رواية عندما يعصف الحب الفصل السابع 7 - بقلم زينب العبيدي(زينبيه)

سلامممم شلونكمممم🙋 متابعين
واحلى بارت بهل مطر☺😊

تفاعلوا عود😘

#عندما_يعصف_الحب

#بقلم_الكاتبه_مولاتي_زينب

#البارت٧

فيصل.(( اتحسر)) يخوي. كدامك حل واحد حل ماغيره  ما اكلك انساها ادري بيك مو كادر بس لازم تتناسه وعلمود تتناسه لازم تزوج عسى الزواج ينسيك

عزام مادري ما احب اضلم مره وياي واعيشها بلا حب لان مستحيل احب غير ورود كلبي واعرفه

فيصل اول شي ماكو شي اسمه مستحيل ربك اعلم بالمستحيل وثاني شيي انت اول وتالي بتتزوج تحتاي مره تكوم بيك وخصوصا انت كعدت بيتك اليديد

عزام. ما ادري الله كريم خليني أأيس من ورود كلش واذا الله كاتبلي زواج اتزوج  بس مثل ماكتلك  لا راح ارتاح ولا اريح والي بكلبي تصير الغيري حبي غلط ادري بي لان اهلي عقولهم محجره  ع العموم الشكوى الغير الله مذله يافيصل الله وياك يخوي

فيصل. صار ساعه تهذر وتالي تكلي الشكوى الغير الله مذله بس لا حسبالك جنت تنكت وتتغشمر وياي

عزام. اكول جب ولا كلمه وسد التلفون 

((ودخل عزام للبيت ولكه صينية الاكل بالصاله ورود ماكو ))

عزام. وروود. وروود

ورود. صاحت من داخل الحمام ها عزام اني بالحمام جاي اخلي ملابسك بالغساله

عزام. اي اخذي راحتج

ورود اي طبعا اخذ راحتي انته ما وراك بس الكراب والرزايل(( كملت وخلت الملابس باالغساله واجت يمه لكته كاعد ع القنفه ))

ورود جا ماتاكل المن خليتني اتعب واسوي عشه

عزام. اليشوفج يكول مسويه قوزي ماجنها بتيته يابسه وطماطه محتركه جاي اتانيج

ورود. اني خايفه من هل الطافه الزايده ماعهدتك لطيفاً هكذا

عزام. مو صوجج طاح حضج حتى طاح حضج

ورود لا لا يابه لاتبدل علينه ((وكعدت تاكل وتاكل وهو صافن عليها ))

ورود ((وبحلكها اللكمه )) عزام لاتصفن علي تره ما اعرف اكل واحد يباوعلي بعدين ماتاكل انت شبيك

عزام. عود هاي ماتعرف تاكل من واحد يباوعلها جا من اغمض شسوين

ورود. صل على محمد  شبيك الفكر

عزام طاح حضج احترميني شويه والله انه حاشمج لان ابيتي جان هسه رافسج لازكج بالحايط

ورود. اي اي اطلع على حقيقتك اكول ماعاهدتك لطيف اكول جاي تتشيم ابيتك

عزام. كومي ولي منا خل اعرف اكلي لكمه

ورود. ما اكوم وجوعانه

عزام. اتسممي بس داري الكبالج شويه تره جاي اكل على كيف ايدي مجروحه لاتستغلين الوضعيه

ورود. ((حجت ورود والكمه بحلكها)) الحمد الله والشكر خل اكوم نغصتني

عزام. لا وين كايمه خليج كملي الصمونه الثالثه ((يصنف عليها))

ورود.(( عافته بدون اي كلمه وراحت تنضف غرفته وكلساع طالعتله بشغله مره هذا العطر حلو راح اخذه مره هذا البدي حلو راح اخذه واخصره الي مره هاي الساعه عجبتني البسها حتلو رجاليه وجان عزام كل مره يكلها اخذي وبنفسه فرحان لان يسعدها والود وده يشلع حتى كلبه وينطي الها ويبتسم البلاهتها وطفوليتها

نضفت الغرفه وكملت واخذت المواعين غسلتهن وشرت الملابس واجت ذبت جسمها على القنفه من التعب

عزام تعبتي

ورود اي والله

عزام يله كومي نامي بغرفتي

ورود وانت

عزام انام اهنا

ورود لا لا اني انام اهنا عادي ترا

عزام يله نامي كيفج بس اكو اشباح بلصاله وهذاك اليوم سمعت صوت شخير وانه نايم

ورود وهي الدمعه بطرف عينها احلف

عزام وهو يضحك لاجذب بس اريدج ترحين بالغرفه

ورود رايحه رايحه بس لاتخوفني

عزام يله وجيبلي مخده وبطانيه

راحت ورود للغرفه ورجعت تركض وخايفه

عزام هاشبيج

حجت ورود بخوف مااا ماا اخاف كله منك تحجي وعيونه مدمعه

عزام بضحكه اسم الله لاتخافين اشاقه وياج والله ماكو شي

ورود ماا والله راح اضل اتحلم خليني انام يمك حبوبي

عزام بصدمه حجه بسرعه هااا لالا شتنامين يمي والله اجذب عليج ماكو شي

وكعدت ورود تبجي هي تخاف من هاي الاشياء وتضل تتخايل اشباح اذا انحجه يمها بهاي السوالف

كام عزام من مكانه اسم الله حبيبتي شبيج تعاي جيبي فراش ونامي اهنا بلكاع وانه انام على القنفه

ورود لا اخاف اهناا اخاف اتخايل اشباح وهنه هنا

عزام ببتسامه امشي بلغرفه نامي على الجربايه وانه بلكاع

ورود تعال وياي اخاف افرش

راح وياها  وفرشت ونام هو بلكاع وهي على الجربايه

شوي وسمع صوتها تتنعوص وتبجي

عزام هاشبيج ورود اسم الله عليج شبيج حبيبتي

ورود تحجي وهي تبجي اخاف صوره الشبح ماتفارك عيوني

عزام استغفرالله شبيج حبيبتي والله ماكو شي اقري شي من القران وسمي بالله وصلي على النبي وانت ترتاحين

ضلت تقره وتقره وشوي رجعت تبجي وجان عزام استوه يريد اينام

عزام حجه بنعس شبيج ورده عيني

ورود عزام خل انام يمك

عزام وجن واحد ضربه راشدي هااا شنوو وين وين

ورود وهي تبجي والله اخاف ما اجذب عليك

عزام بس مايصير اتنامين يمي

ورود زين انطيني ايدك الزمها

عزام استغفر الله هاي ناويه تموتني لوتجلطني اليوم ولج ما اكدر اباوع بعيونج بعد انوب الزم ايدج كلتلها اوكفي عندي حل

وصعد على الجربايه من الجها الثانيه وتجه يله انه راح اقرالج قران لحد ماتنامين

ورود تمام ووضلت كل شوي تفتح عيونها تتاكد منه موجود لو نزل رغم هي تسمع صوته يقره ايات صغيره من القران الي حافضهن

لحد مانامت وعزام كاعد يقره وعيونه ماشالهن منها حجه بهمس احبج والله احبج اعشك كل ذره بيج شلون راح اتحمل اتصيرين الغيري ورود انت ابد مافكره بيه صح

ورود همممم

عزام سلام قولا من رب رحيم ورود انت كاعده ورود... ورود

اثاري طلعت تون من التعب والاخ طار كلبه وكام بسرعه لفراشه لاتكعد صدك هل مره حلف لو سامعته جان كرهته وحتى اخو ماتحسبني بعد

وبيوم ثاني كعدت ورود على صوت حركه عزام يم ميز التواليت وهو يمشط

عزام للحضه تخيلتها ملكي وحلالي ونايمه على جربايتي وتكعد تكلي صباح الخير لو تجي تبوسني بخدي او تسد دكم قميصي بس وين انه عايش بالاحلام هيهات كلتلها ها صح النوم يله بسرعه لبسي بسرعه خل اخذج للبيت

ورود اي وكامت بسرعه غسلت ولبست وراحوا قريب يوصلون

عزام ورود فكري زين لاتخلين احد يضغط عليج كتلج انه وياج الاخر لحضه واواجه حتى ابوي وعمامي بس اهم شي قناعتج انت

ورود اي تمام

عزام يله هاج هاي مصرف وهسه نزلي

ورود شكرا ياجميل اي هيج الحجي الزين ماتنزل

عزام لا ما انزل نزلي بسرعه اتاخرت

نزلت ودخلت البيت شافت ابوها ركضت باسته

ابو عزام جاوين اخوج

ورود راح يكول اتاخرت

ابو عزام وشنو حجه وياج امس

ورود ابد بابا ماحجه بس حجيه حلو

ابوعزام اقصد عن الخطوبه وعن رضا

ورود كال الولد خوش ولد ومن هل حجي

راد يحجي ابوها قاطعته بابا ميتتته من الجوع رايحه اتريك

دخلت ورود للمطبخ وهي تسويلها ريوك وتحمي الجاي وتدهن  الجبن داخل الصمونه  دخلت وراها زهراء وكعدت ببرودها المعتاد ع الكرسي

زهراء. صباح الخير

ورود. صباح الخير ((تحجي ومارفعت عيونها من البيدها ))

زهراء. ورود دير بالج

ورود. من غير ما تلتفت من شنو

زهراء. من عزام  لاتصدقين بحجيه على رضا  أكيد هو يشوه صورته كبالج لان مايريد. تصيرين الرضا يريدج ال .....

(( قاطعها  صوت  بزمجره )) زهراااااااء

((التفتن زهراء ورود على الصوت  جان عزام واكف وعيونه بكصته  من الغضب))

ورود. ها عزام انته مورحت

عزام  وعيونه على زهراء وهي تجدح نار  لاء نزلت حتى اسلم على ابوي

ورود. اصبلك ريوك

عزام. لا بالعافيه زهراء تعاي وراي عندي وياج حجايه  ((وطلع بخطوات سريعه للحديقه  وصوت الدشداشه يجرخ صوت يصدر من الملابس لمن واحد يتحرك بخطوات كبيره وسريعه وتبعته زهراء بخطوات بطيئه وبارده الي تعكس شخصيتها الغامضه )) 

زهراء. نعم ياروحي

عزام بشمئزاز كز على سنونه ولج قسما برب العزه اذا حاولتي اتجفصين بشي. او تحجين شي ما اله طعم وتخربين ورود علي اذبحج هنا شايفه  اهنا وكدام الكل وما اخاف من احد

زهراء. قصدك ما اكللها انته تحبها

عزام. احبها اكرها انتي مالج علاقه بشي يخصني سمعتيني لو اعيد 

زهراء. ليش عزام ليش هي واني شنو جنت بحياتك

عزام زهراء. لاتخليني افقد اعصابي انتي ولا شي ولا شي حب مراهق راح وعده من ١٢ سنه  وانه ماوعدتج بشي ولا جان ابينه طلعات واتصالات  ولا عيشتج عيشة العاشگ كل الي تسمينه حب جان مجرد نضرات بريئه ابتسامات ومغامز مراهق وانه ندمان عليهن ونسيتهن ومايهزني ابد من اذكرهن  وهسه انتي اتزوجتي اخوي وصرتي زوجة اخوي ومثل اختي وعرضي  ذمي روحج واهتمي بزوجج وستري نفسج 

زهراء. والدموع بطرف عينها لاا ما اخلي الي صار وياي سنين حبك تمر مرور الكرام ولا اخلي احلام اليقضه الي حلمتها تروح هباء  ولك اني حتى بزواجي جان كله علمود اصير بقربك ورا ما انته رفضت ترجعلي مو حبا بخوك اصلاً ساعات اتخيلك انته الي وياي بغرفتي مو علي

عزام فتح عيونه على كبرهن وحجه بقرف الله اكبر ولج خافي الله استغفري شهل قذاره انتي انكس من الشيطان ياحثاله استغفري ربج وصوني رجلج  وراح وهو يسرع بخطواته  وشاد على قبضاته ويلعنها ويغلط عليها

ومر اليوم ورود. بتفكيرها ضايعه مابين القبول والرفض وامها ابد ماتركتها وتمدح برضا واهله وخوش ولد...وابن عمج. واحسن من الغريب... واحسن من الغريب

يوم ثاني الصبح الساعه ب١١:٠٠

اجت ليالي وامها وجايبين بدله مال حفلات الورود

ليالي. عمه وين ورود اشو ماكو

ام عزام. نايمه هل ورود اتنام اكثر من اهل لكبور الله يحفضها

ليالي.  اوي شهل خده هاي

ام عزام. يمه. هاي كل بنيه ابيت اهلها تدلل عليهم  وتنام يمته ماتريد وتكعد يمته ماتريد

ام رضا انشاء الله وتضل الله ابيت زوجها  بعد هي الوحدها قابل شعدها ليالي باجر عكبه وتطلع ابيت زوجها

ام عزام. والنعم منكم ياخيه. وانشاء الله ليالي ماضل شي وتشرف بيت زوجها  وتباوعلها وتبتسم 

باوعت ليالي بخجل وبتسمت وكلبها يريد يتفجر من الفرحه لمجرد يطرون موضوعها هي وعزام

ام رضا. يله من رخصتج ام عزام وكعدي ورود خليها تجهز ترا ام الصالون تجيلها بالوحده ترا النهر يمشي بساع وماراح تلحك

ام عزام مرخوصه خيه  انشاء الله هسه اكعدها
((وطلعوا وتوجهت ام عزام الغرفه ورود الي جانت بسابع نومه تقدمت ام عزام تكعدها وبعيونها دمعه على فرتك ورود صح هي مو بتها بس ربتها وهي عمرها ساعه ويكولون الام هي الي تربي مو الي تخلف))

ام عزام ورود يمه وريده كعدي شلون راح احمل فراكج وخبالج بالبيت كعدي يايمه

((حجت ورود بكسل)) بس شوي يمه بس شوي

ام عزام كعدي شوفي شنو جابولج

((فتحت عيونها بهمه))شنو جابولي ومنو جابلي

((فتحت ام عزام البدله كبالها وجان لونها زيتوني غامق منفوشه ومرصعه بالكرستال ومكشوفات ايديها وجزء من الصدر والضهر كعده ورود على حيلها)) الله يمه تخبل ولزمتها بيديها وهي تخليها على جسمها وتوكف فوك الجربايه وتباوع النفسها بالمرايه بس رجعتها بسرعه وتقلصت ابتسامتها وكالت بس يمه اني بعدني مامقتنعه كلش بسالفه الزواج

ام عزام يمه لاتكسرين واهس فرحتج وانسي هل خرابيط الي اتطير ضحكتج الزواج مو معناه اعدام بلعكس يايمه المره الي تفتهم بيدها تخلي زواجها وعيشتها ويه زوجها احلى عيشه وبيدها تخليها تصير جحيم  وخلي كلشي يم الله ((وكامت تريد تطلع ورجعت التفتت))هانسيت اكلج ام الصالون بالوحده تجيج جهزي نفسج يمه ونضفي جسمج وخلي تساعدج سعاد

سعاد وهي داخله الغرفه ورود
هاخاله سمعت اسمي شكو
ام عزام.يمه ساعدي هل فاهيه تنضف جسمها  وبعدين تعاي خل نلحك اننضف البيت من وكت ونكمل الغده اليوم من وكت تره ماكو تغمضين عين تفتحين عين اله وصايره الساعه ب٣والناس فوك راسنه

سعادعمه لاتشيلين هم التنضيف لان زهراء زلغت البيت اتزلغ من التنضيف اليوم مادري شعجب  ههه لاوتغني بعد

ا((ام عزام وهي رافعه حواجبها بصدمه )) زهراء نازل عليها الوحي اليوم

سعاد الله يهديها ياخاله يله خل اساعد ورود اني

بنفس الوكت جان عزام كاعد بالمحل مالته بعد ما استقر بالعراق قرر يفتحله محل صيرفه وجان اله اول يوم افتتاح بس بالنسبه العزام  ماجان افتتاح جن بنسبه اله اكثريوم مشؤم وجها السيف مايكصه مغندب وعاكد حواجبه وبس يضرب صفنات ويتمنه بس واحد يكله بزز حتى ينفجر بوجه ومايوفي جرح كلبه

بمكان ثاني اكو حاله ماتقل عن حاله عزام بشي بس الفرق واحد متمني واحد مستغني..
رضا كاعد بغرفته ويحرك بالجكاير ويتنافخ ماجن اليوم خطوبته جن يوم جنازته

ومرت الساعه ورا ساعه ورود جوه ايدام الصالون والبيت مخبوص كله نسوان وبنات شابات لان اجو اقاربهم خالاتهم وعماتهم من وكت

عزام بيته مغصوب يروح ويواجه الامر ويغصب كلبه يرضخ للواقع ويترك الحب الغلط حسب حجي الناس اصحاب العقول المتحجره
جان يلبس ملابسه وجن يتعارك وي الملابس معارك يطلع حركته بكلشي كباله حتى العطر من لزمه ويرش يطغط عليه بقوه وبسرعه وما حس اله والعطر مخلص  وجن لكاله حجه ضل شمر العطر على المرايه وكسرها وضل يشمر بالعطوره وطور الوضع وزاد بغضبه وهو يزمجرويكسر لحد ما صارت الغرفه عباره طشار الكزاز وملابس تارسه الكاع
كعد يلهث من التعب على الجربايه ولزم المخده النامت عليها وخلاها على وجها ويشم بيها وكانما يريد يخنك روحه بعطرها ويحاجي روحه معقوله راح انحرم منج وانتي كل امنيتي ولج منو غيرج تملي عيني وبيمن اقنع كلبي ليش حبيتج وشلون حبيتج مادري بس الادري بي انه عايش منج والج

طالبك يالوكت لاتمشي بساع
مستعجل تاخذ احبيبي مني
مستعجل تتركلي جرح وعيون تدمع
وتتركني بلايه نفس متكور بوني

نخيتك يالوكت ريض بممشاك
عليك بداعه ضحكه العشاك
عليك بداعه ونة المشتاك
عليك بداعه دمعه الناداك
لاتاخذ حبيبي اترجاك
بقلم الكاتبه مولاتي زينب

الساعه ب٣ونص
ام الصالون تجننين ماشاء الله عليج تعالي شوفي روحج
((ورود وهي كبال المرايه))ياااي يالله شهل جمال واو هاي اني
سعاد. ماشاء الله تبارك الرحمن صدك تجننين ياربي يسعدج ويهنيج
ورود شكرا((تحجي وهي تلف وتباوع النفسه من جوه ليفوك))

زهراء مبروك الله يسعدج

ورود ببتسامه شكرا

سعاد يله ياعيني تعالي ننزل لان بيت عمج راح يجون

ورود اوك
((نزلت ورود من غرفع سعاد وستقبلوها بلهلاهل وامها الي تطش الجكليت وعيونها مغوركه
اما ورود جانت مبتسمه ابتسامه طفله فرحانه بلبدله وبلمكياج كعدت
ولاء مبروك يااحلى ورود
ورود شكرا يكلبي يوم الالج
ولاء اميين
وفاء ولج وين المستحه نزعتي ليشوفج يكول بايره جا اني شكول
ورود وهي تضحك يارب نفرح بيجن بيوم واحد
وفاء غير يحس ويتحرك
ورود انتي راح تموتين وعزام بعده ما مفكر ولو تفكير بالزواج
وفاء اتحسرت اي والله ياورود امووت وهو ولايحس

جان كاعد وعينه مافاركه رضا وهو يكص بي كص والغيره تفورر بداخله وكاره ويتمنه لو يكطع انفاسه بيديه كعده بينهم وهو مكابل الي راح يسلب امنيته   ومايسمع من حجيهم شي وما مهتم الاحد غير الرضا الي كاعد كباله يتمنه لويكضه وينزل عليه دك ويعذبه بشته الطرق وماصحه
اله على حجايه عمه
يتبع....