عشق الوحوش والشياطين الفصل الثالث والعشرون 23 - بقلم Sabreen

الفصل 26
نبدأ بالصلاه على النبي ☺️
في قصر الجارحي
وتحديدا في غرفه الطعام كان يجلس عمران في مقدمه السفره وعلى يمينه مريم وبجانبها بالترتيب ريم ورقيه وعمر وياسين اما في الناحيه الأخرى كان يجلس بالترتيب علي وكامل وحسين وطارق وادهم وسيف وعدي وسليم وفهد ومالك
عمران: فين البنات ومصطفى وايهم
رقيه: في المطبخ وجايين دلوقتي يا بابا ما انت عارفهم بيحبوا يقعدوا في المطبخ كتير
سليم بهمس: شكلها عاده عندهم
البنات جم ومعاهم مصطفى وايهم
امل : الحمد لله مبداتوش اكل من غيرنا
عمر: كنا هنبدا بصراحه
شمس : واطي وتعملها يا عمر
مريم: طب يلا يا بنات اقعدوا
البنات قعدوا شمس جمب ياسين وجمبها بالترتيب حبيبه وروان وايات وأمل ومصطفى وايهم
الكل بدأ الاكل تحت مشاكسات العصابه وايهم وعمر ورقيه ونظرات الغيره من الشباب بسبب مزاحهم الكثير مع عمر وابتسام البعض بغموض فمن الأعمى الذي لا يرى نظرات الشباب للبنات وخجل البنات الذي يخبؤه بمشاكستهم وهذا اتضح من حمره خدودهم فهم يجلسون مقابل بعضهم لكن لم يلاحظ هذا الجميع
بعد انتهاء الاكل
عمران للبنات: ينفع تعملوا قهوه القهوة بتاعكم وحشتني قوي
آيات : بس كده يا عمده عنينا الاتنين
البنات راحوا المطبخ علشان يعملوا قهوه وكانت معاهم رقيه ومريم وريم.... ومصطفى كان بياكل جزر🥕وهو ساند على الرخامه
..........................................
اما في الخارج كان يجلس الجميع ولا تزال الحيره تتملك الوحوش
أدهم: عمي عمران هو انتوا تعرفوا البنات دول من امتا
عمران: من 4 سنين يا أدهم يا ابني
سيف : ازاي من 4 سنين واحنا عمرنا ما شوفناهم قبل كده هنا
عمران بشرح: اصل لما انتوا كنتوا تنزلوا اجازه كانوا هما بيبقوا في فتره امتحانات أو مسافرين علشان كده عمركم ما شوفتوهم قبل كده هنا وهما اصلا اللي مربين أيهم اومال أيهم بيقول عمر ورقيه حاف كده ليه
عمر: أصله تربيتهم
شمس من وراهم: ومالها تربيتنا ياض ها
أمل وهي شايله القهوه: هو في زي تربيتنا اصلا
ياسين: أصله لو كان فيه كان زمان الدنيا اتخربت انا اصلا مش متوقع شكل عيالكم
آيات : عيالنا سقف طموحك عالي اوي
على: قهوتكم طعمها حلو اوي يا بنات
طارق: تسلم أيديكم
روان بمرح: اي خدمه ولاه يا عمر المطش وهات ياسين معاك
عمر بضحك: انا جاي استنوني
ياسين وعمر مشيوا وقال حسين: لا بجد قهوتهم طعمها حلو اوي
عمران: اومال لو شفت حلوياتهم دي البت شمس بتعمل حلويات جنان والباقي برضو أكلهم حلو اوي كفايه بس الريحه
كامل: لا احنا كده لازم ندوق
عمران: ههههههههه ااااه والله هيفوتكم نص عمركم لو ماكلتوش
وفجأه سمع الجميع صوت صراخ من الخارج الكل قام فزع وقالت مريم بضحك: متخافوش متخافوش دول بيلعبوا بس
أدهم: بيلعبوا بيلعبوا ايه
عمران: أخرجوا كده وانتوا تشافوا
..........................................
الكل خرج وتفاجئوا من
سليم بصدمه: دول...... دول
البنات كانوا بيلعبوا ماتش كوره ومعاهم أيهم وعمر وياسين ومصطفى وكانوا بيضحكو بصوت عالي
ورقيه وريم بيشجعوا
رقيه: الكوره دلوقتي مع درش اوب تروح لعمر ايوه ايوه اوبس تروح لحبيبه اوبا اخدتها آيات بت عادل اايوه الله عليك يا أيهم الواد أخدها منك يا روان ايوه ايوه في الهدف و...... جووووووووووول
أيهم بصراخ: جيبنا جول جيبنا جول يا عموا ياسين
ياسين حضنوا ورفعوا على كتفه وقال: شاطر يا أيهم شاطر
أيهم: جيبنا جول يا عمر واخسرتوا
شمس قعدت وقالت: هههههه خلاص فرهطت مصطفى قعد جنبها وقال: ااااه يا عضمك يا رضا
عمران: فريق مين اللي كسب المره دي
أيهم بفرحه: فريقنا احنا يا جدو
الفريق كان متقسم أيهم وياسين وحبيبه وأمل ومصطفى في فريق وشمس وايات وروان وعمر في فريق
كامل: بتلعبوا ماتش واحنا كنا فاكرين حد حصله حاجه
حبيبه بضحك: معلش تعيش وتاخد غيرها😅
عمران: احنا اتعودنا على كده والله
شمس : بقولك ايه يا عمده متيجي تلعب دور
عمران: لأ تاني مش هيحصل
أيهم للشباب: تعالوا العبوا معانا مره
أدهم بص للشباب وقال بخبث: ومالوا يا أيهم حتى يبقى الوحوش ضد العصابه
$: بصراخ يا لهوووووي
الكل بص للصوت وماكان الا امل وايات اللي وقعوا في البسين
عمر: نهار اسوح
امل : الله يخربيتك يا آيات يا بت عادل منك لله
آيات : انا اللي مني لله ادينا وقعنا اهو
حسين: يا نهار انتوا وقعتوا كده ازاي
مريم بقلق: يا بنات أخرجوا من المياه الجو برد
آيات بمسكنه: اااه والله ايدك يا بت منك ليها خرجونا
حبيبه وروان مدوا ايدهم لامل وآيات
......: اعاااااااااااااا
وده كانت صرخه الاتنين لاني امل وايات شدوهم في المياه ووقعوا معاهم
روان : ااااااالله يخربيتك يا بت شريف الجو برد
شمس : هههههههههه والله اني كنت حاسه اني ده هيحصل و.... هاااااااااااا
مصطفى بمرح: معلش يا شمس أصله مينفعش كلهم يبقوا جوا وانتي لوحدك برا
حبيبه بضحك: جدع ياض تربيتي
عمر: اوبااااااااا كلكم بقيتوا في المياه
شمس : كده يا مصطفى الكلب ماشي
على: بنات اطلعوا هتاخدوا برد
روان : طب زقوا عجلكم من هنا لاني الهدوم هتبقى لازقه
عمر بقرف: زقوا عجلكم في دكتوره محترمه تقول كده
طارق: يلا يا شباب من هنا علشان يعرفوا يخرجوا
..........................................
وبعد ربع ساعة
كان الكل قاعد في الصالون
:اتشوووووو
مريم كده يا بنات اديكم اخدته برد اهو
امل وهي بتشد البطانيه عليها: اااه منه لله اللي كان السبب
شمس وهي بتشرب الشاي السخن: ااااه يا أبا تعالى يا ابو علي شوف اللي جرالي
الكل بيضحك عليهم لأنهم حطين بطاطين عليهم وقاعدين على كنبه واحده جمب بعض وبيشربوا شاي 🍵
كامل بضحك: شكلكم طفولي اوي
عمر: ااااه والله منخيرهم وخدودهم حمراء من البرد
حبيبه : اضحك يا عمر هيجيلك يوم يا ظالم
مصطفى: تعرف يا عمر انا لو بشوف خدودهم حمرا هيبقى في حالتين بس اما تعبانين
عمر بضحك: أو لسه صاحيين من النوم
عدي بغضب مكبوت: وانت شوفتهم امتا وهما صاحيين من النوم يا فالح
ياسين: في السفر اصلهم بيناموا في الطريق ولما يصحوا تبقى خدودهم بتقمر عيش
ياسين بخبث: ومره كمان كانت خدودهم حمرا فاكر يا عمر
البنات بصوله بتحذير اما ياسين كتم ضحكه كادت تفلت منه
عمر: في رمضان لما صحيوا وبعدها ورناهم الفيديو يا لهوي وشهم وللمره الأولى اشوف طماطم
مصطفى وقع على الأرض من كتر الضحك وهو بقول: يا لهوووووي فاكرين شكلهم والصدمه كانت عامله ازاي
رقيه وريم قعدوا يضحكوا حتى عمران بيه وياسين ومريم تحت استغراب الباقي ونظرات الشرار من البنات
حسين باستغراب: انا مش فاهم حاجه
عمر: اشرحلك انا أصله في يوم في رمضان كان الكل معزوم في مائده رحمن عاملها عم عبد الرحمن أبو روان المهم البنات شربوا بعد الفطار عصير وهوب اختفوا خالص هما والواد مصطفى قعدنا ندور لحد ما الفجر كان قرب يأذن لقينا مصطفى رن وقال إنهم في مستشفى قلنا انهم عملوا حادثه ولا حاجه روحنا كلنا هناك وملقيناش ولا خدش واحد فيهم سألنا مصطفى وهو
عمران بتكمله: قال انهم اخدوا حبوب هلوسه ولفوا مصر كلها وفي الاخر اغمى عليهم
رقيه: بس كل كوم والفيديو اللي صوره ليهم مصطفى كوم تاني دول راحوا ديسكو
الشباب بذهول: ديسكو
روان حطت ايدها على وشها: مكناش في وعينا يا بشر بس الكلب ده..... وشاورت على مصطفى كان واعي بكل حاجه
مصطفى: ده على اساس اني حد عرف يقرب منكم ده انتوا كسرتوا المكان فوق دماغ الكل
أدهم: طب ازاي اخدته حبوب هلوسه
حبيبه : الواطي ده حطلنا في العصير
وشاورت على مصطفى
على: ليه يا ابني عملت كده
عمر بضحك: ده على اساس انهم رحموه دول ادوه علقه قعدته في السرير شهر
مصطفى بولوله: ااااه والله شهر مش عارف احرك حتى صباعي
انفجر عمر ومصطفى في الضحك وقامت شمس : لأ بقى والله لاضربكم انتوا الاتنين
ياسين كتفها من وراء وقال بضحك : شمس اهدي خلاص هيبطلوا ضحك
شمس اتكلمت بالتركيه وقالت بعصبيه: اتركني يا ياسين دعني اقتلهم هما مستفزان
مصطفى بردح: مين ده يا اختي المستفز ده انتوا الخمسه اسطااا في الاستفزاز
عمر بغيظ: ده دكتور الجامعه كان بيشد في شعره بسببكم
شمس بصراخ: اتركني اتركني سوف اقتلهم
مصطفى وعمر: اعااااااا اهدي يا امل اهدوا
امل والبنات طلعوا يجروا وراهم: والله ما اسيبكم لازم تتضربوا
شمس فلتت من ياسين وطلعوا يجروا هما الكل وراء بعض
ياسين: الله يخربيتكم فضحتونا
الكل قعد يضحك عليهم وسمعوا صوت كلب وبعدها صوت ريم
"يا سيف دول راحوا عند روي"
الشباب راحوا بسرعه ولقيوا عمر ومصطفى بيجروا ووراهم روي كلب سيف اما البنات فهما كانوا واقفين عند البسين وبيضحكوا جامد
عمر بصراخ: سيف وقف روووي
الكبار قعدوا يضحكوا وريم ورقيه وادهم وياسين كذلك
مصطفى: يا لهوووي هيبلعنا وقفووووه
عمر ومصطفى راحوا ناحيه البنات ووقعوا في البسين اما روي فراح ناحيه البنات وجرى وراهم والشباب لما شافوا كده خافوا عليهم وراحوا يمسكوا روي البنات مسكوا في الشباب جامد من وراء
آيات وهي ماسكه في فهد : يا ماما هيبلعنا هيبلعنا
ده شكل روي

(انا اصلا عندي فوبيا من الكلاب😂)
سيف : روي اهدي اهدي
روي مكنش بيهدي وكان بيلف حواليهم اما البنات فكانوا ماسكين جدا في الشباب وخايفين من روي أدهم وياسين رحوا ومسكوا روي من وراء وادهم رجعوا للبيت بتاعه في الحديقه الخلفيه
ياسين بقلق: انتم كويسين
شمس : كويسين يا ياسين
البنات بعدوا بتوتر عن الشباب فهم كانوا قريبين جدا منهم اما الشباب ابتسموا على خجلهم الذي يزيدهم جمالا
عمران: مين اللي طلع روي وبعدين هو مش كان متعود عليكم يا بنات
حبيبه : والله يا عمده شكله نسينا ولا حاجه
عدي : هو روي متعود عليكم
آيات : مش اوي يعني متعود على شمس بس لانها كانت بتقعد احيانا معاه
عمر من وراهم: والله انتي بطله يا شمس ده هو مع سيف من وهو صغير ومتعودش عليا قد ما تعود عليكي
الكل بصلهم وقعدوا يضحكوا على منظرهم المبلول
مصطفى بغيظ: اضحكوا اضحكوا
شمس : سبحان الله كما تدين تدان
أدهم جيه وقال: بس برضو مين فتح لروي
الكل شاور لشمس
ياسين مسكها من وراء وقال: مش عيب عليكي تعملي كده هو انتي طفله
شمس بتذمر: الله ما هما غظوني يا ياسين وبيخافوا من روي روحت طلعته ليهم اهو نضحك شويه
مصطفى: حسبي الله ونعم الوكيل
مريم: خلاص انت وهو روحوا غيروا هدومكم انتوا كمان لتاخدوا برد
مصطفى: فريره
الكل قعدوا يضحكوا عليهم وقال عمران: ها يا بنات مسافرين امتا
شمس : عمر قالك حيث كده بقى وفر كلام كتير
عمران: امممم قالي من شويه مسافرين امتا
حبيبه : بكره يا عمده أن شاء
عمران: متعملوش مشاكل
البنات بصدمه مصطنعه: مشاكل لا حول الله بقى احنا نعمل مشاكل
ياسين بسخريه: اااه والله ده انتوا أين ما تكونوا تكون الكوارث المصايب مش بس المشاكل
آيات : اهو الهادي الراسي قالك اهو
على باستغراب: مسافرين فين؟؟!
روان : الصعيد بإذن الله ادعي لنا اني احنا نرجع عايشين
طارق: مش لدرجه دي يعني هترجعوا اكيد
البنات بخبث: اكيد
ياسين بشك: مش مطمن
كامل: هترجعوا امتا كده
أمل : والله مش مده محدده بس يعني مش اكتر من اسبوع
مريم: طب هتسافروا ازاي
شمس : أن شاء الله ناخدها بقطر
عمر: ايــــه قطر
مصطفى بضحك: اهو كده هتبقى احلى
عمر: قطر مين يا ماما ده من قله العربيات نركب قطر
شمس بعند: طب والله لنروح بقطر والدرجه الاقتصاديه كمان
عمر: ااااه يا عضمي لأ كده حرام متشوف المجانين دول يا ياسين
ياسين: انا مش هقول غير كان يوم اسود يوم مشفتكم نروح ليه بقطر ما انا معايا عربيه وعمر برضو ونروح عادي
امل : امممممم ماشي بس احنا اللي نسوق
عمر وياسين: لاااااااااااااااااا
مصطفى: هههههههه
عمر بحسره: نروح بقطر ومالوا حسبي الله ونعم الوكيل فيكم يا عصابه
مصطفى بغناء: 🎶واهو قطر وماشي 🎶
أمل : 🎶ماشي 🎶
آيات :🎶 ناسه مديماشي ماشي 🎶
شمس :🎶 دنيا ميديماشي ماشي 🎶
ياسين وهو بيبص في التليفون وقال بفرح: جم
عمر: مين؟؟!
ياسين: باقي العصابه يلا
شمس بفرحه: عمده احنا ماشيين يلا يا عمر علشان توصلنا مع ياسين
عمر والبنات راحوا لكن أمل رجعت تاني وحضنت عمران
عمران باستغراب: مالك؟؟؟
أمل بصوت منخفض: بحضنك حضن الوداع لاني ممكن مرجعش تاني يا عمده
عمران حضنها وقال: خلي بالك من نفسك يا أمل يا بنتي وارجعي تاني
أمل بغموض: حتى ولو مرجعتش ابقى اخدتلها حقها سلام يا عمده
عمران بعد ما مشيوا قال بقلق: ربنا يستر وترجعوا كلكم يا بنات
بص ليه الشباب باستغراب ممزوج بقلق وخصوصا مالك فهو قلق جدا من فكره ذهابها الصعيد ولا يعلم لماذا
..........................................
تاني يوم
في الصعيد في أسيوط وتحديدا في سرايا كبيره كان بداخلها تجلس عائله الهواري يتكلمون وقطع ذلك دخول فتاه في العقد الثاني وهي تمشي بكل ثقه وكبرياء وصوت حذاءها يرن في المكان ومن خلفها أصحابها وأبناء اعماها
الكل بص ليها بصدمه شديده فها هي تعود بعد 9 سنوات خرجت وهي 13سنه وتبكي بشده لكن عادت امرأه قويه جدا
.......: بابتسامه شر ازيكم وحشتوني والله
الكل بصدمه: شغف
..........................................
اليوم اللي بعده
في غرفه بها أدوات للتعذيب كان يصرخ بكل قوته حتى ينجده احد ولكن لا يستطيع أحد من الواقفين في الخارج أن يمنعوها فمن تذيقه العذاب هو اذاقها العذاب لسنوات طويله ولم يرحمها
شغف بجنون: اصرخ يا هشام اصرخ اصرخ بحق كل وجع انت سببته ليا
هشام بألم شديد: اقتليني وريحيني
شغف ضحكت بجنون وقالت: مش بالسهوله دي وبدأت تضرب فيها بالسوط وهو صوت اتبح من كثره الصراخ
اما في الخارج كان ابنه عمها واولاد عمها الاثنين وناس تانين
رسيل:زين
الكل بص وكان زين دخل الاوضه دي ومسك شغف وقال: كفايه يا شغف كفايه
شغف بصراخ وبكاء: لأ مش كفايه محدش يرحمه ويقولي كفايه هو مرحمنيش ولا رحم ساندي لما أكلها للكلب الهجين كلهم مرحمونيش وسمعوني كلام وذلوني خسرتهم كل حاجه وهو مش هرحمه
هشام بوجع شديد: اقتليني وريحيني خلاص
شغف بجنون: بس كده ماشي ســـــــــــام
سام دخل وصرخ المرمي على الأرض
"لأ يا شغف لا يا شغف متعمليش كده "
شغف ضحكت بجنون وقالت: خلصت خلاص يا هشام
هشام: لا لا لا لا لا
شغف بجمود: Sam kill him
شغف خرجت هي وزين وبعدها سمع الكل صوت صراخ هشام وشغف سندت على الحيطه وقعدت على الأرض وبدأت تعيط
الكل بصلها بدموع وانقطع الصوت علموا انه مات
شغف بصت للكل بعيون حمراء وقرب منها ابن عمها وشالها وهي قالت: خلاص يا سراج كله انتهى
سراج بدموع: نامي يا شغف نامي يا حبيبتي
شغف اغمى عليها هروبا من الواقع
..........................................
تاني يوم
في مكان آخر أمام مستشفى 57357 لعلاج اطفال مرضى السرطان كان يقف الوحوش وقال سليم بمرح: تصدقوا الواد آسر ده وحشني قوي
سيف : اممممم فعلا وحشوني كلهم
عدي : طب يلا ندخل
فهد : طب حد ياخد الباقي اللي في العربيه حرام اشيل أنا كله اوووف
مالك : خلاص كفايه ولوله
دخلوا هما الخمسه وعندما راوهم الأطفال جريوا عليهم بفرحه فهم معتادون أن يأتوا كل فتره
آسر بفرحه: يا وحش وحشتني اوي
سيف حضنه ورفعه وقال: عامل ايه يا بطل
آسر : كويس يا وحش وقربت أخف وابقى ظابط زي بابي
سيف بحنان: اكيد يا آسر خف بسرعه
ساندي: مــــالـــك وحشتني
مالك حضن البنت دي وقال: عامله ايه يا ارنوبه
ساندي: فين الشوكولاته
مالك طلع شكولاته وقال: اهي احلى شوكولاته
عدي كان شايل طفل وقال: فين رامز ؟؟؟
سليم : فين رامز يا آسر
آسر وهو بياكل الشوكولاته: رامز نايم
سليم : خلاص ماشي ابقى اعدي عليه
آسر ببراءه: مالك يا انكل فهد بتبص كده ليا ليه
فهد ابتسم فهو تذكر وجه إيمان وبه شوكولاته كثيره وهو تأكلها أمامه
فهد لعب في شعره وقال: مفيش يا بطل
آسر بتذمر: خلاص بقى متبقاش زي ملاك
عدي : مين ملاك دي؟!!؟
آسر : ملاك.......
مدير المستشفى جيه وكان اسمه صلاح
صلاح بترحيب: اهلا يا وحوش نورتونا
سيف : شكرا يا صلاح بيه
آسر ببراءه: عمو صلاح امتا هيجوا ملاك بقالهم كتير مجوش
وحيد وده كان الطفل اللي شايله عدي قال: ايوه يا عمو صلاح دول وحشوني اوي
مالك باستغراب: هما ولا هي هي مين ملاك دي اصلا
ساندي: لا يا عمو مالك هما ملاك مش واحده
الشباب بصوا لصلاح بعدم فهم
صلاح: ساندي آسر وحيد يلا العبوا مع بعض مع الدكتوره شفق مستنياكم في مكتبها
الأطفال مشيوا وقال سليم باستغراب: مين ملاك دول ولا دي ؟؟؟!
صلاح بشرح: ملاك دول يبقوا بنات بيجوا هنا كل شهر مره والأطفال هنا بيحبوهم اوي وهما فعلا اسم على مسمى ملاك لأنهم حنينين اوي على الأطفال وبيخففوا أوجاعهم حتى ولو بالكلام
سيف : طب ايه ملاك دي ملهومش اسم يعني
صلاح: لا ليهم بس معروفين هنا باسم ملاك بنادي عليهم بالاسم ده من لما جم اول مره من 4 سنين وهما رفضوا يقولوا اسمهم والكل هنا بيناديهم يا ملاك
فهد بفضول: طب اشمعنا الاسم ده يعني اللي اخترته انكم تقولوا ليهم
صلاح بضحك: اصلهم بيبقوا لابسين ابيض وضحكتهم جميله اوي غير اني قلبهم ابيض وطيب أوي
أعجب الشباب بطريقه البنات يفعلوا خير من غير أن ينسبوه لهم
صلاح: هما ليهم صور هنا مع الناس اللي بتعمل خير للأطفال
سليم بفضول: طب ممكن نشوفهم
صلاح: اكيد اتفضلوا
عدي : وانت تشوفهم ليه؟؟؟
سليم : بصراحه الفضول هيقتلني
فهد : وانا كمان ومش هنخسر حاجه يعني دي مجرد صوره
مالك : امممم بصراحة وانا كمان فضولي غلبني
وصل الكل لاوضه كبيره جدا فيها صور كتير وتحت كل صوره اسم
مالك : امممم طب فين ملاك دول
صلاح: أهم هناك و.........
قاطعهم دخول ممرضه وهي بتقول: دكتور صلاح ملاك جم يا دكتور
صلاح بفرحه: ماشي انا جاي أهو
صلاح خرج وبقي الشباب وكانوا هيخرجوا لولا صوت سليم وهو بيقول بصدمه: يا نهار ابيض
سيف : في ايه يا ابني؟؟؟!
سليم شاور على صورة قدامه وكان مكتوب تحتها ملاك وهو بيقول: لو مكانش دكتور صلاح قال إنهم هنا من 4 سنين كنت ظنيت غلط والله
فهد قرب وقال: يا لهوي على دي صدفه مخيفه
مالك وسيف وعدي قربوا ولما شافوا الصوره اتصدموا وقالوا: ملاك يبقوا العصابه
..........................................
خرج الشباب للخارج ووجدوا البنات يقفوا وهم يمزحون مع الأطفال ومعهم الكثير من البلالين والشكولاته والألعاب للأطفال وأطفال كثير معهم وأيضا الدكاتره يبتسموا لهم وكانوا يرتدون فستان من اللون الأبيض ويبتسموا ابتسامة جميله فكانوا فعلا ملاك
فستان شمس

فستان آيات

فستان روان

فستان حبيبه

فستان أمل

الشباب قربوا ولما البنات شافوهم اتصدموا فماذا بحق الله يفعلوا هم هنا
صلاح بابتسامه: تعالوا ملاك أهم جم
كانوا لا يزالون ينظروا إلى بعضهم البعض وقاطع تلك النظرات صوت صلاح وهو بيقول: هو انتوا تعرفوا بعض
شمس : ها ااااه نعرفهم دربونا في الجيش على الطب العسكري
صلاح: بجد يعني مش محتاج اعرف
آيات : ايه يا ابو صلاح مكسل تحرك لسانك وتعرفنا يعني
صلاح بغيظ: استغفر الله العظيم منكم انا هسيبكم وانتوا اتصافوا سلام
تركهم ينظروا للبعض ولا يزالون لا يفهمون شيء ولكن ما انقذهم هو مجي بعض الممرضات كي يقولوا ان بعض الأطفال يريدونهم
..........................
بعد وقت
في ممر المستشفى كان فهد يمشي وهو رايح إلى غرفه رامز الطفل الذي كُتب عليه أن يكون مريض بالسرطان لكن وقف على صوت شخص أصبح يدمنه لكن مهلا هناك صوت رجولي معها اشتعل قلبه بالغيره ذهب إلى مكان الصوت كانت غرفه فارغه
اما داخل الغرفه
كانت آيات تتكلم بحده مع هذا الشخص وتقول: يا عم ابعد عني انا مش عاوزه بلاش احسنلك انت معندكش كرامه
الدكتور وكان اسمه فهمي: يا ملاك اسمعي انا والله عاوزك في الحلال هو حرام
آيات بعصبيه: انا مش موافقه ارتحت هو بالعافيه يا جدع انت ما فيه بنات كتير غيري
فهمي بحالميه: انتي غير الكل طب ليه مش موافقه
فهد من وراها بصوت مرعب: ببساطه لأنها مخطوبه
نظرت آيات خلفها فوجدت فهد ينظر لفهمي بنظرات مخيفه تكاد تفتك به وعيونه حمراء ويضغط على يده بشده كمحاولة لكبت غضبه
فهمي بخوف بسيط: م م مخطوبه ازاي هي مش لابسه حاجه في ايدها
فهد قرب من آيات واحاط بيده خصرها بتملك وقال بنبره صارمه: معلش أصلها قرايه فاتحه وفي الفرح هتبقى انت اول المعزومين يا دكتور
نظر فهمي بحزن لآيات التي لا تفكر غير فيما قاله ويده التي تمسك خصرها بتملك واضح من ضغطه عليه
فهد بصوت حاد : تقدر تتفضل يا دكتور
خاف فهمي وبشده من صوته فخرج سريعا اما فهد كان لايزال ينظر إلى طيفه بغيره شديده التخيل فقد يجلعه يكاد يفتك بالمسمي فهمي هذا فمن هو ليفكر حتى أن يأخذ حوريته منه فهو منذ رأها اول مره وهو يراها حوريه خرجت من المحيط بعيون بلون العسل الصافي فاق منها على محاوله آيات في فك يده عن وسطها زاد فهد ضغطه عليها وهو ينظر له نظره بمعنى لا تحاولي الفرار نظرت آيات له بغضب فهو كل ما حاولت إبعاده يزيد ضغطه عليها ويزيد تقريبها منه تكاد تلتصق به
آيات بغضب: لو سمحت ابعد عني
فهد باستمتاع بغضبها: امممم ولو مبعدتش
وقام بشدها له حتى اصتدمت بصدره العريض ولا تزال يده تحاوط خصرها شعرت آيات أن قلبها يكاد يخرج من مكانه من شده دقه وقالت بتلعثم: لللو سمحت...... اااابعد م م مين...عش كده ح ح حرام
ابعدها فهد عنه حتى لا يخيفها منه وقال بغيره: كان عاوز منك ايه
آيات بمحاوله لضبط نفسها: انت سمعت كل حاجه وحتى سمعت رفضي ولو كنت اتاخرت شويه كنت وقفته عند حده
فهد : امممم شكلها مش اول مره
آيات نظرت له: ااااه بس انا هنا بالذات مش عاوزه اعمل مشاكل مع أي حد
فهد ظل ينظر لها ولعيونه العسليه وقال بدون وعي: جميله جدا
آيات بشراسه فهي اعتقدت انه يغازل امرأه أخرى: مين دي اللي جميله
فهد ضحك عليها وقال: انتي يا آيات اللي جميله
توردت خدود آيات بالاحمر وانخفضت عيونها أرضا
قرب منها حسام ورفع وشها بايده وقال وهو ينظر لعيونها: فيكي حاجه مختلفه عن الباقي لما تتخانقي معايا بحسك طفلتي بحسك صاحبتي لما بتكلم معاكي بحسك امي لما كنتي بتعملي اكل ليا... بحسك حبيبتي لما ببص في عيونك
آخر جملها قالها في نفسه فهو اعترف في وقت غيابها انه عشقها بجنون ولا يستطيع أن يبتعد عنها وقرر قرار وسينفذه في الحال اما آيات كان قلبها يقرع وبشده من كلامه لا تشعر بشيء وهي تنظر لعيونه السوداء الا بالأمان لكن الماضي أن علم سيكرهها
ابتعدت آيات عنه واخفضت وجهها في الأرض وقالت بتوتر: اااانا لازم امشي وووو عن اذنك فرت آيات هاربه من أمامه اما فهد ابتسم وقال بعشق: هانت يا حوريتي ومش هتعرفي تهربي خالص مني
..........................................
عند مالك
كان رايح لساندي اوضتها ووصل بس قبل ما يخبط سمع صوت بكاء بس مش لطفل لا لبنت زياد فتح الباب بس براحه وشاف اللي وجع قلبه وبشده فكانت أمل تحتضن ساندي وهي تبكي ودموعها تغرق وجهها وتحاول أن تكتم صوت شهقاتها اما ساندي فهي تحاول أن تهديها وتقول: يا ملاك اهدي انا كويسه انتي بتعيطي ليه........ عمو مالك تعالى شوف ملاك بتعيط ليه
امل رفعت دماغها ولقيت مالك بيبص لها وقال بهدوء: ساندي اخرجي يا حبيبتي وانا هعرف ملاك بتعيط ليه
ساندي خرجت اما امل فقامت وكانت هتخرج بس وقفت لما مالك قفل الباب وقرب وقعد جمبها على السرير بس بمسافه وقال: بتعيطي ليه يا امل
امل : م م مش بعيط
مالك : مش بتعيطي اومال دول ايه مايه وانقلبت عليكي مالك يا امل فيكي ايه
إلى هنا وانفجرت أمل في بكاء شديد وجلست على السرير مجددا وهي تبكي وتشهق بعنف
تفاجئ مالك من هذا لكن لا اراديا وجد نفسه يضمها لصدره بقوه كأنه ياخذ منها احزانها اما امل كانت غير مدركه ما حدث لكن وبدون وعي منها ضمت خصره بشده وهي تدفن وجهها بصدره وتبكي وتقول بتقطع: وحش....تني...اوي انا........ اخدتلها حق....... ها....... بس... بس ده عمرها ما...... هيرجعها...... هي....... ماتت خلاص
مالك حاول يفهم واستنتج انها بتتكلم تقريبا عن بنت خالها اللي بكت قبل كده عشانها في الكتيبه
مالك ملس على حجابها نزولا لظهرها وهو يقول: خلاص يا امل اهدي هي في مكان احسن علشان كده كنتي بتحضني ساندي وبتعيطي
امل بشهقات: اسمها....... كان ساندي.... برضو
مالك بحنان: خلاص اهدي
امل بطلت عياط وخرجت من حضنه وهو سابها بس كانت لسه قريبه منه ومسح دموعها وقال: مفيش حاجه تستاهل دموعك يا امل معيطيش تاني وكمل بمرح: علشان شكلك بيكون وحش لما تبكي
امل كانت تشعر بخجل شديد من كونها كانت تحتضنه واحمر وجهها بسبب كلامه لكن في آخر جمله نظرت له بغضب وقالت: شكلي بيكون وحش
ضحك مالك عليها فهي كانت مثل الحمل الخجول وبسرعه تحولت إلى قطه شرسه
امل بغيظ: متضحكش عليا انا وحشه
مالك وقف ضحك وقال بحب: لا أنتي احلى بنوته شوفتها يا ساحرتي
أمل باستغراب: ساحرتك
مالك بدون وعي قال:عيونك سحروني انتي جميله اوي يا أمل حتى وانتي بتعيطي كنتي جميله جدا بس بلاش دموع دموعك وجعتني
أمل اتكسفت اوي وقلبها دق اوي وراحت قالت بتوتر: اااااانا هاروح اشوف س س ساندي فين
هربت امل للخارج وهي تلعن ذلك الذي ينبض بداخلها اما مالك تتدارك ما قاله وقال وهو بيغمض عنيه: اااااه يا أمل عملت فيا ايه
..........................................
اما عند حبيبه
كانت ماشيه سرحانه فهاهي قابلته مجددا لا تريد أن تعلق قلبها به مسكينه لا تعلم أن قلبها عشقه وانتهى الأمر حبيبه خبطت في حد وكانت هتقع بس لحقها الشخص ده ومسكها بأحكام من وسطها وهي علشان متقعش مسكت لا اراديا في قميصه
عدي بابتسامه: في كل مره هتقعي فيها انا اللي بلحقك
حبيبه بتوتر من قربه: شكرا سيبني
عدي سابها وقال: كنتي رايحه فين
حبيبه بهدوء ومن غير ما تبصله: كنت رايحه عند رامز
عدي : طب حلو انا رايح هناك تعالى معايا
حبيبه باستغراب: انت تعرف رامز منين
عدي وهو بيمشي: رامز يبقى ابن صاحب لينا بس استشهد وامنا على ابنه اللي هو رامز اما آسر فهو ابن عم رامز واحنا بنيجي هنا كل اجازه لينا بس شكلك بتحبي الأطفال
حبيبه بشرود: الأطفال دول زي القماش الأبيض مش متوسخ بشر باقي الناس وخصوصا الأطفال اللي هنا همهم الوحيد انهم يخفوا من الألم ويرجعوا زي باقي الأطفال تاني قلبهم ابيض ونفسهم يلعبوا تاني بس الزمان ده حتى فيها مرحموهاش
عدي استغرب من كلامها كلام عميق كأنها عدت بتجربه في طفولتها خلاها تقول كده
عدي شاف ورده بيضه مسكها وقرب من حبيبه وحطها في حجابها وقال: انتي برضو قلبك ابيض يا حبيبه زي لون الفستان اللي انتي لابساه
حبيبه : بجد يعني انا قلبي ابيض
عدي بحب: بجد يا نجمتي
حبيبه بخجل: نجمتك
عدي : انتي لون عيونك زي الليل اللي فيه لمعه واللمعه دي كأنها نجمة 🌟 في السماء علشان كده انتي نجمه
حبيبه أصبحت كتائهه بين كلامته لا تشعر غير بدقات قلبها التي تعلو بشده ماذا فعل بها هذا الرجل هي كانت مثل الثلج وهو اذابها كانت لا تهتم لأي جنس رجل لكن هو لا لكن ماذا أن علم
عند هذه النقطه آفاقت وقالت بتوتر: اااانا هاروح اجيب الشكولاته لرامز نسيتها
فرت هي من أمامه وهو شعر انه لا يريدها أن ترحل ولا يعلم لماذا
(علشان حبيتها يا ابن الهبله 😾)
..........................................
اما عند شمس
كان الوضع مختلف فكان آسر ياخد جرعه كيماوي وشمس بجانبه تتكلم معه حتى تخفف آلامه اما من خلف الزجاج كان ينظر لها صاحب العيون الرماديه
(اللي ناوي يفقع مراره ام اللي جابوني 😠)
كان ينظر لها ويقول في نفسه: فعلا ملاك نزل من السماء على الأرض ببرائتك وطفولتك وهدوئك..... ببرودك شراستك قوتك انتي أنثى قويه جدا مكس غريب مش عارف أفهمه اتنهد بضيق فهو يصف امرأه لا تحل له وقال بهمس: استغفرك ربي واتوب اليك
فاق على مشاوره آسر ليه من جوا انه يجي وفعلا هو دخل
اما عند شمس فهي كانت بتحكي ليه قصص وتتكلم معاه
آسر بفرحه: ملاك ملاك بصي الوحش اهو
شمس بصت وراها وشفت سيف وهو ينظر إليهم لكن سرحان آسر شاور ليه انه ييجي وفعلا سيف دخل وقال بابتسامه: ازيك يا بطل عامل ايه
آسر بالم بسيط: كويس وبعدين مش انت قولت اني قوي ولازم استحمل المهم بص دي ملاك. ملاك ده سيف الوحش ايه رايك يا وحش ملاك جميله اوي اتجوزها بقى
صعقت شمس من كلامه بينما ابتسم سيف بمكر وهو ينظر إلى وجه مكه الذي احمر بشده
شمس : عيب يا آسر الكلام ده ماشي يا حبيبي
شعر سيف بالغيره من كونها تقول لشخص حبيبي حتى ولو كان طفل
شمس بإحراج: ااانا هاروح الحمام ينفع تقعد معاه
سيف : ماشي تمام
شمس مشيت من قدامه بسرعه وسيف بص لطيفها بشرود قطعه آسر وهو بيقول: مزه ملاك مش كده

سيف: لا والله ايه الألفاظ دي بقيت شبه عمر اخويا
آ

سر بتذمر: خلاص يا سيدي مش مزه بس هي جميله اوي
سيف بابتسامه: فعلا جميله.... وكمل بخفوت فتنه بقيت خطر عليا
آسر : لالا عيد الجمله الاخيره ده مسمعتهاش
سيف : انت لمض لمين ياض انت ها
آسر بطفوله: لبابي اكيد الرائد أحمد منصور
سيف بحنان: الله يرحمه يا آسر كان بيحبك اوي
..........................................
اما عند شمس
فهي ذهبت بسرعه للحمام وحمدت ربها لأنه كان فارغ وخلعت حجابها علشان تعرف تتنفس ووقفت أمام المرآه ونظرت لنفسها وجدت وجهها محمر جدا من الخجل ودقات قلبها سريعه جدا
شمس لنفسها في المرايا: انتي مين انا معرفكيش ايه اللي حصلك
ضربت قلبها وقالت: انت كنت حجر ايه اللي خلاك تدق تاني فين جبل الجليد اللي الكل كان بيقول عليه مبقتش عارفه نفسي حبتيه ليه وفين
إجابتها انعكاسها في المرآه: يعني انتي مش عارفه ليه انا حبيته غصب عني وفين دي انا وانتي عارفينها ولا انتي ناسيه انتي مين يا مليكه هتسيبي شمس تسيطر عليكي وتنسى اول 8 سنين من عمرك
شمس بدموع: منسيتش ولا عمري هنسي بس خلاص انا قررت ومش هتراجع
انعكاسها: لا لا لا حرام عليكي هتوجعي نفسك اكتر ما انتي موجوعه
شمس عيونها تحولت إلى السواد الشديد وقالت بصوت مخيفه: انا طول عمري موجوعه وخلاص جيه الوقت اتأخر كتير اوي ولازم نخلص من الماضي بقى وهو هيكون معاه انا هي لوسيفر وانا مش ضعيفه
انعكاسها: بلاش يا شمس هتوجعيه وهتتوجعي انتي اكتر
شمس ببكاء: خلاص خلاص تعبت
وقعدت على الأرض وهي تبكي على حالها فهي فُرض عليها اليتم وبعدت أقرب الناس لها عنها حتى من دق قلبها بعد أن كان حجر عليها إبعاده عنها حتى لا يتأذى هو أيضا
شمس دفنت رأسها ما بين ايديها وقالت بخفوت: خايفه يحصله زي ما حصل لرحيم وقتها هتكسر اوي
..........................................
وصل سليم بسرعة رهيبه إلى الفيلا ووقف بدون أن يركن سيارته ودخل بسرعه وهو بيقول بصوت عالي: جدي على يا جدي على انت فين يا ابو عمر أنت فين
خرج الجد على من مكتبه بسرعه وفزع من صوت حفيده وهو يقول بقلق شديد: في ايه يا ابن المجنونه مالك
وبعدها رمي عليه فرده حزائه بغضب عندما راء انه بخير سليم تفاده حذاء جده وقال
'' انا عاوزك في موضوع مهم اوي ''
وسحبه للمكتب وهو بيقول بصوت عالي: داده جمالات هاتي واحد قهوه على مكتب سياده السفير
جلس الجد على وهو بيقول بقلق: مالك بس يا ابني انت تعبان ولا حاجه
سليم بدون اي مقدمات: بص يا جدي انا عاوز اكمل نص ديني
بص سليم على ملامح جده اللي مش متغيره وقال باستغراب: مالك يا ابو عمر انا بقولك عاوز اكمل نص ديني ها قولت ايه
استوعب الجد الكلام وفرح بشده فاخيرا قرر حفيده أن يتزوج وسيمتلأ هذا البيت مجددا بالسعاده لكن قال في نفسه بخبث: اخيرا وقعت يا جذمه والله لاطلع عينك على الفزع اللي عملتهولي ده
الجد على بجديه مصطنعه: طب وانا ايه المطلوب مني يا استاذ
سليم استغرب من ردة فعله وقال: مش فاهم هو انت مش فرحان يا ابو عمر ولا ايه
الجد على: يعني انت عايز ايه بالظبط مش حرام عليك تبلى المجتمع بنسلك
سليم بمرح: يعني هي جات عليا ولا على القرود اللي هاجيبهم يعني
ضحك الجد على بصوت عالي على حفيده وقال: ملاكش دعوه انت بس هات القرود دول هيبقوا احلى قرود في العالم كله ثم اضافه بفرحه وحب ده انا هشيلهم في عنيا مش في قلبي يا عبيط
قام سليم وباس ايده وراس جده وقال: ربنا يخليك ليا يا جدي انت مش بس جدي ده انت ابويا واخويا وصحبي وكل اهلي
الجد على بخبث: اممممم طب مين العروسه
سليم بحب وعيون لامعه: روان يا جدي فاكرها اللي ركبت معانا العربيه
الجد على: تعرف يا سليم يا ابني انا لما شوفت عيونك لما بتشوفها ولا غيرتك لما كانت بتهزر مع مصطفى وعمر عرفت اني حفيده عشق البنت دي حافظ عليها يا ابني البنت دي أخلاق وتربيه وأدب ومش هتتعوض
سليم بفرحه لكلام جده: إذا كان كده بقى خد رقم باباها اهو اتصل وخد منه معاد
الجد على: هات يا سيدي
رن الجد على وقال: بقولك ايه ياض يا سليم هو ابوها اسمه ايه
سليم نظر لجده ثوان ثم انفجر في الضحك: والله يا جدي مش فاكر أو مش عارف مهتمتش اوي باسم ابوها يعني
الجد على كان يتعصب عليه بس وقف لما سمع الطرف التاني بيقول: السلام عليكم
الجد على وهو ينظر لحفيده بغضب: وعليكم السلام ورحمة الله وبركاته الحج ابو روان معايا
عبد الرحمن: ايوه انا خير مين معايا
الجد على: انا على المسيري كنت حابب اخذ من حضرتك معاد في موضوع مهم
عبد الرحمن بتردد: خير في حاجه
الجد على: لا كل خير احنا جايين نطلب ايد بنت حضرتك لابني
عبد الرحمن: تمام تشرفوا يناسيبكم يوم السبت اللي جاي
علي: ايوه تمام هنيجي على العصر ان شاء الله مع السلامه
بعد ما قفل قال سليم بتذمر: ليه يوم السبت ما كنت قولتله نيجي بكره ده النهارده الأربعاء لسه هستني 3 ايام

الجد على رمي عليه فرده جزمته وقال بغيظ: بقى يا جذمه مش عارف اسم ابوها اومال هتتجوزها ليه
س

ليم : الله وانا مالي باسم ابوها هو انا هتجوزه
الجد على: يارب صبرني بقى عاوز تتجوز واحده وانت مش عارف اسم ابوها
سليم بلامباله: يكفيني اعرف أخلاقها واسمها وشكلها بس كده اعااااااااا اهدي يا ابو علي الضغط هيعلي عليك
الجد على وهو بيجري وراه: والله ما في حد رافع ضغطي غيرك
..........................................
اما عند فهد
دخل الشركه شركه الرفاعي بسرعه وصعد إلى مكتب ابوه في الطابق الأخير ودخل بدون استاذن وهو يقول
'' حسين باشا عاوزك في أمر ضروري لا يستحمل ان ينتظر ثانيتين ''
حسين بخضه: ايه يا فهد يا ابني مش تخبط ولا تعمل ايه ايه حاجه بدال ما انت داخل زي القضي المستعجل كده
فهد شد ابوه وقعده قدام المكتب وقعد قدامه وقال: بص يا حج انا ولله الحمد قررت اتجوز فاقف جمبي الله يخليك ده ابنك برضو
حسين باستغراب: تتجوز وده من امتا القرار ده أن شاء الله
فهد: من يوم ما شوفتها والله
حسين بخبث: اممممم طالما كده يبقى اتصل بعمتك نجلاء نطلب ايد علياء بنتها
فهد بفزع: علياء علياء ايه دي اللي اتجوزها دي محتاجه 10 معايا علشان ندخل عليها مش واحد ده انا جايبلك عروسه والله بسبوسه وانتي تقولي علياء
حسين بضحك: هههههههههه طب مين يا فالح العروسه
فهد بفرحه: آيات يا بابا اللي كانت عند عمران بيه
حسين: آيات امممم شكل الفهد وقع
فهد بحب: اااه والله وقع ولا حد سمي عليه
حسين: ماشي يا فالح انا اصلا كنت عارف من نظره عيونك والغيره اللي كانت في عنيك
فهد : طالما كده خد رقم ابوها اهو وخدلنا معاد وابوها اسمه عادل يا حج
حسين اتصل واخد معاد فعلا وكان يوم الجمعه
فهد: ايه يا بابا مش قادر تقدم المعاد شويه ده انا كنت ناوي نروح نطلبها النهارده بالليل
حسين بصدمه: نعم يا اخويا النهارده بالليل وبعدين انت قولت لأمك ولا نروح من غيرها
فهد بضيق: لا هقولها اكيد بس ربنا يستر لاني مش متوقع رده فعلها ايه
حسين ربت على كتف ابنه وقال: ولا يهمك يا فهد انا هقولها وهقنعها كمان
فهد بلهفه: بجد يا بابا
حسين بضحك: هههههههه شكلك حبيتها اوي
فهد بمرح :اوووي
وكمل بخفوت: حبيت طفله غبيه بس احلى طفله والله
..........................................

Sabreen