رواية عشق المومنين(أبناء الساده) الفصل الثاني والعشرون 22 - بقلم نازك الحمراني

///صباح الخير ، اتمنى ان يصادفكم اليوم خبر سعيد يعيد لروحكم الحياة البهجة///
///نازك الحمراني////

عقيله///
صامدون ثابتون مع الحق ولو كلفنا حياتنا الحق معكم وفيكم يا آل بيت النبي المصطفى.
الامام الحسين انطى كل مايملك قتلوه وحملوا رأسه على الرماح وسبو نسائه وحريمه وتاليها شيعته من وره الخوف يصيرون سنه. ‌هو هذا هم حجي بالله عليكم

بس سمعت واحد يصيييح صوته بيه قوه

-عوووووفهااااا راااااامي لااااا اموتك

رامي رد عليه

-ااااااطلع منهااااا يااااااسين لادافع الهاااا هاااااااي نفسهاااا رفضتك

عمتي شروق رگضت عليه هي وزوجها لان قريبه على بيت والدي فتحت عيوني مكدرت تلزك من دم الي بوجهي وبراسي

أربد حاچي عمتي،زوجها،ياسين اي واحد شفاني تأذيني غمضت عيوني اسلم روحي الخالقها شاهدت گل ظني متت من گد الضرب والوجع البيه واني بس الونة تطلع مني

بديت أسـمـع صـوت صـراخ صوت صياح گمت من الچربایه علی مصدر الصوت رغم الوجع بس مااحس اريد اشوف ليش الناس تصرخ وتبچي

رگضت الى أن وصلت الساحة المستشفى
لگیت ماما خالي،غفران،اهلي گلهم هنااا یبچون ویتناوعوون للسما ویصرخون

رحت اسال الناس الواگفه محد یجاوب
الی ان وصلت یم‌ ماما دموعها تنزل عشره عشره سالتها

-ماما لیشش البچي يمه ليش تبچووون شكو صارر

-ااااخ یاحبیبتی عقیله شوفي((آلشـمـس خرجت مـن آلغرب))

-يعني شنو يمه

-"أغلق بآب آلتوبة يآ أبنتي" نغلقت ابواب تسجيل الحسنات، باعي السما بدا وگت الحساب،الحساب بدااا

آلتفت یمنی یسری بقیت ابچي ويه بچي الناس واصرخ مثل صريخهم محد يهتم الاحد لا اهل،لا ام،لا أب،لا اخوه،لا زوج

هول الموقف اجت بأذني صوت واحد من قوله تعآلئ(يومـ يفر آلمـرء مـن أخيه و أمـه وأبيه وصـآحبته وبنيه)

من الخوف رحت على غفران احچي وياها هي تحبني ماتعوفني بس بهذا اليوم عافتني عيونها للسما حتى حچت

رحت الامي مثل غفران عافتني ماتحچي
ليش محد يريد أحد ليش رهبه وخوف

فزيت مرعوبه لگیت نفسي على الچربایه بلمستشفی ريجي يابس گلبي يدك حيل

مجرد خيال عيشني گل الرعب شلون الحقیقه زین احنه شنو أعددنا الهيچ‌یوم؟!

ارید اصدك الشفته مو حقيقيه لسى خايفه عيوني تفتر داير ميدور الغرفه اي أنه بلمستشفى الحمد الله والشكر

فتحت عيوني حييييبل هاي عمتي يمي كاعده تسولف هي وزوجها اسمعه يگلها

-همزين بس رضوض ربچ ستر ماعدها كسوو بس خشمها عدلاه الدگتور الها

رغم الوجع همست العمتي

-ماما وخالي وين اريدهم لااااايجي رامي

اتقربت عليه عمتي جانت تضحك وي زوجها گالت الیه

-رااااااح تجي الشرطه أذا سالوج گولي..
طحت من الدرج لأن اخوچ"وابوچ ینسجنون

-لیش آچذب مو اخويه هو السوه هيييچ

-میخالف اخوووچ وابوچ سحورة سميره سااااطرتهم سطرر

عدلت الغطى غطتني زين أجو الشرطه وگف واحد منهم وسئلني

-منووو سبب للحادث تگدرین تحچین

-طحت من الدرج وتعثرت علی المحجر

-معقوله بس وجهچ رغم الله ستر عليچ
اكوو اثر اصابيع

-مثل ماگلت عثرت

-براحتچ راح نسد الملف ویسقط حقچ

طلعو الشرطه

أجتني عمتي

-یله گومي اخذچ للبیت

-بس رجلیه توجعني عمه گلش خاف مااگدر اگومن

-لااااا چیگوچ الاطباء بس رضوض الله حماچ من شرهم

-عمه ارید ماما الله یخلیچ وینهاااا هي خالي فدووه لاااااتودوني البيت سميررره

-لاااا مااوديچ

-گوووووووولي والله عمه حلفيي حلفي ما راااح تاخذيني البيت ابووووي مااريد
ارووح الله يخلي جهالچ

-اخذچ البیتي يله عقيله ساعديني حتى نگوم توجیت لزمت اید عمتي جسمي گله
یون علیه

رگبت السیاره رحت البيت عمتي طبيت البيتهم وخایفه لا الگى رامي التفت يمنى يسرى روحي باهته گد الظلم والقهر نزلت دموعي خليت ايدي على گلبي اردد
ياجابر قلوب المگسورین اجبر قلبي

‏"حتىٰ وإن بدَتِ السماءُ بعيدةً
إنّ الذي فوق السماءِ قريبُ

فارفع يديكَ إلىٰ الإلٰهِ مُناجيًا
إنّ الجروح مع الدعاءِ تطيبُ

كعدت عل قنفه متلفلفه بلعبايه وباصابعي استغفر ربي احاول مااخلي اليأس يدخل گلبي لان گلبي دائما وابدآ فصل الربيع داخله قلبي من قرائة القرأن

ندك الباب فزعت خایفه طمأیت شفت خالي اجى بسرعه دنج علیه باس خدي

-شلونچ یبنت الغاليه شصاير بیچ‌ شگول
الاختي ،الابوي ماصنت الأمانه ليش
عقيله بعد خالچ شلونچ

-زینه خالو بطیت علیه هواي

-مسافر مسافر يبعد خالچ وهسه هاي جيتي من السفر الچ حتی ماماگل لگمه جبت عمتچ واجیت

-وینهاااا ماما وینهااا

دخلت ماما كعدت يمي شبگتني تبچي وانه وياها خالي واكف يمنه عيونه براسه مقهور عليه ينهت سمع صوت أبوي صاح بصوت عالي رج البيت

-ووووووووووين هذا العار الجبااااااااااان جيبووووووا اليه اگتله الگلب الساااافل دخل أبوي یرید یجي عليه

خالي سحبها زنخ ياخته دفعه للحايط ويدفع بيه حيل ويصيح

-ووووووولك شنووووه من بششششررر
كلما تجيك تطلع منك جنازه ولك ماتخاف الله بيها ولك يتيمة الله واكبر عليك ووووولك مسوي نفسك تحب أمهااا

شسوي بيك ويفوخ گلبي هل يتيمه جارم بيها يااااااانذل مو اب انت لك لمن تموت يالله ترتاح....
وتكول بنتي وتبجي عليه

ابوي يريد يوخر ايد خالي بس عمتي شروق دخلت هنا ابو رد على خالي

-كااااافي يا ابو علي مااادري جنت بشغل
لو ادري چان موتتهم تمووت

-شوف ياابو رامي ساگت وگل مره اسگت علی عملتگ بنت اختي والله والله والله
لو ماااااا أختك حرمتي چان مدیتك جوه رجلي وسحلتك انت وابنك سحل بشوارع

خلي بااااااااالك ألبنت بنتي اني ربيته من چانت لحمه حمره الحد مااخذتها چم سنه رجعتها عمیه الیه ورجعت من جدی ألربیتها گبرتها

راحت جامعه على ايدي
واني احق بيها منك ودللتها"وخليتها تكمل دراسه أنت منو يمها...

لك انت اب انته حشه والله الاسم منك
ساگت من فشلتك گلي أنت من يامله
من يامذهب شنو طينتك....

-اهووو تری انه ابوهاااا

-شنووووو عیدهااا ابوهاااا مالیش بله
لا أنت معيشه عيشه بيه خير..
ولا مخليها تعيش لك شتريد منها گلي
طالبها بثااااار ولك بنتك هاي مو عدوتك
.بنتتتك حن عليه شوية شوف حالهة

اتنوع الخالي والحچي
وچن خالي يحچي واني كل كلمه تطلع منه چنه طالعه من كلبي رجع پگله خالي

-هي كاعده عندك تسع ايام‌سحلتهاوكتلتها وصايره عظم
شتريد منها ماکافیك كسرت ركبتها
بزواجه ماتعرف عنها شي‌واني شاركت وياك أعترف ‌وهسه ماأخليك تاذيها بعد
لأن عرفت نيتك السزززز انت واخووك ذااااك المطي
تريد تكسر رگبتها وطلگها من رجلها
وزوجها للسايب یاسین ابن اخوك النذل ليشششش

-منووو گالگ یچذب ماااكو هيج حجي

-ماااغيرك الچذاب هاي نيتك
زفرة انتة واخوك نذل

أنصدمت فاتحه عيوني اتنوع الأبوي عمي زاهر متفق وي ابوي اطلك ويزوجني الابنه سايب تقرب مني خالي...

-تعالي بووويه أخذچ ویایه أندار عليه بعصبيه خالي وعاط بيهم گلللللللللللهم‌

وگله
-اني لو ما اختك مااخليك تظلموها ‌هل
ظليمه چان من فکستو عینها سجنتك وسخلتك بلمحاكم

بس اختك مريتي وغاليه عليه وعزيزه
حضني خالي وايده على چتفي لازمني
عبالك يحميني منهم گلي
بويه امشي رفع ايده وياشر باصبعه

-والله الي يدنا يم عقيله ولو يطخها بدون قصد مايلوم غير نفسه كااااااااااااافي عاد سخافه آحترمتكم لبالي بيگم خير تحن على بنتك دير بالك
يومية موتهة الف موتة

تنوعت الابوي ماحچه شي چان ساكت ومدنج ‌زوج عمتي شارك بالحديث وحچه علی ابوي

-مو حرام أبوي رامي هيچ تفگرون انت واخوگ وهي براس زوجها وتفگرون ازوجوها لغيره

ليش هيچ اتسوي مو هاي بنتك وانت طول عمرك ماحنيت الها ولا فكرت بيها

تعجبت من رحتلها انت واخوك ثاري وازك زهير حتى ياخذها الأبنه وانت ویاه شگلت الربك

عافهم خالي وطلعنا للسياره رگبناها رجعت البيتي ولاهلي وناسي حسيت من رجعت چني طير وطلقوا صراحه دخلت وحضنت غفران...صاحت تبچي

-شنوووووو ووو شمسوین بیچ المجرمین الله ينتقم منهم
هااااي مثل ذيييچ المراه
مزوركيج

ضحگت جاوبتها

-خل أنگتل اهم شي ارجع الگم،

-تعاااااي تعااااي الغرفتنه مشتاقه الچ وگلما نرید انروح نجیبچ،ماما تگول مااحچي ويه سميره مااروح

دخلت الغرفتي وسوالفنا أني وغفران
تمددت انام گلت الغفران

-طفي الگلوب وتعاااااي يمي اريد انام
تمددت يمي،نمت نوووومه طوووويله كعدت ثاني يوم سبحت تناوع الوجهي جروحه بدت اطيب

وشوي اشوي جروحي البقيه طابت خلال هذا الاسبوع

محرم العشره ايام مافهمت شي منه لان سميره متابعه مسلسلات وهذا الاسبوع خلصته متمدده على كد الصلاة والقرأن
الحد ماطابت جروحي والرضوض

دخلنا على أيام الزياره والمشايه ايام العشق الحسيني،والزحف نحو ذاك الامام المظلوم،

أيام الخدمه الحسيني،وانت تخدم محبين المظلوم،محبين الامام المظلوم امام العشق،ولمعشوقين

ألناس تجينا نخدمهم بحيث نام لليل تعبانين لان نگعد من ٦الصبح نحضر اكل
اخوط بجدر الهريسه ومشتاقه لسيد رن موبايل رحت عليه رساله من سيد مهدي كاتب قارورتي انتظريني كم يوم لان أخدم موكب جدي وهاي الايام ماتتعوض

دزيت اله رساله(تقبل الله منا ومنكم انه هم جاي اخدم عسى تكون الخدمه شفاعه
النة وتجبر خواطرنا

فرحت برسالة السيد،لملمت اغسل الجدوره الطبخ رجت فتحت ماطور المي
عيوني للسما أللهم کما قال النبي الحبيب ‏"اللهم إني أسألك نفسًا مطمئنة تؤمن بلقائك وترضى بقضائك وتقنع بعطائك."

کملت تنظيف ددخلت للحمام اريد اسبح تعبانه رن عليه سيد مهدي....فتحت خط سالني

-قارورتي وينچ مشتااااااق مووووت

-مو ستونه تراسلنه واريدك ترتاح لان صوتك تعبااااااان

-التعب أتغاضه منّه ،بس حبي الج شلوّن؟

-سيد من خدمت بلموكب شنو چانت طلبتك

-طلبت غير حاجات الاخره ان يقرب ربي موعد اليوم ألأبوس عيونچ وانتي نايمه

-هااااا سيد

-روووحي ارتاحي ماابقت ايام قليله

-الله وياك

نسيت ملابسي رجعت للغرفه حتى ارجع موبايلي على الشحن دخلت للغرفه لگيت غفران بيدها شرايح الشمع اطلع بیهن من المجررر

من شفت الچربایه تمددت ارتاح اشوي اروح اسبح مااشوف اله غفران تهز متني تكتفت واگفه على راسي
سالتهاااا

-هاااااا شگوووو تری مابیه حییل اسوي شي فد نووووب مگسره

ردت
-گومي ووووولچ شنیه شبییییییچ عود لیششش صايره وسخه

رفعت راسي الها

-ششنووووو وسخه هو اريد اسبح بس اذكرت وراي گبه انلفها للمشايه

-امداااااچ دگووومي گووووومي أنظفچ بیچ شعر شگددد شسالفه مااشوفين

-اهوووود عوفيني غفوووررره مابيه حيل غير مرة سوي الي

-هاااا وانتي تقرأين قرأن وتعرفين حراااااام الوسخ لان بگل شعره شیطان

تبسمت اضحك الها

-هههه خلاص عوفي الشعر نهلسه ورى لاربعين مال سيد الشهداء أنه وأنتييي أنسوي حمله تنظيف

- أبدددوالله على الشعر الي بيدچ ورجلچ البقیه شلووون لاااازم هسه انضف جسمچ
والمعج تلمع

-اهوووو مابيه حيل لاتلحين

-معليه اله اسوي الچ حتی احصل أجررر وحسنه شووف اصبع رجلج وجههچ تعاي

-خووووو طلعتیني كسررر مازال لحیتي ديله بس على گيفچ اثار الضرب لسی توجع یعني برهدنه سوي

-امممم أهم شی الأثر راح خلینه انسولف مشتاقه لسوالفچ

كتلها متعجبه
-ووووچ شعندچ بیه موكدامج ومشتاقه مو ماما عفناها خطيه وحده

-آااااي اليوم زوار بس عشى سهلین علیها

گعدت وبدت غفران تسولي بشمع بدت برجليه الحد ايدي كل جسمي شتغلته

گتلها

-يله بعد اااانتي ااااانننننننه اسوي الچ لان طلعتیني عرووس

-خوش يله دوري سویلي خن شوف

ستوها مدت غفران ايدهاأندك باب الغرفه
گامت غفران فتحت القفل

دخلت ماما تضحك
.
-هااااا وولچن بشرن كملتن لان گلهم أجو الساده...كومن حضرن الشاي.

فرحت لو بيدي اكمز من الفرح جاوبتهاا

-اااالساده اجووو عدنه لیششش مو همه‌
گعد یخدمون بلموگب

-ايي يخدمون موگبهم حبوو یمرون علینه ويشوفونة

گمت انه وغفران بس شتقصد ماما همزين كملتن وانه حتى غفران ماسويت الها

رحت للديوانيه لان اريد اسمع صوت سيد مهدي عن قرب مو بلموبايل بس ليش مگلي راح اجي...

سمعت صوت خالي گالهم بصوت حزين

-شوف سيد باقر‌ ألي صار صفحه ونطوت
يمكن قبل لايصير بيه ألي صار وفقدت ابني الي هو قطعه من گلبي چان عندي عتب وياگم
وعتب گلششَ قوي

بس هسه أعرف شنو انتم وشنو أتحسون من ابنگم مهدي ظل عايش وطلع من الموت وگلشي تلبون اله حتى يعيش مرتاح جر سره قويه...رجع گلهم

-ربي يحفظ سید مهدي واتنگبون بسه وهسه ياسيد باقر تدري اتمنى لو بني علي عايش ولو حتى بس نفس يصعد"وينزل

لو يطلب لبن العصفور اجيبه اله..لو یطلب اغش اكذب اسوي اله ولا اخسره ويروح من بين اديه

واحنا هسه بفترة حرب شباب تروح وتموت واحنا نفرح من نسمع احد اصوب
ونجي نركض مو مهم مصوب
ولا مهم عدنا رجله مبتوره لوعينه طافه
لو محترك

المهم نفس يصعد وينزل وعايش
من نتاكد منه عايش فرحتنا ماتنوصف بيه

اتمنى لي صار السيد مهدي والبنتي عقيله مياثر على حياتهم ومثل ماگلتلگم البنت بنتگم...

رد سید باقر

-یااااابو علي حجي كامل ونعم منه ومن تربيته رباك وماعرف شوصفك ماااگول اله ربي يبرد گلبك على وليدك

-رحم الله والديك سيد باااقر انتم اجيتو وانه مارديتگم

-ماتقصر یبووو علي ونعم منك

-الله ينعم عليك بس ياسيد باقر هسه شوي تعبانين والبنيه تعبانه الصبح تعالو
حتى تجهز نفسها البنيه

صوت سيد مهدي رد على خالي

-لااااااااااااتااا أبو علي مروتك عود صدك بااااچرر وحك جدي ما أصبر شني جدي دخيل جدك أحچي

گال سید بلقز

-أااآااي أبو علي صدك جااي أتشوف ابني شلون فرحان ومستخف لاتخلينه أنضيع فرحته وبسمت

ومثل ماگلت البنیه بنتنه ناخذها فد نوب شدكول

رد خالي

-لعد هاي هيه مازال مستعجلين خل أخبرهم واجيگم بس هاااا اذا بيها ريحة بصل عااادي لان هي جاي تثرم ويه امها

رد سيد مهدي

-ابو علي جيبها هي والبصل قابل

شردت من المستحى والخجل شكد عيب
ركضت للمطبخ وكفت يم غفران ألهث
مستحيه وفرحانه

اجى خالي شاور ماما وتناوعو عليه يتبسمون اثنينهم اجى تقرب باس راسي
فرحان وعيونه تلمع گال

-بنت الغاليه بويه يابويه بيچ ریحة ناجيه وحنانها وهدوئها،وطیبة گلبها

-كوول خالي

- شايبچ یریدچ هسه وهاااا تری براحتچ الي تردي يصير وعلی هل خشم مازال راسي يشم الهوى تگولین لاااا اگول لاااا تگولین اي اگووول اي

تررررى أبوچ اني اذا ماتردين سيد مهدي گولي ومن هل رگبه

دنجت مستحيه العب بضافري

-هاااااااا

رجع باس راسي وگال

-یل اصيله تربیة ام احمد ونعم منها
فهمت قصدچ طلع وهو متبسم

تقربت مني ماما فرحانه وتضحك

-روحي سبحي يمه بس كون نظيفه

...غفران صاحت

-لاتخافين ماما نظفتها تنظیف ماخليت بيهاااااا ولاااا شعره

انداريت عليها...

-وووووووولچ تدرين وانه اگوول تلح اله انظف رحت عليها شبگتها اشكرها

-وااا ونعم الاخت انتي بس خالي ليش تبسم من سال ماما حسب خبرتچ

-اممم حسب خبرتي گالهاااا خاف تروح بشعرهاااا ومگان ماهيه نصدمت بسيد مهدي بليلة العرس هو من يشوف شعر جسمها ينصدم

طكيتها على جتفها

-عيييييب ووولچ خالي مايحچي هيیچ
متاگده والله

-والله خالچ مزوج یعني يحچي گلشي

-وانتي شلون سمعتيهم

-هههه اشاقه ویاااچ شبیچ صدگتي يله روحي سبحي احضرلچ ملابس حلوه

دخلت للحمام محتاره شلون افارك عائلتي
سبحت حضرتلي غفران كلبيه بينصل سوده لبستها مشطت شعري تعطرت

لبست البوشي والحجاب والعبايه
طلعت ودعت الكل غفران ماما عيونهن تدمع...شبكتهن دمعت عيونه بست خالي ا
طلعت اجى سيد مهدي شبك خالي شكره وخالي يوصي بيه...

مشية صوب السياره ركب سيد باقر ورى واني ركبت يمه وسيد مهدي يمي
ومجتبى بصدر...

مااشوفهم زين ظلام طول الطريق بيدي سبحتي

مااعرف شيسولفون بس ضحكهم عالي
سيد باقر یگله

-الیوم تخش
مجتبی یرد علیه

-اي لازم يدخل

سيد مهدي يگلهم

-هووو راح اتمکن منها وانطونة صبر

بقبت آرجف خوف"خجل"شرح يكولون عليه ام‌بوشي ادور سوالف تمكين

وصلنا للبيت نزل سيد مهدي نزلت وراه رفعت البوشي

سيد مهدي أقترب مني لزم ايدي.مااگدر ارفع عين میته خجل‌ همس

-،قارورتي نورت بيتي

-اشگرك

-لاشكر على واجب ...وچ انه زوجچچ

دخلت ویاه وریحة البخور تجنن وصلنه للصاله شفت والدته رحت سلمت عليها..
تباوسنه وكعدت بلصاله كعد يمي سيد باقر كعد يسولف ويايه..گال

-عقیله‌تدرین بنيتي خالچ دره مال الله
تحسیها زلمه شهم
طالع علی جدها حجي ابو كامل...

-اي الگل یگول علیها مثل جدي

-وحتى وعمتچ خیره اصيله بنت اصول

-الحمد الله جدي

-يستاهل الحمد بس يبووي غفران خوش آخت گلي سيد مهدي عليها خوتها ویاچ‌ مثل خوت سید مهدي وسيد مجتبى

جاوبت مبتسمه

-اشگرك جدي واني من اشوفك اشوف جدي الله یرحمه

منزله عيوني من احچي أچاني صوت سید مهدي ثاري گاعد بنهاية الطخم

-جدي رحمه الجدك انت شنعدك كاعد الهل وقت المتاخررر مو انت مثقف ودارس ومگمل جامعه ماتعرف الكعده موزين عليك يبويه

رد علیه سید

- ياسيد مهدي يبويه انت تبقی واحد خفه مستخف شوكت تثكل عيب یبوي

-هاااااا تريد اثگل

-یاریت تثگل

-رووووح نام من تروح تنام اني اثگل
روح جدي رحمه الجدک نااااام وراك غبشه تروح آلكربلاء

-هاااا هیچ صارت‌ یلمستخف

-والله چنت زلمه ثگیل انت طلعت عیني
خش ماخش خش ماخش وگل یوم تگلي وصرت ماافكر اله بسالفة الخشه

-ياااا ياااا دتعال یبعد جدك گومني اروح

تقرب سيد مهدي يگوم جده ألغرفته

بقیت وحدي اجت العلويه زينه سلمت عليه باوستني گالت

-یله نروووح الغرفتگم

اخذتني ألغرفتي دخلنه گالت

-يله عقيله خل أنزعچ عبایتچ..
والحجاب..

اندك باب الغرفه دخل سيد مهدي يضحك

-هاااااااعمتي الحلوه جدي هسه يريدچ

...ابتسمت له‌ وطلعت ردت اگلها ابقي

ابتعدت خطوات نصدمت بحافة الچربایه

وسید مهدي أرتجي على ميز المرايه مگدرت ارفع عیوني بس اتنوع لبنطلونه ولحزامه اريد ارفع عيوني اشوفه خاف بعده يشك بيه انه اخاف من وجهه...گال

-شوفي محبس الذهب بلكاع مالكيتي

-ووووينه ماكو محبس سيد

رد
-قارورتي دشوفي وجهي رفعي عيونچ لشوكت تبقين مدنجه

گعدت لان رجلي گامت اطگطگ

-هاااا سید

-گتلچ أناااااااااااااااا ماعليه ابويه يگلي بيض وجهي يكول مثل ذيچ‌ المره تغلس وانتي گتيله مثل جدي اعتبرك تقبلين أضوجين جدچ

أستحيت حيل من رفعت عيوني له...
شفت سيد مهدي ابطوله وشعره نزاكته
گمت اني متعجبه، أيدي على حلگي
گلبي خفك بقوه من الرهبه والحب

واني أشوف حبيبي يمة عيوني تفتر عليه علی وجهه وسامته

ايده الچانت میته..شاد بیها علك
ايده الثانيه مبيها شي..
وجهه ماكو أي أثر وصاااااافي
وجهه صافي كزاز
لحيته سووووووووووده شواربه خفاف.
عيونه الگبار

الحلوا لابس فوكهن مناظر شفافه شعره الاسود الفاحم يلمع مفروك بنص كل خصله على جهه نازله...
التشوه ماكوووو خطين زغيرات بجبهته

رد مبستم

-قارورتي مصدومه...

-ها اي...

ابتعدت من يمي خطوات لان نسيت نفسي بيه راح على الكنتور طلع سيت
عرسي

تقرب مني بيده ثوب نوم گال

-انزعي الاسود ولبسي

ردیت

- ياااااااااااشلون بعده ممخلصه الاربعين مال حسين.عليه السلام..

گال
‌
-وانتي شعليج هو جدي لو جدچ انه وياه يقبل بحفيده حرمته تنزع الاسود غير الحسين عليه السلام جدي

-اي اعرف جدك

-مازال جدي اني اتوسط عنده
تره والله ماطلع عرس هذا محد يرضاها
لا اليهود لا الكفار يرضوها

تعبت هواي قارورتي فدوه الطولچ سامعه بهیچ عرس...

-لا

-شايفه هيچ عرس

-لااااا

-زین هسه روحي أتوضي

-اي صار

اخذت ملابسي ردت اطلع من الغرفه اشرلي

-هنااااااك الحمام بغرفتنه هذا كله علمودج

تمشيت متفاجا بجمال الغرفه وحجمها ماچانت هیچ رحت الغرفه جانبيه
.فتحت الباب

حمام اشكبره غمضت عيوني مااريد انصدم بعد بشي

من جمال سيد مهدي الجمال الغرفه"
الاثاث
البذخ
والكلشي
توضيت وسبحت نشفت جسمي حتى ابدل لبست سيت عرسي فستان ابيض ستن طويل كلش بي تور خفيف من يم الصدر فوگاه روب طلعت من الحمام

شفت سيد مهدي گاعد على كرسي الصلاة اشرلي اجي يمه مشيت صوبه

أطاني هديه وكفت يم ميز المرايه فتحتها
طلعت سجاده زركه وسبحه كرستال زرگه وتربه وقران كلهن زرك...گال

- هاي هديه من جدي الأمام علي..عليه السلام‌ اخذتهن....

-اشكرك مولاي..اني همات جبتلك هديه

-هاااا اليه

رحت الجنطتي طلعت علبه زغيره نطيتها اله گال

-شنهاي

-هاي حلقه جبتها الك من جدك الحسين عليه السلام مد ايده طلعتها من العلبه لبسته ياها...... گلي

-مشكوره يتاج راسي متعرفين شگد تعني اليه وهسه يله خل أنكمل صلاه لا هسه ابتلي بيچ

اندار علی القبله یصلي علی کرسی الصلاة وانه وراه گملنا صلاه للیلة العرس
وهو يصلي سغت وجهه عل المرايه أفترك عليه گال

-تعالي عقيله گومي گمت وكفت يمه...
خله ايده على كصتي وجهي للقبله يقراء

"اللهم بأمانتك اخذتها وبكلماتك استحللتها
فان قضيت لي منها ولدا فاجعله مباركا تقيآ من شيعة ال محمد عليه السلام لاتجعل للشيطان فيه شركا ولانصيبآ
خلص دعاء على راسي....

خلى ايده على بطني يمسدها برقه ويقراء

"اللهم أرزقني ولداً تقياً مباركاً زكياً ذكراً سوياً.
گام وصار مقابيلي لزم ایدي باسها
بدت سنوني لحالها طگطگ‌جسمي رجف

گال

- يمعوده لاتخافين والله مااذيچ گل هل صلاة والدعاء توقعين سببلچ اذيه

خجلت غمضت عيوني فجأة ندفعت حسیت بثکل عليه تمددت على الشراشف الچربایه صرت بوسط الفرشه البيضه

،تناوعت آله بصدمه،وحب،وقوه،ومستحی
هوه فوگاي ألتقت عينوني بعيونه إقترب من أذني همس

-گولي أااااااااااااااااأااحبك
الخجل سيطر عليه وبدء الدم يصعد بوجهي گلبي ينبض بسرعه البرق

ماترگني مستمر بگلامه وغزله
واشفافي تحركن وحدهن واني اگله

-احبك سيد مهدي...ابتسم بوجهي

-افييييييشششش اني أشهكچ واتنفسچ يااحلى من خمر الجنه وسندس النعيم

لحظات الخجل غادرتني صار مكانه الود
الحب"
السكن"
الرحمه"المتعه
استشعره قرب سيد مهدي أليه يقبل بيه حتى العرك النابض برقبتي

رفع وجهه مره ثانيه
والتقت عيونا مره ثانيه وهو يهمس

-أحبچ يا قارورتي...انتي ريحانه
يعني مثل ورقة الريحان من المسها برقه
آنتي قارورتي......
مثل الكزاز الشفاف الناعم إعاملچ...

تمكن مني سید مهدي وهو يزحف الگل جزء من وجهي
حتى طبق قانون كما خلقناكم اول مره
و هو يمرر يده على كل أجزاء مني
ويطبق "فمتعوهن"

كلمات الحب ليكولهن وهو يثبت قول
ما أصيب ( احب ) من دنياكم إلا النساء
و الطيب ) صرت زوجته..
صار زوجي..

نقش عليه وبكل حذر وحرص
دعاء يارب يارب بكلماتك استحللت فرجها..
بگلماتك ستحللت فرجها
بگلماتگ استحلل فرجها

گمل

واني بين ايده تنوع الوجهي ......گالي

-قارورتي ورانا صلاة اليل...

"وأن الركعتان يصليها متزوج افضل من رجل أعزب يقوم گل اللیل

ومع النسيم رسائلاً اتت شفِت اشتياقاً كاد أن يتكلما ‏لان من يعيش حياته متصلًا بـ أهل البيت يأتيه المدد دون عناء. ..˝«!؟
#یتبع

..‌.