تحميل رواية «عروسة وضرتها يوم فرحها» PDF

ل

دخلت مروه القاعه وبصت لقت نورهان اعز صاحبتها قاعده في الكوشه ب فستان الفرح

مروه _ اي ده انا مش فاهمه حاجه هي نورهان

قاعده مكاني بتعمل اي ، ولقيت حماتي بصت ليا وقالت

الحما _ اي يا حبيبتي ده انا كنت فاكراكي هتفرحي لما تعرفي ان ابني هيتجوز صاحبتك اهو يلا نكون اصحاب ومتجوزين نفس الراجل

وقبل ما نبدا الحكايه اعرفكم بنفسي

انا نورهان كنت مخطوبه وفي يوم

كانت نورهان صاحبتي عندي وقالت

نورهان _والله يا مروه انا مش عارفه انت مستحمله حماتك دي ازاي

دي صعبه جدا يا بنتي

نورهان _شريف طيب قوي يا نورهان ما تعرفيش هو بيحبني ازاي ولازم استحمل مامته

نورهان _بس لدرجه اني مش عايزاكي تروحي الفيلا لحد دلوقتي وهي اللي فرشتها كلها ده حقك يا بنتي

مروه _لو فيها اي تغييرات انا ممكن اغيرها بعد الجواز مش عايزه اعمل مشاكل مع شريف

نورهان _والله ربنا يقويكي على اللي انتي فيه ده يا حبيبتي انا لو مكانك عمري ما هستحمل

العيشه دي

مروه _لو حبيتي واحد زي شريف هتعملي علشانه اي حاجه ما تعرفيش هو طيب ازاي وحنين عليا ده كفايه أن هو اللي جايب الحاجه

كلها لما عرف أن أنا يتيمه

نورهان _ربنا يسعدكم ببعض يا قلبي ويخليكم لبعض دائما انا همشي بقى علشان ورايا شغل كتير وبجد مش عارفه اشكرك ازاي علي

الشغل اللي جبتي ليا ده

مروه _يا بنتي انتي اختي وانتي عارفه ان كنت شغاله مع شريف في شركه واول ما اتخطبنا رفض ان هتكمل شغل وما فيش احسن منك تكوني مكاني ،. بعدها نورهان قامت وقفت

نورهان _ طيب امشي أنا بقي علشان

لو راح الشركه ومكنتش انا فيها احتمال يمشيني

منها

مروه _اكيد هتكوني معايا في الكوافير من بدري باذن الله يوم الخميس انتي عارفه ان انا مليش حد غيرك

نورهان _طبعا يا بنتي ازاي تقولي كده ده انتي اختي حبيبتي هو انا ليا غيرك برده

مروه _ ربنا يخليكي وبعدها مشيت من عندي وخرجت مرات عمي من الاوضه وقالت

عايده _مش فاهمه يا حبيبتي ايه الشنط اللي جوه دي هو انتي ناويه تاخدي معاكي حاجه وانتي ماشيه ولا ايه.، وانا قومت وقفت وقولت

ليها

مروه _دي شويه هدوم يا بنات عمي انا كنت شاريها من ايام ما كنت بشتغل

عايده _ لا والله يا حبيبتي وانتي خطيبك بقى محتاج شويه الهلاهيل اللي انتي جايباهم جوه دول

مروه _ طيب انا هسيبهم ليه ما انا كده كده خلاص اشتريته

عايده _بالنسبه للست اللي شالتك فوق دماغها الفتره دي كلها ايه ملهاش نصيب تاخد حاجه الهدوم دي انتي مش هتاخديها انا هاخدها

مروه _ ماشي يا مرات عمي خدي اللي انتي

عايزه بعد اذنك وبعدها دخلت اوضتي

وفي فيلا شريف كان نازل من اوضه وأمه

قالت

الام _ايه يا حبيبي رايح فين بدري كده اكيد مش هتروح الشركه يعني اليومين دول

شريف _صباح الخير يا ست الكل لا رايح اخلص شويه حاجات وراجع على طول انتي كنتي عايزه حاجه

الام _اه عايزاك تنفذ كلامي اللي قولتلك عليه مش كفايه وفقت انك تتجوز البنت اللي كانت شغاله عندك دي

شريف _تاني يا ماما كلام في الموضوع ده مش خلاص قفلناه بقى ده انا فرحي خلاص كلها يومين

الام _وما فيش فايده في كلامي يا ابني حرام عليك هتعمل في ايه اكثر من كده

شريف قرب منها وباس دماغها وقالها

ارجوكي يا ماما بلاش تنكدي عليا الفتره دي خالص لو بتحبيني بجد

الام _اخس عليك يا شريف وانا بنكد عليك برده هو معنى ان انا عايزاك تكون سعيد تقولي كده

شريف _والله انا سعيد مع مروه ما تعرفيش انا بحبها ازاي وعمري ما هكون سعيد مع حد غيرها

الام _خلاص يا حبيبي ماشي روح وبعدها

مشي واتصلت أمه ب اختها فاطمه

فاطمه _ايه عملتي ايه وافق برده يتجوز الثانيه ولا ايه

الام _مش عارفه البنت دي عملوا ايه مش راضي خالص مع ايه قولتله اتجوزها

فاطمه _بقولك ايه البسي وتعالي وانا عندي حل الموضوع ده

الام _مسافه السكه وجايه ليكي اهو وبعدها

راح شريف الشركه وقابل نورهان

شريف _ نورهان لو سمحت عايزك تعرفي

الشركه كلها ان فيه ميتيج مهم ولازم

الكل يكون موجود

نورهان _حاضر يا استاذ شريف هبلغهم

وبعدها دخلت مكتبه

شريف _خير يا نورهان في حاجه مالك واقفه كده ليه

نورهان _ بصراحه كده يا استاذ شريف انا عندي موضوع مهم عايزه اتكلم معاك فيه بس خايفه

تزعل مني

شريف _ ادخلي في الموضوع عالطول

نورهان _انا اه شغاله معاك بقالي فتره قليله بس بامانه ما شفتش منك حاجه وحشه وعايزاك تحرص شويه من مروه

شريف _ خير يا نورهان ليه بتقوليلي الكلام ده هو في حاجه حصلت

نروهان _لا بس انا عارفه مرات عمها اكيد بتحاول تسخنها تعمل ايه معاك بالظبط ده كفايه ان هي دبست حضرتك في الجهاز كله

شريف _ وهو انتي عرفتي الكلام ده منين بقي

نورهان _والله انا المفروض ما اتكلمش معاك في الموضوع ده بس انا كنت قاعده وعايزه عماله تتكلم معاها ان انت غني ومبسوط وتقدر تجيب كل حاجه

شريف _ وانتي شايفه مروه ايه بقى

عايده _مروه كويسه وبنت ناس بس المشكله ان هي متربيه مع مرات عمها وهي خليتها

انانيه انا والله بحاول اتكلم معاها ان هي

لازم تتغير بس للاسف مرات عمها مسيطره

عليها * وفي الوقت ده دخلت ام شريف وخالته

الام _كنت قريبه منك هنا انا وخالتك قولت اجي اشوفك

شريف قام وقف وقال

شريف _خبر ابيض يا ماما دي الشركه شركتك تعالي اتفضلي اتفضلي يا خالتي

الخاله _ معلش يا حبيبي انت عارف ان انا عندي سكر انا عايزه ادخل الحمام

عايده _ اتفضلي معايا يا فندم وانا تحت امرك

وبعدها خرجت معاها

شريف _خير بقى يا امي قوليلي انتي جايه عايزه ايه بالظبط انا عارف ان انتي جايه ليا مش صدفه

الام _اسمع يا ابني انت عارف ان الشركه وكل حاجه باسمي انا مش كده انا مستعده اكتبلك الشركه باسمك بس بشرط واحد

شريف _ده ايه الشرط ده يا امي

الام _انك تتجوز قبل ما تتجوز اللي اسمها مروه دي تتجوز واحده على مزاجي انا

شريف _ايه الكلام اللي انتي بتقوليه ده يا امي ده انا فرحي بعد بكره هتجوز ازاي وبعدين ايه الشرط الغريب اللي انتي بتقوليه ده

الام _ده الشرط الوحيد اللي هيكون قدام منك هتتجوز يا اما ملكش دعوه بالشركه دي خالص

شريف _معقول يا ماما انتي هتعملي فيا انا كده

بس برحتك الشركه عندك اهي شوفي هتعملي فيها ايه وانا هسبها

الام _معقول هتسيب مستقبلك علشان خاطر مروه

شريف _مش علشان خاطر مروه يا امي عشان خاطر الكلام اللي انتي بتقوليه انا ماشي وبعدها

مشي وجه عندي البيت وأنا فتحت ليه وقولت

مروه _ايه ده معقول شريف غريبه يعني ما قلتش ان انت جاي ليه

شريف _معلش يا مروه انا مخنوقه شويه وكنت محتاجه اتكلم معاكي فاضيه

مروه _ايوه يا حبيبي طبعا تحت امرك اتفضل ادخل في ايه

شريف _بصراحه ماما شرط عليا شرط صعب جدا يا اما اسيب الشركه

مروه _ ينهار ابيض وناوي تعمل اي لما

تسيب الشركه وبعدين اس الشرط ده

شريف _والله مش عارف اقولك ايه يا مروه

وفي الوقت ده خرجت مرات عمي وقالت

عايده _ما تزعلش مني اني هتدخل في الحوار بس لازم يا شريف تسمع كلام امك اه

مروه _اي يا مرات عمي في ايه وانتي واقفه بتسمعي احنا بنقول ايه

عايده_اسكتي انتي مش عايزه اسمع صوتك اي حاجه مامتك هتقولك عليها اكيد في مصلحتك مش كده ولا ايه

شريف _انا مش عارف اعمل ايه بالظبط

مروه _طيب هو انا ممكن افهم ايه الشرط اللي مامتك شرطه مش عايزانا نقعد معاها في الفيلا

شريف _الموضوع مش كده خلاص يا مروه انا همشي وانا عارف ان هقدر احل المشكله دي

مروه _طب انت شكلك متضايق اقعد معايا شويه لحد ما تبقى كويس

شريف _لا معلش سيبيني على راحتي وبعدها مشي ولقيت مرات عمي واقفه عامله تبصلي

عايده _تفتكري يا بت يا مروه امه عايزاه يعمل ايه

مروه _انا داخله اوضتي مرات عمي ربنا يعدي اليومين دول على خير وبعدها روح شريف الفيلا

شريف _هو انا ممكن اعرف يا ماما انتي ليه مش حابه مروه بالطريقه دي

الام _معنى ان انت جيت الفيلا تاني يبقى انت بتفكر في كلامي مش كده

شريف _بس انا عايزه اعرف السبب اشمعنى هي البنت دي اللي انتي عامله كده

انا خطبت كذه مره وانتي عمرك ما قولتي كده

الام _انا كلامي خلص عايزه اسمع ردك دلوقتي وكفايه عليا ان انا اخليك تتجوزها

شريف _ موافق يا ماما اعملك اللي انتي

عايزه بس هلاقي عروسه بسرعه كده

الام _ الف مبروك يا حبيبي سيب الموضوع

ده عليا أنا الف الف مبروك يا حبيبي

وجه يوم فرحي وكنت في الكوافير وكنت عامله اتصل ب نورهان

ومكنتش بترد عليا وبعدها اتصلت ب شريف

شريف _ مالك صوتك عامل ليه كده يا حبيبتي

مروه _ اول مره احس ان انا يتيمه كده محدش

معايا في الكوافير خلاص ومش عارفه نورهان

راحت فين عامله اتصل بيها مش بترد عليا

شريف _ مش عايزك تزعلي يا حبيبتي مهما

ان حصل انهارده

مروه _ هو مال صوتك فيه اي حاسك مضايق ليه كده

شريف _ ابدا مافيش اي حاجه وبعدها خلصت

وجه شريف اخدني من الكوافير وروحت القاعه

وبصيت لقيت نورهان اعز اصاحبي قاعده في الكوشه ب فستان الفرح

مروه _ اي ده انا مش فاهمه حاجه هي نورهان

قاعده مكاني بتعمل اي ، ولقيت حماتي بصت ليا وقالت

الحما _ اي يا حبيبتي ده انا كنت فاكراكي هتفرحي لما تعرفي ان ابني هيتجوز صاحبتك اهو يلا نكون اصحاب ومتجوزين نفس الراجل

وانا اول لما سمعت الكلام ده وقعت واغم

عليا ولما فوقت لقيت الكل واقف عند السرير

مروه _ هو في ايه بالظبط هو ايه اللي حصل

حماتي _هو انت بتساليني احنا يا اختي مش كفايه ضيعتي على ابني فرحته

مروه _ هو انت هتتجوز نورهان يا شريف

طيب ازاي وليه عملت فيك اي علشان تعمل

فيا كده

حماتي _ بقولك احمدي ربنا اصلا ان

ابني عبرك واتجوزك هو حر بقي يعمل

اللي هو عايزو

شريف _ ارجوكي يا ماما سبينا لوحدنا شويه

بس وبعدها الكل خرج وقالي

شريف _سامحيني يا حبيبتي انا كنت اناني والله انا عارف بس لو ما كنتش عملت كده كانت الشركه هتروح من ايدي

مروه _مش لقيت الا نورهان صاحبتي ازاي تعمل فيا كده

شريف _اصبري بس لحد ما الشركه تكون باسمي واوعدك هطلعها وهنعيش حياتنا لوحدنا

وبرا كانت حماتي وافقه ونورهان وبعدها

تلفون نورهان رن ووفقت علي جمب

وردت

نورهان _الو ايوه يا عايده ازاي تتصلي بيا في وقت زي ده انتي عايزاهم يعرفوا ان احنا كنا متفقين مع بعض

عايده _ بقولك اي أنا عملت كل اللعبه دي وخليتك تتجوزي شريف نفذي بقي وعدك وبعدها حماتي قربت منها وقالت

الحلقه التانيه

وفي الوقت ده نورهان قالت ليها

نورهان _ ما هو انا اكيد مش هنفذ وعدي يوم دخلتي يعني اصبري

عايده _ والله يا نورهان لو كنتي بتضحكي عليا وما تدينيش الفلوس اللي قولتي متعرفيش

انا هعمل فيكي اي

نورهان _ اقفلي السكه بقي دلوقتي وبعدين

نكمل كلمنا احسن وفي الوقت ده خرج

شريف وراحت نورهان جمبه

نورهان _ انت ازاي تسيبها وهي في الحاله دي يا شريف خرجت ليه

شريف _ هي عايزه تكون لوحدها النهارده يا نورهان مش عايزه حد يكون معاها

نورهان _ مش بمزاجها احاول تكون قريب ليها ما ينفعش تسيبها ارجوك انا خايفه عليها

اوي

شريف _ هو انتي بتتكلمي بجد انتي بتحبي مروه فعلا طيب ازاي طيب ليه وافقتي عليا

نورهان _ اكيد هفهمك كل حاجه بس مش وقته اتفضل ادخلها وحاول تكون جنبها النهارده

شريف _ هحاول وبعدها دخل وراحت

حماتي وفاطمه اختها جمب نورهان وحماتي قالت

حماتي _ نعم يا اختي هو انا جايباكي هنا عشان تخليها ليه امال انتي بتعملي ايه ولازمتك ايه في البيت ده

فاطمه _ سيبيها انا عارفه نورهان بتعمل ايه دي بتلعب على كبير قوي لازم توضحله ان هي قلبها عليه يا بنتي هو انا اخترتلك اختيار غلط

ولا ايه

نورهان _ ايوه عندك حق وده اللي لازم يحصل لازم شريف يعرف ان انا قلبي عليه وعليها هي كمان

فاطمه _ مش سهله انتي يا نورهان من يوم ما شفتك وانا بقول عليكي كده.

وبدأت

نورهان تفتكر يوم ما كانت في الشركه

وكانت مع فاطمه بتوديها الحمام

# فلاش باك

فاطمه _ هو انتي صاحبه مروه مش كده شفتك معاها كام مره

نورهان _ اه زميلتها ولما هي قعدت من الشغل انا جيت اشتغلت هنا

فاطمه _ طيب ايه رايك فيها

نورهان _ هي صاحبتي اه بس بحس ان هي طماعه ومش بتفكر الا في نفسها وبس وجوزها من شريف ده مصلحه حد غني ومعاه فلوس

تبعد عنه ليه

فاطمه _ واضح عليكي ان انتي ذكيه جدا هو انتي مخطوبه او متجوزه

نورهان _ للاسف لا لسه ما لقيتش ابن الحلال اللي يستاهلني

فاطمه _ شكل ابن الحلال ده هيقرب على بابك قريب بس بشرط

نورهان _ جايبه ليا

عريس ولا ايه وكمان بشرط

فاطمه _ اه طبعا انا عندي استعداد اجوزك شريف ابن اختي بس اعرف عنه كل اخبارو

نورهان _ ومين قالك أن انا موافقه اساسا

بكلامك ده

فاطمه _ معقول ترفضي تتجوزي شريف وارتاحي

من اللي انتي فيه ده

نورهان _ بقولك اي بلاش الطريقه دي معايا

قوليلي انتي عايزه تعرفي اي بالظبط عن شريف

وانا هقولوا ليكي

فاطمه _ مش دلوقتي بعد ما تتجوزي

وفعلا راحت كلمت حماتي عليها واتجوزت

نورهان من شريف

حماتي _ لما اشوف اخرتها يا فاطمه معاكي مع اللي انتي جبتيهالي دي كمان

نورهان _ كل السعد والهنا والله يا حماتي وبكره تقولي وبعدها دخلت نورهان اوضتها وحماتي

كمان وتاني يوم صحيت نورهان وخبطت

علي اوضه شريف وخرج ليها شريف وقال

شريف _ ايه ده هو انتي لابسه كده ورايحه فين

نورهان _ رايحه الشركه يا حبيبي مش هينفع انا وانت نقعد في يوم واحد

شريف _ هو انتي بتتكلمي بجد هتروحي شركه وانتي لسه عروسه ازاي يعني

نورهان _ خليني واقعيين شويه انت اتجوزتني علشان خاطر الشركه تبقى باسمك وانا اتجوزتك علشان خاطر عايزه احس بنفسي شويه احنا مش متجوزين عن حب وشويه وكل واحد هيروح ل حاله

شريف _ وطي صوتك مش عايز ماما تسمع اي كلام

نورهان _ مش عايزاك تخاف يا شريف مامتك مش هنا اساسا على العموم انا نازله ولو

فيه اي حاجه هكلمك في التلفون ،

وبعدها

راحت الشركه ودخلت مكتب شريف واقعد علي

المكتب ودخل ليها احمد زميلها

احمد _ هو الكلام اللي انا سمعته ده حقيقي انتي فعلا اتجوزت شريف طيب وانا كنت ايه بالنسبه ليكي

نورهان _ لما تتكلم مع صاحبه الشركه يا احمد يبقى صوتك واطي ما ينفعش الطريقه اللي انت بتتكلم بيها دي

احمد _ انتي ازاي كده حسبي الله ونعم الوكيل فيكي كنت معشماني ب الجواز وانتي عينك على شريف تتجوزي جوز صاحبتك

نورهان _ والله هو جه لحد عندي وقالي عايزه اتجوزك يا نورهان هقوله لا واعمل حسابك ان انا بقيت مديرتك في الشركه مش نورهان الموظفه

واقدر اجزيك علي اللي أنت بتعمله ده

احمد _ مش لو قعدت ليكي في الشركه اصلا انا ماشي وبعدها خرج ودخل حسام ابن خاله

شريف

حسام _ بجد لما كلمتيني وقولتيلي ان انت موجوده هنا في الشركه ما صدقتش معقول تعملي كده

نورهان _ اقعد يا حسام علشان نعرف نتكلم

اول لما مامتك قالتلي ان هي عايزه تعرف اخبار شركه شريف قولت علشان اكيد شركتك انت تنجح وهو لا

حسام _ هو الموضوع مش كده بالظبط بس

انا عايز اعرف هو بيتعامل مع مين علشان

عايز اتعامل معاهم

نورهان _ وانا موافقه قصاد ان شركه شريف تقع وميعرفش يشتغل تاني

حسام _ معقوله انتي اللي بتقولي كده ازاي يعني انا كنت فاكر انك مش هتوافقي اساسا انك تساعديني

نورهان _ وليه مهو اكيد مصلحتي هتكون معاك

انت يبقي لازم تقف جمبك مش أنت

برضه هتكتب ليا شيك بمليون جنيه

حسام قام وقف وقال _ازاي يعني لا طبعا المبلغ ده كبير جدا ومش هقدر عليه

نورهان _ والله المكاسب اللي حضرتك هتكسبها بعد كده مش هيفرق معاك المبلغ ده وعالعموم انا مش عايزه المبلغ دلوقتي برحتك

خالص

حسام _ طيب سيبيني افكر وباذن الله هنتفق

انا لازم امشي دلوقتي علشان مش هينفع

اكون هنا علشان محدش يبلغ شريف

نورهان _ عين العقل والله وفي اوضتي

انا كنت رافضه الاكل تماما وكان

شريف قاعد قدامي ومعاه صنيه الاكل

شريف _ ارجوكي يا مروه تاكلي اي حاجه انتي من امبارح ما اكلتيش لقمه

مروه _ خلاص انا فكرت يا شريف وبجد مش عايزه اكمل معاك انا عايزه اطلق

شريف _ والله العظيم انا عمري ما هيكون في حاجه بيني وبين نورهان دي قولتلك هي مساله وقت بس الشركه تتكتب باسمي وبعد كده هعملك اللي انتي عايزاه

مروه _ انا مش عايزه اكمل معاك حياتي

شريف _ طيب انا هسيبك وقت تهدي وبعد كده نبقى نتكلم مش هينفع تتكلمي في اي حاجه دلوقتي او تاخدي اي قرار

مروه _ انا ماشيه يا شريف وارجوك عايزه ورقه طلاقي وبعدها مشيت من البيت ولقيت حماتي

دخلت وقالت

حماتي _ سيبك منها يا حبيبي وفكر في اللي بتفكر في مستقبلك نورهان يا حبيبتي راحت الشركه من بدري علشان خاطر تكبر شركتك

شريف _ارجوكي يا ماما انا مش عايز

اي كلام خالص سبيني في حالي ارجوكي وبعدها

خرج من الاوضه واقعد في الصاله واتصلت حماتي ب اختها

الحما_ ايوه يا فاطمه مش عارفه ليه انا حاسه ان انا ظلمت الواد ده زعلان جدا يا حبيبي

فاطمه _ لا والله هو انتي هترجعي في كلامك ولا ايه قولتلك البنت دي مش كويسه وفي ناس كثيره قالوا ليا كلام عليها مش كويس

الحما _ طيب ما تخليني اقوله الكلام ده يمكن ينساها ويرجع عن اللي في دماغه ده

فاطمه _ لا شجعي أنه يطلقها وهتبقى كسره كبيره ليها أنه طلقها يوم الصباحيه

الحما _ والله ما عارفه اعمل اي وبعدها

جت نورهان وكان شريف قاعد

في الصاله لوحدو

نورهان _ ايه ده مالك قاعد كده ليه وبعدين امال فين مروه مش شايفاها قاعده

شريف _ مروه خلاص سبت البيت مش عايزه ترجع تاني مصممه على الطلاق

نورهان _ اوعى تعمل كده اوعى تطلقها انت لازم ترجعلها

شريف _ ساعات بحس ان انتي كويسه وساعت بحس انه لا مش فاهمك بالظبط يا نورهان

نورهان _ بكره هتعرفني بجد المهم كنت عايزه

اقولك حاجه انهارده حسام جه الشركه وكان

عامل يتكلم معايا كده كلام مش فاهمها

شريف _ كلام زي اي يعني

نورهان _ مش عارفه بس حاسه انه مش كويس

عايزك تاخد بالك منه هو مش ابن خالتك

اه بس بحس انه بيغير منك

شريف _ ده حقيقي بس انا مش قادر

لاي كلام في الشغل خالص

نورهان _ حاضر ماشي انا هقوم اعمل الاكل

يا شريف علشان خاطري تاكل وبعدها

دخلت ، وانا روحت شقه مرات عمي و كنت قاعده وقالت ليا

عايده _ والله كنت عارفه انك عامله زي القرش البراني هتروحي وترجعيلي ثاني ايه اللي جابك

مروه بعياط _ ارجوكي انا مش قادره اي كلام دلوقتي اوعدك هسيب البيت بس القي مكان

اعيش فيه

عايده _ طيب ممكن افهم هو ايه اللي حصل بالظبط

مروه _ والله ما قادره لاي كلام قولتك وفي

الوقت ده الباب خبط وفتحت عايده وكان حسام وقالت

عايده _ خير يا اخويا انت مين ان شاء الله وعايز ايه

حسام _ مساء الخير انا حسام ابن خاله شريف كنت عايز مروه بس اتكلم معاها شويه

عايده _ هو في ايه بالظبط ما حد يفهمني وبعدين هو انت عرفت منين ان هي هنا

حسام _ ارجوكي خليني ادخل اتكلم معاها بس

وبعدها دخل

مروه _ حسام خير ايه اللي جابك هنا

حسام _ كنت عايزه اتكلم معاكي على انفراد لو سمحت

عايده _ اه وماله هدخل اعملكم الشاي

وبعدها دخل

مروه _ بقولك ايه يا حسام لو شريف اللي بعتك علشان تتكلم معايا انا مش عايزه اتكلم معاك في اي حاجه تخصه وارجوك تخليه يطلقني من غير مشاكل

حسام _ شريف اصلا ما يعرفش ان انا هنا وانا جاي اشجعك على اللي انتي عايزه تعمليه اطلبي الطلاق ما ينفعش تعيشي معاه

مروه _ وانت جاي تقولي كده بقى عشان تشمت فيه انا عارفه انك عمرك ما حبيته دايما بتمنله الشر

حسام _ والله ابدا بس انتي صعبانه عليا اللي عامله فيكي قوي بجد انت ملكيش ذنب في اي حاجه ومينفعش تعيشي معاه واحد زي ده

وفي الوقت ده مرات عمي كانت سامعه الكلام

واتصلت ب نورهان

نورهان _تاني بتتصلي بيا مش قولتلك ما ينفعش تكلميني خالص الفتره دي وهبقى اجيبلك الفلوس اللي انتي عايزاها

عايده _ اسمعيني عايزه اقولك ايه حسام ابن خالت شريف هنا وعمال يشجع مروه على الطلاق ومش فاهمه فيه اي بالظبط

نورهان _ نهارك ابيض يا حسام انت بتلعب من ورايا طيب وربنا لاوريك

عايده _ طيب انا خايفه امشي مروه دلوقتي هو يجيبلها مكان تقعدها فيه خليها هنا قصاد عيني

علشان اعرف اي اللي بيحصل

نورهان _عندك حق ولو في اي حاجه ابقى اتصلي بيها في اي وقت

عايده _ ماشي وبعدها قفلت السكه وكانت عايده

حطت الاكل علي السفره وحماتي قالت ليها

الحما _ ايه ده هو انتي جايبه ليه انا وشريف بس اللي ناكل هو انتي مش هتاكلي

نورهان _ اصل انا تعبانه طول النهار في الشغل وهدخل انام

شريف _ نورهان حقك عليا انا اسف في اي كلمه قلتهالك تزعلك بجد انتي واضح عليكي انك بنت اصول ويا ريت ما تزعليش مني

نورهان _ مش وقت والكلام ده خالص يا شريف خلاص اكل وتعالي الاوضه عايزه اتكلم معاك شويه وبعدها دخلت نورهان وكلمت الدكتور

الدكتور _ الو ايوه خير يا استاذه نورهان في ايه

نورهان _ انا متصله أكد عليك معقول الحاجه

اللي اخدتها منك دي هتعمل اللي اتفقنا عليه

الدكتور_ شهر بالظبط وهتلاقي عندهم دمور

في الاعصاب ومش عارفين يتحركوا

نورهان _ والله يبقي ليك الحلاوه لو حصل

كده ، وفي الوقت ده دخلت حماتي وقالت

الحما _ مين اللي هيكون ليه الحلاوه يا نورهان

الحلقه الثالثه والاخيره

وفي الوقت ده هي قفلت الموبيل وبعدين قامت وقالت

نورهان _ الدكتور يا حماتي اصل انا عايزه .احمل

بسرعه وقولت اكلم الدكتور اخد منشط ولا اخد

حاجه

الحما _ مش عارفه ليه قلبي مبقاش مرتاح

ليكي يا نورهان

نورهان بدموع _ اخس عليكي يا حماتي

معقول تقوليلي كده ليه هو انا عملت حاجه

الحما _ اتمني اكون انا الغلط وانتي الصح

وبعدها بكام يوم راح محضر ل بيت شريف

وفتحت ليه نورهان

المحضر _ عايز استاذ شريف علشان

ياخد مني الورقه دي

نورهان _ معلش ممكن اعرف هي فيها

اي أنا مراته

المحضر _ مراته ازاي اذكان مراته رافعه

عليه قضيه خلع ،. وفي الوقت ده خرج

شريف وقال

شريف _ اي ده معقول مروه تعمل فيا

كده

نورهان _ اهدي بس يا حبيبي وكل

حاجه نشوف ليها حل بعدين وبعدها

اخد الورقه من المحضر ومشي المحضر

وقفلت نورهان الباب

نورهان _ اوعي تطلقها يا شريف

انت لازم ترجعها البيت هنا

شريف _ والله ما يحصل انا خلاص

اخد نصيبي من الدنيا بيكي انتي

نورهان _ بس اوعي تطلقها دي برضه

صحبتي اسمع كلامي

شريف _ والله ابدا انا لازم اروح واعرفها

مقامها اي كويس اوي

وبعدها

مشي جه بيت مرات عمي وفتحت ليه مرات عمي وقالت

عايده _ معقول شريف هنا خير عايز اي

وبعدها خرجت وقولت

مروه _ اي اللي جابك هنا تاني

شريف قرب منها وقال _ مش شريف حمدي

اللي يتفرع عليه قضيه خلع انتي

طالق ومش عايز اشوف وشك تاني

عايده _ ليه بس كده يا بني ربنا يهدي

الحال بينكم

مروه _ بس يا مرات عمي خلاص والله ما

تعرف فرحتي ازاي دلوقتي

شريف _ مكنتش عارف انك كده تبيعي

حبي بسهوله كده وبعدها مشي

وانا دخلت الاوضه وكلمت حسام

حسام _ معقول انتي بتتصلي بيا انا مش قادر

اصدق نفسي والله

مروه _ انا اطلقت خلاص يا حسام بجد انت

عايز تتجوزني

حسام _ طبعا ده حلم حياتي والله إن اتجوزتك

بس اشمعنا قولي الكلام ده دلوقتي

مروه _ بجد صعبان عليا نفسي اوي اللي عمله

فيا شريف

حسام _ بقولك اي مش هينفع كلام

في التلفون انا جاي ليكي بسرعه وبعدها

قفل معاها ودخلت عايده

عايده _ بقولك اي بطلي لعب عيال

مافيش جواز من اللي اسمه

حسام ده

مروه _ وانتي مالك يا مرات عمي أنا كده كده الفتره دي مش هقعد معاكي اصلا

عايده _ مش بمزاجك يا مروه انتي ملكيش

مكان الا بيت عمك. وانا لو اللي اسمه حسام

ده جه همشي من هنا ، وبعدها خرجت عايده

واتصلت ب نورهان

نورهان _ خير فيه اي اوعي تقولي ان

شريف جه عندكم

عايده _ ايوه جه وطلق مروه كمان انا مش عارفه اعمل ايه بقولك ايه انا عايزه الفلوس اللي اتفقنا عليها

نورهان _ طلقها طيب اقفل السكه دلوقتي وبعدين نبقى نشوف هنعمل ايه

عايده _ لا مش هقفل السكه وانا هاخد فلوسي دلوقتي يعني هاخد فلوسي يا اما هاجي واقول

ل جوزك علي كل حاجه

نورهان _ اعلى ما في خيلك اركبيه هو كده كده مش هيصدقك انتي حره بقى. بعدها

خرجت أنا وقولت

مروه _ معقول انتي متفقه مع نورهان علشان تتجوز شريف ليه حرام عليكي كل ده عشان شويه فلوس

عايده _ ايه الكلام اللي انتي بتقوليه ده لا انتي فاهمه الموضوع غلط

مروه _ طول عمري عارفه ان انتي بتكرهيني بس عمري ما كنت اتخيل انك تعملي فيا كده حرام عليكي وبعدها كنت خارجه من الباب الشقه ولقيت

حسام

حسام _ ايه ده رايحه فين يا مروه

مروه _ ارجوك يا حسام خليني امشي من هنا مش اقعد في البيت ده دقيقه واحده

حسام _ طيب يلا بينا يا مروه وبعدها مشينا

وروحنا كافيه

حسام _ اظن انا سبتك لما تهدي خالص

ممكن اعرف مالك بقي فيه اي

مروه _, مش قادره اصدق مرات عمي كانت

متفقه عليا مع نورهان

حسام _ اسمعني يا مروه بصراحه انا جوزاي منك

برضه كنت عايز احرق دم شريف بس لما

اقعد بيني وبين نفسي وفكرت اي الكلام

قولت لا مينفعش انتي ملكيش ذنب

مروه _ حتي انت كمان

حسام _ بصراحه كده يا مروه دلوقتي انا عايزه اتجوزك علشانك انتي مش عايز اي حاجه ثانيه من الدنيا حتى مش عايز الشركه والله بس المهم عندي انتي

مروه _انا حاسه ان هيكون في مشاكل كثيره لو انا وانت اتجوزنا شريف مش هيسيبنا في حالنا

حسام / مش هيقدر يعملك حاجه من هنا ورايح ثلاث شهور دول هأجرلك شقه تقعدي فيها وبعد كده هنتجوز انا وانتي

مروه / بجد يا حسام انت مش هتندم في يوم من الايام ان انت اتجوزتني

حسام / بصراحه يا مروه انا عارف ان انتي عايزه تتجوزيني عشان تحرقي دم شريف برده بس كل اللي انا عايزه اقوله ليكي انسي كل حاجه حصلت وخلينا نبدا من اول وجديد

مروه / بجد مش عارفه اقولك اي

حسام / قومي بس علشان خاطر تشوفي الشقه اللي هتقعدي فيها وبعدها مشينا وفي بيت

شريف

نورهان كانت في المطبخ وبعدها حماتي

دخلت وهي بتحط حاجه في الاكل

حماتي / عمري ما احساسي كان غلط دايما كنت حاسس ان انتي بتعملي حاجه غلط بتحطي ايه في الاكل يا نورهان

نورهان اتخضت وقالت

نورهان / هكون بحط ايه حماتي دي شويه توابل بس مخصوصه انتي فاكراني هعملك حاجه ولا ايه

حماتي / من يوم ما اتجوزتي وانتي مش بتاكلي معانا خالص وانا شاكه في حاجه انها بتحصل ودلوقتي اتاكدت

نورهان / اخص عليكي يا حماتي انا عارفه ان انتي مش موافقه على جوازي من ابنك معقوله تعملي فيا كده يا شريف يا شريف تعالى شوف امك بتقولي ايه ، ودخل شريف

شريف / خير في ايه مالك يا ماما بيها

الام / تعال شوف مراتك بتحط لنا ايه في الاكل انا مش مرتاحه ليكي يا بنت انتي

وفي الوقت ده بص شريف ل أمه وقالها

شريف / في ايه حرام عليكي انتي على طول شكاكه كده مروه كانت وحشه ونورهان كمان وحشه

الام / يا شريف انت بتكلمني انا كده معقول يا ابني

شريف / ضيعت مني الانسانه اللي كانت بتحبني وكانت شرياني ودلوقتي عايزه تضيعي مني نورهان كمان وف الوقت ده الباب خبط وراحت

نورهان فتحت وكانت عايده

نورهان / انتي ايه اللي جابك هنا ارجوكي امشي دلوقتي وهبقى اجيلك واديكي الفلوس اللي انتي عايزاها بس اوعي تتكلمي في حاجه

عايده _ اوعي كده من وشي انا خلاص خسرت كل حاجه وناويه اقول لشريف على اللي انتي كنتي بتعمليه فيهم ، وفي الوقت ده خرج

شريف ومامته

شريف _ ايه ده انتي ايه اللي جابك هنا وعايزه مننا ايه تاني

نورهان _ اكيد يا حبيبي جايه توقع بيني وبينك علشان خاطر انت طلقت مروه

عايده _ وانتي ازاي كدابه كده حرام عليكي يا شيخه انا جايه اقولك ان مروه ما عملتش اي حاجه غلط ونورهان اللي لعبت بيك

نورهان _ اوعى تصدقي يا شريف دي كدابه والله دي عايزه تعمل كده علشان خاطر انت سبت مروه

عايده _ طيب احب اقولك لو اكلت من ايديها كام مره ابقى اروح اكشف على نفسك علشان بعد كده هترقد في الارض ، وفي الوقت ده قربت منه حماتي وقالت

الحما _ صدقت يا ابني ان انا ما كنتش بكذب عليك وان هي فعلا كانت بتحط حاجه في الاكل

شريف _ حتى لو هي عملت كده انتي سبب في كل ده كانت معايا للبنت الاصيله اللي كانت هتشيلني فوق دماغها وانتي يوم فرحها حاولتي تكسريها

الحما_ انا غلطانه والله يا ابني ولو عايزني اروح لحد عندها واتحايل عليها انها ترجعلك هعمل كده

نورهان _ دول كدابين وحبيبه القلب متفقه

مع حسام أنهم يتجوزوا

الحما _ انتي كذابه لا يمكن هي تعمل كده

طلقها يا شريف نورهان دي مصيبه والله

شريف _ مش قبل ما ابلغ عنها في اللي حاولت تعمله فيا وبعدها اخد تلفونها وراح

القسم وبلغ عنها وعن الدكتور وطلقها

ورجع شريف بيته

شريف _ شفتي يا امي عملت فيا ايه ضيعت مني حب عمري وكنتي هتروحي في داهيه انتي كمان

الام _ يلا بينا نروح لها هو انا يا ابني مستعده يرجعهالك هنا البيت تاني

شريف _ بعد ايه بعد ما خلاص ما هتتجوز حسام وانتي ما سمعتيش عايده لما قالت كده

الام _ خليني بس اروحلها يا ابني وانا والله هحاول ارجعها ليك تاني وفي الشقه

اللي كنت عايشه فيها لقيت الجرس بيرن فتحت

وكانت عايده

مروه _ ايه ده عايده هو انتي عرفتي مكاني منين وجايه هنا تعملي ايه

عايده _ حقك عليا يا مروه انا اسفه والله انا عارفه انك عمرك ما شفتي معايا يوم حلو بس انا غلطانه يا بنتي على اللي انا عملته معاكي

مروه _ دي لعبه جديده جايه تلعبيها عليا انا عمري ما هصدقك تاني

عايده _ ليكي حق والله تعملي اكتر من كده بس انا جاي اعتذر لك على اي حاجه عملتها وزعلتك مني

مروه _ كل اللي انا عايزاه منك دلوقتي انك تبعدي عني انا مش عايزه مشاكل تاني ارجوكي

عايده _ حاضر والله العظيم انا هعمل كده واوعدك انك مش هتشوفي وشي ثاني بس عايزه اقولك ان انا رحت لشريف لحد بيته وفهمته الحقيقه كلها

مروه _ ما بقاش يفرق معايا خلاص انا كل اللي في دماغي دلوقتي الانسان اللي وقف جنبي وخرجني من الازمه اللي كنت فيها انا مش عايزه من الدنيا كلها الا حسام ، وبعدها مشيت

وفي شقه ام حسام راحت ليها اختها

فاطمه _ خير يا ام شريف عايزه ايه تاني مش خلاص قولتلي في التليفون انك مش عايزه تعرفيني ثاني

ام شريف _ هو انتي ازاي تعملي فينا كده فضلتي تقنعيني ان مروه وحشه لحد ما خليتيني كرهتها علشان تاخديها لابنك

فاطمه _ طول عمرك ابنك كان بيسرق الشغل ابن ابني واي حد عايز يتعامل معاه كان ابنك بيروح له ويقوله لا وانا كنت عارفه الكلام ده وساكته

ام شريف _ بس وصلت بيكي انك تاخدي عروسته منه حرام عليكي انتي ما تعرفيش شريف عامل ازاي

فاطمه _ انتي سبب مش انا انا كل اللي كنت عايزاه الشركه مش اكتر بس انتي اللي خليتي البنت تمشي من بيتكم وكسرتيها

ام شريف _ طيب ارجوكي انا مستعد اعملك اللي انتي عايزاه بس خلي ابنك يسيبها

فاطمه _ اصل انا مبحولش ادخل نفسي في مشاكل ابني هو حر يتجوز اللي يتجوزها ويسيب اللي يسيبها انا ما ليش دعوه

ام شريف _ انا عارفه ان انا غلطانه وانا اللي ضيعت ابني من ايدي بس ربنا يسامحك على اللي انتي عملتيه فيه

فاطمه _ عملت فيكي ايه هو انتي ما عندكيش علي تفكري كنتي صح ولا غلط امشي

اطلعي برا احسن أنا مش عايزه كلام في اي

حاجه وبعدها مشيت وعدا شهور العده

واتجوزت حسام وكان مخليني اسعد واحده

في حياتي وشريف اتعقد من الجواز ومبقاش

يفكر فيه خالص بس عمره

ما نسي اللي أمه عملته فيه

وبكده تكون خلصت قصتنا