عشق الوحوش والشياطين الفصل السابع 7 - بقلم Sabreen

الفصل 7
نبدأ بالصلاه على النبي 😇
سيف لف بالكرسي بعد حوالي ربع ساعه بص على شمس لقاها حاطه دماغها على التربيزه وجسمها كله بيتنفض
سيف قام وراحلها وحاول يفوقها:
انسه شمس ...... شمس ......انسه شمس مالك
شمس فتحت عنيها ورفعت رأسها وبصتله بعيون تايهه وحاسه بالضياع
سيف بقلق: انسه شمس انتي كويسه
وراح علشان يقفل الباب لأنه حس انها بردانه
شمس بصوت ضعيف: مم.. متقفلش... الباب
سيف بصلها باستغراب لأنها تقريبا فحاله الوعي واللاوعي ومع ذالك متمسكه انها متخالفش دينها وقال باستغراب: انتي بردانه جدا هقفل الباب من البرد
شمس قامت بضعف وهزت رأسها بلا وقالت: لا لا لا لا انا مش بردانه متقفلوش
سيف محبش يضغط عليها: ماشي اقعدي
شمس قعدت وغمضت عنيها بس لسه بردانه
سيف طلب قهوه ساده تاني ومسك الجاكيت بتاعه اللي كان لابسه فوق القميص وحطه عليها
شمس فتحت عنيها وشالت الجاكيت وقالت: شكرا مش عاوزه
سيف بحده: خليه انتي بردانه جدا لدرجه اني شفايفك ابتدأت تزرق
شمس بعند: العسكري لو جيه وشافني لابس الجاكيت هيقول ايه
سيف بصوت حاد: محدش يقدر يتكلم واللي هيتكلم هقطع لسانه
شمس بصتله باستغراب من عصبيته وسيف لعن نفسه على اللي قاله ده هو اصلا مش عارف طلع ازاي
شمس بهدوء:اتقوا شر الشبهات يا حضرت المقدم
سيف حطه عليها وراح للباب وطلع وقال:
هستني العسكري برا وهقفل الباب لحد ما توصل القهوه
ومستناش ردها وقفل الباب وقال في نفسه هو انا بعمل كده ليه
اما عند شمس حطت الجاكيت عليها وغمضت عنيها وابتسمت ورجعت رأسها لوراه وابتدات تفكر في حاجات حصلت في الماضي
___________________
في حفله حفله عيد ميلاد قبل 15 سنه
Happy bairth day to you
Happy bairth day to you
Happy bairth day to.............
Happy bairth day to you
هاااااااا
تلات بنات طفوا الشمع
الأم: كل سنه وانتم طيبين يا بنات
البنات بفرحه: وانتي طيبه يا ماما
الأب كل سنه وانتو طيبين يا حبايبي
البنات: وانت طيب يا ابوعلي
الابن الأوسط: تلات هدايا اهو ضيعتوا مصروفي يا كلاب يا اكشي يطمر فيكم
مليكه:ايه يا عم ده هو احنا هنشحت ولا ايه
بنوته من ضمن التلاته اسمها عشق
عشق بغيظ طفولي: ايه ابو علي ما تشوف ابنك ده
الأب: ولد احترم نفسك واخواتك البنات
الابن الأكبر: تملي يا بابا واقف معاهم وبص للبنات اللي بيبصوله باعين زي القطط
البنت التالته اسمها ملك
ملك: فين الهدايا يا ابيه

الابن الأكبر : بحب اهي الهدايا لاميراتي التلاته
ا

لبنات بفرحه: احلى ابيه
الابن الأوسط بغيظ: ماديين
البنات: ملكش فيه
___________________
شمس فاقت على فتح الباب فتحت عنيها وبصت على الباب لقيت سيف فتحه ومعاه الدواء وكوبايه عصير
سيف بصلها وابتسم عليها لأنها كانت غاطسه في الجاكيت بتاعه وهو كان كبير عليها جدا وهي كان حجمها صغير فيه
سيف قرب منها وساب الباب مفتوح وهي اتعدلت وكانت هتشيل الجاكيت بس هو قال: خليه الجو لسه برد
شمس بخجل هي نفسها استغربته: لأ شكرا خلاص
سيف بنبره غير قابله للنقاش: قولت خليه
شمس بخوف :خلاص ماشي
سيف حط قدامها العصير والدواء ولف علشان يجيب مايه
شمس غمضت عنيها وأخذت نفس عميق من الجاكيت كانت حاسه اني ريحه برفانه احلى من الأكسجين
(ليه يا اختي إدمان 🤨)
شمس حست انها بتعمل حاجه غلط فمدت ايدها واخدت برشامه ولقيت ايد ممدوده ليها بالمياه
شمس رفعت عنيها بصت في عنيه الرمادي حسيت اني العينين دي شفتها قبل كده بس فين هي مش فاكره اتكسفت لما لقيته بصله في عنيه بغموض وخدودها احمرت نزلت عنيها واخدت المايه وشربت الدواء وبعدها العصير
سيف قعد على الكرسي وراء المكتب وابتسم عليها وعلى خجلها اللي اول مره يشوفه لأنها من لما جات الكتيبة وهي بارده وهاديه
سيف شاور بعنيه على الكيس وقال:
الدواء في الكيس جبتلك بزياده علشان مايخلصش
شمس شالت الجاكيت من عليها واخدت الدواء وقامت وحطت الفلوس وجريت بسرعه جدا لبرا
سيف ضحك عليها: ههههههه مجنونه
..........................................
عند البنات
كانوا طلعوا على المبنى ووراهم يحيى وأحمد وعلاء ومريم ووصلوا للمبنى لقيوا شمس طالعه منه
أمل قربت منها: شمس انتي كويسه حصلك حاجه ردي
حبيبه مسكت ايديها لقيتها بارده: حاسه بايه انتي بخير
شمس بتهدأه :ايوه كويسه في ايه يا بنات
روان : انتي شربتي العصير بتاع يحيى
شمس باستغراب: بتاع يحيى؟؟؟ انا شربت علبه بس كانت مفتوحه ليه مالها
آيات بقلق: فيها ماده Est وانتي عندك السكر فاكيد عملك هلوسه
شمس في نفسها: اااه علشان كده مكنتش مظبوطه
يحيى بتوتر شديد: انسه شمس انتي كويسه حصلك حاجه انا اسف والله مكنتش اعرف انك هتشربيها
شمس بهدوء علشان متقلقهمش: انا كويسه والله واخدت الدواء وتمام دلوقتي بس عاوزه انام بس
مريم: متأكده انك كويسه
شمس بابتسامه هاديه: باحسن حال بس بجد عاوزه انام
البنات: ماشي يلا نمشي
ومشيوا ووصلو للسكن وطلعوا وغيروا هدومهم وناموا..........
بعد ساعتين كانت حوالي الساعه 9 بالليل
البنات كانوا نايمين بس سمعوا صوت أنين
حبيبه قامت وبصت حواليها بنعاس شافت جسم شمس بيتنفض جامد تحت البطانيه
حبيبه بصوت عالي: شمس
البنات كلهم صحيوا مخضوضين
آيات بقلق: في ايه
حبيبه قربت من شمس لقيت جسمها سخن جدا وبتتنفض بشده حاولت تفوقها بس شمس كانت في حاله اللاوعي
روان بقلق شديد: هنعمل ايه ده حرارتها مولعه
أمل بتفكير: لازم تاخد مصل مضاد للماده اللي دخلت جسمها دي
مريم بأمل: ودي هنجيبها منين من الصيدليه؟؟
آيات : لا لأني الحاجات اللي زي دي بتكون يا إما في المستشفيات أو.......
حبيبه بصتلهم وكملت: أو المعامل الطبيه
هما الكل ماعدا مريم بصوا لامل بصه هي فهمتها
أمل بصتلهم وهزت رأسها بمعنى ايوه
حبيبه بجديه : مريم هطلب منك طلب
مريم هزت دماغها: اطلبي
حبيبه : اعملي كمادات لشمس وخليكي جمبها واحنا هنجيب المصل ونيجي ماشي
مريم باستغراب: هتروحوا كلكم؟؟؟
أمل: ايوه ولو حصل حاجه وانتي معرفتيش تصرفي قولي لشاهندا في الاوضه اللي اول الطرقه وهي هتتصرف
مريم بصت لشمس بقلق وقالت: طيب هتجيبوا المصل ازاي
روان وهي بتجيب فلوس من شنطتها: احنا هنتصرف متشيليش هم
آيات : مريم شمس من الحمه هتهلوس اي كلام هتقولوا متاخديش عليه دي بتبقى هلاوس ماشي
مريم: ماشي بس انتوا هتروحوا كده؟؟!
حبيبه بعدم اهتمام: مش مهم كده ولا مش كده
وكلهم طلعوا من السكن وطلعوا يجرو من غير ما ياخدوا بالهم هما لابسين ايه
...................
روان وهي بتجري :هتلاقي معمل ازاي والمستشفى بعيد اوي من هنا
حبيبه وهي بتجري بسرعه: هنروح للقاده عند الكتيبه ونشوف أقرب معمل فين
البنات :ماشي
وجريوا بأقصى سرعه ليهم على مبنى الوحوش
..........................................
عند الشباب قبل ساعه
سيف نزل بعد ساعتين ودخل مكتب سليم لأنهم بعد ما يجوا من برا هيتجمعوا هنا
بعد 10 دقايق
دخلوا الشباب مكتب سليم
سليم باستغراب:ايه ده ياوحش انت احتليت مكتبي
سليم : عندك مانع
سليم بخوف: لأ طبعا براحتك يا كبير
فهد ومالك ضحكوا عليه: جبان
سليم بهمس: جبان جبان المهم اعيش
سيف بص لعدي وقال: شكلكم لسه جايين
عدي :ايوه ده احنا ملحقناش نغير هدومنا
الشباب كانوا لابسين كاجوال
______________
عدي
كان لابس قميص اسود على بنطلون جينز تلجي وعليهم جاكيت اسود وكوتش اسود

سليم وفهد كانوا لابسين زي بعض
بنطلون جينز ازرق وكوتش ابيض سليم سويت شيرت لونه خشبي وفهد لونه كحلي
مالك
كان لابس تيشرت رمادي فاتح وبنطلون جينز اسود عليهم جاكيت طويل اسود غامق وكوتش رمادي
________________
سيف : ها عملتوا ايه برا
بعد نصف ساعه من الدردشه سمعوا صوت الباب بيخبط
فهد باستغراب وهو بيبص في الساعه: الساعه بقيت داخله على 10 مين هيكون هنا دلوقتي
سليم : ادخل
وبص لفهد : تلاقيه عسكري
دخل عسكري وباين على وشه الخوف
سليم : في ايه يا عسكري
العسكري بخوف منهم: يا فندم في 4 بنات برا وبيقولوا عاوزين حد من القاده ضروري
مالك باستغراب: بنات؟؟ بنات مين هو في حد قاعد لحد دلوقتي
سيف بهدوء: دخلهم ونشوف
العسكري بتوتر: اصل يا فندم هما....
عدي بنفاذ صبر: هما ايه ما تنطق
العسكري بسرعه: اصلهم مش لابسين الزي العسكري يا فندم
عدي : دخلهم وخلص
العسكري بقلق: يا فندم دول لابسي....
مالك بعصبيه: دخلهم وكفايه رغي
العسكري خرج وقال للبنات يدخلوا
فهد باستغراب: هو قصدوا ايه مش لابسين الزي العسكري هما اول مره ييجوا وبعدين هو في حد من الطلاب لسه قاعد لحد دلوقتي
سليم بعدم اهتمام: يا عم تلاقي حد من الطل.....
فهد : يا نهار مش فايت
البنات دخلوا بس سيف ومالك وعدي كان ضهرهم للباب وفهد وسليم هما اللي شافوهم
مالك وسيف وعدي عدلوا نفسهم بس منهم اللي اتصدم ومنهم اللي استغرب جدا
مالك :انتوا... انتوا....
عدي بغضب: ايه اللي لابسينه ده
البنات كانوا لابسين
___________________
حبيبه
كانت لابسه بجامه شتويه باللون البنى والجملي وعليها رسمه بوبي كرتوني والطقيه فيها اذنين بوبي
روان
كانت لابسه بجامه شتويه باللون الأبيض والرصاصي وعليها رسمه قطةوالطقيه فيها اذنين قطه
آيات
كانت لابسه بجامه شتويه باللون الأصفر وعليها رسمه تويتي
أمل
كانت لابسه بجامه شتويه باللون الاوف وايت والنبيتي عليها رسمه أرنب والطقيه فيها اذنين أرنب
____________________
سيف قام وبصلهم وحس بقلق لاني ممكن شمس تكون حصلها حاجه وهما اضطر يطلعوا كده علشان يلحقوها
فهد بعصبيه: انتوا خارجين كده ليه فاكرين نفسكم في بيتكم ده انتم في الجيش
آيات بصت لفهد بغضب وكانت هتنفجر فيه بس سيف قاطعها وقال بهدوء بارد
'' ايه اللي جابكم في الوقت ده وبالبس ده ''
حبيبه بهدوء: لو سمحت يا فندم عاوزين نروح لمعمل طبي حالا
سيف باستغراب وبدأ القلق يزيد جواه: ليه؟؟
روان كملت: اختنا يا فندم اخدت حاجه غلط وهي مريضه ولازم مصل مضاد
سليم بغضب: ما الصيدليه موجوده
روان بنفس الغضب: الحاجات دي مش موجوده في الصيدليه
سليم كان هيرد بغضب أكبر بس وقفه سيف بصوته الحاد: اقعدوا كلكم
وبص للبنات: اشرحولي الموضوع بالظبط
الكل قعد والشباب بيبصوا للبنات بنظرات ناريه تكاد تحرقهم
والبنات مهتموش بيهم لأنهم قلقانين على شمس
حبيبه بشرح: اختنا مين فهي شمس اللي جات لحضرتك من حوالي 3 ساعات وكان عاوزه تجيب دواء السكر بتاعها بس هي قبل ما تروح كانت شربت عصير بس بالغلط شربت بتاع يحيى
فهد باستغراب: طيب ايه المشكله في العصير هي اتاخرت في الدواء يعني
آيات : العصير هو أساس المشكله لأنه كان فيه مهدي فيه ماده Est وده غلط علي شمس لأنها مريضه سكر ووجود الماده دي في جسمها سببتلها هلوسه
الشباب باستغراب: هلوسه
سيف في سره: علشان كده مكنتش مظبوطه
مالم :طيب الهلوسه هتاثر بايه هي دلوقتي في وقت راحه
أمل :للأسف مش هتبقى هلوسه هي هلوست فعلا وبصت على سيف وقالت
'' تقريبا هي قعدت ساعة عندك ايه اللي حصل''
سيف بشرح: تقريبا ماكنتش في وعيها طلبت قهوة وشربتها ورجع ليها شويه من وعيها بس مكنتش مظبوطه
حبيبه بتركيز: هي قالت ايه
سيف :مقالتش حاجه بس كانت بتتنفض من البرد ووشها بقى شاحب وشفايفها ازرقت وبعدها بحوالي تلت ساعه وصل الدواء واخدته واخدت بعدها عصير ومشيت
أمل بقلق :اتاخرت في الدواء كان المفروض تأخذه الساعه 6 ونص وهي اتاخرت
سيف بحذر: وده سببلها ايه؟؟
أمل بقلق شديد: حمه شديده ومع الهلوسه وتاخرها في الدواء يبقى .....
أمل قامت من مكانه وقالت وهي بتبص على البنات: عاوزه اروح معمل طبي لازم تاخد المصل حالا والا هتروح فيها
حبيبه قامت برعب على صديقتها: قدامنا وقت قد ايه
أمل بضياع: 5 ساعات بالكتير
البنات بصوا على بعض والحزن والقلق ملأ ملامحهم
الشباب بصوا لسيف بمعنى هنعمل ايه
سيف قام: تعالوا معايا في معمل قريب
الشباب بذهول: ده اللي......
سيف وهو بيخرج: ايوه هو
البنات خرجوا وراء سيف ووراهم الشباب وهما مضايقين إني البنات هيمشوا لحد هناك كده
...........................
عدي بضيق وهو بيبص لحبيبه بغيره: لازم تغيروا مينفعش تمشوا كده
حبيبه بهدوء بس من جواها حاجه فرحانه:مينفعش يا كابتن كده هنتاخر وكل وقت بيعدي هيكون من حياتها
سيف بهدوء: خلاص خلصنا امشوا علشان نلحق
فضلوا ماشين حوالي ساعه الا ربع
سيف في سره وهو ماشي: هو انا بعمل كده ليه وليه خايف عليها..... ممكن بكون بعمل كده علشان هي اخته
سيف بهمس وهو بيغمض عنيه: ايوه علشان هي اخته
ولف وشه شاف ملامح عدي اللي باين عليها الضيق بص وراه على الشباب لقى نفس الحال ابتسم عليهم بغموض بس لفت انتباه حاله البنات وقف وقال للبنات :
انتوا بردانين لازم تلبسوا حاجه
الشباب بصوا وراهم للبنات
لقيوا البنات حاطين أيديهم في جيوبهم وانوفهم حمراء وشفايفهم بيضاء من البرد
الشباب بصولهم بقلق وقالوا: انتم كويسين
أمل : احنا تمام ولو على البرد مش مهم احنا متعودين بس المهم نلحق نعطي شمس المصل بسرعه
البنات بقلق :هو احنا قربنا نوصل
الشباب بصوا لبعض باستغراب لحبهم لبعض لدرجه دي
سيف بهدوء: حطوا الطقيات علشان متبردوش
وبص على مالك وسليم وفهد وقال ارجعوا انتوا وراهم لاني الهواء بارد عليهم
الشباب بصوا على البنات اللي حطوا الطقيات على دماغهم وكان كل طقيه فيها اذنين حيوان فكان شكلهم طفولي جدا فابتسموا عليهم
بعد ربع ساعه كمان وصلوا ابتدأت أنوار تظهر البنات بصوا على بعض باستغراب
آيات باستفسار :معلش يا كابتن هو احنا رايحين على كتيبه تانيه
سيف بهدوء: ايوه لاني أقرب معمل في الكتيبه دي غير كده في المستشفى بس هي بعيده عن هنا
أمل :ماشي بس المهم يكون المواد موجوده
سليم بمرح: قولوا يارب
البنات بصوت واحد: يارب
وصلوا على حدود الكتيبه وكانت الساعه بقيت 11 الليل
وقفوا قدام الكتيبه وفي عسكري راح لسيف وأده التحيه العسكريه وقال باستغراب
'' تمام يا فندم ''
سيف بهدوء: افتح الباب
العسكري بص على لبس البنات باستغراب
عدي بحده: افتح الباب يا عسكري
العسكري برعب: حااااضر يا فندم
وجرى من قدامهم لأنه مهما كان دول أشهر فريق في القوات المسلحه كلها
العسكري فتح الباب وهما دخلوا
روان بتوتر: هو احنا هنمشي تاني كتير
سليم بهدوء لأنه افتكر انهم متوترين من العساكر: لا مش كتير هما كام دقيقه
كمل فهد : متخافوش من العساكر محدش هيرفع عينه
آيات بهدوء: لا احنا خايفين على الوقت اللي ابتدا يضيع اكتر
حبيبه بلامباله :العساكر مش مهمين عندنا احنا مش بنعمل حاجه غلط ولا حتى حرام
أمل بتكمله: وبالنسبه للبس فهو واسع اصلا ومش كاشف حاجه فنظره الناس.....
البنات بصوت واحد :مش مهمه طالما مش بنعمل حاجه تغضب ربنا
(طبعا دول العصابه 😅)
الشباب بصولهم بإعجاب من تفكيرهم بالنسبه ليهم تمسكهم بدينهم أهم حاجه وبعديه مفيش حاجه أهم
عدي وقف وقال بصوت حاد وعالي للعساكر اللي ابتدت تبص على البنات:
كله ينزل راسه في الأرض وكمل بصوت ارعبهم حالا
العساكر كلها نزلت رأسها خوفا من غضبهم والشباب كانوا بيبصوا على العساكر بنظرات تكاد تحرق حتى لا يفكر اي احد بالنظر حتى
بعد 10 دقايق وصلوا للمبنى الخاص بالكتيبه اللي هما فيها
سيف بهدوء: وصلنا المعمل هنا يلا
مالك للعسكري اللي واقف :يا عسكري فين المعمل الطبي اللي موجود هنا
العسكري استغرب منهم ومن شكل البنات وقال بخوف: في الدور الأول يا فندم
سيف بهدوء مخيف: خلال 5 دقايق عاوز اتنين يكونوا عارفين المواد اللي في المعمل حالا
العسكري برعب: ححححاضر يا فندم حاضر ومشى من قدامه بسرعه
حبيبه وهي بتبص على الساحه اللي برا: هم باقي الطلاب في الكتيبه دي؟؟
عدي بهدوء: ايوه هنا
البنات طلعوا صوابعهم من الجيوب وحاولوا يدفوهم بنفسهم
فهد بهدوء: تعالوا بعيد عن المدخل علشان البرد
البنات هزوا دماغهم ودخلوا لجوا
أمل :لو سمحت يا كابتن انا اللي هاعمل المصل مش حد تاني
مالك باستغراب: هتعرفي
امل هزت رأسها بايوه
مالك :بس انت....
قاطعه وصول العسكري مع شابين تقريبا في منتصف العشرينات
العسكري: تمام يا فندم
سيف للشابين: عاوزين نعمل مصل مضاد
احد الشباب باستغراب: مصل مضاد لايه يا فندم
أمل :ممكن نروح وانا هشرح
الشاب :تمام اتفضلوا
كلهم طلعوا لفوق المعمل كان في الدور الأول في آخر الطرقه
أمل بهدوء :انا هعمل المصل ممكن
الشاب١ :هو انتي دكتوره علوم
أمل بهدوء: لا طب بس هعرف اعمله
الشاب٢: قولي المواد واحنا هنعمله
أمل بنفاذ صبر: مواد........ و........... وحمض......
الشابين بذهول: انتي تعرفي تعملي الكلام ده
روان بعصبيه: اخلصوا هنفضل نرغي والبت تموت
سيف لامل : ادخلي انتي اعمليه وخدي واحدة من البنات تساعدك وبص على الشابين هتدخلوا معاهم علشان تعرفوهم على أماكن المواد دي
آيات راحت مع أمل والشابين دخلوا معاهم
فهد ومالك بصوا بغيره للشاببن
سيف بخبث: فهد ومالك ادخلوه معاهم
مالك وفهد دخلوه من غير كلام لأنهم ماكانوش عاوزين البنات يبقوا مع الشابين دول لوحدهم في مكان واحد
..........................................
داخل المعمل
أمل بهدوء: زي ما انا قولت عاوزه ماده...... وماده........ و.......
الشاب٢: انتي بتتكلمي بجد هتعرفي تعملي كده
أمل ببرود وثقه: ايوه ويلا لاني الوقت بيعدي
بعد 10 دقايق نور ابتدأت تحضر للتجربه
فهد ومالك واقفين بعيد وبيتابعوا اللي بيحصل
أمل باستغراب للشابين: انتوا هتفضلوا واقفين ليا كده
الشاب١: عندك مانع
امل بنرفزه: اااه موانع كتير اقعدوا بعيد علشان اعرف اركز
واحد من الشباب كان هيتكلم بس آيات قاطعته بصوت حاد وقالت:
اسمعوا الكلام وبلاش تعصبوها لأنها لو انفتحت مش هنعرف نوقفها
الشابين بعدوا بخوف وأمل ابتدأت في التجربه وكانت محترفه جدا كأنها شغاله في الحاجات دي من سنين
الشاب١ :متأكده انك طب يا انسه
أمل بعدم اهتمام وهي بتحط المواد :ايوه طب
الشاب٢ :ازاي طب وبالحرافيه دي ده انتي خساره انك مش علوم بجد
امل باقتضاب: ملكش فيه
الشاب أتحرج ومالك بيبصلهم بصات لو كانت تحرق لحرقتهم هما التلاته وفهد كاتم ضحكته على صاحبه بس سمع حاجه خلته يرفع راسه بسرعه
الشاب٢:وحضرتك يا انسه طب برضو
(قصده على آيات )
آيات ببرود: ايوه ومتسالش تاني
الشاب سكت خالص وفهد نوعا ما فرح بردها ده
أمل كانت هاتحط ماده مهمه بس قاطعها الشاب١ بسؤال وهو بيقول لنور:
هو حضرتك عندك كام سنه
أمل بصتله بشرار لاني اكتر حاجه بتكرها اني حد يقاطعها في شغلها ومالك كان هيقوم يكسر دماغ الشاب ده بس ايد فهد وقفته وكلام أمل اللي خلاه يفتح بوقه من الذهول
أمل بحده ولغه صعيديه
(لأنها لما تتعصب جدا بتتكلم صعيدي غصب) عنها وقالت:
اباي عليك راجل رغاي كيف الستات أكده ليه بكفياك بدل ما اكسر عليك المعمل ده كلاته
الشاب بصلها بخوف وهو شبه مش فاهم حاجه
آيات قامت ببرود وقالت: قولتلكم متتكلموش وتقاطعوها اديكم طلعتوا الصعيدي اللي جواها تستاهله بقى
وابتسمت باستمتاع لأنها عارفه امتى هتدخل في الحالات دي
الشاب٢: اهدي يا انسه هو بس سأل سؤال هو انتي اتحولتي كده ليه
أمل بتحاول تمسك اعصابها: اطلعوا برا
الشابين باستنكار: نعم
امل بعصبيه وطفح بيها الكيل ومسكت واحد فيهم وادتله بوكس جامد في وشه وقالت: واطرشيت كمان قولت برا
آيات مسكتها جامد لأنها عرفاها لما تتعصب وقالت :اهدي يا أمل هيطلعوا دلوقتي
الشاب٢: نطلع فين احنا مش هنخرج
مالك بصوت غير قابل للنقاش: اطلعوا برا حالا
فهد بصوت دب فيهم الخوف: برا
..........................................
خارج المعمل
بعد ما دخلوا المعمل
حبيبه قعدت بتعب على الكرسي وجمبها روان
روان بولوله: ااه ياني يا ما وعلى الجرالي يا صغيره على البهدله يا روان اااه يا زهره شبابي اللي ضاعت فى المرمطه يانا ياما منك لله يا عز
انت السبب اللي جابني هنا
سيف وعدي بيبصولها باستغراب وسليم بيكتم ضحكته بس حس بغيره من اللي اسمه عز
حبيبه ابتسمت لأنها عارفه اني روان بتحاول تخفف الأجواء بمرحها وقالت:
في حد يشتم على عمه يا بنت انتي وبعدين كفايه ولوله وصداع
روان بولوله ونسيت اللي بيبصولها باستغراب: ما انتي لوح تلج هتحسي بالبرد ده يا اختي ولا كان بقالنا ساعه ونص ماشين في الجو المتلج ده ها
حبيبه ببرود: اخرسي
روان كتمت صوتها بغيظ وسليم ضحك بصوت عالي عليها روان بصتله لغيظ طفولي مع البجامه اللي لابساها بقى شكلها طفله في حجم شابه أو لا فهي قصيره برضو
وقالت بغضب طفولي: اضحك اضحك وقالت بولوه فينك يا درش يا اخويا تيجي تحتويني
حبيبه بسخريه: لا في دي عندك حق بس هو مش هيحتويكي لأ ده هيولول جمبك
روان بغيظ: يا رب ربع برودك ده
حبيبه : عندك يا اختي ربع ونص كمان
روان بتذمر: بتفوقي الكل انتي وشمس
حبيبه قامت وشدت روان وقالت:
معلش بس هو فين الحمام؟؟
عدي : في الدور اللي تحت آخر الطرقه
حبيبه : ماشي
وشدت وراها روان
روان : انتي يا به هتقتليني ولا ايه والله ما عملت حاجه........
وكملت ولوله تاني لحد ما وصلوا مكان مافيهوش حد بس مش الحمام
روان بتذمر: جايبانا هنا ليه ي بت ها
حبيبه حضنتها وقالت بحزن: هتبقى كويسه
روان حضنتها جامد وقالت بوجع: بجد هتبقى كويسه
(حبيبه برغم انها بارده مع الكل بس في فقلبها حنيه كبيره مش بتظهر كتير)
حبيبه بعدتها وقالت بمرح لا يظهر إلا لقليل: انتي مش واثقه في شمس ولا ايه هتقوم زي كل مره
روان بسخريه: شمس برضو زي كل مره ولا انتي الا كل شهرين في المستشفى بسببك
حبيبه بغيظ: الله وانا مالي بتيجي غصب عني
روان بمرح: بت هو احنا ليه مش بنعيط
حبيبه بمرح :علشان دموعنا خلصت
روان بصدمه مصطنعه: لا دي بتطلعلي لسانها لا خلاص مش لاعب
..........................................
فوق قدام المعمل
سليم بضحك: دول مجانين
سيف بابتسامه: على فكره كانوا بيحاولوا يخففه عن بعض بالهزار
عدي : فعلا لاحظت كده وأعتقد انهم مرحوش الحمام اعتقد انهم بيظهره حزنهم بس مش قدام حد
سليم باستغراب: صداقه غريبه والله
سمعوا صوت بيتكلم بسخريه: ايه ده الوحوش هنا من غير خبر ليه
اتكلم سيف ببرود :ازيك يا حمزه
حمزه ببرود مماثل: كويس يا وحش بس ايه سر الزياره دي؟؟
سليم وعدي بصوا على سيف لأنهم مش من المنطقي اللي عملوه ده هما عملوا كده علشان سبب هما مش عارفينه ولا عارفين سيف عمل كده ليه
سمعوا صوت فاق الجليد من وراهم بيقول: اشرحلك انا يا حضرت المقدم
بصوا للي بيتكلم وماكان الا حبيبه اللي بتبص لحمزه ببرود جليدي
حبيبه بنبره بارده: اختنا اخدت ماده غلط علي جسمها ومحتاجين مصل مضاد وكان لازم بتعمل في معمل ومفيش غير هنا على حسب ما قالوا حضرات الظباط
حمزه وهو بيبص لسيف :
وليه متصلتوش كنا عملناه ولما جيتوا اخدتوه على طول
عدي وسليم بصوا لحمزه بذهول من رده فعله ده اما سيف بصله برفعه حاجب
روان ببرود مماثل لحبيبه :محبناش نتعب حضرتك يا حمزه بيه وأعتقد اني وجودنا مش هيعمل مشاكل ولا ايه!؟
حمزه وعلى عكس رده الفعل اللي اتوقعها كلهم قعد وقال بهدوء غريب: اكيد اتفضلوا
سليم همس لعدي بخفوت وقال: اللي بيحصل ده المفروض يتسجل والله
عدي بنفس الهمس: لأول مره بقولها معاك حق يا سليم
حبيبه وروان قعدوا مكانهم بهدوء وسليم استغرب من برود روان دي لسه كانت بتهزر من شويه
وسيف بيحاول يقرأ اللي جوا حمزه لأنه استغرب ده جدا مش من شخصيه حمزه دي خالص كان متوقع سخريه وحاجات تاني غير البرود
وقاطع تفكيرهم خروج الشابين وواحد منهم حاطت ايده على عينه
حبيبه بسخريه : عملوها
روان بنفس السخريه: اكيد
سليم باستغراب: فيه ايه؟؟!!
الشاب٢ :ولا حاجه يا فندم هنمشي احنا علشان تكمل هي التجربه عن اذنكم
وفروا هاربين والكل لاحظ اللكمه اللي في وشه بس مش عارفين هي من مين
عدي بهمس لسيف : تفتكر مين مالك ولا فهد
سيف بهدوء :ممكن يكون البنات
عدي : لا والله
..........................................
(السلام عليكم ورحمة الله وبركاته)

Sabreen 😇