رواية عندما يعشق الشيطان — الفصل 14 — بقلم سارة أحمد
رواية عندما يعشق الشيطان الجزء الرابع عشر 14 بقلم سارة أحمد
عندما يعشق الشيطانرواية عندما يعشق الشيطان الحلقة الرابعة عشر
ف منزل المهندس إبراهيم ~
دلفت سهير الي غرفتها وهي تغمغم بتردد: ابراهيم .. اصحي يا ابو مروان !!
همهم ابراهيم بنعاس : ايه .. يا سهير ف ايه ؟!
– اخوك عادل وزين ابنه بره مستنيك عايزينك !
نهض ومسح على وجهه : خير اللهم اجعله خير !!
تقدمة واحضرت الجلباب وساعدته ف ارتداءه وتمتمت : أنا هقدملهم حاجه لحد ما تطلع ..
هز رأسه وهتف: ماشي يا ام مروان ،
خرجت من الغرفه ودلفت الي المطبخ : نعمه عملتي القهوه ؟؟
نعمه : وقدمتها يا ستي ..
جلست ع الطاوله وتمتمت : طيب ..
ربنا يكرمك .
نعمه باستغراب : جري ايه يا ستي ؟؟
حد زعلك ؟!
رفعت راسها وغمغمت : قلبي مقبوض يا بت مش عارفه ليه ؟! عايزه اطمن ع عهد ..
– أن شاء الله كويسه وزي الفل ست عهد واعيه وميتخفش عليها ..
،،،،،،،،،،،،،،،،،،،،،،،،،،،،،،،،،،،،،،،،،،،
– اهلا اهلا ايه النور ده ؟!
تقدم ابراهيم وهو يهتف وسلم ع أخيه وزين
عادل بمحبه : ده نورك يا ابراهيم يا اخوي ..
– ازيك يا زين يا ابني عامل ايه ؟!
زين : الحمد لله تمام يا عمي..
– طيب اتفضلوا دي خطوه عزيزه ..
هتف عادل : معلش يا خوي طبينا عليك من غير معاد .. بس زين السبب !!
ربت ابراهيم ع ساق زين وهتف: احنا مفيش بينا مواعيد يا عادل احنا اهل .. وإذا كان زين السبب فيشكر والله ..
ابتسم زين : ربنا يخليك لينا يا عمي ..
ضحك ابراهيم وتناول فنجان قهوته وهتف : وانت يا زين مش ناوي تفرحنا بيك ؟! العمر بيجري يا ابني ده مروان اللي من سنك معه عيلين !!
اوما زين بحماس : والله يا عمي قصرت عليا الطريق !!
ابراهيم باستغراب: كيف يعني ؟!
تنحنح زين ورمق والده برجاء : هتف عادل : اسمعني يا ولد ابوي احنا جاين نطلب منك ايد عهد بتك لزين ولدي ..
وضع ابراهيم الفنجان وهتف : بس يا اخوي عهد لسه صغيره .. وكمان بتدرس ..
هتف زين : متخفش يا عمي أنا عايز اخطبها بس واستناها ..
تمتم عادل : وبعدين با خوي عهد مش صغيره ده عز وقتها.. وزين ريدها من زمان ..
ابراهيم بتفكير : والله أنا معنديش مانع بس هنأجل الكلام ف الموضوع ده لحد عهد ما تخلص امتحانات الترم ..
زين بتوتر : ليه ياعمي ما خير البر عاجله ؟؟
ضحك ابراهيم وهتف : اصبر يا زين باقي شهر ع الامتحانات وانا مش عايز حاجه تشغل عهد ف الوقت ده بعد الامتحانات وتيجي بالسلامه ونسمع رأيها ولو موافقه يبقي ع خيرت الله
زين بترجي ورجاء : يا عمي اصل…..
قاطعه والده : خلاص يا زين صبرت كتير اصبر الشهر ده ..
تقدمت سهير باكواب العصير وهي ترحب : يا مرحب نورتونا والله ”
تعالي يا ام مروان سلمي على عريس بتك !!
حدقت سهير بذهول : عريس بتي !
ابراهيم بفرحه : ايوه زين طلب عهد وانا موافق ….
،،،،،،،،،،،،،،،،،،،،،،،،،،،،،،،،،،،،،،،،،،،،
عند عهد
جلست هويدا وسما ف الشرفه تركت الكتاب بسخط : ااف أنا مش فاهمه حاجه خالص من الماده دي ؟؟
ضحكت هويدا بغلب: ومين سمعك حتي عهد طول الليل تحدف الكتاب اخر الطرقه وبعد شويا تقوم تجيبه .. اتجننت يا قلبي!!
ارتشفت سما بعض الشاي وتمتمت : طيب ليه التعب وتقوم تجيبه ،
حدقت سما حولها وهتفت : هي فين اختفت من بدري ؟!
– في غيره سياده الرائد رن عليها وهي بتعمل الشاي وجريت ترد عليه ..
نهضت سما : كل ده ؟! عايزين نذاكر بقا ..
غمزة هويدا لي سما بطرف عينه: تعالي نشوف !!
تقدما الي الغرفه كانت عهد تجلس ع مكتبها
عهد بحزن : بسرعه كده هتسافر بكره ؟!
فريد بحنيه : معلش يا قلبي الشغل بقا هنعمل ايه ”
ثم هتف : عارف يا عهدي !!
تمتمت عهد : امم ..
– أنا طول عمري بحب شغلي اووي .. بس اول مره ابقي مش عايز الاجازه تخلص وابعد عنك ..
تنهدت عهد : وانا كمان مش عايزك تبعد ..
نهض فريد وغمغم : طب ايه مش كفايا بعد ولا ايه ؟!
عهد باستغراب : يعني ايه هتسيب شغلك ولا ايه ؟!
ضحك فريد وهتف : لا طبعا اسيبه ازاي .. أنا قصدي أنا وانتي !!
– مش فاهمه !!
– بصي من. الآخر مش هعرف افهمك ف الفون أنا شويا واكون عندك تمام ..
– تمام
– بذمتك ده وقته ؟!
دارت عهد ورات سما وهويدا ع باب الغرفة نهضت عهد وهتفت : وهو ايه ؟!
تقدمة هويدا وأشارت بيدها : الرغي ده !!
– اصله كان بيصلحني “”
صاحت سما : يابت ايه الهدوء والسلام النفسي ده .. الامتحانات بعد شهر واحنا ميح يا اما !!
هتفت عهد: عندك حق ده تاريخ مصر القديم جنن امي امبارح .. يالهوي كمية ارقام وتواريخ عملتلي دوشه ف دماغي !!
هويدا بسخط : طيب ياست نفرتيتي هنعمل ايه ؟!
عهد برجاء : فريد جاي دلوقتي وهنزل أقابله !!
حدقت هويدا بعهد بذهول وصرخت : نعم !!
– بصي اصبري بس .. كده . كده فريد مسافر بكره وانا معاكم ف اي حاجه ”
رفعت هويدا أكمام منامتها وهتف : فريد تاني احنا مش هنخلص السنه دي ولا ايه ؟!
تمسكت سما بهويدا .. وقفزت عهد ع الفراش وهي تصرخ : امسكيها يا سما والنبي !!
سما بمحايله : اهدي يا كبيره “”
هويدا بصياح : البت هتشلني اقولها المواد مخلصتش وكتير .. تقولي فريد جاي .. يابت انت هتمتحني ف فريد اخر السنه ؟!
عهد وهي تقف اعلي الفراش : ياريت أنا كنت اطلع الاول ع الجمهوريه !!
افلتت هويدا يد سما وهروالت بتجاه عهد صرخت عهد بفزع وهرولت خارج الغرفه
– حرام عليكي انت مش عندك عيال ؟!
ظلوا البنات ع هذه الحال حتي رن هاتف عهد سحبت عهد الهاتف وهروالت الي الدرج كادت أن تلحق بها هويدا لكن تمسكت بها سما وهتفت : يا بنتي سببها اكيد أبيه فريد عايز يسلم عليها عشان مسافر بكره !!
نظرت إليه هويدا بحنق تمتمت سما بخفوت : سبيها ساعه واحده بس وكده كده أبيه هيسافر عشرين يوم بحالهم “”
هتفت هويدا بحنق: اه هيسافر بس هيشغلها ف الفون ؟!
،،،،،،،،،،،،،،،،،،،،،،،،،،،،،،،،،،،،،،،
وصلت عهد الي سيارة فريد حدق بها بذهول وهتف : عهد انتي اتجننتي .. نازله كده ازاي ؟!
نظرت إلي نفسها وتمتمت : مالي مانا ؟؟ شهقت عندما وجدت نفسها عاريه القدمين ضربة جبهتها وغمغمت : يا نهار اسود !!
ضحك عليها فريد وتارجل من السياره وتقدم إليها مسك يدها وقبلها : نزله مستعجله اوي كده وحشتك ؟!
– لا ، دي هويدا كانت بتجري ورايه ؟!
– نعم ، وبتقوليها ف وشي كده ، لا !!
وضعت يدها على فمها وتلثمت : لاا لا .. مش قصدي اكيد وحشتني !!
قبل يده عدت قبلات متفرقة رطبه وغمغم : هويدا كانت بتجري وراكي ليه ؟!
سحبت يدها وتمتمت فريد احنا ف الشارع !!
كانت عايزني اقعد اذاكر معاهم اصل الامتحانات خلاص …
ضم فريد يد عهد وسحبها الي السياره بلطف وهتف : عندها حق .. أنا هخطفك شويا وبعدين اسيبك تذاكري براحتك ..
ساعدها ف صعود السياره واغلق الباب وتمتم : حتي لما اسافر مش هكلمك
كتير لكن ع شرط ؟!
دار فريد وصعد السياره تمتمت عهد بفضول : ايه هو ؟!
– الاجازه نقضيها كلها سواء ”
– ازاي وانت عارف اني لازم انزل الصعيد لاهلي ”
حدق فريد بغضب : طيب وانا ؟!
تحرك بالسيارة تمتمت عهد : اصلي أنا لو منزلتش هيقولوا ليه واحنا ف اجازه أقلهم بعمل ايه ؟!
هتف فريد بجديه : عهد !!
– نعم “”
– تتجوزيني ؟!
– نعم ؟؟
رفع حاجبه وهتف: انتي علقتي ولا ايه ؟!
بلعت ريقها بتوتر وهمسة : لا بس اتخضية !!
ضحك فريد: اتخضتي من الكلمه ؟؟
غمز له: امال الأفعال هيحصل ايه !!
– عايزني اتجوزك احترم نفسك ”
– بصي الجمله دي عكس بعض .. ازاي اتجوزك واحترم نفسي مش فاهم أنا .. امال أنا هتجوزك ليه ؟!
دارت عهد وجهه الي الجهه الاخره وغمغمت : انت مفيش فايده فيك !!
صف فريد السياره ورد : لا مفيش واتعودي بقا !!
حدق ف أقدامها العاريه وهتف : طبعا مش هننزل ؟!
اومات عهد ورفعت كتفها باستسلام .. تأرجل فريد: وهتف استني شويا !!
غاب دقائق ورجع معه وجبات الطعام السريع وبيتزا وعصائر وشيبسي والكثير من أنواع الشكولاتة ..
وضع جميع الأشياء ف الخلف وصعد وهتف : هااا عايزه حاجه تاني يا حبيبي ؟!
حدقت عهد بذهول : ايه ده كله ؟!
رد باختصار : هنتعشاء سواء ..
بدا ف تناول الطعام واخذ يطعمها بيده كطفلته المدلله مد يده ومسح شفتيه بأصابعه ثم لعق إصبعه وهمس : عارفه يا عهدي لولا أني مسافر الصبح كنت سافرت لأهلك وطلبتك بكره !!
شهقت واختنقت ف طعامها .. حاولت التقاط أنفاسها بصعوبه حتي أدمعت عينها .. اقترب فريد منها واخذ يمسح على ظهرها بتوتر: اهدي براحه خدي نفس !!
مد يده بزجاجه مياه : خدي يا قلبي اشربي ..
ارتشفت المياه بصعوبه وفريد يربت ع ظهرها بخوف : هااا احسن ؟؟
اومات عهد بصمت اقترب منها أكثر ومد يده يحاول تدليك صدرها وتمتم : اتنفسي يا روحي “”
قبضة عهد ع يده وتلعثمت : بتعمل ايه انت مجنون ؟!
غمز لها بطرف عينه: الحق عليا بساعدك عشان تتنفسي “‘
تمتمت بخجل : لا شكرا .. خليك في حالك ..
– الله ،، مانتي حالي وحياتي وكل عمري اللي جاي “”
ابتسمت عهد بخجل : طيب يلا روحي بقا عندي مذاكره كتير .. اكيد هويدا هتدبحني !!
حدق بها فريد بغضب : متقوليش كده تاني .. أنا اللي يلمس شعره منك امحيه من الدنيا !!
قطبت عهد بين حاجبيها وهتفت: ف ايه أنا بهزر ع فكر ..
– هزري براحتك .. بس حطي ف دماغك انا اناني اووي فيكي والي يرشك بالمايه ارشه بالنار !!
تنهدة عهد بأمان وهمسة: ربنا يخليك ليا “‘
سحب يدها وقبلها من باطنها ثم ظهرها : ويخليكي ليا يا عهدي ..
تحرك بالسياره ووصل إلى شقه عهد .. تارجلت عهد من السياره .. وتبعها فريد فتح باب السياره الخلفي وسحب الاكياس .. ودلفا الي البنايه وصل إلي الشقه دقت الباب وانتظر .. وضع فريد الاكياس أرضا .. وجذبها من خصرها بقوه شهقت عهد بفزع لكن لم تخرج الشهقه من شفتيها كان فريد قد ابتلع شهقتها بين شفتيه كانت قبله عميقه لكن قصيره سحب شفتيه وهمس: هتوحشيني اووي يا عهد “”
رمشت بعيونها أكثر من مره وتمتمت : يا قليل….
قطع جملتها بقبله اخر أعمق في شفتيها بقوه .. ويدها تضغط ع خصرها والآخر علي عنق عهد يقربها إليه أكثر .. ضربته عهد بقبضتها عندما فتح الباب وسمعت شهقه مزدوجه .. تركها فريد ببطئ ورمق هويدا وسما وغمغم : لسه بدري احنا لينا ساعه واقفين !!
ام عن عهد فحدث ولا حرج كانت تتمناه أن تختفي من الوجود ف الحال ..
قبل فريد جبين عهد وهتف : تصبحي ع خير ياقلبي اشوف وشك بخير !!
انصرف فريد وحدقت هويدا وسما ف عهد
تمتمت هويدا : عهد انتي نمتي وانتي واقفه ولا ايه ؟!
إشارة سما بيدها امام وجهها وهتفت : دي لسه تحت تأثير البوسه شكلها !!
رامشت عهد باهدابها وهي ترمق هويدا وسما بذهول
ضحكت هويدا بمرح: انتي فرهدتي يا قلب أمك !!
جذبتها هويدا وسما واخذو الاكياس ودلفوا سويا
جلست عهد بينهم هتفت هويدا من عن اليمين : احكي بقا ايه اللي حصل ؟!
سما من ع اليسار : وبالتفصيل الملل !!
حدقت بهم وتمتمت : احكي ايه مفيش حاجه “”
هويدا برفعت حاجب: يابت إذا كان ع باب الشقه وباسك كده .. امال الوقت ده كله مع بعض ايه اللي حصل ؟!
سما بتأكيد : اه صح عندك حق يا دودي !!
الله يمسكي بالخير يا نونه طلع عندها حق !!
عهد بتوتر: والله يا بنات طول الوقت ده كويس اوي معايا واتعشينا وجبلي حاجات حلوه أنا مش عارفه ايه اللي حصل ع باب الشقه اتجنن وباسني كده !!
هويدا بذهول : يعني عشان باسك يبقي اتجنن ؟وقبل ما يبوسك كان كويس !!
اومات عهد: اه
سما بخفوت: ده هو لما باسك كان كويس.. قبل كده كان مجنون !!
ضحكت هويدا بمرح: البت دي بتفهم والله ”
نهضت عهد بضجر : انتو اكيد مجانين أنا رايحه انام
هتفت سما : احنا مجانين اه وانتي بقا اللي ست العاقلين الله يكون ف عونك يا فريد !!
– عندك حق والله !!
,,,,,,,,,,,,,,,,,,,,,,,,,,,,,,,,,,,,
…..