عشق الوحوش والشياطين الفصل التاسع وخمسون 59 - بقلم Sabreen

الفصل 57
صلي على نبي الرحمه 💜
رسيل كانت في اوضه العمليات ومعاها إسراء بتولدها وقدام الاوضه كانوا البنات وزوج كل واحده فيهم وصراخ رسيل عالي خرجت الممرضه ووشها مليان خرابيش
'' فهد بيه ارجوك ادخل ليها محدش عارف يتحكم فيها ''
فهد بصدمه: هي اللي عملت فيكي كده
سليم: يا عيني دي شلفطتها
ديانا: يا عم ادخل لتقتل اللي جوا دي رسيل واحنا عارفينها
فهد دخل لرسيل وسليم ضحك: ربنا يعينه
جين مسكت في ايد سليم جامد لما حست بوجع: اااااااه سليم
سليم بقلق: مالك لتكونوا بتولدي أنتي كمان
- اااااااااااااااااه
ودي كانت صرخه من شغف
'' مالك الحقني انا بولد يا مالك ''
سليم ومالك: يا لهوي انتوا الاتنين
جين: انت لسه بتتفاجي بولد يا غبي
سليم: من غير شتيمه يا جين
جين: يا لهوي ده لسه بيتكلم بموت الله يخربيتك
شغف: اااااه مش عايزه أولد مش عايزه عيال ااااااااااااه مــالـــك
الممرضات بسرعه جم باتنين ترولي
شغف: والله ما انا هتحرك غير لما تيجي معايا
مالك: وانا هاجي معاكي اعمل أيه اولدك مثلا
شغف: اهي اهي انت بتتعصب عليا يا مالك طب طلقني
جين: وانت كمان طلقني
سليم: وانا مال امي انا
الممرضات اخدوهم بسرعه ومالك وسليم غصب عنهم راحوا معاهم
عدي بص لديانا اللي كانت مذبهله من اللي حصل 3 في وقت واحد
عدي: اوعي تقولي انتي كمان عايزه تولدي
ديانا: لا بس انا خايفه شكل الولاده صعبه يا عدي
عدي: اهدي يا حبيبتي مش صعبه اوي
ديانا بغباء: هو انت جربتها
عدي ضربها على دماغها بغيظ: ليه حد قالك اني سوسن
..........................................
عند رسيل بعد ما دخل فهد اتصدم لاني رسيل كانت ماسكه ممرضه من شعرها وبتتضرب فيها وبتصرخ
'' مش عايزه أولد ابعدوا عني ''
فهد جرى وبعد الممرضه من تحت ايد رسيل
'' ايه يا رسيل حرام عليكي قطعتي شعرها ''
رسيل: خايفه عليها بتخوني يا فهد
فهد: هو انا عملت حاجه
رسيل بعياط ووجع: اااااااااااه منك لله يا فهد منك لله انت السبب
فهد: انا السبب هو انا عملت كده لوحدي مثلا
رسيل صرخت بقوه واغمي عليها وبعدها ظهر صراخ طفل
فهد بخوف: رسيل رسيل
إسراء: متخافش يا فهد هي اغمى عليها بس من التعب يلا يا مس اقطعي الحبل
إسراء قربت من فهد ومدت ايدها بابنه
فهد بخوف: لا لا ده صغير أوي ممكن يقع مني
إسراء: متخافش كل الابهات بتقول كده اول مره يلا شيله
فهد شال ابنه وكان صغير اوي وابتسم وعيونه ادمعت شعور حلو اوي انه بقى اب ومن اللي قلبه عشقها بدأ يكبر في ودنه وبص لأسراء
" صغير اوي يا إسراء"
إسراء: لا هو ده الحجم الطبيعي ليه وخصوصا انه اتولد في السابع
فهد بقلق: يعني هيدخل ألحضانه
إسراء: لا صحته كويسه قوي زي ابوه وأمه
ممرضه دخلت بسرعه: دكتوره إسراء حاله ولاده مستعجله
إسراء: حاضر جايه
..........................................
عند شغف كانت ماسكه أيد مالك وبتعض فيها بقوه
مالك بصراخ: يا بت العضاضه سيبي ايدي
شغف سابتها وقعدت تعيط
" الدكتور ابن الجذمه اتأخر ليه"
زين دخل: شكرا على التهزيق يا مرات اخويا
مالك بغضب: هو انت اللي هتولدها
زين: مفيش حد غيري دلوقتي
مالك بغيره: لا طبعا
شغف بصراخ: مش وقت غيرتك يا ابن المضايقه انا بموت هنا
زين بدأ يولدها وهي مسكت ايد مالك تاني وفضلت تعض فيها
مالك: اااااااااااااااااه ايدي ايدي منك لله
شغف: منك لله انت لو مكنتش شوفتك مكنتش اتحطيط في الوضع ده منك لله يا زين انت اللي جوزتني ليه ما انا كنت واحده بتقتل اللي يقرب منها لازم قلبي يحبك يعني
ومسكت ايد مالك تاني وكانت هتعضها بس صرخت جامد وبعدها صراخ طفل
زين ابتسم للطفل: نورت الدنيا يا ابن اخويا
شغف بصت لابنها اللي الممرضات كانوا بيلفوا
'' ابني يا مالك ''
زين قرب منهم وهو شايله: سمي يا مالك
مالك: لا لا مش هشيله
شغف بتعب: شيله يا مالك علشان خاطري
مالك شال أبنه وضمه لحضنه وهو حاسس بشعور جديد اول مره يجربه بس شعور لذيذ
مالك بتذمر: هو ليه مش راضي يفتح عيونه
زين بضحك: يا ابني ده لسه مولود يعني مش هيفتح عيونه غير بعد 5 أو 7 ايام
مالك ابتسم وباس دماغ ابنه وبص لشغف بعشق وحب وهي ابتسمت وغمضت عيونها بتعب
..........................................
إسراء دخلت وقالت بذهول: ايه ده هو انتي اللي هتولدي
سليم: ولديها يا إسراء بالله عليكي شعري اتقطع في ايدها
جين: اااااااه انت السبب انت السبب منك لله
سليم بغيظ: انا السبب هو انا اجبرتك يعني ما كله كأن بمزاجك
جين بصراخ: مزاج مين يا ابو مزاج انا اصلا اتجوزتك غصب عني
سليم: بس مغصبتكيش لما قربت منك انتي اصلا اللي اغرتيني ولا ناسيه
جين: اااااااااااه ما رضوي وقتها كانت هتقتلني ولو مكنتش عملت كده منك لله
جين صرخت وصرخ بعدها طفل
إسراء: مبروك ولد وشكله كده هيطلع شبهك يا سليم سمي وشيل ابنك
سليم: لا أخاف اكسر دراعه ولا حاجه ده صغير اوي
إسراء بضحك: نفس اللي قاله صحبك
جين ابتسمت بقى عندها عيله وغمضت عيونها بتعب
سليم شال ابنه وبص لجين وقال بقلق
'' جين ''
إسراء: متخافش هي نامت من التعب بس
..........................................
بعد ساعه
رسيل فتحت عيونها وكان فهد قاعد جنبها
فهد بابتسامه: حمد الله على السلامه يا حبيبتي
رسيل بتعب: ابني فين يا فهد انت شوفته صح
فهد: بص جنبك اهو ثواني اجيبه
فهد شال ابنه براحه وقرب من رسيل وهي شالته وبصتله ودموعها نزلت اول ما شافته
فهد: ليه بتعيطي
رسيل: شعور جميل اوي يا فهد اول مره اجربه من يوم ما عرفتك وانا بجرب حاجات كتير وأحاسيس جميله
فهد ابتسم بعشق وكان هيبوسها بس ابنه عيط
فهد كشر: لا شكلك هتقطع عليا كتير
رسيل قعدت تضحك والباب اتفتح ودخل يحيى بسرعه ومعاه صفا وحسين
يحيى قرب من رسيل بفرحه: ولد ولا بنت
رسيل: ولد يا استاذ يحيى
حسين: حمد الله على سلامتك يا بنتي
صفا: حمد الله على السلامه يا رسيل
رسيل: آلله يسلمكم
حسين: ها هتسموا ايه
رسيل: يحيى هو اللي هيسميه انا وعدته
يحيى بصلهم: انا
فهد: يلا يا يحيى عايزين اسم حلو
يحيى بص للطفل وقال بابتسامه جميله
فارس هيبقى اسمه فارس نورت العيله يا فارس بيه
..........................................
شغف كانت شايله ابنها ومسكت ايده الصغيره وباستها بحب
زين: ها هتسموا النونو أيه
شغف: مالك انت اللي هتسميه
مالك بصلها وقال: رعد رعد مالك الشناوي
شغف بمرح: يا سلام
زين: حلو رعد
شغف: ايوه وابقه ادلعه واقوله يا رودي
مالك بغيظ: ليه يعني
شغف: كده مش انا اللي حملت فيه وتعبت وولدت يبقى من حقي ادلعه
زين خرج: حلوا المشاكل العائليه دي وانا هتصل اشوفهم فين
مالك بصلها وتني كمام القميص وظهرت عضات شغف عليها
'' مش لوحدك اللي تعبتي ''
شغف بصدمه: انا اللي عملت كده مستحيل
مالك بضحك: والله انتي
شغف باست ايديه: اسفه بس الوجع كان شديد اوي
مالك بحنان: أهم حاجه انكم كويسين دلوقتي يا شغفي
دخلت زينه بفرحه: بقيت عمتو
مازن: فين النونو فين
مالك: انتوا جيتوا لوحدكم
طارق دخل وقال: حمد الله على السلامه يا شغف
شغف: الله يسلمك يا عمي
مالك شال ابنه وقرب من ابوه: كبر في ودن حفيدك يا بابا
طارق شاله وبدأ يكبر في ودنه وقالت زينه
'' سبحان الله شبه صور مالك وهو صغير مش اوي بس فيه شبه كبير اوي ما بينهم ''
مازن: بابا انا عايز اشوف النونو
طارق نزل لمستواه ومازن باس راسه وضحك
زينه: اسمه ايه بقى
زين: ههههههه رعد باشا الشناوي
مازن: انا وانت يا رعد هنبقي اخوات صح يا بابا
شغف بضحك: صح اومال ايه اول علاقه اخوه ما بين عم وابن اخوه زي فيلم البدله ههههههه
..........................................
سليم كان بيبص بحب لجين وهي حاضنه ابنهم اخيرا بقى عنده عيله صغيره
سليم: جين هتسميه ايه
جين: لا جدو هو اللي هيسميه
سليم بصلها بشكر هو كان عايز يعمل كده بس ساب الحريه ليها هي
أنس جرى بفرحه على جين وقال
'' عايز اشوفه عايز اشوفه ''
علي: براحه يا أنس حمد الله على السلامه يا جين
جين: الله يسلمك يا ابو عمر يلا بقى شيل حفيدك واختار اسم
علي: انا
جين: اومال وقولي شبه مين
علي شاله وابتسم: شبه سليم الخالق الناطق
جين: هو انا قادره على سليم علشان يبقى عندي نسخه منه
سليم: وماله سليم بقى ان شاء الله
جين بغيظ: متملك
سليم: قول يا جدي اسم يلا وسيبك منها
علي: ايه رايك يا انس نسميه ايه
أنس بتفكير: اممممم غيث
علي ابتسم بحنين وقال بحزن: فعلا شبه غيث جدا
جين ابتسمت: خلاص هيبقى غيث سليم المسيري
..........................................
في الليل اتجمع الشباب في مكان وقال سيف
'' ها يا رحيم ليه جمعتنا ''
رحيم: كرم قالي اجمعكم علشان نعرف المعلومات اللي معاه
مروان: ازاي تعرف كرم يا رحيم
رحيم: اهو جيه
كرم نزل ومشى بثقه ولما لا وهو أحد أحفاد الشرقاوي
كرم بابتسامه: تايجر
رحيم: اخيرا ظهرت يا ابني انت مختفي من سنه لدرجه اني قولت انهم قتلوك
كرم: عيب عليك هو انا اي حد
أدهم: ينفع إذا تكرمتوا نفهم
رحيم: كرم الأنصاري انا وهو اللي خرجنا البنات لما كانوا عندهم 16 سنه وهو اللي مزروع وسط المافيا إذا كنت أنا واحد منهم فهو واحد من جواسسهم وكان في إسرائيل طول الفتره دي بس قبل 5 سنين كان محبوس بس عرف يهرب
كرم: لولا الحبسه دي بصراحه المعلومات اللي معايا محدش كان هيقدر يوصلها
عدي: طب حلو يعني تعرف مين هما اللي المافيا الإسرائيلية اللي بقالها سنين دي وهما فين
كرم: انا اعرف مين هما المافيا المصريه بالظبط والعمليات اللي هتقوم بعد 10 ايام وده في حد ذاته هيعرفنا مين هما المافيا الاسرائيليه المعلومه دي محدش يعرفها غير ملاك
سيف: انت كمان تعرف ملاك
كرم بشرود: ايوه اعرفها..... اااااااه ايه يا رحيم
رحيم بغيظ: انت كنت بتظهر للبنات وبتحذرهم يا كرم من غير ما تقولي ولا حتى هما قالولي
كرم: كنت بخفي نفسي علي فكره وبعدين هما وحشوني اوي متنساش اني اعرفهم كلهم زي زيك
الشباب برفعه حاجب: وحشوك
رحيم: قابل بقى يا اخويا
كرم كان هيتكلم بس قاطعه صوت التليفون بص للمتصل وقلق
أدهم: فيه ايه مالك
كرم: دي الحراسه اللي انا حاططها على البنات وبيبلغوني دايما لو هما في خطر
الشباب خافوا وقال فهد: طب رد
كرم: الو
المتصل:..........
كرم بغضب: امتا ديه حصل وانتوا كنتوا فين
كرم بص للشباب وتحديدا سليم وقال
'' سليم عيله الفرماوي خطفوا ابنك ''
سليم بصدمه: غيث ابني
..........................................
وصل الشباب المستشفى (وكانت مستشفى البنات) وكان الكل سامعين صوت صراخ جين اللي ملا المستشفى
سليم جري بسرعه وراح لجين اللي كانوا ماسكينها البنات بيحاولوا يتحكموا في حركتها وكان اكمل وعدنان موجودين وجين لما شافت سليم ومروان جريت عليهم وصرخت في مروان
'' أخدوا إبني يا مروان لو مكنتش منعتني زمان اني اقتلهم كان غيث دلوقتي في حضني ''
سليم حضنها وهي فضلت تضرب فيه وبتبكي بانهيار
'' رجعلي ابني يا سليم انا عايزه ابني حرام بقى مبقاش عندي طاقه استحمل ده كله رجعلي ابني يا سليم انا عايزه غيث ''
جين فقدت الوعي في حضن سليم وهو شالها ودخل بيها اوضه وحطها علي السرير والبنات فضلوا جنبها وهما حاضنين ولادهم
سليم خرج بجمود وقال لكرم: عيله الفرماوي هي اللي خطفته
كرم: مش بالظبط هو وريث الفرماوي اللي عمل كده
مروان بغضب: اكيد هو في قصره دلوقتي
كرم: للأسف لأ رجالتي اللي في قصره بتقول انه كان شايل طفل رضيع وخرج من القصر به ومحدش عارف هو فين
مروان بعصبيه: يعني هيكون راح فين
سليم بصلهم وقام وخرج بسرعه والشباب استغربوا وخرجوا وراه
..........................................
وصل سليم مخزن ونزل بعنف من العربيه ودخل جوا وكان ضياء مربوط ومفيش في جسمه مكان الا واخد فيه كدمه
سليم مسكه من رقبته بعنف وقال بغضب
'' جدك فين ''
ضياء وشه ازّرق مش عارف يتكلم ولا يتنفس مروان وعدنان بعدوه بسرعه وضياء فضل يكح جامد
كرم: انت اللي كنت خاطف ضياء يا سليم
سليم: انطق جدك فين
ضياء: م معرفش هههههه وأيا كان اللي عمله فهي تستاهل
مروان ضربه جامد: ليه كل الحقد ده فيكم انا وهي عملنا ليكم ايه
ضياء: انت كارت ذهبي إنما هي بقى قناص من الدرجه الاولى حاول جدي معاها بكل الطرق بس فشل معاها كانت آخر طريقه اني حد مننا بتجوزها فجدي رشحني انا وحاولنا نجبرها لدرجه اني فضلت اسبوع أعذب فيها بس فشلنا عارف ليه علشان هما اغبيه رفضوا الفلوس والسلطه واتمسكوا هما 7 بشويه مباديء سخيفه بس دلوقتي محدش عارف يوقفهم في الأول كنا مش قلقانين غير لما ظهرتوا انتوا في حياتهم ههههههه بس خلاص مش هتعرفوا تغيروا الشياطين اللي أصبحوا عليه وحتى لو عرفتوا بقيوا مشوهين من جوا ومن برا ههههههه
سليم نزل في ضرب ضرب ضرب
سيف وادهم ومراد شدوا سليم لأنه خلاص ضياء مات في ايده
عدي شد على شعره: قتلوا ليه كده مش هنعرف جده فين
الكل خرج وسليم بيحاول يهدي نفسه بكل الطرق
تليفون اكمل رن وهو خرجه وكان رقم غريب فرد بتعب: مين معايا
# ايه ده مش المفروض الناس تقول الو والقوانين اتغيرت
اكمل بص للتليفون بصدمه: انتي انتي
شمس بضحك: لا ازعل منك يا ابن عمي بقى 6 شهور نسيت فيهم صوتي تعالى خدني من المطار ولو الواد عدنان عندك هاتي معاك يلا بسرعه
شمس قفلت ولسه اكمل بيبص بصدمه للتليفون فقال مراد
'' فيه يا أكمل مين اللي كانت بتكلمك''
اكمل: دي دي امي عايزاني في حاجه معلش يا عدنان تعالى معايا
عدنان: على فين؟!؟!
اكمل ركب العربيه بسرعه: مش وقته هبقي اقولك في الطريق
اكمل مشي وقال مالك بشك
'' أمه هتتصل وهيقولها مين معايا ''
..........................................
بعد وقت في المستشفى كانت جين حاضنه أنس بقوه ونايمه على السرير ومغمضه عيونها ودموعها بتتسابق على خدودها اتفتح الباب مره واحده ففتحت عيونها واتصدمت من اللي قدامها
شمس: تؤ تؤ تؤ بقى اغيب وارجع الاقيكي كده يا صقر
جين بدموع: مليكه
جين جريت على شمس وحضنتها جامد
'' اخدوا ابني يا مليكه اخدوه وعايزين يحرموني منه ''
شمس: انتي قويه يا صقر مش جين الزيان اللي تتكسر ولا انتي ناسيه مين هما الشياطين
شمس سمعت صوت من وراها
'' مليكه ''
وده كان صوت البنات شمس بعدت عن جين وفتحته دراعتها بتمثيل
'' تعالوا يا كلاب في حضني ''
شغف قربت منها وضربته بوكس وقالت
'' يا حيوانه ده كله في غيبوبه عجبتك القعدة جوا وسايبه الدنيا تلطش فينا هنا ''
رسيل: اوعي سبيني عليها بت الألفي دي
ملك وعشق دخلوا وقالت عشق
'' ايه يا جدعان حرام عليكم البت لسه قايمه من غيبوبه فين الرحمه ''
شمس شاروت على ديانا: اشمعنا انتي يعني اللي بطيختك لسه موجوده
ديانا: أمر الله هنعترض
شمس قعدت: والله زمان يا عصابه
ملك بخبث: بس احنا دلوقتي عايزين نخرج الشياطين علشان يعرفوا اللي يقرب من نسل الشياطين بيحصل فيه ايه
البنات بصوا على بعض بخبث شديد وأصبحت نظراتهم ماكره وقالوا في صوت واحد
'' وقد عادت الشياطين للساحه''
(ومن هنا نبدأ بالانتقام عايز اقول اني كل اللي فات ده حماده واللي جاي ده فرغلي تاني خالص)
.

.........................................
بعد يومين في مكان مثل غرفه الاجتماعات ذهبنا له مره كان الشباب مجتمعون وكان كرم يشرح لهم الذي سيحدث في المهمه الكبيره
سيف: يعني دلوقتي علشان يعدوا الشحنه هيفجروا كذا مكان في مصر وفي أماكن متفرقه على مستوى 4 محافظات
كرم: ايوه في الاسكندريه هيفجروا كنيسه وفي السويس هيفجروا جسر وفي القليوبية هيفجروا سكه حديد والقاهرة فيه اجتماع عالمي للأطباء هيكون في مصر اكيد هيفجروا وده كله تغطيه على الشحنه اللي هتخرج من اسكندرية وهي أعضاء وبنات وأثار وتستبدل بمخدرات وسلاح وادويه فاسده مع المافيا الاسرائيليه ولو الشحنه دي نجحت أو فشلت في كلتا الحالتين هيعملوا اجتماع لاني بموت ستيف أو هشام الهواري هيختاروا حد يكون مكانه
فهد: مين بقى المافيا المصريه
كرم: مكونه من 4 مصريين عيله الفرماوي ووريث الفرماوي هو اللي الضلع الأول وعيله الأنصاري وكان هاري ده الضلع الثاني وعيله الهواري بس دول انتهوا حتى هشام مات
أدهم بتركيز ومين بقى الضلع الرابع
رحيم: اكيد الخاين
كرم: ايوه الخاين بيكون محمد الصاوي
سيف: مستغربتش اوي كنت حاسس انه هو خصوصا بعد اغتيال اللواء إسماعيل مين له مصلحة غيره هو
سليم: اللي بندور عليه من 3 سنين ليه علاقات في المخابرات المصريه وفي الجيش المصري
مراد: ذكي جدا محدش شك فيه بسبب معاملته لينا كأنه واحد من الـ 10 بس ولاده
فهد: شمس قالت مره انا شاكه في واحد واتمنى ميكونش هو مش علشانه علشان ولاده
سيف: مين ولاده بالظبط؟؟؟!
مروان: عبد الرحمن وبراء وتقي
مالك: براء
رحيم: ولاده ميعرفوش اي حاجه بشغل ابوهم وانا متأكد من ده
كرم: فعلا انا اتأكدت من ده برضو هما التلاته دايما بعيد عن ابوهم حتى في الحياه الشخصيه كويس انهم مش زيه طالعين لامهم الله يرحمها
عدي جاله اتصال: استر يارب بقيت اخاف لما التلفون يرن بعدها بتبقى كارثة
عدي رد: الو
المتصل:...........
عدي وقف: نعم دلوقتي حاضر جاي عارف لو حصل حاجه هحملك انت النتيجه
عدي قفل: معلش يا شباب هاروح مشوار مهم
أدهم: عدي متأكد انه مفيش حاجه
عدي ابتسم أبتسامه قلقه : مفيش حاجه يا صاحبي سلام
فهد: مش عارف ليه فيه مصيبه هتحصل وخصوصا اني عدي متغير بقاله فتره
..........................................
في شقه ديانا وعدي كانت تجلس وهي تقرأ هذا الملف بيدها فلا تعلم كيف جاء هنا سمعت صوت الجرس فسحبت مسدسها وقامت وراحت للباب وبصت من العين السحريه وفتحت الباب بسرعه وقالت بعدم تصديق
" عائشه "
عائشه بصت على المسدس في ايدها
'' ماسكه ليه مسدس ''
ديانا: لا ده انا افتكرت حد غريب ادخلي ادخلي
عائشه دخلت وهي بتبص حواليها بتوتر وديانا حضنتها جامد
'' عائشه انتي كويسه انا كنت قلقانه عليكي أوي''
عائشه ضمتها جامد هي اللي محتاجه حضن
'' انا كويسه بس ممكن عصير ''
ديانا: اكيد اقعدي
ديانا راحت المطبخ وعائشة سمعت صوت في السماعه بيقول
'' يلا نفذي عارفه لو لعبتي بديلك هقتل اختك بصي عليها كده ''
عائشه راحت المطبخ وكانت ديانا بتحضر العصير ومش اخده بالها من الضوء الأحمر اللي عليها وكان من قناص شافته عائشه وحست بالرعب على اختها
ديانا بصت على اختها: مالك يا عائشه وشك اصفر ليه
عائشه: ها مفيش بس هو يعني انا محتاجه فوطه ممكن علشان مش عامله حسابي
ديانا ابتسمت بتفهم: حاضر ثواني هجيب واحده
خرجت من المطبخ وعائشه بصت على كوبان العصير وطلعت كيس فيه ماده بيضاء وفضته في كوبايه وكانت أيدها بتترعش مسكتهم وخرجت بيهم وقابلت ديانا وادتها العصير وقالت بابتسامه باهته: اتفضلي
ديانا أخدته منها بابتسامه وشربته بس مش كله لاني حست اني طعمه غريب بس مهتمتش اكيد اختها مش هتحط ليها حاجه حطت الكوبايه على الترابيزه وقعدت على الكنبه
'' ها يا ستي أيه الأخبار مع غراب البين بتاعك ده ''
عائشه سمعت صوت في السماعه بيقول
'' مهمتك خلصت انا طالع ''
عائشه اول ما قفل جريت برعب على ديانا وشدتها من ايدها
'' ديانا قومي بسرعه لازم تهربي ''
ديانا: فيه ايه يا عائشه اهرب ليه
عائشه برعب: رأفت جاي بسرعة
الباب اتفتح بعنف ودخل رأفت وراجل معاه
'' كنت حاسس إنك هتخوني يا شوشو كده تزعليني ''
عائشه وقفت قدام ديانا: ابعد عن اختي يا رأفت احسن والله اقتلك
رأفت: تؤ تؤ كده هزعل اكتر
وقرب منها ومسكها من شعرها تحت الحجاب وقال: بقي انا واحده مدمنه زيك تقول هتقتلني
ديانا كانت هتتحرك تضربه بس حست بدوار شديد ووقعت علي الارض
عائشه: ابعد عني يا حيوان ديــــانـــــا
ديانا بصت لأختها بتشوش ورأفت بص للراجل وقال ببرود: نفذ
وشد عائشه من شعرها لبرا وقفل الباب واخر حاجه شافتها ديانا قبل ما تفقد وعيها هو الراجل ده وهو بيقترب منها
اما عائشه قدرت تضرب رأفت وزقته وهربت بسرعه وحاول رأفت يلحقها بس مقدرش من الضربه اللي اخدها
عائشه فضلت تجري بأقصى سرعه ليها ووقفت تاكسي وراحت علي فيلا عمها إبراهيم ودخلت تجري للفيلا وكانوا نايمين فصرخت بقوه
'' عــمــي شــهـــاب ســـاره رمــــاح ''
الكل قاموا مخضوض ونزلوا لتحت وكان اولهم رماح اللي جرى على عائشه بخوف شديد فهو يعشقها لا يحبها فقد لكنها تزوجت بآخر وهو تمنى لها السعادة
'' عائشه انتي كويسة حصلك حاجه ''
عائشه بعياط: ديانا يا رماح ديانا
ساره بخوف: مالها ديانا
عائشه: رأفت هيوقع بينها وبين عدي
الكل بصدمه: ايــــه
..........................................
عدي نزل من العربيه وطلع للشقه وعيونه كانت حمراء فتح الشقه وكانت الأنوار كلها مطفيه
" ديانا انتى فين"
سمع صوت من اوضه النوم راح بساعه هناك وفتح الباب وشاف منظر خلي الدم يغلى جواه راح بسرعه ومسك الشاب ده ونزل فيه ضرب اما ديانا كانت بدأت تفوق بصت على نفسها وكانت في وضع لآ تحسد عليه قامت وشدت هدومها وبدأت تلبسها بسرعه وقربت من عدي اللي كان بيخنق في الشاب ده
'' عدي ابعد عنه هتقتله ''
عدي بصلها وغيرته عميته: اخرسي يا ديانا
ديانا شدت الشاب ده بعيد وفقد الوعي وقربت من عدي وبصتله برجاء: عدي...... اااااااه
عدي مسكها من شعرها وشدها لبرا
ديانا ببكاء: عدي والله ما علمت حاجه والله يا عدي صدقني محصلش اي حاجه
عدي بصلها بوجع وهمس بكلمتين
''شوكو.... سامحيني ''
وفتح الباب وخرجها برا وقفل الباب تاني وسند عليه وهي مش فاهمه اي حاجه فخبطت على الباب بجنون
'' عدي افتح يا عدي والله ما حصل حاجه والله انا مظلومه يا عدي يا عــــدي ''
ديانا سندت على الباب ونزلت بضهرها لتحت وهي سامعه صوت التكسير جوا وبدأت دموعها تنزل وخافت عليه اوي وقامت ولست هتحاول تفرح الباب بأسلوبها حست بوجه رهيب في بطنها بصت لتحت شافت دم خافت اوي وبدأت تخبط اكتر
'' يا عدي افتح يا عدي ارجوك ''
عدي بصراخ: امشي يا ديانا امشي
ديانا حست بسكاكين في بطنها نزلت على السلم ببطء من الوجع وكان وراها خط من دمها على الأرض خرجت من العماره وفضلت تمشي في الشارع كانت الساعه 1 بالليل فضلت تمشي وتمشي وخط الدم وراها ودموعها على وشها ومش عارفه تعمل ايه اول مره تحس بالعجز كده وكل خطوه الألم بيزيد وقفت وحطت ايدها على بطنها
" يا ريتني ما حبيتك يا عدي"
شافت ضوء قوي وزماره عربيه عاليه في اللحظه دي استسلمت للموت بس بنتها ذنبها ايه تموت قبل ما تيجي الدنيا بدأت ذكرياتها هي وعدي تيجي في دماغها
............................
- اتفضلي يا ستي العيديه اهي
- انتي عندك حساسيه على الصدر صح
- عيونك احلى فيهم نجمتين
- متخافيش يا نجمتي انا عمري ما هأذيكي
- بحبك يا نجمتي
............................
ديانا كانت هترجع لوراء بس ملحقتش والعربيه خبطتها وهي وقعت على الأرض والدم بقى حواليها اكتر حركت جفونها بضعف وهمست بكلمه واحده بس
" عدي"
استسلمت لتلك الغمامه السوداء ونزل صاحب العربيه بسرعه
'' يا مدام ولا انسه انتي كويسه طب ردي.... الشاب ده قرب اكتر واتضح الدم يا لهوي دي ماتت ولا ايه
ركز في ملامحها اتصدم
'' ديانا ''
..........................................
في قصر الشياطين
كانوا البنات موجودين ومعاهم اكمل وقاعدين بيتكلموا عن المهمه واللي عرفوا اكمل من الشباب وكرم.... سمعوا صوت Red بيقول
'' سيدتي عمر بالخارج ''
شمس: دعه يدخل Red
عمر دخل والبنات اتصدموا عمر كان شايل ديانا وهي متبهدله على الآخر
'' ديــــانـــــا ''
شمس: ديانا انت عملت فيها ايه
عمر برعب: مش وقته هتموت مننا شوفوا فيها أيه
رسيل: بسرعه دخلها الاوضه دي دخلها
شمس: دي حاله ولاده المياه نزلت بس اختلطت بالدم لازم تولد
اكمل: طب ولدوها
جين: احنا مش متخصصين في ده
شغف بسرعه: زين دكتور نسا
اكمل قام: طب يلا نجيبه بسرعه يلا
البنات دخلوا لديانا وقالت عشق
'' ايه اللي عمل فيها كده يا عمر ''
عمر: معرفش انا كنت سايق بسرعه علشان انتوا قولتولي تعالي حالا ظهرت بت قدامي ضربت كلكس مفيش فايده روحت فرملت بس للأسف اتخبطت ولما نزلت لاقتها ديانا
ملك: ايه اللي هينزلها الساعه 1 بالليل وكمان كانت في شقتها في حاجه غريبه
وبعد 3 ساعات
خرج زين وشمس وشغف من عند ديانا وشمس كانت شايله بيبي بتصرخ
زين بتعب: الحمد لله بس ليه خلتوني اولدها طبيعي واضطرنا نفوقها كنت ادينها بنج ووالدتها قيصرية أفضل
شغف: مينفعش محتاجين ديانا معانا
جين: زين محدش يعرف بالحصل ده نهائي ولا حتى اني ديانا هنا
زين: مش عارف انتوا ناويين على ايه بس تمام
ملك: طب هي هتبقى كويسه صح
زين: ان شاء الله كام يوم والكدمات دي تخف كويس انها جات على كده والولادة كام يوم وتبقى كويسه
شمس: طب والبنت
زين: تمام بس لازم ترضع
رسيل قامت: هحضر ليها لبن حالا
عمر: طب ما ترضعوها انتوا
شغف: مينفعش يا أذكى اخواتك لازم الأذن من من الاب قبلوا ما يرضعوا مع بعض
شمس بصت على البنت وابتسمت
'' شبه ديانا في معظم الملامح وفيه ملامح لعدي برضو ''
عشق بغموض: يا ترى فين ابوها دلوقتي
..........................................
اما عند الشباب كانوا بيحاولوا يوصلوا لعدي ومش عارفين
مروان: يعني هيكون فين يعني
دخل شخص وكان عبد الله البحيري وهو بيقول
'' عدي فين هو فين ''
سيف: يعني ايه فين انت كمان بتدور عليه
عبد الله: يا نهار مش فايت ده كده هيقتله
رحيم: هيقتل مين هو في ايه
عدي دخل زي الإعصار ومسك عبد الله من هدومه بغضب حارق
'' مراتي فين ديانا فين ''
عبد الله: انا اللي بسألك فين ديانا يا عدي
عدي سابه بصدمه: يعني ايه فين انت مش قولت بعد ما تخرج هتاخدها ودتها فين
عبدالله: انا ملقتهاش اكيد خرجت من باب تاني
عدي بجنون: يعني ايه دي كانت بتنزف
عبد الله: ايه
عدي: لما خرجت علشان امسك رأفت شوفت دم قدام الباب وعلى السلم وكان موصل لتحت بس اتقطع في الآخر ديانا فين انت السبب
سيف بعصبيه: فيه ايه حصل ايه لمراتك يا عدي وازاي تنزف وتمشي وانت مش معاها
(طبعا عايزين تعرفوا الفصل اللي جاي بقى وكفاية شتيمه فيا ماشي)
..........................................
فات اسبوع كمان وعدي هيتجنن ومش عارف ديانا فين ولا حصلها ايه حتى عائشه اختفت بعد ما رأفت اتحبس
عدي كان في شقته اللي كسرها بعد ما هي مشيت وكان بيبص على صورتهم هما الاتنين في البيت اللي تحت المياه وكانت هي بتضحك بسعاده وهو كان حاضنها دموعه اتجمعت في عيونه وهو بيفتكر ذكرياته معاها
- نعم وده ازاي أن شاء الله
- قلبك بيدق كده ليه
- حلو اوي المكان ده يا عدي
- تستاهل علشان تبقى تبوسني تاني قدام الناس
- لا يا عدي متمشيش انا بحبك يا عدي
- اخاف وانا معك بربك يا تمساح انا لم أعرف الأمان الا عندما وقعت بين احضانك
عدي بدموع: ارجعي بقى والله ما كان بأيدي انا غلطان يا قلبي اني خبيت عليكي بس بلاش العقاب ده
سمع صوت جرس الباب فجري بسرعه يمكن تكون ديانا ولما فتح الباب كانوا الشباب
مالك: ايه يا عدي محدش عارف انت فين من اسبوع
عدي دخل والشباب دخلوا وقال سليم
'' ده فيه إعصار ضرب الشقه هنا ''
عدي قعد وكانت حالته مبعثرة بشده
فهد قعد قدامه: ايه يا عم بقيت شبه المدمنين كده ليه
رحيم: أدي أخرت الحب انا الوحيد السنجل هنا
مروان بصله: تصدق صح قوم يا عدي واحلق دقنك دي وخد دش خلاص ساعه الصفر قربت فاضل 8 ساعات
عدي بصلهم: مش هقدر
أدهم: من امتا بندخل حياتنا الشخصيه في العمليه يا عدي
عدي سكت وسيف قرب منه: انا اكتر واحد هنا عارف احساسك يا عدي بس مش هينفع تقعد كده ونسيب أرواح الناس
عدنان وأكمل دخلوا لاني الباب كان مفتوح وقال اكمل: يلا يا وحوش علشان الخطه
مالك: هو فريق المخابرات وصلوا
عدنان: على وصول وكلهم هيبقى في قصر الشياطين واحنا هنروح هناك دلوقتي علشان الشيطان مستنيانا
سيف وقف بصدمه: شمس
اكمل بابتسامه: شمس رجعت
..........................................
في قصر الشياطين
وصل الكل في سرعه قياسيه وسمح Red ليهم بالدخول
سليم بإعجاب: مين اللي مصمم القصر ده
ظهر ياسين وقال بهدوء: انا
أدهم بلهفة: ياسين شمس فين انت شوفتها صح
ياسين: ايوه يا أدهم فاقت وهي جايه دلوقتي
مالك: فين الباقي الوقت بيعدي ومعاد العمليه بيقرب
اكمل: جايين في الطريق عدنان هي موده فين لازم تكون هنا من بدري
موده دخلت: انا هنا يا عم وصلت فين شمس بقى انا مشوفتهاش من 6 شهور
شمس من وراها: 6 شهور بس اومال لو كانوا 6 سنين
موده: شـــمـــس
موده حضنتها وقالت: يا بت ابعدي هتخنق
موده بعدت وادهم قرب منها: مليكه
شمس: بالله عليك براحه جسمي خلاص بقى في ذمه الله
أدهم ضحك وحضنها جامد وهي صرخت
'' حرام عليكم عضمي يا ناس منكم لله ''
أدهم: لسه زي ما انتي
شمس: اوعي اوعي
بصت للكل: لسه زي ما انتوا محدش اتغير
وقعت عيونها على عدي فبصتله بغضب
'' عدي ينفع نتكلم شويه ''
عدي: عارف هتقولي ايه بس والله ما كان بأيدي
شمس: يعني انت فعلا طردتها
عدي بلهفه: هي هنا
شمس ببرود: لا مش هنا عايزه افهم بقى إللي يخليك تعمل فيها كده
عدي: رأفت
شمس باستغراب: رأفت خطيب عائشه غراب البين ده
عدي: كان خاطف عائشه وخلاها مدمنه وكان بيهددها باختها طول الوقت علشان عايز ديانا كان عايز يخرب علاقتنا بأي طريقه لدرجه انه فبرك صور لديانا وبعتها ليا بس مصدقتش انها اللي في الصور ولما اتجوز عائشه اختفوا بس عائشه اتواصلت مع جدها وحكت ليه كل حاجه وكان لازم نمشي على خطه رأفت علشان يظهر وبعت عائشه لديانا علشان تحطلها منوم في العصير وهددها انه هيقتل ديانا بقناص لو معملتش كده وهي فعلا عملت كده بس كانت عايزه تهربها بس رأفت طلع للشقه ومعاه راجل تاني عائشه هربت من رأفت وراحت لعمها إبراهيم وانا لما وصلت مكنتش عارف بالظبط هيبقى أيه بس كنت متأكد انه هيكون كدب طردت ديانا كأني مصدق علشان يبان انه خطته نجحت وقبضت عليه قبل ما يروح وراء ديانا بس لما دورت على ديانا ملقتهاش معرفش ليه خرجت من الباب الخلفي بس مش عارف هي فين
شمس بصتله طويلا: انا مصدقاك
مراد: بالسرعة دي أشك
شمس: انا راجعت اللي حصل من الكاميرا اللي قدام الاسانسير وانت همست بحاجه ليها ولما ركزت اكتر عرفت اني اللي قولته كلمتين شوكو وسامحيني فهمت من كلمه شوكو اني فيه حاجه غلط بس انت عرفت ازاي الكلمه دى
ياسين: سألوني قبل كده عنها وانا قولتلهم انها كلمه بنستخدمها لما نبين اني فيه خطر ومنقدرش نتكلم
عدي: هي فين كانت بتنزف
شمس بصتله بمكر وقررت تلعب باعصابه شويه
'' بعد ما خرجت كانت بتنزف فعلا بس تقريبا من صدمتها فيك ماخدتش بالها من كلامك والنزيف ده كان أشاره أنها ولاده بس خبطتها عربيه للأسف ''
عدي برعب: نعم طب وهي حصلها أيه وهي فين دلوقتي
شمس بمكر خبته بحزن: حصلها كدمات ومن حظها الحلو اني اللي خبطها كان عمر فجابها على هنا اما هي فين دلوقتي فهي والبنات برا
فهد: برا فين رسيل قالتلي اني هي والبنات مع الولاد هنا علشان ده أمن مكان بعد اللي حصل هما فين والولاد فين
شمس: ولادكم فوق نايمين ومعاهم انس ومازن انا اول ما شوفتهم قولت اني يامن كدب عليا وانا في غيبوبه بقالي 5 سنين بس فهمت مين دول اما البنات فين اعتقد عرفتوا اني ابويا اتخطف
أدهم: اتخطف ايه امتا ده
ياسين: من 3 ساعات بعتله علشان يجي على هنا علشان يعرف اني شمس فاقت بس ظهرت عربيه واخدته وعشق ورسيل راحوا المكان ده يمكن يلاقوا حاجه
شمس: ومصطفى برضو اتخطف
مروان بصدمه: نعم اتخطف هوا كمان مش كفايه ابنها اللي أخده كمان اخوها
مراد بغضب: عايزين يشتتونا عن عمليتهم بس اتخطف ازاي ويامن وآسيا
شمس: شغف وملك راحوا تركيا علشان يجيبوا اسيا ويامن علشان خطر عليهم بس هما وقتها كانوا في جنينه برا القصر اما ديانا وجين فهما راحوا يجيبوا حاجه من محمد الصاوي قبل ما يختفي لاني العمليه قربت
سليم: يجيبوا ايه؟!؟!
شمس: هتعرفوا لما الكل يجي
شمس بصت على كاميرا وابتسمت لاني وراء الكاميرا دي كانت ديانا اللي ابتسمت هي كمان
شمس عيونها وقعت على سيف فبصتله غصب عنها باشتياق شديد اما هو عندما لاحظ انها تنظر له غمز لها بمشاكسه
شمس عضت على شفايفها باحراج وصدمه من جرأته وبصت على رحيم وقالت بمرح
'' رحيم يا ابن عمي البنات قالوا إنهم لقيوا البنت اللي هزأتك يا تايجر ''
رحيم قلب عيونه بملل: مش عارف ليه مصرين على البنت دي
شمس: ما محبه ألا بعد عداوه
رحيم بغيظ: ملقيتيش غير دي
شمس: ومالها يعني دي حتى شبهنا اوي
رحيم: وهي دي المصيبه انها زيكم وبعدين انسى الموضوع ده خالص
شمس: هنشوف
شمس بعدت عن الشباب وراحت مكان فاضي ورنت على شغف وقالت
'' شغف انتوا فين ''
شغف: في مطار مصر خلاص
شمس: مترجعيش على القصر بآسيا وديها لمروه وبعد ما احنا نمشي تاخدها وتيجي على هنا علشان تاخد بالها من الأطفال
شغف: تمام ماشي
..........................................
الكل وصل ورسيل وعشق ملقيوش حاجه وظباط المخابرات اللي هما الشله معتز وليل وعلي وسراج ورماح وجون والياس وكان موجود بيتر وفادي وكرم وعمر برضو ماعدا ديانا وجين
سليم بقلق: هما اتاخروا كده ليه
ليل: يكونش عرفهم واخدهم هما كمان
ديانا ببرود وسخريه من وراها: ليه قالولك اننا ليل
عدي بصلها وشاف الخدوش اللي في وشها ووو بطنها كانت مسطحه ده معناه انه خسر بنته اكيد منجيتش من الحادثه هو السبب بص لعيونها وشاف نظرات غريبه بس شاف نظره عتاب منها
شمس: ها عرفته تجيبه الشعره وبعدين هي جين فين
جين دخلت ومعاها تقي وبراء
'' جبناها واللي قدر يعملها هما دول ''
شمس قربت منهم وهما بصولها بكسوف من اللي عمله ابوهم فيها وفي البنات وفيها هي اكتر واحده
'' شمس احنا ''
شمس حضنتهم الاتنين: تعرفوا امي قالت جمله مفهمتهاش غير دلوقتي قالت اوعي تظلميهم في الأول مكنتش اعرف مين دول بس دلوقتي عرفت كانت تقصدكم انتوا... انا والبنات اللي علمناكم كل حاجه مش هو ومن قبلنا كانت امكم يعني انتوا مش آخدين منه حاجه غير اسمه بس في الشهاده
تقي عيطت وعشق قالت
'' يا بت خلاص وربنا احنا ما زعلانين منكم ايه يارب البنات البنات اللي بتعيط من أي حاجه دي''
تقي ضحكت وبطلت عياط والياس قال
'' ايوه كده خلي القمر يطلع ''
رسيل ضربته على قفاه: بس يا بابا
سيف: دلوقتي ليه محتاجه شعره من محمد الصاوي
شمس بغموض: هتعرفوا.... كملت بصوت عالي
ألــفـــا
ظهر انسان آلي غريب ووقف قدام شمس
فهد: يا لهوي هو فيه كده

شمس: ده الالفا تعب سنين وسنين كيف حالك يا ألفا
الالفا اتكلم: مرحبا سيدتي قد طال غيابك
شمس: أعلم ألفا والان حان وقت العمل
الالفا: أمرك سيدتي
شمس اخدت الشعره وحطتها في مكان معين في الالفا وقالت
'' اريد ان اعلم اين صاحب هذه الشعره ''
الالفا بدأ يشتغل وظهرت صوره 3D لكوكب الأرض وبدأ يدخل جوا لحد ما وصل مكان معين في مصر وكان على حدود القاهره
جون: خليني اعترف واو تفوقتي عليه نفسك يا ملكه
ابتسم أدهم وياسين بفخر باختهم
شمس: ألفا تستطيع أن تظهر المكان كصوره لا كنقطه اشاره
الالفا: حسنا سيدتي
ظهرت صوره فيلا وحواليها حراسه مشددة وكلاب حراسه في كل مكان
شمس: اريد ان اعرف مداخل ومخارج هذه الفيلا وأيضا كم غرفه بها
سراج: هيقدر يعمل كده
موده: الألفا متحكم في قمر صناعي ومن خلاله يقدر يعمل كده
الالفا: سيدتي هناك مدخلين للفيلا واحد من الأمام والآخر من الخلف غير المدخل الرئيسي وبها 5 غرف وهناك غرفه يوجد بها شخصين مربوطين
شمس بسرعه: قم بإظهارهم
الالفا دخل الفيلا وظهر حسن ومصطفى مربوطين وكان مصطفى قاعد وحاطط رجل على رجل وبيقول
'' بس انت يا ابو علي فضلت تضرب ولا اكنك مصارع عملت كده ازاي ''
حسن بسخريه: مصارع ايه انت مش شايف الضرب اللي أخدته
مصطفى: وربنا لسه قمر برغم الضرب
حسن: انا مش عارف اتحطيت معاك في اوضه واحده ليه يا جذمه انت
مصطفى بتذمر: من غير شتيمه إذا سمحت ده جزاتي اني بسليك يا سكر
حسن بفقدان امل: تربيتهم فعلا
عدنان: فعلا حتى وهو مخطوف بيهزر
ملك بغضب: والله لاشوه اللي عمل فيك كده يا بابا
شمس ببرود: فاضل 4 ساعات على العمليه لازم نحط الخطه
سيف: الخطه جاهزه مش فاضل غير نقسم
ملك: يعني حطيتوا الخطه تمام أبدوا الشرح
وبعد ساعتين
سيف: ها تمام كده
الكل: تمام بس مين هيقسم
معتز: دي محتاجه كلام القائد طبعا
سيف وشمس بصوا لبعض وقال سيف
'' هنتقسم 6 فرق وهيكون معانا عساكر تانيه
مروان وملك وفادي وبيتر ورحيم هيبقوا في ميناء اسكندريه هيوقفوا الشحنه دي وهيكون معاكم اكمل على البر وعساكر تانيه ''
شمس: معتز ورماح وجون هيكونوا في اسكندرية برضو هيوقفوا انفجار الكنيسه
سيف: الياس وعلي وموده هتنقلوا الأطباء قبل الاجتماع لاني الانفجار مش عباره عن نار لا ده غاز وهيكون معاكم عساكر من الشرطه برضو
شمس: وبالنسبه للقطر اللي هيتقلب هيكون كرم وليل وعدنان لازم توقفوا القطر ده بأي طريقه
سيف: وبالنسبه للجسر اللي هينفجر في السويس والقنبله اللي هناك أصعب قنبله فيهم ومحتاجين كتير علشان يوقفوا العربيات قبل ما يحصل انفجار هيكون عدي ومالك وفهد وسليم ومراد وديانا وشغف ورسيل وجين وعشق وكمان يا عشق مش لوحدك اللي بتفهمي في القنابل الشباب معاكي بيفهموا فيها علشان ميبقاش ضغط شديد عليكي وانتي الاشطر فيهم
شمس: اما بقى محمد الصاوي واللي هناك معاه هكون انا وسيف وادهم وياسين وسراج وكذا قناص بسبب عدد الحراس والكلاب اللي هناك كده
سيف: فيه اكتر من هليكوبتر برا هتنقلنا تمام كده
الكل: تمام يا فندم
شمس قربت من الالفا وحطت فيه حاجه صغيره
'' لما تطفئينِ سيدتي ''
شمس: مهمتك خلصت يا ألفا ابدا بالعدد التنازلي بتدمير الذات
الالفا انحني وقال: سعدت بخدمتك سيدتي
الألفي انطفى ووقع على الأرض
عدنان وموده وأكمل بصراخ: لــيــــه
عشق بغيظ: برضو عملتي اللي في دماغك ودمرتيه يا مليكه
شمس بجمود: كده أفضل علشان محدش يستغله زي ما كانوا عايزين معايا
شمس سحبت الحاجه دي وشالتها: يلا
الكل خرج وراحوا للطيارات وكان عبد الرحمن ساند على واحده منهم البنات ضحكوا وقالت شغف
'' كنت لسه هقول طلع ندل مش زي اخواته ''
عبد الرحمن: لا عيب عليكي ده انا تربيتكم برضو
شمس: لا فعلا تستحق تبقى الضبع
عبد الرحمن: حمد الله على السلامه يا ملكه
سيف: الوقت بيعدي يا سياده المقدم يلا
شمس: مقدم ايه بقى ما انا عارفه انكم عرفتوا كل حاجه واه أدهم اياك تبعدني عن محمد خالص لاني مضمنش احطك مكانه مش هبقي انا وقتها
الكل اتحرك علشان يركبوا وقالوا البنات بصوت واحد
'' رحيم ''
رحيم بصلهم وقال: فيه ايه
شمس قربت منه: لو موتنا يا رحيم وملاك رجعت قولها اننا حامينا الكل بحياتنا وعمرنا ما قصرنا وقولها برضو اني حافظت على الوصيه لآخر نفس فى عمري
كرم/ ليه بتقولوا كده هترجعوا
جين: مش باين اننا هنرجع ممكن تكون اخر محطه
بصولهم الشباب بخوف فاقترب الوقت وخوفهم يزداد
شمس: في الغيبوبه شوفت ملاك وقالت ليا اوعي تستسلموا لحد ما اجي وقلبي بيقولي اني مش راجعه تاني
ياسين بثقه: هترجعوا يا مليكه
البنات بصوا للشباب والكل طلع للطيارات
(عزيزي القاري ها نحن نبدأ فهل سيعود الفتيات ام لقلمي انا رأي آخر 😂)
..........................................

Sabreen💜