لسوء الحظ دخلت والدته قبل ماتحكى له والشرر طاير من عيونها
فاطمه بغضب: هااااا اكلتى بعقله حلاوه ولا لسه؟!!
وقعتى بينه وبين اخووووه واخدتيه في حضنك!!
خلتيه ساب بيت ابووه وقعد معاكى يا....
مصطفى باستغراب: كلام إيه اللي انتى بتقوليه ده ياماما؟!!
ياسمين بانهيار: حررام عليكى ماتظلمنيش
صرخ مصطفى بعصبية: فهمووونى ايه اللي حصل؟! انتو بتتكلموا عن إيه؟!
صرخت فاطمه: بتكلم عن مراتك ال .......
الخاينه
ضحكت على أخوك وجرجرته على فوق ونامت معاااه
فاهم يعنى ايه يامصطفى نااامت مع تامر اخوووك
وجيباك هنا هى واهلها عشان يضحكوا عليك ويوقعوا بينك وبين اخوك ويقولوا انه حصل غصب عنها وكله كان بمزاجها وتخطيطها
دخل والد ياسمين ووالدتها على صوت فاطمه
والداها: فى ايه ياحاجه فاطمه: صوتك عالى ليه؟!
والده ياسمين بحزن : انتى عارفه انها مظلومه يافاطمه
حرام عليكى
مصطفى بدأ جسمه يترعش. ومش مستوعب اللى بيسمعه
مصطفى بصدمه شديده : مستحيييل...... مستحيييل
وياسمين انهااااارت حرفيا ومعدتش قادره تنطق بأى كلام وجسمها بيتنفض وبتصرخ
: مظلومه يامصطفى مظلووووومه
والد ياسمين: ممكن اعرف فى ايه؟؛
فاطمه: فيه ان بنتك اللى ماشفتش تربيه
حنت لحبها القديم واستغلت عجز مصطفى ابنى واخدت تامر شقتها ونامت معاااااه
حسبي الله ونعم الوكيل فيها
وقعت بين الأخييين...
والد ياسمين بغضب شديد: انا بنتى متربيه احسن تربيه مش هسمح لك تقولى عليها كلمه واحده بعد كده برررررره
فاطمه ببجاحه: اسألها اهى قدامك
ياسمين بانهيار: ماحصلش هو اللى اتهجم عليا
اقسم بالله
صدقنى يامصطفى
فاطمه: تعالى ياابنى معدش لينا قعاد هنا فى البيت ال......... ده
واخدت مصطفى من ايديه
جريت عليه ياسمين وهى بتصرخ: استنى يامصطفى...اسمعنى ابووووس ايدك
وجريت ومسكت ايده
دفعها مصطفى بكل قوته فوقعت على الارض
وهو بيصرخ: ابعدى عنى ماتلمسنيش😭😥
وخرجوا وقفلوا الباب وراهم بقووه
صرخ والد ياسمين بقوه وهو بيجرها من شعرها علي الارض ووالدتها بتحاول تخلصها من ايديه وهو بيصرخ فيها: انا عااايز أعرف الحكايه دلوقتي؟!! ...فضحتينى يا......
وبدأ يضربها بقسوه
وياسمين بتبكى بحرقه ومش قادره تتكلم
والده ياسمين برجاااااااااااء: كفايه حرااام عليك هتموتها
اسمع الحكايه وبعدين اعمل اللى انت عايزه!!
حكت له والدتها كل الحكايه وكانت ياسمين
شايله ورق التحليل والتقرير الطبى وهدومها المتقطعه اللى كانت لبساها يوم الحادثه
قاومت ياسمين وجعها ودخلت جابتهم لوالدها
وبعد دقايق وقعت بين أيديهم فاقده الوعى
*******
رجع مصطفى مع والدته للبيت
ودخل أوضته ومااتكلمش ولا كلمه مع والدته طوووول الطريق واول مادخل أوضته قفل عليه بابه
وفضل يبكي بحرقه ومش قادر يستوعب اللى سمعه
معقوووول ياسمين تخونى بعد كل الحب اللى حبتهولها ومع اخويااااا
أول مابقيت عاجز قدامها حنت لحبها الأول؟!!
عشان كده كانت بتتهرب منى ومش طايقانى أأقرب منها
طيب تامر اخويا اللى من لحمى ودمى ازاى يعمل كده؟!!!! ازاى يخونى؟!!!
......؟
لا مستحيل كل حنيه ياسمين عليا كانت تمثيل؟!!
انا كنت بحس بصدق مشاعرها ناحيتى
أنا مابقتش فاااهم حاجه.😥😥.......
فاطمه فضلت واقفه عند الباب كتييير تنادى
عليه وتخبط على الباب
فاطمه: افتح لى ياابنى...افتح يامصطفى
ماتعملش في نفسك كده عشان واحده ..زى دى بكره ربنا يعوضك باللى احسن منها
فى اللحظه دى دخل تامر ببرووود
جريت عليه فاطمه: اكسر الباب ياتامر!!
اخوك مش راضي يفتح!!!
تامر: ليه؟ إيه اللي حصل؟!!
فاطمه: قلت لاخوك على مراته الخاينه اللى استعمته وضحكت عليك
دمى كان محرووق وهى وخداه منى وراسمه عليه دور الشريفه العفيفه
روحت وطربقتها على دماغهم وجبت اخوك وجيت
بس هو ياقلبى عشان طيب مش محتمل الصدمه وقافل على نفسه من ساعه ماجينا
تامر بغضب: ايه اللى خلاكى تقولى له؟!!
فاطمه: عشان يااهبل لو ماكنتش قلت
كانت هى اللى هتقول كلام تااانى خاالص
وانت عارف هى كانت هتقول ايه!!
افتح لى الباب بسرعه عشان نطيب بخاطر اخووك
قرب تامر من الباب ودفعه بقوه اكثر من مره لحد مافتحه
دخلوا الاوضه لقيوا مصطفى قاعد على الأرض وبيبكى بحرقه
فاطمه بقهر: قوووم يامصطفى قاعد كده ليه ياابنى؟!
شيل معايا اخوك ياتااامر
اول ماقرب منه تامر ومسك دراعه دفعه مصطفى بكل قوته وصرخ فيه: ابعد عنى
خلاص انا مالياش اخواات من النهارده
فاطمه بعصبيه: ماتقولش كده يامصطفى
اخووك معذور هى ياابنى اللى غوته
ده ربنا بيقول( الزانيه والزانى)
قال الست الأول عشان هى الأساس
صرخ فيها مصطفى: كفااااايه مش عايز اسمع منك حاجه تااانى
قووول ياتامر ايه اللى حصل؟!!
قدرت تخووون اخووك ...ماجتش في بالك وقتها؟!!! جالك قلب تغرس نابك في لحم أخووووك؟!!!!
ماصعبتش عليك؟!! قولى ياتااامر ماصعبتش عليك؟!!
صرخ تامر بمنتهى البجاحه: انت عااارف اننا كنا بنحب بعض
انت اللي. دخلت فى وسطنا وفرقتنا
كان لازم تعرف ان ده كاان لازم يحصل
كل حاجه اخدتها منى حب بابا وماما ليك
كل الناس بتحبك وانا لا
حتى البنت اللى حبتها انت اللى اتجوزتها
انا بكرهك يامصطفى بكرهك
فاطمه: اخرس ياتامر واطلع برررررره
ملعوووونه البطن اللى شالتك برررره
تامر: طااالع ومش هتشوفوا وشى تاانى
وياريت تطلق ياسمين بسرعه عشان اتجوزها ونسافر!!!!
جريت فاطمه على تامر وضربته بقوه على خده: اخرس بقى هتمووت اخوك ياواااطى بررررره
خرج تامر من الاوضه ودخل اوضته ولم هدومه وساب البيت وخرج
وطول الوقت ده ومصطفى لسه زى ما هو على الأرض وجسمه بيتنفض ومخنوووق من كتر البكاء
فاطمه باكيه: قوووم يامصطفى ابوس ايدك ياابنى ماتعملش في نفسك كده
وبعد مده قام معاها ورمى جسمه على السرير
ودخل في نووم عمييق
٠٠٠٠٠٠٠٠٠
الصدمه كانت شديدة جدا على والد ياسمين لما عرف اللى الكلب تامر عمله فيها
ودخل في غيبوبة سكر
وطبعا ياسمين حالتها النفسية سائت جدا وبدأ يظهر عليها أعراض الاكتئاب
وبقت حابسه نفسها في أوضتها طول الوقت ومش بتكلم حد
وصعباان عليها نفسها عشان مصطفى شك فيها وصدقهم من غير ما يسمع منها ولا اداها فرصة تدافع عن نفسها
وفى النفس الوقت هو كمان صعباان عليها وديما تفكر ياترى هو عامل ايه دلوقتي 😢
وعارفه ان حالته النفسية اكيد متدمره زيها بالضبط
وزود وجعها لما لقت مصطفى باعت لها ورقه طلاقها في البريد😢😥
وبقت مابتخرجش من البيت الا لزياره الدكتوره النفسية...
ومرت اسابيع والحال زى ماهو هما الاتنين بيموتوا حرفيا
ومستسلمين للحزن والوجع
..........
فاطمه: قوووم يامصطفى محمد صاحبك جاى ياخدك عشان تصلوا العشاء في الجامع
تحامل مصطفى على نفسه وقام ساعدته اتوضى وراح مع محمد المسجد
وبدأت الصلاه
بدأ الامام القراءه من بداية سوره العنكبوت
" الم* احسب الناس ان يتركوا ان يقولوا آمنا وهم لايفتنون*ولقد فتنا الذين من قبلهم فليعلمن الله الذين صدقوا وليعلمن الكاذبين"
بدأ مصطفى يبكى بشده وحس ان الايات دى رساله له من ربنا عشان تقويه وتاخد بايديه
فى المحنه والابتلاء اللى هو فيه
سجد وبكى كتييير ودعى ربنا ينور بصيرته للحقيقه
اللى قلبه مقتنع بيها ان ياسمين بتحبه وماخانتوش
لكن عقله عنده شكوك و أمور مش عارف يفسرها
........
دخلت والده ياسمين عليها الأوضه وهى حابسه نفسها كالعاده
والدتها: وبعد هالك يابنتى هتفضلى كده لحد ماتموتى نفسك؟!!!
ياسمين باكيه: يااارييييت ياماما
امووووت ده بقى امنيتى والله
والدتها : حرام عليكى يا بنتى اللى بتعمليه في نفسك وفينا ده
انسى بقى وعيشى حياتك
ياسمين بانهيار: صعبان عليا اوى ان مصطفى صدقهم وكدبنى انا. ماشكش ولو للحظه انى مظلومه
والدتها: يبقى مايستاهلش زعلك اللى ماكلفش خاطره وجه عشان يسمع من الطرفين قبل مايحكم
انا كنت بحب مصطفى وبعزه زى عمر ابنى تمام
لكن من بعد اللى حصل مصدومه فيه
ياسمين: نفسى بس يعرف انا بحبه قد ايه
نفسى يعرف انى ماخنتوش ولا عمرى كنت هخوونه
ارجوووكى ياماما ابوووس ايدك روحى له
واحكى له اللى حصل
صرخت والدتها: انا اروح لفاطمه بيتها بعد اللى حصل والكلام اللى قالته عليكى
مستحيل
خلاص دى لا اختى ولا أعرفها
نزلت ياسمين على الارض ومسكت رجل والدتها وباستها وهى منهارة: ابوووس رجلك روحى له عشااان خاطرى
انا خلاااص مش عايزه أرجع له تانى
انا بس مش عايزه امووووت. هو مفكر انى خنته
والدتها باكيه: بعيد الشر عليكى يا ياسمين
ماتقوليش كده على نفسك تانى
حاااضر هدوس على كرامتى وهروح له
ياسمين: أنا هكلم دلوقتي الدكتورة هدير وهحكى لها اللى حصل وهخليها تكلم مصطفى
هى الدليل الوحيد دلوقتي قدامى
قامت ياسمين اتوضت وصلت ركعتين حاجه لله انه يفرج كربها والدكتوره توافق تساعدها
كلمت هدير في التليفون
ياسمين : انا محتاجه مساعدتك ياهدير انتى الوحيدة اللى هتنقذينى
هدير: خير ياياسمين في ايه؟!!
ياسمين باكيه: حماتى كذبت على مصطفى
وقالت انى نمت مع اخوه بمزاجى
وللاسف صدقها وبعت لى ورقه طلاقى من أسبوعين
هدير بذهوول: معقول؟!! طيب ليه ماكلمتنيش من وقتها كان ممكن الحق اعمل حاجه؟!
ياسمين: انا حالتى كانت صعبه اوى ودماغى مشلوله وكمان بابا كان تعبان وكلنا انشغلنا بيه
ارجوووكى ساعدينى
انا مش عايزاه يردنى خلاص انا بس عايزاه يعرف الحقيقة
كل اللى طلباه منك تتصلى عليه وتقوليله الحقيقه
وماما هتروح له بكره ومعاها نتيجه التحليل والتقرير اللى كنتى عملاه اول ماجبت لك
هدير: الكلام ده مش هينفع له تليفون
انا هروح مع والدتك بكره وهشرح له الوضع بالتفصيل
ياسمين بامتنان: يبقى جميل عمرى ماهنساهولك طوووول حياتى
هدير: ماتقوليش كده ياياسمين
دى شهادة حق وواجب عليا كطبيبه
بلغينى بمعاد زياره والدتك وانا هقابلها ونروح سوا ان شاءالله
ياسمين: حااضر هبلغك بإذن الله
وفى المعاد وصلت الدكتورة هدير مع والده ياسمين ومعاها الاوراق
لبيت مصطفى اللى صادف انه كان بيصلى الضهر فى المسجد
اول مافاطمه فتحت الباب شافتها: جايه هنا تعملى ايه ؟؟ بررره مش عايزه اشوف وش حد منكم هناا
كفايه اللى جرالنا بسببكم بررررره