رواية عشق المومنين(أبناء الساده) الفصل الثالث وثلاثون 33 - بقلم نازك الحمراني

🍀السلام عليكم حبايب☘️
اعرف امقصر معاكم كثير لكن مامنعني عنكم غير الشديد القوي..لذالك اشكر متابعيني الي دائما ويايه رغم ظروفي رغم ابتعادي عنهم رغم كول حدث صار ويايه...شكرا من القلب للنفوس الوفيه في زمن قل فيه الوفاء دعواتي لكم بلحفظ،وراحة البال واسألكم الدعاء والفاتحه لروح اختي الفقيده المظلومه

قبل لا ابلش انزل بارت مفاجا الكم..اريد اتفق وياكم على التنزيل انا ام عندي اطفال بلمدرسه وايضا معلمه اداوم، وايضا حاي ادرس كيف يعجبكم موعد التنزيل بهيج وضع انتظر الاجابه😁

.......بارت الاول...

قالت النسوة حولها متسائلات في حسد وحسرة إنها قد سحرت زوجها بسحر ..وإلا لا يوجد زوج بهذه الصفات إلا في الحلم والخيال.. هكذا نحن في تقييمنا ونقدنا لا ننظر إلى الأمور بإيجابية إنما نطلق أحكامًا سلبية وفق تجاربنا الخاصة..

فهل توجد زيجات ناجحة على أرض الواقع كما في الحالة تلك ؟

- نعم يوجد وبكثرة..

- إذن ما سر سعادة هذه الزوجة؟

- السبب هو سحر هذه الزوجة والمقصود هنا ليس السحر الذي تتعاطاه بعض الجاهلات وإنما السحر النابع من شخصيتها.
- سحر لسانها اللطيف، حينما تخاطب زوجها وتتحدث معه بأسلوب لبق منمق، جميل ومهذب.

- سحرها في توددها لزوجها واهتمامها به فكما يقول رسول الله (صلى الله عليه وآله): (خير نسائكم الودود الولود).

- بيتها وإن كان بسيطًا فهو جنة للزوج والأولاد بجمال تنسيقه، بنظافته، بهدوئه، برائحته الطيبة.

لهذا فهي تمتلك كل أساليب ووسائل السحر التي تجذب زوجها إليها وتجعله فرحاً بها.

عقيله......

كمت ضايجه والوجع تعبني افكر بأبني سيد علي منو اله حبست ادموعي وعيوني على الجهاز القلب وللمزهريه الي على الكومدي بيها ورد اصفر ابتسمت هذا سيد مهدي وسوالفه الي ابد ميتركهن
ألبرده تحركت أشوي الشباك مفتوح شعب تركه مددت ايدي حتى أكوم لان يتاخر بسبب سوى اليه كشف كامل وتحاليل واشعه الكلشي بيه حتى يطمئن

حاولت أكومن حتى أغير ملابسي لان الگلبیه الابستها قماشها موهیر وتعلمت علی للگلبیه الگودري بس خايفه الباب ينفتح اول ماتوجيت على الجربايه دخل سيد مهدي متبسم والضحكه والوقار الي يملكه يخترق حصون گلبي يخترق روحي مثل اشعاع نظرت الأطمئنان اليملگلها السید هي التنسيني الوجع والألم

گالي بهدوء يطمئني
وكأن درس عقلي شيفكر

-قارورتي صحه وعافيه ربي مايحرمني من هاي العيون
شلون صرتي ياروح مهدي

-ألحمد الله وين بطيت عليه وشنو هاي العلاگه،لادگول علاج تری تعبت

گعد یمي على الچربایه باس راسي وايدي حتى خجلت لان ريحة التعقيم ماليتني ملي
-لااااه حبي مو علاج هاي ملابس جبت الج هاي الكلبيه شوفي شلون لون حلوه وسمائي بلون عيونج لان احسج مامرتاحه بهاي الملابس
-
صفنت بوجهه مبتسمه رغم الوجع وكتله
-ليش
رد
-شنو أليش ترى ممسوي شي
-لااا سويت واكثر
تقرب كلش عليه وجاوب

-شمسوي الله عليج قارورتي

-امسوي اشياء وهن كل يوم بطريقه شكل تحسسني بحبك كل مره طريقه تختلف عن الثانيه وكل مره راح الصار وليصير تحسسسني انه موبس مرتك انا بنتك

-واكيد انتي بنيتي وحبيبتي و ام ابني سيد علي انتي بلسم الي

سندت ايدي اريد اكوم رغم متوجعه كتمت وجعي كتله

-ماشي يله اطلع مولاي خليني ابدل راح تجي الممرضه او غفران
عدل كعدتي رغم اعرف اكعد كالي
-اممم ام علي ممرضات ومن شوكت تتكشفين على احد غيري حتى اليوم حمدت الله وشكرته الف مره
لان انا كملت كلية طب وكدرت اشرف على تحاليلج ويه زميله اليه ولا ماتكشفتي على اي دكتور غيري
تناوعت الهفته وحركة ايده وهو يحجي بجد وينزع ثوبي ويلبسني الثاني وينزع جواريبي ويلبسني الجدد الجابهن ويه الثوب نزلت دمعتي وبجيت متمالكت اعصابي كتله

-سيد مهدي تدري هسه شنوه احسه من اشوف تصرفاتك
وحنانك انا مو بس راضيه،ومقتعه وحامده ربي لا انا اصلا ممصدكه احس بحلم وعلى ساعه اصحى منه ويطلع جذب الي اعيشه على كد الظلم الي شفته من سميره وابنها لان والله مااعرف شلون اعوضك واجازيك عيشتني عيشه حتى حلم مااتحلم بيها
شفت الحنان الي اسمع عنه مالامسته الحب الي بلافلام انت خليته اليه حقيقيه شنو اعد وشنو اكول هسه اذا اموت فا اموت وانا راضيه

جان كاعد على جربايه قريب كلش مني كام وجهه معصب كانما اول مره يسمع بكلمة الموت او يجوز اذته اكثر من معناها

لان اعرفه يحبني كلش وگلبه تاذى عليه وانا معرفت اعبر عن شكري اله اله بهل طريقه مديت ايدي اله لزمه ورجع كعد يمي حضني ويمسد بايده على ظهري
-الله عليج قارورتي لاااااااتجيبين طاري الموت لان وجعج ولا المج ممتحملهن كيف اتحمل انو انتي بعيده عني وبغير مكان ومو يمي انا بلياج تايهه بلايه بيت لاتعيديه وجعتي كلبي

حضنته اكثر واشهك اعرف هلكد يحبني رفعت
عيوني للسكف ادعي يارب وردد بيني وبين نفسي ((يارب احفظي اله وطول عمري لان هوو مو حمل فراك خذا الجبل الي تهابه الناس بتواضعه وشخصيته مايتحمل افراكي)
صبرت عليه بعد ماخلصت الدعاء كلت اله

-هااا سيد شو صدكت حموت ومن هسه محضر الجديده
بعد مني ضايج ورد

-هااأاا بس اريد اعرف مناسبة الحجي شنووو وليششش
يعني لو مااني الطبيب هنا جان كلت خاشه عليه شي..

-انااااا اخش عليك شي ابد بس ردت الطف الجو وياك

-تلطفين الجو ليش مو تعرفين معزتچ وغلاوتچ عندي بدنيا كلها..اذا ماتعرفين لازم اعرفچ وافهمج الموت الي تحچین بیه رغم حق علينا كلنا بس بيوم التموتين يكون هو يوم موتي انا همين لان انا عايش بيچ وبحبج یعني وياچ بدنیا وبلاخره فکرت انو ابقی بعدچ مستحیله لان انتي الانسانه الي لكيت بيها نواقصي انتي الانسانه الي شفت بيها عيوبي،وغطت عليهن

فأنتي تلك الفتاة،والقاروره التي لايمكن أن انظر
ان احب قبلها لان القلب كان بتول فقط لكِ
ولا أحب بعدكِ فقد اتيتي لقلبي حتى ـتكونِ الأخـيرة
قارورتي ألمَفرودٌة والمُنفردٌة
في قلبي رغم صِغَر حجمه إلا أنه يسعكِ كَـ كون

دنكت راسي الحد هاي الحظه انه اخجل منه رغم صار تلث سنوات سوه يحسسني دومي جديده دومي بعدني الاهم بحياته لزمت ايده والدمعه بعيني كتله
-الله لايحرمنه من بعض مولاي شرد وشملك من جواب لكلامك دومك غالبني ويكولون ليش اخاف عليك من عيون بنات عمي وخالي قبل الغربه
غمز بعيونه ورد

-وليش صدك

-لان انت سيد مهدي وبس

-بس على هيج

-لااااااا لان انت جاي دللني دلال مسامعه بيه ولاشايفه
احتويتني خليتني صدك اكولن انه امرأه وتحت وصاية رجل قوام يقيم،يجزي زوجته اخخخ لو كل رجال بهاي الدنيا مثلك مولاي مجان شفنا نساء يعانن

اخذ ايدي وباسها جاوب

-حبيبتي مامسوي شي مجرد انا احبچ،ومجرد انا اخاف الله بیچ،الرجل من عدنا لازم یکون کد هاي الكلمه فكيف
هو رجل مسلم الي لازم يتخلق بخلق الاسلام لازم يتعلم
ويعرف حقيقة كلمة (قوّامون)ألها اكثير من المعاني..
أولها هو الرحمة.. وثانيها قدرة الاستيعاب لكائن أضعف منه..خلق من ضلعه وسكن گلبه
سيد مهدي يحچي واركز بكل حرف يكوله وشلون عيونه
تلمع،وجهه يستبشر،ساكته وابد ماحچیت ولا قاطعته الی ان گال

-هااااا شو صافنه

-اریدک تگمل گلشي بگلبك انت تثاب على الحچي الحلو وانا أگعد اشگر الله واحمده علی نعمة هيچ زوج ورجل
گام وهو متبسم یلملم الملابس والشال النزعتهم ويخليهم بجنطه زغيره يم الميز سد السحاب اجى يدنج
يبوس خدي باب الغرفه اندك ابتعد مني يتنهد باس راسي ميضيع فرصه وكال

-اتفضلو اتفضلو
صار جدامي بحيث اليدخل مايشوفني رغم لابسه الشال
وتلفلفت بلعبائه من الصوت عرفت الداخل هو الدكتور الي راح يسوي العمليه ملت راسي حتى اشوف وجهه الطبيب لاحظة وجهه ميبشر بخير
وحتى سيد مهدي تحرك من جدامي وايده ورى ظهره
ضاغطها حيل كال الدكتور

-السلام عليكم شلونك ابو علي ان شاء الله مرتاح هسه
رد سيد مهدي

-دكتور عماد أرتاح من طمني على التحاليل الاخيره
رد دكتور عماد

-يراد بعد اشعه وكم تحليل انت سيد العارفين بعد حتى
نتاكد من سلامة ام اسيد علي
التفت عليه سيد مهدي وكلي

-ام علي اترخص منچ اروح ویه دکتور عماد اشوف جدي
وتحاليله وشوف شنو يريد مني
أبتسمت رغم خايفه وكتله

-طمني على جدي وانه منتظرتك
ابتسم كذب.وطلع ويه الدكتور متوتر اعرف نظرات سيد مهدي من يخاف عليه لان انه هم خفت من نظرات الدكتور وتوتره لزمت السبحه وادعي ربي تكون تحاليلي
سالمه وميطلع بيه شي خطر

.....
مَنْ عَفَّ قَلْبَه عن الحَرام
رَزَقَه اللهُ جميلَ الحَلال.

غفران..

كعدت على صوت ماما وهي دكدك على باب حيل رغم مفتوح وتصيح
-كعدييييي غفران رحمه الابوج كعدي يمه مو والله عيب كل يوم الخط يدك هورن وانتي مامكمله ترى هيج الناس تجز منج اذا مكعدتي اشمر مي عليج
من جوة الجرجف جاوبتها

صار اسنين من الطفوووووووله الهذا عمري تهدديني بكلاص المي حتى صار بيه رهاب الماي

-مو ميصير اكعدي الااا تتأخرين

-دقيقه اخذ غفوه شوية بسس

-صارلج اشكد دكولين دقيقه الى ان صارت هسه ٨ونص

من كالت هيج طفرت بسرعه من الجربايه طلعت ركص للمغسله اغسل وجهي
على السريع وغفت الصابون وفرك وجهي باب الطارمه ومن الدكه عرفت هاي ايناس اجت صحت على امي

-يمه الله يحفظ بابا الج افتحي الباب اجت نويسه
قبل لا تروح ماما دخلت ايناس سلمت

-صباح الخير خاله

-هلا ايناس حبيبتي جاي افتح الباب الج
ردت ايناس

-هو عرفت انتي راح تجين وكلت تعب عليج من الصاله الحد الطارمه وكلت ست غفران كوه تكعد الصبح

-لااااعاب حلكج كل يوم هل قوانه

-الله يساعدج خاله بس متاكده هي بنتج وانتي امها
ردت امي وهي تتناوع اليه

-حشا تكون بنتي تصدكين

رفعت حاجبي الهن واشر باصبعي

-رااااااا تتحملن نتيجة كلااااااااااااااااامجن واكولن انتن ثنينجن مااااااااا أعرفجن
ردت ايناس معصبه

-يله خاتووووون ورايه ارجع للمول اخذت اجازه وقتيه علمود اجي ويااج
ردت امي

-ينطيج العافيه ايناس يله تعالن وانتي ايناس اكلن لكمة الجاي حار والخبز جاهز وهذا الكيمر والمربى وجبن عرب بصينية هذا

لسى امي ممكمله حجيها امااشوف اله ايناس مدنجه تنزع سير الحذاء شمرت العبايه على التخم وكعدت اكبال الصينبه لازمه خبزه وتخلي بيها جبن عرب باوعتلي والكمه بحلكها

-يله ستعجلي غفيره بين مااكل نيالج عندج هيج ام اني امي تكعد من وكت وتبقى تشرب الزعتر،والزنجبيييييل الى ان اني اسوي ريوك
كالت امي

-هووو بس اريدها تكعد من وكت دومها تتاخر بلكعده وتشلع كلبي يله
جاوبت ماما

-هاااا ماما ليش هاي ايناس وشكيتي عليه يمها همزين ماتجي كل يوم النه
ردت ايناس

-والله لو ماشغلي جان داومت وياج بس راتب المؤسسه قليل مايفيد
كتلها

-لااااا راح يزيدونه يكولون يسوو ٤٠٠الف

--اهووو لاتكول سمسم اله تلهم يله بسرعه بدلي خلينه نروح
عفت ماما وايناس يسولفن وكملت تبديل العبايه بيدي كعدت يم ايناس بس شربت چاي وكمت لبست العبايه
ردت ايناس

-يعني لابسه كوستم يمووت ومغطيته بلعبايه ومبين سعره فوك ٣٠الف مووو جوه العبايه مالبس غالي
ضحكت عليها

-لااا ابشرج ٤٠الف ههههه ليسمع حچیچ یگول سافره مو همین لابسه عبایه

-اي بس شوفي تراك هههه ابو العشره الف
-لااااا حبي عقيله دكوول الكشخه جوه العبايه احلى

-اهووو للصبح منخلص جدال
لزمت ايدي سلمنه على ماما وطلعنه

وها أنا يا الله اتمسَّك بطرف عباءتي
وأتعوذ بِكَ أن يَسلبني إياها
شِمـــرُ نفـــســـي

تمشينه الشارع ايناس تأفئفت كالت

-غفران تدرين شكد اضوج من اشوف حظي هيج وزواجات فاشله وخسرت حتى گلبي بزواجي الاول وكلت خلاص الله راح يعوضني بزواجي الثاني بلشت اتعود عليه واحبه شو نفس الطاس ونفس الحمام طلع واحد عايش شدگوله امه یسوویه وگل یوم ضرب واهانه وهم رفعت قضيه طلاك والكل عباله الصوچ مني

خو نسوان اخوتي يسمني ام الرجوله بحجة الشقى،وضحك هو بكيفي ام الرجوله مااكيف ابقى بيت زوجي واستقر بس وهو حظي الي ماكعد ويه اي رجال اووووف متى اشوف العوض من ربي مووقصدي زواج لان اكيد موحلوه ازوج مره ثالثه زحمه وعيب بس اريد شي يبرد گلبي
جاوبتها

-لاااااا ايناس لاتئيسين ترى رب العالمين ملا يحرم ولاااا يمنع شي اله له هواقب لأن رب العالمين يااما ينطينه الي احنه نريده او يبدله بشي افضل منه لان العوض الرباني دائما بيه بركه وابرك من الراح كل فقد وراه عوض وكل عوض أفضل من اللي اتفقد.
ردت عليه

-يعني من استشهد عباس وراح منچ تتوقعین
نصیت راسی وبقهر

-هووو عباس هم اگو احد منه بدنیا

-حییییل بعد تلث سنوات وبعدچ تگولین هل حچي ترى شبابچ لازم تعیشیه وثانیا جاي تنصحيني وانتي نفسچ مناصحتها

-لاااا ایناس کلامي الچ لان انتي مئيسه انا لاااا ممئيسه عندي ابن علي اخوي جاي اربي بيه عندي ام مريضه اداريها اب مضبطه علاجه

كالت ايناس

-أگلچ یعنی قصدچ مهرجان الايتام بس تدرين البنات الي راح يجن يبووو شيلبسن

-واحنه شكو بيهن انه مجرد اسيف العدد الي طالع من مؤسستنا وارجع للدوام حتى مااكص صور
ركبنه سياره ونطلقنه للمكان المخصص وفعلا مثل ماكالت ايناس اول مادخلنه انا وياها والعبائات الابسيهن

التفتن بنات علينه ونظراتهن من فوك ليجوه رغم اكو من لابسات عبائات راس بس كبار بلعمر الي بكدي ونسه
اغلبهن بنطولنات

المكان حديقه عامه ومرتب عليها كراسي وستيج جدامنه كعدنا على كراسي واسمع وحده ورانه تكول

-اكووو بعد من يتحنك هيچ ویلبس چفوف،الناس وین وصلت وهنه بعدهن
محچینه شی رغم چان ودي ارد بس دخول جماعة المؤسسه كلهن لابسات عبي فشلهن
اثناء ماكاعدين سجلت كل الاسماء الايتام كعدت اسجل عريف الحفله رحب مؤسستنه وكال

-اشكر كل من حضر لدعم الايتام خاص الاستاذ القانوني
السيد سلمان الأغر

رفعت راسي اظن سامعه هذا الاسم،وين وشلون تذكرت
بيوم اجى ورايه جاب جنطتي صعد الاستيج لابس ملابس سود والحية شويه كثيفه ومحددة،وحزن هوووواي بوجهه

رغم كل حزن تارس ملامحه بس وجه نوراني
نزع مناظره السود عيونه اكبار وتجدح وبدا الكلام بأريحيه

-السلام عليكم ورحمة الله وبركاته السلام على الحضور

خجلت اتناوع الوجهه بس اباوع الايده المحبس العقيق وايدة مملوحة لاا بيضة ولاا سمرة

والساعه متوسطه المعصم مااكدرت الاا واني منتبه عليه وتناوع شلون منتچي على الميز الترحيب والة هيبة وحضور حتى طوله حلو يمكن مية وخمسة وسبعين اوكثر شويه ومن يحجي صوته بي بحة ومن سترسل بالكلام انتبهت على عيونه بيهن لمعة ولونهن بني ويلمعن أستغفرت ربي رغم كل مرة

اشوفه بس ممدققة مثل هل لحضة بيه وكمت بسرعه اخذت الفايل وطلعت وضجت من نضرتي الة مااريد اسمع شي ولا ادقق بشي ثاني ولافكري يروح لغير حياتي المرهونه بين ماضي عباس الله يرحمه وبين حاضر اهلي وابن علي
تبعتني ايناس وفحطانه كالت

-ووووچ عیب هذا اعتقد يصير بلمؤسسه لداومين بيها

-اي وذاااا مالي غرض هو سجلت الاسماء لستلمو الجنط والاملابس هذا شغلي مجاي اسمع ترحيبات فلان وعلان
رحت للمؤسسه قبل لا انزل بقت ايناس بتكسي

كالت
-حبيبه بعد رايحه الشغلي وانتي اكلي شي وجهچ اصفر
-مشکوره نوسه تعبتچ ویایه انشاء الله لفة فلافل وكلاص چاي
-بخيله دومچ طلبی همبرکر

-لااااا مو بخیله اجمع افلوس اشتري الابن علي بايسكل

-نياااااله شلون عمه خبله
دخلت للمؤسسه صار بوجهي سيد باقر،واكف يم معمم يسولفون من شافني اجى عليه متبسم كلي

-السلام عليكم اشلونها اخت حرمتنه

-وعليكم السلام سيد الحمد الله انت شلونك صحتك

-زين يبوويه بس ماارتاح اله ازوج سيد مجتبى اريد أطمان عليه مثل ماامنت على اخو ببنية حلال

-الله يطمنك سيد وتشوف احفاد احفادك
-لاااا العمر مابيه بس خايف عليه من نسوان ابليس

تاكل بعقله وهو عزابي ولد الساده محبوبين يبعد جدچ
خاصه سيد مجتبى عبنه اشكر وحلو ويلعب حديد وكلساع سياره شكل يبدل تظنين يعوفنه بحاله
-الله یحفظه والانسان هو بصير نفسه يريد يحافظ على نفسه يريد لااا

-يعني ماتقبلين بسيد ترى ابناء الساده يعني النسل يريد الطهر الطهور

-سيد افكار حفيدك وافكاري مابينهن ارتباط ابد ابد هوة وين واني وين ومن قبل كلت السيد مهدي، سيد مجتبى بعيد كول البعد عن طباعي لان هو يشوفني مغلقه ومتشددة انا اشوفه نفتاحي كلش مانتوالم بعدين كلش

بهل اثناء اجى سيد مجتبى يمشي بهداي وكف وسلم

-صباح الخير شلونج غفران اخبارچ انشاء الله مرتاحه

-الحمدالله
دنجت ودرت وجهي سيد الجبير حس ضجت كله
-روح ابني جهز السياره جاي وراك
رد على جده بلهجة مستفزه

-اممممم وغفران مانعزمها تجي انوصلها
باوعت بخزره عليه وهوة رافع حاجب ومبتسم ابتسامته الجانبيه المستفزة ودنجت واني ضايجة منه اترخص من السيد الجبير

-سيد المفروض اروح لن تأخرت
جاوب

-براحتچ بویه بس فکري بلگتلچ بیه لاااا تجي بت ابليس
وتلعب ابعقل ابنه

تمشيت لازمه عباتي اعبر الغرف حتى اوصل الغرفتي
دخلت الملم الاوراق وارتب السجل،الي بيه اسماء الايتام
اجت خديجه ومجهزه نفسي خاف تعاركني لان اليوم بين من اوله

دخلت وكالت
-هاااااا شلون صرتي
التفت وراي تناوعت خاف تريد مشكله حرت شجاوبها بس من توترها عرفت هي صادقه كتلها

-الحمد الله اشكر سؤالچ

-اي شي تردي او محتاجه اداوم مكانچ وتاخذين اجازه اني حاضره الچ

-هااااا لا متقصرین اشگرچ
طلعت بسرعه رجعت کعدت علی الگرسي، دخلت ام دنيا
بيدها اوراق سلمت

-غفران بشري سجلتي كلشي

-اي والله خاله كملنه مريم وين

-اشوي تجي تجيب للفات دزت الحارس وراحت تنتظره
سهمتلچ لفه گالت لازم اجیب الغفران

--متقصرين خاله
اشويه واجت مريم بيدها علاكة اللفات سلمت وبدت اطلعهن لفه لفه ناوشتني ام دنيا للفه وكالت

-اكلجن صارنه سنه بهل غرفه انسولف وناكل وتالي نكعد
عبالك واحد ماحاچي ويه الثاني

جاوبتها

-خاله مو صدك احنا كلمن ملتهي بشغل مجاي ينطونه مجال
-اي غفران ماكلتي مو اجوچ خطابه هم رفضتي

-اي خاله مااكدر استصعبها

-ياعيني مو انتي هسه تعديتي العشرينات وشباب هل وكت يدورون الكطيوات

-كطيوات شنو

-يعني الزغار ١٥او ١٦سنه

-بعد احسن فرحتيني حتى محد يخطبني لان كلما تجي مريه او خطابه عليه امي تگلبه للبیت وتغلط عليه ذاك
الغلط اليعجبچ

-گلنه هییچ یمه نرید نطمن علیگم لاتگسرین خاطرها
-انشاء الله لييرد گلبچ

بقينه نرتب لوكرات الملفات الى ان خلص الدوام تعبت لان هواي اسماء سجلت رجعت للبيت ادك الباب محد يفتحه كمشت حصوه ودك بلباب على لحن ياطيباه
فتحت امي الباب دخلت كالت

-يمه اشبيج يمتى تكبرين شدكول الناس علينه

-اطمئني محد بشارع هندس من الحر

-يعني مو كلنه عقلتي

صاح اخوي منتظر منو تعقل غفران على الدنيا سلام
البارحه لكيتها مبلله مخدتي لان وكعت حجابها من الحبل اكو عاقله تسوي هيچ

-اي اكووو

-منووو

-اناااااا بلا فخرر

ردت امي

-رووحي صلي وتغدي ورانه طلعه للسوك نسوي دولمه ابوچ مشتهي

دخلت الغرفتي بدلت وصليت فتحت كنتوري احسب الفلوس الاجمعهن علمود البايسكل الشحن حسبتهن صايرات ميه وراح انتظر الراتب حتى اچمل واشتري الباسكل رجعو ضميتهن و طلعت اتغدى ومنتظره زهراء تجي كمت ارتب البيت رن نقالي زهراء مرت علي الله يرحمه كتلها
-وين بطيتي خيه
ردت
-بعد مااكدر ادزلج ابني؟؟

........

و أختر خليلُ قلبك بحكمةٍ
‏فليست كل القلوب بالقلوب تليقُ.

سيد مجتبى....

كاعد بلمختبر جدامي جهاز الاختبار، دخل عليه جدي فرحت ومنتظر خبر من عنده موضوع غفران وبلكت تكون وافقت سلم جدي

-السلام عليكم وليدي
كمت اله ابوس ايده وارد

-هلا بجدي مبين جايب البشاير

ضحك سديت باب الغرفه سحبت كرسي اله او اليه صرت جدامه كال

-ولك مجتبى ماتجوز چم مره گتلك ان حييتم بتحيه
جاوبته

-حيو بأحسن منها
رد

-مادامك تعرف خليني اسكت

-لااااا جدي ماتسكت ، بشر مولاي ترى انت كلت خليها عليك وانا خليتها وافقت غفران مووو
تنهد ورد

-شووووووووووف بوووووويه البنيه موش مثل خيتها لااااااااااا البنيه اذكى بهوواي وفطينه وعرفت بيك انت مو مثل سيد مهدي ولا مثل طبايعه ابد او هي تشوفك هيييييچ
ضحكت على حچیه وجاوبته

-هااااا جدي ولیش شبيه، شارب جگاره،سهران ،مدور نسوان، مسوي شئ حرام طالع من الطريق واذا على الاغاني ترى بسنه حسنه ،وانا اخووو سيد مهدي وهمين شاب محافظ على صحتي العب رياضه،وحديد عل خفيف
وهم عندي صيدليه خاصه بيه راح افتح ،منا وجاي وحدي. رفع العوچیه راد یطگني

وكال
-بعد بعد سوي نفسك سيد مهدي

-لااااا حشااا شجابني على عضيدي هو اكوووووو منننه هسه كول جدي شنو كالت المحروسه
لان چنت ماشي وراك حتى اذا موافقت اقنعها بطريقتي
مثل ماقنعت عقيله بسيد مهدي
تعصب وكال

-انصم ونجعم ،هاي مو اي ابنيه هاي عفيفه كتلك عقيله فطيره ويتيمه غفران ذكيه
ومنبهة

--استغفر الله جدي وين راح بالك اقصد اروح احچي وياها كلمه وراس سطر وأفهم منه

-لاااااااا لااااااااااا لاااا استجن واركد وبعد لااااااا تجيب طرواها ولا شي هي انطتني الزبده عرفت دكلي وليدك خفيف ومااقبل ازوج اخفيف
كمت من الكرسي وكفت جهاز الدم جاوبته

-هي الخسرانه وين تلكى بحلاتي شو چني البخت وداعتك جدي يركضن وراي وأني والاا اعبرهن ولااااااااا يمهن ابد

-اي ادري بيك لان الحرمه تريدها ماتريدك

-هاااا وشوف اله اقنعهاااا بس انطيني بااااااااااص وانا اقنع حتى امهاااا

-سد ااموضوع وليدي ولد الساده بعد بس يااولدي قسمة ونصيب بس لاا عبالك اكف عنك ازوجك أزوجك

-رحمه ااجدك استعجل

-هاااا مفلفل

-لاااااا اكمل نص ديني
كام جدي وصل للباب كتله

-ووين رااايح هسه تجي الكهوه
رد وهو يطلع

-اشربها وحدك وهااااا اذا ناوي تروح البغداد مو تبقى هواااي أچم یوم لاتبطي ومفتاح الشقه عند مهیدي ومو الكاك لاعب بذيلك

ضحكت اجاوبه

-وسيد محمد بعدني بتووووووووول والعباس ابو راس الحار بتول ليش مأخذين عليه نظرة لن وجهي بشوش واضحك وا جاملكم
رد عليه

-استخفو ولد الساده....طلع جدي بقيت اكمل التحاليل بجهاز،لميت العده الي بلغرفه كملت شغلي نزعت الصدريه طفيت الأضويه،جاي اطلع اسلم المفاتيح للسكرتير
لان صديقي يحيى راح يستلم المختبر مني هل ايام عندي اجتماع ابغداد بين جماعة البايوي،بكل المحافظات
سلمت على السكرتير وكتله

-هاايه ألمفاتيح وخلي يحيى يتصل بيه من يوصل حتى افهمه على المختبر

-صار استاذ

طلعت اتمشى رن نقالي فتحت خط صوت مهدي

-السلام عليكم طبيبنا

-اهلا ابو علي هلا بسيد مهدي شلونك

-والله ياسيد مجتبى زين بس محتاج عضيدي بشغله بس هوة يدبرهة

-يدلل سيد مهدي گول

-ارید تحجز الیه مطعم لان‌ عید میلاد قاروتی یصادف یوم الاحد

-یعنی شلون وهي بلمستشفى تاخذها مناك

-اي تغير جو شويه بين ماتطلع بقية التحاليل همين اريد تخلي المطعم يجهز كيك المفاجأه،ويخلي المكان مالتنه مزوي يعني بعيد عن المكان ألبية الطبلات،واريد تجهيزات العيد ميلادها تكون توصيه توصيه

-هنياااااااالها عقييله عليييك وين اكو هيج رجال

-يخوي لااأاا انا هنيالي عليها

-والله هي هنيااأاله شلون يرتب ومهتم بيه
-كول ماشاء الله

-ماشاء الله يارب يسعدكم دووووووووووم ومااااااااااااأ يفرقكم ابدددد والله افرح من اشوفك سعيد ومرتاح ابو علي
-وانه افرح من اشوفك تريد تزوج شوكت يخوي

-اممممم بعد غفران انطت كلمتها اذن ابقى انا ونصيب وأنشوف منو نصيبي
وهسه عيش حياتك يخوي وانا من افكر ازوج اكيد انت
اول واحد راح تعرف

-سيد مجتبى تعرف كلش زين انا باي قرار وياك وانت كده وتكدر تقنعه بس طول خلك وياه لاا تستعجل

-ماعندي شك انشوف سا غفران وين نوصل وياه

-زين يمتى تروح البغداد

-عكب باجر حتى الحك ويجوز اطول هناك، اريد اغير جو ضايج شوي مختنك كلش هل فتره من تدخل عمامك حاطين روحهم بنص حياتي

-محد يكدر يسوي شي الك طالما انا وجدي عايشين

-اعرف والله وانا ماقاصر بهيج امور بس مااكدر اسكت مثلك واحتوي الموضوع انا اهجم مااتحمل تدخلاتهم

-لاااا تنسى سيد مجتبى ذول عمامنا مو غرب ونسوانهم عماتنا

-والله سيد الحچي ميعبر عليه انا رجال وچبیر شنووو یحچون ویجبون طاري انا ما أزوج مخلصها سفرات هل شي يخصني اليه شنو اني بنية وتعدى عمرهة ويخافون خاف اعنس
شنو من منطق وتفكير عدهم وتدخل مسموح يدخل بس جدي وانت وامي غيركم لاااااااااااا

-حقك

-أنت نفسك من زوجت عقيله حاربتهم يله كدرت تاخذها ومادام هيچ اله بعنادهم مااخذ اي وحده.من بناتهم وذا مصار نصيب ويه غفران الا الا خذها مووو مناااا عناد اخذهااااا من بغداد وخشها بعينهم واريد اشوف شيسوون ذاك الوكت

-اهدا عضيدي لا تعصب تعرف انا وياك باي قرار بس اريدك تهداء ولاااا تضيعني بعرج الهواشم شنو تريدة اني حاضر أروووح احجز النا اريد ترتيبات ذوقي وانت تعرف شنو احب

سدااا وفعلا احب علاقة سيد مهدي وعقيله احسهم ثنيهم اكفاء زوجين بدنيا كد مامتفاهمين
بين ماركبت السياره طلعت الكوكل ادور المطاعم تالي ذكرت عندي رقم.مطعم خابرت على مطعم تيستي ميل وحجزت الهم وطلبت شغلات رغم ميوفورن الاي شخص هيج طلب لكن اليه وفرو لان اغلبهم يعرفون سيد مهدي
حجزت الطاوله،،والكيك،والزينه
كملت شغلاتي

رجعت للبيت صحت العامله تجهز جنطة السفر، سبحت وغيرت ملابسي
رحت يم جدي للصاله

-هااااأ جدي راح اسافر البغداد

-واكو غير سوالفك متعبتني

-انتظر فتره واخليك أزوجني
كمت عفتهم جهزت جنطتي للسفر ودعت البيت وطلعت
سيد مهدي وجدي يوصون بيه اكثر من امي
طول الطريق رفض غفران،وتدخل عمامي،يخليني اتصرف تصرف مو لائق وخاف اتهور خليني اهناك استقر بشقه فد اسبوع اتلاثه،افكر بحياتي وشنو راح اتصرف
وشلون اقنعه تقبل
لان ضجت ليش ترفضني،وشنو الخلل النقص الي لگته بیه سوال محيرني اعرف حسو بضوجتي سيد مهدي يخليني براحتي الى ان اجي انه وافصفض اله وجدي عرف بيه ضايج

وامي مجرد مااگلها رح تعرض عليه ازوج وحده من قريباتها وهل شي رافضه كلش
ركنت السياره مقابيل مجمع الشقق شقتي الطابق الثالث المكان هاديء ،وحلو الشقق تصميمهم نازك كلش
عجبني جدي يعرف يختار كلشي صح
اشوي تعبان من السياقه اخذت جنطي اثنينهن اسحل بيهن بسرعه اريد اتمدد حتى اطلب غدا جاهز اثناء ماصعدت بسرعه

انصدمت بيه ابنيه بيدي بحيث جنطتي هديتها وكعت مني من رابع بايه من الدرج ردت اعيط بيها بس شفتها متخردله متوتره
الخوف تارس عينها خاصه من وكعت جنطتي الزغيره

كالت
-العفو العفو مااقصد

عفتها ومامنتبهه الها نزلت الدرجات اربعتهن شلت الجنطه
اجت وراي متخردله مديت ايدي اهديها كتلها

-ليش التوتر ترررررى مصار شي اهدأي شوي اناااااااااا مستعجل وتعبان
حسيت بضوجه عليها لان متوتره

-ليش قلقه انتي خايفه من شي
الحظه اجى واحد من ورايه متعصب لابس كاسكيته امريكيه نزل بسرعه يعيط عليها ودفع جتفي ويعيط بيها

-هااااا تردين ترحين وووووووووين وعووووووووووود
عوووووفي امي ولا ترحين وراهااااااا
جرت ايدهااا منه

-امييي مريضه اشبييييييييييك، اشبييييييك،مهييمن
وكف على درج حتى مكدرت اعبر ومنا جتفي طكاه كتله

-غيرررر تعتذرررر شو دفعت جتفي ولا تهتم ولا چنک
طاک واحد
اندار علیه معصب

-روووووووح مناااااا لاااا اطلع بیك قهررررري

-وشنووو بله قهررررك استاااااااااذ والله لو مااايمك بنيه
چان ادبتك على هاي الحچايه وعرفتك مقامك شنو
دنجت اخذت الهتفون جاي اصعد الدرج لاكيت الحارس
المسؤل عن البنايه صديق جدي من من ايام الشباب سلم
عليه جاي اباوسه لان مد ايده اليه وجهه

عبر من يمني الولد ابو الكاسكيته يجر بلبنيه

وكال اليه
-والله بيك بخت ملتهي بشغلي ومستعجل

كال هاي الكلمتين وصعد وصعدت لبنيه وياه هنا تعصبت روحي فارت

بعد مااكدر اتحمل اكثررر وانا تعبان اليوم افرغ طاقتي بيه
أنداريت على الحارس طلعت محفظتي الجلد من جيب بنطلوني نزعت الساعه من ايدي وكفيت ردان القميص وكتله

-هاااأك عمي هذا النقال،وهاي المحفظه،وهاي الساعه والجنطه ديربالك عليهن بس اصعد ادب هذا الطحش اليرافس وارجع اخذهن

يتبع