رواية عشق البدوي الفصل السادس عشر 16 - بقلم نور الشمس

 حبيباتي صباح الخير حته اخجلت من كثر التاخير والله مو بيدي بس انوي اكتب واريد افرغ نفسي افرغ كم يوم وتجيني ظروف وتشغلني

يعني يوم الاحد اول البارحه ابن عمي يريد زوجه من المحافظات ولأن بعيده جابوها وخلوها ابيتي حنه وعرس واني افتر وياهم دليل للصالون والتاجير اليوم. كوه كعدت من التعب وشغل بيتي والهوسه مالحكت اكتب الا قبل شويه

………………………… ..

الماتجيبه المشية اجيبنه برصاص
   اخواني كلفين وتهد وادم وراي

…………… ..       ………… .    ………… .
ركاد

گلت خلگي طويل وكبر بيه الشووگ
شوگي وكلني مثل ماتاكل النار حطبها

صار اشهر كل مره واگول تهون ولانوو ويصعبوها

اكثر وكل ماصعبوو فضيت خلگي وطولت صبري

لاكن العافيه كلت والفضا ضاگ علي

وصار بخاطري سؤال وشفيني ويرفضوني هلا
ماني مداح روحي ولاكن مابي عيب
يخلهم يشوفوني ماني موالم نسبهم

ولد اجواد من معزبين الضيف الهلا ع الساني وخطاري انا ضيفم وهم اصحاب الدار 
اعزب بملگاي وزادي ومالي ماهوو بعيد لليحتاج
انا واهلي وگبيلتي وعمامي الكرم عنوانا

عنزه معروفين حنا بالكرم والمرجله ونخاوي للموت وخوينه ماينضام

حرمنه مدللات عز الدلال تطيح ارگابنا دونهن ومانرضا باحد يمسهن
لو كان. خويها ولد امها وابوها مادام اطلعت منوو صارت بحماية الرجل منا مالو حگ عليها

وش الي يخليهم يهونون  يعطونه بنتم.
سادة ونسلهم نسل ال الرسول ونعم منم ومية من اجدادهم

لاكن وش هالتعالي ع البشر

هاليوم خطبت للمره عشرين ماكنت مهتم وانا صابر ومتحمل
لاكن انگهر واتضايگ بيوم.  كنت جالس مع ربيعتي

علي جايني من ابعيد شوي عنه ويدري بعلتي
وخوياي سجاد واياد كنت متضايگ وبنشدهم تجددت اوجاعي وزادت الامي
شفت من ابعيد السيد مصطفى جاي صوبنا
مافرحت لاني عرفت وراه كلام صارلوو جثير ايام. مايجالسنه وگطع جياتوو
كمت الحيلي اشوفا تگلطت الوو وحچيت

..ياهلا ورحب شجابنه ع بالك شنهو الي طرا اعليك

حسيتوو خجل وبالسانوو كلام

كلتلوو كول

گال انا جيك بخصوص موضوعك.
وطلب مني اكف عنم لاني اذيت اختوو وجبتلا الكلام مثل ماگال جاوبتوو مستنكر

وش الكلام الي يطلع ع وحده راده واحد بالحلال ومعزم بياخذا انا اجيب الكلام الها

يخسي كلمن يجيب طاريا ولو فيها شي ماتمسكت بها
ولاطلبتا تكون حرمتي ولاگربت صوبكم

بنتكم انا شاريها بروحي گبل المال
والمال والحلال وعمري كلوو تحت امرك انت وهلك
بس سهلوها ربي بيسهل عليكم

شفتوو تحيير بالجواب وگال والله لو عليه انطيك الكلام مو يمي الوالد معاند
وكميل مامقتنع واني انطيت رأيي وماعندي عليك اي شي يخليني ماامن عليها بس اتركها
تره اذيتها بدون ماتقصد
كافي مابقت وسيله احميها بيها ايست منهم واجيت اترجاك اتركها وبعد لاتخطبها جاي تجني عليها انت

طلعه كمت مااطلع لان ماامن عليها
اني نفسي اتغيرت عليها محد منه صار يحاجيها
اني عصبي وكوه الزم اعصابي يمها بس بنفس الوكت خايف عليها وضايج عوفها ارحمنه وارحمها بنات الحلال هواي ليش تعم عليها انت

البنت الجانت فرحتنه بابتسامتها صرنه نتونس ع دموعها كااافي هالمره اني احاجيك غير مره غير تصرف اتصرف

تفاجأت بكلاموو گد ماكان نار تسعر بين ضلوعي
ماردت اخرب بكلامي واندم  سيطرت ع اعصابي وكتلوو

..اذيتا بشوو لأني رايدا حليلتن لي

شوو فيني يخليكم تأذون بنتكم لأني طالبها على سنة الله ورسوله

مگطم ومامعروف اصلي ؟

بايگ ؟

مخنث ؟

تعبانه اخلاگي

ماني رجال ماتگدرون تامنون عليها جنبي ؟

لوو لأني ابدوي !

بي عيب گولي هذا عيبك

اذا شايفين  اصلي ينعاب العيب فيكم وانا اگول الحگ ع گص لوزتي ان كنتو تشوفون النگص فيني بشي انا افتخر فيه

انا بدوي عشگت بنتكم من نظره والبدوي منا يموت ومايعطي العاشكوو
العشگ وده رجال
ماني رجل ان خليتا تروح الغيري وهاي انت اخوها وانا اگولك
اختك ردتا بحلال الله
وربي يشهد علي
بنت اصول مربايه ماعطت من روحا ولانست اهلا وتربيتا وهذا الي زاد حبا بكلبي وزاد اصراري عليها

انا يوم اني عشكت عشگت صدفه
وحنا نتصيد للصدف والي يخش گلوبنا مايطلع منوو للموت ونموت ومانخلي كلوبنه متعذبه ومتولعه بحبيبه ونتركها تروح الغيرنا

طلبتا اليوم للمره العشرين
وباجي واطلبا منكم بدل المية الف ويا انا ياانتم

شفت عيونوو صارن حمر اعصابوو تلفت عروگ وجهوو بانت
هم عليه يريد يضربني

تگلطت عليه وصار وجهو  گريب الوجهي
كنا نهمس همس بس باين علينه نتعارك
شفت اخواني ورفيجي صاروو بظهري ينطرون اشاره مني
اشرت الهم يبعدون

كتلوو

..اذا كان الضرب بيريحك اضرب وخلي خلگ اتعرف شي السبب عاد گلهم رايدن اختي بالحلال
ولانوو متمسك فيها
معذبين اختنا وجايين نتكاون معوو
وشوف العالم ترضا لكم هذا الكلام

اضرب وخلي ابالك لو ردت المكاون يشهد الله مايمسي عليكم ليل لخلي اسماكم تمطر رصاص وكل رصاصه فصلا فوكا

انا مارايد غير الكرب منكم اذا بيكم واحد حكيم وعندو عكل خلوو يشور عليكم ويگلكم عطووها

ابا اسألك وشذنب اختك ومحاصريها شفتا كلمتني

جاوبني بحده

..لا شحدها

..شفتا عصت كلمتكم

..لا

اجل وشوو ذنبها كني مهبول وگطع مخي عليها هي شووو ذنبها

..هوه هذا القاهرني عليها ركاد ابتعد عنها دمرتها

..انت ماتفهم ..مااكدر انا مااكدر اتركها
ماني من الي يكعدون يبكون ويندبون. حظهم لو الاهل ارفضوو
انا عندي عگل وهالعگل قافل عليها
الي اعرفوو حبيت معناه الموت اهون من. فشل حبي
روح مصطفى والخاطر لكمة الزاد البينا خلك معي
ولاتضعف ولاتغتر بگوتك وتتكاوه عليها تراها اضعيفة بدن حرمه طبيعي من اطكها تضعف
ماهي مراجل لو شفتا تخاف منك. انت والا هلك

رفع ايدوو يبا يضرب لزمتا له بستوو براسوو

يشهد الله انك عزيز وطرواك يبهج گلبي خلك معي وعينك منا لو ماگدرت تعينا لاتجور عليه
ويشهد الله انها مالها ذنب ولابينا تواصل ابدن
وانت تدري واتعرف اختك اكثر مني

نزل راسوو ومشى والحزن بعيونوو

تذكرت اخر مره من خابرتا شووگ وكالتلها ع الخطوبه واني رحت اردود وبعد فتره
طلع قبولا بغير محافظه بس كان  معدلها مو بالمستوى المنتظرينو اهلا وهالشي زيد تشددهم
كان اخوها ناطر منها معدل صيدله او هندسه
لاكن طلعلا كلية علوم  هذا الي عرفتوو من شووگ
لانوو بعدا انگطعت اخبارا من التليفون حته شووگ ماعادت تخابرها
شووگ قبولها طلع هندسه تقنية جامعة بغداد

وصارن مايتلاگن ابد
بس بعد فتره رجعن يتواصلن بالجوال
وانا مرتاح لاخباره من ابعيد ولو اشتاگيت اخلي شووگ تسجل مكالمتا واسمع صوتا واعيدوو لما احسوو انزرع فيني

بعده بفتره خطبتا مرتن ثالثه
وهالمره صار الكلام غير مستوه دراستها اعلى وانو انا دبلوم. واهي جامعه 
ورجع ابوها تحجج بالدراسه
ماسكت وخطبت صارن اكثر من خطبه انگعطت اخباره عن شووگ واحظرت شوك منا

تركتها فتره لاكن. اراقبها من بعيد لبعيد مرتين شوفتا روحي والباگي كنت اضيعا

الحد اليوم اخر يوم صارن عشرين خطبه واصريت اخطب لان مرت اشهر وراح تعدي السنه وخفت تروح مني خاص بعد ادراستها

رحت واخذت اهلي وعمامي ووشيوخ كثيره وهالمره ابوها ماطلع وعمها گال ابوها مسافر يجي ويصير خير

حسيت روحي بحرب والحرب ياخاسر يارابح
وانا مااخسر ان شاءالله

مرام…

بعد ماراح عمي ياسر وتاخر يلله بدوامه كل ميريد ينزل ياخره بامر قيادات عليا
محاربينه حرب نفسيه وهوه عارفهم ورجعوو كررو الطلب وهالمره عن طريقه هوه ورافض نهائي
خابرناه گال باچر انزل

اتذكر الضهر جنه گاعدين نصب چاي يوم جمعه
وما نحس الا ضرب الباب قوي وولد شباب يصيحون الحكوو

مصطفى كميل الحكوو عمامكم

كتلوو سيد ياسر

سيد ياسر انكتل اباب بيتكم

شايفين هاي اللحظات الي واحد يحس بيها جن السما واكعه هيه ونجومها وشمسها وقمرها كلها علينه

مصطفى جان لابس كيمونه جر قميصه بأيده وركض وابوي كام يتعثر يدور شي يلبسه وهنه گباله ميشوفهن زينب خلته يم رجله
كميل يمكن اكثر واحد بينه مسيطر جان رايح اول واحد بسيارته طالع الهم
والشباب شايلي مخلي بسيارته

من واصل لاگي الدنيا مگلوبه
الرصاص ابطنه وبكتفه اثنين

بس ساعفينه شباب محاولين يسيطرون ع النزف الي عرفته ركاد واخوه همه الي ساعدوه
وركاد اتبرع يسوق وكميل يبقى يمه يراقبه ويحضر اله اطباء ع السريع
خابرهم وانطاهم معلومات

اتي وامي لحكنه عليه شايلي بس شفت راسه شلون نايل من صعدوه شبعت بچي وابالي وصيته
وصلنه لگينه حبوبه تصيح وتبچي وتنعى نعاوي تفطر الكلب كل بالها مييت
ونسوان عمي خدودهن صايرات دم

من الرهبه والخوف حته احنه صدكنه مات. وشبعنه بچي

الهسه اذكر حبوبتي شلون فقدت وهيه تگول فدوه اروحلك ربي مامعترضه انت انطيت وانت خذيت بس افراگهم كلف مااگدرله

كافي صادق الهسه ماناسيته

ولك ياسر اموت يمه كلشي ولا انت

بجينه وهيه بصوتها ظلت اتردد

كون الولي ينباگ بوگه
لبوگه وابوگ اثنين فوگه

سمعتها طلعت مخنوگه ابچي بصوت عالي

اندگت الباب ودخلت النسوان من الشارع يطمننها عدل والله لاتخافين ولدنه لحكوهم
وبدن يسولفن كل ساع قصه شلون انرمه ومنو

وحده كالت عيني سياره مظلله مراقبته ورموه

ووحده گالت لا عيني من داعش لاحكينه المناطقنه يعني يكدرون يوصلون حته هنا

ووحده كالت لا هيج ولا هيج لااطلعن دعايات انه جنت ماده راسي اشوف ابني وين تاخر موديته ع خبزات الغده ابوو
واشوف دراجه اجت وعليها صاعدين ملثمين وي نزلته وهوه يريد يسد الباب خرطوو وشردوو

مر اليوم واحنه ارواحنه خلصانه الدنيا انكلبت علينه

لليل خابرونه الحمدلله حالته استقرت بعد العمليه

وكعنه ع وجوهنه من الرعبه وهسه فرحنه
ومر الليل بين ادعيه وصلاه
ثاني يوم راحتله بس حبوبه كالت الف الحمدلله
ااحسن
مرت ايام 

وصار اليوم الطلع بي وحجالنه الصار واني بطرف الساني اريد اكله ذولي بيت خالتي ماكو غيرهم وهوه ظل يحجي وعينه ع امي واحسه ضامله ضمه
مو طبيعي سكوته

ركاد گطعت بعد الخطوبه والملحه منهم خلت المشاكل ترجع عليه وتنعكس واصير اني مو خوش

غيررو خطي وانطوو شوك حظر

شبعت بجي لان اني مااستاهل هيج معامله
مخليتهم بين عيوني بكل خطوه اخطيهاوحبي دافنته بگلبي

مرت الايام وعمي ياسر مجاز مصاب 
بس احس اكو شي ضامه ويحاول  يغطي عليه

او ناوي ع شي

بيوم بعد ماخطب  ركاد للمره عشرين
چنت تعباته من الدوام اريد اتغده بعد ماغسلت وبدلت

سمعت اصوات بره زلم واصواتهم. ولهجتهم صرت حافظتها
وهالمره دب الرعب اكثر الكلبي والفرحه صارت تختفي من اذكر معاملتهم الي بعد مايطلعون امي اتغمني وتتوعدلي بخطوبه
وابوي صار يهدد بس يجي احد ينطيني

اما كميل وحده قصه الهسه زعلان ع المعدل ومتصور ركاد سبب بتدني مستواي وحسيته انصدم بنتيجتي وحته مامصدگ انوو مابيناتنه شي ومابيناتنه تواصل ويصر عليه
صار يتجاهلني ولااله علاقه بيه وهالشي دمرني
اما مصطفى ساعه هيج وساعه هيج

من طلعوو خفت حيل وهالمره حسيت الباب اندفر
دفعه ابوي حيل باب غرفتي
وهوه يجرني من شعري شعنده وياج ولج ماكو واحد هيج يجلب انتي وين. تولين ادرسين لو تتمعشگين

ولج ماانطيج اله لو يموت

صحت اخخخ اخخخخ يابه شعري
ضربني بقوه ع وجهي حسيت حراره ع حلگي نزلت شفته الدم. يقطر

گلي حاجي اخته وكليلهم هالمره انكتله ولحد يلومني

وانتي من باجر عقدج ع عباس

بچيت بقهر واني اريد اتذكر ياعباس

يبوو حمه عمتي الي الهذا عمرها مشوفينها الويل
عيالها

خلصني مصطفى من ايده وطلع

شبعت بجي حته امي اتخلت عني بهذا الوكت الي محتاجتها بيه اكثر شي

بچيت واني اكول مامسويه شي غلط
ولا هوه مسوي شي رايد بحلال الله
بس منوو يقتنع

شو قبل مصطفى حته الاكل گطعوه وياه

وكلنه بجينه عليه

حسيت الباب انفتحت مصطفى يريد يشوفني

گال شلونج

..يالون فدوه راح اموت انتو ليش تعاملوني وكأني مسويه شي
فدوه ليش هيج تعاملوني
جنت اشبع بجي من اشوفك وادري بيك تحبها من بعيد لايوم خابرتها ولاخابرتك حته نظراتكم من ابعيد وابجي عليك لأن كلبك منشلع وانت تزيد باذيتي ليش

اني شنوو ذنبي اذا هوه رايد يخطب

..دنكت خجلان منها وكلشي الي تكوله صحيح

ذنبج ماجاي ترفضينه انتي هم رايدته

..وين. شايفته حته اريده والله ماعندي شي وياه
وبكلبي اكول صح ماتواصلين بس ارواحنه تتشابك وتتحاضن كل يوم واني اسرح بملامحه واتذكر صوته
كتله ماعندي شي
بس شخص متمسك بيه ليش اعوفه

بجيت وهوه طلع

اجه ابويه كال باجر جايينج يمشون انطيتج العباس

كعدت بزاويه ابجي خايفه من كتلة ابوي الي وضايجه
من روحي وخوفي اخسر حبيبي الي حسيت روحي وياه بطله من بطلات الروايات والقصص التاريخيه
ماكو هيج حب ابد بهذا وكتنه بدون مكالمات وطلعات ويتمسك بيه الهالدرجه.

ثاني يوم كعدت متأخره لان مانمت من السهر

اشوف امي مخبوصه واتجهز انقبض كلبي

تعاي بدلي ورتبي نفسج

كتلها احرك روحي هسه كلشي مااسوي معليج مني

عافتني وهيه تتوعدلي

اباوع الابوي الي يتصرف بجمود وارجع بذاكرتي الابوي ذاك الحنين الي يعاملني غير مايتمنى يوم. يشوف دمعتي وهسه يتسلى بسبي ودموعي

بجيت وهوه حس ع نفسه شفت نظره بعينه  مكسوره سرعان مااختفت
وصاح بصوت يلله امشي جهزي روحج

عاندت ومابدلت واني محتاره واكول يمثلون
للعصر واجت السيارات وي نزلتهم وكبل لايطبون واسمع الرمي واصوات عاليه ابابنه
خبصه وركضه وكلها تحچي وتسال شكوو
والي طلع والي فات
واتي دايخه مو يم. احد
صارت ركضه جفته بخطارنه
اسمع اصوات عاليه وبينهم صووت صوت نظم دكات گلبي الخايفه
بعدها زاد خوفي وزادت سرعتهن وانا اسمع اصواتهم وهوه صوته يعله

رحت اتحركت للهول باوعت ماكو شي ينشاف هوسه بس

اتقدمت الباب الخطار اريد اتاكد اي والله هوه

درت ع الجام. من وره البيت بعمري مواصلته بس خاطرت اخاف منه بس فضولي وخوفي واشتياقي خلاني افوتله رغم ادري بي ممنوع فوتي هناك

شفت ركاد بالنص بيده اسلاحه وفارش عباته بالكاع
وبيده شي ابيض مخلي ع ايده مسفط  السلاح عليه
وكال

..هاي انه وحدي ولا اهلي ولا عمامي وموصي الكل وطالعين عن خطيتي انتوو الي تشوفوه مناسب سووه وذممت اهلي مايتعرضولكم

هاي عباتي فرشتا وطلبتكم تگدرون بختها والا لا ياهل البخت

ابوي صاح وغلط عليه  اطلع

اتقدم وبيده قطعة قماش بيضه  وعليها المسدس

گل الابوي لو بتاخذ عمري وتكتلني بهذا اسلاحي ودمي طايحلك  وهذا كفني وفصلي طايح حدرك

ياتلم عباتي وبختها وتكلي بنتي لك

شايل الجفن وعليه المسدس ومقدمه الابويه

هوسه كوه تنسمع

صاحوو حاجوه ولا اتنازل
اتقدم اكثر

وگاله

اذا بتعطيها الغيري اكتلني

اريد استوعب الكاله والي اشوفه مااكدر
افترت الدنيا بيه واني اسمع الي يغلط عليه والي يهدي والي يكله عيب
ولامهتم

شويه والسيارات اصواتها شخطت وطبكت الباب اندفعت دفع ماتانوو نفتحها اصوات عاليه كانت جفته غريبه احسهم ركض يركضون
ويصيحون وينوو ولدنا

ريكاد وينوو

نملت رجليه وراسي ثگل

يتبع…