدان.. بس عاد انت ضايقتها الاول اعقل ..

بالليل كان الفرح شغال وحوريه كانت لابسه الفستان الابيض وشكلها جميل جدا.. وقاعده جمب ناجى وكتبو الكتاب وطلعو اوضتهم..

مرجانه شافت حمدان قاعد فى الزاويه بحزن راحت عندو وقالت...

انت زعلان

حمدان.. لا ابدا بس عشان انا ربيتها كانها بتى ففرحان عشان شايفها لابسه الفستان.... بس كان نفسى اجوزها واحد بمزاجها وتفرح بس جات فجأه شكلها زعلانه بس والله ناجى بيحبها

مرجانه... بعدين هتعرف انو احسن ليها ولا انت ما كنتش وافقت عليه .

حمدان.... هو طايش واهبل وسافل بس بيحبها

مرجانه... انت عارف انها بتحبك ولا ما اخدتش بالك..

حمدان بصلها وقال.. ايه...

عند ناجى فرك اديه بحماس وقال...

مبروك عليكى انا.. يلا بقى نركن المخاف.. ونغطس تحت اللحاف

حوريه... ايه السفاله دى اكتم... انا مش عيزاك اصلا انسى تقرب منى..

ناجى... انتى فكرانى هقولك براحتك وانام على الكنبه انتى مرتى خلاص

حوريه وقفت على السرير وقالت....

مر فى حلقك انسى والله ما تقرب منى لاصرخ والم عليك البلد كلها

ناجى.... ههه والله... هتصيطينى يعنى... صرخى انا اصلا بحب الفضايح..

ونط على السرير مسكها وحوريه صرخت بس وقعو الاتنين لما السرير اتكسر بيهم..

حوريه.... ايه الغباء ده دبشه بتنط فى ترعه السرير اتكسر اتفضحنا خلاص.. اصلا انت قاصد تضايقنى هنقول ايه لعمى دلوك..

وبقت تبكى...

عند حمدان قال.... حب انتى عرفتى كيف هى قالتلك

مرجانه.. دى حجات تتحس ما تتقلش

حمدان.. ياست نانسى مش وقت اغانى عرفتى كيف

مرجانه... انت بتحبها وهملتها عشان اخوك.. ولا كان حب من طرف واحد..

حمدان بزهق... انتى عرفتى كيف

ناجى فرك اديه بحماس وقال...

مبروك عليكى انا.. يلا بقى نركن المخاف.. ونغطس تحت اللحاف

حوريه... ايه السفاله دى اكتم... انا مش عيزاك اصلا انسى تقرب منى..

ناجى... انتى فكرانى هقولك براحتك وانام على الكنبه انتى مرتى خلاص

حوريه وقفت على السرير وقالت....

مر فى حلقك انسى والله ما تقرب منى لاصرخ والم عليك البلد كلها

ناجى.... ههه والله... هتصيطينى يعنى... صرخى انا اصلا بحب الفضايح..

ونط على السرير مسكها وحوريه صرخت بس وقعو الاتنين لما السرير اتكسر بيهم..

حوريه.... ايه الغباء ده دبشه بتنط فى ترعه السرير اتكسر اتفضحنا خلاص.. اصلا انت قاصد تضايقنى هنقول ايه لعمى دلوك..

وبقت تبكى...

عند حمدان قال.... حب انتى عرفتى كيف هى قالتلك

مرجانه.. دى حجات تتحس ما تتقلش

حمدان.. ياست نانسى مش وقت اغانى عرفتى كيف

مرجانه... انت بتحبها وهملتها عشان اخوك.. ولا كان حب من طرف واحد..

حمدان بزهق... انتى عرفتى كيف

مرجانه... عرفت من عنيها ما كنتش تنزل من عليك... ها انت ايه وضعك..

حمدان... لا انا بعد مرتى نرجس الله يرحمها ما شوفتش حريم...

مرجانه بصتلو بدلع وقالت... واصل

حمدان... اها واصل ..

مرجانه.. لساك فاكرها..

حمدان... عمرى ما نسيتها كانت بت خالتى وعشقتها من واحنا عيال... واتجوزنا بس راحت بدرى

مرجانه... يا بختها

حمدان.. بنقول ماتت بختها بايه

مرجانه.. بيك قاعد فكرها لغاية دلوك

حمدان... امم تصبحى على خير يلا روحى لجنه لتصحى تلقى روحها لوحدها تخاف

مرجانه.. بتسكتنى ماشى.. وانت من اهلو

فى يوم جديد كان ناجى بيدق السرير اللى كسرو قال بتعب...

كفايه كده انا اتعبت من كتر الدق

حوريه... احسن كلو منك عجبك كدا

ناجى.. مش كنت ناديت لحمدان يصلحو هو بيعرف للخشب

حوريه... كمان هى ناقصه فضايح..

بس سمعو صوت حمدان بيقول..

يا عريس ايه لساتك نايم..

ناجى.. اهه جيه لحالو..

وقفت قدامو وقالت...

اوعى تقولو

ناجى... ليه ده اخوى عادى يعنى بعدى

وبعدها بس زقتو ووقعت فوقو بصلها بدهشه.. وحوريه بعدت وقالت بحرج..

احم ما تقولش لحد هتكسف

ناجى.. انتى تامرى امر روحى على الحمام وانا هسربو من بره لبره

حوريه.. مستفز

ناجى.. طب دلعينى ده المثل بيقول لو ليك حاجه عند الكلب قولو يا سيدى..

حوريه دخلت الحمام وبصت من بابو وقالت.. طب شوف اخوك... يا سيدى...

ناجى.. ههه مقبوله منك يا عسل

وفتح لاخوه الباب وقال.. صباح العسل..

حمدان.. صباحيه مباركه جهزولك الفطور اجيبو ولا شويه

ناجى... لاه هننزل ناكل معاكم تحت

حمدان.. ياض انت عريس..

ناجى.. لاه هناكل سوا ما نستغناش

حمدان.. طيب هنستنوك تحت...

ناجى.. اشطا

حمدان راح المطبخ وكانت مرجانه بتتكلم بخوف وبتقول

لا ان شاء الله ما هيعرفش بطلى فقر.. انتى بس ما تتصليش وانتى فى البيت ليسمعوكى... انا زينه قوى ما تخافيش عليا.... اسلام عرف... ها وعمل ايه.... طب انا هقفل ليسمعونى هنه سلام..

وقفلت معاها وحطت ايدها على بقها وبقت تشهق ببكى قعد جمبها ومد عليها منديل بصتلو بخضه..وقالت..

انت هنه من ميتى..

حمدان.. من ان شاء الله ما هيعرفش... وما هسالش هو مين ما تخافيش

مرجانه... دى حاجه مش مهمه اصلا اخوى كان جايب بقره وماتت وخايفينو يعرف وهو مسافر عند اختى ف بقولها ليسمعك وبتقول عرف اسلام اسمو اسلام

حمدان.. كل البكى ده على بقره انا قولتلك ما هسالش ما لوش لزمه يعنى تكدبى.... يلا عشان هينزلو ياكلو معايا

مرجانه.. حاضر على طول اهه

حمدان.. خلينى اساعدك

مرجانه... لاه انا هجهز ما ينفعش

حمدان... لاه انا جبتك تقعدى مع جنه عادى نساعدك

وجهزو السفره سوا.... ناجى وحوريه نزلو سوا

حمدان.. صباح الخير يا بنوتى

حوريه بضيق.. صباح النور

حمدان بص لمرجانه وقال.. اقعدى كلى معانا

مرجانه... ها لا هاكل فى المطبخ اقعد كيف

حمدان.. مش بقول اقعدى...

وقعدها على الكرسى اللى جمبو حوريه بصتلها بغضب وقالت...

هتقعد الخدامه تاكل ويانا

حمدان... دى مربيه عيب

مرجانه وقفت وقالت.. انا اصلا شبعانه

حمدان.. هو ليه كلامى ما بيتسمعش مش قولت اقعدى

وقعدو خلصو فطارهم وطلع مع اخوه لبره ورجعو باليل على البيت وسمعو حوريه بتزعق وبتقول..

هيكون مين غيرك يعنى انتى الغريبه الوحيده اللى دخلت وسطنا

راحو على الصوت اوضه مرجانه وحوريه راميالها هدومها فى الارض...

حمدان.. فى ايه وبتقلبى فى هدوم البنيه..

حوريه... سرقت خاتمى الدهب وبشوف واخده ايه تاني كمان.. اهو لقيتو عندها... ايه مكدبني اياك ومصدقها اسالها لو مصدقها ومكدبني..

مرجانه قعدت على الارض بقيت تلم الهدوم بتاعتها عشان كانوا واقفين... حوريه وقعتهم منها وقالت...

ما تلميش حاجه استني لما اخلص تفتيش

ناجى بصلها بنظرات ما فهمتهاش وراح اوضته.. وحمدان مسكها من ايدها وطلع بيها بره الاوضه وقال...

ايه اللي انتى هبهتيه ده

حوريه... بقولك لقيت الخاتم في دولابها انت ما مصدقنيش ليه

حمدان.. مش معنى انها تشتغل خدامه انك تهنيها وتاجي عليها.. دى بني ادمه زيك وزي بتحس وعندها مشاعر بس الدنيا جايه عليها شويه... مش معنى انك اتولدتى لقيتى روحك بنت عمده ما تشوفيش الناس اللي تحت... كان ممكن تتولدي في ظروفها وتبقي خدامه بردك..

حوريه... انت بتساويني انا بدي..

حمدان.... انا برجعك لانك تهمينى.. انتى اختي وبنوتي اللي انا مخلفتهاش

حوريه.. انا مش اختك ولا بتك بطل تقولى بتي واختي

حمدان.. مرت اخويا.. انتى مرت اخوي حلوه دي.. يلا على اوضتك..

حوريه طلعت على فوق بسرعه وكانت بتعيط بس لقيت ناجى قاعد على السرير وبيبصلها بصات غريبه... قالت....

انت تبصلى كده ليه انت كمان..

ناجى.... هو انا عشان بهملك واقول عيله خلاص.. فاكره اني عشان بعدي اللي كنتى بتعمليه زمان وساكت تبقى تعملى اللى عيزاه... لا انتى زمان كنتى بس بنت عمي... انما دلوك انتى مرتي وعلى اسمي ومش انا اللى يقبل على نفسو مرته تروح لراجل تاني وترسم عليه وتعمل خطط علشان تفضيه وهي على ذمتى..

حوريه... انا لقيت الخاتم عندها..

ناجى... انا وانتى عارفين ايه اللى وداه هناك... انتى اللي خطيتى الخاتم في دولاب البت لجل تقولى عليها حراميه وتمشيها حركه قديمه ومهروشه... وانا هعرف كيف اعقلك يا مرتي الحلوه...

وقرب منها..

حوريه... انت انت عايز ايه بعد عني..

ناجى.. هخليكى تبقى ليا عشان حتى لو طلقتك ما يتجوزكش...

ورماها على السرير وقرب منها.. كانت بتحاول تمنعه بس ما قدرتش.. عند حمدان كان عند مرجانه وبيقول...

ينفع ادخل

مرجانه... لا انا اصلا ماشيه..

حمدان... رايحه فين..

مرجانه.. اي مطرح تاني ارض الله واسعه...

حمدان... طب وبتى اللي انا جبتك عشانها.. ما هتستنينيش اجيب واحده تانيه حته

مرجانه... نومها معاك اليومين دول هي لسه صغيره

حمدان.. طيب تقبلي اسفى انا ولا لازم هى..

مرجانه... لا انت ولا هى انا مش حامله اللى فيا مكفينى.. والله العظيم.. يمين بالله ما اخدت حاجه..

حمدان.. كنتى تبانى اذكى من كده امبارح ولقطتى انها بتحبني.. هى حطيتلك الخاتم عشان تمشيكى.. فاكره لما قعدتك تاكلى معانا.. انى يعنى حبيتك..

مرجانه بغضب... ايه العبط ده... هموم تافه الله يدينا منها حبه..

حمدان... دى تافهه..

مرجانه.. قوى.. فى حجات اكبر من كده

حمدان.. مثلا

مرجانه.. تبقى غريب وسط ناسك دى جربتها

حمدان.. مش فاهم

مرجانه... وحيد وسط اللمه يبقى اقرب ماليك مستنى ينهش فيك ...انا اخويا باعنى لواحد تاجر ممنوعات وسمعتو بيقولو بكره هجبهالك.. هربت من البيت لا اعرف رايحه فين ولا مصيرى ايه.... اخوى بيدور علياعشان واخد تمنى فلوس وصرف منها ولو ما سلمنيش للراجل ده هيقتلو...... كنت بكلم اختى هى متجوزه عندى اهل بس ماحدش بيهتم بيا.. فهمت

حمدان.... ياريت ما فهمت... المهم عشانى انا خليكى معانا انسى اللى قالتو

مرجانه... هفضل لانى ما عنديش مكان بس ورب الكعبه حركه هبله زى دى تانى وهجيبها من شعرها واللى فيها تجيبو

حمدان.... لاه قلبك ابيض.. يلا تصبحى على خير

وطلع بس رجعلها وقال.... اه ما تفكريش فى اى حاجه نامى مرتاحه ماحدش يقدر ياخد واحده فى حمايتى

مرجانه... حمايتك.... انا

حمدان..... اه من دلوك بقيتى فى حمايتى

وطلع على اوضته.. مرجانه بصتلو بستغراب وراحت على السرير وابتسمت بفرحه ونامت...... في صباح يوم جديد كانت حوريه قاعده على السرير وماسكه المفرش عليها وبتعيط.... وناجى كان قاعد بيشرب سجاير... وقال بضيق....

وبعد هالك فضناها من اول الليل ولساكى بتنوحى..

مرجانه... وانت مالك ومال نواحى انوح للسنه الجايه انت مش عملت اللي في راسك خلاص ملكش صالح بيه... بس انت ما بقيتش راجل... كيف ما الراجل ما يقبلش ان مرته تلاغي راجل تاني وهي على ذمته... كمان ما يرضاش على حاله يفرض نفسه على واحده هي مش عايزاه..

ناجى... لا عادي دى بنقبلها.... بس انتى لساكى بتقولي ما بقيتش راجل... شكله ادب امبارح ما كفاش وعايزه تتئدبي تاني...

وقرب عليها .. بس جريت بسرعه على الحمام بسرعه وقفلت الباب...

ناجى... اجرى كيف الفيران اهو اللي انتى فالحه فيه...

حمدان كان رايح لبنته... بس لقى جنه متخبيه ورا السرير لسه هيتكلم بس شاف مرجانه رابطه عينيها وماده اديها في الهوا وبتقول..

على فكره اللعبه دي المفروض تجرى قدامي لحد اما اعكشك مش تروحي تستخبي مني... انا ما عارفاش امسكك.. فين اللعبه كده..

بس خبطت فى حمدان ورجعت لورا وكانت هتقع بس حمدان حاوط وسطها مسكها.. ومرجانه حطت اديها على كتفه.. وحمدان شال الربطه بايدو التانيه وبصلها وتاه فى عيونها بس حمحم بحرج وقال.... بتعملوا ايه

مرجانه بعدت وقالت برتباك... معلش خبطت فيك

حمدان... لا عادى ولا يهمك.. احنا عايزين نفطر ما فيش فطور النهارده ولا ايه..

مرجانه... انا جهزت من بدري بس ما حدش صحى خليته

حمدان.. ماشي طب يلا جهزيلنا الفطور ورانا شغل..

مرجانه.. عيني

حمدان.. سلامة عينك.. بقول ايه في المدرسه عاملين حفلة للاوائل يعني كل واحده هتاخد معاها ابوها وامها وجنه هتتكرم.. تاجي معايا...

مرجانه.. انا اه اجى معاك ما جيش ليه احطلكم الوكل واروح اجهز طوالى..

حمدان... ماشي تسلمى..

ونزل بس شاف حوريه قدام اوضتها قال.. صباح الخير

حوريه كانت هتدخل اوضتها بس مسكها وقال..

انتى زعلانه مني...

حوريه.. انا هزعل منك ليه انت عملت حاجه تزعل

حمدان... ما انا زعلت منك امبارح وصالحتك الصبح ما قعدتش لغايه دلوك زعلان...

حوريه.. مش كنت بتقول بعد نرجس مش هتشوف حريم بس انا شايفه انك شايف دلوك.. لما حبيت تشوف شفت

حمدان... خلينى ابوكي واخوكي وصاحبك احسن من اسم واحد..

حوريه.. في ناس بنستكفي بيها على الدنيا كلها وانا كنت مستكفيه بيك بس انت سبتنى واديتنى لاخوك..

حمدان.. بكره تعرفى انى ما هونتش فيكى... وان جوازتك من ناجى احسن بكتير قوي من اللي كان فى راسك.. ده بحبك يا هبله من وانتى خمس سنين...

حوريه بسخريه لما افتكرت اللى عملو ناجى وقالت..

اه انت هتقولى على حبه شوفتو مبارح.. بكره انت هتعرف ان اللي انت عملته اكبر غلطه في الدنيا وانك حمار وما بتفهمش حاجه

وسابته ودخلت اوضتها.. بغضب وبقت تبكى بس وقف قصادها ناجى وقال.. هو فى حد منع البوكى تحت ولا حاجه كل ما يضايقوكى تحت تطلعي تبكي فوق.... فبسال بس... عشان يبقى عندي خبر...

. وسابته ودخلت اوضتها.. بغضب وبقت تبكى بس وقف قصادها ناجى وقال.. هو فى حد منع البوكى تحت ولا حاجه كل ما يضايقوكى تحت تطلعي تبكي فوق.... فبسال بس... عشان يبقى عندي خبر...

بصتلو بضيق وناجى قعد جمبها وقال... بتبصيلي كده ليه على فكره اللى انا عملته امبارح ده كان حقي ما جيتش عليكى يعني ولا حاجه...

حوريه.. ما جيتش عليا لما تعمل حاجه غصب عني..

ناجى.... يا بنت انت مرتي مرتي.. اغنيهالك.. تاتى تاتى تاتى... يابت انتى مراتى.. يعني بصي يعنى نكمل العمر كله سوا نتقاسم كل حاجه في الدنيا سوا... بالك انتى لو جربتيني قسما بالله هتحبيني بس انتى دماغك دماغ كلبه.. على فكره انتى بعندك ده بتضيعيني منك..

حوريه بغضب... بالله عليك ضيع انا اصلا مش طايقاك ضيع منى احب على يدك ضيع منى..

ناجى.. ايه ده بجد.. طب خليكى فاكره انك قلتيلي ضيع عشان ما تزعليش اما اضيع منك وتاجى تبكى فى الاخر....

حوريه نفخة بضيق وقالت.. تؤ مش هبكى ضيع منى انت بس وحل عنى وانا هوزع لحمه على الخلق كلهم..

عند حمدان كان قاعد جمب مرجانه... في الحفله بتاعه جنه.. وقالت....

هي ميتى هتاخد الشهاده بتاعتها الرجل الطويل اللي قاعد قدامنا ده حاجب الروئيه مش شايفه اى حاجه منو..

حمدان.... بقولك ايه دي مدرسه غاليه انا دافع فيها دم قلبى مخصوص لبنتى... كل الناس اللي هنا راقيه اقعدي ساكته وما تفضحيناش...

مرجانه... انا سالتك متى هتاخد الشهاده ما قلتلكش تقولي تاريخ حياه المدرسه.. بقول ايه ما تقول للراجل الطويل ده يبعد حبه عشان اشوف

حمدان.. اش اكتمى عاد..

وقفوا الاولاد على المسرح يسلموهم الشهايد التقديريه اول ما سمعت المدرسه بتقول.... الطالبه جنه حمدان الحسيني...

مرجانه وقفت على الكرسي وبقت تسقف وتصفر

حمدان خط ايده على وشه بياس وشدها قعدها على الكرسي جنبه... وقال.....

بتهببي ايه الله يخرب بيتك

مرجانه... انت مش فرحان

حمدان... هى شهاده الجامعه اقعدي ساكته..

مرجانه.. انت مش عارف ان السنوات الاولى من المدرسه اهم من الجامعه لان الواحد لو ما عرفش الحروف مستحيل يكتب ولو ما كتبش مستحيل يقرا ولو ما قراش مستحيل يوصل لا لجامعه ولا ثانويه ولا حتى اعداديه يعني دول اهم سنتين في المدرسه... انا رحت اول ست سنين فى المدرسه ما كنتش اغيب يوم واحد فيهم..

حمدان... وطلعتى ايه واخده شهاده ايه دلوك

مرجانه.. لا ما انا طلعت من ساته ابتدائي..

حمدان... تعرفى تسكتى

مرجانه.. طب نصورها طيب امال جينا ليه اوف...

وقالت للراجل اللى قدامها... لو سمحت يا اخينا ممكن تبعد على راسك حبه عشان انا مش شايفه منك حاجه منك وانا عايز اصور البنت..

الراجل... فى ايه يا مدام هو حد جيه جنبك..

مرجانه بردح... مدام ايه مدام في عينك انا انسه بعدين ما تزعقش انت اصلا ما تقدرش تجي جنبي وانا لسه هستناك لما تيجي جنبي... جاتك نصيبه وانت حاجب الضوء كده..

الراجل بص لحمدان وقال..... ما تلم حريمك ياعم

حمدان... مشين اهه حقك علينا

وشدها يمشى بس وقفت وقالت...

حرمت عليك عيشتك يا بعيد برضو يقول حريمك...

الراجل... مالها الوليه دى اتجنت ولا ايه..

حمدان كان بيحاول يمشيها بس وقفت وبقت تقول...

يولولو عليك فى جنازتك يا بعيد ساعه ويفضوها.. ما يلاقوا الولواله... يدفنوك مع البطاريق ينشف ريقك ما تلقى اللى يبللك ريق... تتوه وسط ديابة الجبل ما تلاقي صديق... وتروح لجهنم وحدانى من غير رفيق...

حمدان شالها وطلع بيها بره الحفله

حمدان.. بس عاد فضحتينا..

مرجانه.. انا بس قولتلو صحف حبه اصور البت هو زعل مع نفسو..

حمدان بضيق.. يصحف يغور فين ما هو على كرسيه يعملك ايه لو انتى قزعه ومش شايفه.. يقعدك مكانو يعنى

مرجانه...... على فكره انا مش قصيره انت اللي طويل

جات جنه وقالت... يلا نروح جبتها معانا ليه دى خربتولي الحفله وفضحتونا قدام الناس...

حمدان.. معلش اطلعى ع العربيه يلا

مرجانه.. شوف البنت كيف ابوها

حمدان.. كلنا غلطانين انتى بس اللي صح

مرجانه بتاكيد.. ايوه انا صح طبعا ما فيهاش كلام.. طب بذمتك مش كان حاجب الضوء منى

حمدان ضحك وقال... اه كان حاجب الضوء فعلا

مرجانه... ضحكتك حلوه قوى انا اول مره اشوفك بتضحك... من ساعه ما جيت ما ضحكتش..

حمدان... هو انا بصراحه مش فاكر اخر مره ضحكت يعني ما فيش حاجه تضحك.

مرجانه... ايوه البيت نكد انا من ساعه ما جيت وانا شايفه البيت حزين... على قول الست اصاله.. بتمثلو ان عندكم حياه..

حمدان بسخريه... انتى اللي عندك حياه.. سبنهالك

مرجانه... انا ما عنديش حياه بس بعملها يعني انا مثلا مع كل المصايب اللي واقعه على راسي بضحك وبطلع وبروح وباجي واحده غيري كانت زمانها قاعده في البيت عشان ما حدش يشوفها انما انا طلعت عادي ومش فارقلي

حمدان.. مش خايفه يعرفو مكانك..

مرجانه... لا عارف ليه عشان انت قولتلى امبارح انك هتحمينى.. انا عارفه ان انت هتحمينى انا امبارح اول ليله من زمان انام مرتاحه... عشان حسيت بالامان جمبك..

حمدان... وانتى صدقتيني على طول كده..

مرجانه... اه انا صدقتك وواثقه فيك.. لدرجه ماتتخيلهاش ابدا

حمدان بص لعنيها بتوهان بس ارتبك من نظراتها وقال..

احم يلا نرجع...

عند حوريه كانت بترتب الاوضه ولقت هدوم لناجى على السرير شالتها وبقت تحطها فى الدولاب بس كانت كتيره عليه... الهدوم اخدت الهدوم اللى كانت فى الدولاب ووقعت تانى.. وحوريه بقيت تلمها بايديها وتحطها تانى بس لقيت ورق وقع مع الهدوم على الارض بقت تلمه بس اتفاجئت كانت رسومات ليها ورق فيه رسمه عينيها.... ورقه مرسوم فيها وشها..... ورسومات كتيره ليها.. وصور ليها هي وهى في المطبخ وهي وبتاكل وهى بتضحك... بس خبيتهم فى الدولاب بسرعه وقفلته اول ما سمعت صوت ناجى طالع على السلم.. ناجى فتح الباب وقال...

انا هتعشى بره الليله هتاخر ما تستنينيش

حوريه... اصلا ما سالتكش ولا كنت هسال

ناجى ببتسامه... اه ما انا عارفك بتقلقى عليا عشان كدا بقولك انى هتاخر عاوزه حاجه اجبهالك وانا جاى يا قمرى

حوريه.. لا

ناجى... يسلملى قلبك انا كمان عاوز سلامتك خلى بالك على روحك سلام..

وبقى يصفر ولسه هينزل.. قالت..

ناجى.. انت راسمنى ليه... وصورى بتعمل ايه حداك

ناجى... صور ايه انتى ليه بتفتشى فى هدومى..

حوريه... بما انك عارف انها فى هدومك تبقى عارف صور ايه.. انت صورتنى من غير ما اعرف ورسمتنى كمان... ليه يا ناجى... ما داهيه تكونى عاشقنى صوح كيف ماقال اخوك

ناجى بكدب... هه عشق ايه ده بيقول كلام فاضى

حوريه.... طب صورى بتعمل ايه عندك ولو الصور جات عندك كدا.. راسمنى ليه يا ناجى انت الوحيد اللى بيرسم فى البيت...

وبقى يصفر ولسه هينزل.. قالت..

ناجى.. انت راسمنى ليه... وصورى بتعمل ايه حداك

ناجى... صور ايه انتى ليه بتفتشى فى هدومى..

حوريه... بما انك عارف انها فى هدومك تبقى عارف صور ايه.. انت صورتنى من غير ما اعرف ورسمتنى كمان... ليه يا ناجى... ما داهيه تكونى عاشقنى صوح كيف ماقال اخوك

ناجى بكدب... هه عشق ايه ده بيقول كلام فاضى

حوريه.... طب صورى بتعمل ايه عندك ولو الصور جات عندك كدا.. راسمنى ليه يا ناجى انت الوحيد اللى بيرسم فى البيت...

ناجى بتوتر... انا انا اتاخرت قوى

ونزل من عندها بسرعه.. حوريه قعدت على السرير بضيق بس سمعت صوت عربيه بصت من البلكونه.. وشافت حمدان راجع مع مرجانه وجنه وكانو بيضحكو سوا.. رجعت قعدت مكانها بخنقه.. وهى مش عارفه تعمل ايه.. بالليل كانت بتحاول تنام.. بس دخل ناجى وهو بيتطوح.. جريت عليه سندته واخدته على السرير وقالت...

انت بتتطوح كده ليه مالك اسند روحك انت.. طفحت الهباب الى. بتشربو ده تانى ولا فيك حاجه عيان..

ناجى بسكر.... اه عيان.. عيان قوي.. عيان بيكي بس برضو انتى دوايه حاولت اطلعك كتير واشفى منك بس مش عارف فكرتك فى عيونى قولت اغمض لقيتك فى القلب قولت اموت قلبى لقيتك ساكنه الشريان.. ولو قطعت شريانى ماشيه فى دمى... مش هتطلعى غير بروحى

حوريه... انت شارب حاجه...

ناجى.. حجات كتيره لجل انساكى ومش قادر.. سالت عن مرضى قالو... حوريه عشقتها بقت ادمان... ودوايا تحسى بقلبى الغلبان.. ,ليه مش بتحبينى.. ها فى ايه زياده عنى يعنى هما الشعرايتين البيض اللي في الجنب دول اللى عاجبينك... بصبغهم ابيض.. سهلين يعني مش حكايه.... ليه مش شايفاني ليه دايما بتشوفيه احسن مني.. انتى حتى من كتر عشقك ليه ما شوفتيش العشق اللي باين في عنيا انا عايز فرصه... فرصه واحده.. وانا هوعدك انك مش هتندمى انا بحبك...

حوريه غطته وقالت... طب نام دلوقتي وتتسهل..

شدها على دراعو وقال.. ما فيش حاجه هتتسهل ولا في حاجه هتتحل قربي مني وانا اوعدك مش هتندمى

حوريه.. بعد ما ترجعش تعيد اللي عملته امبارح

ناجى... انا بحبك ليه بتعملى فيا كده انا عاشقك يا بنت من وقت ما كنتى عيله بضفاير اديني فرصه وانا هعمل كل اللي انتى عايزاه هتلاقي واحد عمرك ما شفتيه هتعيشي حب عمر ما واحده تحبتو قبلك.. هو يمكن يكون احسن مني ويمكن اجدع مني.. ويمكن يكون فرصه بس والله العظيم ما في حد هيحبك قدي ولا حتى ربع الحب اللي انا بحبهولك...

وقرب منها وهى استسلمت ليه وغابو سوا فى عالمهم الخاص... في صباح يوم جديد قامو من النوم مخضوضين على صوت زعيق....

ناجى في ايه مين اللي بيزعق في البيت.. بس بصلها لانها كانت نايمه على كتفو وقالت...

ما اعرفش..

ناجى بخضه.. انتى نايمه جارى ليه انا قربتلك غصب تانى اوعى تقوليها..

حوريه.. ها.. انزل الاول شوف فى ايه تحت..

ناجى لبس ونزل لقى حمدان مع رجاله وبيقول بغضب...

عندي... بتكم عندي وما هتاخدوهاش ولو على الزعيق احنا بنعرفو نزعقه على فكره لو هتعلى حنجرتك في بيتى يبقى تطلع منو...

الراجل... افهم الكلام واعقله دي بنيه والبت عرض لو ما سلمتش البنيه لاخوها

حمدان بمقاطعه... اعلى ما في خيالكم اركبوه انتم جايين تهددوني في داري يلا روحو

حسن اخو مرجانه قال..... ده اخر كلام حداك

حمدان... انا اخر كلامي هو اول كلامي بس انت عشان ما تعرفنيش... روح اسال مين هو حمدان الحسينى وتعال هدد بعدين..

حسن اخد الرجاله ومشى.. ناجى قال...

مين الناس دي

حمدان... بعدين نصايه وهجيك..

وطلع على المطبخ وكانت مرجانه قاعده على الارض حاطه ايديا على وشها وبتعيط قعد قصادها ونزل ايديها من على وشها وبصلها وقال...

اهدي خلاص مشو

مرجانه.. انا لازم امشي صدقني مش هيسيبوك في حالك

حمدان.... وانا مش هسيبك ليهم ولا هسيبك تمشي قلتلك ما حدش يقدر ياخد واحده تخصنى

مرجانه.. وليه توجع راسك وتجيب لنفسك مشاكل وانت عندك عيله صغيره سيبنى امشى كانى ماجيتش

حمدان.... ما هتمشيش الكلام خلصان مش ههملك واصل ومن هنا ورايح اعتبري روحك ملزومه منى... وما تخلينيش اتشغل كده ولا كده وتهربي كيف الهبل ازعل منك

مرجانه.. انا خايفه عليك..

حاوط وشها باديه ورفعو ليه وبصلها وقال... ما تخافيش عليا وراكي انا واقف جبل كل الرياح دي ما تهزوش يلا قومي كده استهدي بالله واغسلي وشك وروقي حتى لو عرف مكانك ما يقدرش ياخدك من داري على جثتي اسلمك ليه

هزت دماغها بايوه... وهو ابتسملها وطلع..

ناجى كان بيلف فى الاوضه ورا حوريه ويقول بقلق... ها ايه اللى نومك جمبى... انتى كنت جاري لما صحيت انا غصبتك عليا تانى امبارح٠..

حوريه... لا ما غصبتنيش..

ناجى.. طب امال ايه اللى جابك جارى..

حوريه.. ايوه كنت نايمه جارك بس..

ناجى.. بس ايه

حوريه.. انت بتسال كتير ليه وبعدين انت ما فاكرش يعني

ناجى.. اه ما فاكرش يعني... وبسال ليه.. تبقى جيتى بكيفك...

حوريه بكسوف.. انا همشي احضر فطور عاوز احضرلك وياى..

ناجى... اوبا شكل الصناره غمزت وهتطلع قراميط.. مش قلتلك... لو جربتى حضنى مره ..هتقولى اوعى تبات بره

حوريه طلعت بضيق وهى بتقول.. انا غلطانه ان انا بدى لواحد مستفودز زيك فرصه اصلا استاهل..

ناجى... تديها لواحد زيي يبقى بتديني فرصه... الله يلعن الخمره على اللي عملوها دى ليله ما فتكرهاش يا الغباء يا ولاد... طب انا دلوك ما فكرش حاجه طب هو ايه اللي حصل امبارح... واه مشت..

وراح بسرعه عند حمدان اوضته وقال....

صباح الصباح.. واللى جاى احلى من اللى راح

حمدان... بسم الله فى ايه داخل كيف المخبرين كده ليه

ناجى....جاى اقولك شكرا

حمدان... ياسيدى العفو بس ليه

ناجى... عشان عشت اجمل دقيقتين دلوك البت ادتنى فرصه اى نعم انا مش فكرها بس هرجع اعيد التجربه ايه ده انت زعلان ليه

حمدان بتوتر... هو لو انا فكرت.. وخد بالك فى لو وفكرت

ناجى... ايوه لو فكرت ها ايه اللى بعدها فكرت تعمل ايه

حمدان... لا مش هعمل لو فكرت ده مجرد اقتراح ومجرد تفكير

ناجى... ها انجز

حمدان بحرج... يعنى لو فكرت اتجوز بعد ام جنه الله يرحمها... ابقى خاين ونسيتها كدا... بس انا يمين عظيم ما نسيتها... انا بس عايز ارجع اعيش تانى و

بس قطع كلامه لما ناجى وقف على السرير..

حمدان بتوتر... وقفت ليه ها اعقل.. انا عارف البصه الغبيه دى... ما تنساش انا قولت لو فكرت يعنى مش اكيد

ناجى قال بصوت عالى ملياه الفرحه.. ... الورد كنشح من عرق النبى فتح.. عريس عريس عريس

حمدان بص حواليه بحرج وقال... بس اكتم يا اض لحد يسمعك

ناجى... عينك عينك عينك... ياللى ما تصلى على النبى

حمدان... بس اكتم..

كان بيحاول يسكتو وناجى بقى يكمل.. حمدان خبطو بايدو ف رقبته وقع مغمى عليه...

حمدان قال بضيق... انت ياض... يا ناجى ما تهزرش قوم عاد.. تستاهل ايه الهطل ده بتزفنى...

بس سمع خبط على الباب قال..

مين

حوريه.. جهزنا الوكل تعالو كلو

حمدان.... على طول اهه..

وبقى يقوم فيه... بعد شويه كانت حوريه فى الجنينه بترش الزرع بخرطوم طويل للميه ناجى قرص وسطها باديه وقال بمشاكسه..

ادوب لسنين.. فى الجامد المتين.

حوريه.. شهقة بخضه وقالت بغيظ... ايه الغباء ده خلعتنى

ناجى.. سلامتك يا قلبى انا... هى الفرصه لسه ساريه ولا انا ضيعتها امبارح

حوريه... يعنى

ناجى.. ما فهمتش

حوريه.. يعنى لو عملت اى حاجه تضايقنى هتتلغى

ناجى بغمز.. لو.. امم ابقى لسه ما ضايقتكش

حوريه بكسوف... خلاص لم روحك

ناجى.. بقول ايه ادتيهالى بناء على ايه مش كنتى رايده حمدان

...ناجى.. بقول ايه ادتيهالى بناء على ايه مش كنتى رايده حمدان

حوريه... امم كنت... بس هو قال انك بتحبنى ولقيتك مصورنى وراسمنى وكمان قولتلى كلام حلو قوى امبارح اثبتت انك عاشقنى.. والمثل بيقول خد اللى يحبك ما تاخدش اللى تحبو

ناجى.. صوح كلامك... انا اعرف مثل لو نعمل بيه نرتاحو اخر راحه المثل بيقول... تاجى من شوقى تاخد النص

ومعايا تحت الغطا ناخد غطس

حوريه رشتو بالميه وناجى جرى منها.. بس حوريه بقت تجرى وراه عشان ترشو وتقول...

هوريك استنى بس

ناجى وهو بيجرى... بس يابت انا لسه مستحمى... يا رب الميه تقطع منك..

حوريه .. ههه هغرقك..

بس ناجى وقف ومسكها بايدو وحاوط وسطها وشدها عليه.. وشد منها الخرطوم بالايد التانيه وبقى يرشها وقال..

اوعدك عمرك ما هتندمى على الفرصه دى واصل

وشالها وطلع بيها اوضتهم.. عند حمدان راح لاوضة بنته ولقا مرجانه مشغله موسيقه هاديه وفارده ايد فى الهوى ورافعه نص الايد التانيه كانها بترقص مع حد وبترقص رومانسى بخطوات ثابته ومتمكنه وبتلوح بخصرها مع الموسيقى.. اتقدم حمدان عليها ومسك ايدها وجات تلقائى ايدها التانيه على كتفو. مرجانه بصتلو بسرعه ولسه هتبعد بس شدها عليه من وسطها وبقى يرقص معاها وقال..

ها مين اللى متخيلتيه فى الرقصه وسرحانه وياه كده..

مرجانه.. احم فلتنى

حمدان.. لا كملى

مرجانه.. انت تعلمت الرقصه دى فين

حمدان.. مع نرجس وانتى

مرجانه.. انا تعلمتها من ابوى كان يرقصها مع امى وانا واخوى نرمى عليهم ورد كنا ٥ سنين

حمدان.. اها

مرجانه.. ما تعرفش اتبدل كده كيف

حمدان... انسى الموضوع ده مش كل ما اجى اكلمك تقلبيها غم انا مغموم خلقه

ولفها وميل جسمها على ايدو لتحت ونزل لمستواها وبصلها وقال....

.برضو ما قولتليش من اللى بتتخيليه وياكى فى الرقصه..

مرجانه.. م ما ماحدش انا كنت برقص مع نفسى عادى يعنى

حمدان.. ماشى هو عموما يا بخته... واسف لانى افسدت رقصتك مع نفسك

مرجانه.. ههه لا عادى ولا يهمك

حمدان كان بيبص لعنيها بطريقه غريبه بلع ريقه برتباك من قربها وسابها فجاه وقال...

انا انا ماشى

وطلع بسرعه وقال... ايه اللى انا بعملو ده

وتانى يوم كان بيقرا فى اوضته جاتو حوريه وقالت..

ازيك

حمدان برتياح لانها كلمتو... فل.. وانتى عامله ايه

حوريه.. الحمد لله كنت عاوزه اقولك حاجه

حمدان.. قولى

حوريه.. انا كنت العفريته اللى بتجيك كل ليله

حمدان.. اها..

حوريه.. عشان انا كنت بحبك وقولت لو تشوفنى بطريقه تانيه يعنى يمكن تحبنى.. لانك كنت تقول بتشوفنى بتك

حمدان.. اها

حوريه.... وانا اللى خبيت الخاتم فى اوضة مرجانه عشان تمشيها لما لقيتك بتقرب منها

حمدان.... اه

حوريه.. بس ايه اه انت مش متفاجا هو ناجى قلك

حمدان... لا بس انا عارف بنوتى ومعنى انك قولتى كنت بحبك وبتحكيلى اصلا يبقى غيرتى رئيك فى اللى كان فى راسك

حوريه.. هو اه يعنى هكمل مع ناجى

حمدان.. قصدك حبيتى ناجى

حوريه بتوتر.. ايه انا لا والله

حمدان.. ده جوزك يا هبله

حوريه.. اه صوح.. انا اتاسفت لمرجانه وسامحتنى

حمدان باس دماغها وقال.. ربنا يهنيكى يا بنوتى الحلوه.

فى صباح جديده كانو مرجانه وحوريه فى السوق سوا.. ومرجانه بتقول...

ها كملى وانتى حبيتى ناجى

حوريه.... هو اللى حبنى وفرض حبه فرض

مرجانه.... تاخدى دى كمان

حوريه.. انتى ليه خلتينا نطلع... انا طلعت من غير ما اقول لناجى او حمدان لو عرفو هيموتنا يلا بسرعه

مرجانه.. ماشى اهه طوالى مش انتى قولتى اما تجوزتى ما جبتيش هدوم وناجى بتاعك ده بيعرف بنات كتير لبسين من غير هدوم وانك عايزه هدوم حلوه زيهم عشان ما يبصش بره

حوريه.. ايوه بس خايفه...

بس جات عربيه ونزلو منها اتنين واخدوهم

بعد شويه كانو ابتدو يفوقو

مرجانه... ااه احنا فين

حسن... هنه يا قلب اخوكى

مرجانه بخوف... انت.. انت اتجنيت رجعنا

حسن... انتى فاكره انك هتهربى كدا ونسيبوكى.. ليه هما ليلتين وهيرجعك وهناخد فلوس يا اما..

مرجانه ببكى... طب رجع البنيه حتى

حسن بص لحوريه وقال... هه لا دى ليها شاريها وبسعر عنب

حوريه... لا لا انا مش هنفع انا متجوزه وجوزى هيهدها على روسكم لو عملتولى حاجه رجعنى احسنلك

حسن.. الراجل اللى هيشتريكى بينو وبينكم تار وهيدفع كتير قوى..

وسابها وطلع

حوريه... لا مش عايزه اموت قبل ما اقول لناجى انى بحبو

مرجانه بضيق.. هو ده اللى همك..

عند حمدان كان مع ناجى اللى بيقول... فين راحو كيف يطلعو من غير اذنى همرمطها لما ترجع تصبر عليا بس حوريه

حمدان رد ع الفون وقال... ها.. تمام اعرفلى المكان بالظبط..

وقفل وقال بضيق... اتخطفو اخو مرجانه خطفهم يلا بينا نرجعوهم

ناجى بذهول.. انت عرفت ازاى

حمدان... عيب تسالنى سؤال زى ده اركب بسرعه ليعملو فيهم حاجه

وطلعو بسرعه هما ورجالتهم على المكان اللى البنات مخطوفين فيه.. واشتبكو مع رجالة حسن وكانو خلصو عليهم...

بس طلع حسن وهو ماسك حوريه وحاططلها السلاح وقال...

نزلو سلاحكم والا هموتها

.طلع حسن وهو ماسك حوريه وحاططلها السلاح وقال...

نزلو سلاحكم والا هموتها

حمدان.. خلى عنك يا سونه هنموتها احنا..

وضربها فى كتفها... وحسن بصلو بذهول وحمدان ضربو بسرعه بالرصاص وقعو... وناجى جرى علي حوريه حضنها وقال بخوف...

لا قومى ما تسيبينيش انا بحبك بموت فيكى والله ايامى ما تسواش من غيرك قومى.. ليه طلعتى من غيرى

حوريه بتعب... كنت بجيب هدوم زى البت اللى كانت بعتالك طلب صداقه مبارح

ناجى.. انتى فتشتى فى تلفونى

حوريه... اه ما تقبلش طلبات حد ولا تتجوز بعدى

ناجى.. يا بت انا اموت بعديكى... ما قعدش فيها ثانيه من غيرك

حمدان.. على فكره انا ضربتها فى كتفها ما هموتهاش يعنى.. الاسعاف بره يلا هاتها

وراحو المستشفى ومرجانه كانت معاهم... والبوليس اخد حسن ورجالته بعد شويه طلع الدكتور وسمحلهم يشوفوها.. دخلوا كلهم جوه.. وناجى كان ماسك ايدها وقعد جنبها..

حوريه بصت لحمدان وقالت... ضربت عليا نار يا مجنون انت بيدك.. وانا اللي كنت عماله اقول ولد عمي لما يجي هيعمل وهيسوي

حمدان.. لو انا ما كنتش ضربتك في كتفك كان هو ضربك في نص راسك ومتي وقتى يا اما كنا نزلنا سلاحنا وكملو اللي كانوا عايزين يعملوه... بس لما انا ضربتك فى كتفك انا عارف انها في كتفك مش هتموتك يعني مش هعمل حاجه تضرك انتى بنوتي... وبعدين لو جينا للعتب ليه بتطلعو من البيت من غير ما تقولو.. انتى مش عارفه البلاوي السودا اللي ورانا... ولا كنتى عايزه تحصلى ابوكي كان واحشك وعايزه تروحيله

حوريه.. لا والله كانت ناقصاني شويه حاجات روحت اجيبها

حمدان.. ما اخدتيش ناجى ليه..

وبص لمرجانه وقال.. وانتى كمان ليه ما حدش سالنا قبل ماتطلعو ها ليه

مرجانه.. قولنا خمسه وهناجى متوقعناش كل ده يحصل دلوك يعنى..

ناجى... طب خلاص حصل خير.. وما تزعقش لمرتى خد دى واطلع بيها بره.. حوحو عايزه ترتاح وانا هفضل جارها

حمدان.. ماشى

وطلعو ناجى قال.... ما تطلعيش تاني من البيت لحالك ولو على الهدوم ولا غيرها هجيبلك اللي انتى عايزاه كله نطلع انا وانتى ونجيب سوا ده انا زوقي لا يعلا عليه في الحاجات دي تحديدا

حوريه... انت هتقولي خبره سنين

ناجى.. ههه ايوه صوح يلا قومى بقى ما تعودتش اشوفك كده

حوريه... كنت خايفه اموت من غير ما اقولهالك... انا بحبك يا ناجى

ناجى... وانا بموت فيكى يا قلب ناجى كنتى هتاخدى روحى معاكى... بحبك يا احلى ما فى ايامى...

بره كانت مرجانه بتقول.. مش اخويا اتحبس هرجع بيتى خلاص وشكرا على كل حاجه عملتهالى

ولسه هتمشى حمدان شدها من دراعها وقال...

تتجوزينى

مرجانه.. ايه انت قولت ايه

حمدان... بقول تتجوزينى صح انتى نص عمرى وانا متجوز قبلك وعندى بت بس مش عاوز اسيبك

مرجانه... ونرجسك

حمدان.. فى قلبى وام بتى الله يرحمها.. وانتى فى قلبى برضو ماهو بيشيل اربعه لسالى ٢ كمان

مرجانه... هههه.... بس انا اتبهدلت كتير وعايزه واحد يحبنى هتعرف تحبنى ونرجس في قلبك

حمدان... انا مش بنساها انا بس بكمل بحاول اعيش

مرجانه.. وانا راضيه اعيش معاك

حمدان... يعنى موافقه

مرجانه.. اكيد هو انا اطول

حمدان.. لا لو ع الطول اكيد لا.. انا بجد حبيتك رجعتى ضحكتى وفرحتى.. انتى رجعتى حياتى وبقيتى حياتى...