رواية عشق المومنين(أبناء الساده) الفصل الخامس والعشرون 25 - بقلم نازك الحمراني

😍صباح الحب😍
...نازك الحمراني...حبايبي القدماء يعرفون
دوم أنزل مشاهد مستقبليه حفاظ حقوق ألنشر أول من بلش بهيج فكره أني😌

لذالك حبيت أجيب ألگم مشهد ثاني لرواية عشق المؤمنين همات حفظ لحقوق ألنشر الموضوع تبعي تنويه🚫احداث القصه مو جديده انما تكملة العشق المؤمنين فقط تكمله لوين وكفنه

وهمات أكو شخصيان  بلجزء الاول چان دورهم ثانوی هنا حیکون الهم دورهم کامل ومتکامل
؟

////عشق المؤمنين////
///// ف٢ ابناء الساده/////
///////مشهد مستقبلي/////

- لكلِ شيءٌ زكاة وزكاة القلبِ حُزنه .
بعد مانزعت ألحذاء..نزلت بخطوات بطيئه
داخل سرداب الحجه عجل الله فرجه..
لازم بيدي مفاتيح ألجنان

كل خطوه أخطوها ريحة ألمسك،والعنبر تزكم روحي قبل أنفي..وردد ورد تعلمته

‏"يا صاحِب الزَّمان" كُلما تعثرتَ في طُرق الحياة المُزدحمة ياصاحب الزمان أدركني

وصلت للمكان المنشود لمعت دمعه بعيني نزلت على خدي هناااا أمامي المظلوم هنا كانت الغيبه من ظلم ألظالمين

اي وجع،أي حزن بقلبك من عدنه أحنه  المأثومين،المذنبين

قريت عن ظهر قلب  الزيارة المُختصرة لصاحب الأمر خليت أيدي على گلبی آتمعن بکل حرف...و بحزن أرتل

بسم الله الرحمن الرحيم

السلام عليك يا صاحب الزمان السلام عليك يا خليفة الرحمـٰن السلام عليك يا شريك القران السلام عليك يا قاطع البرهان السلام عليك يا امام الانس والجان السلام عليك وعلى ابائك الطيبين واجدادك الطاهرين المعصومين ورحمة الله وبركاته

اللهم صل على محمد وآل محمد وعجل الفرج والعافية والنصر والتمكين والتأييد لهم

گملت طقوس الزیاره،والتسبیحات..رجفه سرت بگل جسمي وانه اطلع السرداب واحس گلبی یوجعني،وعصرني عصره قويه،يجوز لأن مشتاق الها واحبها

الحياة من دون حبّ جحيم، وحتى من نعيش في الوهم والهوىٰ .. عرّفنا الله علىٰ نفسه، ثمّ محمّدٍ وآله؛ "لا حبيبَ إلّا هوَ وأهله"وبعدين أهلنه وناسنه

ألحظه خفت،ليكون صار شي على أحبابي
،وناسي أي هل عصره البگلبي قويه مثل الي يحس يفقد أله واحد""التفت يمنى يسرى ليش گلبی یوجعنی  ألزوار هواي،وصوت الجهال الي تركض،والنسوان الي تصيح بصوت عالي وعدها حوائج

خطوات قليله مشيت،شتت اقل من ثانيه
لثانیه وحده  انه وحيد بهل مكان..هوسة الزوار والوفود  الجايه من كل الدول تعلن الولاء المطلق لصاحب الحق

وكفت خلاص لازم أتصل بأمي أريد أتاكد من أهلي محد بيهم صار شي..لاااا انه بحضرت صاحب الأمان ليش خايف والامان كله هنا
ليش أقلق،والاطمئنان كله هنااااا

مديت ايدي طلعت موبايلي،من جيبي چنت غالقه، لان ضايج من مشاكل البيت،وحچي القال والقلت،

الموبايل بيدي منتظره يشتغل كأنما الحظات الانتظار صارت طويله رغم قصرها...أول ما انفتح موبايلي وضوة الشاشه لكيت مكالمات أمي أربعه مكالمات لم يرد عليها

نقبض گلبي وبسرعه وبأيد راجفه،رجعت اتصلت بأمي مشالت ألخط ولا ردت عليه أكيد مشغوله بس أمي متتصل أله بسبب

جاي ارجع موبايلي بجيبي سير ساعتي اليدويه أنفك وحده وطاحت الساعه من معصم ايدي للكاع نكسرت الجام وتبعثر الكزاز بلكاع صفنت شلون تبعثر،هاي الساعه تمتاز بلقوه والمتانه وجابتهة اليه مبلغ چبیر لیش نگسرت

دنجت مقهور أشيل بقايا الساعه اي مقهور هاي ألساعه هديه من مريتي جابتها اليه وما انسى تقاسيم وجهه وضحكته من طلعتها اليه وهي تگلي ((كل عام وانت زوجي وحبيبي))

لازم اصلحها ماريدها تعرف،هديتها تكسرت بقيت الملم بقايا الكزاز،لسسى ماوكفت على رجلي رجع موبايلي رن من جديد...مديت ايدي وكفت فتحت خط وايد الثانيه بقايا الساعه اول ماسمعت صوت أمي تصرخ  بچي وقهرررى

-أااااااالحك مولاااااااااااي مرتك ااااااحترگت؟

...مشهد مستقبلي ثاني....

أفرك بأيدي متوتر حاس انو العرس مالازم يصير لا اليوم ولا أي يوم

ولا أني لازم أصير العريس المرتقب لأن هل شي ضد الأحسه أني

خوفي من أبويه وألحاحه عليه خلاني أصير بهيچ موقف..

قبل لا آدخل للقاعه وقبل لاتنزل آلعروس
نزلت علی صوت أبوي وصياحه

رحت الزاوية القاعه أخواني خمستهم واكفين بطولهم أله أخوي  ماگو

جای آروح لزمني أبويه من ياخة القاط
دفعني حيل عل حايط يصيح بيه

-أني عندي سبع ولد،فاهم سبع ولد أليوم
زواجك لازم يتم وذا مااتم أعتبر روحك مدفون يم گبر،أختك

وجهه عصبي خوفني أكثر بخنگه جاوبت

-صار بویه....

ألتفت لخواني ينطيهم أوامر...مثل ضابط
عسكري يأمر جنوده

-شوفو أنتم خمستكم أخوكم يخاف يسلم  ويحس مرتبك أريدكم گلگم تصیرون بداله

-صار بویه...جاوبو بصوت واحد گلهم

ترکتهم رحت للعروس فتحت باب السياره نزلت ساعدتها بدلتها چبیره

وگفت العلویه مريم  يمي لابسه فستانها الأبيض الي ابيض من الثلج

أمووت على بدلات العرس من چنت لساتني طفل زحتى چنت اسوي بدلات بجواريب القديمه

ركزت بلعلويه هذا ظلم ليش دا اسوي هيج بروحي وبيها ولو هو ابويه السبب گله منه جبرني أزوجها

قبل لا ندخل لزمت ايدها ترجف حاولت أهديها دنیت علیها"اهدأي شسالفه

ردت بشفاف ترجف "لا مخايفه والله خجلانه بس

مشينا خطوات للقاعه والهلاهل،بكل مكان وصلنه النص القاعه سكتت هلاهل

هنا امي وخالاتي،واقربائنه وخواني،وابوي مفتقد اخوي

ادوره بين اخواني الخمسه  وينه اشرت الامي تجي يمي دنت عليه

-ها يمه گول شبیک ليش ضايج

-اخوي  وينه مو گلي اجي اليوم

-يمه أخوك ضايج خله وراح گلي طالع للواجب

-مو گلي اخذت اجازه

-يمه خوانك الخمسه مو بعينك اله هو بس هو اخوك

-هو يفهمني

راحت امي من يمي خلتني بحيره اشتغلت الأبتهالات والاناشيد الدينيه طول هل لحظات اتنوع للعلويه مهجه

لحظات اجت ام العلويه مريم حضنت بنتها تبارك الها

-الله يهنيج ويسعدج حبيبتي يارب ايامج كلها خير وحلوه وبيضه مثل بدلتج

-يمه غير تجين وياي

-لا حبيبتي أنتي سباعيه مينخاف عليج ولا تبجين مگياجج يخرب حبيبتي

-يمه وين أخوي سيد أبو الأشبال

-يمه أخوج سلمان هناك برى القاعه ميصير يدخل منتظرني أودعچ يله
وثانيه  عيب تبجين

-اووف يمه عودسلمي علي ابو الاشبال

-صار یمه هو سلمان هم يسلم عليچ

أتناوع الها ودموعها الماوكفت اجت الناس تسلم واحد ورى الثاني واني متلبك من الخوف حتى مااكدر اسلم

لا على الشباب ولا على اقربائنه اشرت الاخوي هادي الجبير يتعذر منهم

وهو ويسلم بدل عني،لان اي شاب او رجال يسلم عليه يكزبر جسمي واكش منه

اخ اخ يارب شكد أبوي ظالم شكثر طاغي خاسر عل عرس شيريد يثبت كوه هيه

اشويه وطلعنه للسيارات المركونه يم القاعه

سياراتنه بصدر راكب أخوي هادي فتحت الباب دخلت العلويه مهجة مريم اول مره
واني وراها

اتناوع للبدله يربي حلوه معقوله حبي لبدلات من چنت طفل رجع نشط هسه

حاولت الهي بنفسي بلفون حتى مااباع
للبدله ولا أسمع بچي العلويه على اهلها

درت وجهي عليها "كافي بجي شسالفه ردت عليه

-"حفارك امي شلون ماابجي

-مو أني يمچ مکافي

-لا عفيه عوفني الله يخليك..وصلنه البيتنه اخذتنه أمي للغرفه،

اجى أبوي عليه گلي "تعال سلم على الناس
گله من آمک خبلتك ودللتك وسوتك خنثه

يله اطلع سلم.. ردیت""فدوه بویه مااکدر
گتلگ هل زواجه ماااریدها
اني مو مال زواج

-أي أنت مال سوالف،وضحك وي بنات الناس عود گلت مره ضبك روح نذل
هسه تدخل وتجيب بياض مرتك

-بويه ماأگدر والله

رفع ایده ضربني راشدي ويصيح

-امدااااك امد اشواربك لااا وفوكهاااااااااا لحيتك جاي يربيها ماتستحي مطي وتكول ماأگدر ولك تجيب البياض تجيبه بيدك براسك تجيبه

-يمه لحگي علیه یمه

-وغمه ولك

أجى يمد ايده اجو خواني حجزوني منه دخلوني للغرفه صاح هادي

-ددددخل ولا سوينه مشاكل خرب حظك أدخل مو بزعت رواحنه
دخلت لغرفه سديت ألباب العلويه واكفه يم زاوية الملابس دموعها تصب عشره عشره

اجيت عليها رادت تصرخ تقربت سديت حلگها بیدی

"عفيه اسكتي لا تبچین مارح اسوی الچ شی

حرگت اعیونها لآن ساد حلگها بقووووه بعدت ایدي منها گالت

-أحلف ماتسوي شي ولا تدنى سمعت أبوك يگلك اله هسه

-والقران مااسوي شي ولا أدنى عليچ

فكت عيونها لان حلفت جرت سبحها من المیز القريب تسبح وتستغفر ردت

-شو حلفت متخاف من القران باچر عگبه ولادگول گفاره تدفع
آلگفاره الها شروط،والها طقوس خاصه

-لا علويه مااخاف من القران أبدددددد

-هاااااا شلون وليششش أنت ملحد

-لا والله

-کافر

-ابد والله

-زين ليش تگول مااخاف من حلف القرآن

-لان بلقران مااتقرب الچ

-هاااااا أقصد ليييييييیش  متقترب ابد

کعدت علی الچربایه منطیها ظهري وهي لسى واگفه

گتلها واني افتح الرباط من رگبتي

-علويه حلفت بلقرأن مااوصل الچ لأن أني

-أنت شنو أحچي أنت حلفت تعرف شنو قسم بلقرأن چذب

-علويه مامچذب ولا عمري حالف بلقرأن چذب گتلچ عمری ماأوصل ألچ هاي حقيقه لأن اني مو رجال

أني مره مثلي مثلچ؟؟

............................
القصه حيكون بيها نقاشنه علمي وديني بموضوع ثنائي الجنس هل موضوع
الحساس الي أغلب الناس تتحسس منه
وتبتعد عن نقاشه

بجزء الثاني من عشق المؤمنين حنلگی حلول دینیه،وعلمیه،

وحناقش مواضيع تكاد تكون حساسه
،مجتمعنه يرفض يناقشها ويرفض يحچيها لان ميعترف بيهااااا

بحثي بعلم النفس الأسري اهلني اكتب عنه نفسيا،

شهادتي الاكادميه بعلوم القران حتخليني أعرضه عليكم دينيآ

دراستي بلفقه المقارن..حتخليني اناقشه حسب رؤية المذاهب وعلمائنا الاجلاء من المذهبين،والطائفتين السنيه ولشيعيه

الروايه بجزء الثاني حتكون رومانسيه جدا وعاطفيه كلش
وايضا حتكون بيها مشاهد جريئه غير أباحيه...حتى نوضح أكثر

اشكر الصديقة والادمن جنه على الغلاف