تحميل رواية «على كتف القبطان حمامة» PDF

التَصويت و المُتابعة لُطفاً

عَلى كتِف القُبطان حَمامة

-رُسل فَهد

فصيحاً :

أكثر الناس ظُلماً هُم الشُعراء

حيث لا يبدعون الا عند خُذلانهم ..

شعبياً :

هضيمة الشاعر من يطيح

يكتب ضيمة بـ شكم بيت

وادمنه تصفگلة

المُصيبة ؟

المصيبة بگلبي مثل الگاع مَيطلع بشر طَبلة

و اخيراً اسمع حچاية انتَ بكلشي فايدنه

اذا يمي و اذا تبعد اذا ما تسوه لو تسوه

خليها بأذانك دوم

" ترى كل ما تأذيني القصيدة التنكتب تقوة "

- رُسل فهد

....

الماس ..

فتحت الباب و هو دخل كأن يريد ينتقم

دخلني و طبگ الباب كل قوته

و اني عيني على الباب اعرف السيد هسة راح يجي

سحبني بقوة ايدة و اني مستغربة هذا شبي ؟

امير : تردين تفسخين الخطوبة مو عود اني امنت بيج و كلت مرتي

والله لو تموتين بُعدج افسخ الخطوبة و الا اندمج

الماس : اترك ايدي و اطلع بره اني ما كتلهم عن اي شيء انتَ سويته

بس اريد افسخ

امير : ليش تفسخيييين و احنه بعد كم يوم نتزوج

الماس : لان ما اكلك مشاعر اتجاهك و ما اريد اظلمك

عفية اطلع برة راح يجي السيد

امير : و كل عقلج والله اتزوجج و اتزوج فوكاج و ما اطلكج

و شيء اسمه مدرسة شيلي من بالج جنت مسايرج كل ذيج الفترة

الماس : ماشي هسة روح

اباوعلة صار يتلفت منا و منا سحبني من دشداشتي و اني صرخت

أنصدمت من صوتي العالي الي اول مرة ينسمع بس ما أهتملة

يفتح بدكم قَميصة و اني مصدومة و مستغربة

هذا شيريد يسوي !!

كل قوة افكاري جمعتها و تخيلت امير سَحار و هاي طقوس

تحضير الجن حتى اني اكوم احبة !!

سحب الربطة من شعري و لان ايدي ترجف ما قاومتها

دموعي تجري بغزارة و اني ما اعرف هذا شبي

و أنهاريت و فارت اعصابي و صارت ردات فعلي غير مباشرة

لمن بده يتقرب يريد يبوسني برگبتي

من حرگة گلبي و الطاقة الصارت عندي بسبب القرف

ضربته على وجهه و صارت الضربة على خَشمة هو ابتعد بسرعة لازم خَشمة و اني ابجي بصوت ركضت على غرفة السيد

و اني اريد اقفلها هو يدفع بالباب بس بحيل باهت و خَشمة ينزف دم

ما اعرف شلون رب العالمين بعثلي هاي الطاقة

دفعت الباب قوي و قفلته

صار هو يكسر بالباب

امير : فتحي لا تخليني اكسرة الماس ترى الصار عادي لان اني رجلج

افتحي الباب اتفاهم وياج

اني بس ابجي بدون اي كلام

عبالي ما يتجرأ بس انصدمت من صار صوت قوي ينضرب بالقفل

كأن يريد يكسره صرخت بحرگة گلب و خوف

الماس : امشي اطلع برااا شتريد مني روح والله الا اكول للسيد

على كل سوالفك امشي اطلع من البيت

اني احجي و الخوف مبين من طريقة كلامي

امير : الا اكسر عينه اليوم يريد يفسخ الخطوبة اني عرفتة من البداية ميريد بس اني اعلمكم واحد واحد

الخوف محتلني احتلال ما صاير و اول مرة بحياتي اخاف

لهاي الدرجة

كسر قفل الباب و من شفت الباب راح ينفتح ما باقيلة صرت مثل المجنونه ادور شيء حاد بالغرفة ادافع عن نفسي بي

ركضت اول شيء للمنشفة الي ورا الباب غطيت شعري بيها

و اني مستمرة ادور عن شيء

صار الضرب بالباب اقوى لحد ما انفتح الباب صرخت

و اني ما اشوف غير بس السيد يكدر يخلصني و لا تخيل

عقلي شخص غيرة ابد ابد

صار كبالي و اني بديت ارجع لنهاية الغرفة

حجيت بخوف

الماس : شتريد مني

امير : اسجلج بأسمي

الماس : اي اني من يجي السيد اخلي يسجلني بأسمك بس روح

صار يتقرب اكثر نزع قَميصة يمسح بي خَشمة

و اني صرت اصرخ التجأت للجيران من شفت محد يكدر ينقذني

صار صوتي عالي بلكي احد يسمعني

لحد ما ...

بقيت صافنة على دخول السَيد و صدمته من كل الي يصير

شُمر العمامة على السرير و اباوع لامير صار شاحب

من گد ما اباوع لضرب السَيد لدرجة فقد بـ آمير فقد

عبد العزيز : لك تهين حُرمة بيتي لك انتَ شجاااي تسوي

ما دريت بعد الدنيا شصار بيها ..

فزيت على نفسي الم راسي مينجرع مديت ايدي ردت افركة

أنلچمت بوجع ثاني قوي مديت ايدي اثنينهم اتلمس الشاش على راسي و ريحة التعقيم صارت بأيدي

حجيت بصوت ناصي على گد طاقتي

الماس : عطشانه

محد يمي ولا احد سمعني بس اسمع صوت الدوش بالحمام

اندك الباب اكثر من مرة و اني بالغرفة نايمة

ما اكدر احرك رجلي من شدة وجع راسي

لحد ما دخلو عليه عمي ضُرغام و زوجته

مبين الاستغراب و الحيرة على وجههم

كعدت يمي نبأ لزمت ايدي و هي شكلها تعبان من وره الحَمل

ضُرغام : خابرني ابو علي بس يشوفون وضع هذا الحقير

و يجون

عبد العزيز : و لاااا يجون حالياً اعصابي منهارة و الغضب مسيطر عليه خلي اسيطر على نفسي و يجون يجيبو وياهم

ضُرغام : شلونج عمي شفتي عنادج وين وصلج ؟

من نكلج على شيء مو زين يعني مو افتهمي و أقتنعي

نبأ : هذا هوَ ضاربها ؟ النذل

عبد العزيز : لا أغمى عليها و انضرب راسها بحافة السرير

لو ما الله ستر و الضربة جايه عدل جان ماتت

ضُرغام : يعني عجيب هسة الواحد يبقى حاير شگد ما

يريد يصير قاسي يتذكر طيب اخوانه و أخلاقهم

عبد العزيز : مو كل ثمار الشجرة تطلع سليمه

بقو شوية و سمعت عمي يگلة يالله راح اخذها لان عفت البنات بالبيت خالتهن يمهن و السيد يگله راح اخلي ورقاء تجي يمها كم يوم لان

زوجتك هم صحتها تعبانه حاولت نبأ تاخذني بس السيد ما قبل

لمن راحو اجة حط الكرسي كبالي كعد عليه وهو داير وجهه عني

عبد العزيز : شوكت دخل للبيت وشنو راد بالتفصيل أحجي

حجيت بصوت تعبان

الماس : هو كل مرة يجي يدك الباب من انتَ ما موجود

و لان انتَ حذرتني ما افتح الباب جنت ما افتحة

- نَعم

صار يعُبر من فوك الباب اجه مرة راد حلقتي انطيتها اله

و المره الثانية راد فلوس كتله ما عندي

دار وجهة عَليه بصدمه

الماس : هو اني لهذا السبب ردت افسخ الخطوبة

بس ما ردت تصير مشاكل

حچة بعصبية

عبد العزيز : يعني ياخذ الحلقة و مدگولين أنتِ ليش مستصغرتني لهذا الحد يعني لو من اول موقف كايلتلي ما صار كل هذا

الماس : ما حچيت حتى متلومني على اختياري الخطأ

عبد العزيز : لان تدرين بنفسج غلط و متأكدة بس مستمرة

تردين تتأكدين مرة ثانية ما هوَالخطأ كل عُمرة ما يصير صَح

الماس : و اليوم اجاني لان سامع اريد افسخ

الخطوبة ما ادري منين عارف

عبد العزيز : اني خابرتهم و انطيتهم خبر يفسخ

الماس : يكلي الا اكسر عين السيد

أستغفر اكثر من مرة و خله أصبع السَبابة على حلگة

بمعنى كافي لا تحجين

بالليل اجتني ورقاء و كل خوالها وولدهم و اسمع صياح السَيد و هُم يهدون بي و ورقاء تمشي و تضرب على خدها من التوتر

اجتي كعدت يمي

ورقاء : الله ينتقم منه شلون نذل شلون يتجرئ هيج يسوي

المصيبة اذا مات هو يستاهل بس ابوي يوكع بيها

الماس : عطشانة

كل شوية تشربني مي بس ما كاعد ارتوي

دموعي بلا أستأذان تنزل و تدخل بأذاني

ورقاء : يعني اني ما شايفة خال ولد اخوته احسن منه

اسمع صياح السيد

عبد العزيز : اني تالي هذا العمر امير يريد يغطس عمامتي بالطين

هوَ ما صانها و هيَ بـ بيتي انتظرة يصونها هناك

يفسخ العقد و حسابي ويا ما خلص

و تگولولة اذا يريد يبقى سالم وين ما يشوف ضلي يدير وجهة و يروح

- شوف البنيه خاف خلاف بينهم و أنتَ مفتهم غلط

ورقاء عضت اصابيعها

ورقاء : عزه عزه شلون مصيبة هاي يا اللهي خلصنه

اسمع السيد أنهار و كأن نسى نفسة بالصراخ

عبد العزيز : الانسان المُنحط ما يعدلة شخص ثاني اذا ما هو من ذاته يبدي يعدل نفسة و يصارعها اجيتو كلتولي كلشي قديم ننسى

و هو بادي صفحة جديدة و لان اني اعرف تربيتي شنو جنت واثق

ما راح يرجع للطريق الغلط

بس طلع هو من الاساس غلط اعوج و ما ينعدل

اذا متعرفون فـ هو حتى حلقة الخطوبة اخذها منها باعها

فلوس يريد منها هاي وهو خطيبها اذا احنه بأول الطريق

و هيج لعد نهايته شنو ؟

أجي وياكم خطيبتة بأعتبار زوجته ؟ و لازم تساعدة كل امهاتنه

ساعدت ابائنا بس اكو احد يعرف المصدر الي تروحلة هاي الفلوس وين ؟ هو كاعد يشتغل احد يعرف فلوسة وين ؟

اكو شخص محترم اذا الباب مينفتح اله يعبر من فوك الباب

عبد العزيز : كلامي واحد و ما يتثنى باجر مُهلة للعصر فسخ العقد يجي احد بجيبة و اي كلمة بخصوص هذا الموضوع ما تنطرق

و كان اللهُ يحَبُ المُحسنين

عَم السكوت وصار النقاش بهدوء لحد ما راحو

ثاني يوم العصر اجة زوج ورقاء جايب ورقة الفسخ

ثلاث ايام و تحسنت ورقاء تلوب تريد تروح لزوجها و هو يوميه بالليل

يجيها كلت الها اني تحسنت روحي لبيتكم

ما قبلت لحد ما ابوها كاللها روحي

السَيد ميحجي وياي و حتى عمي ضُرغام جرح راسي

شويه بده يلتأم سبحت و توضيت فرشت السجادة

و بعد الصلاة سجدت

الماس : قبل كم يوم اجيتك و اني تعبانه حتى تخلصني

و انتَ فعلاً خلصتني احبك ، لان بس انتَ تسامحني و تسمعلي

حتى لو جنت اني أغبى وحدة بهذا العالم

رجعت اريد امارس شخصيتي القديمه الي أفتقدتها

اريد ارجع لحماسي و شغفي لمن أطبخ و أنظف

كأني فراشه أفتر بالبيت

عتبي على نَفسي لما شفت الغباء و العناد وين وصلها

اشعر بنفسي كأن جنت بسجن و هسة تحررت و أنكشفت للشمس

مُستحيل أجازف هيج مُجازفات بحياتي

ما يُعقل كلام شخص يعوض مكان شخص ثاني

يعني اخرجت نفسي من حُفرة الى بير

كنت اول أيام احاول ارجع و احسن علاقتي بالسيد

بس لما شفت ناوي على الزعل القوي أبتعدت و حُفظت كرامتي

صرت احظرلة كُل الاشياء بدون كلام و بصمت

على انتظار اليوم الي يصيح بي اسمي و ينكسر الزعل

سمعته لما يتصل وي عمي ضُرغام يگله زعلان عليها

ابد ابد غبائها يوديها بداهية وهي ما تعرف

ويَ طلعته الصبح نزلت لمن سَد الباب حتى انظف البيت

ورا دقايق اندگ الباب بسرعة

خفت و بسرعة اجيت اقفل باب المطبخ سمعت صوت مو غريب عليه

الاء : لج افتحي الباب بكيفج و تفسخين الخطوبة اليوم اني الج

جنت بسوريا ما ادري بالصار ولج انتِ هيج تسوين بأخوي

منو ياخذج بعد ولج صارت عليج بصمة عار

عبالج اني ما اشور

طبگت الباب قوي و سمعتها صوته

و دخلت و اني افكر على شنو صارت عليه بصمه عار شسويت ؟

بقت يومين الحجاية ناكل و تشرب وياي

كلشي تغير و كلشي خُرب الا تعلقي بـ هذاك الشخص

باقي و يتجدد كنت أدخل للغرفة اول ما يروح للجامع او الحوزة

حتى اشتم عُطرة و أني و الِعمامة قصة حب لا تنتهي

احس من ابوسها عندها ايدين و تحضني من كد ما احبها

و لأنِ بيه حالة بين كل فترة و فترة اغير شكلٍ القرآن

حتى ابدي اختمه من جديد بس قرآني الي بوسطة ضامة الوردة

باقي على حطته رجعت القرآن القديم و لفت انتباهي لون غلاف

جديد للقرآن اخذته حتى بالليل ابدي بداية جديدة

الظهر لمن اجه كعد بالصالة و ايدة بجيبة كل شويه يريد يحجي و يتراجع اني اراقبة لمن اصب الغده لمن خلص الغداء خله شيء على القنفة و راح يغسل رفعت راسي اباوع هاي شهادة !!

اجيت اركض فتحتها اسمي و المدرسة اباوع كبل للعربي ناجحة لو لا

و لمن شفت درجاتي الحلوة و بالعربي هم ناجحة

من فرحتي صرخت و اخليت ايدي على حلگي

بس اريد شيء أحظنه و يحظني حتى احس بالفرح من صدك تركت الصينية و صعدت اركض حضنت اللعابة و دشداشته

الماس : نجحت نجحت الله نجحت الف الحمدلله يا رب

باوعت للدشداشه كلت الها هسة شيصير لو يحاچيني

الچان لابسج ؟

بالليل من الفرح ما كعدت بمكاني جنت متوقعة يصيحني و يباركلي

بس ماكو لحد الليل سديت الاضوية و توضيت متحمسة ابدي بداية جديدة بالقرآن اليوم لزمت القرآن و بسته

تصفحت بالاوراق حتى اغير مكان الشريط

أستوقفتني ورقة بوسط الكتاب

فتحتها جانت صغيرة و مكتوب بخط السَيد

الماس ( عزيزة عَبد العزيز )

أمانتك يا الله

و تحتها التاريخ بيوم العقد

ضليت فاتحة عيني بصَدمة قريت و حسيت حتى تفكيري مو وي كلام الله سديت القرآن و كعدت صافنه و أكول بداخلي تردين تفسرين امر السَيد و هو انتِ روحج ما تعرفين تفسيرها

ثاني يوم الظهر الدنيا حارة و قررت اسوي حملة تنظيف قوية للبيت

سويت خلطة لكل المنظفات الموجودة بالبيت و ضفت القاصر و الفلاش

وحد للحمام اتذكر شفت نبأ مرت عمي هيج نظفت لمن جنت يمهم رشيتهم و سديت الباب حتى اكمل تنظيف البيت و اجيهن

السيد نايم بغرفتة

شديت الربطه على شعري و فتحت البنكات و اتجهت للحمام

دخلت و سديت الباب انظف شويه و حسيت نفسي ضاق

فتحت الباب و تنفست من حلگي و هنا جانت المصيبة

أبتعدت خطوات عن الحمام

اسحل بنفسي

صرت النفس اخذه بس ما اكدر اطلعة

تخيلت روحي صارت بوسط صدري تريد تطلع بس متكدر

ما ادري شوصلني لباب غرفته

دكيتها بقوة ايدي ما اعرف شلون جان شكلي

بس الي اعرفة هو انصدم من شافة

جانت لحظات ما اعرف شلون مرت بحيث طبقت مقولة

بيني و بين الموت شَعرة لحد الليل اني بالمستشفى

و اسمع نبأ فوگ راسي

نبأ : شجاها هاي البنية ما أرتاحت

فتحت عيوني أباوعلهم جانت كلهم نظراتهم بيها فرحة

الا السَيد جانت نظرته كأن دكول

تعبتيني

هُم يتحمدولي بالسلامه و اني استرجع الموقف

وگف السيارة عمي و نزل ياخذلي علاج و احس لسة طعم

القاصر بحلگي للصبح ما كدرت انام احس روحي تايهه

وما اعرف شبيها

و السيد كاعد وياي هَم ما نام

عبد العزيز : اذا تتقيئين احسن لتضلين هيج

الماس : اني احس راح اموت

باوعلي بقلة حيلة و هز راسه

عبد العزيز : لا متموتين كولي يا الله

ثاني يوم هو ابد ما راح حتى للجامع و كل شويه يتصلون عليه يكوللهم

الاهل حالتهم الصحية مو تمام و يتعذر منهم

يومين يالله شويه رجعت احسن بالليل طلع و لمن اجه

اني جنت كاعده اخيط وجوه الكوشات

درت وجهي على صوت سَدت الباب بسرعة خليت الربطة على راسي

عبد العزيز : توقعتج نايمه

عيني مو عليه على الي شايله بأيدة

الماس : ها لا كاعدة

اجه كعد كبالي

عبد العزيز : ضليت ادور على شيء يفرحچ و ينهي الزعل

بس اعرف غير اللعابات ما تفرحج

انرسمت الابتسامة على وجهي

مديت ايدي اخذها بفرحة و احس دموعي نزلت ليش و عليمن ما اعرف

عبد العزيز : ليش يا عزيزة السيد ليش والله تَعبتيني

اامسح دموعي بردني و اباوع على شكل اللعابة شكبرها وكأن حقيقية

الماس : شُكراً

عبد العزيز : آلماس

رفعت نَظرري اله و اني كل بالي ويَ اللعابة

الماس : ها سَيد

عبد العزيز :

...

جوهرة

تُراب : جوهرة انتِ مثلهن بس لا تعوفيني أموت

جوهرة : منو هنَ فهمني

ضغطت على عيونه و أحتقن وجه دار وجهه عني

أجيت بأتجاهه و حضنته قوي

جوهرة : أمشي أنزل

نزل و راح بقيت محتارة بالسلاسل اشد بيهن لكيته كاعد بالمطبخ و يشمر جكارة جكارة و يذب حسرات

احسه كبريت و أخاف شنو احجي ويا

اجيت للمطبخ هو أستغفر كأن يكول هو اني نزلت حتى اخلص منج

خليت مي بارد بالكلاص وواكفة أقطع ليمون

و اجيت بأتجاهه

جوهرة : هاك

تُراب : ماريد وخري

- بداعتي

حچيتها و طبعت بوسة بخدة

اخذ الگلاص من أيدي

شرب منه و اشرلي على رجله غسلت ايدي و اجيت كعدت على رجله

اتلمس بـ وجهه حار نسيت كلشي بس همي هسة يرتاحلي اكثر و يسولفلي قصتة اريد اروي فضولي

تُراب : من تشوفيني بهيج حالة أبتعدي جوهرة حتى ما تكرهيني

گلت بگلبي والله من يوم شمرت التراچي اني ما اطيقك

مديت ايدي اتلمس حاجبة المطبور

جوهرة : لا ما أكرهـك

تُراب : ليش تمثلين الحُب عليه ؟

جوهرة : اني ؟ لا هو اصلاً حتى انتَ تجذب عليه

تُراب : أچذب عليج و أجيج ملَثم كل ما أشتاقلچ ؟

بقيت ساكته

تُراب : أحبچ جوهرا

حچاها و قربني عليه أكثر كأن يريد يضمني بروحي

و يضم روحه بيه

بعدت وجهه و باوعت لعيونه

جوهرة : ليش تنحر الحمام ؟

بعدني من حضنه و راح لفراشة

جان مخلي ايدة على عيونه

اجيت بعدت بعدت ايده من عيونه

و خليت راسي عليها بدون كلام

جوهرة : متأمن بيه و تسولفلي ؟

تُراب : لا ، بس لا تستغلين حُبي حتى ترضين فضولچ

بقيت ساكته و بلعكت ريگ

غَمضت عيوني الى إن نمت

ثاني يوم ما جبت طاري حتى ما يكول ابين اني مو فضولية

وكفت الظهر اطبخ الهم و هو مشغل نفس الاغنية بالصالة

و اني اغني بالمطبخ

شوية و حسيت بي اجه

جوهرة : روح هناك لان انتَ من تتواجد ما اعرف اطبخ

تُراب : هو انتِ من تغنين معناها تگولين تعال

ضحك و اني ضحكت على ضحكتة

جوهرة: لا والله

- اي والله

خلة الجهاز على السنك و اني دا اغسل ايدي بالصابون

مَد ايدة وراي يغسل بأيدي دار وجهي و نَشفها بالبدي مالته

و ايديه حاوطت خصري بأيدة رفع ايدي و خلاها على أكتافة

رفعت عيني اله و احس معدتي توجعني

غَنى بصوته الخشن و يباوعلي

تُراب : هم هذا نَصيبي و أنجبر بي ؟

لا أني أتوب و لا الله يهديّ

أبتسمت و باوعتله بأنتصار و غنيت بـ لَحن

جوهرة : گلي يا حلو منين الله جابك

خزن جرح گلبي من عذابك

عضت شفته و صار بأطراف اصابيعه

يدگ على خُصري على دگة اللحن

تُراب : ليش أصوات السَمرات حلوة ؟

جوهرة : ليش شكم سمرة مرت عليك ؟

أبتسم بحيلة

تُراب : هواي والله

ابتعدت عنه

جوهرة : الله يكثرهن يالله روح لان الاكل راح يحترك

تُراب : يالله كملي الغدا حتى نلعب داسات

ابتسمت.

جان الظهر احلى وقت بالنسبة الي و اله هَم

لان هو يكون وجهه يضحك و ماعنده شيء

خالة بدون اي شيء صارت تدير وجهه من تنام و مدري شلون تكدر تنام من اصواتنه

مليت من اللعبه ضربت صدره بالجهاز

جوهرة : مليت هاك

تُراب : جوهرا بالله اكلج مثلاً لكيتي أخوانج وراها شتسوين

جوهرة : اشتغل و افتح محل مال ورد حتى لو عربانه اهم شيء ابيع ورد

تُراب : تبيعيني ؟

جوهرة : اني لو عندي الثقة العندك من زمان مشاركة بمسابقات الجمال

تُراب : و منو يقبلج ؟

جوهرة : ليش بالله الاجلح

باوعتله صَفح

تُراب : غير اذا شافو رموشج اللجنة و الجمهور يوكع من الجمال

أنرسمت ألضحكة على وجهي و گرصته من خده

جوهرة : صدقة لهذا الوجه

هو ضحك

اجه وقت الي لازم يروح بي وهو يفتر يحظر ملابسة

تُراب : عندك مرة تحظر هدومك تشوفك شمحتاج

جوهرة : مشتاقة لامي

تُراب : من أنزل

اجه باس امه و حضنها حضنه طويلة و طلع

لمن طلع باوع لاثر الدم الي غسلته و دار وجهه عليه

غَمض عيونه

اجه فتح الباب و اني واكفه بس ما سده شغل السيارة وًخله الجنطة

و رجع

جوهرة : راح ادخل و انتَ اطبگ الباب عود

فتخلي ايده الاثنين تقدمت و اني مبتسمه ابتسامه مزيفة

حضنيّ حضنه قوية و طُبع بوسة بوسة بخدي

و بحرارة أنفاسة نِطق

تُراب : أحبچ جوهرا

بقيت ساكته و احس كل اوضاعي تخربطت

دخلت للبيت و احس البيت فارغ

افتر اخلص وقت و اليوم ميخلص شو ما جنت هيج ؟

يتصل عليه بين فترة و فترة

امه صارت اذا تلزم الحايط تكدر تبقى واكفة لفترة

كلت خلي اطلعها وياي للكراج هي ابد متشوف الشمس

بس من تروح للـ الدكتور

اريد اطلعها صارت تهز براسها لا و تبچي

استغربت امرها و خفت عليها رجعت دخلتها

شوكت واحد يروي فضولي و اكدر اعرف شنو كاعد يصير

ثالث يوم الدوام مالته المغرب انفتح باب الشارع

من رهبتي صكيت بمكاني كلت اكيد مو تُراب

تشاهدت و ما اريد ادير وجهي

تخلت ايد على عيوني من اشتميت عطرة عرفته هوَ

دفعته و ضربته بقوة

جوهرة : راد يصير بيه سكر سكر

بعدني احجي و اندك الباب بقوة

عقد حواجبة و راح حتى يفتح الباب رحت ورا و اني خايفة

من جوة الباب خيال عباية مبين اول ما نفتح الباب دخلت

تُراب يباوع مصدوم و اني اكثر منه شمرت العباية بالارض

تُراب : دعبول !!!!

بقيت فاتحة حلكي من الصدمة و تُراب حضن دعبول حَضنه

رفعة من الارض و دعبول يبجي يفرفرح

دخلو للبيت

تُراب : لك ليش اجيت لا يشوفك احد

دعبول : اشتاقيتلك كل يومية بالليل ابجي عليك تالي جايني ابو عيون الزرك و كال البس عباية كله خلي يروح

اريد ابقى يمك

تُراب كاعد يمه ويسمع منه بسرعة فتح الجهاز اتصل

كاله روح و تعال الفجر اليوم يريد ينام يمي

دعبول : ما يسوولي الاندومي طيب اني اريد يمك

يحجي ويمسح بدموعة

تُراب : دفوت اسبح هدومك تندلهن

و اني رايح اجيبك و اجي و بعد شتريد

دعبول : المَلحة تسوي

جوهرة : اي بس لا تبجي كافي

دعبول : ما باچي بعيونج معليج

عوجت حلكي و تُراب اجه يبوس بامه

راح جابلة و اجه اني اسويله و هو يختار بالعطور

فرشو فراش و نامو بالاستقبال و اني حتى ما گلبني

نمت على القنفة و أباوعلهم

دعبول لازم وجه تُراب

و كل شويه يبوسه

دعبول : يوميه ابجي عليك اكلهم هسة يجيني و ما تجيني

تُراب : لان اخاف عليك يصير بيك شيء غير اموت وراك

دار وجهه عليه غَمضت عيوني بسرعة

دعبول : و هاي شعدها هنا الملحه

تُراب : خطية حبابة كل مرة تسأل عليك

- ما احبها

اريد انام واحس بروحي ريحة طبخ كمت اسبح و لمن خلصت اشوف تُراب و دعبول فاتحين كاميره وي واحد

- و انتَ من شوكت تضرب الدوام و ترجع للبيت

تُراب : رموشـهـا

صارو يضحكون بصوت عالي

لنص الليل حسيت بأحد يمسد رجلي فتحت عيوني و غمضتهن

اريد اكعد واحجي ويا بس نعسانه كعدت على صوت بجي دعبول الفجر و هو يودع بي

كعدت أباوعلهم و افرك بعيوني

طلعو و اني رجعت غَمضت عيوني حسيت بصعدته فوك

لحد ما انفتح باب السطح يالله صعدت

لكيته مثل كل مرة و كل مشهد

حجيت بصوت تعبان

جوهرة : تُراب

صرخ بوجهي بقوة

تُراب : لا تصعدين كتلج لا تصعدين چلبتي اجة متجه عليه دفعني بره السطح ما اهتميت و رجعتله خله اصابيعه بـ برگبتي احس النفس أنگطع مديت ايدي على عيونه

فَك ايده

جوهرة : بس احاجيك

دار وجهه و الحمامه بأيده احسها تباوعلي مَد ايده عليها بست زَندة

جوهرة : ليش يـ حبيبي ليش

بقه لازمها بأيده و يباوعلي

جوهرة : ليش شنو مأذيك احجي اني اسمعك

مَد ايدة على ظهري و سحبني اله

جوهرة : خطية الحَـمامـة

تُراب : أنتِ حَمامة

اباوع للقفص باقيات سبع حمامات

جوهرة : لعد لو اني حمامة شلون گلبك ينطيك تذبحني ؟

مديت ايدي على رگبتي

تُراب : لا انتِ ما أذبحچ

جوهرة : اعتبرني هاي الحمامه شمدريك اني يا هي منهن اكيد تذبحني بمرور الايام و متدري

خله الحمامه بأيدي و مد ايده للسيم مال القفص انجرح اصبعه

و صار ينقط دم ، غرگ جناح الحمامه منه وهي بأيدي

و اخذها مني ضليت مصدومه من المنظر

شالها و رجعها للقفص

تُراب : اذبح روحي و ما أذبحها

بقيت ساكتة اهم شيء ما ذبحها جريت اصبعه

جوهرة : مجروح اصبعك تعال اشده

كعد على القنفة و اني امسح بالدم و اشد بأصبعة خليت راسي على صدرة و نمت للصبح راح

بقيت داخلة بكأبة اريد شيء يغير حياتي

اني جانت حياتي دائماً هوسة لذلك الهدوء يرعبني

لمن اجه من الدوام صار كل شوية يتصل و يطلع بره

و يجي كلش عصبي يريد يصعد و يباوعلي يصيحني يمه بالفراش

لحد ما انام ورا فترة كدرت اسرق مفتاح السطح من جيبة قبل لا يروح للدوام

صعدت فتحت الباب لكيت ثلاثة ماكو باقيات اربعة و الي ملطخة بالدم

باوعتلها مبتسمه ردت افتح القفص بس خفت منه و من اعصابة نزلت

ورا كم ساعة اتصل يسأل على المفتاح كتله هذا لكيته و ضميته

تُراب : ديري بالج تصعدين فوك اكو اشياء تخوف

اني ادري ماكو بس حتى ما اصعد يكول هيج

صار كل ما يكدر يجي يجينا يبقى للصبح و يروح

بيوم اجه كلشي مريض و الفلاونزه قوية كلش

اجة بالكوة يمشي

تُراب : غطيني بردان نمت و هدومي مبللة

بقيت محتارة بي و خايفة لان اول مرة اشوفة مريض امه تباوعله و عيونها مدمعه كل شوية اجي اتفقدة و اسويله اكل

و انطي علاج الكحة مالته اجيب التايه

بالليل تمددت ردت انام اسمعه يون

تُراب : گوميلي يمه أبنج تعبان

اباوع لامه تحركت من مكانها و دار وجهه عليه

شالت ايدها و خلتها على خدة

تُراب : عضامي يمه يصلن عضامي

و هي احاجي بس كلمات ما مفهومة مو كل الاحرف تكدر تنطقها

اجيت كعدت يم راسه لزمته و عيوني مدمعه

جوهرة : هسة تصير زين

خليت راسي يم راسه و تمددت فزيت على نفس حار و شيء حار يتلمس خدي فتحت عيوني لكيته يطبع بوسات بخدي و حرارته مرتفعه

تُراب : گوميني اريد اسبح

جانت اكثر فترة مزعجة هي مَرضة لان احنه بوجوده نحس بالامان

النوب هو يتمرض

بعد يومين شويه تحسن

عفته كاعد يلعب بالجهاز و اني طلعت بالكراج اباوع للسما رُغم الحر

شوية و اجه كعد يمي

تُراب : منتظر اليوم الي اسمعج بي دگولين

شُكراً للـ الساعة الي عرفتيني بيها

باوعتله مبتسمة

جوهرة : الظاهر الايام بدت توضحلي الاحلام ابقى احلام و لازم اقتنع

تُراب : بس أحلام الملحَة تتحقق

جوهرة : ان شاء الله لو تعرف اني شكد جان عندي واهس لمن جنت مو بالعراق بحيث ويَ هذا الهوى اسولف و اتناقش

بس هنا صابني الخمول و راح واهسي بكلشي

تُراب : فترة و راح تعدي

جوهرة : الله و الگاهم ؟ و أسولفلهم شگد اني ضحيت ؟

عادي حتى لو هم ما ضحَو لان هم صغار

تُراب : سُمية بـ أنگس حال

درت وجهي عليه بصدمه

جوهرة : شمدريك بيها وين لكيتها

تُراب : باعت الالها و الـ عليها لجُرعات الكيمياوي

فتحت عيوني كل وسعهن

جوهرة : أحجيلي تُراب كافي غموض مو راح اموت

تُراب : معليچ بس يجيج الصافي

بقيت صافنه لان اعرف لو شمهما حاولت ما راح يحجي

بس على الاقل اكو خيط امل حتى لو جذب

جوهرة : أتمنى كل هذا الركض لايام حلوة يودي

خله ايده على أكتافي

تُراب : جنت واگف أبحر بـ السفينه من تعبت انطيت الدور لغيري

و طلعت وگفت على حافتها من بعيد أجت حمامة مِتجهه عليه

گلت شلون تجيني و هي تعرف أذبحها

.. درت وجهي عليه متحمسة للقصة الي يحجيها

تُراب : رفعت ايدي ردت ألزمها ما گدرت

وحدها وگفت على چتفي ، أستغربت امرها و ما ردتها تطير

اخذتها بأيدي ردت انحرها بس عيونها ما خلتني

طَيرتها بأيدي

رجعت وگفت على چتفي

جوهرة : صدقة لله

تُراب : و من عرفت قصة هاي الحَـمامـة و ليش عافت كل جماعتي و وگفت على چتفي أخذت وعد على نفسي

احقق الها كلشي تريده

جوهرة : و هيَ شتريد

تُراب : أخوانها

باوعتله بفرحة و احس دمعتي نزلت نسيت كلشي

و حضنته بقوة و مد ايده بحضن اقوى

تُراب : بَس لا تمثلين تحبيني أني ما جابرج تحبيني

جوهرة : ردت أنتقم

تُراب : بهاي حنيتچ ؟ وينج انتِ ووين الانتقام

جوهرة : دكول لنصورة و غيرها ما احبها يعني انتَ هم تمثل

تُراب : لا ما امثل ، و بعدين تعرفين ليش هيج اكول

جوهرة : كله بعدين و بعدين و بعدين لعد و فضولي ؟

تُراب :هو أني اريد اقضي عليه

درت وجهي عليه طَخ جبيني بـ شفته

طُبع بوسه طويله كأن تنبهني هو شگد يحبني

كلشي حلو لحد هذاك اليوم الي جان هو بي بالدوام

اجه سريع جنت واكفة بالمطبخ لزم ايدي بأثنين ايده

تُراب : خفت عليج

حچاها و حُضني قوي

اندك الباب بقوة

جوهرة : هذا صار توقيت دعبول

قبل لا اكمل تركني و سحب اقسام المسدس

فتح الباب دخلت نصورة كلها دَم

سَد الباب و شمر المسدس اجه يريد يلزمها وكعت بحضنه

نصورة : خوالك ذبحو خواتك ..

.....

شنو معنى الصَمت ؟

- كل الكَلام يموت

الحزن متعشعش بگلبي

عرف صارن چتافي بـ شيلة التابوت

و حلوات المَدينة أنذبحن بلا صَوت

- رُسل فَهد

كُل عام و الشَذرات بألف خير 🤎🎀