تحميل رواية عندما يقع الوحوش في العشق بقلم جنات pdf

فى فيلا سيف الكل كان قاعد على اعصابه لحد ماجالهم اتصال من اسر انهم جايين فى الطريق وان نور ومراد بخير

حياه:اتاخرو ليه ياسيف

ريم:يكون الولاد بيهم حاجه وراحو المستشفى

جاسر:ياجماعه اهدو هما قالو جايين على هنا

ليان:اهدى ياحياه انتى وريم ان شاء الله هيبقو بخير

ملك:ان شاء الله يكونو بخير

ادهم:طب كلمهم شوفهم وصلو لفين يازين

سليم:انا لسه قافل مع فارس من شويا وقالو قربو

سيف:ممكن تهدو شويا بقي

بعد شويا سمعو عربيات بره والكل خرجو يقابلو الشباب

نور نزلت من العربيه اول ماشافت سيف جرت على حضنه سيف اتنهد كأن روحه رجعتله

سيف:انتى كويسه ياحبيبتى

نور بعياط:الحمدلله

سيف بعدها عند حضنه وشاف وشها:مين اللى عمل فيكى كدا

حياه قربت لنور وخدتها فى حضنها:حبيبتى كنت هموت من القلق عليكى انتى بخير يانور

نور:بخير والله ياماما

الكل سلمو على نور

فى عربيه مراد

عدى: اوبااااا جهز نفسك لتحقيق خماسي من الوحوش

مراد:عامل حسابي

عدى نزل وسند مراد اللى كان دراعه بينزف وفى كدمات فى وشه

ريم بصوت عالى:مراااااااد

ريم وجاسر جرو على مراد

مراد:متخافوش انا كويس والله

حياه:فيروز هاتى شنطه الاسعافات وتعالى بسرعه عالجى جروح مراد

فيروز:حاضر ياماما

سيف:تعالو خلينا ندخل جوا

جاسر سند مراد ودخله جوا ونور فى حضن سيف والكل دخلو

فهد:اسر هروح انا المقر عشان نشوف العيال دول

كريم:انا هاجى معاك

اسر:وروح انت كمان ياعدى معاهم

عدى:حاضر يلا بينا

الشباب ركبو العربيه ومشو واسر دخل جوااا وهو عارف ان سيف مش هيعديها بساهل

نور قاعده جمب حياه بتعقملها جروح اللى فى وشها

حياه:بيوجعك ياحبيبتى

نور هزت راسها بلا

فيروز بتخيط جرح اللى فى دراع مراد وكارما عقمت الجرح اللى فى وشه

ملاك جابتله برشامه مسكنه وميا:اتفضل يامراد ده مسكن

مراد اخده منها

حياه:طب تعالى يانور عشان تغيرى هدومك وترتاحى شويا

سيف:محدش هيتحرك من هنا غير لما افهم ايه اللى حصل بظبط مراد هتحكى انت ولا نور ومين اللى عمل فيكو كدا

اسر:بابا الواد اللى خطف نور كان زميلها فى الكليه

سيف:وزميل اختك يخطفها ليه عايز الموضوع من اوله

اسر حكى لسيف على المشكله اللى كانت حصلت فى الكليه وعمر لما ضرب نور بالقلم وضرب مراد ليه ونور ردت ليه القلم

سيف بعصبيه:كل ده يحصل مع بنتى وانا معرفش ازاى متقوليش حاجه زى دى يااسر باشا ولا خلاص كبرت وبتاخد القرارات من راسك

اسر:العفو يابابا انا كنت هعرفك طبعاا بس نور قالت بلاش بابا يعرف

سيف:ليه هى نور بقت تمشي كلامها عليك الوقت ياكبير وانت فين راسك هااااا وانت مراد ازاى متقوليش حاجه زى دى

مراد:اسف ياعمى بس دى حاجه تخص اسر ونور هما اللى يقولو لحضرتك مش انا

سليم:اهدى ياسيف الحمدلله انها بخير

حياه:خلاص ياسيف الموضوع اصلا خلص وقتها

سيف لف لحياه:انتى كنتى عارفه ياحياه

حياه:نور كانت حكتلى تانى يوم المشكله

سيف بعصبيه وصوت عالى:مفكرتيش حضرتك ان ابوها لازم يعرف باللى حصل

زين:مش كدا ياسيف اهدى شويا

سيف:اهدى ازاى ومراتى وولادى مش عمالين ليا اى اعتبار

جاسر:ياسيف هما اكيد محبوش يقولولك المشكله ماتكبرش

حياه بدموع :ياسيف اسر ومراد خلصو المشكله فى وقتها

سيف:لا ماهو واضح انها خلصت بامارة مابنتك اتخطفت النهارده

سيف قرب من نور:ايه اللى حصل النهارده

نور بخوف من عصبيه سيف:بابا انا...

سيف:اخلصى يانور ايه اللى حصل

نور عيطت وخافت من سيف اكتر و حكتله على اللى حصل من اول ماخرجت من المستشفى لحد ماالشباب وصلو وخلصو مراد من عمر ورجالته نور كانت بتحكى وهى منهاره

فيروز خدتها فى حضنها:اهدى ياحبيبتى الحمدلله انك بخير

فيروز:ولما انتى وقعتى فى المشكله كلمتى مراد ليه مكلمتنيش او كلمتى اخوكى ممكن افهم

نور سكتت مقدرتش ترد

سيف:والكلب ده فين الوقت

اسر:فى المقر هو ورجالته

سيف قرب من اسر :انت عارف لو مراد كان اتاخر على اختك شويا كان هيحصل فيها ايه اظن مش محتاج انى اقولك صح

ادهم:سيف احمد ربنا ان بنتك رجعت لحضنك بخير

سليم:الكلام ده مش هيفيد بحاجه الوقت ياسيف

سيف بص على نور اللى منهارة وبتترعش فى حضن فيروز:فيروز

فيروز:نعم يابابا

سيف:خدى اختك على اوضتها عشان ترتاح

فيروز سندت نور نور قربت من سيف وهى مرعوبه اول مرة تشوفه بالعصبيه دى

نور بخوف:بابا انا اسفه

سيف:اطلعى اوضتك يانور

نور:طب ممكن تسمعنى

سيف بعصبيه وصوت عالى:قولت على اوضتك يلااااا

نور طلعت مع فيروز ومراد قلبه وجعه عليها

مراد قام من جمب ريم وقرب من سيف وهو متعصب:ممكن اعرف ياعمى لو كنت حضرتك عرفت كنت هتعمل ايه زياده عن اللى انا واسر عملناه

نور وقفت لما سمعت كلام مراد

جاسر:مرااااااد

مراد:لو سمحت يابابا.عمى انا واسر اخدنا حق نور من الكلب ده وكمان رجعنا كرامتها قدام الكليه كلها وانا كنت مراقبه كويس بطلب من اسر بعد اللى حصل بس هو كان من البيت لكليه والعكس وسالت نور اكتر من مرة انه بيضايقها وهى قالت محصلش وانه مش بيبص ليها اصلا والموضوع عدى ومحصلش حاجه وانا واسر اطمنا ان الكلب ده شال نور من راسه ممكن اعرف بقي حضرتك كنت هتعمل ايه زياده عن اللى انا عملته كنت هتحبسه مثلا احب اقولك اهله ناس واصله جداا ومش هيقبلو ان ابنهم كان يقعد دقيقه واحده فى الحبس وخصوصا انها كانت خناقه طلاب فى كليه مش جريمه يعنى ولما نور كلمتنى انا روحت على المكان اللى هى فيه وكلمت الشباب انا عمرى ماكنت هسمح لكلب ده يمس شعره بس منها نور انا افديها بروحى ياوحش يمكن غلطنا لما خبينا على حضرتك بس نور وقتها خافت مش انك تعمل مشاكل لا بنتك خافت عليك مش اكتر وقتها اسر قالها لازم الوحش يعرف وهى قالتله بلاش يااسر حياه وولاد حضرتك بيحترمكو وبيخافو عليك جدااا كمان والكلام اللى قولته من شويا مش صح ياوحش انا اسف انى اتكلمت مع حضرتك باسلوب ده عن اذنك

جاسر:سيف متزعلش منه انت عارف

سيف:روح مع ابنك ياجاسر هو تعبان وعايز يرتاح

ريم وجاسر خرجو ورا مراد والكل استاذن ومشو ومبقاش فى غير حياه واسر وفيروز خدت نور وطلعو

اسر:بابا انا اسف لو خبيت على حضرتك واسف انى مقدرتش احمى اختى من الكلب ده

اسر خرج من البيت بسرعه

حياه:ااااااسر

حياه قربت من سيف:ليك حق انك تزعل اننا خبينا عليك بس مالكش حق تقول اننا مش بنعملك اعتبار ولا بنحترمك لانك عارف كويس ياسيف انه مش صح وكلام مراد صح مافيش كلمه قالها غلط

سيف:يعنى انتى شايفه انا اللى غلطان وانتو محدش فيكو غلط مش كدا طب الولاد وهقول طايشين طب انتى ياحياه مفتكريش تعرفينى باللى حصل ولا هى بنتك لوحدك

حياه بدموع:انا مقولتش كدا ياسيف نور حلفتنى انى مجبش سيرة ليك عشان خافت عليك

سيف:هو انا عيل عشان تخافو عليا

فيروز نازله السلم بسرعه:ماااااماااا

حياه:فى ايه مالك

فيروز:نور اغمى عليها ومش بتفوق يامااما

حياه وسيف جرو على فوق حياه فضلت تحاول تفوق نور بس مش بتفوق

فيروز:شكله انهيار عصبي ياماما

حياه:لازم تروح المستشفى بسرعه

سيف شالها ونزل بسرعه على عربيته وحياه وفيروز ركبو معاه وطلع على المستشفى

بعد شويا وصلو وسيف شال نور ودخل بسرعه على الاوضه اللى نور قالتله عليها

وفيروز كانت معاها بعد فترة فيروز خرجت

حياه:اختك مالها يافيروز

فيروز:انهيار عصبي ياماما اديتها حقنه عشان تفوق بس لازم نبعد عنها اى ضغط

سيف:هى هتفوق امته

فيروز:شويا كدا هتكون فاقت

حياه:اتصلى على اخوكى يافيروز

فيروز:حاضر

فيروز فضلت ترن على اسر مش بيرد قامت اتصلت على فهد

__________________

اسر وصل المقر وهو فى قمه غضبه ودخل مكتب فهد

اسر:الكلب ده فين

فهد:مالك يااسر اهدى

اسر بصوت عالى:هو فين

عدى وكريم جم بسرعه

عدى:مالك يااسر

اسر:اللى اسمه عمر ده فين

كريم:فى الحبس

اسر راح وفتح الباب بكل قوة ودخل عمر اترعب منه اسر فضل يضرب فيه بكل قوته الشباب بعدوه عنه

فهد:ماتهدى بقي الواد هيموت فى ايدك

عدى:تعالى نقعد فى المكتب

الشباب راحو على المكتب واسر حكالهم على اللى حصل فى فيلا سيف

كريم:اللى حصل صعب يااسر وهو اب وخاف على بنته

اسر:يعنى انا مخوفتش على اختى

عدى:المفروض كنت عرفت الوحش من الاول

فهد:خلاص اللى حصل حصل مش هيتغير حاجه بكلام ده

تلفون فهد رن برقم فيروز

فهد:الو....ايوا معايا فى حاجه.....طيب هنجيلكو اهو

اسر:فى ايه

فهد:فيروز بتقول ان نور فى المستشفى

اسر:نور

اسر خرج بسرعه والشباب خرجو بسرعه وراه

_________________

مراد وجاسر وريم وصلو فيلتهم

جاسر:ممكن افهم ايه الطريقه اللى كنت بتكلم سيف بيها دى

ريم:اهدى ياجاسر

جاسر:دى الاخلاق اللى انا ربيته عليها بيرد على الكبير ده واحد كان هيموت من القلق على بنته

مراد:ماهى نور رجعت زى الفل مش حصلها حاجه يابابا انا وانت والكل عارفين ان حياه وولاده بيحترمو كويس

ريم:انا بصراحه خايفه على حياه اوى كانت حالتها صعبه لمل سمعت كلام سيف وخايفه تجيلها نوبه

جاسر:ان شاء الله خير ممكن تطلع ترتاح شويا كدا

مراد:حاضر يابابا

جاسر فونه رد برقم عدى

جاسر:الوا .....حاضر حاضر هنيجى اهو

ريم:فى ايه

جاسر:نور جالها انهيار وفى المستشفى

مراد جرى على برا وركب عربيته وطار على المستشفى

جاسر:انا خايف ابنك بتهور

ريم:انت عارف انه مش بس بيحبها ده بيعشقها ياجاسر

جاسر:عارف بس بلاش يتحدى سيف

ريم:ولادك عارفين الاصول كويس ياجاسر متقلقش

جاسر:طب يلا نروح المستشفى

ريم:يلا

________________

اسر والشباب وصلو المستشفى

اسر:ماما نور مالها

حياه:انهيار عصبي ياحبيبي من اللى حصل معاها

اسر:وهى كويسه الوقت

حياه:شويا كدا وهتفوق ان شاء الله

فهد بيدور على فيروز مش لاقيها راح على مكتبها وليه هيخبط سمع صوت عياطها فهد فتح ودخل لاقها قاعده على الكنبه وبتعيط فيروز رفعت وشها شافت فهد جرت على حضنه وفضلت تعيط وفهد سابها تتطلع كل اللى جواها لحد بعد شويا هدت لوحدها وفهد اخدها وقعدو على الكنبه

فهد:بقيتى احسن

فيروز هزت راسها باه

فهد:فيروز حبيبتى اللى حصل مع نور مش قليل وان شاء الله هتقوم بسلامه

فيروز بدموع:اول مرة بابا يتعصب كدا ويتكلم معانا بطريقه دى اول مرة اشوفه بيزعل ماما

فهد:اعذريه يافيروز هو بردو خاف على بنته

فيروز:انا عارفه والله انا لو كنت اعرف بالموضوع كنت هنصح نور تقول لبابا بس نور محكتش ليا

فهد:خلاص الموضوع خلص والكلب ده عندنا فى المقر ومش هنسيبه اهم حاجه الوقت نطمن على نور ممكن بقي تبطلى عياط

فيروز مسحت دموعها:حاضر

فهد:خلينا نروحلهم

فيروز:يلا

_________________

لين بترن على كريم

كريم:الو يالين

لين:انت فين ياكريم برن عليك من بدرى

كريم:انا فى المستشفى

لين بخوف:ليه انت كويس حد حصله حاجه

كريم:اهدى يالين

كريم حكى للين كل حاجه

لين:ازاى محدش يعرفنا انا هقول لبابا وماما ونيجى

كريم:حاضر ياحبيبتى

لين راحت بسرعه لمالك:بابا

حور:مالك يالينو

لين قالتلهم على اللى كريم قاله

حور:كل ده حصل واحنا منعرفش

مالك:طب البسو بسرعه نروحلهم

_______________

جاسر وعيلته وصلو

ريم:نور عامله ايه ياحياه

حياه:لسه مفاقتش ياريم

جاسر :هتبقي بخير ان شاء الله ياسيف

سيف هز راسه وبص لمراد ولف وشه تانى

سيف جاله اتصال من الشركه وراح لبعيد يتكلم خلص المكالمه وبيلف لاقى مراد قدامه

مراد:عمى انا اسف لو كلامى زعلك منى بس انا

سيف:انا عارف ان كلامك ده قولته من خوفك على نور لان غير كدا كان هيكون ليا تصرف تانى معاك يامراد

مراد:انا اسف بجد

سيف حضنه:انا عارف انك بتعشقها مش بس بتحبها وهى كمان بتحبك على فكرة

مراد:يعنى حضرتك موافق

سيف:انا كان نفسي تتقدملها مع الشباب بس انتى اللى زى الحجر مش بيتحرق لو عايز نجوزك مع الشباب

مراد ضحك:والله ياريت

سيف:مستعجل اوى انت

______________

فيروز جت هى وفهد ودخلت لنور اللى بدات تفوق نور فتحت عينيها:بابى

فيروز:حمدلله على سلامتك يانور

نور:الله يسلمك ايه اللى حصل

فيروز:اغمى عليكى وجبناكى على المستشفى

نور:بابى فين

فيروز:كلهم برا

نور:طب ممكن تنادى لبابا وماما واسر

فيروز:حاضر

فيروز خرجت بره

حياه:نور فاقت يافيروز

فيروز:ايوا ياماما وهى عايزاكى انتى وبابا واسر

دخلو التلاته ومعاهم فيروز لنور

حياه حضنتها:سلامتك ياقلبي انتى كويسه

سيف:عامله ايه يانور الوقت

اسر:مش بتردى ليه يانور طمنينا انتى كويسه

نور:لا مش كويسه

حياه:طب حاسه بايه ياحبيبتى

نور بانهيار:موجوعه اوى ياماما انا السبب ان بابا يتعصب على اسر وبابا عمره مازعلك وانا كنت السبب انه يزعل منك بابا انا اسفه اوى مكنتش اعرف ان كل ده هيحصل

فيروز:نور اهدى مينفعش كدا هتتعبي تانى

سيف راح قعد جمب نور من ناحيه التانيه يعنى نور بين حياه وسيف سيف حضنها وباس راسها

سيف:نور انتى وفيروز حته من قلبي واسر سندى وضهرى وحياه هى حياتى انا عمرى ماازعل منكو لو كنت اتعصبت فده من خوفى عليكو ياحبيبتى

اسر:ماخلاص بقي يانوتيلا العيله بطلى عياط بقي

نور:انا عمرى ماخبي عليك اى حاجه تانى يابابا

حياه:ربنا مايجيب اى حاجه وحشه ياحبيبتى ويحميكو

فيروز:يلا بقي عشان ننادى على الناس اللى بردو عيب كدا جايين يطمنو عليكى

نور بلهفه:مين اللى برا

سيف بهمس جمب ودنها:اللى بتفكرى فيه برا

نور بصت لسيف واتكسفت انه فهمها

فيروز خرجت قالتلهم والكل ده لنور معادا مراد اللى كانت عينيها بدور عليه الكل اطمن على نور وقضو وقت كله هزار وضحك عشان ينسوها اللى حصل معاها......

روايه عندما يقع الوحوش فى العشق ج٢

««الفصل ١٨»»

عند نور فى المستشفى الكل مشو وفضل حياه وفيروز

نور:انا جعانه يامامى

حياه:يابنتى ماالاكل اهو وانتى مش راضيه تاكلى

نور:لالا ونبي مش بحب اكل العيانين ده عايزة اكل بيتزا ونبي

فيروز:يابنتى انتى تعبانه مينفعش تاكلى حاجه من دى لازم حاجه مفيده عشان جسمك ضعيف

نور:اعملى عليا دكتورة بقي ياست فيروز

سيف دخل:عامله دوشه ليه يانور

نور:يابابي جعانه موت ومش راضيين ياكلونى

سيف بص لحياه:مش انتى جبتلها اكل

حياه:اهو وهى مش راضيه تاكل بتقول عليه اكل عيانين

فيروز:الهانم عايزة بيتزا يابابي

سيف قعد جمب نور على السرير:حبيبه بابا كلى ده الوقت عشان انتى تعبانه ولما ترجعى البيت انا هجبلك كل انواع البيتزا اللى بتحبيها

نور:يابابي انت عارف مش بحب الاكل ده

حياه:هو انا جيبالك ايه يابنتى دى فراخ وشوربه خضار حاجه تفيدك مش تقوليلى بيتزا

نور:ماشي هاكل بس مش كتير ماشي

فيروز:اى حاجه عشان تاخدى العلاج

حياه بدات تاكل نور

نور:خلاص شبعت

حياه:نعم هو انتى اكلتى اصلا

نور:خلاص يامامى ونبي شبعت

فيروز:طب يلا خدى العلاج

نور:حاضر وعايزة اروح بكرة ممكن

سيف:حاضر ياحبيبتى

فيروز:انا هروح امر كدا على الحالات واجى تانى

حياه:روحى ياحبيبتى

سيف:حياه تعالى نروح نشرب قهوة فى الكافتيريا

نور:هتسبونى لوحدى اطلبو القهوة هنا

حياه:اه ياسيف اطلبها هنا

سيف:هننزل ومش هنتاخر ياحبيبتى

حياه:هنسيبها ازاى ياسيف لوحدها

سيف:يلا ياحياه مش هنتاخر يانور

نور:حاضر

سيف وحياه خرجو وكان مراد واقف بره وماسك بوكيه ورد كبير

حياه:ماتقول كدا من الاول

سيف:يلا ادخل

مراد:تسلم ياوحش

مراد خبط على الباب وسمع نور:اتفضل

مراد ودخل ونور فرحت لما شافته بس عملت نفسها زعلانه عشان مجاش يطمن عليها من بدرى

مراد:ايه ده حبيبتى زعلانه ولا ايه

نور:وهزعل ليه يعنى

مراد:طب عينى فى عينك كدا

نور:بصلته فى عينه واتكسف وبعدت عينيها

مراد:عارف انك زعلانه عشان مجيتش اطمن عليكى اول مافوقتى بس والله جالى مكالمه من المقر وكان لازم اروح

نور:ماشي سماح المره دى

مراد:طب اتفضلى ورد لاحلى ورده شوفتها فى حياتى

نور خدت الورد وبصت لمراد ومش بتتكلم

مراد:مالك يانور

نور:هو انت مراد ولا حد تانى

مراد:مش فاهم

نور:لا اصل شايفه جبل الجليد اتحرك واتكلم بعد ماكان ساكت ومش بينطق

مراد ضحك:انتى متعرفيش انتى ايه عندى يانور ولو فضلت اتكلم العمر كله مش هقدر اوصف حبي ليكى

نور اتكسف:احم شكرااا على الورد حلو اوى

مراد:الورد بس

نور:بس بقي ممكن

مراد ضحك عليها:حاضر يانور اه فى حاجه كمان

نور:ايه

مراد طلع شوكلاته من جيبه:اتفضلى

نور:شكرا شكرا يامراد وفتحتها وبدات تاكل منها

مراد:كل الفرحه دى عشان شوكلاته

نور:انت متعرفش انا معدتى قالبه من اكل العيانين اللى ماما جيباه

مراد ضحك عليها:اكل عيانين

نور ضحكت:تعرف لو فيروز عرفت انك جبتلى شوكلاته احتمال تطردك من المستشفى كلها

مراد:خليها فى سرك بقي

نور:سرك فى بير ياكبير

مراد:كبير ماشي يانور

نور ومراد فضلو يتكلمو كتير ونور اتكشفت جانب جديد مكنتش تعرفه عن مراد وهى حنيته وطيبه قلبه اللى كان بيدريهم بوش البرود الباب خبط ودخل سيف وحياه

سيف:مش كفايه ولا ايه

مراد:انا كنت ماشي اصلا ياوحش

حياه:خليك شويا يامراد

مراد:هروح انا ياحياه احسن الوحش يدينى الكارت الاحمر

سيف:كويس انك عارف

مراد:يلا سلام بقي

مراد خرج وسيف بص لنور اللى اتكسفت

حياه حست بكسوفها:يلا يانور عشان تنامى

نور ماصدقت حياه قالت كدا ونامت بسرعه عشان تهرب من عيونهم

____________________

تانى يوم نور رجعت على البيت مع سيف وحياه

نور:اخيراااااا رجعت بيتى كان وحشنى اوى

حياه:على اساس انتى سيباه من قرن ده امبارح بس

نور:وحشنى بردو ياحياه الله

سيف:يلا يالمضه اطلعى ارتاحى

نور:حاضر يااحلى بابي فى الدنيا

____________________

فيروز قاعده فى مكتبها وباصه فى اوراق قدامها الباب خبط

فيروز:اتفضل

فهد دخل وفيروز باصه فى الورق مرفعتش عينيها فهد فضل يبصلها شوية وسحر فى جمالها فيروز رفعت عينيها تشوف مين دخل

فيروز بفرحه:فهد

فهد:عيون وقلب فهد

فيروز:تعالى اتفضل

فهد دخل قعد على الكرسي اللى قدام المكتب

فيروز:تشرب ايه

فهد:مش عايز اعطلك

فيروز:لا مش هتعطلى ولا حاجه تشرب ايه بقي قهوة ساده بردو

فهد:حفظتى انتى

فيروز:انت بتشرب غيرها اصلا .اي رايك اعزمك انا على ذوقى

فهد:موافق

فيروز:مش هتندم صدقنى

بعد شويا الباب خبط ودخل الشاب اللى بيوصل الطلبات من المطعم حط المشروبات ومشي

فيروز:اتفضل دوق وقولى رايك

فهد بيبص على العلبه اللى فيها المشروب:ايه ده يافيروز

فيروز:ده ايس كوفى

فهد:قهوة سقعانه يعنى

فيروز ضحكت:حاجه زى كدا بس طعمها حلو جدااا جربها ومش هتندم صدقنى

فهد:امرى لله

فهد شرب حبه وبص لفيروز:تصدقى لذيذ

فيروز:حبيته يعنى

فهد:حلو تغيير وكفايه انك بتحبيه ياروزة

فيروز:لما تدوقه من ايدى بقي هتحبه اكتر

فهد:قريب اوى هتبقي فى بيتى وفى حضنى وهنجرب كل حاجه

فيروز اتكسفت من كلامه:طب اشرب يلا

فهد:بتهربي انتى اهربي اهربي براحتك

الباب خبط ودخلت ممرضه:دكتورة فيروز المدير عايز حضرتك

فيروز:حاضر روحى انتى

فهد:عايزك ليه ده

فيروز:اكيد عمليه جديده

فهد:تمام اروح انا بقي المقر احسن اسر كدا هيعلقنى

فيروز ضحكت:خد بالك على نفسك

فهد:حاضر ياقلبي

______________________

فى فيلا زين ديما قاعده وبتتكلم فى الفون مع ملك

ديما:خلاص اول لما اخلص لبس هعرفك

ملك:متتاخريش بس عشان نلحق نقعد معاها

ديما:كلمتى ليان وحور وريم

ملك:انا كنت بكلم ريم وقولتها لما اقفل معاكى هكلم حور وانتى كلمى ليان

ديما:تمام والبنات هيخلصو شغلوهم وهيجو عشان يطمنو على نور

ملك:يلا روحى البسي

ديما:حاضر

ديما قفلت مع ملك واتصلت على ليان

ديما:لى لى حبيبتى وحشانى والله

ليان:والله وانتو كلكو وحشتونى مش ناويين نتجمع تانى

ديما:مانا بكلمك عشان اقولك اننا هنروح عند حياه عشان نطمن على نور ونقعد سوا

ليان:انا كنت هروحلها بردو والله خلاص هتروحو امته

ديما:هنلبس اهو ماحنا هنتغدى كلنا سوا

ليان:قشطااا اوى يلا سلام وانا هروح البس

ديما:باى

________________

فى الشركه عند سيف كلهم قاعدين فى اوضه الاجتماعات الموظفين كلهم خرجو وفضل الوحوش

سيف:انتو معزومين عندى النهارده حياه والبنات اتفقو سوا وحياه قالتلى اعرفكو ومافيش حد هيعترض

سليم:والله انا بحب جمعتنا دى

زين:ربنا يخلينا لبعض

ادهم:يارب

مالك:ولا يحرمنا من اكل حياه

كلهم ضحكو عليه

الباب خبط ودخل مراد وفارس

مراد:ازيكو ياوحوش

الوحوش:الحمدلله

جاسر:انتو بتعملو ايه هنا

فارس:الوحش الكبير طلبنا

سيف:تعالو ياشباب عايزكوو قعدو خلينا نتكلم

مراد وفارس قعدو مع الوحوش وبدا سيف يتكلم..

_____________________

فى المستشفى عند البنات

فيروز:هنخلص كلنا سوا عشان هنروح كلنا عند حياه

ملاك:اه ماما كلمتنى وقالتلى وانا خلصت شغلى

لين:احلى يوم ده ولا ايه

كارما:انا اساسا خلصت شغلى

فيروز:طب يلا بقي

__________

حياه فى المطبخ

البنات:احنا جينا

حياه:نورتو ياحبايبى تعالى

ملك:والله انا بنعشق اليوم اللى بنتجمع فيه عندك

حور:طبعاال من عند حياتنا

ليان:الله الله ايه الروايح الحلوة دى انا جوعت

ديما:انتى مش هتتغيرى ابداا ياليان

ريم:متبقاش ليان

كلهم ضحكوو

______________

عند نور فى اوضتها

هنا:كملى بقي

نور:ده بس اللى حصل مكنتش مصدقه لما قالى بحبك

هنا:واخيراااا

نور:بس مراد مش الشخص البارد الى احنا عرفينه ده حنين اوى وكفايه طيبه قلبه

هنا:البرود ده شئ طبيعى اخده من شغله

البنات سمعو صوت ضحك جاى من تحت

نور:ايه ده شكلهم وصلو تعالى ننزل

هنا:يلا

نور وهنا نزلو كانو الماميز فى المطبخ بيجهزو الاكل وبيهزو ويضحكو

نور:الله الله ايه اللمه القمر دى

حور:حبيبه عمتها تعالى فى حضنى

نور حضنتها:حبيبتى يااحلى وارق عمتو

ديما:عامله ايه يانور

نور:انت بخير يادمدومه

ملك:هى بس كانت عايزة تعرف غلاوتها عندنا مش كدا

ليان:كلهم غاليين اوى علينا

حياه:ربنا يباركلنا فيهم

الكل بصوت عالى:ياااااااااارب

سيف والوحوش دخلو الفيلا وسمعوهم

ادهم بصوت عالى:بتدعو على مين

زين:ربنا يستر من جمعتهم دى

مالك:ان كيدهن عظيم

كلهم خرجو من المطبخ

حياه:حمدلله على السلامه

الوحوش:الله يسلمك

ديما:لسه الشباب والبنات مجوش ليه

اسر داخل ووراه الشباب ماعدا مراد وفارس

اسر:نحن هنا يابشر

كريم:سمعو عليكوووووو

حور:وعليكم السلام ياحبيبى

ادهم:مين هيشهد للعروسه

كريم بهمس لعدى:مين العروسه

عدى بضحك:انت ياكيمووو

كريم:بقي بتغلط فيا يادومى قدام حمايا وحماتى حبيبتى

حور:محدش يقدر يغلط فيك طول مانا موجوده

اسر قرب من ديما:ياسيدى ياسيدى شايفه الحموات يادمدومه

ديما:قصدك ايه بقي ياسى اسر انى حماه وحشه مثلا

اسر بغمز:دانا حماتى مزة المزز هو فى كدا حلاوة

زين:ماتلم ابنك ده ياسيف بدل مااتصرف معاه

سيف:ماتتصرف

اسر:بقي بتبعنى ياحاج

ديما:بس يازين ده جوز بنتى حبيبي

عدى:ايه ياحماتى مش هتعملى زيهم ولا ايه

ملك:انت عارف غلاوتك ياعدى عندى

كل واحد راح قعد جمب حماته

سليم:هو النهارده يوم الحموات ولا ايه

مالك:شكلها كدا كل واحد هيقعد جمب حماته

ادهم:ياعينى عليكو ياوحوش محدش معبركووو

كريم لفهد:وانت يافهوده مش هتقعد جمب حماتك ولا ايه

سيف بص لفهد برفعه حاجب

فهد:انا اقدر بردو دى ملكيه خاصه دكويس انى بقدر اقرب من مراتى

حياه:انت زى اسر عندى والله يافهد ربنا يبارك فيكو

فهد:حبيبتى ياحياه انا اسف ياوحش

سيف:متاخدتش عليها يااخويا

فيروز والبنات وصلووو

فيروز:السلام عليكم

الكل:وعليكم السلام

عدى:ايوا كدا القاعده هتحلوو

ملك ضربته على دماغه:على اساس انها كانت وحشه يااستاذ عدى

عدى:مين قال كدا بس

اسر:جبت ورا يعنى

كريم:دى حماته تفشكل الجوازه فى ثانيه

كلهم ضحكووو

جاسر:ايوا بقي كل واحده تقعد جمب حماها

ملاك:ليه ياعمو فى ايه

زين:لا اصل كل واحد من الشباب قاعد جمب حماته وهما ياعينى غلابه مش لاقين حد يقعد جمبهم

ملاك قربت من جاسر وحضنته:انت حبيبي ياجسورة

ريم:جسورة الحق مراتك ياعدى

عدى:دى عمرها مادلعتنى ياست الكل وحياتك

ملاك:متزعليش بقي ياريمووو وتغيرى وكلام من ده

ريم:لا براحتك خالص ياملاك هانم

لين راحت وقفت جمب ادهم :وحضرتك عامل ايه ياعمو

ادهم:بخير ياروح قلب عمو تعالى فى حضنى

كريم:ايه يابابا مالك

ادهم:اخرس انت بقالك ساعه بتعاكس فى حور ومحدش اتكلم

اسر:وانتى ياكوكى مش هتنضمى لحماكى ولا ايه

كارما:طبعا عمو سيف عارف غلاوته عندى

سيف حضن كارما:وانتى حبيبتى ياكرملتى ومعزتك معزت فيروز ونور

اسر:ايه ياعم الوحش مش كفايه احضان ولا ايه

سيف بهمس لكارما:هيموت من الغيرة اخده بالك

كارما:جداااا

سيف:ايه رايك نزود كمان

كارما:حرام ياعمو اسر طيب والله

اسر:بقالكو ساعه بتهمسو بتقولو ايه

سيف:اسرار يااسر اسرار

اسر:قولتى اسرار ماشي ياوحش

فيروز بصت على فهد حسته زعلان عشان باباه ومامته فيروز قربت وقعدت جمب فهد اللى قاعد جمب حياه ومحدش واخد باله غير حياه

فيروز بهمس:ياترى انا كل حياتك زى مانت كل حياتى

فهد ابتسم:انتى روحى يافيروز

حياه بهمس ليهم:ربنا يخليكو لبعض

فيروز وفهد بصو لحياه وفيروز اتكسفت

حياه:يلا يابنات تعالو نكمل تحضير الاكل وانتو ياشباب ظبطولنا القاعده برا فى الجنينه

الشباب:حاااضر

نور بهمس لهنا:هو مراد وفارس فى مهمه النهارده

هنا:لا لما كلمت فارس مقالش انه رايح مهمه

نور:اومال مجوش ليه

هنا:يمكن فى الطريق ولا حاجه

نور:يمكن يلا تعالى نروح المطبخ معاهم

هنا:يلا........

الفصل التاسع عشر من هنا

الجزء الثاني من هنا

لقراءة الجزء الاول جميع الفصول كامله من هنا