رواية عمار ودعاء الفصل الثالث بقلم مريم خالد

فجأة الدنيا أسودت، وكأني الخبر نزل عليا طفى كل حاجة جوايا.

روح: مش الدكتور قال لعمار عندك مشاكل في عضلة القلب ويبعد عن الضغط وسواقة البايك! عمار لما ساب لك الدبلة مشي بالبايك بتاعته وعمل حادثة!

دعاء بخضة: أبو التخلف يا جدعان !

روح: حتى وهو بيموت بتشتميه يا جاحدة

دعاء: بعد الشر متقوليش كده هو حالته مستقرة

روح: محجوز في المستشفى

دعاء: طب يلا نروح له

روح: هيزعق إني عرفتك

دعاء: لأ مش وقته أخلصي مش هينفع أروح لوحدي

لبسنا بسرعة ونزلنا وسألنا ع الأوضة إللي المفروض محجوز فيها في العناية

بحس بضيق أوي من المستشفيات مع إني دكتورة بس بحس إن يا تصيب وتخف يا تخيب وتبقى دي نهاية حكايتك الموضوع مرعب!

روح: بعد أذنك يا دكتور هو المريض إللي كان هناك راح فين

الدكتور: أنتم أهله!

روح بقلق: أه هو كويس صح

الدكتور: إن لله وإن إليه راجعون أتوفى من دقايق ربنا يصبركم

روح: إزاي يا دكتور كان كويس امبارح

الدكتور: حصل مضاعفات ليه الصبح واتوفى عن أذنك

روح: دعاء أهدي أهدي أكيد في حاجة غلط

دعاء بدموع: بيكدب صح قولي لي أنه كاذب وهو كويس!

قعدنا ع الأرض وأحنا الأتنين عياط مع صدمة لمدة ساعة

دي أبشع ساعة عدت عليا، أنا عارفة إني تعبته كتير، وكتير كنت بنكش وبضايقه، بس أنا عايزاه يرجع

بس ازاي ممكن يرجع

يارتني كلمته من بدري، يارتني صالحته، يارتني ما زعلته

الإنسان بيبقى بطل وقوي ويهزمه فراق حبيبه ومش فراق عادي ده فراق أبدي! تخيل تبقى زعلان من حد عزيز وكل واحد فيكم مستني التاني يكلمه تعرف خبر وفاته من بوست وأنت بعيد! شعور بشع ومقرف بالذات لو أنتم الأتنين غلطانين في حق بعض عشان كده دايمًا بقول بلاش ندي المشاكل أكبر من حجمها ونهجر، الواحد لما عزيز عليه يتوفى ويضيع بيتهد

فجأة حسيت بضيق تنفس ووشي أزرق

وعملت فلاش باك لكل التفاصيل وازاي الدنيا وحشة كده وممكن تسرقنا من بعض في يوم وليلة وليه نضمن وجود بعض في نتخانق بالشهور على حاجة متستاهلش

الموضوع مفجع ومؤلم

روح: دعاء دعاء فوقي

دعاء بدموع: هيسيبني للأبد زيهم! حتى معرفش مسمحاني ولا لأ

روح: أكيد في حاجة غلط أنا كلمته امبارح كان كويس خالص

دعاء: يا ترى مسمحاني!

عمار: لو أتجوزتيني أه

" وضحكت عليكم هقهقهقهق"

دعاء قامت!

دعاء: أنت حقيقي ولا أنا أنا بحلم صح

عمار: لأ حقيقي بتعيطوا ليه مات لكم قتيل

روح: تنشك غور يا عمار أنت مش دي أوضتك

عمار: ما اتنقلت لاوضة عادية عشان حالتي استقرت وبعدين عرفتيها ليه

روح: دعاء دعاء!

أغمى عليها وداخت من الضغط والمليون إحساس إللي حسيتهم ورا بعض كانوا كفاية يستنزفوها

روح: منك لله يا عمار الكلب

عمار: أنتم جايين تتطمنوا عليا ولا تهزقوني

روح: تعرف تخرص لو حصلها حاجة هطلع روحك

عمار: عرفت هتفوق إزاي

روح: إزاي

عمار: هتشوفي

قرب ورش لها من البرفان إللي بتكرهه

دعاء بدوخة: أوف إيه الريحة الوحشة دي

عمار: حمد الله على السلامة

دعاء: أبعد عني

عمار قرب: أهو

دعاء: بقولك أبعد مبتفهمش

عمار: أه و مش هبعد

دعاء: مش طايقاك

عمار: المهم أنا طايقك

دعاء: بكرهك

عمار: مش مهم بردو

دعاء: هو مفيش دم

عمار: لأ في مكسرات تكلي

كل ده وروح ماسكة ضحكتها بالعافية.

دعاء: مش عايزة من وشك ده حاجة

عمار: ماله وشي يختي ما هو زي القمر منور أهو

دعاء: عمار أنا مابقتش عاوزاك

عمار: وأنا عاوزك

دعاء: أنا مش هبقى مبوسطة معاك

عمار: المهم أنا مبوسط وبقولك إيه كفاية كرامتي أتهانت قدام البت احترميني شوية

دعاء بصت بقرف

عمار: بتموتي فيا عارف

دعاء: بس يا حبيبي شوف رايح فين

عمار: اعترفتي إني حبيبك أهو

دعاء: ولا! دماغنا
عمار: بقا دكتور في الجامعة يتقاله ولا!
دعاء: عندك مانع يسطا ولا إيه
عمار: يسطا!
دعاء: أنت جاي تنصدم هنا!
عمار: يا بنتي هذبي لسانك
دعاء: حاضر البس دبلتك بقا
عمار: صدقيني أنتِ مجنونة
دعاء: هجيب من بره ما أنت أجن مني
عمار: أنا مجنون!
روح: خلاص أرحموني هتفضلوا تنكشوا في بعض طول اليوم كفاية بقا قرفتونا علاجكم نجوزكم ونخلص
دعاء: أنا أتجوز ده!
عمار بص بقرف ورفع حاجبه: بت يا أوزعة أنا مش عايز أزعلك من بدري مالي يا نص شبر طولك في لسانك يا شيخة أتقي الله
دعاء: أنت إللي عمود نور
روح: اخرصوا أنتم الأتنين
دعاء: حاضر
عمار: حاضر
روح: يلا منك ليها خطتي نجحت
دعاء: خطتك!
عمار: خطة إيه!
الكاتبة مريم خالد"أثير"
روح: هقولكم يا مغفلين
أنا قولت لعمار إن أسر عايز يخطبها وأنتم نازلين تتعرفوا سوا عشان ارتحتوا تتموا الخطبة عشان يحس إن ممكن يخسرك في يخاف ويتلم
وعمار فعلًا عمل حادثة بس بسيطة شوية كدمات بس الدكتور ده مكنش في خطتي بس خلاكِ تتعلمي الأدب وتخافي تخسريه
كان لازمتها إيه من الأول توم وجيري بتاعتكم دي لازم تلحقوا نفسكم في الوقت الضائع بتضيعوا وقتكم بعيد عن بعض في مشاكل هايفة ما يمكن مفيش بره يبقى نبقى سوا أبقى قدر ممكن مبوسطين ومتفاهمين على قد ما نقدر وارد تحصل مشاكل بس مشاكلكم الهايفة إللي بتنهوا بيهم علاقتكم دي ده عته يا شوية دكاترة
دعاء: طلعتي مش سهلة بردو
روح: عيب عليكِ أتعلمت منك
دعاء: شوية وهتعديني
روح: بتعلم بسرعة
عمار: يعني أنا تم استغفالي
روح: أنتم الأتنين ياكش تتلموا وتتعلموا الأدب مش هفضل اصلح وراكم أنا ورايا مذاكرة وحيمو
عمار: حيمو! طب أتلمي ها أتلمي
روح: حاضر يا عمو عمار مكنوش خمس سنين بينا هتذلنا بيهم
عمار: يلا نروح
روحنا ورجعنا وعرفنا أهالينا
والحياة بقت أهدى بينا كتير بيحصل مشاكل أيوه بس بنرجع بسرعة أقصى مدة زعل يومين أدركنا أهمية الوقت وإن مينفعش نضيعه واحنا بعيد أدركنا أننا نقعد نتكلم وننكش في بعض أحسن ما نسيب بعض أيام وكل واحد مش عارف يتعايش من غير التاني اتعلمنا أن الصلح أحسن من التراكم جوانا بنسامح بعض ونعدي لبعض كتير عشان منخسرش بعض خطة روح دي فوقتنا الصراحة
عدت الأيام كانت آخر سنة لينا أنا وروح في كلية طب أسنان
رحيم وعمار يسكتوا!
أبدًا هنتجوز يعني هنتجوز
بعد خناقات مع الأهل وهانت استنوا السنة دي بس موافقوش قالوا مش هنعطلهم هنشجعهم
وبصراحة دي حقيقة إحنا طاقتنا كانت شبه في الطين وماحدش فينا كان بيتحرك
قررنا نعمل فرحنا سوا كان يوم هادي ولطيف خالي من الموسيقى ومش مختلط كنا البنات في قاعة والشباب في قاعة
اليوم خلص وروحنا وكنا مبوسطين أوي بوجودنا مع بعض أخيرًا بعد مليون خناقة!
واحنا في السكة
عمار: عايز أنام ع كتفك ممكن؟
دعاء: نام
عمار: العبي لي في شعري عشان أنام
دعاء لعبت ف شعره
عمار: أحكيلي حدوتة
دعاء: امم ونام المحارب في حضن من حارب من أجلها بحبك يا عمار
عمار قام هو وخدها هو في حضنه: بحبك أكتر يا قلب عمار وعيونه
في السكة عند رحيم وروح
روح: الهيلز وجع لي رجلي أوي
رحيم: أقلعيه
روح: وهنزل شقتنا ازاي دلوقتي
رحيم: سهلة تعالي
روح: بتقرب ليه رايح فين
رحيم: هش
قرب وشالها على أيده ومشي بيها
روح: واو بقولك إيه ما تاخدني لفة في الشارع قبل ما نطلع حاسة نفسي طايرة
رحيم: وماله اسكتي عشان شقتنا ف الدور التالت وأحنا لسه في الدور الأول
روح: أنا تقيلة عليك! طب نزلني كده كده السلم نظيف
رحيم:أخف حاجة على قلبي يا حبيبتي مش قصدي كده
روح سقفت: ويييي
رحيم: مرعي إننا التزمنا بضوابط الخطوبة ومكنش في كلام حلو وأول مرة أقولك حبيبتي بس هنقع وهيبقى شكلنا وحش
روح ضحكت
اليوم المنتظر آخر يوم ليا في كلية طب أسنان
دعاء: مش هذاكر
عمار: هتيجي ع آخر اختبار في مسيرتك ومتذاكريش
دعاء: أه اتفقت مع روح خلاص جاية مع رحيم وهننزل نخرج
عمار: كتر خيركم عرفتونا قبلها ب ساعة
دعاء: لأ ما أنتم هتيجوا معانا عشان تدفعوا
عمار: يا ماشاء الله! وماله حاضر
جم ودعاء راحت خدت روح تشوف هتلبس إيه
عمار: أنت مع إن دكاترتنا ميجيبوش امتياز؟
رحيم: لأ
عمار: نقفل عليهم الباب لما يخلصوا ونختبرهم نبقى نخرجهم
قفلوا عليهم الباب
عمار: ذاكروا بقا مفيش خروج غير لما إللي وراكم ده يخلص
دعاء: بتهزر يا عمار أفتح متهزرش مش قادرين نذاكر أصلًا
عمار: كان على عيني لأ يعني لأ
روح: حبيبي يا رحيم يا جوزي افتح لي أنا الباب أنا ذاكرت أصلًا
رحيم: كذب ذاكري وفري طاقتك في المذاكرة عشان مش فاتح
ومشيوا
دعاء: هشش مش وقته نصيح لو عملنا الطبل البلدي مش هيفتحوا غير لما نخلص ذاكري يا ست ذاكري
ذاكروا فعلًا وخلصوا وفتحوا لهم الباب وقالوا يلا نخرج
عمار: يلا
خرجوا ورحيم وعمار صالحوهم وجابوا لهم حاجات بيحبوها كتشجيع لبكرا بردو
خلصوا وحلوا كويس والنتيجة طلعت وجابوا امتيازات
ليلة التخرج
استلموا تكريماتهم
عمار: مبارك يا قلب عمار
دعاء: الله يبارك فيك يا سيدي
عمار: أداها الورد وكان فيهم تذكرتين عمرة
دعاء: أحلف!
عمار: والله ملحقناش نروح بعد الفرح ونفسك تروحي في ليه لأ
دعاء: أنا بحبك أوي
عمار: وأنا كمان أوي أوي وع فكرة رحيم ودعاء هيجوا معانا كنا بنفكر نعمل إيه نفرحكم في اليوم ده وفكرنا في كده
دعاء: شطورين
رحيم: مبارك يادكتورتي
روح: الله يبارك فيك يا دكتوري
رحيم قدملها البوكية بالتذكرتين
روح: الله يا رحيم! الله! وعينها دمعت
رحيم: أقل حاجة ممكن أقدمهالك متعيطيش
روح: أنت عيون روح
رحيم: وأنتِ عيون رحيم
تمت