عشق الوحوش والشياطين الفصل التاسع عشر 19 - بقلم Sabreen

6923 كلمه انا كرماكم وربنا اكرموني بقى
الفصل 21
نبدأ بالصلاه على النبي ☺️
في قصر الجارحي
سيف بهدوء: هو أيهم فين يا ريم انا مش شايفه
ريم بابتسامه: راح الشركه مع عمر وبابا
أدهم: ربنا يستر
سيف: طب ماما ورقيه
قاطعهم صراخ عمر وايهم
عمر دخل وهو رافع أيهم في الهواء من هدومه من الخلف وبيقول بغضب: انت ياض اسكت خالص مسمعش صوتك يا كلب البحر انت
أيهم بغضب طفولي: بقولك ايه يا عمر نزلني والا قسما بالله ارن على بابا أدهم وبابا سيف وهما يتصرفوا معاك
عمر بغيظ: ده على اساس اني هخاف من ابوك وسيف لا يا حبيبي كان في زمان وخلص وبعدين يا حيوان ايه عمر دي ده انت لو مكانش ليك أهل يسألوا عليك انا كنت دفنتك
أيهم: لا والله طب وريني كده
عمر بغضب وصوت عالي: ريم يا ريم تعالى خدي الحيوان ده من هنا
أدهم من وراه : نزل الولد يا عمر احسن لك
عمر: انت هنا طب خد ابنك ده ربنا معاك والله العظيم
أيهم جرى على باباه: بابي حبيبي
أدهم بحنان: حبيب بابا يا ناس...... مالك بيه يا عمر ده حتى عسل
عمر بسخريه: يا راجل طب اوعي العسل بينقط
سيف من خلف أدهم: فيه ايه يا عمر
عمر توتر وقال لادهم بصوت منخفض:
مش تقول اني الوحش هنا ربنا يستر...... مفيش حاجة يا كبير حمد الله على السلامه

ثم حضنه
..........................................
ا

نتهت شمس من تنظيف البيت وجهزت الطعام وبعدها اخدت حمام ولبست بجامه بيتي باللون الأسود وجلست أمام التلفاز تجفف شعرها
حسن بصوت عالي: شمس انتي فين يا قلبي
شمس : انا هنا يا ابو علي تعالى
حسن قعد جنبها واخدها في حضنه:
ها عملتوا ايه انتي والقرود التانين
شمس بابتسامه: اسمع يا سكر باشا...............
حسن بفخر: يعني انتوا دلوقتى بقيتوا ملازم أول ربنا يوقف ليكم ولاد الحلال
شمس : بعيدا عن ولاد الحلال يا ابو علي هو الواد ياسين هيتاخر ولا ايه
حسن: لا تلاقيه على جاي ااااه صحيح في ناس سكنوا معانا في البيت يا بنتي
شمس باستغراب: سكنوا ليه في حاجه
حسن: لا يا حبيبتي انا هقولك سكنوا ليه........
شمس بابتسامه: خلاص يا ابو علي ماشي قولي بقى اسمهم ايه
حسن: اس........
قاطعه صوت ياسين العالي وهو بيقول:
يا ابو علي انت فين وبعدين معاك مش قولتلك لما اجي هنضف انا البيت انت ليه عنيد زي بنتك
شمس ضحكت هي وحسن بصوت عالي
ياسين استغرب لما سمع صوت ضحك ابوه مع ضحكة واحده
ياسين فتح الباب وقال: مين معا.... انتي
شمس بضحك: ابو حمزه وحشناااااي
ياسين بفرح: انتي جيتي تعالى في حضني
شمس نطت عليه وحضنته ولفت رجليها حوالين وسطه وهو مسكها عشان متوقعش
شمس: حبيبي حبيبي حبيبي يا سونا
ياسين: يخربيتك يا قصيره متشعلقة كده ازاي
شمس بضحك: قدرات يا ابني ده انا لا أي أي ولا زي زي
..........................................
في صباح يوم جديد
في قصر الشناوي
نزل مالك بكل هدوء وكل اللي على السفره اتافجئوا به وأول شخص جرى عليه هي اخته الصغيره زينه
"مالك وحشتني اوي "
مالك بابتسامه: وانتي كمان يا زينه
زين: ايه يا ابو المماليك ازاي تيجي ومتقولش
مالك: أخرس يا زين احسنلك
زين سكت بتذمر وطارق قرب من ابنه وحضنه
"حمد الله على السلامه يا حضرت الظابط"
مالك بحب فابوهم قريب جدا منهم: الله يسلمك يا بابا
زينات ببرود: ايه يا مالك بيه انتي في البيت واحنا منعرفش
مالك اتنهد وقال: البيت كأن فاضي وانا كنت تعبان ونمت فيها حاجه دي
طارق لإنهاء الموضوع: لا يا ابني اقعد افطر
..........................................
في بيت حسن
شمس خرجت وخبطت على الباب اللي قدامها
ماهيتاب من جوا: يووووه يا عدنان ما انت معاك المفتاح الله لازم تقومني
ماهيتاب فتحت وتنحت وقالت: ايه عيون البحر دي
شمس بضحك ده على اساس: اني عيونك مش ازاز
تمنى من وراها: ازاز ايه ده عيونك ساحرة
شمس: طب هفضل واقفه الكيكه تقيله
تمني: تقفي ايه ده احنا نخرج وانتي تدخلي
ماهيتاب: اتفضلي يا قمر
شمس دخلت وحطت الكيك وقالت: انتوا توأم صح
ماهيتاب: صح بس العيون والطول مختلف انا عنيا ازرق فاتح وتمنى أخضر وانا طويله والبت دي قزمه
تمنى ضربتها بغيظ: ماشي يا زرافه هانم
شمس بضحك: جيتي للحق هي زرافه فعلا ههههههههههههههه
ماهيتاب بغرور: الطول شرفا لو كان من فضه والقصر عارا لو كان من ذهب
(امي دايما كانت بتقولهالي لاني قصيره وبنت خالتي طويله 😂)
شمس بغيظ: وفي خدي القصيره وضمها
تمنى بردح: وسيب الطويله تمسح الحيطه لأمها
تمنى وشمس ضربه كفهم ببعض
ماهيتاب بنواح: فينك يا رقيه كنتي طويله زي اهي اهي
شمس: طب اسيبكم تولولو وامشي انا وخلاص احنا بقينا أصحاب
شمس راحت للباب ووقفت هي ومهيتاب وتمنى بعد ما غطوا شعرهم
عدنان كان طالع ومعاه كياس كتير وقال بغيظ: مفيش جذمه فيكم تيجي تساعدني
تمنى ومهيتاب اخدو الأكياس من اخوهم وحطوها وراء الباب
شمس بهدوء: ازيك يا ملازم عدنان
عدنان بابتسامه: الحمد لله
ماهيتاب: حبيبي يا اخويا تعالى انصرني من القصرين دول
عدنان لسه هيتكلم بس قاطعه فتح باب شقه حسن وخرج ياسين وهو شايل اللابتوب بتاعه وأوراق
ياسين بصلهم وقال: خير على السلم كده
شمس بهدوء: ولا حاجه يا ياسين انت اتعرفت على جيرانا دول صح
ياسين بابتسامه: صح ان شا الله جيره حسنه
الكل: ان شاء الله
شمس: ياسين انا والبنات هنروح الفرح انا بقولك بس علشان متتفاجئش
ياسين بصلها: انا مش مطمن وربنا يستر سلام
..........................................
اما في شركات الجارحي
وصل سيف وادهم بسياره سيف وعمر خلفهم بسيارته سيف تلفونه رن برقم أمه فقال إنه هيروح يرد ويجي وراهم
عمر بمرح لادهم: بقولك ايه يا ابو نسب تعالى ندخل سوا علشان الموظفين بعد كده يخافوا مني
أدهم بضحك: ماشي يا عم بس المره دي بس
عمر: ايوه يا ابو نسب اضحك كده وافرد وشك مش زي ابو لهب الواحد حتى مش بيعرف يتكلم معاه
أدهم بضحك: اقسم بالله لو سمعك ليكون نهارك في المستشفى
عمر بخوف: لا يا عم وعلى ايه يجعل كلامنا خفيف عليه
..........................................
اما عند سيف
فهو بعد ما خلص المكالمه دخل من الباب الرئيسي بكل ثقه وكبرياء وأول ما قدمه خطت واتجه للمصعد كل من يراه يقف له احتراما وخوفا فمن الذي لا يعرف الوحش دخل سيف للمصعد وقبل أن يقفل أبوابه وجد شاب يرتدي تيشيرت ابيض وبنطلون جينز اسود وكوتش ابيض ونظاره سوداء علي عينيه ودلف بسرعه وقال للشاب
'' اسف يا بشمهندس هعطلك ''
ثم ضغط على رقم دور مكتبه ابتسم سيف عليه لأنه الشخص الوحيد الذي يتجرأ ويركب معه نفس المصعد
قطع الصمت الذي عم رنه تليفون ياسين برقم عمر
ياسين بمرح: السلام عليكم يا عمورتي عاوز ايه
عمر بذهول: ايه ده الشيخ ياسين رضي عني ايه اللي حصل في الدنيا
عمر: مفيش حاجه بس قولي ايه اللي بيحصل في الشركه اوعي يكون ابوك قلب علينا اروح احسن
عمر بضحك: لا يا اخويا أصله الوحش والاعصار هنا علشان كده الجو مكهرب
ياسين: طب اقولك ايه انت فين؟؟!
عمر: ليه
ياسين: يا عم اخلص في ورق لازم يخلص قبل الاجتماع
عمر بجديه: انا في مكتبي تعالى انا بخلص شويه ورق قبل الاجتماع
ياسين: ماشي انا جاي اقفل دلوقتي
ياسين قال بخفوت: هو انا ليه حاسس بحاجه هتحصل دلوقتي ربنا يستر
وقف المصعد واتجه ياسين إلى مكتب عمر وخبط ودخل: عمر وقع على الورق ده بسرعه علشان عاوز اروح لعمران بيه قبل الاجتماع
عمر: ماشي بس مفيش السلام عليكم
عمر وقع واتجه ياسين بسرعه على مكتب عمران بيه لأنه يحتاجه في شئ ضروري جدا قبل الاجتماع وكان يتفحص الملف في يده عندما اصطدم بشخص ووقعت جميع أوراقه على الأرض نزل ياسين يجيبها ولكن تجمد عندما استمع للصوت متأكد منه يقول: اسف بس انت اللي مش مركز وسابه ومشى
ياسين بصدمه: م م م مستحيل....... اد.... هم
ياسين افتكر شمس امبارح بالليل
Flash back
ياسين كان هينام بس سمع خبط على الباب وبعدين دخلت شمس وهي لابسه بيجامه نومها
ياسين: مالك يا شمس في ايه
شمس بخفوت: ياسين ينفع انام في حضنك النهارده
ياسين فتح درعاته وشمس حضنته وهو غطاهم وقال بقلق: مش بتيجي في حضني غير لما تبقى خايفه أو تعبانه مالك يا شمسي
شمس بخفوت: ياسين بكره بعد ما تيجي من الشغل ابقى احكيلك بس انا عاوزه انام دلوقتي يا اخويا
ياسين حضنها وقال: نامي يا قلب اخوكي
شمس نامت وياسين بيفكر بس موصلش لحاجه غير انه أكيد الموضوع هيفتح جروح
Back
ياسين فاق على صوت عمر وهو بيقول بقلق وصوت عالي: ياسييين مالك في ايه
ياسين بصله وقال بدموع: اخويا..... أدهم...... اخويا يا عمر
وبعد ساعه كان عمر وياسين يجلسون في شرفه بجانب مكتب عمران بيه
عمر بمرح: خلاص انا هقولك بعد كده يا ابو نسب ماشي يا اسطا
ياسين بقرف: هقولهالك تاني نسب مهبب ويلا لاني ابوك هينفخنا دلوقتي
بعد الاجتماع
عمر بمرح: طيب يا جماعه كفايه كده ويلا نتغدا بقى لاني الواحد جاب آخره
عمران: طول عمرك هامك على بطنك
أدهم: اااه والله يا عمي تعالى وسيف هيعزمنا مع الشباب
عمر بحماس: اشطا يعني سليم وفهد جايين انا جاي وش ولا ايه يا سونا
ياسين بصله بغضب وقال: لا يا عم انا مروح وبعدين مش كفايه هشوفك بالليل لا وكمان عاوزيني اكل معاك وقرب منه وقال بشر: وبعدين اسمعك بتقول سونا دي مش هتعرف هيحصلك ايه
خرج الجميع من المكتب وقال عمر: ها قررت ايه يا ياسين هتيجي صح
أدهم: ما تيجي معانا يا هندسه اهو تغير جو
نظر ياسين لادهم بنظره لم يفهمها رآها في عيون شمس وقال بابتسامه: والله يا حضرت المقدم شكلي لا يسمح
عمر بمرح: يا عم متخافش مش هيحصل حاجه وكمان عمي حسن مش هيقول حاجه ها يا سونا
ياسين بغضب: قسما بالله يا عمر لأقول لاخوك على اللي بتقوله عليه بس اشوفه
سيف من وراه: بيقول ايه
ياسين: انت سيف آخوه؟؟؟
سيف بسخريه: كان نفسي اقول لا بس اااه اخوه
ياسين: بيقول......... قاطعه رنه تلفونه وكانت شمس فنظر إلى أدهم الذي يقف بجوار سيف وينظر له
عمر بمرح: ايه يا شيخ ياسين الرنات دي هي الصناره غمزت من غيري يلاه
ياسين: ارد وافضالك يا جزمه
وراح بعيد يرد وجيه وقال: هاروح انا يا عمر علشان اجيب كام طلب للبيت اشوفك بالليل سلام
عمر: ماشى سلام
اما أدهم بص لطيف ياسين بحزن فهو لم بتعرف عليه أيضا سيف حط ايده على كتفه وقال: معلش كل حاجه في وقتها هانت يا صاحبي
أدهم بحزن: كان نفسي اخده في حضني اوي يا أدهم
سيف بغموض: قريب اوي يا أدهم
..........................................
في الاسكندريه
كانت آسيا واقفه بكل رعب قدام أمها اللي كانت ماسكه سجاره وبتبص ليها بكل كره
"انا مش عارفه انتي مش ولد ليه انتي أو اللي رميتها دي كان زمان إمبراطورية الجارحي كلها تحت ايدي دلوقتي بس للأسف ضيعت شكلي وجسمي علشان بنتين ملهومش اي 30 لازمه"
آسيا كانت بتسمع وساكته لأنها عارفه لو عملت اي تصرف ممكن تعمل فيها ايه يس اتنفضت على صوت أمها
"انتى ملكيش فايده مش كفايه اني لما ابص لوشك بفتكره وافتكر ايامي اللي ضاعت من غير اي فايده لا كمان خرساء ما تردي عارفه انك بتتكلمي "
امها مسكتها من شعرها وآسيا كانت هتموت من الرعب وعيونها بقيت حمراء من كتر العياط بس لقيت جدها بيشدها من امها وزعق
"انتي بتعملي ايه يا آمنه حرام عليكي دي طفله الف مره اقولك طالما بتكرهيها ملكيش دعوة بيها انا هتربيها "
آمنه بعصبيه: وديها ملجأ ارميها في الشارع انا مش عايزاها انا كنت هنزلهم بس انت قولتلي حرام وحلال ومعرفش ايه "
بصلها ابوها بصدمه شديده من قسوه بنته وقال
"طالما كده نرجعها لابوها كفايه التانيه مش عارف هي فين انا عارف انها عايشه "
آمنه بقسوه: في داهيه ولو متصرفتش هرميها زي اختها
مشيت آمنه تاركه تلك الطفله التي أصبحت مريضه نفسيه بسبب امها
..........................................
في مكان آخر
يتجمع الشباب في مكانهم المفضل وهو مطعم بسيط يطل على النيل كان يجلس سليم وزين ومالك
سليم بضحك: ههههههه بجد ياض يا زين انت عملت كده
زين بضحك: اه ما هي اللي بتقولي قلبي وجعني وهي اصلا شبه القرد
مالك :قرد طب وانت مالك متكشف وانت ساكت
زين بمرح: بص انا مش هتكلم علشان خاطر سولي قاعد
سليم بضحك: تشكر يا دكتره هههههههههه
عمر من وراهم: استنو انا عاوز اضحك انا كمان
سليم : ايه يا هندسه عامل ايه
عمر بمرح وهو يجلس بجوار زين: عامل اتنين مبار
زين بضحك: والله ليك وحشه هههههههه
مالك: والله انتوا عيال ترفع الضغط
أدهم وهو يجلس جواره: ليه كده بس يا مالك مين من العيال دي مزعلك
زين بغيظ: بص علشان تكون عارف مالم اخويا تحسه بيخاف يضحك ولا حاجه ده ممكن يعملها كل 3 سنين مره بس فهد وسليم متعرفش اصلا هما في الجيش ازاي هههههههههه
سليم بزعل مصطنع: كده يا دكتور تشكر يا زوق
عمر بضحك: بص كده هو في حد في مركزه يعمل كده وكمان نسيت أدهم قاعد اهو
أدهم بهدوء: بص يا ابني انت عاوز تدخل دنيا مش عاوز تخرج منها
زين بخوف: لا يا عم ده هو والوحش والتمساح معندهومش ياما ارحميني
سليم بمرح: خاف على نفسك يا عيد
سيف من وراه: اول مره تقول حاجه صح
عدي جمبه: حصل
عمر بخفوت: يا ريتنا كنا جبنا في سيره 100 جنيه مكنتش جات
عدي ببرود: بتقول حاجه يا عمر
عمر بابتسامه بلهاء: لا يا كبير ده انا بقول هو الواد فهد اتأخر كده ليه
زين: اااه والله ده كان بيكون اول واحد في القاعده
فهد من وراهم: مين بيجيب في سيرتي
سليم : ابن حلال لسه كنا بنجيب في سيرتك
فهد قعد جمب عدي وقال بزهق: جرب كده يكون عندك اخ أصغر منك 11 سنه ده يحيى مطلع عيني
أدهم: اكيد علشان الهدوم وابتسم عندما تذكر أيامه مع إخوته
حسام: يا ريتها الهدوم بس دي حاجات أسوء
مالك: انت هتقولي ما انا عارف
عمر: ايه يا دكتره سامع كلام بيتلقح عليك
زين: انا اسكت بس احتراما لوجود الوحش
سيف: تصدق صدقتك
سليم: ايه يا جدعان هو الاكل فين
مالك: طلبناه من 10 دقايق
فجأه تليفون عمر رن برسالة وبعدها واحده كمان عمر خرج تلفونه وقال زين
'' عملتها ولا ايه عمر ''
عمر: استنى بس ياض
عمر شاف الرسالتين وبتقول ياض يا عمر، انت فين يلاه
عمر رد عاوزه ايه يا مصيبه
زين بقرف: انت مش جينتل مان ياض
عمر بصله وقال: ياب........
قاطعه رساله تقول وانا هعوز ايه منك جاتك نيله
زين بضحك: اوبا دي بشتم
فهد باستغراب: مين دي اللي بتشتم
عدي : انت بتكلم بنات يا عمر
عمر: يا جدعان متظنوش غلط
جات رساله تاني وقالت ها أنت فين اخلص
زين بضحك: متخلص يعم وقلها انت فين
مالك بذهول: ده بيكلم بنات بجد
زين: اومال ايه بس معرفش اسمها ايه مسميها مصيبه هانم
سيف برفعه حاجب: مصيبه
عمر رد وقال مع صحابي خير
ردت وقالت صحاب ايه انت تعرف غيرنا
زين بصدمه مصطنعه: يا واطي يا خاين وكمان مش قايلها انك عارف شباب
أدهم بص لسيف باستغراب لاني عمر مش بيعرف بنات
عمر رد وقال: عاملين مصيبه ايه جاتكم القرف
زين بغيظ: يا حيوان بشتم البت ليه هي عملت حاجه علشان تقولها جاتك القرف
جات رساله بتقول: جاتنا احنا القرف جاتك البلا
زين بضحك: ههههههههههههه البت دي عظمه ردت الشتيمه بشتيمه انقح منها
عمر بصله بغيظ وقال برساله صوتيه: انا جاتني البلا يا جذمه من غير رباط وبعدين انتو هتيجوا امتا؟؟
زين بذهول: يا لهوي الواد بيعرف بنات لا وكمان بيقابلهم وانا كنت فاكرها بنت واحده طلعوا كتير
وإذا برساله تيجي وتقول خلاص سلام المصيبه بعدين
عمر قفل التلفون وبص لقى سيف وادهم بيبصوله بنظرات غريبه وعدي ومالك بيبصوله بشك وفهد وسليم و زين بيبصوله بابتسامه مش مريحه وخصوصا زين
عمر باستغراب: ايه يا جدعان بتبصولي كده ليه انا مش مرتاح
زين بخبث: بتعرف بنات يا ابن الجارحي
عمر: بنات اي........ لا لا لا لا اوعوا تفهموا غلط دول غير اللي فى دماغكم ماشي انا مش بعمل حاجه غلط
قال كده وهو بيوجه نظره لأسر اخوه
سيف: اومال مين دول؟؟؟؟
عمر بغباء: اخواتي
مالك: قصدك مصيبه هانم دي تبقي اختك رقيه
عمر بتهرب: حاجه زي كده و بعدين ايه يا جدعان مفيش اي شئ مؤنث في حياتكم ولا ايه
سرح الوحوش في الفتيات فهم حقا اشتاقوا لرؤيتهم وبالأخص لجنونهم فهم قد اعتادوا عليهم قطع تفكيرهم صوت زين وهو بيقول: انا لازم اطلع من الفرح بتاعكم ده بحاجه مفيده لاني بصراحه عيب في حقنا
فهد : مش لما نعملها احنا تبقوا انتو تفكروا
سليم حط ايده على خده: اااااه والله
عمر: أصله انتوا لو معملتوهاش النحس هيفضل مربوط فعملوها انتوا علشان النحس يتفك
الكل: ههههههههههه
وبعد فتره وصل الأكل وبدأ الجميع ياكل ماعدا أدهم الذي لم يقترب من طبقه نظر له سيف بحزن فاقرب الناس إليه لم يتعرفوا عليه لكن اقسم على أن يقف في ظهره إلى نهايه المطاف
بعدما انتهوا من الأكل قال مالك بجديه: ايه يا وحش انت والاعصار مأكلتوش ليه
نظر أدهم لصديق دربه فهو يعرفه لن ياكل طالما هو بهذه الحاله
سيف بهدوء: مفيش أكلنا قبل ما نيجي
عدي بصوت منخفض لادهم: مالك يا أدهم انت كويس
أدهم بابتسامه حزينه: انا كويس يا عدي يلا يا شباب علشان نلحق نجهز
..........................................
بعد نصف ساعة وصل أدهم وسيف إلى قصر الجارحي لاني ريم مع ابنه خالتها حتى تكون مع البنات بص سيف لادهم بحزن وقال
'' أدهم متزعلش كل حاجه في وقتها احسن ''
أدهم بنبره انكسار لا تظهر إلا أمام الوحش وزوجته ريم: صعب اوي يا سيف لما تشوف ابنك وبنتك قدامك ومش تاخدهم في حضنك ولا حتى تتكلم كلمه معاهم
سيف اخده في حضنه وقال: اجمد كده يا إعصار وبعدين اعذرهم يا أدهم عاوزهم يصدقوا بعد السنين دي كلها وكمل بمرح:وكمان أحمد ربك اني اخوك مش زي عمر اخويا
أدهم بضحك: لا في دي عندك حق.... وكمل بزهق: وبعدين ابعد كده انا حاسس اني حاضن دبابه يا راجل
سيف بعد وقال بسخريه: ده على اساس انك ايه
أدهم بمرح: دبابه برضو
ثم صعدوا إلى غرفه سيف
بينما كان يراقبهم عمران من بعيد ويقول في نفسه: ربنا يخليكم لبعض وما يحرمكم من بعض ابدا والله يا أدهم انا فخور اوي انك جوز بنتي انت فضلت حياتي كلها بحاول اخلي الوحش يعيط اويطلع اللي جواه قدامي ومقدرتش انا بحسكم توأم برغم اني كل واحد من أب وأم مختلفين وقال بغموض وهمس: هانت وربنا يستر
..........................................
وبعد نص ساعة
نزل أدهم وهو يرتدي بدله باللون الرمادي وقميص ابيض وجذمه سوداء وصفف شعره بعناية وعطره الرجالي وعندما نزل وجد عمران يجلس قريبا من الباب الداخلي للقصر وعندما رآها ابتسم وأشار له بالاقتراب وقال: بسم الله مشاء الله عليك يا ابني قمر وكمل بمرح: بس مراتك هتقتلك لو روحت كده
أدهم بتذمر: ما هي اللي أصرت اني البس بدله وكمان رمادي ايه اللي حصل بقى
عمران بضحك: أصله حماتك لسه مكلماني وقالتلي مجيش لا انا ولا انت لاني الفرح في بنات وستات كتير
أدهم: معاها الحق حماتي تغير عليك ده انت أصغر مننا
عمر بضحك من وراهم: ها يا حج ايه رايك
عمران بذهول: ايه ده يا ابني تكونش فاكر نفسك العريس ولا ايه
عمر بضحك: يا ريت كنت خربتها
أدهم بسخريه: اكتر من كده
عمر بغيظ: اسكت خليني أغلب الواد ياسين مره من نفسي
عمران بضحك: تروح تلبس كده
عمر: ايوه....... كان لابس بدله سوده وقميص ابيض وكرفات سوده وشعره مصفف بشكل جذاب
عمر لاحظ نظرات عدم الفهم على وجه أدهم فقال موضحا: طب خليك شاهد يا أدهم ماشي
أدهم: ماشي
عمر: بص يا سيدي استاذ ياسين 5 سنين كليه بيتعاكس من الولاد والبنات ده مش عاتق ده احنا مره ماشين في شارع كان فيه مدرسه بنات ابتدائي فواحده فيهم قالت ازيك يا مهند انا ريهام يا عمري هههههههههههه
أدهم انفجر في الضحك وقال بخفوت: فعلا والله
عمر: ده....... قاطعه نزول سيف الذي كان يرتدي بدله باللون الكحلي مع قميص بنفس اللون وجذمه سوداء وشعره الأسود مصفف بطريقه رائعه مع عيونه الرمادي ويضع عطره المخصص للوحش فقد وقف أمامهم بثقه وقال: يلا بينا
عمران قام وقال: ربنا يحميك يا ابني
عمر بولوله: ما هو كله سيف وعمر ابن البطه السوده
بصله سيف برفعه حاجب: مش عاجب
عمر بسرعة: لاطبعا عاجب
..........................................
اما عند ياسين
فهو ارتدى بنطلون جينز عليه جاكيت باللون الجملي وقميص ابيض وصفف شعره بشكل رائع وبسيط فجاذبيته تكمن في بساطته مع عيونه التي بلون السماء وصعد إلى شقته التي فوق وكان بها البنات وخبط وفتحت له شمس وقالت:خير يا اخويا عاوز ايه
ياسين بغيظ: يلا ولا ايه الساعه بقيت 9
شمس: لا روح انت واحنا جايين وراك
ياسين: نعم يا اختي وابوكي
شمس: متخافش من بابا انا هقوله وكمان انت عارف هنيجي ازاي يلا بقى طرقنا
ياسين بذهول: طرقنا والله انا مش مطمنلكم ابدا طيب هتيجوا امتا
شمس: نص ساعه خد الواد درش معاك
ياسين: هو مستني تحت في العربيه
شمس: لا يا روحي انا هاخد البنات في العربيه روح انت ومصطفى بتاكسي
ياسين بغيظ: لا بقى كده كتير
شمس بهدوء: ياسين مينفعش انا والبنات نروحوا بتاكسي في الوقت ده والمسافة بعيده يا عم خاف على التاكسي ومتخافش يا عم على عربيتك مش هاكلها
ياسين بشك: طب سوقي على مهلك ومتتاخريش ماشي
شمس: عونيا الاتنين بالسلامه بقى
ياسين بغيره: ومتلبسيش حاجه ضيقه ماشي
شمس بغيظ: حاضر هلبس عبايه سوده اتكل على الله بقى
..........................................
في الفرح وصل ياسين ومعه مصطفى ودخلوا وكان مصطفى يرتدي جينز اسود وتيشرت شبابي وكوتش ابيض وكان طول مصطفى مقارب قليلا لياسين فهو طويل جدا
ياسين لمصطفى: والله اللي يشوفنا يفتكر انك اخويا انت طويل كده ليه ياض
مصطفى: مش وقته عاوز ادخل الحمام روح وانا هحصلك
ياسين: اوعي تعمل كارثه ماشي
مصطفى بسرعه: ماشي ماشي
وصل ياسين وبحث عن عمر الا ان وجده وقال عمر بمرح: ابو حمزه يا غالي تعالى
ياسين باستغراب: ايه اللي انت عامله ده يكونش ده فرحك ولا ايه
عمر بغيظ: ماشي يا اخويا يلا
عند الشباب قال عمر بمرح: بصوا يا جماعه كل واحد هنا يقول اسمه علشان الكل يعرفه
عدنان: ليه هو احنا في مدرسه
ياسين بهدوء: لا علشان نعرف بعض لاني بصراحة معرفش غيرك انت وعمر هنا
زين بمرح: انا زين صاحب عمر
عدنان: وانا عدنان آخو تمنى وماهيتاب صحاب اخت عمر
ابتسم عمر وقال: اهلا يا عدنان باشا
سليم من وراهم: بتبدأو تعارف من غيري
بص عدنان باستغراب لسيف وقال عمر: متستغربش اوي
سليم بمرح: طب دول وانا عارفهم مين مهند ده بقى
ياسين: ده على اساس انك ايه
مالك من وراه وكان معاه عدي وفهد
'' بص على نفسك الأول يا سليم ''
سليم قعد: ناس حقوده وربنا
الشباب بص لياسين لأنه سيف قالهم انه اخو أدهم
عدنان: والله انا حاسس شويه والاقي الوحش والاعصار هنا
عمر بضحك: لا متخافش مش هيجوا دلوقتي
قطع كلامهم صوت بنت تقف خلف ياسين وقالت بصوت منخفض: لو سمحت يا كابتن
ياسين لفلها باستغراب وقال: نعم في حاجه
البنت بكسوف: ممكن..... يعني....... تر
ياسين بحده: لا مش ممكن
ولف تاني من غير اهتمام اما البنت فهي مشيت بسرعه من الاحراج
عدنان بضحك: لاعبه معاك يا عم
زين: هي لاعبه معاه واحنا قاعدين
عمر: لاعبه معاه من زمان يعني مفيش غير الشيخ ياسين وتقولو ممكن ارقص معاك ما احنا مترزعين اهو
زين بضحك: نحس احنا والله يا ابني نحس هههههههه
اما الوحوش فنظروا إلى ياسين بإبتسامه فنفس أخلاق أدهم فهم علموا أيضا أنه أخاه
بدأت اغنيه شبابيه حماسيه وانطلق معظم شباب الفرح في الرقص وقال عمر بحسره: لولا بس لو الوحش شافني هيعلقني لكنت رقصت معاهم
زين بص لمالك وقال بغيظ: اااااه والله يا ابني
اما ياسين فلم يهتم ولكن لفت نظره فتاه ترتدي فستان رقيق وحجاب في ركن هادي لا يعلم لما نظر إليها ولكن يشعر بشي تجاهها
عمر: ولاه يا ياسين روحت فين
ياسين بانتباه: ها لا ولا حاجه
اقترب قليلا من عمر وقال بصوت منخفض: هو أدهم فين انا مشفتهوش خالص
عمر بمرح: اهو قاعد هناك مع ريم وبابا وماما وخالتي أصله الداخليه عامله عليه حظر تجول بعد كميه المعاكسات اللي أخدها
نظر ياسين لادهم وهو جالس بجانب زوجته وعلى قدمه أيهم ابنه
انتهت الاغنيه وطلب الدي جي أن يحضر العروسين لرقصه السلو
..........................................
اوعدنا يا رب بحضن زي كده
وده كان صوت عمر وزين اللي بيبصوا لادهم وهو بيرقص مع مراته
سليم بضحك: ااااه والله ياض يا عمر معاك حق
اما ياسين فكان ينظر حوله على مصطفى ولا يجده فقال بخفوت: يا خوفي والله من الاختفاء ده
عمر بتذكر: اااه صحيح يا ياسين هو الواد مصطفى مجاش معاك ليه ده عدوه فرح يشبط فيه
ياسين: مصطفى ا...... قاطعه قدوم سيف وهو بيقول بهدوء: ازيكم يا شباب
الجميع بهدوء: الحمد لله
سيف: اومال أدهم فين
أدهم من وراه: انا هنا اهو
سيف كان هيتكلم بس قاطعه صوت في الميكروفون بيقول: تس تس تس شغال
- كده يبدأ اللعب على أصوله
استغرب الكل من الصوت وعم الهدوء بينما قال عمر وهو يقوم ببطء: ياسين اللي اسمعته صح ولا غلط
ياسين بيبص حواليه بتوتر وقال: صح يا اخويا صح وانا بقول الحيوان مصطفى اتأخر في الحمام ليه
مالك باستغراب: في ايه
ياسين وعمر في نفس الصوت: في إني هتحصل مصيبه دلوقتي
..........................................
قبل 10 دقائق دخلت العصابه
(والله اشتقنالكم 😅)
من باب غير الرئيسي وقالت شمس بمكر: والله وهترجع ايام المصايب
أمل بحماس: اااه والله بس مصطفى فين
مصطفى من وراهم: انا هنا يا عصابه
حبيبه : كده اكتملت هنعمل ايه بقى
شمس لمصطفى: ها ظبطت
مصطفى: علم ونفذ يا كبير
شمس: دلوقتي الخطه..............
البنات بمكر: اشطااا
البنات راحوا لمكان الدي جي وكان بعيد شويه عن المعازيم في اوضه في الدور التاني بس بتطل بازاز على القاعه كلها
شمس دخلت وقالت: ها فين طه ده
طه بهدوء: انا هنا يا انسه... مصطفى قالي انها مفاجأة للعروسه والعريس
آيات: اااه طبعا يا ابني بس اخرج انت
طه: نعم؟؟؟!!
أمل سحبته وقالت: روح في جاتوه هناك وخرجته وقفلت الباب بالمفتاح وقالت: يلا يا عصابه
روان مسكت المكروفون وقالت: تس... تس..... تس شغال
حبيبه : كده يبدأ اللعب على أصوله
شمس: احم احم بصوا يا جماعه احنا هنقولو واللي بنتكلم عليه يقول هاي تمام
شمس بمرح: عيله العروسه تقول هياااي
عيله العروسه كلها قالت هياي
حبيبه: صحاب العريس اللي قاعدين يقولوا هاااي
صحاب العريس كلهم قالوا هياااي
آيات بخبث: صحابات العروسه اللي بينقروا في العريس وعينهم فيه يقولوا هيااااااي
صحاب العروسه بكل غباء قالوا هيااااي
الكل قعد يضحك
أمل: اللي قاعد من اول الفرح يتريق على العريس والعروسه يقول هااااي
نص الفرح هيااااااااي
البنات بضحك: احيييه
شمس: الناس الطفسين اللي بياكلو في من الصبح يقولوا هياااااي
بعض الناس وهما بياكلوا هيااااااااي
المعازيم بتضحك أوي وقالت حبيبه بضحك: كل واحد هز وسطه في الفرح ده يقول هااااي
الشباب في الفرح هيااااااااي
روان: الناس اللي مجبوره على الجاي للفرح يقولوا هيااااي
بعض الناس بتذمر هيااااااااي
أمل بضحك: وانتوا ايه اللي جايبكم هنا بس
أدهم: مين دول؟؟؟
عمر بضحك: يا ولاد المجانين
ياسين بضحك: هيولعوا الفرح
مصطفى بغيظ: طب اللي شايف اني عمه العريس مره واطيه يقول هياااااي
عيله العروسه هيااااااااي
شمس: ايه ده يا درش هي واطيه بجد
مصطفى بضحك: اااه وربنا
عمر جرى وقال: الله يخربيتكم هطلقوهم
ياسين: فين أوضه الدي جي يا عمر
عدنان: هناك اهي
سيف بص حواليه وكان الفرح شبه راح يولع
آيات: طب اللي مكانش راضي عن الجوازه دي يقول هياااااي
عيله العريس هيااااااي
حبيبه: محدش سالك خالص
البنات بضحك: خالص ههههههههه
أمل: طب مش راضين عن الجوازه بتعملوها ليه ولا ايه عمه العريس
عمه العريس: اااااه والله يا اختي
مصطفى: جوازه شوم يا عمه العريس صح
آيات: يا لهوي كلوا يفلسع
البنات خرجوا من الاوضه اما الوحوش فهم كانوا مركزين مع الصوت وهما حاسين انهم بيتخيلوا اصل ايه اللي هايجيبهم هنا بس فاقوا على صوت أدهم وهو بيقول: انتوا واقفين كده ليه شوفوا البنات دول فين الفرح بيولع
زين بضحك وهو بيجري: والله شكلها هتحلو ههههههههههه
بعد بعض الوقت والفرح شبه حصل فيه دربكه خصوصا مع وجود الصحافه فهما عائلتين مهمين في المجتمع عمر وقف ومعاه زين والوحوش لأنهم ملقيوهمش في اوضه الدي جي عمر: راحوا فين و...... اهم هناك
الكل بص لقيو مجموعه من البنات بعيد شويه بس ضهرهم ليهم وعدنان وياسين واقفين قدامهم
عمر قرب وقال: اهلا بالعصابه تصدقوا ليكم وحشه ولمصايبكم
البنات لفو وكانت بمسابه صدمه ليهم هما متوقعوش وجود الوحوش هنا اما الوحوش في صدمه لا تقل عنهم فلما هم هنا فاق الجميع على صوت البنات وهما بيقولو في صوت واحد: احيييييييه
..........................................
Sabreen