عشق الوحوش والشياطين الفصل الرابع وخمسون 54 - بقلم Sabreen

رسيل وفهد ❤️
صلي على نبي الرحمه
كانت نايمه على السرير وابتدات تصحى وبصت قدامها لقيت فهد بيبص ليها بغموض وهدوء شديد
'' ايه اللي جابني هنا ''
فهد ببرود: يعني انتي فاكره اللي حصل
رسيل غمضت عيونها: ايوه فاكره
فهد ببرود: كويس
رسيل استغربت: فيه ايه يا فهد ليه بتتعامل ببرود
فهد بصلها كتير وبعدين طلع تليفونه واداه ليها بكل هدوء
رسيل مسكته وفطت بسرعه لما شافت الصور دي وقالت بسرعه
'' والله ما انا يا فهد والله ما أنا ''
فهد سكت وهي قامت ومسكته وقالت بدموع
'' انت مصدق اني دي انا مصدق اني أعمل كده ''
فهد سكت برضو وهي دموعها نزلت
'' رد عليا مصدق إني دي انا مصدق يا فهد والله ما أنا.. انا معملش كده والله ما انا يا فهد والله ما أنا ''
فهد حضنها جامد: عارف انها مش انتي اهدي يا رسيل
رسيل بعياط شديد: والله ما انا يا فهد
فهد: يا رسيل اهدي الفوكس مش ضعيفه بتعيطي ليه
رسيل هديت بس كانت لسه بتشهق فقالت فجأه بجمود
'' طلقتي يا فهد ''
فهد بعدها عنه وقال بذهول: ايه
رسيل بجمود: بقولك طلقني
فهد بغضب شديد: انت ايـــــه يا أخي ايه حرام عليكي انتي متعبتيش من وجع قلبي وقلبك حرام عليكي ارحمي قلبي ده شويه
رسيل بصراخ: وانا مش هنفعك هتعمل ايه بواحده زي انا مشوهه يا فهد انا بكره ابص لجسمي انا مريضه بمرضين هتعمل بيا أيه
فهد بجنون: وابننا ليه تحرميه من حقه أنه يكون عنده ام وأب انتي انانيه يا رسيل انانيه
رسيل بعياط: حرام عليكم انا محدش حاسس بيا ليه انا اللي بيحصل فيا كده عمري ما أذيت حد علشان يحصل فيا ده كله عايزني اخلف وابني يعيش نفس معاناتي فكرك هيسبوا هيهددوني به عايزني اشوفه بيموت قدامي
فهد: وانتي فكرك هيقدروا يقربوا منه شكلك مش عارفه هيبقى ابن مين وانا دايما فاتح ليكي حضني عمرك ما دخلتي فيه عارفه يا رسيل ممكن يكون معاكي حق كان غلط اننا نتجوز
رسيل: يعني هطلقني
فهد بجمود: بعد ما تولدي زي ما قال آدم وزين
رسيل قامت: كنت عارفه انك مش هتتحملني
فهد بصراخ: انتي عايزه ايه منى دلوقتي
رسيل نزلت رأسها للأرض وقالت بدموع
'' مش عايزاك تسيبني انا عايزاك يا فهد بس خايفه تسيبني خايفه تتاذي في يوم بسببي ''
فهد رفع رأسها بأيده
'' رسيل ارمي كل حاجه في حضني ارمي همومك كلها يا روحي''
رسيل حضنته وعيطت عيطت على كل حاجه في حياتها وهو كان مستقبل كل ده بحنان مسح بأيده على شعرها وضهرها بحنان شديد فضلت تعيط لساعه وهديت وكانت لسه بتشهق زي الاطفال
فهد كان هيطلعها من حضنه بس هي رفضت وشدت ايديها على وسطه
'' لا لا خلينا مش عايزه اطلع ''
فهد ابتسم عرف اني الطفله طلعت من جواها فهد فرد نفسه على السرير واخدها في حضنه جامد وباس رأسها بحنان
'' تيجي نسافر ''
رسيل بخفوت: فين
فهد: مفاجأه هتعجبك أوي
رسيل: والشغل
فهد: هناخد اجازه يلا
رسيل استغربت: دلوقتي
فهد شدها: ايوه الطياره جاهزه يلا بينا
رسيل: طب فين طيب
فهد: اشش خليها مفاجأه
.................................
فهد ورسيل كانوا ماشين في مطار فرنسا وفهد حاطط ايده على وسط رسيل بتملك فهي قالت
'' هو انت حاطط ايدك كده ليه وربنا ما ههرب ''
فهد شدد ايده اكتر وقال
'' علشان اللي يبصلك ويشوف ايدي يعرف انك ملكيه خاصه ''
رسيل بغيظ: ملكيه خاصه ليه فاكرني عربيه مثلا
فهد بغمزه: لا مراتي
رسيل بملل: وربنا قليل الادب
فهد ضحك بصوت عالي: هو انتي شوفتي حاجه ده مجرد كلام اومال آخر الأسبوع هيبقى ايه
رسيل بغيره: كفايه ضحك البنات كلها بتبص عليك
فهد بمكر: بتغيري يا رسيلي
رسيل ببلطجه: اه يا روح رسيلك بغير
فهد: انا اكتر حاجه بحبها فيكي هي روح آيات اللي جواكي دي
رسيل ابتسمت: يعني مش عيوني
فهد قرب منها اوي: بحب آيات وبعشق رسيل وبموت في عيونك
رسيل حطت ايديها على صدره
'' ايه يا فهد ايه يا بابا احنا في المطار يا عم انت''
فهد بضيق: انت مينفعش ابدا معاكي الرومانسية
رسيل بضحك: سبق وقولتلك الموضوع ده مش بيأكل عيش
فهد وقف قدام عربيه وفتحها وقال
'' يلا يا فالحه نكمل كلامنا في بيتنا ''
رسيل بشك: احنا عندنا بيت هنا قصدك البيت اللي كنا فيه في شهر العسل
فهد: لا احلى يلا بينا
رسيل ركبت وفهد ساق العربيه لمكان جبلي وقالت رسيل بغباء
'' هو انت واخدني المقطم ولا ايه ''
فهد ضحك: مقطم في فرنسا وجيه أزاي ده جوي ولا بحري
رسيل بسخريه: لا نهري يا خفيف بتتريق
فهد وقف وقال: اربطي الرباط ده على عيونك
رسيل بشك: ليه
فهد بسخريه: هرميكي من الجبل
رسيل: كنت حاسه
فهد: مفاجأه يا رسيل اربطي عيونك بقى
رسيل: حاضر
فهد وقف العربيه ومسك ايديها وخرجها ووقف وشال الرباط: ايه رايك

رسيل فتحت بوقها: احيه ده بجد ده بيت من الازاز بجد
فهد كان وراها ولف ايديه على وسطها وحط دقنه على كتفها
'' عجبك ''
رسيل: يجنن يا فهد
فهد: ده بيتنا تعالى نشوفه من جوا
رسيل وفهد دخلوا ورسيل عجبها المكان جدا
فهد: رسيل اقفى في نص الصاله
رسيل: ليه؟؟!
فهد: المفاجأة التانيه
رسيل وقفت وفهد داس على زرار فنزل على رسيل شوكولاتة 🍫 كتير جدا جدا
رسيل قعدت تضحك وصرخت بفرحه طفله
'' شوكولاته ''
فهد كآن بيبص عليها وهي بتنط بفرحه وحواليها شوكولاته كتير جدا
فهد: يا مجنونه انتي حامل
رسيل بصت على فهد وجريت عليه وحضنته جامد وعيونها دمعت
'' انا بحبك اوي يا فهد ''
(اخيرا يا اختي فقعتي مرارتي ومراراه اللي بيقروا )
فهد اندهش جدا أخيراً قالتها حضنها جامد ورفعها من الأرض وقال بعشق
'' وانا بعشقك يا رسيل بعشقك يا حوريتي ''
فهد شال رسيل ما بين ايديه
'' انا عايز اسلم على ابني مسلمتش عليه''
رسيل فهمت وقالت بصراخ
'' لا لا لا الشوكولاته هتسيح أكلها الأول ''
فهد مشي بيها وقال: متخافيش هشغل التكيف ومش هتسيح
فهد حط رسيل على السرير في اوضه معظمها ازاز

رسيل بتوتر شديد فهو من لم يقترب منها إلا مره واحده
'' فـ فـ فهد ''
فهد قرب منها جدا: نعم يا عيون فهد
رسيل قلبها دق جامد وبصت بعيد عن عيونه
'' هو انا يعني... ''
فهد بهمس: خايفه مني يا رسيل
رسيل هزت رأسها بلا
فهد حط ايده على خدها بحنان
'' مش انتي بتحبيني ''
رسيل هزت رأسها بايوه
فهد ابتسم وقرب منها جدا و......
(يلا يا هش من هنا صدقنا ما البت قالت بحبك)

Sabreen💜