عشق الوحوش والشياطين الفصل السابع عشر 17 - بقلم Sabreen

جمعه مباركه عليكم فوووووت بقى والفوت هو النجمه اجدعان ده انا بنزل حتى كل يوم شوفتوا كاتبه تنزل كل يوم محصلش يا اللي بتقول ايوه
الفصل 19
نبدأ بالصلاه على النبي ☺️
شمس: انت بتعمل ايه
الكل بص وراه لقيوا شاب واقف عند طاوله شمس وتقريبا رايح يقعد
الشاب باستغراب: هقعد؟؟
شمس بسخريه: بالسهوله دي وكملت ببرود: اتفضل روح على طاوله تاني
الشاب باستغراب شديد: نعم
حبيبه من وراء شمس ببرود: بتقولك اتفضل على طاوله تاني السمع بعافيه ولا ايه
الشاب لسه هيتعصب بس اسامه جيه بسرعه
أسامه بخوف: سامح بس اسكت معلش يا انسه شمس هو ميعرفش انتوا مين
شمس: محصلش حاجه بس قوله يروح على طاوله تاني
سامح بعصبيه: لا انا هقعد هنا والبنتين دول مش هيمنعوني
شمس بفحيح مرعب: كلمه كمان وهتبقى في المستشفي الترابيزات كتير اتفضل على واحده غير دي
اسامه برعب: سامح امشي قدامي
سامح مشي برعب واسامه قال بخوف: انا اسف بالنيابه عنه هو ميعرفش مين العصابه لأنه من جامعه عين شمس
حبيبه ببرود شديد: حصل خير امشي يا اسامه
اسامه بخوف: حححاضر
حبيبه ببرود: مش هتبطلي برود بقى
شمس ببرود أشد: لما تبطلي انتي ابقى افكر انا
مصطفى بغيظ: اقسم بالله انتوا الاتنين ابرد من بعض منكم لله انتوا الخمسه جبتولي الضغط في عز شبابي 3 مفاجيع و2 باردين وانتوا 5 مجانين
شمس بذهول لاني الاسبيكر كان مفتوح وصوت مصطفى كان عالي: هو انت لسه على الخط
حبيبه : ايه يا درش كفايه تقطيم وبعدين انت من امتا هنا
درش: من زمان يا اختي وبعدين هو انتوا هتيجوا امتى
شمس وهي بترجع للكتابه: هنرجع بكره
مصطفى بشهقه: هااااااااااااااا
حبيبه بضحك:ده غرق ده ولا ايه
مصطفى بعدم تصديق: بجد بكره
شمس : اااه ومتقولش لحد اننا جايين
مصطفى بحماس: تمام يا اسطااااا
آسر الصغير: مصطفى انت شهقت زي النسوان كده ليه
حبيبه بصدمه: ده..... ده....
شمس بضحك: اااه اللي في بالك هو آسر أو اللي كان آسر دلوقتي سرسجي
مصطفى: ولا يا آسر تعالى كلمه البت حبيبه
آسر الصغير: حبيبه عامله ايه وحشتيني اوي
حبيبه : انت يلا انت انت عملت في اخويا ايه
مصطفى: خليتو بريمو
حبيبه : بريمو ايه ده بيقول بتشهق زي النسوان وده كله في 3 شهور اومال لو كانوا اكتر هيبقى ايه
مصطفى: كبرى دماغك كبرى دماغك
أسر الصغير: مصطفى انا هاروح العب اتاري ماشي يا برنس
مصطفى: ماشي يا ضنايا روح
شمس:ضنايا الله يخربيتك بوظت الواد
حبيبه: تعب 5 سنين راح روح منك لله يا مصطفى كان يوم اسود يوم ما قولتلك خلي بالك منه ده انا هعمل وشك خريطه يا حيوان
مصطفى: شوفي بقى مين اللي بيقول ألفاظ وحشه وتشتمي على تربيتي انا تربيتكم يا اختي
شمس : تربيه سوده والله انت تربيه سوده
حبيبه : وانا اللي كنت مش بدخل الكلاب التانين في تربيه آسر ال 5 سنين دول لأحسن يبوظوه اتاري انت عملتها
شمس: فعلا متخفش من المجانين وخاف من تربيتهم
مصطفى بضحك: وانا تربيتكم
حبيبه : طب يا خفيف جهز نفسك لماتش ملاكمه علي اللي حصل
مصطفى بخوف: وانا مالي يا لمبي هو انا عملت حاجه
شمس ضحكت
مصطفى باستعطاف: شمس هدافعي عني صح
شمس : No انا بدافع عن الأطفال بس اما انت شحط
مصطفى بتذمر: ما انا لسه عندي 17 سنه
شمس: ايه 17 قاصر على الجواز
حبيبه: اوبا
فهد وسليم حطوا ايدهم على بوقهم علشان يكتموا الضحكه اما مالك وعدي وسيف ابتسموا
مالك: اختك دي
أدهم بضحك: تقريبا
مصطفى بولوله: اااه ياما مفيش حد هنا ينجدني من الباردين دول
روان بمرح: 17 وقاصر يبقى الواد درش
آيات : ايه يادرش ايه الاخبار عملت ايه في الامتحانات
درش:رفعت راسكم طبعا ده انا تربيه العصابه
شمس: تربيه واطيه يلا تعالوا اكتبوا معايا بدال ما انتوا بتطفحوا كده
حبيبه وروان : ما انا بكتب اهو
شمس:ما انا على الحمارتين دول
آيات : انا واحده مصابه السلام عليكم
أمل مسكتها من قفاها وقالت بمرح: وربنا ما يحصل يا صلاح
آيات: سبني يا عوضين سبني انا منفعش في البلد دي
روان : احنا خساره فيها والله
حبيبه : قصدكم خساره عليها
شمس قامت: شكلكم عاوزين تتضربوا وانا اصلا عاوز اضرب حد
آيات وأمل قعدوا بسرعه: مين الحمار اللي قال كده يا كبير احنا هنقعد هنقعد
مصطفى بضحك: ناس مش بيتجي غير بالعين الحمرا
شمس: قصدك الزرقاء
حبيبه : الا صحيح يا مصطفى انت مقولتش هتدخل ايه
مصطفى:بصوا انا مش عاوز ابقى دكتور علشان متمرمطش زيكم..... ولا ظابط علشان هتمرمط برضو..... وهندسه لا لاني الواد عمر كرهني فيها..... ونسيب التدريس لاني ابو علي بيصعب عليا شكله وهو وسط التلاميذ في الدروس......وفنون لا لاني مش بعرف ارسم...... ومش عاوز اداره أعمال لاني مشاكل البزنس دي بتصدعني
روان : بااااااس ايه بلاعه واتفتحت
أمل : الله يخدك ولا كليه عدله معاك الله يخربيت ده سؤال
آيات : بقولك ايه انت لسه اصلا في سنه تانيه
شمس : لما تخلص تالته نبقى نعمل قعده ونشوف
مصطفى: الله مش بشارك أفكاري معاكم
آيات : بس ياض انا اصلا مستنيا بكره علشان اجي واعملك كفته بس اصبر بس
مصطفى: عيني عليا وعلى حظي اااه يا ربي هتفرم من الجبابرة دول اااه يا بختك يا مصطفى يا قليل الفرح يا مصطفى يا اللي.....
قاطعه امال ام حبيبه
'' ولا يا مصطفى تعالى ''
حبيبه: انت بتعمل ايه عندنا يلا؟؟؟
مصطفى: اصلي الحج عندكم بيتكلم مع ابوكي معرفش علشان ايه وانا قاعد في البلكونه أصلها تياوه
شمس : تياوه
حبيبه: شكلك فكيت اللدغه من آسر وربطها فيك
روان: ايه ده هو فكها من آسر
شمس: ايوه يا اختي وخلاه منحرف
روان وآيات وأمل: تربيتي ياض
مصطفى بدلع وبصوت انثوي: تربيه زباله يا اختشي
البنات: هههههههه
حبيبه: انا كل يوم يكتشف اني احنا معرفناش نربي
مصطفى: حصل وانا اشهد..... لحظه بس كده
الله بقولكم ايه اقفلوا
شمس بشك: ولا في ايه ياض
مصطفى بحماس: حبيبتي يا اموله عامله ملوخيه وفلاوله 🍓
آيات : فلاوله
مصطفى: لا ومش ايه فلاوله لا دي فلاوله باللبن
شمس وأمل رفعوا نظرهم لسيف ومالك في نفس الوقت اللي هما كمان رفعوه فيه البنات وبصوا في الأرض اما سيف ومالك ابتسموا على خجلهم ووشهم الأحمر
روان : ايه ده ازاي تيجي ملوخيه وفراوله باللبن
مصطفى: احنا هنعترض على النعمه سلام
البنات بدأو يخلصوا الورق بس بعد 5 دقائق رموه على الطاوله بزهق
شمس: ايه زهقتوا
أمل : اووووووي ايه يا ربي الزهق ده الواحد بقاله 3 شهور معملش حاجه
روان بتذمر: فين ايام لما كنا بنعمل كل يوم مصيبه
آيات بتكمله: ولو معملناش في يوم يفتكرونا تعبانين ولا حاجه
حبيبه: معاهم حق والله
شمس: يعني نعمل ايه
البنات بحماس: نعمل مصيبه
شمس: لا مصيبه لا ناسين كام تحذير قبل ما نيجي هنا جلال قال بلاش مصايب ويوسف قال قللوا الكوارث وعز قال حاولوا متعملوش مشاكل وده في كفه وزين باللي قالوا بكفه
البنات بتذمر: إياكم تعملوا مصيبه انتوا في الجيش مش في مكان تاني يعني الموضوع بحساب
أمل: عرفنا خلاص عرفنا بس زهقنا ده زين كل ما يتصل يقولنا نفس الكلام وربنا احنا ما اطفال
شمس: احنا لينا كام مصيبه على مستوى محافظات مصر
امل : واحده في اسكندريه
آيات : وواحده في المنيا
روان: وواحده في البحيرة
حبيبه : وواحده في شرم الشيخ
شمس بضحك: ومليون في القاهره
آيات: بسم الله مشاء الله علينا معروفين في كل مكان
شمس قامت واخدت الورق وقالت: هاروح ابعته لأحمد..... ومشيت خطوتين ورجعت تاني وقالت بتحذير: إياكم تعملوا مصيبه ماشي
أمل بتذمر: حاضر يا شمس مش هنعمل
شمس بشك:مش مطمنه
امل وروان وآيات بابتسامه واسعه: لا اطمني
شمس مشيت والبنات بصوا لبعض ولسه هيقوموا
حبيبه وهي باصه في التليفون: على فين
روان قعدت بتذمر: ولا حته اوووف
أمل : هتتصلي بمين
حبيبه: بالسكر الواد ياسين بيقول انه زعلان
آيات: مين الجذمه ده اللي زعل السكر بتاعنا ده شمس لو عرفت هبعته للي خالقه
حبيبه : معرفش ادينا هنعرف
روان : طب افتحي الاسبيكر طيب
حسن: السلام عليكم
روان : ابو علي وحشتنا يا غالي
حسن: يا جزم وحشتوني مش بتتصلوا من يومين
أدهم ركز في الصوت ده صوت ابوه قد ايه اشتاق له كثيرا سيف ضغط على ايد أدهم بدعم وادهم بصله بحب اخوي ده الشخص اللي كان واقف معاه دايما في كل حاجه وقال: ابويا يا سيف ده صوته
والوحوش بصوا لادهم وقالوا: طب اسمعه طيب
حبيبه: حقك علينا يا ابو علي أصله كنا في تدريب عملي وامتحانات
حسن بحب ابوي: ربنا معاكم دايما يا بنات قلولي عاملين ايه حد بيضايقكم ولا استنوا استنوا هو في حد يقدر يضايق العصابه
أمل : هههههههه محدش يستجرا يا ابو على
حسن: امممم طب عملتوا كام مصيبه
آيات: وغلاوة عنيك اللي بتنور دي ولا واحده يا ابو علي

حسن بضحك: بتنور
حبيبه: اومال حد يطول تبقى عنيه أخضر بتنور مش اأبيض واسود زي كده
حسن: ابيض واسود ايه
حبيبه: طبعا ده انا الوحيده في العصابه اللي ابيض واسود والباقي ملون بنتك عنيها زرقاء واديك شايف شعرها الأحمر ده وروان ومصطفى عيونهم زيتوني والبنت آيات عيونها عسلي والبت أمل عنيها مختلطه وشعرهم ألوان برضو ده حتى ياسين عنيه ملونه وانا اللي ابيض واسود
البنات بضحك: يا ضنايا يا بنتي
شمس من وراها بالتركيه:
إذا كنتي بالأبيض والأسود فأنتي تحملين قلبا ابيض
حبيبه: حقا
روان: إذا كانت لوح الثلج هذه تحمل قلبا ابيض فماذا نحمل نحن
آيات وأمل بضحك: قلبا وردي
الوحوش كانوا بيبصولهم باستغراب هما اااه فاهمين بيقولوا ايه بس مكانوش يعرفوا انهم بيتكلموا تركي
حسن: يا بنات لاحظوا انكم بتتكلموا بالتركي هو انا اه فاهم بس انتوا بتتكلموا بيها دلوقتي ليه
آيات بغباء: تصدق معاك حق انتي ليه يا شمس اتكلمتي بالتركي
مكه: طلعت كده المهم عامل ايه سكري
حسن: كويس يا قلب سكرك
حبيبه : بس تصدق كورسات اللغات دي كانت مفيده
حسن: طبعا ده انتوا كنتي كل سنه تدرسوا لغه أو اتنين لحد ما بقيتوا بتتكلموا 10 لغات تقريبا
الشباب اتذهلوا بس بعدها ابتسموا بفخرلاني كل يوم بيثبتوا ليهم البنات انهم مش زي اي حد فعلا
أمل بتذمر: يعني يا ابو علي نتعلم حاجه جديده ولا نعمل مشاكل ومصايب
روان : هو لا ده عاجب ولا ده عاجب
حسن بضحك: يا بنات نفسي تعقلوا بقى
شمس بسخريه: مين دول اللي يعقلوا دول من اسبوع كانوا مشغلين اغاني الساعه 2 بالليل
حبيبه: والله يا ابو علي قمت مخضوضة من النوم
آيات بتذمر: الله يا شمس ما احنا كنا مكتأبين طيب
شمس : طب المكتئب بيقطع شريانه يرمي نفسه من السطح أو قدام قطر
حبيبه : شوفتوا في حياتكم مكتئب بيشغل مهرجانات الساعه 2 بالليل
حسن: ههههههههه
أمل: يعني نشغل مثلا شعبان عبد الرحيم
روان: 🎶ويا دنيا طفيتي شمعي🎶
آيات: 🎶يا ناس كترتو دمعي🎶
أمل: 🎶والعمر راح هدر🎶
روان : كتمت ال...... ااااااااه
شمس رمت عليها ازازه مايه عليها وقالت بغيظ '' كفايه الله يخدكم ''
حبيبه: ده كله وانتوا خاتمين القرآن اومال لو مش عاملين كده كان زمانكم ايه
حسن: هههههههههههه
آيات : اضحك يا ابو علي اضحك
أمل : الا قولي يا ابو علي هو ايه اخبار السكر
حسن باستغراب: انا معنديش السكر يا أمل
حبيبه بضحك: هههههه هما مش قصدهم مرض السكر يا ابو علي
حسن: اومال ايه
روان : ايه يا ابو علي متخليك لماح زي عيالك
شمس بضحك: قصدهم في واحده جديده في حياتك يا بابا
حسن بضيق: يا بنات انا عمري ما هبص لواحده بعد حياه وبعدين انا كبرت والله على الحاجات دي
حبيبه : مين بس ده اللي كبر ده انت وشك مفيهوش تجاعيد خالص
حسن: طب والشعر الأبيض
شمس: ايه يا ابو علي دول ما كانوش 4، 5، 6 شعريات بيض
حسن: 6 شعريات بيض ايه ده انا عندي 54 سنه وانتوا عاوزيني اتجوز
أمل : الله مالك مكتئب كده ليه ده انت لسه بتتعاكس لحد دلوقتي وأولهم احنا
آيات: يعني مش فاكر يا ابو علي لما كنا بنجيب هدوم جديده من المول السنه اللي فاتت وأنت كنت معانا ده البنت كان ناقصها بس تقولك رقمك كام
شمس: ولا الحيوانه التانيه بتقولك انا اسمي سمر يا عمري وانت
حسن بضحك: ده اساس انكم سبتوا فيهم حته سليمه
روان : الله يعني عاوزين يشقوطك من وسطنا ونسكت
حبيبه : يكنوش كانوا فاكرنا 5 شكاير بطاطا واقفين معاك
حسن: ده انتوا كسرتوهم ده لولا اني عمر وياسين بعدهم عنكم كنتم عملتوا ايه
شمس بتذمر: ايه يا ابو علي متأفورش ده مكانش كام كسر وجرح يعني
حسن بغيظ:الكام كسر دول كانوا دراعاتهم غير شعرهم اللي قطعتوا ليهم ده والكدمات ده انتوا فتحتوا دماغهم
أمل : الله مش قولت ليك يا ابو علي اخيطهم انا والبت آيات وانت قولت لا
حسن بسخريه: كنتوا هتخيطوهم من غير بنج يا بنت شريف
آيات : الله ما شمس مكانش معاها في الشنطه غير خيط وابره بس
حسن: يعني مفيش فايده
روان: سيبك بس من الموضوع ده وقولي بما انك فهمت يعني ايه سكر مفيش سكر لينا
اترون الجحيم هو الآن في عيون الشباب والغيره بدأت تتدفق إلى قلوبهم من هذا الذي يجرأ أن يقترب من شئ يخص الوحوش
حسن بضحك: ده بجد هو انتوا مش عارفين انتوا بتعملوا فيه العرسان اللي بيتقدموا ليكم يا بنات ولا انتي ناسين آخر واحد يا آيات
تحولت عيون فهد للاحمر من الغضب وضغط على يده بشده لكن كلام آيات هداه قليلا
آيات بتذمر: يعني يرضيك يا ابو علي واحد زي ده جاي يتكلم في الفلوس وبس يكونش عاوز يشتريني وانا مش عارفه وبعدين هو انا عملت ايه ده انا يدوب كنت هرميه من الشباك
حبيبه : ده انتوا تحمدوا ربنا انها مرفعتش عليه السكينه زي روان
حسن بغيظ: ده أهل الواد كانوا هيعملوا محضر فيكي
آيات : ده على اساس انه ابنهم حصله حاجه ما انا مخلتوش يقع ده بس مجرد قرصه ودن
حسن بفقدان امل: قرصه ودن اااه يا ربي اعمل فيكم ايه
روان : تخبي علينا يا ابو علي زي ما احنا بنخبي عن بنتك الحلويات اللي بتاكلها
شمس: حلويات ايه
حسن: الله يخرب بيوتكم
شمس بشك: يكونش قصدكم على الحلويات اللي بعملها كل أسبوع وتاني يوم مش بلاقيها في التلاجه
الكل سكت وقالت شمس
'' لا شكل في حاجات مريبه هنا نبدأ بالكيكه مين بياكل الكيكه ''
البنات شاوروا على حبيبه
حبيبه بغيظ: واطين يعني مفيش كلام
شمس برفعه حاجب: الاعتراف بالحق فضيله ها
حبيبه بتذمر: ايه يا شمس ما انتي عارفه اني ياسين اخوكي بيحب الكيك اوي
شمس : اااه عارفه زي ما انا عارفه برضو انك بتعشقي الكيك
حبيبه بتذمر طفولي: انا باكل النص ووهو النص التاني
شمس : طب البان كيك مين بياكله
أمل : احم احم انتي عارفه اني من عشاق المعجنات فأنا اللي باكلها بس مش لوحدي وعمر برضو
شمس: والايس كريم
روان : طعمه حلو بصراحه وانتي بتعمليه حلو
شمس: ودونتس الشوكولاته
آيات : من اسمها شوكولاتة اكيد انا
شمس: طب والحلويات اللي بالعسل مين بقى
البنات سكتوا وبعدها شاوروا على التليفون وقالوا بصوت واحد: ابوكي
حسن: يا جذم
شمس : كده يا ابو علي
حسن بتذمر : ما انتي يا شمس بتعملي بسبوسه وكنافه وجلاش و......و...... و....... وانتي عارفه اني بحبوهم كلهم وبعدين انا مش باكلهم لوحدي مصطفى برضو بيحبهم والبنات بياكلوا منه برضو
امل : صح انا اشهد لاني اقفشته قبل كده بياكل في المطبخ وانتي كنتي نايمه
شمس : وانتي عملتي إيه
روان : دي سحبت كرسي وقعدت تاكل جمبه لاني كنت معاها
شمس : يعني انا بعمل ومش باكل منهم ويخلصوا في يوم وبعدين انا كنت عارفه
الكل بصدمه: كنتي عارفه
شمس بغيظ: اومال اصلي انا مش نايمه على وداني وعارفه انكم بتاكلوهم اومال بعمل ليه كل أسبوع بس مكنتش عارفه ازاي انتوا بتلحقوا تخلصوه في يوم واحد بس كنت بخلي نصيب أيهم على جمب علشان كنتوا هتفترسوا
حسن: انا شوفت أيهم النهارده ده عسل خالص
حبيبه: وصلت لايهم حلو
َشمس : انت..... قاطعا صوت شاب من عند حسن بينادي: استاذ حسن يلا علشان الساعه قربت على 4
حسن: حاضر يا كريم جاي
شمس: هو انت قاعد فين بالظبط
حسن: في البلكونة بشرب شاي
حبيبه : يا لهوي على المزاج مش لو الواحد عندك دلوقتي كان زمانه بيسقسق بقصومات في الشاي باللبن
البنات: اااااه
حسن بضحك: تعالوا انتوا وانا أعملكم الشاي باللبن ها عاوزين حاجه تانيه
آيات: ااه بالله عليك يا ابو علي تخلي العيديات بتاعتنا على جنب وتقول للواد عمر وياسين وخالد يجيبوا عدياتنا برضو لأننا هناخدها هناخدها
حسن بضحك: ماشي حاجه تانيه
روان : ايوه بما اني اكيد كحك العيد خلص فتقول لعم سمعه يعمل لينا كحك جديد وتخبيه من الواد درش لأحسن لو عرف هينسفوا وقولوا النهارده قبل بكره
حسن: هو في كحك لحد دلوقتي
حبيبه : الله هو احنا اي حد ولا ايه وبعدين مش كفايه ناس تعيد وتاكل كحك وناس تتمرمط هنا
فهد وسليم بصوت منخفض: اااه والله ناس تعيد وناس تروح للموت
مالك : بصراحه اتفق معاهم
حسن: ماشي سلام بقى
البنات: سلام يا سكرنا
أمل بتنهيده: انا هسافر الصعيد
روان : تصحيح نسافر الصعيد
أمل : نعم
حبيبه : أصله مش هنفوت ابدا اللحظه دي وده اولا
آيات : ثانيا بقى احنا مع بعض في كل حاجه
شمس بخبث: ثالثا وده الأهم العصابه هتكمل وهنروح كلنا
البنات بحماس: طب قولي والله هيجوا
حبيبه بضحك: وحشوني قوي القرود دول
شمس : ده على اساس اني احنا مش كلمناهم امبارح
أمل بخبث: دي هتولع وعلى رأي عمر يكمل الجنان بتكمله العصابه
روان : هنسافر امتا
أمل بغموض: بعد 5 ايام لاني فرح اخته بعد اسبوع
شمس : على بركه الله ويشهد الصعيد على وجود العصابه فيه دي هتولع
حبيبه: اااه والله ده لو نور كانت هتروح لوحدها كانت هتولع في البلد كلها فما بالكم لما نروح احنا التمانية
روان : ده الدم هيبقى للركب وهنعمل مصايب تاني مع بعض يا جدعان
أمل : مش كانوا يدخلوا طب معانا ولا هو زين فالح يلبسنا احنا في طب
شمس : والله اللي يسمع كلام زين هيدخل في حيطه سد
روان بسخريه:دخلناها يا اختي خلاص من زمان روح يا زين إلهي البت بتك تتخطف
حبيبه لشمس: هتقوليلهم
شمس بغموض: اكيد
روان: طب اقوم انا بقى للمطبخ علشان اكل
روان وآيات : خديني معاكي
شمس بصدمه: ده على اساس اني اللي اكلتوه ده ايه
أمل : انا هاروح وانتوا هاتوهم
حبيبه : ايه يا ماما عندنا امتحان
آيات : ما احنا عارفين علشان كدة لازم نتغذي كويس مش العقل السليم في الجسم السليم
حبيبه : لا هما كانوا بيضحكوا علينا في المدرسه زمان
أمل جات وبتقول: يلا يا بنات ده في اسباجيتي جوا
روان: لا اسباجيتي انا داخله
شمس : هامك على بطنك دايما
البنات راحوا كلهم
أدهم بذهول: هما هيدخلوا المطبخ
فهد بضحك: متعودين تتوقع منهم اي حاجه دول مره عملوا كشري
أدهم: اممممم
الشباب كانوا بيفكروا في البنات وحكاية الصعيد دي هما عارفين انهم مجانين بس مش عارفين هيعملوا ايه هناك بالظبط
..........................................
في الاسكندريه
كان فيه طفله عمرها 4 سنين شعرها بني وعيونها رمادي قاعده قدام البحر وبتبص ليه بكل حزن وبتفكر من حياتها البائسه وفي توامها اللي هي مش عارفه فين لحد دلوقتي وبتسال نفسها هي ليه عايشه لحد دلوقتي عايشه علشان الست اللي إسمها امها تعذب فيهآ وبس لو مكانش جدها موجود يهون عليها شويه كانت رمت نفسها من البحر ده بس دايما فيه سؤال مش عارفه إجابته يا ترى فين ابوها من ده كله ليه سابها لأمها تعمل فيها كده ده حتي عمره ما سأل عليها كل اللي تعرفه هو اسمه اما شكله أو صوته فلا فاقت عليه صوت الشخص الوحيد اللي هي عايشه علشانه
"آسيا انتي كنتي فين انا بدور عليكي من بدري"
آسيا بصتله شويه ورجعت تبص للبحر تاني فاتكلم الشخص ده بكل حزن
"برضو مش عايزه تتكلمي"
آسيا هزت رأسها بلا
الشخص بهمس: اعمل ايه بس علشان ترجعي لطبيعتك من تاني مفيش حل غير اني ارجعك لابوكي لاني امك خلاص خسرتك من زمان
..........................................
الساعه 8 بالليل كل واحد من الشباب دخل مكتبه ولقي حاجه
عند سيف
سيف دخل ولقي حاجه على المكتب وورقه مسك الورقه وقراها
.......................
بص يا سيف باشا دلوقتي انت طلبت مني ملوخيه يوم ما عطيتني الدبدوب وانا عملتهالك واحده بواحده وانت اتعديت الحدود للمره التانيه برغم اني ده مينفعش لاني كنت هطق بصراحه وانا اديتك بوكس جامد يبقى احنا متصافين دلوقتي اشوف وشك على خير يا ابيه
........................
سيف فتح الطبق لقى ملوخيه فعلاً
سيف بضحك: يا مجنونه وكمل بغيظ: ابيه في عينك وكمل بحب ظاهري: اشوف وشك قريب ان شاء الله على خير
..........................................
اما عند عدي
دخل ولقي طبق رز باللبن
عدي بذهول: رز اللبن ده مين اللي عامله لقى رساله ففتحها
.....................
طبعا انت مستغرب رز باللبن في الجيش ازاي بس انا بعمل المعجزات برضو المهم انا عملته كاخر حاجه بقى لاني خلاص محطة النهايه جات وممكن مش نشوف بعض تاني يا حضرت الظابط انت عملت حاجات غلط على فكره بس مش عاوزه امشي وانا شايله فبقولك وداعا يا قائدي
...................
عدي بتنهيده: يا رب نتقابل تاني بس هي عرفت منين اني بحب الرز باللبن؟؟؟!
..........................................
أما عند سليم
دخل ولقي طبق متغطي على المكتب وجانبه ورقه شال الغطا لقى قطعة بشاميل راح وفتح الورقه
....................
على فكره انا مش بعمل بشاميل وحشه ده انت مش بتعرف تدوق انا عملتها تاني ولو وحشه كلها بالسم الهاري اه متستغربش رد فعل على اللي عملت آخر مره في المكتب وانت غلطان وانا عطيتك بوكس محترم بقينا 1 :1 والبشاميل هتعجلك كفايه اني عملاها سلام يا حضرت الظابط خلي بالك من نفسك
.....................
سليم بضحك: شويه تهزيق وشويه مدح مش راسيه على بر خالص وقال بعشق: اكيد هتطلع حلوه مش اللي عملاها زتونتي
..........................................
عند فهد
لما دخل شم ريحه حاجه هو بيحبها فقال بشك: يا رب يطلع اللي في بالي لاني جعان
(انت دايما جعان يا فهد 🙄)
وراح ناحيه الريحه وفتح الغطا وقال: الله الله مقلوبه فراخ يا حلاوه ومسك الورقه
........................
شوف برغم اللي عملته فيا عملتهالك بس انت جبتلي ارنوب حلو وشوكولاته حلوه وانا ردتلك الحضن ببوكس فاحنا متساويين دلوقتي فكلها ومطرح ما يسري يهري اه متتوقعش من مدح غير شكرا بس مش عارفه على ايه سلام يا حضرت المقدم أو إلى اللقاء لأني مش عارفة المستقبل مخبي ايه
.........................
فهد بضحك: شكرا بس مش عارفه علي ايه ومطرح ما يسري يهري طب اقول ايه بس يلا يا رب تطلع حلوه الايام ونتلقي تاني
..........................................
عند مالك دخل ولقي غير الكل لقى ازازتين ورسالة مسك الرساله وقراها
........................
بص برغم كل اللي حصل اني عملتلك موز وفراوله باللبن هيص بقى يا عم وشكرا علي الدبدوب ومش مسامحه على فكره في الحضن الغلط ده بس يعني بعد البوكس خلاص اقولك المسامح كريم دوق بقى وشوف من احلى بتاعي انا ولا فريال هانم وهيكون انا طبعا اشوف وشك على خير ان شاءالله سلام يا حضرت القرش
.........................
مالك: مجنونه وكل مره بكتشف انك اجن من اللي قبلها اتنهد وقال اكيد لينا لقاء تاني يا أمل
..........................................
السلام عليكم ورحمة الله وبركاته)

Sabreen