عشق الوحوش والشياطين الفصل الخامس وأربعون 45 - بقلم Sabreen

انا هنزل فصل دلوقتي علشان انا فرحانه بصراحه وحبيت افرحكم انتوا كمان بفصل هيتكشف فيه شويه أسرار مستخبيه علشان بصراحه انتوا اتلخبطوا ا اوي استعدوا لكشف الأسرار استمتعوا الفصل 46
صلي على نبي الرحمه 💜
نظروا لهم ثواني بصدمه شديده تحولت إلى غضب أشد يكاد يفتك بهن وهن يقفن ويرتدين قميص وبنطلون جينز ويتركن شعرهن الطويل على ظهرهن ويبتسمن بتحدى
عدنان بلطم: احيه احيه هنموت كلنا
حاول الشباب يتحكموا في اعصابهم بس فشلوا وكانوا هيتحركوا ناحيه البنات بس دخل بسرعه جابر ووقف قدام البنات وبقي في النص وقال بهدوء لمحاوله تهدأت الشباب فهو ادري بمعرفة غيره العاشق وكيف يكون غضبها
'' اهدوا يا شباب ''
عدي بغضب: نهدي نهدي ايه ايه اللي عاملينه في نفسهم ده
ديانا ببرود: ده العادي
رسيل بتكمله: واه فعلا احنا مش محجبين
فهد بغضب: يا سلام وهو لعبه تلبسيه في وقت ما تحبي وتقلعيه وقت ما تحبي
جين: لا هو مش لعبه بس هو اتفرض علينا
الشباب: وده ازاي أن شاء الله
جابر بغيظ: اتنيلوا اقعدوا وانا هشرح ليكم
قعد الشباب وهو لا يزالون ينظرون إلى البنات بغضب جحيمي اما البنات يبتسموا باستفزاز شديد
تكلم جابر لقطع تلك النظرات
'' مبدأيا كده البنات فعلا اتفرض عليهم الحجاب علشان كده كانوا مستخبين في الحاره دي لبسوا الحجاب زي باقي الموجودين هناك وغيروا اسمهم للأسماء اللي انتوا عرفتوهم بيها اول مره وبما اني الورق بقى مكشوف هما ظهروا دلوقتي من غير حجاب وهما اصلا كانوا بيبقوا بشعرهم برا مصر أو برا حياتهم التانيه دي ''
مالك بضيق: وهما لبسوا الحجاب مستمروش ليه عليه
شغف: لأنه في شغلنا وانتوا عارفين ايه نظامه لازم منعرفش عن هوياتنا وكون اننا نلبس الحجاب دي حاجه تدل على أننا عرب وكمان مسلمين يعنى دي علامه مميزه
سليم : بس ده مش سبب يخليكم تتلاعبوا بالحجاب
جين: عندنا سبب أقوى من كده وربنا في الآخر غفور رحيم وعارف انه غصب عننا
نظروا لهم بعدم اقتناع والبنات بتحدى أكبر
جابر بحده: قوموا اضربوا بعض احسن امشيوا يا بنات من هنا حالا
البنات مشيوا ببرود تلحقهم نظرات الشباب الحارقة
جابر: اهدوا بقى ناقص تولعوا فيهم
فهد بغضب: انا عايز اعمل كده فعلا
جابر: اهدوا قولت الموضوع ابسط من كده
عدي بعصبيه: هو ايه ده اللي ابسط دول خرجوا من البيت بشعرهم انت ترضى مراتك تعمل كده
جابر: مرضاش بكده بس برضو هما غصب عنهم عارف انهم يقدروا يتصرفوا في طبيعه شغلهم بس فعلا عندهم أسباب أقوى وعلى فكره البنات عمري في يوم ما شوفتهم لبسوا ضيق أو قصير الا في حالات نادره دول حتى هما اللي بيعلموا البنات الأخلاق وعلموهم الحجاب وفوايده وبنات صحابي كلهم محجبين ماعدا 7 دول علشان ظروفهم
سيف بغضب شديد: لحظه بس 7 يعني شمس من ضمنهم
نظر الشباب له بتفشي
جابر: ايوه هي وملك وعشق هما 7 زي بعض في الظروف وهما دايما عارفين بيعملوا أيه وعمرهم ما عملوا حاجه غلط برغم جنانهم والمصايب اللي بيعملوها الا ان الكل يشهد بأخلاقهم
سكت قليلا الشباب لكن يشعرون بداخلهم بنار تحرقهم من فكره ان قد يرى رجل آخر شعر زوجته أو يرى جزء يظهر منها فقد الفكره فقد تجعلهم يكادون يحرقون البنات حيين
جابر: هههههههه على فكره البنات نادرا ما بيخلوا شعرهم مفرود كده دايما يبقى مربوط بس هما عايزين يستفزوكم انا عارفهم مستفزين جدا
سليم : هو انت بتضحك وتفقع مرارتنا
جابر بضحك: هههههههه بصراحه الموضوع يستدعي الضحك ده انتوا هتشوفوا ايام ما يعلم بيها الا ربنا انتوا 5
أدهم نظر لعمه وقال: والله يا عمي شكلي هضحك كتير الايام دي ههههههههههه
ضربه سيف بالملف على راسه بغيظ وضحك أدهم أكثر
..........................................
تاني يوم كان سيف يجلس في مكتبه بالشركة ينظر للسماء من خلال الزجاج يفكر بكل ما يحدث حوله واهمهم ما يحدث لأخيه يجب أن يعرف ما حدث في ذالك الوقت
⚡⚡⚡⚡⚡
سيف بهدوء: ادخل
دخل أدهم وقال بهدوء شديد
'' سيف عمر برا ''
سيف بغموض: دخله يا أدهم
اقترب أدهم منه وقال: فكر قبل ما تتصرف هو جيه لحد هنا علشان يقولك الحقيقه اسمع منه الأول
ابتسم سيف بهدوء: دخله يا إعصار
تنهد أدهم وذهب للخارج ولا يعلم ما يفكر به صديقه
دخل عمر وهو يشعر بالتوتر الشديد كان خائف من تلك اللحظه وها قد أتت وقف عمر أمام المكتب وهو يفرك يده بتوتر وقلق من سكوت أخيه واخيرا قرر التكلم
'' اسف يا سيف والله كان غصب عني مكنتش اعرف غير أنه برشام للصداع ''
تجمعت الدموع في عيون عمر وهو يشعر بالانكسار فهو يعتبر سيف ابيه وليس أخيه الكبير وكونه الآن خسر ثقه أهم شخص في حياته تشعره بالانكسار الشديد
وقف سيف وأقترب من عمر واخذه في حضنه بقوه يقول بصوت حنون فسيف رغم أنه صعب التعامل الا انه حنون الا ابعد درجه
'' اهدي يا عمر وبطل عياط انت راجل يلاه ''
شد سيف عمر واجلسه على الكنبه في المكتب وجلس أمامه على الكرسي
'' انا عايز افهم امتى وازاي ده حصل وازاي اتعالجت في مستشفى عسكري ''
عمر: حاضر هحكي ليك كل حاجه
وبدأ عمر الكلام
'' من حوالى اكتر من 6 سنين لما كنت أولى كليه مكانش عندي صحاب بس اتعرفت على واحد اسمه سامح بس مع الوقت عرفت انه مصاحب شله فاسده وبتاعت برشام وكده فبعدت عنهم واتعرفت في محاضره من المحاضرات على ياسين وبقيت انا وهو صحاب جدا وبعد كام شهر عرفت انه اخوه مات بس مكنتش اعرف انه أدهم عمي حسن دخل في غيبوبه وياسين كان معاه دايما وكانت شمس برضو بس هي كانت غريبه في أول يوم جالها انهيار بس لما فاقت كأنها بقيت واحده تانيه وكانت هاديه جدا بس كنت احيانا بشوف معاها أشخاص تانيه في الأول مكنتش اعرفهم ومحبيتش اني ادخل لاني علاقتي في الوقت ده كانت مع ياسين بس واتضح اني الأشخاص دول كانوا ملك وعشق ومراد ويامن وولاد عمها ماجد وأكمل وكان في 4 بنات تاني واللي اتضح بعدين ليا انهم البنات عمك عمار كان في نفس المستشفى فكنت انا وابوك معاه وفي يوم ياسين شرب عصير بس كان مسموم فاتلف الكبد عنده واتحجز في المستشفى في الوقت ده انا كنت بروح المحاضرات وابقى مع ياسين وعمك في المستشفى فكنت مش بنام غير 3 ساعات في اليوم وده خلي عندي صداع شديد في يوم شافني سامح وعطاني شريط برشام وقالي انه للصداع عدي اسبوع وانا كنت باخد من البرشام ده على اساس انه للصداع وكنت باخد مرتين في اليوم في يوم دخلت عند ياسين وكانت شمس عنده في الوقت ده حاولت اتكلم معاه معاها بس هي كانت هاديه وجامده جدا ولا كأنها طفله لسه عندها 13 سنه حتى ياسين كان مستغرب خرجت علشان اجيب لها اكل والصداع زاد عليا فخرجت شريط البرشام بس وقع مني وجيه تحت رجل واحده شعرها احمر لما رفعت رأسها شوفت 6 بنات في نفس السن اللي هو أقل من 15 سنه وشمس من ضمنهم بس كانت عيونها مختلفه ودي كانت ملك بس اللي خلاني اتخض اني شمس خرجت من الاوضه ومسكت الشريط وقالت ليا
ترمادول انت بتاخد ترامادول يا عمر
وقتها مكنتش فاهم حاجه وتعبان جدا فاغمي عليا من التعب ولما صحيت لقيت نفسي في اوضه غريبه وفيه كتب وأفلام وسرير وشباك فضلت اليوم كله مش فاهم حاجه وفي آخر اليوم دخلت عليا شمس وفهمتني اني كنت باخد مخدرات واني هفضل في المستشفى دي اتعالج تعرف اكتر حاجه وجعتني يا سيف اني بنت لسه مكملتش 15 سنه بتعرفني غلطي خرجت بعد اسبوعين لاني كنت لسه في البدايه ورجعت لياسين اللي كان عرف بموضوع انه عنده عيله وأنه ملك وعشق عايشين وكمان ملك اتبرعتله بجزء من كبدها انا اعتذرت ليه عن غيابي وحكتله عن كل حاجه بس هو ده كل اللي حصل الوقت ده والله ما كنت اعرف يا سيف انه مخدرات ''
نظر له سيف وقال بحنان
'' آسف اني مكنتش جمبك الوقت ده ''
نظر له عمر بصدمه هل يعتذر منه الوحش ام يتوهم
أخذه سيف في حضنه يقول
'' آسف يا عمر اني وقتها انشغلت عنك ''
عمر بسرعه: لا متعذرش انا برضو غلطان اني اخدت الشريط من سامح وانت كنت مضغوط وقتها في شغلك يا سيف انا اللي آسف
ابتسم سيف لأخيه وهو يفكر في كل ما حدث وقتها لما كانت مليكه جامده هكذا برغم سنها يبدو أن حدث الكثير بعدما ترك صغيرته
..........................................
بعد يومين
كان يجلس الشباب يعملون على آخر التطورات في القضيه وكان اكمل وعدنان معهم حين سأل أدهم اكمل فجأه وقال
'' اكمل هو عشق وملك كانوا فين الفتره اللي اختفوا فيها ''
نظر له اكمل طويلا وقال
'' كانوا في روسيا يا أدهم في غابه كده بعيده وفي وسط الغابه دي قصر شكله يخوف بصراحه من برا بس من جوا عينك ما تشوف النوم جنان آخر حاجه منهم هما الاتنين وليه لأ مش هما من العصابه ''
عدي : نعم
عدنان: ايوه العصابه 8 أفراد 5 البنات ومصطفى وملك وعشق الباقي
أدهم: طب وده قصر مين
اكمل: ده قصر يوسف السيوفي عم شغف وجايبين ليوسف الضغط بمساعدة معتز وموده ولاده
ظهر صوت فجأه من اللاب الخاص بعدنان وكان صوت رسيل
فهد : بتعمل ايه يا عدنان وايه الصوت ده
عدنان: براجع الكاميرات اللي في المكتب وده صوت رسيل والبنات يوم ما اخدوا أوامر يروحوا الكتيبه عندكم
مالك : طب عيد الفيديو من الاول وهات اللاب
عدنان بص لاكمل
'' امممم خلاص ماشي بس هو تسجيل الوقت ده بس ''
فتح مالك الفيديو وعدل وضعيه اللاب بحيث الكل يشوف
داخل الفيديو اليوم ده
Flash
كان جابر قاعد مع جلال ويوسف وعز وإبراهيم فقال جابر
'' إبراهيم انت قولتلهم على المهمه الجديده ''
إبراهيم: ايوه واكيد جايين في الطريق و....
انفتح الباب بقوه لتدخل عاصفة
'' بقى عايزين تخلصوا مننا تقوم تودونا الجيش''
عز: اهدي يا جين وبعدين ايه يعني هي دي اول مره تاخدوا مهمه جديده
شمس: لا مش اول مره بس جيش لا
يوسف: لأ ليه يعني
شغف: علشان حر والتزام بالمواعيد والاكل في معاد والنوم في معاد ابعتوا حد غيرنا
جابر: مينفعش عايزين دكاتره وانتو دكاتره
ديانا: ابعتوا ولادكم وانا هاعمل ليهم شهادات تثبت انهم في طب واعملوا اللي انتوا عايزينه اما احنا في الجيش No
@ ولا ليه أن شاء الله
شمس : انتوا جايبين زين يقنعنا لا يا زين مش هنروح
زين: هتروحوا دي أوامر
رسيل برفعه حاجب: الأوامر مش علينا وانتي عارف
زين: هههههههه لا دي أوامر من فوق من آدم يعني ملزمين تنفذوها
جين: هي ملك وعشق معانا
عز: لا انتوا 5 ومعاكم عدنان بس وأعتقد عارفين ايه هي التفاصيل
شغف: تفاصيل ايه انتوا بعتوا أسمائهم ونظام المهمه بس شكلهم ايه دول
جلال: لما تروحوا هناك هتعرفوهم المهم هتروحوا
شمس بضيق: ماشى هو اسبوع نقدر نتصرف فيه
جلال بسخريه: اسبوع ايه معاكم من 3 لـ 5 شهور هناك
البنات بذهول: نــــعــــــم
رسيل مسكت جلال من هدومه بعصبيه
'' نعم نعم نعم 5 شهور ليه يعني بنراقب مافيا دي أطول مهمه اخذناها مكملتش اسبوع ليه يعني 5 شهور ''
جلال: الله يخربيتك هتخنقيني ابعدي
زين بعد رسيل
شمس : احنا مش هنروح نقعد 5 شهور في مكان واحد ليه أن شاء الله
جابر: هتروحوا واجباري
شغف: بقولك ايه محدش يجبرنا على حاجه احنا مش عايزينها ماشي يا جينرال
زين بغموض: وانا قولت هتروحوا
شمس قربت منه
'' ناوي على يا زين ليه مُصر نروح انا مش مطمنه ''
زين: انا مش ناوي على حاجه بس لازم انتوا تروحوا لاني الباقي مشغول
ديانا: اممم هنعمل نفسنا مصدقين امتا بقى
جابر: بعد اسبوع تكونوا هناك مع باقي الدكاتره وهيوصل ليكم التكليف لحد البيت
جين: البيت؟! ليه هنروح بأي شخصيه
عز: شخصياتكم اللي هي روان وحبيبي وأمل وآيات وشمس مارسوا حياتكم التانيه
نظروا لهم طويلا بنظرات غريبه ليقول أبراهيم بتوتر من نظراتهم
'' ايه بتبصولنا كده ليه ''
شغف بشك: ما تقولوا انتوا عايزين ايه بالظبط بدال اللف والدوران اصل ظباط جيش في كتيبه مهمه زي دي اكيد ثقه ومش محتاجين شهور علشان ندرسهم
زين: اهو احنا مش عايزين غير كده
شمس : اممم مش مصدقه برضو بس هنروح لاني عندنا فضول بصراحه انتوا عايزين ايه بالضبط من هناك بس اقسم بالله لو حصلت حاجه غير اللي مطلوب مش هتعدي على خير ابدا
جابر: لا متخافوش يلا اتكلوا على الله بقى واه إياكم تعملوا مصايب هناك انتوا في الجيش مش في أي دوله اجنبيه
عز: يعنى مصايب لا
إبراهيم: كوارث ممنوع
يوسف: جنان مش عايزين
جلال: الجيش مش لعبه ده نظام يعني اذا تكرمتوا قليلوا من مصايبكم
زين: بلاش جنان هناك
رسيل: خلاص بقى احنا لو قرود مش هتعملوا كده
جلال: انتوا العن ده انتوا العصابه يلا بقى من هنا
البنت خرجوا وقال يوسف
'' زين انت متأكد من اللي هتعملوا ده ''
زين بغموض: ايوه آدم بيقول هما دول
جابر: زيــــــن البنات لو افتكروا حاجه هناك هتحصل كارثه احنا في غنى عنها
زين: لا متخافش انا هكون معاهم وكمان المجهول هيراقب من بعيد
عز: انا مش فاهم مين المجهول ده
زين قام: مش مهم يا عز سلام
Back
الفيديو خلص والشباب الحيره تملكتهم بسبب الغموض اللي كان في آخر الفيديو لكن قطع تفكيرهم دخول عمر وهو يقول
'' ياااه الوحوش هلا هلا هلا 3 هلا والله ''
مالك: ايه يا حيوان مش فيه باب تخبط عليه
عمر بمرح: معلش معلش المره اللي جايه بصوا بقى مين جيه
اكمل وعدنان وقفوا
'' قبل ما تدخلهم نمشي احنا لاني فيه شغل اتطلب مننا عايز يخلص ''
سيف : روحوا انتوا
عدنان وأكمل مشيوا وقال عمر
'' احم احم بصوا مفيش حاجه ببلاش ''
فهد : عايزنا ندفعلك فلوس يا ابن الجارحي
عمر: لا فهمتوني غلط لو كان عليا مش عايز غير تدافعوا عني لو البنات عرفوا علشان مش هيرحمونا احنا 3 اما هنا وعنان فادفعوا ليهم بقى شيكولاتة علشان هما بيموتوا فيها
سليم : لو على الشيكولاتة سهله ولو فلوس سهله برضو بس نعرف اي حاجه عن المجانين دول عقلي قرب يشيط
عمر: يا عيني حالتكم بقيت صعبه قولنا ليكم بلاش العصابه انتوا بقى اصريتوا
عدي مسك حاجه من على المكتب وحدفها على عمر بغيظ
عمر: اااااااه خلاص يا عم ادخلوا
دخلت هنا ومعها بنت محجبه سمراء وعيونها سوداء
عمر: أقدم ليكم....
عنان بغيظ: ليه يا اخويا لسانتنا اتقطعت منعرفش نعرف عن نفسنا
عمر: انا غلطان واستاهل ضرب الجذمه
هنا: احم احم احم انا هنا عادل الشرقاوي ودي بنت عمتي عنان ماهر المنشاوي
سيف باستغراب: ماهر المنشاوي انتي اخت فادي
عنان بغرور مصطنع: مكنتش اعرف اني مشهوره كده
هنا بقرف: اتنيلي دول صحاب فادي وكانوا مستغربين يس تشابه الأسماء
عنان: رخمه
أدهم : بس هو انتوا تعرفوا ايه البنات أو بمعنى أصح اشمعنا انتوا
هنا: لاني احنا نبقى مساعدين البنات في شغل الشركات وكده
عنان: وبما اني احنا من الشله فعارفين عن حياتهم العمليه والشخصية اما بالنسبه لشغلهم في المخابرات فابقوا اسألوا مراد ومروان هما أعلم أو حتى اكمل
مالك: عمر هو انت شغال معاهم
عمر: لا علشان انا شاهد على بلاويهم هما 7 وبعدين اشتغل برا ليه يعني ابقى مفحوت في شركه ابويا واروح كمان برا ده انا اصلا مش مستوعب لحد دلوقتي ياسين ازاي بيشتغل عندنا وفي نفس الوقت شايل شركات العيله مع ماجد ويامن
هنا: ما هو الدنجوان مش من فراغ
سليم : طب سمعونا بقى تعرفوا عنهم ايه
عنان: بصوا بقى مفيش حاجه ببلاش
عمر: مش قولتكم
ابتسم فهد : عايزين ايه
هنا: حاجتين بس الأولى بوكسين كبار شوكولاته واحد ليا والتاني لعنان
عدي : سهله والتانيه بقى
عنان: التاني بقى ودي الأهم اني البنات يوم ما يعرفوا اننا اتكلمنا معاكم عنهم اكيد هيجيبوا أجلنا فانتوا بقى دافعوا عننا
مالك: للدرجه دي خايفين منهم
هنا: اسكت انت متعرفش أيديهم عامله ازاي
سليم : ههههههه ماشي اقعدوا احكوا بقى
قعدوا وبدأت هنا الكلام
'' احم احم شخصياتهم هما 7 كده مختلفه عن بعض بعيدا عن المصايب والجنان اللي بيعملوا نبدأ بالكبيره شمس أو مليكه ''
عنان: خدوا عندكم اكتر حاجه شمس بتكرها اني حد يناديها مليكه اما بقى سبب كرهها لده فاحنا مش هنقدر نقوله
استغرب سيف وادهم وهنا كملت
'' شخصيتها بقى تعتبر شمس أقوى واحده فيهم جبروت بمعنى الكلمه مش بتحب التسرع وذكيه جدا جدا بس ده مش معناه اني الباقي مش اذكيه لا هما اذكيه برضو بس الفرق اني شمس بتفكر بعقلها الأول وبعدها تتصرف وبارده ومش سهل انك تعصبها ولو اتعصبت يبقى يوم مش باينله ملامح لاني لو هتهديها دي حاجه صعب جدا والحته دي فالكل بس شمس بتبقى شيطان بمعنى الكلمة وذكائها بيبقى شيطاني علشان كده عمر ما حد يعرف ابدا شمس بتفكر في أيه ''

عنان: شمس اكتر حاجه بتحبها هي بسكوت 🍪 اسمه غريب كده بس بيتصنع لمرضى السكر ومفيش منه هنا كتير برا البلد بيبقى متوفر علشان كده ضريبه على أي حد جاي من الشله مصر يجيب معاه علبه بسكوت ودي الحاجه الوحيده اللي بتقلب شمس طفله وقتها.... وكملت بحزن واكتر حاجه شمس بتخاف منها هي الكهرباء
أدهم باستغراب: بس شمس عمرها ما كانت بتخاف من الكهرباء

ابتسم عمر بحزن: بس بعد الحادثه إللي حصلت وهي عندها 16 سنه بقيت بتترعب منها يا أدهم
استغرب سيف كثيرا وبدأت عنان الكلام
'' احم نكمل تاني واحده أكبر في العصابه هي عشق.... عشق بقى خبيثه جدا هي ذكيه بس بخبث وتعتبر قنبله مشاكل متحركه وسهل انك تعصبها بس هي مش متسرعه ولما تتعصب شمس بس بتعرف تهديها بس لو وصلت لآخر مرحله من غضبها على الله السلام بقى ''
عمر: اكتر حاجه عشق بتحبها هي التوت🍇 وبصراحه معرفش ليه تحسها طفله وهي بتاكل برغم خبثها ده واكتر حاجه بتخاف منها هي الضلمه بتحصلها حاله من الرعب لو اتحبست في مكان ضلمه
هنا: اللي بعده بقى ملك.... ملك دي أين ما تكون تكون المشاكل هي وشمس نسخه من بعض في الشكل والطول ولون الشعر والجسم بس فيه فرق لون العيون والشخصية شمس مش بتحب التسرع وبارده
عمر: هههههههه ملك بقى العكس عصبيه جدا ومتسرعه وكل مهمه يطلعوها تأخذ بوكس من شمس بسبب تسرعها بس مش علطول متسرعه احيانا ذكائها بيتغلب على تسرعها بس ده بنسبه 30 % بس وهي عصبيه بزياده بصراحه واكتر اكل تحبها زي عينيها هي الكرز 🍒 واكتر حاجه بتخاف منها ملك هي الأماكن المقفوله عندها فوبيا منها نفسها بيضيق جدا وقتها بس دي مش معنى عندها ضيق تنفس لا هي بتجيلها تخيلات من الماضي مش بتخليها تعرف تتنفس
عنان بصت لعدي
'' اللي بعد التوأم دول بقى في السن هي ديانا أو حبيبه بس انا بحب اسم ديانا اكتر ودي بقى ابرد واحده فيهم جبل جليد ماشي على الأرض يا جدع من 7 المستحيلات انك تعصبها ولو في يوم عصبتها هطلع النسخه السوده منها ودي بقى نادرا ما بتطلع والحمد لله يعني ''
هنا: ديانا ذكيه جدا ومش متسرعه وبرودها ده هو عدم تسرعها وأهم ميزه فيها هو ردود فعلها السريعه برغم انها بارده بس تفكيرها سريع جدا واكتر حاجه بتعشقها ديانا هي الكيك🍰 عايز تتطلع الطفله اللي جواها اديها كيك ويا حبذا بقى لو كيك الفراوله أو التفاح بالنسبه ليها عالم تاني واكتر حاجه بتخاف منها ديانا بسبب الماضي هي أعضاء الأطفال أو سيره خطفهم
عدي بذهول نعم اشمعنا
هنا: ما انا قولتلك علشان اللي حصل في الماضي
تكلمت عنان حتى لا يسأل عدي
'' اللي بعده بقى روان أو جين.... جين بقى صاحبه تركيز عالي جدا لو فيه فجوه محدش اخد باله منها هي اللي تجيبها علشان كده اي مراجعه في ايه حاجه هي اللي تحلها وخد عندك عصبيه لدرجه لا توصف ''
سليم : مش للدرجه دي يعني
هنا: لا انت مشوفتش جين لو اتعصبت يبقى الدنيا اتهدت محدش بيقدر يوقفها ولا حتى يتحكم فيها ويعتبر مروان الأقرب لجين ومع ذالك لو هي اتعصبت مش بيعرف يهديها يمكن اكتر من ملك دي اكتر مره اتعصبت فيها بسبب عيله الفرماوي وفضت خزنه مسدس كامل في دراع ابن خالها لدرجه ان دراعه اتشل ومحدش عرف يهديها خالص وكل اللي يقرب منها ياخذ من الضرب ما يريد
سليم اتذهل جدا: للدرجه دي
عمر كمل
'' البت دي بتدمن حاجه اسمها آيس كريم🍦وبرغم عصبيتها الشديدة دي إلا أنها طفله وهي بتاكله واكتر حاجه بتخاف منها هي التعابين حرفيا بتترعب منهم بسبب جدها المبجل الله يحرقه مكان ما هو قاعد ''
عنان بصت لفهد
'' احم نكمل بقى اللى بعده بنت خالي الغاليه رسيل.... رسيل بقى اكتر واحده مكاره فيهم إذا كانت عشق خبيثه فرسيل مكاره جدا ميغركش غبائها احيانا لا دي مكاره مكر التعالب وفي عصبيتها مش بتشوف قدامها حد ''
هنا: اختي حرفيا اللي بيمشي في عروقها ده مش دم دي شوكولاته 🍫 دي اكتر واحده في عيلتنا بتحب الشوكولاته والله
عمر بحزن: وبالنسبة لاكتر حاجه بتخاف منها وممكن تستغربها يا فهد هي جريان المياه الشديد زي الشلالات كده
فهد : عندها فوبيا يعني
عمر: حاجه زي كده بسبب اللي حصل زمان وهي طفله بقيت لما تبص للمياه اللي بتجري بسرعه تتخيل هواجس من الماضي
هنا حطت ايدها على خدها
'' اااااااخ بقى آخر واحده فيهم شغف صاحبه المعده المخرومه بتاكل كتير ومش بتتخن معرفش ليه هي والباقي برضو ماعدا شمس وديانا ماخرا بقيوا هما كمان بيحبوا الأكل بس مش لدرجه التانين المهم شغف عندها احساس عالي بس مش في الرومانسيه لا سمح الله بس عندها زي ما تقول كده الحاسه 6 بتعرف إذا كان في حد بيراقبهم ولا لأ وبتعرف مكانه أكنها هي اللي بتراقبه ويا سلام لو ضرب في الضلمه أو عيونها متغمضه أكنها زي ما هي بتضرب بضمير وعصبيه برضو زي عشق ومتهوره احيانا ''
عنان: بالنسبه بقى لاكلتها المفضله أو بمعنى أدق اكلاتها عندك المعجنات كلها فطير أو مكرونه🍝 بيتزا🍕 اي حاجه إيطاليه واكتر حاجه بتخاف منها هي الكلاب المفترسه وخصوصا بقى لو حد هي بتحبه أو قريب منها يبقى معاها يجيلها حاله هستريه بسبب اللي حصل زمان في الصعيد لما كان عندها 16 سنه
عمر سقف
'' ختام العصابه بقى الواد درش ده بقى كوكتيل من الكل من كل واحده في شخصيتها هتلاقيها في مصطفى وفي الاكل دايس مع الكل في ايه حاجه وفي كل حاجه ومش بيبان عليه الواد ده الظاهر شغف علمته أصول الصنعه وخود عندك كل غضبهم ده في كفه ومصطفى لما يتعصب على الآخر في كفه تاني هو اه بيهزر وكل حاجه بس بينطبق عليه مقوله اتقي شر الحليم إذا غضب وهي كام مره بس اللي اتعصبهم من يوم ما تولد واخر مره شد مع جين ومحدش عرف يهديهم ابدا غير شمس لما رميتهم هما الاتنين في البسين ''
أدهم: ياااه ده كله في مصطفى
عنان: اومال ده تربيه العصابه
شرد الجميع في هذا الكلام وقال عمر فجأه وبصوت عالي افزع الكل
'' أدهم ''
أدهم اتخض: ايه يا عمر انا جنبك اهو
عمر: اسف اسف اتحمست بس قولي بالله عليك اخواتك البنات ليه بيخافوا من الحصنه
أدهم استغرب: هما لسه بيخافوا منهم ده الموضوع ده عدي عليه سنين كتير جدا
عنان: لسه بيخافوا منها حتى باقي البنات وعلى رأي شهاب والله اقسم بالله اللي يشوفهم وهما بيقتلوا مش يشوفهم ابدا وهما خايفين يركبوا حصان
عمر: احنا عارفين كلهم بيخافوا منهم ليه ماعدا اخواتك ومفيش غير ياسين ومراد اللي عارفين بالموضوع
ابتسم أدهم وتذكر الماضي
'' اصل جدي عثمان كان بيعشق الخيل وكان عنده اصطبل فيه خيول كتير وزمان بقى لما كان عند عشق وملك ومليكه 4 سنين كنا كلنا في مزرعة جدي وكان معانا عم احمد وطنط دانه وكنا بنشوي يومها الكل كان مشغول وانا وياسين كنا بنساعدهم مليكه وعشق وملك راحوا الاصطبل وراء وفتحوا باب الحصنه وكانوا بيلعبوا راحت الحصنه هاجت وعملت صوت عالي وطلعوا برا بيوتهم والبنات خافوا وبدأوا يبكوا احنا كلنا جرينا وانا وياسين وامي ودانه بعدنا اخواتي من قدام الخيل وابويا وعم أحمد وجدي شدوا الحصنه تاني للاصطبل ومن يومها وهما اصلا بيخافوا يقربوا من هناك مكنتش اعرف انهم لسه بيخافوا منهم ''
ضحك عمر وهنا وعنان
عمر: لا يا اخويا لسه بيخافوا منهم وياما حاول يامن ومراد وياسين يركبوهم الخيل الا انهم ابدا حتى البنات
عدي : طب ليه البنات بيخافوا منهم
سليم : انا عارف جين ليه بتخاف منهم
عنان: جين ومروان بسبب جدهم مروان اتخطي الموضوع اما جين فلا لسه بتخاف تقرب منهم مع انها كانت بتحبهم اوي ومروان حاول بس مقدرش عليها
هنا: بالنسبه لرسيل فزمان لما كان عندها 8 سنين كانت ركبت حصان مع أسد بس الحصان سرع اوي وهي معرفتش تتحكم فيه فوقعت وفضلت متجبسه يجي شهر لحد ما بقيت تكرههم وتخاف تقرب منهم
عمر: اما ديانا العكس زمان لما كان عندها 5 سنين تقريبا كان شهاب لسه بيتعلم يركب حصان ومكانش عارف فالحصان فلت منه ووقع والحصان طلع يجري وديانا ورماح كانوا معاه رماح جرى واستخبي اما ديانا فالحصان جرى وراها وهي وقعت وكان الحصان هيدوس عليها لولا ابوها وقتها وقفه بالعافيه وهي اغمى عليها من الخوف ومن يومها كل سيره حصان تقعد تشتم على شهاب
عنان: شغف بقى دي الكوميديا كلها لما كان عندها 9 سنين ركبت هي وعلي حصان واحد والحصان كان هادي فمعتز وموده حبوا يعملوا مقلب راحوا جابوا تعبان لعبه وحطوه قدام الحصان راح الحصان شافوا وفلسع علي وقع على معتز وشغف مسكت في الحصان جامد علشان متقعش ومهما تصرخ محدش كان سامع سراج وموده جريوا نادوا الكل وحاولوا يوقفوا الحصان بس مفيش فايده وشغف تبكي وخايفه تقع وكل ما تغرز صوابعها اكتر في الحصان... الحصان يسرع اكتر لحد ما ممدوح السيوفي وقف قدامه ولأنه مربيه راح الحصان وقف على طول وشغف كانت هتقع بس منصور وابوها لحقوها بسرعه وهي اغمى عليها من الرعب اللي حصلها وكل ما حد يقولها تركب حصان تمسك موده ومعتز تديهم علقه من اللي عملوه زمان
ضحك الشباب على ما حدث معهم يبدوا ان حياتهم كانت غريبه جدا
عمر بضحك: لحد دلوقتي لسه بيخافوا منهم وكل ما نروح اي مزرعه فيها خيل ونحاول نخليهم يركبوا بالعافية الشله كلها تموت ضحك عليهم
مالك : اه صح هما مين الشله دي
عنان وقفت ضحك وقالت
'' الشله دي يا سيدي ولاد وبنات الصحاب 12 هما كانوا 10 بس باضافة جديده هما أسماء كتير بس انتوا لما تعرفوهم هتحفظوهم وهما متفرقين في كذا دوله.... إبراهيم البحيري ومراته فوز في كندا ولاده شهاب ومراته ساره ورماح وتميم ودول بقى يبقوا ولاد عم ديانا وأخواتها في الرضاعه ''
جاسر: هما 3
هنا: ايوه لاني بعد ولاده ديانا امها تعبت جدا وجالها حمى النفاس وكانت فوز وقتها مخلفه فهد ولسه بترضع فرضعتها معاهم وربتها 3 سنين لحد ما قدرت آمال تتعالج بشكل كامل
عدي : 3 سنين علشان تتعالج من حمي
عمر بضحك: لا ما شكل كده ديانا نحس ولما كان عندها سنه جدتها جالها سرطان الثدي وفضلت فتره طويله تتعالج
عدي ضربه بغيظ
'' ولاه متشتمهاش ''
عمر بضحك: ابو الحب حاضر
فهد : كملوا كملوا دي حياتهم متشقلبه
هنا بضحك: حصل المهم وعندك يوسف السيوفي ومراته ولاء في روسيا معاهم معتز وموده ولاد عم شغف ومعتز يبقى اخو ياسين في الرضاعه واخوا البنات وادهم فعلشان كده اختاروا يوسف يقعدوا عنده ومنصور السيوفي ومراته مروه في مصر هنا معاه علي وسراج توأم وشمس غلطه العيله على رأي شغف وعلي وسراج يبقوا اخوات شغف في الرضاعه
مالك: يا سلام ودي تيجي ازاي
عمر: أصله علي وسراج رضعوا مع أسماء فبقيت شغف برضو أختهم المهم وآدم حبيبي والله ومراته جاسي اخت وليم الشيمي في انجلترا عندهم لورا مرات بيتر ومايك وريموندا.... وليم الشيمي ومراته بيلا اخت آدم في انجلترا في نفس البيت عنده بيتر وده غني عن التعريف وجون هههههه بلوه وليم.... وعز الدين الزيان ومراته فريده في اسبانيا وولاده مروان وانتوا عرفينه وليل ولاد خال عدنان وولاد عم جين ومروان يبقى اخو جين
سليم : لا بقى دي غريبه جين عندها 22 ومروان عنده 25 سنه
عنان: لا ماهو مروان رضع مع خالد وبقيوا اخوات خالد اخوات مروان وبرضو عدنان وإخواته تمنى وماهيتاب من الشله
هنا: احم نكمل بقى وفيه برضو محمد الصاوي هو يبقى صديق للـ 10 وولاده اساسي من الشله عبد الرحمن وبراء وتقي وعايشين في أمريكا.... وعيله الألفي بدون استثناء يامن وأكمل وماجد وتماره وشمس وملك وياسين والبت عشق برضو...وكملت بفخر وانا اساسي والواد عمر علشان ميتظلمش هههههههه
عمر بسخريه: هههههه سخيف
عنان: بس ياض منك ليها نكمل بقى ماهر المنشاوي ابويا حبيبي ومراته هاجر عمة البت هنا ورسيل في استراليا وولاده فادي وانتوا عرفينه وانا والبت تولين اختي..... وخالي جلال الشرقاوي ومراته رزان في استراليا برضو في نفس البيت وولاده سما مرات فادي والياس اخو رسيل في الرضاعه وقبل ما تتكلم يا عم فهد الياس عنده 23 سنه ورضع معاها يعني البت دي برضو اخته
فهد : هو انا فتحت بوقي
عنان: علشان اعرفك بس كده هي دي شيلتنا الطويله
أدهم: بس انتوا نسيتوا تضيفوا العصابه
هنا بابتسامه
'' العصابه هما قلب وروح الشله من غيرهم احنا ولا حاجه تعرفوا البنات دول برغم كل حاجه حصلتلهم الا انهم عندهم من الحنان يكفي العالم ده كله هما اللي علمونا الأخلاق وبرضو هما اللي حببونا في الحجاب وبالنسبه للشباب علشان معظمنا في دول اجنبيه المفروض ننحرف وكده بس هما منعوا اني ده يحصل لدرجه انهم كانوا بيتخانقوا معانا ولا شاب عندنا حتى بيشرب سيجاره مش خوفا ولا حاجه بس احتراما ليهم تعرفوا برضو انهم اللي حفظونا القرآن ''
عنان: العصابه هي الضحكه الحلوه لو هما بيموتوا من جواهم وشافوا بس حد مننا تعبان أو زعلان يضحكوا في دقيقه هما 7 رمز قوتنا هما الآمان بالنسبه لينا تعرفوا احنا اتعرضنا لخطف كتير بسبب مراكز عائلاتنا في المجتمع ولما كنا بنبقي خايفين ونشوفهم وصلوا نعرف اني الخوف خلاص راح وجيه الأمان هما سد الحمايه لينا هما أمانا كلنا
عمر بحزن: وبرغم كل حاجه بيقدموها لينا إلا أنهم عمرهم ما حسوا بالأمان ابدا دايما يرموا نفسهم في النار علشان الكل وبيستحملوا ولحد دلوقتي لسه بيستحملوا دول جواهم اطفال اطفال اتحبست جواهم بسبب نفوس ناس عديمه الرحمه ضيعوا طفولتهم ومراهقتهم وأدى كمان شبابهم
سيف بتركيز: هي ملاك مين انتوا تعرفوها
نظر له عمر طويلا وقال
'' ملاك دي شخصيه محدش يعرف هي مين ولا حتى فين غير العصابه وزين ومراد وياسين بس الكل خايف من رجوع ملاك دي لاني برجوعها بالنسبه للكل بدايه الفراق ''
مالك : ليه
هنا نظرت أمامها بشرود
'' من زمان بعد الحادثه اللي حصلت للبنات وهما عندهم 16 سنه الكل فقد الأمل أن حالتهم النفسيه ترجع تاني كانوا مدمرين مش بس نفسيا وجسديا كمان زين جمعهم هما 7 في مكان واحد وسمعهم فيديو اللي اعرفه انا والباقي اني في الفيديو ده ملاك قبل ما تتدخل الغيبوبه محدش سمع الفيديو ده غير البنات وياسين ومراد ومصطفى بعدين بس احنا عرفنا الفيديو كان بيقول ايه..... كانت ملاك تقريبا بتوصيهم على الكل واني عمرهم ما يضعفوا ابدا مهما حصل ويفضلوا سور الحمايه للكل ويفضلوا هما 7 قوه لبعضهم ومهما حصل ما يتفرقوش أو حد من الشله يحصله حاجه في وجودهم لحد ما هي ترجع والبنات بعدها اتغيروا خالص بقيوا يقتلوا ببرود شديد ومجانين متفهمش تصرفاتهم...... وكملت بدموع ومرضى نفسيين وهما 7 مستنين ملاك ترجع بفارغ الصبر الكل مرعوب من رجوع ملاك دي مش خوف منها لا لاني البنات هيستسلموا خالص بعدها هما بيقاوموا الموت برغم كل حاجه حصلت اللي حصلهم زمان كفيل يخليهم ينتحروا أو يفضلوا في غيبوبه بقيت حياتهم شمس هترجع علشان ملاك لسه مرجعتش وده متأكدين منه بس لو رجعت هما هيستسلموا للموت ''
أدهم بحزن: بس الحياه والموت دي بأيد ربنا
عنان ببكاء: ايوه بأيد ربنا بس هما مش هيقاوموا اي فرصه انهم يموتوا فيها هيستسلموا بسهوله مبقاش عندهم اي امل انهم يفضلوا الكل خايف من رجوعها علشان مش عايزينهم يسيبونا ويمشوا حتى لو الموت مجاش ليهم هيتفرقوا وكل واحده فيهم تسافر ويا عالم هترجع امتا زي الغيبوبه ملهاش وقت محدد كل واحده فيهم سابت أثر حلو في حياه كل واحد فينا رجوع ملاك هبقي بالنسبه ليهم النهايه وبالنسبه لينا بدايه العذاب والوجع
عمر نظر للشباب الذين بدأت الصدمه على وجههم جميعا
'' انتوا معجزه خليتوا الروح ترجع ليهم حتى قلوبهم بعد ما بقيت جليد انتوا رجعتوها تدق من تاني حاولوا تخلوهم يتمسكوا بالحياه تاني حتى انت يا سيف لو رجعت روح مليكه من تاني هي مش هتمشي وطالما هي موجوده ملك وعشق هيفضلوا كلهم ''
شعر الشباب بالضياع ماذا حدث في الماضي ليجعلهم يستسلموا هكذا
..........................................
عدي اسبوع والوضع متغيرش لا يزال العند بين البنات والشباب ولم يرجع للشباب للبيت إلى الآن واستطاعت رسيل أن تكسر حاجز الصمت عند يحيى وبدأ يتكلم معاها وهذا ما أسعد حسين وصفا انه يستجيب لها وبالنسبه لشغف فزينات تتعامل معها بشده وتتقمص دور الحماه ببراعه وتحاول أن تخرج شغف عن شعورها وشغف صابره من أجل تلك العائله فقد وهي حقا لا تريد مشاكل يكفي ما حدث اما جين مع أنس دائما تحاول أن تعوضه وتعوض نفسها عن احساس اليتم عندهم هما الاثنين وديانا تقربت اكثر من العائله وكل صباح تتشاكس مع هيثم وايان أيضا ولا تزال مليكه في الغيبوبه وملك وعشق معها وآسيا تتحسن بصوره كبيره ومصطفى معها دائما ولا يفارقها ورحلت لورا وسما عن القصر اما حسن هو لا يزال لا يتكلم حتى عندما قال له أدهم انه علم الحقيقه لا يتكلم أيضا وياسين معه دائما وغزل وريم يحاولون قدر الإمكان مساندة ازواجهم في تلك المحنه ولا يعلمون الحقائق المخفيه بعد
..........................................
في يوم من الايام كان الشباب يجلسون كالعاده حين دخل فجأه سيدات كثيرات تحت ذهول الشباب فمن هؤلاء نظر سليم لاحداهن بتركيز ليقف فجأه يقول بصدمه
'' مستحيل ''
فريده بضحك: لا اوعي تفتكر اني رضوي انا توأمها فريده
سيف : طب انتوا مين
نظروا كلهم فجأه لادهم ليقول
'' هو انا معرفش غير مرات عمي فتون ''
فتون قربت منه وقالت
'' ودول بقى زوجات صحاب ابوك يا أدهم ''
أدهم: ها
اقتربت منه ولاء تقول بحنان
'' يااه كبرت اوي يا أدهم وبقيت شبه حسن الخالق الناطق هههههههه ''
سيف : طب هو انتوا جايين ليه
شمرت رزان يديها وجلست تقول
'' احنا كده وبسم الله الكلبه عنان قالت اني هي وهنا وعمر قالوا ليكم عن شويه حاجات عن البنات صح ''
عدي بتركيز: صح
فوز: احنا بقى عايزين نقولكم خلوا بالكم من البنات هما بيحبوكم والله وده باين اوي في لمعه عيونهم بس هما خايفين
فهد بتعب: خايفين من ايه هو احنا هنقتلهم
هاجر: لا يا ابني بس انتوا متعرفوش هما بيكرهوا الرجاله قد ايه هما 7 من اللي حصل زمان كرهوا اي حد من جنس الرجال يقرب منهم
بيلا: واللي يقرب بيموت
مروه: انتوا بقى اللى كسرتوا القاعده دي عند 5 فيهم
سيف : هو باين اوي كده
جاسي بضحك: ههههههه جدا انت مشوفتش نفسك بكيت ازاي لما عرفت انها ماتت وباين اوي في نظراتك ليها وهي بتبادلك على فكره بس دماغها جذمه زي ابوها
أدهم: على فكره انا قاعد ودي اختي وابويا
نظروا له كل الستات باشتياق شديد وهو استغرب هذا
فوز: هو انت بجد مش فاكرنا يا أدهم
أدهم: انا مش عارف حد اصلا
فريده: غريبه دي ده انت حتى كنت كبير لما احنا اتفرقنا بس مش اوي كان عندك 7 سنين تقريبا وقتها
أدهم بحيره: وقت ايه
نظروا لبعضهم قليلا وطلعت فتون اللاب بتاعها وجابت صوره وقالت
'' بص كده يا أدهم فاكر دول ''
نظر أدهم للصوره وكان هو مع ناس كثيرين ومعه فادي وبيتر وياسين وطفل آخر في سنه وأطفال آخرين
فتون: عارف الصوره دي في سبوع اخواتك البنات انت مش فاكر
أدهم نظر لها بتوهان وهو حقا لا يتذكر
ولاء: قلب في الصور يا أدهم يمكن تفتكر
قلب أدهم في الصور ووقف عند صوره ونظر لها طويلاً وهو يتذكر ذالك ورفع راسه بسرعه
'' انا فاكر الصوره دي مش فاكر اللي فيها بس فاكر أحداث غريبه حصلت في اليوم ده ''
مروه باستغراب: صوره ايه؟؟!!
لف أدهم اللاب ووراهم الصوره وهما اتذهلوا وقالت رزان بتركيز
'' ايه الأحداث الغريبه اللي حصلت انت فاكرها''
أدهم وهو يتذكر ما حدث
'' كان في ست لابسه عبايه سوده قربت من البنات ماما راحت عندهم بسرعه والست دي قالت كلام غريب كانت بتقول يا حسره على بنات طفولتهم هتروح وفي العذاب هيعيشوا ومن الوجع هيدوقوا وفي الانتقام هيضيعوا ''
هاجر: هي قالت كده
أدهم: ايوه وكانت بتقف جمب كل واحده وتقول كلام غريب اوي عن وجع وعذاب وفراق ومع كل كلمه امي كانت بتخاف اوي وفي الاخر قالت كلام مش فاكر منه كتير قالت هيبقوا نار هتحرق الكل وهتحرقهم هما الأول مش هيرحموا حد واللي يقرب منهم أو من اللي يخصهم هيقتلوه بدم بارد ولو مجاش اللي يلحق قلوبهم ويرجع طفولتهم هيموتوا بنار الانتقام قبل ما تشوفيهم
مالك باستغراب: ايه الكلام العميق ده
بيلا بشرود: لو هي قالت كده فعلا فصدقت في كل كلمه
رزان: انت تعرف مين البنات دول يا أدهم
أدهم بص للصوره وكانت عباره عن شويه بنات صغيرين بيلعبوا بالكورة في حديقه عامه
'' لا معرفش غير عشق ومليكه وملك اما 4 التانين لأ ''
فتون داست على زر وقالت
'' وكده تعرفهم ''
بص أدهم على الصوره كانوا 7 بنات في عمر 5 يقفون بجانبه وهو في سن 11 عاما فقال أدهم بصدمه شديده
'' ازاي..... هما دول..... ''
جاسي بهدوء وهي تنظر للشباب
'' البنات ''
نظر 5 شباب بصدمه هذا يعني ماذا
مسك سيف اللاب ونظر للصوره وكانت فعلا مليكه ولكنها صغيره شد عدي منه اللاب ونظر الشباب لتلك الصوره ورأوا من عشقوهم وهم صغار وضحكه الطفوله على وجوههم
أدهم بتوهان: ازاي انا اعرفهم ازاي
فتون: انت تعرفهم يا أدهم معرفش ازاي انت مش فاكرهم انت وقتها كان عندك 11 سنه تقريبا يمكن هما نسيوا علشان كانوا صغيرين جدا 5 سنين بس اما انت كنت كبير
فهد : هما 7 يعرفوا بعض من امتا
فريده: من يوم ما وعيوا على الدنيا يعرفوا بعض ودي آخر صوره اخدوها وبعدها حصل اللي حصل
سليم : ايه اللي حصل
فوز بشرود: أحمد ودانه ماتوا وبعدها بكام شهر ديانا اختفت وهي عندها 6 سنين وملقنهاش غير بعد 6 سنين كمان وكانت مدمره نفسيا مش بتنام كانت بتصرخ ليل ونهار
فريده: وبعدها بسنه مروان وجين اختفوا احنا كنا فاكرينهم ماتوا بسبب الجثتين اللي شوفناهم بس بعد 5 سنين عرفنا اني عيله الفرماوي كانوا خاطفينهم رجعوا حاجه تانيه روحهم اتحرقت
هاجر: ورسيل وهي عندها 7 سنين خسرت أعز اتنين في حياتها وبعدها سافرت الصعيد ولما رجعت بعدها 5 سنين مكانتش رسيل كانت واحده بتعيط وحابسه نفسها في الاوضه ليل نهار وبتصرخ حتى الأكل مكانتش بتاكل
ولاء: وشغف سافرت الصعيد وياريتها ما سافرت بعد 4 سنين رجعت نسخه تانيه روحها الحلوه راحت اتفطرت من كتر العياط وبتصرخ في الكل لدرجه كانت هتموت نفسها
أدهم: لو انتوا كنتوا عارفينا من زمان ليه مجيتوش ليا انا وياسين لما بابا دخل في غيبوبه ومكنتش عارف اتصرف وارجع اخواتي ليه مجتوش فضلت سنتين حاسس اني تايه لا انا كنت ضايع ومش عارف اتصرف ازاي ليه مجبتوش اخواتي
رزان بدموع: علشان مكناش عارفين هما فين
أدهم: نعم
جاسي: مليكه ومراد وعشق وملك اختفوا من المستشفى يوم الحادثه ومعرفناش طريقهم غير بعدها بسنه ولما لقيناهم كانت مليكه وملك وعشق دخلوا في غيبوبه ومراد فقد نطقه وفضلوا كده لحد 8 شهور وعلى ما قدرنا نحاول نخليهم يرجعوا حتى ولو شويه زي زمان قعدنا 4 شهور
سيف : ايه اللي حصل في السنه دي
ولاء: اللي حصل ااااا
قاطعها فتح الباب بقوه وصوت عالي يقول
'' خـــيـــانــــه مزز العيله كلهم هنا ''
$ عيب عيب عيب طب كنتوا تقولوا احنا كنا هنضركم يعني
ديانا: مالكم كده مبلمين ولاه يا عدنان انت مش قولت انك سمعت صوت ضحكهم
عدنان من وراها: وربنا اااه
فريده قامت: تعالى يا بنت رضوي في حضني
جين بحزن شديد في عيونها وصوت مرح
'' رضوي الله يرحمها دلوقتى عندنا فيرى ''
احتضنتها فريده بقوه فهي تعلم أنها لا تزال مجروحه من الداخل ولم يلتئم جرحها بعد
رسيل بشك: هو انتوا كنتوا بتعيطوا ولا ايه يا عمتي
هاجر ضحكت وقالت: تعالى يا بت امينه تعالى
شغف: روحي يا بت امينه روحي لعمتك ايه يا مرمر انتي ولولا ألم تشتاقوا لشغف
ولاء: ههههههه لا
شغف بحزن مصطنع: أخص عليكم انتوا مرتات عم انتوا
نظر البنات للشباب باشتياق شديد حاولوا تخبئته لكن ظهر في لمعه عيونهم وهذا ما لاحظه البعض اما الشباب فكانت نظراتهم عباره عن حزن ووجع وعتاب وشوق شديد فهم لم يروهم منذ أسبوع اشتاقوا لهم بشده أرادوا أن يحطموا ضلوعهن بين احضانهم لكن لا يستطيعوا حتى
قاطع تلك النظرات صوت اكمل
'' انا لو كنت اعرف انكم جايين كنت عملت حسابي ''
ديانا: اااه والله الا صح هو زوج كل واحده فيكم عارف انكم هنا
فوز: اومال هنخبي عليهم يعني
جين بخبث: طب عارفين بالاحضان اللي اتدوها لادهم ولا لأ
ضربتها بيلا على رأسها لتقول
'' يعني كانوا يقتلونا على طول ''
شغف: وربنا انتوا شويه جبناء خايفين من أيه
ابتسمت مروه بمكر
'' الا صحيح يا شغف فاكره لما قولتي يا ترى مين هيجيب اول حفيد في العيله دي وانا قولت اكيد انتي ''
ولاء بنفس المكر: روحتي انتي قولتي ايه بقى مستحيل مستحيل مستحيل
شغف باستعباط: لا مش فاكره
هاجر : ايه رايك يا رسيل ليكي شرف اول حفيد انتي والبت الهبله جين
جين بضيق: أيه الشماته دي
جاسي للشباب: انتوا كده خليتوا الحجاره دي تدق
ديانا : محصلش
فوز : لا حصل يلا بقى نمشي احنا
نظر لهم أدهم بمعنى لا تذهبوا
اقتربت منه فتون لتتكلم بهمس
'' أدهم بكره هيجي اللي يفهمك كل حاجه وانتوا كمان علشان تعرفوا ايه سبب خوفهم وتحاولوا تخلوهم يتخطوه ''
مالك : امتا بكره ده
فتون وقفت: قريب ان شاء الله
..........................................
عدي 3 ايام وفي فيلا أدهم
وتحديدا في غرفه حسن كان قاعد بيفتكر مواقف بنته وجنانها ويفتكر ايام عشقه وحبه حياه خبط الباب وبعدها دخل أدهم
'' صباح الخير يا بابا ''
نظر له حسن وهز راسه جلس أدهم على السرير أمامه وقال
'' بابا انت ليه مش بتتكلم معايا انا عارف اني مليكه عايشه ليه حتى مش بتتكلم مع ياسين أو معايا ''
نظر له حسن وحرك شفتيه بدون صوت وفهمها أدهم بسهوله
'' مش هتكلم غير لما اشوف بنتي قدامي يا أدهم ''
نظر له أدهم بفقدان امل وسمع صوت هاتفه فتحه ليسمع صوت سليم يقول بسرعه
'' أدهم تعالى بسرعه حالا ''
أدهم باستغراب: في ايه
سليم : مش هينفع على التليفون تعالى
أدهم قام بسرعه ونزل وطلع على مبنى المخابرات وكانوا الشباب في اوضه الاجتماعات وكان موجود هناك بلاك والغول
أدهم: في أيه ايه اللي حصل
سيف بغموض: عرفنا معلومات جديدة يا أدهم
جلس أدهم يقول بهدوء: وهي ايه
بلاك: إيفان بيقول اني فيه اجتماع لمافيات العالم هيحصل في أمريكا بعد اسبوعين من دلوقتي وهيبقي سري جدا مش محدد اليوم والساعه بس هو خلال اسبوعين هيحددوا يوم معين والاجتماع ده لازم نحضره بأقرب فرصه
عدي: طيب كده احنا لازم نكون على الأقل بعد 10 ايام في أمريكا ولازم نبقى مش بشخصيتنا الحقيقيه
الغول: المشكله هنا في دخول المكان ازاي إحنا 8 أشخاص
آسر بهدوء شديد: إيفان هيتصرف في الدخول بس لازم يكون معانا هاكر موثوق
بلاك: اكمل وعدنان وموده مش علشان هما من الشله لأ لاني دول تربيه شمس هنتقسم 3 مجموعات وقتها هيكون كل هاكر مع مجموعه لاني اختراق شبكه مافيا ده مش سهل
فهد : تمام بس ايه المكان بالظبط
الغول: إيفان هيبعت المكان بعد اسبوع بس إيفان بيقول المكان جديد محتاجين حد من مساعدين المافيا يقول عن المكان أو....
أدهم: أو حد يعرف المكان وأعتقد هارلي هيعرف مين بالظبط
مالك : بس هارلي مش هيتكلم بسهوله
بلاك ببرود: بس الشياطين هيخلوه يتكلم
عدي بضيق: لازم هما
الغول: صدقوني هيتكلم معاهم هما هيستخدموا طرق مش هتعجبكم بس هي دي اللي تنفع مع أمثال هارلي
سليم : تمام انا دلوقتي عايز بندقيه قناصه معينه بس هي صعب انك تجيبها
بلاك: اسمها ايه وانا هتصرف
سليم : اسمها QF بس لو انت ناوي تقول لايفان يصنعها فهي هتاخد وقت طويل لازم يبقى حد معاه وانا ممكن استعيرها
بلاك ابتسم بغموض: انا اعرف حد ممكن تكون معاه هقوله وهو هيجيبهالك
سليم باستغراب: مين ده
بلاك: هتبقى تعرفه لما يجيبها المهم ايه اخبار اختي
سليم بغيره: وانت مالك
مروان باستفزاز: ماذا أليست ابنه عمي واختي أيضا وليا الحق اني اسأل عليها هي والاخريات
مالك ببرود: وليه ليك الحق في التانين يا ابن الزيان
مراد: ههههههه إيفان سوف يجن عندما يعلم من هم الشياطين
مروان: ماذا حدث عندما علمتم
ظهر التذمر على ملامح الجميع ماعدا أدهم اللي قعد يضحك
'' اقولكم انا دول كانوا حته وهيمسكوا في شعر بعض ''
Flash back
عوده عندما دخل شخص غريب يقول
'' ولا اقول الوحوش وشياطين الموت ''
وقف الجميع يقول بصدمه: آدم
دخل شخص آخر معه وكان زين
آدم بهدوء: كده يبقى اللعب على المكشوف
ديانا بصدمه: ازاي يعني دول يبقوا
آدم بهدوء: Mansters Inteillgence وحوش المخابرات العالميه
زين: وDemons Inteillgence شياطين المخابرات العالميه
رسيل بعصبيه: وطالما هما مننا ليه بعتونا هناك بحجه دراسه ثقتهم وهما اصلا مش من الجيش
آدم: كنا عايزين نوصل لحاجه محدده وادينا وصلنا لنصها
مالك بغضب: وايه هي الحاجه دي أن شاء الله يا آدم
آدم بجديه: هتعرفوا بعدين وانتوا الاتنين هتعرفوا كل حاجه بس بعدين مش دلوقتي لاني فيه خاين ومش عايزين نسرب اي معلومه خالص دلوقتي وانتوا قدام الكل هتبينوا انكم على خلاف ومش هيتحل غير بالطلاق والطلاق قدام الكل هيبقى بعد ولاده البنات
جين بسخريه: انت لو مش واخد بالك يا آدم احنا مش بنمثل وفعلا العلاقه دي هتنتهي بطلاق
سليم بسخريه أكبر: ليه وانتوا فاكرين انكم هتتطلقوا
شغف بعصبيه: اومال تكدبوا علينا ونكمل عادي
مالك : يا سلام مين اللي بدا الكدب من الاول إذا كنا احنا خبينا مره فانتوا مرتين
ديانا: وانتوا كمان مرتين ولا انتوا ناسين انكم خبيتوا انكم عارفين اننا ظباط
أدهم: كده يبقى تعادل واتحل الموضوع
رسيل بغيظ: لا متحلش طب احنا كنا مضطرين هما ايه غصبكم يخبوا
فهد : وانتوا ايه غصبكم تخبوا انكم ظباط لو فدى كنتوا مضطرين طب أسماء عائلتكم واسمائكم الحقيقيه كنتوا مضطرين برضو
عدي : لو على كون انكم الشياطين فدى أوامر وأسرار ممنوع انها تخرج زينا زيكم اما الباقي بقى يبقى اسمه ايه
البنات بعصبيه: تسموها زي ما تسموها زين الطلاق زي ما قولت بعد الولاده مع اني أرجح يبقى دلوقتي حالا
الشباب بعصبيه أشد: وده عمره ما هيحصل
زين بغضب: بــــــــس بقى ما تضربوا بعض احسن
شغف: طلبتها وهتنولها يا زين
وكانت هتتحرك بس مسكها حد وهو بيقول
'' اتهدي بقى مفيش اي احترام ''
شغف: بقولك ايه يا جدي زي ما دبستني في الجوازه دي طلعنا منها
تكلم محمد الزيان الذي أتى هو والباقي عندما قال لهم زين انهم سوف يكشفوا الأوراق
'' هو سلق بيض ده جواز وكمان دلوقتى كل واحده فيكم حامل ايه ذنب الأطفال بقى ''
عتمان: وبعدين الناس كلها عارفه إنكم متجوزين وانتوا الكل مش قليلين لا في المجتمع ولا في عالم الاقتصاد انتوا ناسين انتوا مين
رسيل: الناس عارفه انهم متجوزين البنات بنات الحاره مش بنات العائلات الكبيره يعني لو حتى كملنا هنقول ايه للناس اتبدلنا
وضع آدم يده على راسه بتعب من تلك المشاجرات وقال عبد الله
'' الناس والصحافة وكشف نفسكم مش دلوقتي المهم دلوقتي تبقوا مع بعض انتوا الكل وملك وعشق ومروان ومراد هيكونوا معاكم عايزينكم فريق واحد علشان القضيه دي أرواح ناس مش بس في مصر ''
ممدوح: والموضوع هيبقى سري اما في العلن هتبينوا انكم في مشاكل وخلاف طويل علشان نعرف مين الخاين حتى عائلاتكم يا شباب متعرفش الحقيقه ولا عيله البنات علشان الكل متراقب لحد ما نعرف مين الخاين تمام
سكت الجميع ولم يردوا
ممدوح بحده: مسمعتش
الجميع بضيق: تمام
آدم: وبما انكم دلوقتي فريق واحد والورق اتكشف عرفوا عن نفسكم
سيف بهدوءه: المعتاد سيف الجارحي امبراطور المخابرات
أدهم بهدوء هو الآخر
'' أدهم الألفي إعصار المخابرات ''
عدي بضيق قليلا: عدي الهلالي تنين المخابرات
سليم : سليم المسيري حوت المخابرات
فهد : فهد الرفاعي فهد المخابرات
مالك : مالك الشناوي ديناصور المخابرات
آدم: ومروان الزيان يبقى بلاك المخابرات وبرضو مراد يبقى غول المخابرات لأنهم من ضمن الوحوش ودي معلومه انتوا مكنتوش تعرفوها يا بنات
جين: الله يعني مروان ومراد كانوا مخبين إنهم من ضمن الوحوش ليه بقى ان شاء الله
محمد: مش وقته ابداو انتوا كمان التعريف
ديانا بضيق شديد
'' ديانا البحيري برق المخابرات ''
جين: جين الزيان صقر المخابرات
رسيل: رسيل الشرقاوي ثعلب المخابرات
شغف: شغف السيوفي رعد المخابرات
سيف بغموض: طب وباقي الشياطين
زين: شمس تبقى شيطان المخابرات وملك تبقى أفعى المخابرات وعشق تبقى عقرب المخابرات أي سؤال تاني
سيف : ايوه ايه النظام دلوقتي
آدم: تكملوا في القضيه ومعاكم الغول وبلاك والافعي والعقرب بس حاليا مش هنظهر ملك وعشق علشان حياه شمس وبعد شهرين تيجوا كلكم المنظمه تبلغوني آخر اللي وصلتوا ليه في القضيه وبلاش أقل من شهرين علشان العيون تبعد عنكم شويه
زين طلع 6 علب وعطاهم للشباب
'' الساعات دي بلاش تتقلع من أيديكم زيها زي اللي مع البنات ومراد ومروان الساعه دي لو حد فيكم حصلوا حاجه الباقي هيعرف وهيعرف يحدد مكانه وكمان تقدروا تتصلوا على الباقي بالساعه دي بس الاتصال هيكون في أضيق الحدود علشان هي ضد التصنت مش زي التليفونات ومتصله بالقمر الصناعي كده شرحنا كل حاجه هتكملوا في القضيه وتحاولوا توصلوا لأي خيط تمام ''
الكل: تمام يا فندم
Back
مراد بضحك: والله انتوا 10 اعند من بعض
أدهم: 10؟!؟!
مراد:الجميع يعلم أن سيف يحب شمس لكن يجب أن تعلم يا سيف أن شمس ليست سهله.... وكمل بغيظ دي دماغها دماغ جذمه قديمه واسألني انا
أدهم بسخريه: هههههه ده على اساس اني الوحش هو اللي سهل وبعدين يا مراد انت تعرف اخواتي وشمس منين
مروان: منذ زمن يا رجل
أدهم بشك: مراد هو انت بجد ضربت شمس بالقلم قبل كده
مراد: أجل كانت أعصابها ستتدمر لذا ضربتها حتى تعود لرشدها
سيف بغضب: وانت بأي حق تضربها
@ بحق انه خالها
مراد وقف: زين
ملحوظه.......
زين الفتره دي كلها قدام الكل بكمامه وعدسات لاصقه ومكشفش وشه ابدا بس المره دي مش لابس عدسات
نظر أدهم بتركيز لعيونه لديه شعور قوي انه رآها من قبل
اقترب زين من أدهم ووقف أمامه وشال الكمامه وبان وشه ليقف أدهم بصدمه شديده وتجمعات الدموع في عيونه وينطق بكلمه
'' خالي ''
زين بحنان: تعالى في حضني يا ابن اختي
احتضنه أدهم وادمعت عيونه يقول
'' خالي أنت عايش يعني ممتش زمان انت حي قدامي ''
اما الجميع لا يفهموا ما يحدث ماعدا مروان ومراد
أدهم ابتعد عنه: ازاي لسه عايش ومرات خالي وو. وعد لسه عايشين
زين: اقعد يا أدهم احنا لسه عايشين ايوه قدرت الحق في اليوم ده ليالي ووعد ومراد من الحريق وكان لازم نوهم الكل اننا موتنا علشان كده قولنا اننا موتنا في الحريق اللي حصل من 14 سنه وانا عايش اهو
نظر عدي باستغراب لمراد
'' طب وايه علاقه مراد بعيله أدهم ''
مراد وقف جنب زين بهدوء وقال زين
'' مراد يبقى اخويا الصغير خالك يا أدهم ''
أدهم بصدمه: نعم وده ازاي ده انا اكبر منه
زين: جدك عثمان كان متجوز وانا كنت عارف بس حياه مكانتش عارفه مكانش عايز يجرحها بأنه اتجوز في السن ده وخصوصا اني حياه كانت بتحب امها جدا اللي هي جدتك جميله غرام بقى مرات جدك ام مراد ماتت في الحريق ومقدرتش الحقها وانا ربيت مراد واتضريت اخبيه علشان كده محدش كان يعرف اني اسم مراد الكامل هو مراد عثمان اكارسو
فهد بضحك: يعني انت خال أدهم
مراد نظر لادهم باستفزاز
'' وله في ذالك حكم ''
أدهم نظر له بغيظ وبعدها نظر لزين يقول بعتاب ونظره حزن
'' ليه يا خالي حتى محاولتش تعمل حاجه بعد ما بابا دخل في غيبوبه ''
زين بدموع: صدقني يا أدهم كنا احنا الكل معاكم من بعيد بس اختفاء اخواتك ومراد لمده سنه وبعدها دخولهم في غيبوبه اخرنا اوي
أدهم بحيره: ايه اللي حصل يوم الحادثه دي
زين اخذ نفس وبدأ يتكلم
'' اليوم ده كان يوم تخرج مليكه وملك وعشق من الكليه لاني ذكائهم عالي اتخرجوا في السن ده وانتوا مكنتوش بسبب شغل ابوك وامتحاناتك انت وياسين بعد حفلت التخرج وحفله ختم القرآن ليهم كنا هنحتفل في بيت جدك بعيد ميلادهم وكانوا في الطريق بس كان في حاجه ناقصه فطلبت من جابر يجيبها وكان معاه وقتها في العربيه ملك وعشق فعدي من طريق تاني والتانيه كان فيها رحيم وامك وجدك ومليكه عدوا من طريق مقطوع والعربيه انقلبت بيهم ولما فاقت مليكه كانوا رابطين جدك ورحيم وامك ودبحوا جدك قدامها وضربوا رحيم بالنار وكمان امك قتلوها قدام مليكه ''
أدهم بغضب: مين اللي عمل كده
زين: للأسف محدش يعرف غير شمس لاني الشخص ده كشف وشه قدامها هي وحياه وشمس من الضغط على دماغها فقدت الذاكره رجعتلها تاني ماعدا وش الراجل اللى قتلهم وشويه أحداث ولحد دلوقتي بتحاول تفتكر ومش قادره وفي نفس الوقت لما جابر جيه كنا مستنين الباقي بس حصل حريق في البيت انا وجابر خرجنا الكل بس مقدرناش نلحق غرام فماتت في اليوم ده وملك وعشق شافوا للأسف غرام بتموت قدامهم فاغمي عليهم وجابر وداهم المستشفى وانا روحت ادور على مليكه والباقي ومراد أصر يجي معايا دورنا عليها في الطريق لحد ما لقينا العربيه مقلوبه ولقينا الكل ميت ومليكه بتحاول تفوقهم وهي بتعيط بجنون وفستانها كله دم وكان فاقده نطقها من المنظر اللي شافته اخدتها على المستشفى اللي فيها الباقي بس اااا
سيف بغضب يحاول التحكم به يريد الآن الفتك بكل من أذى شمس
'' بس ايه ''
..........................................

Sabreen💜