رواية عشق المومنين(أبناء الساده) الفصل الرابع 4 - بقلم نازك الحمراني

❤مسائكم رحمه❤

...عشق المؤمنين...
...نازك الحمراني....

قيل لأحد الصالحين؛ كم بيننا وبين
عرش الرحمن..؟!
قال: دعوة صادقة لأخيك
أنت الذي تقرٱ الآن ، أسٱل آلله لك:
أن يبشرك قريباً بكل ماتتمنآه"

احلى شعور من چنت تفقد الآمان.....ویرجعلك
من چنت مکان الکل میطیقك......
بس هسه الكل يحبك

احلى شعور من چنت بوضع أختبار من رب العالمين
ومافي يوم اتذمرت وكلت ليش صار بيه هيچ...بلعکس..
چنت اطلع من كل اختبار"وموقف صعب..
اطلع بحفظ ايه قرأنيه
لو حفظ مقطع من دعاء الندبه...أقضي بيه على حزني

احلى شعور من اني چنت وحيده بيت ناس مطايقتني
بس أحس انو مامحتاجتهم....
لان حنان الله يشملني
رحمة الله تحاوطني..
عطف الله يعتريني
ودليل بكل لحظة أتأذه بيها اسجد لله واردد بحب له
"يارب أغنني بك عمن سواك"

بعد ما چنت اعيش بیت على كف عفریت
بسبب الذنوب..
بیت الکل بیه متوتر...
بیت الکل بیه عصبي..حتى طفل
بيت ماكو بيه قناعه...وصياح"سباب

صرت ابيت عمتي هاي المرأه الي صارت اليه ام امرأه "صابره"مؤمنه"اطيبه
زوجها خالي اخو أمي ناجيه"الرجل "المتفهم"المؤمن صار اب
ابيت بي جدو الحنين"الحكيم"الصابر

ابيت بيه أخوي برضاعه علي...الي صارلي ألسند
اختي غفران الي صارتلي..الحظن"وبيت أسراري

مر اليوم وأني أول مره أنام براحه...
انام بدون مااحد يكعدني بصيحه...وتعب
شوقي للسجاده هو هو...ما أتغير
لازم أكوم...أادي وردي اليومي...
جاي أكوم من الچربایه...غفران نايمه على أيدي
بعدتها أشوي بهدوء....ورجعتها راسها للمخده

اول خطواتي واني أريد أتمشى الوجع بعيوني وجع فضيع.أتلمست عيوني....
بعدني ماصارخه من الألم...
واشوف خالي قاسم دخل....وهو يسندني....صاح

-بويه "أم احمد..تعالي تعااااااااي العقيله
مدري شبيها

اجتي عمتي سندتي خايفه عليهه تصيح

-شبييييييچ حبيبه شبيييج یانظر عيني
لبستني الحجاب
واخذتني هي وخالو ركبت السياره واني الوقت توقف عندي
بسبب الألم...
بس الكل مشاركني بلألم...ويشيل أشوي منه
خالي"وجدي"وعمتي"وغفران"علي اخوي...

بداخلي شي يريد يفرح بلوجع الكل
لهفان عليه وهنا ودي أگولن الهم مستعده اخسر عيوني ألاثنين بس كون أبقى بوسطتگم وسط حنانگم...وما افارگگم
أكو اشياء ضاهرها عذاب.....
لكن دواخله تضمن رحمه النا الحمد لله...
كعدت على چربایة المستشفى....
بين حضن جدو"وعمتي"متوسطتهم.....
والدكتور يعالج عيوني....ويسولف گلهم

-الأحسن متتعرض عيونها الضغط...
وتترك الأمتحان
لان تقرا بوحده صاحيه....
يصير عدها صداع من الثانيه المتضرره..
والعمليه لازم اسووها...
نطانا ورقه الدكتور يعرفه..

طلعوني من المسشفى...عيوني ملفوفه بلفاف بعد ماضمدوها
والثانيه أشوف بيها...كلت الأحبابي

-لاتاخذون كلام الطبيب أريد أمتحن ثالث...
لأن ضاع من عمري سنتين...صديقاتي بلخامس عدادي
مااريد أضيع أكثر....اسوي العمليه وامتحن...

جدو بيها مريض...والسفر موزين عليه
خالي ابو أحمد اخذني لبغداد.....وهناك قبل لاروح للمستشفى...
اخذني الحضرت أبو الجوادين ..زرت الامام الكاظم عليه السلام

وأول دخولي للصحن وكفت بابه...فتحت كتاب الدعاء
وزرت خارج الحضره....مادخلت عيوني تنزل دمع منها والثانيه تحرگني أحاچی امامي
.
-آدخل انشاء الله سيدي  الحضرتك بس من أطلع من المستشفى
ادخل للحضره من تنطيني مرادي...
"ماخاب من تمسك بحبلكم"
وانشاء الله يرجعلي نظري واحضن الشباك

طلعت من المرقد  انه وخالي قاسم وبدخولي للمستشفى
..خدروني سوالي عمليه ...
لأن بوقتها الدكتور كال أستعجلو بلعمليه

دخلت وانه اردد دعاء الشفاء ماطولت هواي العمليه...طلعت.....
وكلي أملي....ارجع ببشاره..
بقينا يم قرايبنا ثاني يوم...رحت كملت زيارتنا
ورجعت ألأبو الجوادين عليه السلام
وزرت وكملت...ورجعنا البيتنا...

برغم الدكتور نوه مااأمتحن...بس اول مارجعت
حضنت جدو وهو باب بيتنه..

-جدو حبيبي الله يخليك لازم أمتحن.كال

-بنت الغاليه لدكولي يصير براحتج مااحرمچ
برغم الالم.....بدت الأمتحان...
واني أقرا....
وكلما يجيني الألم ...أدعي ربي يصبرني..
مره کعد اقرا  رياضيات توجعت عيوني
أجي جدو بقى يقراء على عيوني شوي
حسيت براحه وكملت قرايه

من امتحنت نكليزي طلعت بطارمه اقراء وابجي من وجع عيوني أجت عمتي ماما  تقراء على راسي أيات قرأنيه..
هل اشياء..تذلل الألم...تقوي المعنويه

الى أن كملت متحانات الثالث متوسط...
كملتهن بعين وحده....وراح خالي أستلم النتيجه......ناجحه
واني ناذره وي روحي...اذا نجت الثالث متوسط
أحفظ دعاء كميل كله....
وهنا بديت...احفظ بكل فرض....ورقه...
حفظته عن قلب

وبدت مرحله بحياتي واني أكعد يم ماما....
تسولفنا أسوالف الليل...قبل منام
بس اسوالف غير شكل
چانت اسوالفها  من آحنا آزغار...
اسولفنا كيف الله سبحانه
يحب الأنسان الصادق...كيف يعاقب الكاذب
كيف جانت دعوة النبي محمد صل الله عليه واله
ومن هم اهل بيت النبوة...وعددهم"وعمارهم
وخلتنا نحفظهم بسره...وكلمن قصته

بس هل مره اسوالفها غير شكل
بدت أتعلمنا أنو أنكون....جنود منتظرين...
أنو انكون عاشقين للحجه...
علمتنا كيف انكون من اتباعه...
ماما كلامها أخذنا التجليات في عشق الموعود...
وأول ماسولفت عنه....أبلحظتها شعاع نور
دخل الگلبي....شعاع حب للحجه....ع.......كالت

-تدرون اشلون أتكونو انصاره...
من تكونو صادقين مع أنفسكم...
من تحاربون الباطل....وأول متبدون محاربت النفس
هو أكبر عدو...النا
محاربة النفس الأماره بسوء...
اكبر خصم ألكم...
برغم چنت اسمع محاضرات براديو...أقراء كتب
بس كلام ماما غير شكل كلام قوي
يخترق قلبي...ويلبيه عقلي
لأن ماما من تتكلم...سلوكها يثبت أيمانها

عيوني بدت اشوي أشوي...ترجع الوضعها...
بس الألم هو هو...ظل يضرب على النصفي
وصلت تقاريري...من بغداد
يرادلي عمليه ثانيه لعيوني..
البيت كله ضاج...
والكل وده يواسيني....

أما أني....فچان شی بداخلي مطمئن..
لاخفت ولا ضجت...
لأن كلشي يجي من الله حلو
وكلشي يتحدد حسب خطواتنا مع الله...
فمادام خطواتي كلها برضاة الله...
فالي يجيني"ولي يصير بيه" هو بعين الله رددت (اللهم لاسألك رد القضاء)

صادف يوم عشره رجب....نویت آن آبقى صايمه...اردد خواطر قاريتهن

سبعون الف حجاب ما بينكَ وبينهُ
هي كلها حواجز منشأها منكَ وفيك
لاتتصور أنها قد جاءت من عندهُ
أنما هي نفسكَ الموجودة بين جنبيك
ان أردت خرقها والوصول لعز قدسه
أقتل تلكَ النفس الأمارة بالسوء بيديك
كأبراهيم حين قدمَ أسماعيل قرباناً له
أذبح نفسك يردها كالكبش نقية اليك

الى ان غفيت وبعالم الطيف..
حلمت چن آني أطوف بحضرة أمير المؤمنين عليه السلام
ودخلت للحضره...

جفلت من النوم....غفران يمي نايمه
عرفت حلم كمت بنص الليل توضيت... صليت ركعتين الحاجه.
رحت الغرفة جدي...
دخلت لكيته كاعد على كرسي الصلاة..
ويصلي صلاة اليل...خلص
تقربت منه....بست راسه

-تقبل الله...ابتسم وهو يسبح

-منا ومنكم...خلى سبحته على المسند...وهو يبوس التربه

-سمعت أنو أنتي حافظه خمس أجزاء من القرأن
ومشاركه مسابقه مدرسيه..
جدج يريد يسمع صوتچ الحلو..
لأن رجل مثلي يتباها بحفيدته.....ابتسمت له..

-صار جدو..بس ترید تجوید...ولا ترتیل

-تجوید....رحت للمكتبه اخذت القرأن
فرشة السجاده...تعوذت من الشيطان فتحت القرآن..
واني أقرأ اله....واستشعر بكل حرف أقراه ينطيني قوه
كل كلمه أقراها ايحاء عزيمه
خلصت غلقته...

دنج باس راسي ودمعه بعينه كال

-بارك الله بيچ....صوت وقرائه عجیبه..رفعت راسي له

-جدو اطلب منك طلب...مادام اني لبيت طلبك

-طلبي بنيتي..

-نروح أنزور أمير المؤمنين

-صار بنتي...بس شنو عندج حاجه..كالها هو يرتجي

-لا جدو أبد بس مشتاقه للحضره هواي
...اشر براسه
وهو بعيونه حزن...

-تدللين...حتى مناك أخذج اتزورين قبر أمچ..
جهزنا نفسنا....
ورحنا آني وجدو وغفران...
بسياره...ومتوجهين...
جدو طلع صورة اشوي قديمه..
بيها أطفال سبعه اعمارهم متفرقه...
ويمهم رياجيل أثنين ونسوان أثنين....
صوره بيها البساطه"والاطفال لابسين اثواب بازه..
وكاعدين على كرويته شبه مكسوره
دائما اشوف جدي يطلعها وعيونه ادمع..
لو من يطلعها يبقى صافن لبعيد..صافن الفراغ
صافن على لاشيء...
بس هسه بعد نضجت وردت أعرف...اشمعنا هل صوره ...الي دائما عنده

كمشت ايد جدو الي دمعته وكعت على الصوره...

-شنو جدو سالفة هل صوره..برغم عدنا صور هواي
بس هل صوره اشوفها وياك ليش..
جر حسره طويله...الحظه تخيلت رح تطلع روحه وياها
حسرة تحچي تعب السنين...نزف العمر
حسره على ضياع شي...مفقود

-هل صوره الوحيده الي تجمع عائلتي وصديقي
البقيه متفرقين...بس هاي اول صوره تخلدنا..

-منوو ذوله جدو

اشر بسبابه....
-شوفي هذا خالچ الكبير..أسمه كامل
تخرج من كلية الصحافه...معجب بنت عمه
فزوجتها اله بنت عمه فاطمه
لأن طبعه عصبي ومتدين..
كلت محد يحمل عصبيته...ومحد تستحق شخصيته
بس بنت أخوي فاطمه چان هیبه" شخصیه
الکل یحلف بشخصیته وآخلاقه
ابسنة الخمسه وثمانين..دزو عليه تجنيد ألزامي
وهناك راح يقاتل بلحرب الأيرانيه العراقيه...
شهر هو ماكو...
دزتله فاطمه رساله بيد جارنا
چان یرید یلتحق...کاتبتله رح آولد اشوکت تجي

ورى أسبوع دزلها كامل رساله جواب الرسالتها
انو بعد أسبوع ينزل....وبهل أيام اجاها الطلق
وجبنه الدايه..
ولدت فاطمه ولد سمته أحمد
كامل ذمم عليها.. هو راد هل أسم...
عمره أحمد أسبوع صار...واحنا فرحانين..
بيومها چنا نايمين الظهر..سمعنا صوت هورن

طلعت واني كلبي مقفوص...واشوف
سياره عسكريه وياها بيكم..بيها توابيت تلاثه
وزعو التوابيت على الجوارين...
وصلت يم بيتنا نزلو..تابوت الثالث
مغطى بعلم عراقي
اختفت وراحت السياره...واني على وكفتي
واشوف السياره راحت...و يم التابوت
جندي يصير صديق كامل...
بلا مايحچي...من ادموعه حضنته للتابوت
عرفت ابني كامل شهيد...ابني العود
الي ربيته...ومتانيه سنه"سنه يكبر
سنه "سنه منتظره يصير عنده شهاده وظيفه
وحلمت بيه يصير صحفي ...استشهد بعز شبابه قاسم
وأبنه أحمد أتيتم..
وفاطمه بنت أخوي صارة ارمله.......

كل هل شغلات تجي بلبال...وانت يم جثه
ابني مكان مايدفني ..عدنا بهل بلد المغضوب
الأب يدفن...ابنه
خفت على أبنه يضيع...ويتيتم
بقيت أقنع أبفاطمه ورى سنه...تزوج حماها قاسم
رفضت لأن تحب كامل.
تعبت فاطمه من مشاكل نسوان أخوتها
...رجعت النا
وبقت بينا وبين أهلها...
زوجتها قاسم...واعرفها فاطمه كلش زين
قبلت لأن مجبوره...محد رحم بحالها...
بعد ست اسنين يله قبلت

التفت علی النسوان بسیاره...آغلبهن یبچن
یبچن علی سوالف جدي..
وهو يسولف بثقه"وبقهر"بثقه"وبحزن...
حضنت غفران الي تبچي على قصة امها...

كفكفت دموعي...واني أصبر بيه..

-جدو انت والد شهيد...الك مكان بلجنه...تنوعلي..

-الله كريم بنتي اشرت بأصبعي على ابنيه
لابسه بدله مخططه...ومسويه كصيبه"عيونها

مثل لون عيوني

-جدو هاي منو البنيه....جر حسره أقوى من الأولى
حتى خفت عليه....وكتله

-لا تكمل جدو أسفه ماقصدي أحزنك
..وذكرك

-تذكريني يابويه.هو أني أشوكت ناسي حتى أذكر
ذول قرة عيوني...بس ربچ یلهمنا الصبر..
شوفي بنتي هاي البنيه ام عيون الزرك ناجيه بنتي الغاليه
الي هيه أمچ...چانت حنینه...
وشایلتنا آني وجدتچ...علی کفوف الراحه
حتی من مات کامل وردنه نموت قهر عليه  ناجيه امچ‌ احتوتنا... ورى خمس سنوات
من استشهاد كامل...
خطبها آبن عمها الی هو والدچ...وافقت
لان والدچ نعم الرجل چان.
الکل یحلف آبآخلاقه ابن اخویه
اخوي چان خادم بلحضره
يعرف حق الله وربى ولده خوش تربيه..
من أزوج بنتي ناجيه...دللاها دلال يحترمها عمره مازعلاها یحبها حد العشك
الى أن حملت بيچ...
والطب ماچان متطور مثل هسه جابتچ
وشکل عدها...مرض النفاس...
حاولنا أني وجدتچ ویاها مافاد

الحد عمرچ صار آربعین یوم...وهي حالتها من سيء الأسوء....
الصبح کعدناها لکیناها میته وهی ترضعچ
والدچ طلع من هدوئه من دينه من اخلاقه
صار عصبي...أتغير
انقلب تسعین درجه هج بشوارع من ماتت ناجيه حتی ماسئل بیچ لان يموت عليها

ذبچ علی آخته فاطمه ام احمد چانت هستوها والده..وترضع علي
أتكفلت بيچ...ورضعتچ وي أبنهه علي
وقاسم خالچ هو الصار یشتری الچ مثل مایشتري الابنه علي...قاسم ربى يتامه ثنين ربى اعز ثنين على گلبي احمد وانتي

خالچ‌قاسم وعمتچ فاطمه صارو متعلقین بیچ حتی رادو ابوچ یشوفچ من‌تبدلین‌ بلکن یحن علییچ ...بس ابوچ بقی فتره فاقد سنین فاقد نفسه خسر فلوسه محلاته لان همل شغله ليش من اشوفه انقهرر ابوچ یکعد یگابل گبر امچ وبیبتچ ویبچی مثل النسوان اشهر  وهو‌ هیچ

الکل تعجب علیه لایمل ولا یگل گد مایروح للنجف ویگابل گبر امچ..حتی دورات انه وجدتچ من انروح نزور ناجیه
نلگاه نایم یم گبرها

اسمع الكلام جدو...ودموعي تنزل بلا سابق أنذار
بچیت علی مصیبة جدو....وردت اصبره

-ماما تعتبر شهيده جدو هيچ سمعت
المرأه الی تموت نفساء...شهيده..ومناك شهيد
انتي من أصحاب الأمام.
جر حسره أقوى من القبلها....

-أنشاء الله بنتي....ورى أربعينية أمچ
سميره چانت جارتهم....مااعرفنا آشلون وکیف
خلال اشهر...لکینا والدچ مزوجها...
کلنا انصدمنا برغم نعرف يحب ناجيه..
مشوفيني احترمته من رادج..لان عمره مااذى امچ
بس هسه الله یسامحه..مدري شبيه

وصلنا للكراج...واشوف جدي...وهو ينزل بوقاره
ولاچنه هستوه...شخص‌منکوب بآولاده
وعرفت آني منين جايبه هل صبر...
وصلنا للحضره...وأسمع صوت حزين
صوت ملائكي يقرأء دعاء الأستأذان...
صوته يخترق القلب...قبل الأذن..بس ماشفته

واحنا جاي ندخل...مقابيل الحضره..
اجى رجال من بعيد بعمر جدي تقريبآ..
بيده عكازه...ولابس أشماغ أسود"وثوب أسود وعبائه سوده على چتفه سداره خضره
اثر السجود بجبهته متختم بلعقيق
والرحمه ملامحه...تحاضن ويه جدو...وهو يسلم

-اهلا بخير الأصحاب وخير الأشهاد
...شخبارك
دائما نفترق وتفرقنه الدنيا لكن دائما نجمع ويجمعنه الزمن جدام هل الحضره
ونلتقي يمها

-فعلا ياسيد.باقر هلا بيك مولاي مثل ماتگول گلما نفترق هنا نلتقي

-حجي ابو كامل الحضره مطار صداقتنا
وللقائنا ويارب خاتمتنا شخبارك
...والبنات الي معاك منو.

چنا اني وغفران ورى جدي واكفين نستحي گال

- أهلا بسيد باقر مولاي العزيز‌هذني حفيداتي...
عقيله  بنت المرحومه الغاليه ناجيه
غفران بنت ابني قاسم الطيب...انت شونهم الساده احفادك

ابتعد خطوتين وهو يسولف ويه جدي
بفخر..وماد ايده
وغمض عيونه گال الجدي

-تسمع هل صوت الحزين الي يقرأء الدعاء..

-اي جاي اسمعه اول مادخلت ماشاء الله حافظ المخارج والحروف والترتيل كلش زين

-اممم يعني ماعرفته

-لاااا والله

-ولااااااا  صوته ذكراك بصوت ابوه

-اي اي جاي اذكر بس كووول

-هذا حفيدي سيد مهدي جبته يريد يشوف سيد علي....تعال تعرف بيه
اندار جدو علينا مره الثانيه..

-غير مره مولاي اريد أخذ البنات  يزورن
...ونروح للمكبره
وسلمنا على حفيدك...صوته كلش حلو
بس مارح يلحك صوت بنتي عقيله
...........................................

زرنه وكملنه واذني لساها تسمع صوت قاريء القرأن يقراء بامتياز

من رجعنه من الزياره وجدو اشوي تأزمت صحته
وبدت المدرسه. اخويه علي وهو دخل علينا
للغرفه....جنا اني وغفران نحضر بملابسنا
جر كرسي وكعد اكبالنا....

-عقيله غفوره...بما انو احمد اخوي مزوج
فأني اكيد أمثل  عليچن دور الأخ الأكبر
...جبتلچن قرطاسيه
طلع علاكه...
وهو ينطينا أقلام" ودفاتر"جلادات"
اجتي غفران وهي تجر منه..محفظه حلوه..زركه

-هاي ألي لاعبالك...كام وهو يجرها...

-لا ابد..الزركه العقيله"والجوزي الچ...کلمن
علی لون عیونها....
یله طالع اني عود تکافشن...من تخلصن مكافش وگتل بینچن
اخذچن للحدیقه...وانتي عقيله النقاب نزعي
صاحته غفران...

-بس للحديقه...تهي بي...جر مخده وشمرها عليها

-أي من يطلع تعيني اخذچن للمطعم....بس هسه
صبرچن علیه....مابقی سنه وحده واهریچن طلعات
طلع علي من عدنا...واحنا نضحك..

كملت قرايه رحت الجدي الي كلش تمرض واني اعتني عنايه خاصه...
اعتنائي بجدي هو وحده نوع من انواع والرحمه
الي الله رحمني اياها..
خلاني ازيد بالشكر لربي...
ألي ماتركني وحدي...
ومتخلى عني ومدني بصبر" وتحمل
"وطاقه
الي تخليني أعتني بجدي"واسبحه"وابدله

مااگل جدو ولا قبل یاکل مجرد یشرب ماي بقيت وياه بليل صلى صلاة الليل بكعده انه اساعده خلص الصلاة صخن
كلش...كعدت أسويله كمادات...كالي

-جيبلي مخدات خليهن على رجلي..
جبتهن وصغطتهن له....وخليت السجاده"والتربه

گتله
-صلي بعدين الفجر انت مسخن

-لابويه لازم اصلي
بقى  يصيلي لأن المرض نخره...
كعدت يمه أصلي....وبداخلي حزن"خاف يصير بيه شي

سجدت واني اتأمل نعم الله اليه
ربي رحمته ولطفه"عليه اخجل منه
افكر شكد يحبني"وشلون ربي مداريني"
ومايرضه ع زعلي"
شعوري تجاه ربي" اهل البيت عليهم سلام
الي وكفو وياي طول ذيچ الفتره...
مارح یتخلون علیه...ویحفظولي جدي..

خلص اليل ابطوله...والدمع اجاني..ذكرت قصة ماما
وتخيلت چن اني مخليه راسي
بحضن امي الزهراء عليها السلام
اي اغمض عيوني وابچي...
صنعتلي مشهد من خيالي...
انو حاطه راسي بحجرها...
وابجي واسولفلها...قصة يتمي"وتعبي
حتى سولفتلها عن جوعي ذيچ الایام
سولفتلها من ازور امير المؤمنين
واني ادخل لحضرته واشبگ شباجه وابچي
اكوله انته ابو لايتام..
واني يتيمه مالي غيركم...احفظولي اهلي
بحضرة الأمير ماطلبت شي معين
بس ادعي الي يرضيك يااميري
ويرضي ربي سوو اليه
واني قابله...بكل قضاء...

كملت صلاتي جاي انطي الجدي الدوه...
واشوفه مايتحرك...
بقيت اهز بيه.....واني أصرخ

-جدووووو
..................
سيد مهدي

سأبوح لربي بما يختلج به صدري
فهو أرحم بي من نفسي ....
يزرع سعادتي كبذرة  في دربي
فدائما يكون الله لي كما لم أكن أنا لروحي يوما

-شربت استكان الشاي...عندي محاظره مهمه وكوز وتطبيق نظري للتشريح...
صوت جدي اجاني وهو متوتر ويصيح

-سيد مهدي أستعجل...ولاتروح للكليه اليوم
اريدك تاخذني للمستشفى...صديق عمري
الحجي أبو كامل متخربط بلمستشفى كلش وياه حفيدته مصدومه

كمت بسرعه جاوبته

-صار مولاي...بس خل انزع القميص الأبيض
والبس غير قميص...
دخلت الغرفتي اغير ملابسي..
اخذت السويچ....ولکيت جدي منتظرني بصاله

الملازم بأيدي...صحت للعامله زنان..تاخذ كتبي
مديت ايدي الجدي

-يله مولاي خل نروح...انطاني ايده اساعده ينهض
صعدنا بسياره
وجدي يكفكف دموعه...واشوف الكسره بيهن

-على بختك مولاي هاي انت التبچي...شنو سالفه
عيونه اليه

-سيد مهدي هذا رفيق الحزن
"والفرح"والشباب"
والدين وطريق الحق
وكلشي...

حتىراد يتعرف بيك بس اني التهيت
"ونسيته..

-الله يحفظه گول یاالله رکبنه السیاره اسوق عیني الجدي وصلنه ركنت السياره
.نزلنا بيدي سبحتي....
وخطواتي للمستشفى....دخلنا للغرفه
وجدي دخل بلهفه يسلم على حجي ابو كامل كعد يمه لازم ايده

واني مضايق من الجوه لازم سبحتي  أستغفر ربي. ابنيه تعدتني عطرها قوي
ولان منصي راسي صديت عليها ودرت بسرعه لابسه ملابس ضيگه

بقيت واكف يم الباب الغرفه دنجت راسي...مركز بلمسبحه واسمع صوت مناجات حزين
صوت بيه احساس  ترتيل العاشقين المؤمنين

ودي ارفع عيوني واشوف عذوبة هل صوت...المن
والي تناجي رب العالمين...منو هل هو طيف لو حقيقه

بس اذكرت قوله تعالى"قُلْ لِلْمُؤْمِنِينَ يَغُضُّوا مِنْ أَبْصَارِهِمْ"

ردت حيله شرعيه للنظره...حيله تقتل فضولي
تذكرت قول الحبيب"النظره الاولى لك...
رفعت عيوني...مااريد أرمش
اريد أحافظ على وحدانية النظره...
وحدانية التأمل....وحدانيه لحتى ماسجل ذنب
الي شفته مو انسيه ...حور عين كدامي

بعيون زرق دامعه...
زرق مثل سماء صافيه...
وخشم احمر.....
بعبايتها الزينبيه....وهي بيدها كتاب ضياء الصالحين
وايدها مغطيتهن بطرف العبائه
تقراء وترفع عيونها الحجي أبو كامل..
واني على نظرتي الوحدانيه...

ولسان حالي يقول"زرقاء فاقع لونها تسر الناظرين"
دنجت مردد((سمع الله لمن أحبه ربنا ولك الحب))

#يتبع