رواية عشق النقيب الفصل الرابع عشر 14 - بقلم لجين

للكاتبه لولو😘😊
،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،
‏”ليس كُل ما في القَلب قابل للبُوح ..
‏ هُناك ما يولد ويموت ولا يُفصح عنه.”
،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،، نرجس…  هاا عمو ردتني
العم…  اي بعد عمج ردتج علمود سنه امج واخوج

نرجس…  وكعت دمعتي مسحت ادموعي اي شبيه
العم…  لا تبجين بعد عمج نشالله وي صلات الفجر 🌆 راح ياخذج صفاء ازورين اهلج وترحون الكربله ومناك ترحين لبغداد اشوفين خوالج ومن ترجعين نشالله العرس

نرجس…  بفرح صدوك عمو
العم..  اي صدوك

نرجس…  رحت حضنته شكرا شكرا
العم..  حركني باجني بجبيني
بس لا تبجين

نرجس….  نشالله

رحت اني بسرعه للغرفه
حضرت ملابسي ورحت سبحت رجعت خليت ملابس حضرتهن دخلت يقين نمنه كعدتني عمتي وي اذان الفجر 🌆 كمت لميت شعري ورحت توضيت وجيت صليت لبست ملابسي وكملت اموري بست يقين بخده وطلعت كليت عمو وعمتي واكفين بلساحه يم صفاء رحت ودعناهم وطلعنه كعدت يم صفاء وخليت جنطت الملابس وره

صفاء… يالله اودعناكم
العم العمه…  ترجعون بلسلامه

نرجس…  يله حرك
صفاء….  ابوي انتي عله كيفج شدعوه هلفرحه

نرجس… 😅 ديله
صفاء…  فدوه

نرجس…  خجلت دنكت
صفاء,, لا لا  ماريدج تخجلين جا منو ايسولف وياي

نرجس…  هههه حركت واني كل ما نعبر جسر اكله هي المنطقه شسمه مورر اهوايه وقت

نرجس….  شنو ماوصلنه 😒
صفاء…. 😂😂😂 باع الفطيره ولج هستونه طلعنه سامراء

نرجس…  جذب😞
صفاء…  والله شبيج 😂

نرجس…..  شمدريني 😌
صفاء… 😅😅😅

نرجس…  حسيت نفسي نعست بس اصعد اسياره انعس😂 خليت راسي علكشن وتبريد ابوجهي تغطيت بعباتي ونمت كعدت واني راسي عله جتف صفاء وهوه ايكعد بيهه

صفاء…  هاا ولج شووو نمتي وعفتيني
نرجس….  ابتسمت وخرت راسي من جتفه طلعت المي شربت

شنو ماوصلنه
صفاء… لا بعد بس راح ننزل هنا مطعم نتريك
ونرتاح

نرجس…  اوك نزله يم مطعم ويمه مكان زراعي
اكول

صفاء… انزلي انوب كولي
نرجس...  لا جيبلي لفه وياك ناكل هناا

صفاء….  اوك
نرجس….  راح شوي وجايب وياه 4 لفات ومخبلات ياهن كباب

نرجس…  شنسوي بيهن4
صفاء…  نجبي لج تاكلين. 2

نرجس….  شنو لا ماكدر 😅
صفاء… مو بكيفج يله

نرجس…  اوك بدينه. ناكل وبلكوه اكلت2 هوه هم اكل خلصنه نزلنه غسلنه ورجعنه صعدنه حرك السياره واني ربطت السياره وجهاز وطلعت دعاء اصباح اتسمع

مشت وقت طويل
صفاء… . يله جهزي نفسج وصلنه وراح ننزل

نرجس…  بسرعه عدلت نفسي وكمت اباوع ازدحام بلكوه طلعنه

صفاء… نرجسي
نرجس…  هاا

صفاء… انطيني ماي
نرجس…  اوك

فتحت البطل وانطيته اخذه وشرب
بلكوه طلعنه من الزدحام

صفاء…  شوفي نرجس اليوم هناا نبات وباجر بكربلاء وبعد باجر عد بيت خوالج نبات ونرجع للسامراء لئن بقه ازواجهم ب6 ايام يعني من نرجع باقي يومين زين نلحك

نرجس…  اوك  بس هسه نزور اهلي لو امير المؤمنين

صفاء…  لا راح انزور اهلج انوب نروح الامام
نرجس…  اوك

كبل طلع عله وادي السلام للمقبره احنه مقبرتنه بلثامنه
وصلنه يم الفتح الثامنه دخلنه بيه ومشت اسياره وصفاء يندلهم لئن قبل يجيب اهله ايزورون ابوي

نرجس….  نزلنه صفاء كال روحي واني هنااا انتضرج حته اخذ راحتي تقربت يم الكبور

نرجس…  كعدت بين امي وابوي
هاا يماااا شلونج ليش يماا حته بحلم ماجيتيني هاا اني مو بنتج يمااا والله حرام عفتيني بشتياقي الج انتي يمج ابو واخوي اني منو يمي هاا يماا محد وياي حرام يمااا هئ ليش متحبيني وعفتيني سنه كامله هااا ماشتاقيتيله هيي اني نرجس يمه نرجس اني

كمت ورحت يم قبر عمر

نرجس…  وانت حبيب اختك مو تكلي بنيتي شوف ابنيتك باقيه وحده والله مشتاقتلكم حتلو بحلم تعالو المهم بس اشوفكم اشوفكم المهم هئ

صفاء…  كافي تعاتبيهم
نرجس…  كمت اصيح بهستريه ماعاتبتهم بعدني خلي اكمل شوف احاجيهم ولا يمهم مايجيوني حته بلحلم ليش ميحبني هاا عمر ليش متجي اشوفني اني بنيتك هااا تقبل ابقه ميته علشوفتك

ماحس اله اني بحضن صفاء وابجي
صفاء….  اشششش اشششش يله كومي كومني وراح جاب ماي ورد وغسل الكبور وعدل الورود الي جان علكبور ورجعت صعدت واني اباوع علكبور وابجي بكلبي اكول

فدوه تعالو حتلو  بحلم بس اشوفكم
تحركنه ورحنه لمير المومنين صعدنه المصاعد ال4 ورحنه الطريق حلو ناس تمشي وناس تبيع المرقد كبالي مشنه وصلنه تفتيش خفت

صفاء… لتخافين حياتي ادهلني من هناا وراح تلكيني انتضرج اول مطلعين

نرجس…  اوك راح هوه واني دخلت فتشوني حته جنطت الملابس فتحوله  اتاخرت خفت خلصت طلعت لكيت منتضرني رتاحيت مشينه

دخلنه بشارع كله فنادق وحلووو كلش
صفاء… يله انئجر فندق وبعدين انزور

نرجس…  ماشي😊
رحنه اجرنه فندق دخلنه جانت غرفه وبيه جربايتين ومنا حمام وتواليت حلوه ومرتبيه ومشغلين اسبلت ارتياح رحت دخلت للحمام توضيت ورتبت ملابسي وطلعت دخل صفاء غير ملابس لبس

تشيرت اسود وبنطلون ثلجي طلع اينشفت بشعره باوع بلمرايه لشعر صاير طويل وحلو خربطه بهمال
رفع زلف من شعره

صفاء…  لازم اكص شوي حته يترتب صح
نرجس…  لا حلو تقربت عليه دار وجهه بديت اسويه رحت اجنطتي طلعت مشط ومشته رفعت عدل سويته

نرجس…  هسه صاير يجنن
صفاء…  ابتسم ودار وجه اممم حلو

نرجس…  اكيد حلوو 😌
صفاء… 😂

نرجس…  رحت عدلت جنطتي خليت جهاز واحد الجهاز اثاني لبيه برامج عفته واخذ الي بيه شريحه

صفاء لبس جوارب وطلع حذاءه الاسود واخذ نضارته الشمسيه واكف يم الباب ينتضر اني عدل نفسي وشالي رتبته من جديد ولبست عباتي وجنطه جوه لملابس وطلعت نزلنه  رحنه للامام دخلنه تفتيش ودخلنه للمرقد سلمت ودخلت كال صفاء هناا انتضرج روحي زوري وتعاي عفت ورحت دخلت زرت وبجيت شوي وطلعت دخل صفاء واني صليت صلات ازياره وهم صلات اضهر والعصر  لئن ماذن من زمان اجه صفاء

بده يصلي واني كاعده يمه اباوع يمنه عائله بس بتهم تباوع لصفاء

نرجس… بكلبي من عابت للعيون هم كون حلوه اقبل تباوعين بس اي بس اعيونه وخشمه حلوات 😒
{😂😂😂 لعد شبقيتي ياا نرجسه}

خلص صفاء صلاه
صفاء….  شبيه صافنه😞

نرجس…  صافنه عله هيي وهيه تاشر بحواجبه 😒
دار واجه وشاف البنيه هيه بسرعه بتسمت

نرجس…  يااا ماتستحي😳😓
صفاء….  بس ترت حلوه باع لعيون زرك😘

نرجس…  لا عدسات 😒
صفاء… انتي شمدري لا عيني حقيقه 😌

نرجس….  كوم نطلع😑😤
صفاء… ليش خلينه كاعدين🙁

نرجس…  لا اريد افتر بلسوك😒
صفاء… اوك يله 😂😂

يتبع……
،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،، ،،،،،،،،،،،،،،،،،،،،،

هلو شخباركم اسفه لبارحه منشرت اعذروني المهم حبايب حالين ماكدر انشر الاثنين عشق النقيب وتعذبت مرتين من اكمل هي القصه نشالله وبعده انشر تعذبت مرتين

احبكم
الكاتبه لولو😘😊