كانت عزّة واقفة قدّام إسلام في المطبخ، والغضب ماسك صدرها…
رفعت صوتها وقالت بنبرة ضيق:
– “إنت كل ما أطلب حاجة تعمللي فيها مرشّح!”
إسلام حاول يهديها، بسيط الطبع وما يعرفش يرد الغضب بغضب:
– “يا حبيبة قلبي… والله ما ببخل عليكِ. بس أنا النهاردة بصحتي… بكرة؟ الله أعلم. لازم نعمل حساب لولادنا.”
لو جرى لي حاجه هسيبهم لمين لعندي اب ولا ام انهم يقعدوا معاهم يا بنتي ربنا يهديك لازم نعمل مستقبل لأولادنا
لكن الكلمة ما دخلتش قلب عزّة…
اتسحبت من قدّامه وقالت بقسوة:
– “أهو الفلوس الكتير خلتك بخيل… وبتخاف على كل قرش!”معاك ده بقى شيء ما تحملهوش بشر
وسابته ودخلت اوضتها
وهو وقف مكانه… ساكت.
مش يمكن لأنه اتوجّع… لكن لأنه حسّ إن في حاجة بتتغيّر جواها. لان دي مش طبعها
إسلام كان كل حلمه يبني مستقبل لأولاده. ما يتعبوش في حياتهم من بعده
أما عزّة… فكانت شايفة حياة مرفّهة، وطلبات ملهاش آخر، وصرف من غير تفكير…
والفلوس فعلاً قادرة تغيّر النفوس.
ربنا يهديها… ولا يكتب على ولادهم فراق.
—
⭐ وبعد خمس سنين من الزواج…
راحت عزّة تزور أختها علياء في شركة كبيرة أوووي…
شركة شكلها من برّه بس بيصرّخ “مستوى عالي”.
دخلت عزّة… ووقفت مكانها.
اتصدمت.
عينها وقعت على شاب… ما يتشافش كل يوم.
لبسه آخر شياكة، عطره مالي المكان، وشخصيته من النوع اللي يخطف نظر أي حد… حتى لو ماكانتش ناوية تبص.
اتسرحت فيه…
ولو للحظة.
فاقت على صوته العالي:
– “مش تبصي قدّامك؟!”
كان بيكلمها… بس هي ما ردتش.
قعد يبصلها بنظرة فاحصة:
– “إنتِ شغالة هنا؟”
ماردتش.
عدّت جنبه ومشيت.
—
دخلت مكتب علياء… وبعد دقيقة، دخل نفس الشاب وراها.
علياء قامت بسرعة:
– “أي خدمة يا أمجد بيه؟”
قال وهو باصص لعزّة:
– “مين دي؟”
قالت علياء:
– “دي أختي… كانت قريبة من الشركة فقلت تروّح معايا.”
أمجد مدّ إيده بكارت فخم:
– “لو احتجتي أي حاجة… كلّميني.”
ومشي.
—
طلعت عزّة من الشركة والميكروباص ماشي، لكن عقلها مش مع الطريق…
كان مع أمجد.
كل كلامها مع علياء كان عنه:
– “القمر دا مين؟”
– “دا صاحب الشركة.”
– “هو متجوز؟”
ردّت علياء بنبرة حاسمة:
– “إنسان غامض… محدّش عارف عنه حاجة.
بس إنتِ… ليه مهتمّة أوي بيه كده؟”
اتلخبطت عزّة…
ارتبكت…
وبصت في الأرض وقالت:
– “أنا؟! بهتم بيه ليه!؟ بس بسأل… عادي.”
لكن الحقيقة؟
قلبها كان بيقول حاجة تانية.
قلبها اللي بدأ يتغيّر…
واللي ماشي ناحية طريق… ماحدش يعرف نهايته
