عشق الوحوش والشياطين الفصل الخمسون 50 - بقلم Sabreen

مرحبا والله رجعتلكم والله كنت ناويه ارجع يوم الخميس بس صحبتي زنت عليا وكنت قلقانه ملقيش تفاعل بس الحمد لقيت ناس تفاعلت وفرحوني بصراحه وانا وفيت بوعدي وده فصل طويل اهو وبالنسبه للمواعيد انا مش بيتوفر عندي نت دايما فبنزل كل يوم فصل لما يبقى معايا نت ولما يقرب يخلص بنزل اقتباسات للفصول اللي جايه اتمنى بجد تقولوا رايكم ايه في الأحداث Enjoy 🤗
الفصل 51
صلي على نبي الرحمه 💜
في العياده كانت ديانا نايمه على السرير وهي خايفه ومتوتره جدا عدي مسك ايديها
انتي خايفه ليه اهدي
ديانا بقلق: مشيني من هنا انا كويسه والله
عدي : هنطمن على البيبي
ديانا: مش عايزه
عدي كان هيكلم بس الدكتوره دخلت
'' ها جاهزه يا مدام ديانا ''
عدي : ايوه يا إسراء يلا
نظرت له ديانا بغيره
'' إسراء ايه انت تعرفها ''
إسراء: ايوه اعرفهم هما الكل انا كنت زميلتهم في الثانويه وعلى فكرة انا متجوزه متخافيش
إسراء كشفت عليها وعدي كان ماسك ايد ديانا
إسراء بابتسامه :تحبوا تشوفوا الجنين وتعرفوا نوعه
عدي : هو ينفع نعرف نوعه دلوقتي
إسراء: ايوه لاني المدام في بدايه 3 نقدر دلوقتي وهي بنوته ودلوقتي تقدروا تشوفوها وكمان تسمعوا نبضات قلبها على الجهاز
نظرت ديانا للجهاز وتجمعت الدموع في عيونها وهي تسمع لدقات قلب صغيرتها في رحمها
اما عدي كان مبسوط انه هيبقى عنده بنوته من نجمته وابتسم وبص لديانا
وبعد شويه قعدت ديانا هي وعدي قدام إسراء على المكتب وقال عدي
'' ايه وضع الجنين دلوقتي يا إسراء ''
إسراء بعمليه: كله تمام وضع الجنين كويس تقريبا كنتي بتاخدي مثبتات قويه يا مدام ديانا
ديانا بكذب: لا انا مش باخد
إسراء استغربت: ازاي حضرتك تقريبا بتعملي مجهود ولولا المثبتات دي وضع الجنين وقتها كان هيبقى مش كويس بس بسببها انتي والطفله كويسين
ديانا: وانا قولت اني مش باخد حاجه ولا حتى كنت متابعه مع حد
عدي عرف انها بتكذب فقال
'' في حاجه هتكتبيها ليها يا إسراء ''
إسراء: شويه فيتامينات وتغذيها كويس
عدي قام: شكرا يا إسراء
واخد ديانا ومشى
في العربيه كانت هي سانده رأسها على الشباك وبتبص للطريق بشرود
عدي بهدوء: من امتا بتاخدي مثبتات
ديانا: مش باخد
عدي بص بيها وبعدين بص للطريق
'' ليه كنتي خايفه هناك وكدبتي على إسراء وقولتي انك مش بتاخدي لأنها مش هتكدب ''
ديانا: قولت مش باخد حاجه
عدي وقف العربيه بعنف وهي ارتدت لقدام ومسكت بطنها بخوف
عدي بغضب: انتي بتكدبي ليه قولي الحقيقه
ديانا بغضب: عايز تعرف ايه انا مكنتش عايز اتابع لا حمل ولا اروح لدكتوره
عدي بحزن شديد: لدرجه دي مكنتيش عايزه تحملي مني لدرجه كرهتي بنتك
ديانا صرخت بس مخرجش برا العربيه لاني الازاز كان مقفول
'' انا مش بكرهها انا بكره نفسي وبكره حياتي ليه ربنا ميخدنيش ويريحني انت مش فاهم حاجه انا واحده اخرتها الموت مش اعلق قلبي بيها مش عايزاها تحبني وتتعلق بيا وفي الاخر اسيبها وامشي غصب عني وهي تعيش يتيمه طول حياتها وتتحرم مني زي ما انا اتحرمت من اهلي 6 سنين من حياتي ''
عدي : الموت والحياه بأيد اللي خلقنا ليه فارضه انك هتموتي لما ترجع اللي اسمها ملاك
ديانا عيطت وقالت بوجع
'' حتى لو انا وحده حياتها كلها خطر انا معرضه للموت في كل وقت علشان كده كنت باخد مثبتات للحمل علشان لو حصل حاجه هي متتأذيش دي بنتي وحته مني مش عايزه اشوفها بتروح قدامي زي ما راحوا ''
عدي حضنها وهي انفجرت في العياط في حضنه وشددت على حضنه اوي
'' قل لن يصيبنا إلا ما كتب الله لنا ودي بنتي انا كمان دي مش اي حد دي بنت التمساح والبرق من نسل العصابه فكرك حد يقدر يقرب منها ''
ديانا ببكاء: كنت انا حفيده عبد الله البحيري ومع ذالك خدوني مش مره واحده لا مرتين
استغرب عدي ده معناه انها اتخطفت تاني بعد ما لقيوها بس امتى
عدي طلعها من حضنه وكوب وشها ما بين ايديه ومسح دموعها وهي كان وشها أحمر من العياط وبتشهق زي الأطفال
'' نجمتي اوعي تعيطي طول ما انا جنبك ''
ديانا بدموع: لسه بتعتبرني نجمتك يا عدي حتى بعد ده كله
عدي سند راسه على رأسها
'' طول عمرك نجمتي انا من يوم ما بصت لعيونك ''
..........................................
مرت الايام وفي يوم زينه اتصلت على مالك وهو كان مع الشباب كالعاده بس اكمل وعدنان مش موجودين معاهم
مالك : الو يا زينه
زينه ببكاء: مالك..... الح.ق.... بابا
مالك : زينه اهدي وبطلي عياط مش فاهم حاجه
زينه: بابا يا مالك في المستشفى
مالك قام بخوف: مستشفى ايه
زينه: في المستشفى عند دكتور العيله بسرعه
أدهم: في ايه يا مالك
مالك خرج بسرعه: بابا في المستشفى يا أدهم
وصل مالك والشباب المستشفى وكانوا قدام اوضه الكشف وزينه بتعيط في حضن زين والبنات كانوا موجودين وعلامات وشهم مش مفهومة وخصوصا شغف
مالك بقلق شديد فوالده بالنسبه لهم هما 3 عالمهم فهو من كان لهم الأب والأم في ظل أنشغال زينات هانم بندواتها ومظهرها
'' فيه ايه زين بابا ماله ''
زين بحزن: مش عارف يا مالك كنا بناكل عادي وفجأه مسك قلبه واغمي عليها
نظر الشباب للبنات وقال سليم
'' انتوا كنتوا هناك ولا ايه ''
جين: ايوه كنا مع شغف علشان شويه شغل قبل ما يغمى عليه
خرج دكتور العيله وقال زين: ها يا دكتور عزيز بابا ماله
عزيز: عدل نضارته وقال بحزن
"والله يا زين يا ابني طارق عنده مرض في القلب ولازم يعمل العمليه فورا"
مالك : طب اعملها مستني ايه ولو الإمكانيات هنا مش متوفره اسفره انا برا
عزيز: للأسف مش ده السبب اللي هيعمل العمليه دي دكتوره محدده بس اللي تقدر
سيف : وهي فين الدكتوره دي
عزيز: للأسف محدش يعرف لا هي ولا الباقي
أدهم: طب هي مين اسمها ايه احنا نقدر نتصرف
عزيز: محدش يعرف اسمهم بس هي معروفه باسم ساحره الطب
زين حط ايده على راسه: يعني مفيش غيرها دي مستحيل حد يعرف يوصل ليها
مالك بغضب: محدش يعرف يوصل ليها اومال تعالج الناس ازاي
عزيز: هما عندهم مساعدين بيتبعت ليهم الحالات وانا بعت حاله أبوك من 5 شهور ومحدش رد عليا
فهد : هما كتير ولا واحده بس
زين: هما كذا واحده بس كل واحده في تخصص مختلف
ديانا: تفتكر عندهم كام سنه يا دكتور
عزيز: اعتقد اكتر من 80 سنه
رسيل: ليه يا راجل مش للدرجه دي
زين: معاه حق بصراحه
شغف: لا مش معاه حق
عزيز: قصدك ايه؟؟!
شغف قامت: قصدي تبعت طارق بيه على مستشفى SDGRS حالا انا هعمل العمليه
مالك : بس أنتي مش تخصص جراحه قلب يا شغف
شغف: لا انا تخصص جراحه قلب مش جراحه عامه انا بفهم فيها بس مش محترفه فيها زي رسيل
عزيز بصدمه: مستشفى SDGRS هو انتي ااا
شغف مدت ايدها: معاك دكتوره شغف السيوفي ساحره الطب
عزيز: ها انتي يبقى دول
رسيل: الله ينور عليك احنا معاك الحوريه والنجمه والزهره والمعجزه حاليا مش موجوده بس على فكره بالنسبه للسن مش لدرجه 80 يعني احنا لسه مكملناش حتى 23 سنه يا راجل
الدكتور بص على أيده وكلم نفسه وهو بيمشي
'' انا سلمت على ساحره الطب واتكلمت مع الحوريه ''
ديانا بصت عليه: يا عيني الراجل اتجنن
زين بذهول: هو انتوا بجد
شغف: تخيل
زين: يا اختاي بقى انا عايش مع رعد الاقتصاد وساحره الطب وانا مش عارف يا لهوي محدش هيصدق لو عرف
أدهم: على الاعتراف انا من يوم ما اعرفتكم وانا كل يوم بشوف صدمه أشد من اللي قبلها
جين: ولسه بس انت اصبر
ديانا اتصلت على رقم وقالت
'' إنت فين يا براء ''
براء: انا في مصر دلوقتي ليه
ديانا ببرود: في ملف عن حاله متأخره وصلت من 5 شهور وانت مقولتش
براء بتبرير: والله انتوا اللي كنتوا في مهمه قعدتوا 3 شهور وبعدين فرحكم انتوا اصلا وقتها كنتوا مش فاضين
جين بغضب: هات ملف طارق الشناوي وتعالى على مستشفى..... قدامك 20 دقيقه عارف لو بقيت 20 وثانيتين هرميك لجليتش ياكلك يا براء
براء بخوف: حاضر حاضر
سليم بغيره: مين براء ده
جين: دكتور الشله وهو المسؤل عن الحالات اللي بتوصل لينا
شغف خرجت من اوضه طارق
'' اتصلتوا على براء ''
ديانا: ايوه تلت ساعه ويوصل
زين قعد قدامهم
'' بصوا لحد ما يوصل انا عايز اعرف انتوا ازاي ألقاب الطب دي برغم سنكم الصغير اكيد دمجتوا سنين الطب على 3 أو 4 بالكتير ''
شغف: 3 أو 4 أيه هي سنه واحده بس
زينه بصدمه: وده ازاي انتوا مكنتوش بتناموا ولا ايه
رسيل: ايوه حتى لو من غيره احنا وقتها كنا فعلا مش بنعرف ننام
زينه: اتعلمتوا لما كان عندكم كام سنه
جين بشرح
'' كنا وقتها في سنك عندنا 16 سنه دخلنا مستشفى بسبب حالتنا واخدنا تايجر إيطاليا وعلشان يشغلنا عن التفكير وقتها بعت كل واحده فينا احنا 7 تتعلم تخصص مختلف قعدنا سنه او سنه وكام شهر تقريبا اتعلمنا احنا 5 الطب وكل واحده اخددت تخصص انا عظام وابقى زهره الطب ورسيل جراحه عامه حوريه الطب وديانا أورام نجمه الطب وشغف جراحه قلب ساحره الطب اما شمس كانت جراحه مخ واعصاب معجزه الطب ''
أدهم: و2 التانين ملك وعشق طب برضو
رسيل: لا ملك وعشق حاجه تاني تخيل ايه
أدهم: اممم مش عارف بصراحه
رسيل بضحك: طيران الاتنين دول اجن اتنين في السواقه وليه لأ وملك تبقى سيده السرعه وعشق عاصفة السحاب
زين شهق بصدمه: يا لهوي ده انا اعرف أسماء عمري ما كنت أحلم اني اسلم عليها اصلا بقيتوا كده ازاي في السن ده
ديانا: كنا مش بنام غير 5 ساعات بس أو أقل كنا بندفن نفسنا في المذاكره علشان نعرف ننام وبعد السنه دي تايجر علمنا الفنون القتالية كلها وعدي سنه كمان أو أقل ورجعنا مصر واحنا عندنا 18 سنه
عمر بحزن من وراهم: خرجتوا بحال ورجعتوا بحال تاني خالص اتغيرتوا
سيف : عمر انت جيت امتا
عمر: دلوقتي كنت عايز زين والبواب قال انكم في المستشفى فجيت وشغف هتعرف تعمل العمليه دي الساحره مش اي حد
زينات جات ومعاها ميار وتالا
'' ابوك فين يا مالك ''
مالك : كنتي فين حضرتك
شغف بهمس: العرسه جات
زين بضيق: كانت عند خالتك ولسه راجعه دلوقتي مين بقى اللى قالك
زينات: حسّن طريقتك معايا يا زين أنت مش ابويا علشان تحاسبني ابوك فين بقى
مالك ببرود: هيعمل عمليه في القلب كمان شويه شغف هتعملها
زينات: وهي ايش فهمها في القلب شوف دكتور تاني هي من قله الدكاتره يعني
تالا بدلع: فعلا يا مالك طنط معاها حق حتى نسفره برا راحت انكل طارق
شغف: خلاص جبت اخري
وكانت هتقوم تجيب تالا من شعرها بس مسكتها رسيل وجين وهما بيضحكوا
شغف بجنون: بت سبيني عليها المعصعصه دي وربنا لاكلها لسام انا فعلا معلتمهوش ياكل بني ادمين بس نجرب مهو فهد بري في الآخر
زينه بخوف: فـ فـ فهد بري يا نهار اسود انتوا مربين حيوانات بريه
ديانا: اه فهود وذئاب ونمور وكل اللي تحبوا
تالا: انتي همجيه جدا
شغف: يا بت سبيني هي ابره واحده مش هتاخد دقيقه حتى
ميار: انتي ازاي تتكلمي مع اختي بالطريقه دي صحيح واحد تربيه حواري متعرفش يعني ايه ولا ناس محترمين بنات من غير أدب ولا أخلاق
نظر لها البنات واحمرت عيونهم من الغضب وأصبحت ملامحهم مخيفه جدا تنبأ عن خروج الشياطين
كانت ديانا هتتكلم بس مالك مسك ميار من شعرها بغضب شديد
'' انا عمري في حياتي ما مديت ايدي على واحده بس لو الواحده دي طولت لسانها على مراتي اما ممكن اقتلها مش اضربها بس ''
ميار ببكاء: الحقيني يا طنط
زينات بعصبيه: مالك انت اتجننت سيب بنت خالتك
مالك بغضب: وبنت خالتي متربتش علشان تتكلم كده مع مراتي
تالا بعصبيه: ده كله علشان بنت الحواري دي حتى لو بنت السيوفي عاشت في حاره برضو
كان مالك هيرد عليها بس اتكلمت شغف المره دي بجمود وثقه
'' انا اتربيت في حياتي 7 سنين في الحاره اللي انتي مستحقراها دي والحاره دي بالنسب ليا أفضل 100 مره من السرايات والقصور على الأقل بلاقي دفى وحب من غير مقابل اما الأماكن التانيه دي مقابلتش منها غير الوجع وبس..... قربت منها وكملت بصوت مرعب وانا ابويا علمني الأخلاق وجدي قالي أوعي حد يغلط فيكي ابدا ''
ونزلت على خد تالا بقلم شديد جدا لدرجه اني مناخيرها نزفت دم
زينات اخدت تالا وميار ومشيوا وكان مالك بيبص على شغف اللي ملامحها تعلوها الجمود فقد براء وصل وقال
'' هو انا جيت في وقت مش مناسب ولا ايه ''
شغف بهدوء كأنها تحولت
'' لا كويس انك جيت هات الملف ورن على علي علشان محتجاه معايا ''
براء بضيق: وانتوا فين تليفوناتكم
شغف: فاصله شحت اخلص يلا
براء: اووف حاضر
عمر: ما كان من الاول
براء رن على علي وقال علي بنعاس
'' ايه يا عم انت عايز ايه ''
براء: انت نايم قوم يا عم تعالي على المستشفى بسرعه
علي: اجي ليه بعد ما اقوم من النوم طيب
شغف مسكت التليفون وزعقت
'' انت يا حيوان قوم يلاه ''
علي وقع من على السرير
'' اااااااه يا ضهري منك لله يا شغف منك لله ''
شغف: اطلع على مستشفى بتاعتنا دلوقتي عارف لو وصلت انا ولقيتك لسه موصلتش هفرمك
شغف قفلت وقال زين
'' اهدي بس اهدي انتي غلط عليكى ''
شغف بهدوء للبنات
'' انقلوا طارق بيه على المستشفى التأخير مش فيه صالح حالته ''
البنات قاموا وراحوا لعزيز وزين مسك عمر
'' ولاه يا عمر هما عندهم حيوانات من دي فعلا''
عمر بغباء: اه
أدهم: اه ازاي دي حيوانات مفترسه
عمر بسخريه: ودول مش عارف يبقى مين يعني وبعدين الحيوانات دي عندهم أوفى 100 مره من ناس تانيه
عدي : انت تعرف ماضيهم يا عمر
عمر بحزن: اه انتوا متعرفوش كتير متعرفوش هما اتعرضوا لايه دول غلبوا تايجر بكتير
سيف : هو انت تعرف تايجر تعرف شكله
عمر: ايوه اعرفه واعرف يعني أنه من ضمن المخابرات برضو
فهد : ليه مش بيظهر طالما هو معانا
عمر بشرود: ظهور تايجر معناه كشف أسرار كتير
زينه: انا اه مش فاهمه حاجه بس عايزه اعرف ازاي معاهم ذئاب ونمور
عمر قعد: بصوا كده تايجر بعد ما هما خلصوا دراسه الطب والطيران كان بيعلمهم الفنون القتاليه وكانوا بيدربوا في التلج علشان كده اعصابهم احيانا بتبقى بارده المهم في يوم كان في عاصفه تلجيه وهما كانوا هناك بس شمس كانت في الغابه قاعده لوحدها و.......
Flash back
شمس كانت قاعده في الغابه في التلج وكانت لابسه جاكيت تقيل وشعرها الأحمر على بعض التلج وسانده ضهرها على شجره وراها فكانت زي جنيات التلج برغم ملامحها الحزينه شافت حاجه يتقرب منها خافت وقامت ولقيته نمر بس صغير أكبر من حجم القطه بشويه شمس ابتسمت لأنه شكله كان لطيف ونزلت على ركبها
'' تعالى متخافش ''
النمر قرب منها وكان لونه ابيض ولون وعيونه ازرق زي عيونها ملست على فروه الناعم وهو اتفاعل معاها
'' انت تايهه زي ولا ايه ''
النمر رفع ايديه وحطها عليها وبص لعيونها
'' كمان عيونك زي عيوني ''
شمس فضلت تتكلم مع النمر لأنها بتحسه بيفهمها اما على الناحيه التانيه
كان البنات بيدوروا على شمس فقالت ملك
'' هي اكيد في الغابه تعالوا نروح ليها العاصفه بتقرب ''
البنات جريوا في الغابه والجو بيشتد بروده مع الوقت لحد ما لقيوها
ملك: مليكه
ملك وعشق حضنوا شمس وقالت شغف
'' انتي بتعملي ايه هنا وايه القط ده ''
جين بخوف: قط ايه الله يخربيتك ده نمر
شمس : متخافوش مش هيأذيكم انتوا جيتوا ليه
ديانا: فيه عاصفه جايه لازم نمشي
رسيل: مش هنلحق انتي شايفه الجو بقى عامل ازاي والمخيم بعيد عن هنا
عشق: وبعدين العاصفه قربت ولو فضلنا كده ممكن نموت
النمر قرب من شمس وشد البنطلون بتاعها وهي انتبهت ليه
'' ايه في ايه ''
النمر مشي شويه لقدام وبص ليهم
ملك: هو عايز ايه
ديانا: تقريبا عايز نمشي وراه واحنا مفيش قدامنا غير ده
النمر كان بيجري بسرعه والبنات بيجروا وراه والعاصفه كانت قربت جدا
وقف النمر قدام كهف وزئر وطلع 6 حيوانات تانيه صغيرين 3 ذئاب وفهدين ونمر صغير تاني
ملك مسكت في شمس : يا لهوي دي حديقه حيوان ولا ايه
النمر ده وقف مع الباقي كأنه بيتكلم معاهم ورجع تاني لشمس وشدها من البنطلون بمعنى ادخلي
جين: طب افرضي ابهاتهم جوا نتاكل احنا بقى
رسيل بغباء :لا هما اكيد أيتام
ديانا ضربتها على دماغها وقالت بغيظ
'' أيتام ايه يا غبيه ''
رسيل: اااه ايه اقصد يعني علشان كذا نوع مش نمور بس
شمس جابت كام فرع كانوا على الأرض
" مقدمناش غير ده يلا حد معاه ولاعه"
عشق: انا معايا
شغف: بتشربي سجاير يا بطه
ديانا: مش ناقصه استظراف ادخلوا
البنات دخلوا وولعوا في الخشب لاني الجو كان برد وضلمه
شغف: تصدقوا أوسع مما تخيلت
جين: انا بعت رساله لتايجر علشان ميقلقش علينا ياما هو بيقرب كده ليه
كان في نمر تاني بيقرب من جين لون عيونه أخضر وقعد في حضنها علشان يدفي
جين بغيظ: الله ياخدك قطعت خلفي ده كله علشان تتدفي طب كنت تقول
رسيل: هو الفهد ده طبيعي يبص ليا كده عادي
شمس كانت بتملس على فروه النمر
'' على فكره شكلهم لطيف جدا حتى قربوا منهم كده مين يعرف ممكن يكونوا حيوانتنا الاليفه فيما بعد ''
ديانا قربت من ذئب رمادي ومدت ايده بخوف وهو حط راسه على ايدها ومسحه فروه فيها وهي ابتسمت
'' ناعم اوي ''
بعد ساعتين
تايجر كان رايح جاي وقال جورج
'' اهدي ألم تقرأ الرساله أكيد هن بخير ''
تايجر: لا لا العاصفه انتهت منذ نصف ساعه اكيد تاهوا في الغابه
دخل شخص وهو بينهج
'' سيدي الفتيات وصلوا ''
خرج تايجر جرى ومعاه جورج وبصوا الحراس باستغراب لأنهم كانوا بيبصوا البنات بخوف ولما بصوا قال جورج
'' يا إلهي ما هذه الحيوانات ''
ملك بتذمر وهي شايله ذئب لونه ابيض
'' ماذا جورج هم لطفاء جدا ''
جورج: لطفاء ازاي دول حيوانات مفترسه
رسيل: بس لسه صغيرين واحنا ممكن نربيهم على انهم مش يبقوا مفترسين
تايجر: لكن تظل حيوانات مفترسه
شمس بصت للنمر اللي بيبص ليها بعيونه الزرقاء
'' صدقني لولا الحيوانات احنا كنا متنا من البرد أو توهنا في الغابه انا هتحتفظ بيه ''
البنات في صوت واحد
'' وانا كمان ''
جورج: حسنا حسنا لكن لا تطعموهم لحوم حتى لا يكونوا مفترسين
البنات بفرحه: ماشي
شمس : انا هسميه ماكس
ملك: وانا ريمكس علشان نبقى شبه بعض
عشق وهي بتلمس فروه ذئب اسود
'' وانا اليكس ''
جين :وانا هسميه جليتش
شغف بحماس: اسمه هيبقى سام
رسيل وهي بتلمس على فروه فهد اسود
'' باجيرا علشان يبقى زي الصخر ''
ديانا نظرت له بتفكير: أمم اسم مطر هيبقى حلو صح
تايجر: حسنا لكن لن يذهبوا لمصر سوف احضر مدربين حتى يعلموكم كيف تتعاملوا معهم
Back
عمر: بس كده بصراحه كانوا فعلا لطاف وهما صغيرين بس دلوقتي شكلهم بقى يخض والله وخصوصا اني حجمهم كبير أكبر من العادي
أدهم: يعني ماكس اللي جرح هارلي كان نمر
فهد بذهول: وصل ليهم الجبروت لده
رسيل من وراء: وليه متقولش احتياج مش جبروت
عمر بابتسامه غبيه: العصابه
ديانا شمرت: اه العصابه يا عمر
وجريت وراه بس مسكها عدي
'' بقى يا حيوان انت اللي بتقولهم على اللي بيحصل زمان وانا اقول اكمل وعدنان هما اللي بيقولوا اتاري انت ''
عمر: الله ما هما لازم يعرفوا وبعدين انا متعديتش الحدود
جين: لا عديها هي كمان طب تصدق مش هجوزك خالص خليك معنس كده
عمر: لا لا كله الا ده... ده انا كل اما اقول أتقدم واخد خطوه تحصل مصيبه البت هتعنس وربنا
رسيل: لا مش هتعنس ولا حاجه دي لسه عندها 20 سنه ده انت اللي هتبقى باير يا ابو 26 ده ياسين اللي كان رافض فكره الجواز اتجوز ومراته حامل اقعد انت بقى كده
براء بضحك: ده العصابه اتجوزت يا عمر وانت لسه
عمر بسخريه: وانتي كمان يا بيضه
براء: انا لسه عندي 24 انت اكبر مني
زين: ايه ده يا عمر انت عينك على واحده
زينه بمرح: مين دي واحنا نخطبها
عمر بص للبنات بغيظ
'' باين كده مش هتجوز خالص طالما دول معمرين في الدنيا ''
زينه بضحك: نقتلهم يعني ولا ايه دول حتى يا راجل طيبين
ديانا: قوليلهم
عمر: تقول ايه ده انتوا تربيه مافيا
فهد : وهو ده عار مثلا دول العصابه
عمر: ما تتكلم يا عم براء
اما براء كان ينظر لزينه ولضحكتها ولا يعلم لما سرح بها
عمر: بـــــــراء
براء: ايه يا عمر خضتني يا أخي
مالك : طب دلوقتي حاله بابا ايه
شغف: العمليه هتتعمل النهارده بالليل لحد ما اجهز ماده هتساعد في العمليه اكيد علي وصل هناك يلا ودكتور عزيز هينقل عمي طارق بالاسعاف خليك معاه يا زين
زين: اكيد
..........................................
في مستشفى SDGRS
كانت الساعة 11:55 منتصف الليل وكانت شغف ومعاها علي في العمليات ومعاهم رسيل وبراء اما سيف وادهم وفهد كانوا بيخلصوا ورق في الاستقبال وجين كانت في الحمام اما ديانا والباقي كانوا قدام اوضه العمليات وكانت ديانا متوتره جدا وبتبص كل ثانيه على الساعه ولاحظ ده عدي اللي كان قاعد بيراقب كل تحركاتها
'' ديانا مالك مش على بعضك ليه ''
ديانا: ها لا انا تمام بس هي جين ليه اتأخرت في الحمام
سليم : مش عارف والله
ديانا غمضت عيونها جامد ونزلت رأسها تمنع تلك المشاهد التي برأسها مشاهد للدم وطفله تمسك مسدس وذالك الدم على ملابسها
جات جين من الحمام وهي ماشيه في الممر عينها جات على الساعه اللي كانت على الحيطه وبصت بسرعه لديانا وصرخت وجريت عليها برعب شديد
'' ديــــانـــــا ''
ديانا رفعت رأسها وكانت عيونها زي الدم وقامت بسرعه ورفعت المسدس على جين وهي وقفت والكل بص ليهم وسليم وعدي كانوا قلقانين عليهم
جين بهدوء: ديانا اهدي دي انا جين صاحبتك واختك
اما ديانا كانت نظراته مرعبه وغير مفهومه ولما سمعت صوتها نظرت لها بتيهه
'' جين الدم وعماد... عماد مات يا جين ''
جين قربت منها ببطء وحذر
'' عماد في مكان احسن اهدي انتي ''
ديانا حطت مسكت رأسها بايدها وقالت بضياع
'' الدم كان على هدومي انا قتلته مكانش قصدي اقتله.... عاصم... عاصم هو السبب ''
جين استغلت ده وقربت منها بسرعه علشان تاخد المسدس وديانا حست بيها ورفعت المسدس وضربت رصاصه بس جين لحقتها ورفعت ايدها ورمت المسدس بعيد وزقت ديانا على الحيطه ومسكت ايديها وصرخت
'' مالك ابعد المسدس ده بسرعه ''
ديانا بصراخ: ابعدي عني هقتلك
جين بصراخ مماثل: فوقي يا ديانا دي مش انتي هتاذي نفسك
ديانا ضحكت بجنون: هههههههههه ولا انتي كمان انتي ناسيه عملتي ايه في ضياء..... هقتله هو اللي خلاني بقيت كده
ديانا طلعت مشرط وكانت هتضرب جين به بس هي مسكته وجرح ايدها ونقط الدم على الأرض
سليم برعب: جين
جين شدت المشرط ورمته بعيد وديانا ضربتها في بطنها
'' ااااااااااه ''
سليم مسكها قبل ما تقع وحس برعب عليها
ديانا جريت على المسدس بس عدي مسكها بكل قوته وصرخ براء اللي كان جيه مع باقي الشباب لما سمعوا صوت رصاص
'' اوعي تسيبها يا عدي اوعي توصل للمسدس''
عدي حضن ديانا بقوه وهي صرخت في حضنه
'' هقتلك يا عاصم زي ما انا قتلت ابوك زمان هقتلك اااااااااااااه ''
عدي نزل على الأرض وهي في حضنه وكانت بتترعش بقوه وهو بيقرا ليها قرآن بهمس علشان تهدي وهي هديت خالص في حضنه
براء نظر لجين بخوف اللي كانت بتبص على الدم اللي على ايدها
'' جين ''
جين بضياع: انا مكنش قصدي اقتلها هي اللي جات قدامي مكنتش عايزه اقتلها
سليم حضنها جامد: جين فوقي
عمر: براء حقنة المهدأ بسرعه
جين: هو السبب ضياء السبب انا مكنتش عايزه اقتلها بس هي ماتت
سليم ضمها اكتر له وهي حاولت تبعده وبتصرخ وهو بيحضنها اكتر لحد ما هديت
براء بصلهم بذهول هو وعمر
'' ازاي ''
# وه ايه اللي حصل هنا
براء مسك المخدر: رسيل اوعي تبصي وراكي
رسيل ضيقت عيونها: وانت فكرك انك لما تقول كده هسمع الكلام
رسيل بصت بسرعه ورجعت بصت للكل وقالت بابتسامه غريبه
'' الساعه 12 ''
عمر بخوف: رسيل اهدي
رسيل: أيه يا عم انت وهو مش هتحول النهارده
عمر: براء اديها المخدر انا عمري ما وثقت فيهم بعد الساعه 12
رسيل اتقدمت منهم: كفايه مخدر كده هنبقي مدمنين وبعدين انتوا محسسني اننا مصاصين دماء هنتحول بعد نص الليل
براء: لا طالما قالت كده ومجبتش سيره اللي حصل وهما عندهم 16 سنه يبقى أمان
رسيل ضربته على قفاه بغيظ
'' ما تقول اللي حصل كله بالمره أصله ناقصه فضيحه جاتك نيله انت واختك وربنا ما حد عاقل غير عبد الرحمن انا اعرف اخوكم ازاي ده''
عمر: لا هي دي رسيل
رسيل بسخريه: ده على اساس اني بعد نص الليل مش برضو رسيل الكلام اللي تقصده ده عند شمس مش عند الباقي
رسيل قعدت قدام جين ومسكت ايدها المجروحه
جين: براحه
رسيل: انتي فايقه طب كويس
رسيل داست على الجرح
جين بعدت عن سليم وضربت رسيل
'' يا حيوانه ''
رسيل اتربعت على الأرض وقالت بضحك
'' احسن احسن تصدقي فرحانه فيكي علشان اللي عملتيه في دراعي قبل كده ''
ديانا من وراها وهي قاعده على الأرض
'' بس وقتها انتى صوتك جاب آخر إيطاليا ''
رسيل: انتوا الاتنين فايقين ازاي هو ينفع
براء بحيره: مش عارف انتوا عاده مش بتهدوا في الحاله دي غير بمهدأ
رسيل: لازم اسأل سما ولورا
عدي : هو اللي حصل ده من شويه
رسيل بجمود: حاله نفسيه بتيجي لينا احنا 7 بعد نص الليل ومتسألوش في الموضوع كتير علشان بيوجعلي دماغي
مالك بحذر: ليكم انتوا 7 شغف فين
رسيل: العمليه خلصت وانا وشغف خرجنا من باب تانى وعلي بيقفل الجرح جوا اما شغف في قاعده على السطح فوق تلعق جروحها من كلام بنات خالتك
ديانا ببرود: اللي يجي على واحده من الشياطين يستحمل نارهم اعتقد فاهم يا قرش
مالك بغموض: فاهم
مالك مشي ورسيل بصت على الدم اللي على الارض وقالت
'' ولاه يا براء هات حاجه امسح الدم ده علشان مش متحكمه في اعصابي بصراحه ''
عمر: انتي مش قولتي انها مش النهارده
جين: الله ومن امتا كانت الحاجات دي بمعاد يا عم انت
عمر: انا هاروح لسيف وادهم اخلص الورق وقولوا لبراء بقى
براء: اه يا جذمه لبستني ومشيت ماشي
ديانا: يلا يا ابن الصاوي روح هات مساحه بقى
براء بغيظ: حد قالكم اني فراش
البنات بغيظ: اخلص يلاه
براء: يارب توب علينا بقى الله ياخدكم يا عصابه مش كفايه الرعب اللي بسببكم والمصايب اللي بتعملوها لا كمان بتؤمروا
زين وزينه جم وقال زين بضحك
'' ايه يا دكتور اشتغلت فراش ولا ايه ''
براء وهو بيمسح بص للبنات بضيق
'' حكم القوى بعيد عنك ''
زينه: هو بابا خرج
رسيل: كمان ربع ساعه يدخل العنايه علشان نعرف فيه مضاعفات ولا لأ
زينه بدموع: يعني هيبقى كويس صح
ديانا: بت متعيطيش هيبقى كويس ان شاء الله
شعر براء بألم في قلبه من دموعها لكن فاق لنفسه وقال في سره
'' ايه اللي بتفكر فيه ده يا براء دي طفله عندها 16 سنه فوق ''
سليم شد جين: تعالى نشوف حد يطهر الجرح
ديانا ورسيل: اومال احنا نبقى ايه يعني
سليم كشر: لا انا مش ضامنكم
سليم اخد جين وطهر الجرح ليها ولفه بشاش وقال بهدوء
'' فيه هنا دكتوره نسا ''
جين: ايوه ليه
سليم : لاني ديانا ضربتك في بطنك ممكن يكون حصلك حاجه
جين: لا انا تمام
سليم : كفايه عناد يلا
أخدها ودخلوا مكتب دكتوره وهي وقفت بقلق وخوف
'' دكتوره جين اتفضلي ''
سليم : لو سمحتي هي وصحبتها هزروا وهي اضربت في بطنها عايز اطمن على الجنين واعرف نوعه ايه
نظرت الدكتوره دي لسليم بإعجاب شديد
'' ها حاضر ''
جين بغيره وغضب: ركزي في شغلك يا دكتوره وابعدي عينيكي من على جوزي بدال ما افقعهم ليكي
الدكتوره بخوف: حاضر حاضر اتفضلي على سرير الكشف
جين قعدت عليا السرير وقالت بضيق
'' عجبتك يعني ''
سليم بخبث: بتغيري يا زتونتي
جين: لا
سليم بخبث أكبر: خلاص اروح انادي
جين شدته من القميص وقالت بغيره
'' تروح فين عارفه لو بصيت عليها وربنا لاضربك بالنار واه بغير ولا انت فاكر انك هطلع تملكك عليا وانا اسكت عادي ''
سليم باسها من شفايفها بحب وهي اتكسفت
'' ااابعد يا عم انت احنا متفقناش على كده ''
سليم بعد وقال
'' انتي بتتكسفي يا صقر ولا ايه ده انا حتى لحد دلوقتي مقربتش منك غير مره واحده بس وبصراحه هموت وا.... ''
جين كتمت بوقه: الله يخربيتك اكتم الفضيحه ده
الدكتورة جات وبدأت تكشف عليها وقالت
'' حضرتك حامل في ولد وفي نص التالت والحمل ثابت بسبب حقن حضرتك بتاخديها وهي قويه ''
سليم استغرب: انتي كشفتي قبل كده
جين: لا
الدكتوره: تحبوا تشوفوا البيبي
جين بصت للجهاز ومسكت ايد سليم جامد بخوف وهو طمنها
نظر سليم للجهاز بحب وهو يرى ابنه في رحم معشوقته
سليم خرج مع جين وقال: انتي بجد مكشفتيش قبل كده
جين: لا بس كنت باخد مثبتات علشان لو حصل حاجه ليا.... كملت باحراج ودورت وشها الناحيه التانيه زي النهارده مثلا
سليم لف وشها: متبعديش عينك عني
جين بدموع: انت ليه متمسك بيا اوي كده
سليم : علشان محدش بيبعد عن روحه يا جيني بقولك ايه في حاجه عايز اقولهالك
جين: مينفعش
سليم شدها: تعالى بس
..........................................
في غرفه من غرف المستشفى
كان عدي ادخل ديانا فيها لأنه عارف انها دلوقتي من جواها مرعوبه
ديانا بعياط: دلوقتي انت بقيت خايف مني صح
عدي قرب منها: لا
ديانا: لا انت بتكدب انت عايز تقنعني انك دلوقتي مش خايف أذيك مش خايف في يوم تموت على أيدي بسبب المرض اللي عندي
عدي قرب اكتر: لا
ديانا: لا ازاي ازاي فهمني
عدي : عايزه تفهمي ماشي
عدي قرب منها و
..........................................
عند رسيل كانت بتدور على فهد لما لاحظت انه مش موجود عدت من قدام اوضه شافت انها نص مفتوحه لقيت فهد واقف قدام الشباك بيبص للسماء وللنجوم حس بضربات قلبه بتزيد عرف انها موجوده معاه
'' بتعملي ايه هنا ''
رسيل استغربت وقربت منه
'' انت اللي بتعمل ايه هنا ''
فهد : يهمك اوي
رسيل بحزن: اكيد خوفت لما عرفت اني مريضه نفسيه
فهد بص ليها بغضب: انتي ليه بتفترضي من عندك حاجات افترضتي اني مش بحبك افترضتي اني ممكن اسيبك حتى دلوقتى بتفترضي من عندك
رسيل خافت هو أول مره يتكلم معاها كده بس قالت بقوه مزيفه
'' علشان دي الحقيقه انت اكيد هيجي يوم وتسيبني حتى لو انت معملتش كده انا هسيبك في يوم من الايام ''
فهد تحولت ملامحه للبرود
'' رسيل انتي بتحبيني ''
رسيل اتوترت اول مره يسألها السؤال ده
'' لا مش بحبك انت كنت ليا مهمه وهتخلص قريب ''
فهد قرب منها ومسكها من دراعها
'' انتي كدابه يا رسيل عارفه ليه علشان مش قادره تقوليها ليا وانتي باصه لعيوني بصيلي وقوليها ''
بصتله بدموع: انت عايز مني ايه يا فهد
فهد : كفايه عذاب ليا وليكي حتى لو مقولتيهاش نظرت عيونك وغيرتك عليا استسلامك ليا ده كله يبقى ايه لو مش حب
مسحت دموعها وقالت بجمود
بحبك يا فهد بس مش هتندم في يوم ''
فهد سند راسه على رأسها
'' ابدا يا حوريتي ابدا ''
..........................................
على السطح
كانت شغف بتبص للقمر في السماء لما سمعت صوته بيقول
'' انتي احلى الف مره من القمر ده ''
شغف: عارفه
مالك قعد جمبها: بتفكري في ايه
شغف: في حياتي اللي ملهاش لازمه دي
مالك : مين قال كده انتي اللي مش بتبصي حواليكي علشان تشوفي الحاجات الحلوه
شغف بصتله وفهمت هو يقصد ايه فقالت
'' لا وانت الصادق انت اللي متعرفش انا عشت في ايه ''
مالك اضايق عارف انها بتحور عليه
'' انتي ليه انانيه يا شغف ''
شغف بذهول: انا انا انانيه انت متعرفش حاجه علشان تحكم عليا
شغف كانت هتقوم بس مالك شدها بعنف ليه فوقعت على رجليه وهو هزها بعنف
'' عارفه ليه انانيه علشان عارفه اني بعشقك ومع ذالك بتنكري انك بتحبيني ''
شغف: وانت عرفت منين بتألف من دماغك اني بحبك
مالك بغضب: علشان لو انتي مش كده مكنتيش دلوقتي حامل مني
شغف بدموع: انت اللي عملت كده فيا
مالك : انا مغتصبتكيش يا شغف انتي استسلمتي ليا انتي لو مكنتيش عايزه كده كنتي قاومتي انتي معملتيش كده
شغف سكتت هي عارفه ده هي كان ممكن تقاوم بس هي حبيته غصب عنها قالت ببكاء
'' انا خايفه لتكون وجع تاني خايفه اسيبك تتوجع بعدي انا وجع لكل اللي حواليا يا مالك انا
ضمها مالك بقوة ليه
'' انتي مش وجع انتي اللي خلتيني احب يا شغف خليتي قلبي يدق ليكي انتي وبس انتي شغفي انا ''
غمضت شغف عيونها تستمتع بتلك المشاعر التي اجتاحتها
(اه يا مرارتي يا اما هتتفقع 😾)
..........................................
في استقبال المستشفى
كان المكان هادي ألا من صوت عمر وزين وبراء وعلي اللي بيتكلموا وكانوا يجلسون من سيف وادهم فقال سيف بهمس
'' هما الباقي فين ''
أدهم: مش عارف بصراحه بعد ما نزلت انا وانت مش عارف حاجه عنهم و.... أهم جم
سيف بشك من ابتسامتهم
" انتوا كنتوا فين ''
سليم : كنا فوق صحيح ابوك خرج يا مالك؟
مالك : ها مش عارف اسأل زين
أدهم: هو انتوا يعني مش عندكم بيت بدال المستشفى
فهد : قصدك ايه ياض
سيف بخبث: قصده على رقبتك يا فالح
فهد حط ايده على رقبته وحس بأنها خربشه من رسيل
عدي بضحك: عيب عليك
أدهم ضحك: ما انت مش اشطر منه المس رقبتك كده
عدي بجراه: وانت مالك ياض واحد ومراته
أدهم: اصطفيتوا يعني
مالك : زين وأدم وابوك كانوا معاهم حق الوصول ليهم طريق طويل
سيف : وانتوا شكلكم عديتوا نص الطريق
سليم : اه باين
علي: وه وه وه هنا الشرقاوي وعنان المنشاوي هنا مره واحده
عنان: هههه خفه يا علي
فهد باستغراب: ايه اللي جابكم هنا وازاي تخرجوا في الوقت ده
أدهم: معاه حق الساعه داخله على 2 الصبح
هنا: ما احنا بقالنا يجي 5 ساعات بندور على البنات والافندي قاعد معاهم انا مش قولتلك من يومين اننا بندور عليهم
عمر: نسيت الله هو انا دماغي دفتر افتكر ايه ولا ايه
زين: هو انتي اا
هنا: الله هو انت
مالك : انت تعرفها يا زين
زين: ايوه كنت هخبطها بالعربيه قبل كده
هنا بسخريه: كنت انت خبطتني اصلا
عنان: فين البنات واه صح ايه الاخبار
سيف بص ليهم بخبث: تمام اعتقد الأمور ماشيه حلو
عدي : بس فيه كذا حاجه عايزين نسأل عليها
هنا: حلو تزيدوا بقى في الشوكولاته
@ وانا اقول بيعرفوا منين اتاري فيه جاسوستين هنا
عنان وهنا برعب: رررسيل
رسيل ببرود: عليكم نور ولا لأ مش نور نار أن شاء
وخبطتهم في بعض
ورمت عنان على شغف ومسكت هنا من هدومها وهزتها بغيظ
'' يا حيوانه بتبيعي اختك بشوكلاته يا هنا الكلب "
هنا: اسمعي بس العرض كان مغري اوي وانتي لو مكاني كنتي ضعفتي دي كانت شوكولاتة كتير
شغف: طب وانتي يا بنت المنشاوي ايه النظام
عنان: زيها برضو وبعدين العيله كلها بتعشق الشوكولاته واولنا رسيل
هنا: اه وعمر كان معانا
عمر: اه يا خونا يا اولاد ال
جين: عمر ااااه خليك كده لما تبقى 38 سنه زي جورج ابقى افكر أرضى عن الجوازه دي
عمر: ليه يا أخي حرام عليكي
براء: وربنا انت صعبان عليا
عنان بضيق: خليتوا بينا دلوقتي
سليم بضحك: هما مدوا أيديهم عليكم اصلا لما يعملوها نبقى نقف معاكم
رسيل ضربت هنا على رأسها جامد
" اااه ايه يا رسيل الغباء ده "
رسيل: اخرسي يا هنا عقلي بيقولي اقتلك والشيطان بيمنعني عنك
علي: الشيطان دلوقتي في وادي الأحلام هههههه غير داري بشيء
هنا بضيق: عندنا أخبار جديده من جد كل واحده فيكم
ديانا: ارغوا
عنان: شهاب مختفي
عمر: اكيد اتخطف
ديانا: لا متخطفش سافر فرنسا بس مقالش لجدي بس اتصل عليا وقالي
عنان: يعني خاف منك ومخافش من جدك
ديانا بضحك: لا هو قالي علشان لما يرجع يلاقي حد يدافع عنه علشان جدي
ديانا سكتت بخوف لما شافت نظرات عدي المحذره ليها وقالت هنا
'' اللي بعده جدك يا جين بيقولك التصاميم ليه لسه مخلصتش "
جين: وليل وتمنى فين لما انا اشتغل وماهيتاب هانم فين الحي ابقى من الميت إذا كان هي جوزها مات فأنا عيلتي ماتت يعني انا رسميا يتيمه
عمر: يعني انتي معملتهاش ولا زي المره اللي فاتت تعاندي مع جدك وتيجي قبل العرض بـ 3 ايام تجيبي التصاميم بعد ما جدك يحرق دم الكل بسببك
جين: ده عليه اساس انه مكانش هيضربني على رأسي بالفازه لولا مروان
عنان: يا ريتها كانت جات فيكي
جين: بتقولي حاجه يا عنان
عنان بخوف: لا بقول وورق الصفقه الجديده يا شغف بما اني علي هنا ابعتيه معاه
علي: تروح هي مليش فيه انا هي وجدها شبه بعض يصطفوا مع بعض بقى
شغف: وطب وربنا ما حد هيبعت الورق ده غيرك انت يا ابن منصور ويا انا يا انت
هنا: رسيل جدك بيقولك خفي اللعب
رسيل: لعب ايه انا معملتش حاجه؟؟!!
هنا: لا والله اومال مين اللي طحن كرم كده ده ادشدش خالص
رسيل: وربنا ما انا يعني انا لو عملت كده هعترض يعني واقول مش انا
ديانا: يعني بجد مش انتي ولا بتحوري
عنان: انتي اخر مره شوفتيه امتا يا رسيل
رسيل: من سنه لما ضربته بالنار والرصاصه جات في بطنه
زين: يا لهوي ليه يا أخي
رسيل ببرود: يستاهل ولو يرجع الزمن هضربها في رأسه
هنا: ايه ده يعني مش انتي اومال مين يعني
نظر الشباب بشك لفهد الذي ينظر بهدوء لما يحدث
سيف بخفوت: انت اللي عملت كده يا فهد صح
فهد ببرود: ايوه يستاهل علشان يحاول يقرب من حاجه تخص الفهد
مالك : ده اعترف من غير حتى ما نحاول معاه كتير غريبه دي
أدهم: والله انتوا من يوم ما عرفتوا العصابه وانتوا بتعملوا حاجات غريبه حتى الوحش
سيف : اختك هي اللي مجنونه وجننتني معاها اعمل ايه
أدهم ضربه بغيظ: دي اختي يا سيف
سيف باستفزاز: وتبقى مراتي على فكره
شغف: صحيح يا أدهم بعد بكره هنبقي نجيب اللاب من القصر وتشوف صور اخواتك اللي انت عايز تشوفهم مع اني عشق يوسف بيقول شبه دانه بالملي
جين: وملك وشمس نسخه من بعض في لون الشعر والطول والجسم والشكل الفرق هو لون العيون واني ملك عصبيه اكتر من شمس
أدهم: بس نفسي اشوفهم دول 14 سنه برضو
ديانا: بعد بكره ان شاء الله
..........................................
عدي يومين
والبنات كانوا قاعدين مع الشباب
ديانا: عدنان وصل اللاب ده باللي قدام أدهم علشان نتحكم احنا في الفيديوهات والصور اللي هيشوفها
عدنان: حاضر
عدنان عمل كده وقال أدهم
'' انا عايز اتفرج على فيديوهات نفسي اشوف تصرفاتهم زمان ''
جين: بس كده ماشي
ديانا بدأت تضغط على كذا زرار وجابت صوره تجمع ياسين وعشق وملك وشمس قاعدين جمب بعض في قصر الألفي وملك وشمس كانوا في النص بص أدهم للصوره بحنين شديد وحزن لأنه مكانش معاهم
شغف: لا بقولك ايه بلاش ملامح الحزن دي هاتي يا بت فيديوهات تخليه يضحك على هبل اخواته
ديانا: هجيب ليك فيديو تشوف اخوك متعصب لما توهنا في قنا
Flash
كان ياسين ومعاه يامن ومراد ومروان وعلي وسراج والياس وخالد وشهاب وأكمل وماجد واقفين مع ريان القناوي جد عشق
ماجد: وبعدين دول بقالهم اكتر 24 ساعه برا كده ممكن يكون حصل ليهم حاجه
اكمل قام :مش دي Que
اكمل مسك Que وعرف منها اني هي هتوديهم للبنات وهما كلهم ركبوا العربيات ومعاهم ريان وQue كانت بتطير في السماء قدامهم لحد ما وصلت لمكان كله زرع
ونزلوا وراحوا لصوت الضحك ولما وصلوا شافوا البنات ومصطفى قاعدين متربعين على الأرض بياكلوا قصب
ملك: ياسين ابن حلال القصب هنا طعمه جامد تعالى تعالى
ياسين طلع المسدس بتاعه وكان هيضربهم بس مسكه ماجد ويامن
ياسين بجنون: ابتعدوا عني يجب أن اقتلهم هم يقودونني إلى الجنون
مصطفى بتذمر: انتوا اللي طولتوا قولنا نتسلي في حاجه لحد ما تيجو
مروان: مش عارف بصراحة اقول ايه
خالد مسكه من قفاه بأيد والايد التانيه رفع بيها جين من هدومها
'' بقى انا قلبي كان هيقف من الخوف عليكم وانتوا بتمصوا قصب هنا ''
ياسين: والله خساره فيكم اننا قلقنا نفسنا عليكم شويه رمم
عشق: لا بقى انا هاروح لجدي
عشق حضنت جدها ببكاء مصطنع
'' يرضيك كده يا جدي مش انت سندي بعد موت ابويا وامي هو انا ليا غيرك في الحياه دي خالص ''
ريان طبطب عليها: خلاص يا بتي الحمد لله انكم بخير
ملك وشمس وقفوا قدام ياسين وقالت ملك بغيظ
'' شايف الحنيه مش انت زي القطر "
شمس : سيبت ايه للغريب يا اخويا ها أنت بتعمل فينا كده وعايز تقتلنا عارف لو ادهم كان هنا مكنش حصل ده
ياسين مسكهم الاتنين من هدومهم
'' أدهم لو كان هنا كان ولع فيكم انتوا الكل وبعدين ايه اللبس ده هو انتوا اطفال"
رسيل: حلو مش كده
البنات كانوا لابسين سولوبيت وكل واحده بلون عيونها عليها تيشيرت ابيض بنص كم وشعرهم عاملين بأشكال طفوليه زي ضفيره أو قطتين

مراد: انا لا افهم عندنا ترتدون نفس الشي تكون الالون في كل مره بلون عيونكم
شغف وهي بتمص القصب
'' علشان بنبقي مميزين كده ''
سراج: مميزين أيه ده انتوا شويه اطفال
شغف: بلاش يا صلاح علشان هتزعل مني
علي: سيبك انتي من المعقد ده هو القصب طعمه حلو بجد
رسيل: جدا ياض يا علي عسل كده عسل
الياس اتربع جمبها: لا إذا كان كده ندوق
مروان: دول بقى كان المفروض ميجوش معانا اصلا
ديانا: وانا مليش حد يسأل احسن برضو الواحد ياكل بارتياح
شهاب : اومال انا روحت فين يا حجه
مصطفى: وربنا القعده كانت حلوه معرفش انتوا كده ليه ايه يا ابو الخوالد مش نفسك يا راجل هفاك على قصب ولا حاجه
خالد: بصراحه اه
مروان: اذهب معهم يا خالد انت لا يليق عليك الجديه ابدا
شمس مسكت دراع ياسين جامد
'' مالك في ايه "
عشق: شكل السكر على عليها يا ابو حمزه
يامن: هو انتي اكلتي معاهم
شمس : اومال اقعد اتفرج عليهم
ياسين: مفيش فايده فيكي خالص
ديانا: ايه ياض براحه على البت كانت عايزه تاكل تحرم نفسها يعني
شمس حضنتها: وربنا ما حد حاسس بيا غيرك يا فواز
ديانا: متقلقش يا ابو رحاب انا في ضهرك يا اخويا دايما
ماجد ضرب كف على كف
'' يا ولاد المجانين ''
Back
أدهم بضحك: ده كله حصل
اكمل :اسكت ده ياسين كان جاب آخره كان هيموت ويقتلهم
سيف باستغراب: هو ايه اللي بيصور ده ازاي جايبكم كلكم
ديانا: دي Que
عدي: يعني ايه
جين: هاتي اول فيديو صورته Que
Flash
ظهرت شمس قدام الكاميرا
'' اممم التجربه الأولى نشوف هتنجح ولا لأ... كملت بصوت عالي Red ''
رد Red: نعم يا سيدتي
شمس : أين الفتيات
تكلم Red :السيده شغف وعشق وجين في المطبخ اما السيده رسيل ومصطفى عند حمام السباحة والسيده ملك تجري مع ريمكس والسيده ديانا في الحديقه
شمس شالت Que: حظك يا ديانا ابدا بيكي انتي التجربه
شمس راحت الجنينه وكانت ديانا قاعده على الكنب في الجنينه بتراجع ملف
شمس :Que اذهبي إليها
ديانا كانت مندمجه في الملف بس حست بحركه حواليها بصت لقيت عصفور ازرق بيطير حواليها بسرعه
'' وايه ده أن شاء معجب ولا ايه "
شمس قعدت: لا دي Que
ديانا: اختراع جديد يعني اممم وطب دي ايه
شمس : كاميرا على شكل عصفور
ديانا بسخريه: والكاميرا المفروض فين في ريشها
شمس : ههه لا يا خفيفه في عيونها كاميراتين من أحسن الكاميرات العالميه
ديانا: انت بقالك 3 شهور تقريبا بتصنعي في عصفور يا شمس
شمس بثقه: اتفرجي Que إلى أعلى
اما Que ارتفعت لفوق جدا ومبقيتش ظاهره
ديانا :حلو بس بعيد اوي
شمس : ممكن ابعد من كده عادي
ديانا: بس ليه شكل عصفور
شمس : لاني الطيارات دي بقيت قديمه وكمان موضع للشك اما عصفور مين هيشك فيه وكمان هو شبه العصفور الحقيقي جدا Que إلى أسفل
ديانا :يا سلام هتسمعك من المسافه دي كلها
وفي 3 ثواني Que كانت قدامهم
ديانا اتخضت وقالت شمس بضحك
'' بتسمع من علي مسافات طويلة وبتفهم 10 لغات"
مصطفى وعشق :مين دي اللي بتفهم 10 لغات
شمس : Que دوري حولهم
دارت Que حواليهم ووقفت على ايد عشق
'' وايه ده بقى ان شاء الله"
ديانا: كاميرا
شغف: ليه صنعتي كاميرا على شكل عصفور
شمس قعدت: علشان النسيان اللي بيحصل لينا ده انا هجرب دي وهبقي اصنع واحده كمان احتياط اما دي هتكون معانا في المهمات والسفريات
جين: اسمها ايه بقى
شمس : Que
مصطفى: مرحبا Que
ردت Que :مرحبا مصطفى
عشق اتنفضت ورمتها بعيد
'' احيه دي بتتكلم "
شغف: عصفوره بتتكلم انتي كده خرقتي قوانين الطبيعه
شمس : ودي عصفوره آليه مش حقيقه
مصطفى: هي تعرفنا
شمس :اه تعرف الشله كلها حتى الكبار والصغار وبتنفذ أوامرنا احنا 8 وطول ما بتشتغل بتصور وكل حاجه بتتنقل علطول على اللاب بتاعي واللي في القصر برضو
رسيل: طب وبالنسبه للطاقه
شمس : تقدر تشتغل اسبوع كامل من غير انقطاع
ديانا :ولو حصل انفجار أو خدت رصاصه كده هتروح
شمس بخبث: صوبي عليها يا صقر
جين: متأكده
شمس حطت رجل على رجل: اممم
مصطفى :هي مش بتقعد بثقه كده غير لما تبقى متأكده 100 %
جين رفعت المسدس: هنشوف
جين حاولت تصوب عليها بس هي حجمها صغير وبتطير بسرعه
'' اووف سريعه ومش بتثبت "
ديانا رفعت مسدساتها
'' مش على برق"
ديانا كانت سريعه جدا بس Que كانت أسرع منها
ديانا بصت على شمس: لا شاطره
شمس بغرور: اومال هو انا اي حد ده انا M عشق لو معاكي قنبله صغيره فجريها فيها
عشق فكت صمام الأمان في القنبله ورمتها على Que وهي خرجت من النار وقعدت على رأس مصطفى وهو قال بضحك
'' ههههههههه بت الصرمه دي مفيش حاجه مأثره فيها "
رسيل كبت مياه عليها وهي وقعت على الأرض
رسيل: في النهاية اي آله بتخرب بالمياه
مصطفى نزل على ركبه بتأثر مصطنع
'' ليه بس ملحقتش حتى تعيش يومين"
شمس ببرود: Que
قامت Que وطارت ناحيه شمس وقعدت قدامها على الطاوله
شغف سقفت: اعترف انا كشغف انبهرت مبروك يا M اخترعتي اختراع هايل عقبال ما تكمل الالفا بقى
شمس بشرود: لا الالفا لسه محتاجه شغل جامد صحيح فين ملك
ديانا: بتجري مع ريمكس
شمس بمكر: اذهبي لها Que وانا سالحق بك
Back
أدهم: ليه قطعتي الفيديو
رسيل: لاني اللي جاي لا ينصح بمشاهدته هتنصدم في اخواتك
أدهم: ليه يعني عملوا ايه
اكمل: ده تقريبا اليوم اللي روحتوا فيه المستشفى صح
جين: اه هو
عدنان: بلاش احسن معاهم حق هتنصدم في اخواتك دول بيضربوا بعض ضرب هما 7 والله ما اعرف بيستحملوا ازاي
أدهم: لا عايز اشوف وبعدين ما انا عارف انهم مجانين
شغف: طب ليه الشتيمه طيب ده انا كنت بقول انك احسن من ياسين طلعتوا يا اولاد حسن كلكم زي بعض
أدهم: طب افتحوا طيب ما الناس كلها عارفه انكم كده ايه الجديد يعني
ديانا: طب تصدق مش هجيب الفيديو هقدم لقدام
Flash
ملك في المستشفى بولوله
'' اه يا دراعي اه يا رأسي اه يا وشي اااااااه يا عضمك يا رضا "
رسيل وهي بتاكل: كفايه ولوله كلها شهر وترجعي زي الاول
ملك بغيظ: اسكتي يا بت انتي علشان بتعصبيني وانتي يا اللي بتطفحي سجق ولا اكني مرميه قدامك قولتلك رجعي دراعي زي ما كان بدال ما انا متجبسه كده
جين: قولتلك خطر على دراعك الجبس أمان
شغف: خطر انا بضحك في وش المخاطر هههههه اااااه
ملك رمت عليها علبه القطن والشاش
'' هي ناقصه ظرافه "
شمس دخلت وراها عشق
ملك: اهلا اهلا بتؤامي الغالين اللي رموني الرميه دي
عشق سحبت كرسي وسحبت سندويتش من قدام رسيل وقعدت قدام السرير
'' انا زيك اهو وشي اتشلفط اقعدي على جنب بقى"
شمس نطت على السرير جمب ملك وهي صرخت
'' اااااااااااه جاموسه بتقعد.... دراعي منك لله"
شمس : بس يا بت جاتك القرف انا جسمي ادغدغ بسببك تور بيضرب
عشق بردح: اصماله عليكي يا اختي وانتي كنتي شبه البقره القاطعه اللي مش لاقيه حبل يلمها ولا عارفه حد يمسكها
ديانا: عاجبكم كده طلعتوا الصعيدي اللي جواها
مصطفى وهو شايل Que
'' ههههههه شاهد لأول مره نصف تركيه تردح بالصعيدي هيبقى ترند "
عشق: ولاه يا مصطفى تعالى ياض بلاش فضايح الله يخربيتك
مصطفى جرى لبرا وهو بيضحك وعشق وراه وهي مسكته بسرعه
مصطفى: يخربيتك انتي لسه فيكي حيل بعد الضرب اللي اخدتيه ولا انتوا اتعودتوا على الضرب
عشق بسخريه: ههههه لا خفيف يا درش
ياسين من وراها: عملتوا ايه تاني يا عصابه
عشق: وربنا ما انا اللي بدأت دول اخواتك
ياسين: ده على اساس انك بنت عمي ما انت كمان اختي تعالى كده نشوف علشان مش مطمنلك
ياسين مسك عشق من هدومها وجرها وراه وهي قالت بتذمر
'' انت يا عم انت سيب هدومي انت بتجر بقره اوعي ياض انت بتضحك يا مصطفى يا جذمه الجذم انت "
مصطفى: يا عيب الشوم بقى العقرب يحصل فيه كده عيب عليكي عيب
ياسين دخل وشاف ديانا قاعده بتتفرج على خناق رسيل وجين وشمس وشغف على السندويتش وملك بتشعلل الموضوع اكتر
'' ماشاءالله عليكم"
شمس : اه يا اخويا تعالى شوف اختك ادغدغت خالص
ملك: من اللي دغدغ التاني يا بت
عشق: انا اللي حاسه اني عضمي مكسر بقولك يا ابو حمزه ما تشيلني الله يخليلك عضلاتك دول
ياسين: بس كده عينيا
ديانا: مش مطمنه
ياسين شال عشق وهبدها على الكنبه
عشق: اااااااااااه ضهري يا ابن حياه منك لله انتي واخواتك فينك يا أدهم يا اللي كنت بتدافع عننا دايما فينك اااااه
شمس: والله كنت متأكده إنه هيعمل كده
عمر دخل: تؤ تؤ تؤ ايه اللي حصل فيكم يا عصابه
ديانا بلامباله: ماتش ما بين التوأم هما التلاته واديهم متلقحين
ياسين: وانتوا كنتوا فين لما عملوا كده
مصطفى: كنا بنشجع
عمر: لا شاطر ياض
جين :مالك يا ابو رنا بأخويا ها
عمر بغيظ: الله يحرق رنا مش لما اعرف اتجوز امها اصلا ايه يا ربي ده
ملك: هدى أعضائك يا اسماعيل مش كده
عمر :طيب تصدقي لما تخلفي ابنك هيبقى اسمه عمر
جين بغيظ: هو من قله الأسماء اسمي عمر ليه يعني
يامن دخل وقال بسخريه: مش لما تلاقوا حد يرضى بيكم الأول يا دمويين انتوا
شمس : لا Excuse me مش كلنا دمويين انا مش بحب الدم والتقطيع والكلام ده عندك 3 أهم عشق وملك ورسيل
عمر: غريبه لما تبقى ملك مصممه اسلحه وتفضلي السكاكين
ملك: أرى متعه في الموضوع أكثر من المسدسات يا رجل
يامن: أعوذ بالله منكم انا خارج
عمر: خدني معاك يا عم
شمس : ليه بس كده يا عماه
يامن: مش عايز اتجنن والله
عشق: ألا قولي يا يامن انت مش بتتضايق لما شمس وملك يقولولك عمي ومراد لما يقولوله خالي بيبقى عايز يضربهم
شمس : ههههههه مراد خلقه ضيق
ياسين بسخريه: لا وانتي الصادقه انتوا اللي مستفزين ده كويس انه مقتلكمش انتوا 7 بعد ما حرقتوا المطبخ بتاعه
شغف بتذمر: الله ده جزاتنا يعني أننا كنا عايزين نعمل حاجه جديده
ياسين: انا ماشي قبل ما اتنقط
مصطفى: تصحبكم السلامه
ياسين: اوعي حد يخرج هدفع حساب المستشفى وبعدين نروح مش عايز ارجع الاقيكم عاملين بلوه
رسيل: اتكل على الله احنا أعقل من كده يا عم
ياسين خرج: اه ما هو باين
عشق: معرفش الكل حاطط نقره من نقرنا كده ليه احنا عملنا ليهم ايه
مصطفى وهو بياكل في السندويتش
'' فعلا انتوا غلابه "
البنات: اوي
مصطفى: ومنكسرين
البنات: اوي
مصطفى: ومش بتوع مشاكل
البنات: اهي اهي اوي
مصطفى: وا....
البنات اتفتح بقوه والبنات اتخضوا وعشق وقعت على الأرض هي وجين ومصطفى من الخضه
'' اعااااااااا"
$امممم حسنا من الجيد انكم لم ترفعوا عليا اسلحتكم مثل آخر مره
ديانا بغيظ: هو انت
شمس : أيه يا جورج ايه يا عم فيه حد يدخل كده قطعت خلفي يا راجل
جورج: بعض الاحترام انا في سن والدكم
شمس : مش عايزه اصدمك واقولك اني اصلا ابويا أصغر مني
مصطفي: وبعدين انت عندك 38 سنه وشكلك شبه حسين فهمي بشعرك البني الفاتح ده
ديانا: ما الذي أتى بك يا جورج
جورج: تايجر يريدكم
ملك بغيظ: وهو اتشل يعني ما احنا كل مره بنروحله يجي هو
دخل تايجر وهو بيقول: لسانك لازال طويل يا ملك
ملك: ولسه هيطول تاني يا عنيا
جين: ايه اللي جابك يا تايجر
تايجر: هذا هو واجب الضيافه عندكم يا مصريين
عشق: انت هتستهبل ما انت مصري انت كمان ولا علشان عايش في إيطاليا بقالك 12 سنه لسانك هيتلوح لا أقف معوج واتكلم عدل
تايجر بقرف ضربها على مناخيرها يمين وشمال بصباعه طول ما هو بيتكلم
'' متتكلميش... صعيدي... تاني... يا عشق... بحسك عايشه.... هناك مش.... نص حياتك... في تركيا.... والنص التاني.... فى روسيا وإيطاليا "
عشق زقت ايده بغيظ
'' يا عم اوعي بالحركه المستفزه بتاعتك ده اووووف"
شمس : شوفتوا بقى انها مستفزه جاي ليه يآ عم
تايجر: الجهاز في الساعه أبلغني أنكم 3.... وشاور على شمس وعشق وملك حدث لكم شئ لهذا أتيت
ديانا ببرود: لا ده كان ماتش بس سخن منهم حبتين
مصطفى: 3
رسيل: 4
تايجر: حقا
شغف: اه وربنا المهم انا جعانه
البنات كلهم ومصطفى: وانا كمان
جورج بضحك: دائما عندما أراكم تكونوا جاعين لا أعلم لما
Back
أدهم: يا نهار دول كسروا بعض انتوا متعودين على كده
عدنان: علطول ولما نسالهم يقولوا من الزهق اسكت ده انت اترحمت منهم لما اختفيت 9 سنين ده ياسين بيشد من شعره منهم هما 8 والله
سيف بهدوء: ليه تايجر دايما حاطط كمامه على وشه
ديانا: علشان محدش يكشفه خصوصا انه من المخابرات السريه زينا
اكمل: هو شكله ايه بالظبط
رسيل: ما انت شوفتوا في الفيديو
اكمل: لا قصدي تحت الكمامه
شغف: شعره اسود
جين: وعيونه خضراء
رسيل: وبشرته قمحي زي اي مصري
ديانا: وهادي زياده عن اللزوم
البنات في نفس الوقت: وطويل معرفش ليه الطول بيحل على الرجاله اوي كده
أدهم كتم ضحكته على الشباب اللي قربوا يحرقوا البنات وهما قاعدين
أدهم وهو كاتم ضحكته
'' احم شبه سيف يعني في الشخصيه "
نظر له سيف : لا يا راجل
ديانا: تصدق صح بس الوحش بيتعصب عادي اما التاني ده جبل جليدي
رسيل: احنا عمرنا ما شوفنا متعصب غير مره واحده بس ههههههه بسبب بت
جين بضحك: ادفع نص عمري والاقي البت دي
شغف بضحك: هو كمان كان هيضربها والله لولا عشق وشمس شدوه بعيد عنها وهي مش اقل منه ولو ملك ما بعدتهاش عنه كانت هتجيبهامن شعره والله
ديانا: عجبتني اوي البت دي هههههههه
سيف بص للشباب اللي هيولعوا وهما قاعدين
'' اعتقد كفايه للنهارده.... وقام وقال اتمنى بصراحة تتطلعوا عايشين "
البنات بغباء: يعني ايه
أدهم قام وراه: ربنا يعينكم
..........................................
في سياره مالك
كان بيسوق العربيه وجمبه وهما لسه راجعين من عند الدكتوره بسبب تعب شغف المفاجئ وعرفوا انها حامل بولد وكان بيبص ليها من وقت للتاني اما شغف كآنت بتبص للشباك بتذمر شديد بسببها عقاب مالك المؤلم من وجهت نظرها
مالك : طب هتفضلي باصه كتير للشباك
شغف مردتش
مالك : طب انتي مضايقه ليه
شغف بغيظ: يعني انت مش عارف ليه يعني ينفع اللي إنت عملتوا ده... وشاورت على شفايفها اللي فيها جرح بسبب مالك
مالك : انتي السبب بتوصفي في راجل قدامي يا شغف وانتي عارفه اني بغير جدا عليكي ليه بقى تعملي كده
شغف لم يهمها غير جمله اني بغير جدا عليكي فاقتربت منه
'' أنت بتغير للدرجه دي يا مالك "
مالك بتذمر: جدا
شغف ضحكت على تذمره وهو شدها لحضنه وقال بحنان
'' لسه شفايفك وجعاكي"
شغف: امممم
مالك بوقاحه: انتي اللي شفايفك طريه يا شغف مستحملتش
شغف ضربته في صدره وكانت هتبعد عنه بس مالك اتمسك بيها اكتر
'' متبعديش عن حضني مش كفايه مش عارف أقرب منك بسبب مراقبتنا دي"
شغف: انا اتضح ليا أنك قليل الادب يا مالك
مالك بضحك: ده كله علشان كلام اومال لو أفعال أيه يا شغف هطلعيني مغتصب
شغف بغيظ: وربنا ما حد علمك الأخلاق يا مالك
..........................................

Sabreen 💜