رواية عشق المومنين(أبناء الساده) الفصل الستون 60 - بقلم نازك الحمراني

السلام عليكم...أول جُمعة في رمضان ، اللهُم بلّغنا ما نود ، واجعل لنا دَعوة لا تُرد ، وأَفتح لنا بابًا إلى الجنة لا يُسد...ولااتنسو اختي من صالح دعواتكم فهي الان تحتاج الرحمه والفاتحه
............

سيد مجتبى/‏ألعلاقات تصبح قويه رصينه إذا كانت في بيئة يُسمح فيها بالتغافل عن أخطائنا،

بيىه يتوفر فيها الحوار المفتوح في أي موضوع دون خوف، ويقبل فيها أن نكون مختلفين عن بعضنا، فتقل التكلفة، وتزول الأقنعة، وتظهر المشاعر كما هي لا كما ينبغي أن تكون، هنا ينمو الابداع، وتنتشر الطمأنينة.

ألبيت من العصريه صار هدوء وماكو خطار كل اقربائنه جدي استقبلهم بديوانه الشخصي ويشرح الهم وضع زواجي وسرعته بسبب حالة سيد علي وخوفنه عليه

وهمين أغلب المهنئين من اقربائنا مقدرين وضع سيد مهدي بسبب ابنه سيد علي ومرضه وهمين الحاله الي تغلبت على صحة عقيله

فرحتي بزواجي من ميسم وعدم ندمي مثل ماجاي يصور البعض راح اندم بلعكس لاول مره اشوف نفسي بشخص خارج اطار عائلتي

لكن اجواء العائله من الظهر هنانه بوضع المرتبك امي وبيبي وعمه زينه يفترن بلبيت يشتغلن لان ألبيت يراد اله ايد على طول لان لعامله زنان خلصت اجازتها ومن الصبح جانت تجهز تسافر، وجدي هو الي مبتلش بيها باجرائات السفر

وكفت زنان أتسلم على الگل امي وعمه زينه يبجن عليها يحضننها وحتى سيد علي بچى عليها لان صار الها سنين طويله ويانه تفرح الفرحنه وتحزن الحزنه
وتاكل وتشرب وتزور ويانه كل مكان بعيد

زنان وكفت جدامنه سلمت عليه وعلى سيد مهدي لزمت جنطتها وهي تروح ياخذها جدي وياه تبچي من طلعت لان تحبنه ونحبها

خلصنه الوداعيه التفت عليه سيدومهدي

_اريد سيارتك اذا ماتطلع لان سيارتي يراد ابدل الها زيت وهم بنچر عندي

_صار عضيدي

عفتهم يسولفون صعدت اجيب سويچ سيارتي دخلت للغرفه واشوف ميسم طلعت صايه بيدها سالتها

_هاااا حبيبي وين وبيدچ صايه

_حبيبي تعرف اني مااعرف البس نفانيف او كلبيه اودشداشه او اي شي تقليدي ودشوف لبسي گوله برمودا أو وبجامه هيانه الصايه خاف احد ميحب لبسي ابسرعه استر روحي هههههه

ضحكت ميسم رغم جريئه بس احبها اخذت السويچ وهي بعدها تدلع

عفتها ونزلت لان سيد مهدي مستعجل رحت للصاله لكيت امي،وعمه زينه جاي يرحون كلت الامي

__رايحة ويه عضيدي

_اي يمه لان سيد حامد يستاهل طالب علم ودين و
وفوگ گل تدينه هو يتيم والساعي الى اليتيم ساعي الى الجنه

_اي يمه صح يستاهل وهو خوش شاب ربي يحفظه
تحسين بلهدوءمن تتناوعين اله زين ولا ااا شفتي بيوم قرا المولد بعرسي رن نقاله ولن يطلعه من جيبه من هذا النقال القديم ابو الدكم حتى كامرا مابيه

_صح وليدي خوش زلمة خايف ربنا

گلت الامي

-الغرفه منو ينظفها

جاوبت
-ساعه ساعتين وارجع انه ارتبها وهااا ملابسك بس
بس ملابسك جيبهن اغسلهن

-ماما مو عدنه غساله تنشف،وتجفت واتوماتيكيه وهي مرتي تبتلش

-لاااا حبيبي ماامن بغسل وحده من نسوانكم اخاف عليكم انه اغسل ملابسك وملابس اخوك وسيد باقر وهذا الشي مايتغير حتى لو ازوجتو

-براحتج حبيبتي رغم معلمتنه على دعاء وصرت اردده دائما ((ربي لا تجعلني أنظر للغد بضيق، ولكن أن أُبصره بِسعة رحمتك))

_اخاف عليگم رغم کل دعاء

_الله يحفظچ

طلع سيد مهدي من غرفته وياه ام علي تقرب عليه
يعدل ياخة قميصه

-رايح عضيدي ساعه ونرجع عينك على بيت اخوك

-صار وتدلل
طلعو وام علي رجعت للغرفه مالتها وانا صعدت الغرفتي بعد ان البيت فضى وصلت الغرفتي صوت أغنيه هادئه فتحت الغرفه متفاجأ بيها

وبضحك احاچيها

_ أباوعلك أحير هواي
آنـة وياك مَدري وياي

-اموت عليك بس تحچي وضايج

_ووج مو انتي مشغله اغاني وبيت الساده

سحبت ايدي ودخلتني

-اي شكوبيها حلالي ومالي ورجلي
ادخل
حطت ايدها على رگبتي وانا على خصرها مغمض عيوني مااريد انطي الفرحه الاحسها الاي شخص بدينا نتمايل بهدوء ويه الغنيه فتحت عيوني مااريد اسدهم اريد امليها وشبعها شوف الوجهه

-احبچ

نصت راسها خجلانه

-اشعجب خجلانه مو عوايدچ

دارت عينها ضايجه

-شكالولك عليه شنو مو خجوله اني خجوله بلمواقف
الي لازم أكون خجوله وجريئه بلمواقف التخليني لازم اكون جريئه

سكتت وكلشي سكت حوالينا الى مشاعرنا،واجسامنا كمت للحمام وهي بوجهه ابتسامه طلعت وكفت يم المرايه بايدي ارتب شعري
لزمت ملقط ارتب لحيتي وهي راحت تسبح اول ماطلعت كالت

-ميمو حبيبي ضوجه

انداريت الها

_ميموو منو هذا ولچ

_انت الدلع مالتك زوجي وادلعه

_هلا والله بلمشاگل

_ليش حبيييي

_لو يسمعچ جدي لو أمي أدلعيني ميمو

_لاااا حبي بطريقتي حخلي أهلك يحبوني ويتندمون على الساعه الرقضوني واخليهم يمووتون عليه

_مااعتقد

_عندك شك بقدراتي الاقناعيه

_لاااا ماعندي لان عمري بحياتي مچنت متوقع راح يجي اليوم واحب بهيچ طريقه

_شفت مو دگولك المهم وعدتني بشي أحبه أني وينه

_مو هسه هيچ گم يوم

_ليش

_مو أنتي ماعندچ جواز سفرج فگلف جدي ناس تشتغل عليه يعني حسبت يومين تلاثه وننطلق الشهر العسل الي انتي منتظرته

_على شرط

_شرطي

-اي دوله اريدها اني

-أكيد حبي

-اي بس لا تتاخر يروح شغف شهر العسل لان اهم فقره بعد الزواج هو شهر العسل

_لا ماانتاخر

راحت من يمي شمرت البرنص أتغير ملابسها وانا وکفت اراسل حسين على الصيدليه وهمين رسل اليه عينه من فايروس منتشر خلال هل فتره

كملت مراسله بسرعه وحتى شغلي على النقال لان
اريد اشبع رغم أتعجب بتصرفات ميسم واسلوبها وحتى طريقة لبسها فعلا مشايف صنفها

وكفت اتناوع الها شلون تلبس برمودة ورديه ورفعت رجلها تلبس حجل ابو اجراس سحب تشيرت ابيض نص ردن وشعر فاتحته صارت تشسوره بكل حرفيه

يربي شگد حلوه ونازگه,وفنانه بكلشي تلزمه بيدها
مشطت شعرها ورفعته لفوك

خلصت أجت تفتح باب الغرفه انتبهت على لبستها اجيت عليهة وهي توترت

_‏ما يشبهك إلا جمال الليل و الدنيا والمطر

_عليه هذا الغزل

_أي حبي بس ووين رايحه بسرعه

_أنزل جوه

_بهذا لبسچ

ابتسمت

-أي صدك أشلون لبسي حلو عجبك

-عجبني وحلو بس بلغرفة موخارجها

_وهسة حبيبي ماكو احد بس اني وياك مو کلت راحو اهلك

-اي راحو بس اذا اجة احد مايصير لان هذا مو اي بيت هذا بيت الساده

_اووي شهل أوفرر هههه قابل جامع بيت الساه

_،لاااا حبي مايصيررر وترى أحنا على گلشي أتفقنا عليه وانا مجبرتچ وضحت الچ وضعي وضع أهلي

_أهووو موو اني

_هذا أااااااخر كلام

_ميمو ميمو حبي لاااااااتخلينه نجادل على مود لبس للبيت اضوجن واني مااخذة حذري گولش زين ذا احد دخل للبيت

_وشنووو الحذر

راحت كنتور معصبة وطلعت رداء او هيچ مثل عبائة كتف مدري صايه وياهن شال وخلتهن على ايدها

_هيانه هيانه الأحتياطات اووكي

حاولت اكمل بهدوء لان تعصبت من طريقة كلامها واستفزازها رغم موضح الها طبيعةبيتنا وهي لساها تحاول تستفز البيت وناسه

تقربت لزمت خصلة شعرها العب بيها وشدها على أيدي حتى أصبر نفسي هي ماتعرفني زين راح احاول اسايسها وستفزازها الغير مقصود احاول ان اكون متفهم بيها

گالت

-جوووعانه ميته من الجوع وانت طولت نضر حبي

أبتسمت

-يله راح اطلب دلفري

لزمت ألنقال اريد اطلب گالت

-لااااا اريد اطبخ انا اعلمك على أگلاتي ألخاصه وعلمك على تگتگاتي وحبشگلاتي بلطبخ

_يعني حرگات همين

_أي ألگولشي حرگات وسستم

_زين شنو راح تجهزينه أگل بحيث أنبهر

_أنزل ويايه تعرف گولشيي لان راح اطبخ ألك أكلت ميسم الجوكر واخليك تعيش الانبهار

-اسم يخوف و مسامع بأگل اسمه جوكر

-اي لان محد مسويها غيري..بس اهم شي عدنا بيتنا گون متواجد لحم

-حلوه مال بيتنا

-اي بيتنا ىعد شنو وراح اطبخ هاي الاكله اهلك گلهم يحبوها وخاصه امك وعمتك اذااااا مايحبوني مااسمه ميسم

-يله عدنا وقت هواي

-يعني موافق

-خليني اجرب طبخچ ولو مجربه هناك

لزمت ايدها نزلنه الدرج سويه تعدينه غرفة ام علي مشغله دعاء

هزت ايدها ميسم ودخلنه بسرعه للمطبخ عيونها تبحلق بلمكان متعجب صاحت

-ياااااابه شنهاأااي المطبخ كد ماجبير يخوف

-عجبچ

-يموووت حرامات اطبخ بيه هذا أكعد بيه اخذ لقطات صور

_اي هو هيچ

_ليش وين نطبخ

اشرت الهة على غرفه جانبيه بيها المطبخ الحراري

_هنااااك حبي اطبخين

-يعني مطبخ ثاني غير هذا عزااا شلون عفى

_هاااا

_اقصد خوش

-يله حبي جعت لان فعاليات هواي سويت

_هههههه ملعون ماشي جيب الحم وياه قطع دهين عدگم طلبي مو

-اي اكيد عدنا وبعده تازه والله ماعرف وين توديني هااااي اول مره تصير بيت الساده

_ومووو اخر مررره

_احبچ

_امووت عليك

رحت للمجمد طلعت المواد التحتاجهم واتناوع الها اشلون تشتغل سحبتلي تفاحه أگل بين متجهز طبخها

اخذت أللحم قطعته قطع على شکل شرايح اشويه رفيعه وشمرتهم منكاسه گزاز تكصص وتشمرر اخر شي راحت للگاونتر اطلع بهار وتشمشم وطلع ابطال وتشم بيهن كتلها

_مووو بس اطبخين شرحيلي حتى نسويها سوه

_همين صدك دشوف هيانه نص كوب خل ابيض
خاشوكه مال چاي دارسين
وخأشوكه فلفل اسود
وخاشوكه هيل
وخاشوگه ثوم مطحون
وخاشوكه بصل مطحون تخبطهم خبطه زينه وتجيب
أللحم الي كصصنا شرايح يتنكع بلخلطه مالتنه و بين ماتجهز الطاوه وتحمى الخلطه متلابسه زين

راحت على أمبي ثري زغيره معلك يم البلازمه امي مرگبته حتى من تطبخ تشغل قرأن

ميسم سحبت من جيب بجامتها توصاله ورکبته بـmb3شغلت أغنيه

ماحچيت عليها مستمع بلحيويه والنشاط العندها
تشتغل وتفتر ,وتتمايل ودور على شغلات محتاجتهن وانا مسطور

أخذت طاوه خلت زيت بين ماحمى جابت بهارات
أتسوي بلأكل وتتمايل شمره اللحم هو والخلطه
وتقلب بيها التفت اليه

اجتني

_شعري ابعده عن عيوني جاي يضايقني فد مره
عفت گذلته ورة اذنهة ومررت اصابعي على خدهة

_شنو هاي ترافه عوفي الغدة واروح نصعد للغرفتنه

_لا حبيبي هسة سبحنه ونزلنه واريد اخذ راحة بلقليل ثلاثة ايام لأن انت السويته بيه ليهسة متذيه منگ

_ويهون عليچ انحرم من هاي ترافة ثلاث ايام وهذا جمال

_حبيبي خليني أگمل الاكل وبعدين نتحاسب على تريده

ضحكت عاليه وراحت لطباخ تمايل بشعرها وتزيد حبي
رجعت غسلت ايديها نشفت وخذت مبايلهة

-حبي بين ماينحمس الأكل اسمع هاي الغنيه كولششش حبيتهااا

_ميسم ترى زايد منچ شنوووووو اني شحچيت وشفهمتچ الوضع

_حبيبي بس اني وياك هسة مااريد اضيع وقت
خليني على راحتي

-اللهم صبرك ياروحي

حركت mb3وشغلت الغنيه واخذت شال وشدته على خصرها
وتردد ويه الغنيه

تعال اشبعك حب اشبعك دلال
تعال يا ابن الحلال .. بس الك مانطي مجال
تعال .. تعال .. تعال

سحبت کرسي گعدت عليه اتناوع الها والرگصها
وهية دندن اجت تتمايل گعدت بحضني وعافت اديه على ركبتي حضنتني وتغني...

اويل ويلي شلون انام .. واني موتني الغرام
روحي متخبله عليك هواي...

دفعتني بهدوء رجعت تتمايل وتهز بجتفه بغنچ

-هااااي طقوسي الخاصه لان الركص مو بس ركص لا هو الناحت جسمي نحت گلشي اسويه واي شغله لازم اشغل اغنيه واركص احرك شحوم

-جننتيني

-مشايف الجنون بعد بس هااا لازم تجرب ويايه حتى تحرق شحوم الأكل

--ههههههه گاااافي لااااا يجون

-حبيبي مااسمعك صوت الغنيه عاليه

-يله لاااا يرجع جدي بسرعه

-صاررر وتدالل

بين ضحكنا وركصها أسمع دك حيل بعوچية على باب... طفرت من مگاني

-هاااااا شگتلچ اااااجو التهت تلبس الصايه وتلف الشال وطفت جهاز

دخل جدي وعيونه تجدح وانا بيدي التفاحه
ركضت عليه ميسم

-هلااااااااا بجدووو الله ساعدك

تناوع الها بغضب يردد

_استغفر الله ربي فان إنْ غَلَبَني الألَم سابقى أتَذَكَّر مَقَامَ الصَّابِرِين ..

رغم جدي وعصبيته بس ميسم مدت ايدها أخذت منه عبايه من ايده وتكول

-حمااااتك تحبكگ سوتلك أكلة گووولش راح تحبهاا

رد عليها جدي لان طبيعته ميحب يفشل احد

-الله يبارك بيچ بويه

تأفاف عافنه وراح دخل جوة

اسمع صوت امي وعمتي وسيد مهدي اجو بلباب

التفتت عليهم اسلم من الباب دخل سيد مهدي من باب صالة بأوع عليه بنضرة اول مره اشوفها
وراح كبل الغرفته

وامي دخلت من باب مطبخ وعاطت

-هاااي شنوه الاغاني ياتالي وبياووگت بيت السادة أغاني تنسمع بيه

اجته ميسم تضحك وبسرعه وصلت الامي بيدهاا كلاص مي

-أشلونچ ماما الله يساعدچ أشربي مي مبينه تعبانه ونطيني ياها للعباية لان گولش حاره اخذتها من راس
امي وقدمت الهة الكرسي

-أگوعدي استراحي

أمي الچانت عصبيه وتصيح هدئها تصرف ميسم حتى سكتت من خذت عباته ونطته المي وكعدتها
رجعت صارت ورى أمي تفرگ متنها وامي گلما تريد تحچي ميسم تسبقها

-هسة دقائق وتكمل طبخة

-ريحة شنوو هاااي

.-طبخي ماما وخليه مفاجاه

تمشت ميسم للمطبخ الحراري عمتي زينه على وكفته أيده على خده تتفرح على لباقة ميسم من راحت

گالت
_مجتبى هذا تصرف مامقبول انت اول تالي شغل اغاني وصوت عالي بلبيت

حگيت راسي وحاير شكول الهة وضلت متمت بلحچي جاوبتها

_عمه موووو

حچت امي تگطع الكلام

-يالة بعد لاتعيدوها ومريتك مبينه خوش وحبابه وتحترم شگد ضجت منها اول مره بس باع شلون تتلكه الگل وحبابه

ردت عليه عمتي زينه

_هااااااي شنو ام مهدي مااعرفتج

_ خية وين الكى هيچ چنه نشطه وبشوشه واريحيه تاخذ عباتي وتفرج امتوني

-ترى ام مهدي هاااي لواگة

-وذااا لوگيه دشوفيها أشلون مااتعب وذيچ مرية سيد مهدي چانت اذا گعدت أگبالي گووه طلع سالفه وتسولف ويايه

-هيچ الحچي صارر مووو

-أي اي وعتقد چنت غلطانه بنضرتي الهة ياعيني احسن من غيرهاااا وين ام عامرر تشوف چنتي حلوه
ونازگه ومثقفه ومعدله ..

ردت عمتي

_هااااااا الله يديمچن ويكثر المحنه

أجت يمي عمه زينه تهمس

-مريتك خوش تلعب ولعبتها صحححح

ضحكت وراحت كامت امي وراه راحت

واسمع صوت جدي صيححححح مجتبى تعال...

اجت ميسم لابسة الصايه ومدگمتها ولافه شال زين
وگفت متعجب خلت ايده بذراعي وگالت

-تعال حبيبي انشوف جدي شنو يريد

-أگعدي اروح اله وحدي

_لاا حبيبي وياك اني احب جدو عوفه عليه

ضحكت عليه

- لاحبيبتي ابقي هناا او صعدين افضل لايصعد ضغطه بزايد هههههه

عفته ورحت دخلت للاستقبال لكت جدو ويمه سيد مهدي
جيت كعدت وكتله

_نعم جدو صحتني

_اي صحتك اريد اشوف هذا تصرف تالي وكت بيتنا هيح يصير

دخلت ميسم وبيدهة صينيه عصير نومي بصرة
وقدمته لجدو وهية تكول اله اشرب اليوم تعبت من مشوارك ومجتبى جان دي سولف بيك وتعبك عليه

كام سيد مهدي وكال اترخص

جدي رد عليه... وين سيد بعد ماكملنه حجي

_جدي ام علي ماشايفهة وهية تعبانه على وشك ولادة وجاي تتوجع وتاخرت عليه هواي اترخص اروح اطمن عليه وارجع

_ولگم يسادة شهل عشگ تارس گلوبكم

_تلاميذك جدي هههه

طلع سيد مهدي وعرفته ماعجبه الوضع وتصرفنا ضجت حيل من روحي

التفتت واشوف ميسم جايبه جهاز ظغط گعدت يم جدي

-انطيني ايدك جدو لان وجهك متعوب وشفتك يابسه
وانت حتى مشربت النومي بصره لان اشگ ضغطك صاعد اشرب حتى نزله اشويه

بقت أتقيس ألجدي الي مسلم نفسه للاخير مدري الخاطري مدري تعبان بس العجبني ميسم تشاقي
وتحجي وياهة على ضغطه
وجدي مسترسل بلكلام وياهة کلها

-العمر والتعب يابنتي وين يروح تعبت يابنتي

رفع راسه وشافني أباوع عليهم
ورجع يحاجيه..

_يابنتي شكد مانعلم ونحچي وننصح مايفيد بعد فات الفوت وراح التعب التعبته

بأوعت عليه ميسم وعرفت القصد عليه

_يااجدو اهم شي صحتك عدنه وان كان شفت غلط
من عدنه فأحنه نعتذر منك وبعد متنعاد ودنكت على راسه وباسته ودنكت على أيده ورادت تبوسه بس جر ايده

_ربي يبارك بيچ بنيتي ويحفظچ وتگونين كفو او ام معدله للساده

-انشاء الله جدو

دخلت امي وكعدت
وجدي صاح على سيد مهدي

دخل سيد وسلم
وميسم ردت سلام وتحجاي على العشاء سوته

ضلت تتعذر وتكولهم سبب مني

وجفصت يمهم بأسم دلع وامي مقبلت عليه وعرفت شلون تتلفاه زعل امي

انتبهت على اخوي عضيدي
شلون منتبه عليه وعلى ميسم

طلعت ميسم اخذت بيدها جهاز الضغط وانا صافن عليها شهل السرعه العدها بلشغل يمتى محضره الجهاز يمتى مسويه العصير كله هاي بعشر دقايق

اشرلي سيد مهدي اجي وراه
هزتله راسي وكتله جايك

مسحت وجهي أجيت على جدي وبست رأسه كعدت بصفه وعفت راسي على جتفه

-هااا جدي بعدك ضايج مني

-لااااا بلعگس چنت اول مره ضايج بس موقف زوجتك اليوم فرحني

-ليش لان قاست ظغطك

-لاااا بويه بس شفتها الصبح من أجت أم عامر الكل ضايج من جيتها لان تعرف السوته مو هين حتى نسامحها بس مريتك گفوو هي راحت وستقبلتها وهم
وسولفت وياها وخلي بالك لاااا تورجها على مشاکلنه من هسسه

رفعت راسي ضايج معصب

-ليش جدي من اجن النسوان ماگتلي أم عامر وياهن

-قابل اطردها يابويه

-لاااااا مووو تطردهااا بس مااريدها تتقرب عليه ولااا
على مرتي جدددي ليش مگتلي بله ميسم معذوره وماااتعرف الناس ولا تعرف شمسويه بس أنت امي
عمه زينه ليش

-لاااا جدي بعد جدك الخاطري عبر الموضوع ولااااا تگبره انا الاچلكم كلشي اتحمل وانتم ماتتحملون أم عاااامر مرية وليدي

-بس ميسم ماگالتلي جدي ليش؟

......
......

سيد مهدي//

-ليسَ قطارًا ما ينتظرك في نهاية النفق , إنه الله يقفُ لكَ هنالك ليأخذ بيديك نحو الضفة الأخرى من هذا العالم، عالمٌ لا يسوده البغض والڪراهية، عالمٌ لا تسمعُ فيه سوى كلمة ' حُب'

دخلت للبيت على صوت أغاني ونقالي اشتغل تطبيق الصلاة تفاجأت أنا وامي وعمه زينه لاول مره يصير هيج شي بيتنا دخلنا للصاله ويه دخلتنا متفاجأ وامي راحت ركض على المطبخ انكطع صوت الاغاني
شفت مجتبى واكف باب مطبخ عفته ودخلت من باب صالة
وامي بقت تحجي عليهم

-سيد مجتبى شنهااااي جاي يصير بلبيت هاااااا يمه كول
صار صوت مجادل بينهم عمتي زينه راحت الهم وانا
سلمت على جدي بقينه واكفين وتذكرت لبس ميسم الصبح يعني لازم اروح الغرفتي بسرعه

تمشيت كالي جدي

-وويين يبوي لازم تشوف ويانه المشكله
كعدت صاح على مجتبى اجة ورة شوية دخلت ميسم
تقدم عصير ألجدي

_ جدي اترخص مجرد دقيقه اشوف ام علي لان اتاخرت هواي عليها وانا كتلها بس ساعه وصار النه تلث ساعات راجعلك جدي وطلعت

دخلت الغرفتي متعوذ من الشيطان والحجي ويه سيد مجتبى بهيج وقت ماراح يجيب نتيجه

بفتحتي للباب وصوت دعاء التوسل عقيله كاعده بزوية الغرفه على السجاده تقراء قران بصوت ناصي ويمها مدد سيد علي فرحت من شافتني

ومَا الحُبّ
إلّا أن نَمضي مَعًا
إلى جَنّة الرِّضا
نَبتهِلُ إلى الله
ونَدعو تَحتَ القبّة أن نَشيبُ مَعًا
ونَبقى سَويًّا على حُبّ الله وبرگة الله

ثواني سدت الكتاب الكريم اجيت يمها

-السلام عليكم شلونج

هزت راسها ترد السلام
انقهر من اشوفها ودها تحجي ،تعبر واعرف الي صار ضوجها بس طبيعتها تغلس سالتني بيدها(معنى)شبيك

جاوبتها
-ماكو شي مجرد انا شخص مايگدر يسولف جدام جمالج ولابسه چادر الصلاة منطيچ حسن بس هااااااا نسيتني وانتي تدعين مووو

اشرت بيدها على گلبها(معنى)مانساك أنت بگلبي

_اعرف قارورتي بس ليطمئن قلبي لأن لُغَاتُ الحُبِّ هوايه وأجمَلُها الدُّعاء.

ابتسمت لان تعلمت مني انواع الحجي الحلو والجميل الها لزمت ايدي لان جنت صافن بعيونها حچت بلاشاره
(معنى) جدي جاي يصيحني حاولت تفهمني اكثر وانا ممستوعب الجاي تحجي لان مو كلشي أفهم عليها
حتى ماتحس انا مافهمها لزمت خدها احاجيها بصوت ناعم هي تحبه

((رحم الله فتاةً لم تُؤتَ من كيدِ النّساءِ شيئاً
بريئةً نقيةً صافيةَ الروحِ، لا تخدعُ ولا تُنافق ، لا تكره ولا تتربّص ، لا تحملُ ضغينةً ولا حِقدًا ولا حسداً ، لا تغتابُ ولا تنُمّ، و لا يشغلها من ترّاهات فتياتِ أهل عصرنا شيئا ، تحملُ الخير للجميع، وتُجاهِدُ ألا تتركَ إلا أثراً طيِّبا))

رجعت اتاشر اليه

گتلها

-حبيبي شدكولين كرري حركت عيونج حتى املي نفسي

اتنهدت تهز راسها بيأس مبتسمه كامت من السجاده فتحت الباب رجعت عليه لزمت ايدي تكومني كوه عليه
وصلتني يم الباب وعرفت مقصدها اروح الجدي وانا اصلا شارد الها حتى مااسمع ولا اشوف الجاي يصير
-هسه اروح بس عندي سؤال الج بما ألتهينه بتحاليل علي وماعرفنه جنس الجنين لان أهم شي عندي تمام الخلقه والصحه الزينه شدكولين انروح انچیک علی وضعچ

مدت ایدها اثنین(معنی)هيه بعدها بثامن ونص من كلش يقترب موعد الولاده يله فتهمت من اشارتها
جاوبتها

.-مو صحتچ عندي اهم اريد اتاگد ماگو مضعافات على حملچ ولا فقر دم

تناوعات للسید علي بقهر
طمئنتها

-لاااااا تخافين عليه ربي مارح يفشلني وانشاء الله يصير زين ويصعد اشويه دمه ونسافر بيه للهند
اخذت ايدي وخلتها على گلبها(معنی)گلب آم ماگدر اسوي اي شغله اله أطمئن عليه
اخذتها الصدري

-براحتچ حبیبه براحتچ
رجع جدي يصيح بعدتها اشويه

-دقايق واجيچ حضريلي المسك والسبحه والتربه حتى نصلي سوى لان أحبچ وتحبيني انبهچ وتنبهيني على الصلاة و أوقاتها

ابتسمت فرحانه اعرف عقيله انسها الوحيد هو الصلاة والقران والتسبيح لهيچ دائما من تسمع حچي وتتأذى من أي شخص صار عادتها وطبيبها النفسي القران

طلعت للصاله على صوت جدي العالي وحجيه الغاضب كل خطوه اكول يارب مالكى عركه صايره لان البيه مكفيني وصلت للصاله ميسم لابسه محتشم سلمت
.
-السلام عليكم

اندارت عليه تضحك

-وعليكم السلام عيوني ابو علي استريح اليوم حسوي الكم احلى أگل الیوم

جاوبتها..

-ماتقصرين خويه

-فدوه الكلبك عيوني
التفت المجتبى الفرحان بلي جاي يصير وانا مستغرب
ليش فرحان وليش اهلي هدئو تناوعت واشوف ميسم
لازمه جتف جدي وتكله

-جدو الله عليك ونبي اني السبب مو ميمو اني شغلتها للاوغنيه مدا اقصد وانتي باجي كوولشي ولا زعلج عليه
وانتي ماما ام مهدي ميمو موصيني عليج تعذروني وشويه شويه حتعود على عوايدكم شدكولون

جاوبت امي
-شنوو ميمو وعيب هيج تكولين جدامنا اكو غرفه

-يووو عمه تدللين مجتبى

-لاااا سيد مجتبى

_سيد وشيخ راسي شعندي غير قابل
هنا عرفت ميسم تحاول تكسب اهلي بتصرفاتها وحتى لو بطريقه الملاقه الزايده المهم تبقی حرمة اخوي
كمت منهم اترخص جائز حقيقه ميسم شخص صالح والظروف جعلت منها هيج انسانه
اشرت السيد مجتبى يجي ورايه طلعت لكراج متحجج بلوضوء ورة شوية اجى وكف يمي

-كووول عضيدي

-السمعته من شويه شنوو

-اهووو يمعود مرتي ذكيه وتلافت غضب جدي وامي واحلى شي دكول العمه زينه باجي وعمه زينه بدال ماتحجي عليها استحت ههههه

تناوعت بنظره هو فهم قصدي اندار للحديقه منتظرني اكمل كتله

‏انت وانا وگل شخص يتمنى أن ينال وَصلُ الإمام الحجة واللقاء بهِ "روحي فداه" بس هيچ وصل مو بسهوله لان صعوبتة الأمر تكمن في جهاد النّفس
‏ والتخلي عن الدُنيا و ملذاتها

_بس والله ممتفاعل ويه الغنيه وامي مازعلت حتى جدي وعمتي

-شوف عضيدي اعتبر نفسي انت وانت معتبر نفسك انا
لان انت مو بس اخوي انت مرايتي وعگازتي وتچوتي

-وانت ياابو علي الصاحب والاخو الوحيد اليه

-ماشي حبيبي اسمع من اخوك هاي النصيحه الي البعض
ماياخذ بيها وهي أنو عمري ماهمني شخص شنو يكول او راح يكول مهما كان هذا الشخص ومهما قرب مني

لان لو وكف العالم بگفه وانا بگفه راح اكول انا الصح والناس غلط تعرف ليش لان كل خطوه اخطوها احط جدامي خوفي من رب العالمين

كل خطوه امشيها او كلمه احچيها اخلي بيها ذكر الله
كل عمل كل موقف كل تعبير لازم جدامي خوف الله
وانا جاي اسئلك لان اخوك وسندك ليش وصلت الهيچ مرحله بحیث الاغاني صارت‌ مجرد خوف من جدي

-مو ساعه الربك ساعه القلبك

-ومنو كال هاي الساعه راح تعيش بيها وماتموت ميتة الفجاه او يصير حادث او شي

-وهو ماصار وجدامك انا زين

-استغفر الله ربي عمرك طويل بس ماريدك تنجرف ويه الموجه انتي اخويه وعضيدي وسندي الوحيد بعد الله واهل بيته

لان أصعب الحرام " أوله"
‏ثم يسهل
‏ثم يستساغ
‏ثم يؤلف
‏ثم يحلو
‏ثم يطبع على القلب
‏ثم يبحث القلب عن حرام آخر.
‏قال بعض الصالحين: إذا دعتك نفسك إلى معصية فحاورها حوارًا لطيفًا بهذه الآية:
"‏قل أذلك خيرٌ أم جنّة الخُلد التي وُعِد المتقون"

-انشاء الله اخذ بحجيك

-مجتبى نسيت اگلك ظهر فايروس جديد

-وين بس لا قصدك الي بصين يمعود شنو يجيبه النه
-لااااا مجتبى اصدقائي الدگاتره متخوفین منه گلش

-وعلی شنو یخافون اصلا چنت اراسل حسین صاحبي الاستاذ مالتنه مال الابحاث كال مجرد حاله عرضيه مو وباء لان تعرف هذا المرض مو جديد

-اعرف مجتبى مو جديد و چان ۲۰۱۲اسمه (السارس)
او ومتلازمة الشرق الأوسط بس هسه الوضع خطر بسبب الرذاذ الكيمياوي المنتشر بجو اكثر الناس تعاني من امراض الرئه ولقلب والكلى اذن اذا انتشر يكون خطر

-زين شعجب فگرت بلمرض وهو اصلا لساها محصور فقط بولايه صينيه زغيره وحتى ماانتشرت بأي جريده او مجله او حدث عملي

-خايف على وليدي سيد علي لان تعرف تنفيه وقلبه اشلون تعبانات

-انت أدگول هیچ

-اي يخوي انا لان الانسان مهما كانت درجة يقينيه راح يكون نقطة ضعفه اطفاله

-اعرف سيد مهدي بس متلازمة الشرق الاوسط مو مرض عادي فيروس حيواني ينتقل من الحيوان للبشر. وبعد تحاليل جينومات الفيروس تبين ألمنشأه هو الخفافيش وبسعوديه انتقل من الخفافيش للجِمال واحنه الحمد الله لا جمال ولا خفافيش

-هههههه الله كريم والله يامجتبى انشاء الله خير نتامل
وماراح ينتشر حسب اراء اطباء العالم

-انشاء الله

-أنشاء الله وهسه رايح اصلي وانت هم لا تنسى صلاه

تركته ورجعت على عقيله توضيت كعدت على كرسي الصلاة مجزته اليع وعقيله وسيد علي ورايه يصلون مددين سجاداتهم

توجهنه للقبله انصلي كملنا الصلاة طولت بدعاء وانا ساجد على التربه وعقيله مثلي صوت بجيها كسر گلبي واعرف هي ام وعدها اهم شي سلامة سيد علي

واعرف بنفسي انا الاب والزوج وعندي سلامتهم اهم مقهور،وحاول اصبر واصبر نفسي لان عقيله قرب موعد ولادتها وسيد علي قرب موعد عمليته انداريت عليهم عقيله بعدها ساجده

-ام علي ام علي

كامت وعيونها حمر تهز راسها

-ليش البچي .
لزمت راسي علي تبوس بيه

اخذت ايدها
-مو رب العالمين موجود الخوف ماراح يقدم ولا ياخر
نصيت عليها امسح ادموعها سيد علي يحجي كوه لازم السبحه وضايج ويكول

-ماه ماما لا تبجي انا وبأبا نضوج

ابتسمنا على حچيه ولفته للسبحه على ايده وحركاته الاكبر من عمره اخذته من ايده حضنته
-ياروح ابوك اشلون بيه وليدي اخاف علیك من روحي
رد

-بابا انا بطل مااتوجع لاتحاف(لاتخاف)

-اي بويه انت بطل يله جدو يصيحنا خلينا نروح ام علي كومي حبيبتي

اخذت سيد علي طلعنه نتمشى صاحني جدي
-بويه عقيله تعالي اخوانچ اجو

انداريت السيد مهدي فرحانه كل ظني غفران ومنتظر رتبت حجابي وعدلت عبایتي رحت للديوانيه والگی رامي اخوي وجهاله الثنين تقرب عليه يسلم وبصراحه كتلته اليه مانسيتها بعدني خايفه منه مديت ايدي اله بخوف اسلم وجهه غنتب مقهور

-خیتي ليش رجعت علیچ هاي الحاله مو طبتي قبل وصرتي ورده الوردات

مكدرت انطي اي ردت فعل بس صيت راسي على جهاله فرحانه بجيتهم حضنتهم ماعرف شنو احس بهل لحظه بس عيوني دمعت غصب
الفرحه وهم يصيحولي عمه نسيت بهل لحظه كلشي سوو اليه رامي وسميره لان بلاخير هو يبقى اخوي ابن ابويه
كعد رامي على رگبته يلاعب سيد علي وسيد علي فرحان بجهال يسالهم بثقه لان انه وابوه يمه يحس بلفخر

-انتم شنوه اسمگم

يجاوبونه الجهال وفرحانين الى ان تناوع الرامي يساله

-وانت شنوه اسمك

-اسمي رامي رامي خالو رامي انا اخو ماما ذا تبقى هيج
حباب اخذك البيتنا تلعب والمدينه الالعاب وترحون تشوفون بيبي سميره
بجيت لان سيد علي محروم من الطالعات الي حق كل طفل يطلعها وهم لان الوضع مؤثر من خال يحچي ويه ابن اخته بهيج طريقه

كال سيد مهدي
-مشكور رامي على زياره وتفضل العشى راح يجهز

-لااا مستعجل مجرد حبيت اسلم عليكم ومشكور على وكفتك والله ماتنسي
-مابينه مواقف الي بينه صلة ومحبه
-كفو منك واترخص لان ابن عمي ياسين بلباب منتظرني بسيارته

چنت واكفه يم التخم من كال ابن عمنا ياسين بلباب رجعت خطوه ايدي على حلگي،طلعو وطلع سيد علي يركض وراهم وانا خايفه من جيت رامي وياسين وسيد مهدي مرحب بيهم

‏"كل شخص يستحق على الأقل جهة واحدة آمنة في حياته، جهةً لا يُضام منها ولا يُضرُّ عبرها، جهة يستند عليها كلما أرهقته الأشياء."

خوفي خلاني طلعت وراهم للطارمه ردت اسمع شنو الصار وشلون السيد مساعد رامي وياسين

انفتح الباب البراني جيت التفت حسيت بدفعه ردت اعثر على بطني بس لزمت الحايط انداريت

واشوف ام عامر هي الدفعتني اجت من باب الحديقه
دخلت وخازره بحقد لافه عبايتها ولازمتها حيل

-هاااا يلمخلوسه بعدچ خرسه
بأوعت عليه اريد احاجيه مااكدر رفعت ايدي بصبعي عليه ردت كله من وراج اني بهاي الحاله خاني للساني

تقربت تهز أيدها

-حوبت گلبي وابني وراگم وراگم وعیني راح تبقى حاسدتگم لااااا عبالچ...
التفت یمنی یسری واهز بیدي عليها تحچي بهمس

- اي يلخرسه شنو باله سوين دروحي من وجهي
من شوفچ اذكر حبیبة عامر واكرهچ اگثرر وچ مو بیدي اكرهچ وفوگاها راح تجيبين بعد ولد لمهدي عساكم لاتهنتو ولااااشفتو فرررح ولاا تفرحين بشوفت البطنچ

شهكت وعيوني تصب دمع من حجيها وحقدها
تقرب سيد علي من عندي وعينه اليه والام عامر الي تقربت عليه كنبصت المستوى جسمه تحاچي

-اشلونه البطل

رفع راسه اليه وجاوبها

-زين

-تدري حفيدي لازم بگدك لو ابني عامر عايش ومزوج حبيبته

-هااا

-اي مثل ماگتلك بس ابوك ساق السياره حيل

-بابا

-عوفك تعال انطيني بوسه

مدت ايدها لزمت ركبته تريد تبوس خده تقربت عليها
دفعت ايدها وكان جرثومه اطردها لزمت ابني شلته على گلبي رغم الوجع والخوف اشر بيدي واهدد مثل لبوه شرسه ادافع عن اولادها حاضنته ومغطيه وجه برگبتي
احاول اصيح ماااكو اشويه واجى سيد مهدي بثواني قبل لا يجيني شفت ميسم دخلت ام عامر من باب المطبخ

لزم ايدی سید مهدي يسألني

_شبيچ ياروحي ترجفين شيوجعچ جيبي سيد علي ليش شايلته وانتي عندج وجع بطنچ
رد عليه سيد علي
بابا چانت بيبي ثيح عليه وماما بچت

_عقيلة منو تصيح عليچ احچي امي
اشرت الة براسي‌لا لا لااا ردت اشرررت على باب مطبخ
اخذ أيدي وراح دخل تفاجاء وهو ويشوف ام عامر
كاعدة يم ميسم وعمه زينه يمهن على صفحة
تنهد بغصب وگال

-هااا أجيتي

جاوبته
-وعليگم السلام

عافني ومشى صوبها وگف جدامها ونزل سيد علي وهو ینتر

-شنوووو تردي من عدنا بعد ماكفاچ آلصار بيهة
ماااكفاچ ظلم مااكفاچ حسد وغيرة
كفي عنة للمرة الاخيرة

ردت عليه وهية مستغربة شلون وصلت الة

_ليش يمه مو اني مرت عمك شمسوية سيد جاي وتهدد عليه جاي اتبارك الأخوك الي ضربني راشدي يعني هاااي جزأتي هيج تهينون الضيف وين عمي وهذا بيته وهيچ
اني اتعامل

جاوبها سيد مهدي
_الضيف على راسي اذا كان مؤدب ومحترم أهله
اجت عمتي تهديني

_اهدي يمه شنو الصار هسة دخلت مرت عمك وتريد خاطرك وخاطر اخوك

سيد باقر صااااح

-كول وليدي شنو صار
گتله بغضب

_ماتعرفوهااااا ماتعرفوهاأا ياااجدي ياااجدي هاااااااي المرأه شيطااااأانه تمشي وذب سمه شوفي شمسويه العقيله لكيتهااااأااا ترجف وتبجي شنو تريد منهاااااأا طالبتهااااااا بثأر بعزاااأا

تقدمت جدام ام عامر ورفعت ايدي أفتح دگم قمیصي حيل بحيث دگمتین أدكطعن گد الحرگه دگیت علی صدري واثر العمليات وناقش علی جسمي رغم الألم گتلها

_أنت تردين تأخذين ثأرج الي هو قدر الله سبحانه اخذي مني اناأاا اناااا موو من هااي اليتيمه ولگم هاااي امانه عندي وهيچ تسوون بیهااااا

عوفيهااا عقيلة بحالها وبضيمها وجعهاااا كاااااااافي حقددد ياااااااامرة گافي

مجتبى چان فوك سمع صیاحي واعرف اخويه ما يهون عليه وجعي دخل يلهث وگف باب المطبخ وصار يمي يحاجي يهدي ويريد يفهم شنو الصار

عقيله//من شفت سيد مهدي هيچ متعصب ومنهار علیه بعد مااكدرت اسيطر على رجفتي وبطني خبطت من والوجع موتتني اشر اريد واحد ينتبه ماگووو
آلگل واكف يم سيد تهدي اردت احاول اصيح بس مااگدر بلعومي احسهه مجرح

أجاني وجع قوي وجفتت مي نگعت ملابسي عطت من وجعي و

-سيدددد مهددددي الحگلييييييييي كعددت للكاع
التفتووو عليه گلهم وجهوهم مستغربة
رركض سيد مهدي وكنبص يمي وایده ترجف
-ياااااآاا ربي اشبيچ يااااااااروحي

-وو وو وج وج وجع
لزمت حلگي استغربت يعني طلع صوتي بين فرحانه وبين الوجع وبين طفل احسه كلش وصل گتله واني امتمت بلاكلام
-راااااح اموووت سيدد الحگ

سید مهدي//صرخت عقيله وصوتها الرجع مافرحت بيه ابد لان مو موعد ولادتهاا بسبب ام عامرر وسبب ضغط
على اوتارها الصوتيه صار طلق

بقيت اردد بيقين وقهر(( يارَبِّ حِصْنُ كُلِّ هارِب وأمانُ كُلِّ خائِف))

گعدت افحص حالتها واشوف النزف اخذها اي مو بس مي الطلق لااااا تنزف اخوي مجتبى بحگم خبرته هم شاف الوضع خطررر

صحت بصوت عالي

-أنطوووووووني عبايه صارت عدهااااااا ولاده
صاحت

- بطني مااكدر طفللللل طفلل
شلتها ما أكدر صحت عمه زينه ا

-أااااااخذي سيد علي وبالچ عليه
اجت أمي حطت عباية علی عقیله لفتها بيهاا ركضت هية ومجتبى لسيارة

رغم اضلوعي والمها وايدی احس ربي نطاني قوه گدرت آشیلها وگفتها یم للسیاره دخلتها ودخلت يمهاا امي كعدت بصدر ومجتبى يسوق
-عقيلة ياروحي بأوعيلي

-فتحت عیوني اريد حاچي سید مهدي بس مااكدر روحي غابت عني واسمع يحچي ويبجي أماه فاطمة لاا تتركيني
بعدد غبت عن وعي

سید مهدي//خوفي على عقيله مخوفني من نفسي بقيت أصيح واول مرة طلع من طوري وتربيتي لان
وضع عقيلة شفته ميطمن وابني وهو شوف امه تنهان لااا لهنا وگاااااافي مااسمح ولااسمح احد يقترب من عائلتي
فرحتي بصوت عقيلة وانا اردد لك الحمد يارب بس خوفي يزداد گلما نقترب م للمستشفى رغم احاول طول الطريق تبقى صاحيه وصحي بيهة

مااريد تغيب بس هية روحه رايحة وجسمهة بيدي مااعدها اي ردت فعل

أنهاريت وبچيت لآن وضعها ماايطمن بقت أردد
اماااه فاطمه اغثيني واعرفه سيدتي فاطمه الزهراه ماتتركني

وصلنه للمستشفى وسید مجتبی مخبرهم بلوضع نزل مجتبى قبلي واخذ سديه وصله باب سياره شلتها ونزلت عقیله
مددتها وهنا عقیله ماگو اي استجابه ما تحرك لاااا أيد ولا رجل

جاي أقوي نفسي ماانهار مگدرت امشي الوجع ترس
جسمي'اعكز برجليه من الألم سندني سيد مجتبى
-عضيدي هاأاي انت القوي لااااا تضعف الله عليك لان انت انت الرگن القوي اليه

محچیت امشي گوه دكتورة سحر منتضرتنه باب صالة ولادة دخلته بسرعه لغرفه

تأخروو فوك نص ساعة بعدد مااكدر انهاريت طاقتي وكعدت بلكاع وسجدت وابجي

(ࢪبي مَسَّنِيَ الضُّرُّ وَأَنتَ أَرْحَمُ الرَّاحِمِينَ)

اجة سيد مجتبى يمي وامي كعدت بلكاع يمي يحاجوني
واني فاصل اردد بدعاء

نفتح الباب الصالة طلعت دكتورة كمت وانة اتجى على حايط ومجتبى ساندني

_ بشري دكتورة مرتي اشلونها

_للأسف؟؟

أتمنى أن أترك أثراً طيباً في حياة الجميع، أن يتذكرني أحدهم فيقول: لقد مر على حياتي شخص لم يؤذني بكلماته، لم يسخر من حزني لم يتركني وحدي في منتصف الطريق وحين ضاقت بي الحياة كان دائماً في أنتظاري.