رواية عشق البدوي الفصل الثامن عشر 18 - بقلم نور الشمس

البارت بدون مراجعه اسفه ع التاخير عندي خطار ومخبوصه
اذا فرغت اكتبلكم بالليل

_كيف لي أن اخبرك عن عدد المَرات التي شعرتُ بأن قَلبي إبتسم فيهآ عند عبورك من جواري؟.
......... ...... ....

مرام..

طلعوو واحس الي صار كله حلم
زينب اجت باستني وهيثم قريب عليها يكلها شنوو يعني راح تروح عمه
راح تصير بغير بيت

اسمعها تجاوبه وبالي موو يمه
بالي يم السلب گلبي وحجالي حچايه ونفذها

فدوه احس ملكت الكون مو عقدنه وصرت اله
تذكرت عطره من نصى عليه يبوس راسي وهوه يسمي باسم الله

اشووف امي مزعوجه وتحاجيني بنتر
وتگل الابوي استعجلت وانطيت ولاتكلي مصطفى. ياخذ منهم حته اكتل روحي فد نوب

صاح عليها ابوي بصوت سكتها وكلها كافي لوم انتي معليج ولاتدخلين ولد شاريها عاندت وعاندت ومااستسلم معناها ماينخاف عليها يمه

اجه كميل يهدي بي ويكله يابه من اخر مره كتلك انطيها مصر عليها ورايدها بالحلال مبيين يحبها والي يحب يحارب

وهوه سوه كلشي يكدرله ونجح
بعدين بنتنه يمنه وندري بيها ماغلطانه

ان شاءالله يطلع خوش ولد وربي يسعدها احنه شنريد اكثر من سعادتها

جاوبه ابوي بعد ماتنهد

..هذا هوو الولد رايدها الله يسعدهم اني خايف عليها
اطباعهم تختلف لااعرف بيتهم شبي مابي
لا تعاملهم ردتلها واحد اعرفه اعرف اهله مو هيج انطي للمجهول

..يابه مدام رايدها هوه يحير بيها وبراحتها
هسه احجيلي بسالفة شرطك هذا مصطفى قافل ع الزواج يكول خاف اعم ع اختي لو تزوجتها مامستعد واكيد بنات الناس مو حقل تجارب ومرام تتاثر
الظاهر بعده باله مشغول وماناوي ينسى

..هذا هوو ياسر ماكو غيره

..ومنوو يقنعه ياسر تعرفه اكثر مني ماينفذ غير الي براسه

..رايدله وحده هوه ؟انت تعرف عنه

..لا ابد لا رايد ولا شي لاغي الفكره اصلا ممفكر بالزواج

خابرلياه خلي احاجي

كميل..

اتصلت بي اكثر من مره يلله جاوب

..هلا ابو عمار يابه شنوو زعلان علينه شنو السالفه كلت اذا ماجاوب اروحله اني

..حبيبي ابو هيثوم ماينزعل منكم جنت ضايج. وتعرفني شلون افرغ ضوجتي وارتاح وهسه يلله جهزت

..اي اعرفك لازم انعزلت وحدك بلله شكم باكيت حرگت

..هههههه حافظني مو هواي بس راسي راح يطگ

..راح اجيك اني تره ابوي رايدك

..وين تجيني بالطريق اني التحقت

..لا بربك هيه هاي سالفه مو عوايدك تنهزم
بعده موعد التحاقك

..اذا المواجهه تكون خاسره الهزيمه ارحم اواجه الناس كلها الا ابوك تعرفني اعتبره والدي واخاف اغلط بالكلام من اعصب مااعرف شحچي

..زين هذا هوه يمي يكول الحگه وخلي ينطيني سبب يرفض بي الزواج وخاص هذا الزواج بي ماي وجهي
اذا ماخطبنه ماعدنه كلمه وبتنه تعتبر ماخوذه غصب عنه

..تنهدت سحبت نفس من الجگارة وذبيته

يابه ابوك هوه وصلنه الهالحاله وين جان تفكيره مانطاها للولد من البداية

..اگلك تره محد متوقع منه يطلع هالطلعه شمدرينه راح يحرجنه هيچ

..هسه شيريد الوالد اريد اسووق براحه

..يريد يحاجيك

..لااعفيني منها هاي كلي من الاخير شيريد يريد يخطب خلي يخطب بس خطيتي وخطيتها برگبته

..ياسر اوكف اسمع

..مااسمع شي خلي يروح يخطب وخل يودي امي اجازتي التجي اعقد وهذا الموضوع ينسد بعد لحد يخابرني ويسألني عنه ابد

..بس اني مامقتتع هيج خلينه نتفاهم ونلگالنه حل ع الاقل اتخذ قرارك وانت مقتنع قناعه تامه

..كميل الي كلته سووه وعوفني هسه خليني اشوف دربي جاي اسوق وسيطرات كدامي

سديته منه واني افكر ولامتوقع هاي خطوبتي
ولا متوقع روحي اخطب اصلا
ولو خطبت كون اعرفها شايفها معجب بيها ع الأقل
زين شمعرفني بيها مارايده احد ماابالها احد اكيد هيه هم مجبوره وانحطت بموقف مثلي

وصلت الدوام نويت اقفل جهازي انشغلت وي الولد وواجباتنه
شويه ورن جهازي باوعت امي

اوو نسيت اقفله واعرف اسألتها

جاوبتها بس سمعت صوتها تضحكني من تسوي نفسها ماتعرف شي
ضحكت من سالتني كتلها اي الگاله الج هاشم وكميل صح روحي خطبي بس بروح ابوي يمه بعد لاتفتحين الموضوع ولاتگليلي شوكت العرس اجي اجازه اعقد واجازتي الثانيه العرس وبعد مااريد ذكر هذا الموضوع ابد

..يمه ع كيفك زواج هوه لوو عركه شبيها البنيه اخطبلكياها تخبل والله انه متمنيتها من زمان

..يمه فدوه اروحلج انتي اكو بنيه ماكلتي متمنيتها بنات المنطقه كلهن تردين تقنعيني گوة ابنج سواها وطاحت براسي

..يمه غير انت الشلتها الطلابه اتحملها

..يمه هوه اني غير الخاطره والخاطر اسم ابوي ماينجاب بطاري مو زين هينه عبالج لو طاردهم بعد ماسوو هيج غير نصير مضحكه للعالم مانقدر ومانعرف بالاصول مو زين سويت يعني

..كلش زين يمه فدوه اروحلك بس لاتضوج ولاتعصب والزينه السويتها كملها

..هذا هوو سوو التردوو

..اروح يعني

..يمه فدوه ليش تلحين وياي التردوه سووه اني اسبوع انزل ونتفاهم ان شاءالله هسه اني مشغول يمه بعدين اخابرج

..

شووگ .

چنت جايه عطلة نصف السنه ودراستي كلش صعبه
ولا متوقعتها هيج
اجيت ارتاح
خلصت اول يومين نايمه
كعدت مكسره شفت الجمعه حلوة والصدمه امي ومرت ابوي يسولفن ويضحكن عادي واخواني وخواتي موجودات فرحت بجمعتهم

الجده چانت يم. عمامي رايحه تغيير جوو
ابوي موجود بعيد عنه گاعد شويه وطول الگعده عينه ع امي ام جراح
ويبتسم من يشوفهن يضحكن
الحد هسه مو متقبلته ومانست جرح زواجه عليها
صار عندي فضول اسأل عذاري لان اخجل منها

گتلها ليش مترجع طبيعي وي ابوي لان هيه وي امي تحجي عادي

گالت

..يوم البارحه كلمتا وكلتلا انسي الصار كيف متحملك وانتي هاملتوو يصرف ويعطي ويكلمك ويحاول وانتي كنك ماتشوفيه
گالتلي انا هذا شرطي من اول عليه يوم ردت اهجروو وانحر هلي ترجاني الخاطر اطفالي اركد معوو والي ابيه يساوي

كلتلوو ماتتكرب صوبي وانت اطلعت من كلبي تكون اب لطفالي ومصرف لولادي وكايم فيهم وبمصروفهم وبس
كبل ماكان يتحمل كان لما يجي ودوياني وكنت ارفضوو كل مرة ولا لنت وكل ماجاني تذكرت صدمتي بيوم عرسوو
وينفتح جرحي ويزيد

الحد ماطلب نعيش معوو شرطت عليه مايوصلني والا هالمرة صج اهجروو اولادي والبنيات كبروو وبعد مافي خوف عليهم

وعدني يتركني وهذا انه مرتاحه واهوو بعد مرتاح

..ظليت افكر شلون زوجه تتنازل بزوجها ابساطه
يمكن صدك لان صدمتها قوية وصارت رد فعل عدها بفكرها بعواطفها

عيني ع ركاد اجاه تليفون انخبص ع السريع وبدل وطلع صاحه جراح وابوي مارد عليهم.

كالوو رايح العمامه يمكن بس ليش صعد ونزل مستعجل شنو الاخذه بيده وماشفناه

جاوبتهم امي عوفو خاف اخذله فلوس زغيرون هوه وانخبصتوو عليه عاقل مينخاف عليه ركاد

بعد شويه اتصل صديقه علي ع سجاد وبنفس الوكت
ذياب ابن عمي خابر جراح
صاروو يتراكضون منا ومنا اصواتهم علت يبدلون ويتصلون يجمعون عمامهم

طلعوو بدون محد يشرحلنه
خابرت ام جراح ذياب وحجالها ظلت تلطم. وتبچي
كل شويه وكالت

..يلعن الحب والعشگ كافي الي شفتوو منهن لاحگات اولدي ليش

مدري ابجي مدري اضحك. اني الخوف ذابحني وهيه تبسمر ادري نسوان ويركضن وراج غير مشاعر هاي

وابالي الساده شكد متكبرين شدعوه عليهم مينطونها اله والله يموت عليها مشايفه هيج حب

طولوو بالساعتين وماكو خبر منهم

وره فتره اتصل جراح كال راح يعقدون

يمه الفرحه الفرحناها

ظليت اكول فدوه والله سواها

امي خبصت البيت بالهلاهل امه ارتاحت ومسحت دموعها بس مافرحت ابد وحته خواتي مافرحن واجتهن اتصالات وطشت السالفه بكل العشيره
خابرتها اختها تعاتب

وامه تكلها مسحور ليل ونهار ايهرج بيها وعرض حالوو للموت عشانا

ركزت عليها وبكلبي اكول شبيها امي مو زين حقق حلمه واخذ رادته والله ياربي

اسمعها تكلها ويل كلبي عليها مهره وش بيدي عليها ادريها رايدتوو الله يعوضها بواحد يگدرها

مشيت عنهم
اروح يم امي اجوائها احلى تهلهل وتصفكلي
وهيه تكول

احنه النخبطها ونشرب صافيها

ضحكت وسألتها

..يمه فرحانه

..مو بس فرحانه كولي طايره من الفرح

اروح فدوه للبدوي وحبه شلون حارب واخذها

ويلومني جي حبيت بدوي وهالركاد هوه العزيز احبه لان نسخه من ابوو بكلشي شكل وطبيعه

شويه واجوو اخواني وركاد الضحكه شاگه وجهه وابوي فرحان وراهم بس جراح احسه مو مرتاح

هلهلت امي سلم ع امه وعاتبته

ضحك وكلها افرحي يمي ولدج خذا صيدتوو

رجع اخذ راس امي وباسها

شويه وكعدوو وحدهم ورجع ابويه صاح امي طولو وحدهم

حاجيت ركاد كتله شفتها

..ول ياخوي وش شفت منها اخجلت من اهلا ماخذت راحتي المهم اخذتا

..الف مبروك وربي يفرحك دوم بس لاتنسا حلاوتي يالاخوو تراني وكفتلكم چثير

..الي تامرينوو يتنفذ... اخذتا الحضني ول ياشووگ روحي ترخصلك والله ووگفتك عمري ماانساها

..اريد احجي

اجت امي كالت عندي حجي وياج

رحت وراها واشوفها محتاره شلون تحجي

كالت الموضوع ماتم بسهوله مثل مامتصورين

خوفتني حجايتها ولزمت كلبي بيدي بس لا يبطلون

..شنوو يمه شكوو

..رايدين بنيه من عدنه حته لاتعتبر لوي ذراع اخوج مسويله سالفه بيهم ومخجلهم

..يعني شنوو

..يعني ابوج يگول اذا وافقت تنقذني واذا لا اشوف من بنات اخوي وانطيهم اكيد مايعارضون
يمه حته اني مامعارضه ولدهم والنعم منهم الناس تتمناهم البناتهم

..صفنت شنوو يمه يعني خطبوني ؟

ضحكت الله عليج الياصاك منهم

..ياا ولاتستحين واني كلت راح تسويها مناحه

..عليمن يايمه بس مو معناهاوافقت اوكفي اذا مصطفى مااقبل لان يحب وحده ومابيه حيله واصير حقل تجارب يجرب ينساها براسي

..اما اذا عمهم الضابط الهيبه ابو نظرة حاده نظرة الصقر اني موافقه

..عزه بعينج شهالصلافه دولي يلله ادب سز اصلا مندري المن

..عود من تدرون كلولي
كلتها وركضت من امي اكيد راح تشغل اديها وتگرصني
رحت الغرفتي اضحك

يارب كون يطلع ياسر السيد الي كسر برائتي وخلاني اتخيله زوج الي ايام وليالي يبوو هيج ويصير رجلي مامعقوله شنو. عندي قرابه وي واحد من الملائكه وداعيلي

اتذكرت دراستي رحت طايره الامي

..يمه يمه وينج اني موافقه بس دراستي مااتنازل عنها احجي وامشي دخلت للغرفه انصدمت من شفت ابوي

..يبوو شكد عيب شراح اگله طلعت ركض واسمع ضحكته يصيح

..تعالي يبوي ابا افهم منچ

..ضيعت نفسي وضاعت افكاري امداني ابوي سمع موافقتي فلك طرني بس لايخطبني مصطفى لو واحد من ولدهم ذولاك ويقبلون. ع ابو اني قابله

صدك الفرحه تلاشت مني وخوفي والقلق اخذ مني مأخذ يومين واني غايبه عن العالم افكر خاف مصطفى واني ادري الهسه يبجي عليها وع حبه الضايع

لو باقي ولدهم لو من عمامهم
ارجع ارفض اي شسوي ارفض حته لو ابوي سمع مني مراح يجبرني

بيومها العصر ابوي حجه كالهن اليوم ترحن لهل العروسه تتفقن وياهم وتنطنهم فلوس تجهز روحها هالاسبوع وبالليل تجي غرفة ركاد ينصبونها

اباوع الركاد فرحان ومبتسم

امه كالت

..ماني رايحه تعبانه وماعرف للحضر وشروطهم ام سجاد هيه اتكفل زواجه ماانوخذ رايي بيها وش لي بتفاصيلها

جاوبها ابوي عصبي

..هي راي شفيج حصه ولدج ماخذا راي احد ولدچ راد ونفذ وياحلاتو الياخذ رادتوو افرحيلوو هنيه باركيلوو لاتنغصين فرحتوو وخلك من المكابر هذ وروحي شوفي حرمتوو وفرحيها

جاوبه ركاد وهوه يمسح وجهه

..خلها يبوي ع راحتا هي امي وبالحالتين فرحانتلي يمكن تكون تعبانا خلا

رحنه اني وامي والبنات

امها رحبت بينه ومرت اخوها
ويمهم لكينه العلويه الچبيره

ظلت تحجي وي امي وكالت ديرو بالكم عليها ومن هالسوالف ماركزت بيناتهن التهيت بمرام وفرحتها

بعدين امي طلعت الفلوس وكالتلها ذني ذهب وملابس من انطتهم القيمة مالته امها فرحت
وحبوبتها كالتلها هواي شدعوه هيج

امي ردت عليها مو من قيمتها ولو بيده يسوي اكثر واكثر

تره هوه وياي ومنتظر بالباب مافات استحى لان ابوكم كايله مااريد طبه عليه بالخطوبه وكال اريد العرس الخميس اليجي
وكلناله خاف ماتلحگ كوة خليناها ع الاثنين

يعني عشر ايام تجهز بيهن
وشغله ثانيه هذا تليفون الها وبس تحاجي مرايدين شي من حقه تره

كالتلها العلوية اي يمه طلب حگه
بس احنه هم جايينكم باجر ان شاء الله

..هلا بيكم علوية بكل وكت

مرام ..

بعد العقد بالليل اجاني كميل باس راسي وكعد يمي نصيت راسي احساسي مختلط فرحانه وضايجه وبگلبي عتب هواي عتب ع كميل وع اهلي
ايام. عشتها مستحيل انساها
اصعب شعور من شخص محلق بالسمه ينزل ع وجهه السابع ارض
هيج اهلي حسسوني بذيج الفتره

حاجاني بعد ماطول وهوه نركز عليه

..مرام حبيبتي الف مبروك
وربي يسعدج ويهنيج ادري بيج ضايجه

من كالها بجيت ونزلت دموعي ع جفوف اديه الي مخليتهم بحضني
كمل كلامه وهوه يرفع راسي ويمسح دموعي

..هالدموع مااريد اشوفهن والله كل الي صار خوف عليج وخوفنه لايجي يوم وينزلن بسبب سوء اختيار منه ومنج

اني ماانكر ضجت وحملته مسؤولية نزول مستواج الدراسي ماجنتي هيج مرام ولا متوقع منج هالنتيجه
ولتكليلي هوه مو سبب لا سبب

يمكن. انتي ممتواصله وياه لا اتصال لامراسله بس بالج يمه
وصدكي بعد اصراره وره الخطوبه الرابعه هواي حاجيت ابوي بس هوه مامقتنع جان واني هم خايف من اطباعهم لذلك ماجنت الح وياه

ع العموم هسه الف مبروك وربي يسعدج حبيبتي
اخذني الحضنه وعبالك انطاني الاذن بالبجي وطلعت العبرات الي مكسره بصدري ع صوتي اجت زينب وهاي دموعها تريدلها حجه رفعت راسي وشفت مصطفى بجيت بصوت اعلى اجاني حضني باس راسي بستهم اثنينهم واحس الحقد الي حقدته بكلبي عليهم راح عبالك مماذيني ابد ولمسمعيني كلمه بقه ابويه ابد ملتقيت وياه
وخليفه اشوفه واضعف وخايفه يبقى بكلبي شي من. ناحيته

مرت ايام وابد ماشفته جابولي الفلوس وتليفون
طلعن وعيني ع الباب شفته يم. سيارته واگف
احس گلبي طلع من صدري وراحله وصار بين ضلوعه وشبك گلبه واختلطن دكاتي ودكاته

رحعت وعيني ع التليفون كالت زينب اخذي كتلها لا حاجي كميل وسالي يقبل لو لا

..ولچ غير مرته شرعا ليش ميقبل

..سألي احسن

راحت تسأله وبهالفتره حيل متغير كميل واحسه مرتاح هواي وي مرته افرحلهم هواي واتمنى ربي يفرحه بطفل الخاطر هيثم

اجت كالت يكول اكيد عادي اصلا عيب طلعة ابوي ومنعه من الجيه خلي تحاجي ماكو اشكال

فتحت التليفون واستحيت اخابر

خليته وظليت اباوعله

الحد الليل اتصل
طفرت اشوفه

رقم بس اكيد رقمه قابل المنوو
اترددت اجاوب
انقطع ورجع اتصل جاوبت واجاني صوته

..الوو وينك يبعد العمر ..يروح ركاد وگلبوو

..جاوبته مرتبكه

الوو

..يبعد الالوو الطالعه من بين شفافك
كيفك يبنت ول يابــــوي ريتچ بعد ركاد وهلوو

..ظليت ابالع واحس وجع بمعدتي صار مااعرف لويه مااعرف شنوو

..يبنت معاي انتي

..اي وياك جاوبته بهدوء مبتسمه

..يروحي تكلمي غردي ابا اسمع صوتك انا
لاتخجلين رجلج انا الحين

..ضحكت واني اتذكر حجي عمي ياسر صدك يرادلي مترجم كوه افهم

..كتله شلونك

..ول بعد لوني بخير يوم انك صرتي لي
يبنت تكلمي كل هالحرب الحاربتا ماتخليك تحنين علي واتكلمين معاي خجلانه انتي ولا شوو

..استحيت اكله مو كل حجايه افهمها سكتت حته حجيه سريع
كتله خلينه نتراسل احسن

..لا ه موبحسن خليني اسمع صوتك وابا اكولك

ماابا اشغلك اكثر ابغاكي ترتاحي ومن بكرا تجهزي
الاثنين انتي في احضاني ان شاء الله

..احس وجهي جمر صار صح يحبني واحبه بس ولا مره متحاجين. سوه ولا بيناتنه شي حبنه بريء وصعب اندمج. وياه من اول اتصال جاوبته ان شاءالله كال اخذي راحتك وراح

واني ظليت افكر شلون اخذ عليه وافتهمه ويفهمني
من ثاني يوم بدينه نجهز
تعبت تعب مصاير اول يومين

بعدها راحت حبوبتي وخطبت شووگ
الي افتهمته رايده تكمل دراسه

اتذكرت روحي
عزه بعيني ناسيه حته الدراسه لا اني الشرطت ولا اهلي

بالليل خابرني جاوبته وابالي هذا الموضوع

..الوو

..هلا يالعمر

..هلا بيك حبيبي بس ع كيفك تره ماالحگ افهم

ضحك وصوت ضحكته ناغم مسامعي وغير نبضات گلبي
جاوب وهوه يضحك

..يبعد حبيبك واهلوو وعماموو ول يافرحة گلبي لوونك يموو بتسمعين. خفگاتوو
اتحچه ع كيف تامرين امر گولي انا ابغاك تگولي شي

..دراستي فدوه

..يحبيبة لا اتفدين اسم الله حولك شفيها دراستك مافهمت

..اكملها

..وليه ماتكمليها يالعمر انتي اكيد بتكمليها بس راح اتعبين يوميه طريگچ اطويل يصير

..يعني مراح تعترض متاكد فدوه اروحلك مو تضحك عليه ركاد

..يلعن ركاد ويوموو لااتفدين كتلك هاحلوو اسمي بلسانك
حبيبه لاتخافين تداومين والله هذا عهدن علي

..شكرا الك الحمدلله مااتندمت لحظه ع حبك

..لا اليوم كثير علي والله كثير شرايك يبنت من بكرا نتجوز انا ماعندي شي ماينگصني الا انتي

..ضحكت لا والله مايصير بعد هواي نواقص

..اجل استعجلي فيهن وارحمي حالي

شووگ..

ظليت ايامي كلها الوب والحيره تاكل بيه
الحد اليوم الاجونه بي النسوان والزلم نفس الجيه
ظلت رجليه اطكطك المفروض يجن هنه قبل حته اني اعرف اقرر بس يمكن رادوو يردون الصاع صاعين وهمه هم يجون فجأه صار عندي مغص من التفكير والرهبه

وحجت العلويه

..فدوه الهالوجه اريدها عروس الياسر ابني ضابط
ومحترم ووو

ظلت اتعدد واني فصلت يم. كلمة ابني ضابط

احس صارت بيه رجفه رجفة فرح

فصلت عن كلشي الحد ماكالوو خلوها تعقد

تعقد شنوو هوه غير بالدوام مرام كالتلي شجابه
السؤال بطرف الساني وامه جاوبت

..هاي جيته من الدوام بدل واجيناكم مخصوص حته يكمل عقده
والزواج ع اجازته مو هاي عكبه لا يكملها ويروح يلتحق ويرجع يلله يعني واحد وعشرين يوم اكثر

يمه احس اطرافي رجفت زين يصادف دوامي بادي

امي كالتلها ع الدوام والعلوية جاوبتها بلكي يلكالها واسطه ينقلها

كوموني اعقد عقدت وسجاد كال فوتي للخطار طلعو اهله بس هوه موجود

رفعت عيني واني اشوف كدامي

منصي راسه يلعب بساعة ايده

كلت السلام عليكم ع كيف

رفع راسه وكام

ملابسه وكشخته وعطره ونظرة عينه كلشي احبه صار الي

ركز بوجهي مانزل عينه ابد ولامبيين خجلان لو مرتبك

كعدت شويه عنه اشرلي اصير بصفه

ادنيت عليه وهوه هم قرب عليه

..اشوواق اسمچ حلوو معناه

ابتسم وكمل الحمدلله انتي هم حلوه

اشواق اتعرفين الي صار محد بينه مختار الثاني ظروفنه جبرتنه مااريد شي بس اريدج تصبرين عليه

ودي اكله اني من زمان رايدتك سكتت وخوفني بروده

سلم وطلع واحس شي بداخلي انكسر الفرحه مو مثل اول

ركاد

مرت ايام وانا مشغول مااتركوني خوياي واصحابي وعمامي وكل احبابنه
الفرح والغنا ببيوتنه صار گبل العرس بيومين انجمعت احبابنا كلم
فرحتي غير وانا اجهز غرفة نومي الغرفه الي تجمعنا انا ومعشوگتي

امي مااحسا فرحانه ومهره عاتبتني بيوم حنتي
ماعطيتا مجال تركتا وابالي كلماتا

..منت مرتاح يركاد ولا بترتاح لانك كسرت كلبي وسرگت الراحه مني

احس كلماتا اجرحتني ماواعدها بشي انا الي تحسفيه اوهام شو ذنبي باوهاما
مااعرف ليه دعوتها مست گلبي وخلتني خايف اصدگت بنية دفع البلا
وكمل فرحنه وصارت الفرحه اكبر بوجود الخلان

مرام صرت اكلمها دگايگ گليله
ماعندي وگت ولا عندها

بيوم الزفه كان احساسي غير
كني في دنيا الحالي رغم التحضيرات واولادنا اتحضر للدحه والجوبي
وانا مو معهم انا مع حالي

توجهت ومعي السيارات ابوي وصاهم مايرموو لانها
ولايه وخطر الرمي فيها

السيارت كثيره

وصلنه دارهم

تگدمت بعد ماكميل مسك ايدا وعطاها لي
احس كل شي ساويتوو گليل بحگها

ماشفت منا شي مغطايه فرحت السترها ماحدا يشوفا غيري

اخذتا ورحت للبيت وانا ناوي ليلتي الاولى تكون بغرفتي وداري الي خلصت ايام واتخيلها فيها

وصلنا الدار
نزلت ونزلتا تمسكت فيني حسيتا خايفه

شديت گبضة يدي ع ايديها اباها تحس فيني معاها وتأمن

اخذتا دخلتا للداخل بوسط هلاهل وزغاريد الاهل

وصيت شوگ فيها وجلست شوي جنبا وطلعت الربعي وهلي
ابا الدگايگ تمشي ابا احضا فيها

صارت الزفه كالت امي صعدوها الداره

صعدت وهم معاي وهوساتهم بأذني مفرحتني ازود
كل درجه بصعدها بسأل نفسي سؤال

صح الي صار كلوو والساويتوو والا حلم

محبوبتي صارت لي وماعليها لاحكم اخوو ولا ابو ولا عم ولاحكم مخلوگ غيري

دخلت وانا اسمي بأسم الله

تگدمت عليها نصت راسها ووگفت رفعت راسا بيدي
بست راسا ووجناتا

..يالبيه هالطول فديت انا عيونك الي اسلبت مخي وخذت گلبي

حبيبه خليني اسمع صوتك

يتبع..