رواية علي الفصل العاشر 10 - بقلم أم احمد

#علي _ام احمد
اخير _حقيقه
من شقت فخذها ايمن جان اكو ثلاث شامات عليه عل شكل مثلث اذكرت كل ذكريات الي جنت ناسيها من كالت الي اختي وداد ابن العجم وابن عمي من گلي مو ابن جلال مااعرف شصار بيه رحت عليه واكله هاي شنو الي بفخذج
ولك شبيك اتخبلت عوفني اريد ارجع انت واحد مريض ومخبل عوفني
وج احجي شنو هاي الي برجليج
آي عوفني حقير
وخرت بنطلون  حتى تشوف
هاي شامات شبيها ورثته عن امي
حسيت دم وكف بعروگي كعدت بالكاع نفس عني كطع اختنگت واهنا چلنار شافتني هيج
شبيك انت بابه انت مو طبيعي
ابقي لا ترحين
معليك بيه هسه امي قلقانه عليه
چلنار امج عراقيه
لا امي ايرانيه
انتظريني اوصلج
لاعيني اروح وحدي كافي جان هتكت عرضي روح عن دربي
وج اوكفي
شوف علي بعد لاتراويني وجهك افتهمت انت واحد متحيوحن
مكدرت اوكف عل رجلي راحت طلعت چلنار وعافتني واني بداخلي عواصف هوجاء كوه اخذ النفس لازم اعرف الحقيقة  قررت اسافر من الصبح للعراق ظليت الليل كله عبالك بعيوني فص ملح ولاكدرت انام اني اذا طلعت اختي چلنار اختي يعني جان اغتصبت اختي الفكره وحده جانت مرعبه وتنفضني نفض ومن الصبح سافرت طريق كله اذكر الموقف وانرعب بالزايد بس اريد اوصل لبغداد مااعرف بالطريق غفيت لو لا جنت عبالك مخدر للعصر وصلت جسمي تعبان لا نايم ولاماكل رحت لبيتي اخذت مسدس وكبل عل سروه خانم دخلت البيت جانوا يشربون جاي من شافوا حالتي انرعبوا وخافوا ومسدس باايدي جانت سروه شاده راسه بعصبه حتى ليبين الصلع عدها ظليت واكف باب الصاله وگلت لخواتي اطلعن وداد خافت راسنا وطلعت بس وجدان اجت عليه وگالت شبيك علي انت شارب وليش مسدس باايدك واهنا عطت وكتلها اطلعي واشرت مسدس عل راسها هيه راسنا طلعت سديت الباب  جانت سروه تباع عليه برود قاتل جسمه هزيل لونه اصفر وگالت
ها راح تكتلني
حرام بيج كتل خليج تتعذبين
عار انت
انت بت حرام (    )
ههههه شتريد
رحت عليها وحطيت مسدس براسها وكتلها
منو أمي 
تبلعمت وكالت شنو منو امك اني امك
اهنا عطت وحطيت ايدي عل ركبتها وخنگتها وكتلها منو امي ظلت تكح وعيونه يدمعن فرفحت روحها بهل اثناء دخلت وجدان تدفع بيه
ولك مخبل لا تكتلها عوفها شبيك
وشويه انتبهت عل نفسي وعفته وگعت بالگاع تكح
علي شبيك
بعياط وهسيريه گلت وجدان اطلعي بره واذا دخلتي اكتلج
ولك شكو
جريته من ايده وشمرتها خارج الغرفه وسديت الباب وقفلته ظلت تدك الباب وتگول علي افتح
جانت سروه بالكاع تريد تجر نفس متكدر رحت عليها وحطيت مسدس براسهاباعت عليه وگالت علي اكتلني وريحني
احجي الي منو امي احجي كلشي
انسان يرتكب اخطاء بس اني ارتكبت اهوال فضيعه من ضمن اهوال زوجت زوجي لاايرانيه
وحده حقيره انت
كله علمود فلوس وهسه ادفع فلوسي كلها علمود اشرب مي ومااتاذه
قليله بحقج
اتجات عل كرسي وكامت كعدت عليه واني كعدت بالگاع بحاله مرزيه جنت اتمنى انام واكعد والكاه مجرد حلم واكعد منه
علي اني اريد توديني لكربلاء واهناك اعترف يم امام الك عل كلشي
شالج رب امام وج انت تنكسين الحضره اهناك شوفي راح اصحح الخطا واصلح اسم امي بس انطين العقد واشيل اسمج واخليها تشاركج بااملاك وج تدرين اني العب بالفلوس لعب وامي تشتغل بخدمه البيوت واختي بالمطاعم
شتريد تسوي معاد يهمني الفلوس
ربج بالمرصاد الج حوبه عجميه طلعت بيج
اشفى بيه دومك حاقد رسك خره
حقد تعلمته منج سويتيني وحش يفترس  ويهتك اعراض العالم لج جان اعتديت عل اختي وانت السبب
واهنا كمت فتحت الباب ودخلت وجدان وداد وراحوا عل امهم احساسي بالضياع وعمري الي انحرمت بيه من امي انحرمت من حب وحنان وامي عايشه عشت ويه مرت اب خلتني وحش ضوكتني انواع العذاب جوعتني وعرتني وحرمتني من امي كله علمود الفلوس راسي احسه راح ينفجر باوعت عل خواتي داير مداير سروه كرهي كبر وصار بكبر جبال ليش هيجي يصير بيه ليش معشت حياة طبيعيه اني مااريد الفلوس اريد اعرف شنو معنى حنان ام اريد اصير انسان اريد اثق بالمره اريد احب امراة وازوجها ويصير عندي عائله حالي حال العالم طلعت من البيت ورحت لبيتي حطيت راسي عل مخده واني اتمنى اكون فقير او متسول ولا هاي الحياة كله علمود الفلوس من هم وقهر وتعب نمت غمضت عيوني وگلبي مليان غضب وحقد وكره احس روحي منبوذ وحيد ضايع
من صحيت جان الفجر جنت كلش نحلان مده يوم كامل مماكل ولاشارب راسي مصدع تمنيت لو مصاحي ومذكر حقيقة  بدت أفكار تغزيني لازم ارجع لسوريا واخذ امي واختي الي واحتضنهم واشيل عنهم الفقر والبؤس اكلت لكمه وطلع الصبح  رحت عل بيت اهلي جانوا نايمين وصعدت عل غرفة سروه وشفته نايمه هزيته حيل من رعب فزت وكعدت عل حيلها من شافتني غمتني وكالت الليل كله مكدرت انام وهسه غفيت
ان شاءالله  متشوفين نوم وراحه بعمرج كله
شتريد من الصبح فال الشؤم
عقد مال زواج مال امي
اي راح تصدق بعد كل هاي السنين
اي واخلي ناس تعرف الي سويتيه
ميهمني سوي الي تريده
وكامت عل حيله تتجا عل حايط وكالت الحكني ورحنا عل غرفتهم القديمه الي جان والدي من عايش ينامون بيها واهنا ظلت تبحوش بالكنتور وشويه طلعت العقد وايديه تترتعش اخذته واشوف اسم امي واسم ابويه ظلت سروه تسعل وكعدت عل كرسي وهيه تسعل رمقته بنظره حقد وغضب وگتلها
قبح الله عملج وان شاء الله  تتعذبين ومتموتين حتى تتمنين الموت
واحد ساقط ناكر للجميل
وعفتها وطلعت ظليت يومين اني بس الله يعلم بحالي وبيوم الثالث سافرت لسوريا  وشويه ارتاحيت ورحت لبيت چلنار واهناك اجتني ذكريات اول يوم رحت بيه للمدرسه من صفقوا الي لاني ماابجي عل امي لو جانت امي حقيقة هيه الي ربتني جان وضع يختلف يمكن جان اني صرت انسان ولا انتهكت اعراض الناس وجان مزوج وعندي اطفال بصعودي السلم حسيت رجليه ثقلت وكوه امشي دكيت الباب مااعرف مشاعر هيه فرح لو حزن لو شنو وشويه طلعت الي چلنار من شافتني رادت تسد الباب بس  اني كمشته للباب ودخلت عنوه عاطت بيه عل اثره اجت امها هلمره شفتها غير شكل ظلت مره تريد تعرف ليش بتها مرعوبه مني جنت اريد احجي بس صوتي  انگطع جنت اصور موت والدي هو اتعس شي صار بحياتي بس لا هذا اتعس امي گبالي واني مااكدر اگول اله امي ولااكدر اتحرك لساني انعقد حطيت ايدي بجيب الستره وطلعت العقد وانطيته الها رجليه محملني يمكن من تعب وارهاق نفسي وجسدي ظلت مره تقرا باوعت عيونه انترست دموع وظلت تباع عليه بعيونه وگالت وينه جلال استجمعت  اخر كلمات عندي وگتله اني ابنج شهكت وعاطت وكامت تحجي بالعجمي واجت تشبكني وتبوس بيه بس اني جنت اتمنى احس بالحب الها ماكو اي شي بداخلي بس فراغ انسان من يعتبر امه هيه عدو الك ومصدر اذيه وعل غفله تتغير كل معايير الك وتصير امك انسانه ابد متعرفه ولايوم شايفه ولازم تحبها واني اصلا مااعرف شنو الحب او حنان ام موقف صعب كلش جان عليه استسلمت الها وهيه ودموعها واجت چلنار عل صوت امه ظلت تباع عل امها وهيه تشبكني وتبوس بيه ظلت مستغربه واهنا امها حجت وياها وتكله اخوج الي انحرمت منه كل هاي السنين الله رده الي سجدت بالكاع وتبجي تمنيت احس بالفرح مثلها ليش هيج گلبي ميت ماكو اي مشاعر اتجاها كامت تبحي چلنار واجت يمي تسلم عليه ظليت اعتذر منها عل الي صار
بذاك اليوم ظلت امي تحضن بيه واني بحياتي ممحضون من سروه مشاعري مااكدر افهمها ساعه غضب وساعه حزن عل سنين عمري الي ضاعت بسبب حب الفلوس والطمع اكلت وياهم وشربت ولليل يلا كدرت احجي واكول الهم اني اخذهم ويايه للعراق واثبت اسم امي بالهويه وانطيها كل حقوقها مجانت امي مهتمه للفلوس مثل ممهتمه بيه ورجعنا للعراق وعشنا بيتنا وبديت بااجراءت مال تعديل الورث واثبات  ان ابي عنده اثنين نسوان واثبات ان امي هيه شهيناز وتعديل اسمها اجراءات طويله عريضه وخلال شهرين وتقريبا 2007بشهر الرابع كملت كل اجراءات واهل ابويه عرفوا كلشي وانفضحت سروه واعمالها كلها
ظلت سروه تتعذب كلما تاكل او تشرب ظلت وجدان تداري بيها اما وداد راحت عاشت ويه ابنها البكر بااربيل من ازوج
بالنسبه چلنار خلتيه تكمل تعليم كله خارجي ودخلت كليه واهناك حبت شخص وازوجته ظليت عايش ويه امي بس جنت امثل دور ابن مطيع الها مااعرف ليش مردت تعرف شي عني واني وحش بشري كلما تحضني وتبوسني وتدعي الي اموووت قهر واتمنى يرجع الزمن بيه واشبع من حنانه راجعت دكاتره هوايه اعالج نفسيتي  ومشاعري نحو نسوان الكره والغضب نحو النسوان ظليت سنه علاج وجلسات بدا طريق اني اذا اعجب بوحده احاول اقنعه بزواج عقد او متعه مقتنعت اعوفها مااتربص بيها كفيت الذيب الي بداخلي ومرت السنين واني مكدرت ارتبط بزواج حقيقي ويه مره انرعب من فكره الزواج صرت غني وكلشي عندي بس ظليت وحيد اعيش ويه امي حقيقه ابد مسامحت سروه عل اعمالها ابد
2017توفت سروه بعد صراع طويل ويه مرض سرطان جانت بحصرت شربه المي متكدر كلشي تاكل رغم كل عذاب مالته مكدرت اغفر الها عل الي سوته بيه وره ايام من موتته بديت اقره قصص عل فيس وعجبتني قصص جنت اقره قصص الحب بس محبيتها بديت ادور عل قصص حقيقية  واتعرفت عل قصص ام احمد برمضان حجيت وياها وكدرت تكون الي نعم العون الي ثقتي بالنساء كبرت واتشجعت احجي قصتي الها جانت نعمه صديقه الي وقنعتني اصوم واصلي صح اترك بس ارجع مره لخ
وهيج خلصت قصتي اتمنى عجبتكم واعرف ماكو سبب او مبرر لعملي بس ظروفي قويه اتمنى تستفادون من تجربتي
وهيج خلصت القصه مال علي واتمنى تعذروني عل قصوري وياكم بس اني انسانه صاحبه مسؤليه جبيره واتمنى تدعون لعلاوي بالهدايه وحياه الزينه

تحياتي الكم _ام احمد