عشق الوحوش والشياطين الفصل الثامن والعشرون 28 - بقلم Sabreen

والله رجعتلكم بعد غياب احم احم السلام عليكم انا شحنت مخصوص واخدت من اختي المعفنه علشانكم نفسي بقى تتفاعلوا ده انتوا مش عايزه اقول بصراحة يلا علشان الناس الغلابه اللي بتتفاعل بس
الفصل 31
نبدأ بالصلاه على النبي ☺️
صدم الجميع عندما ضربت شمس سليم بقوه لكن لم يلبثوا الا وكانت شمس تهاجم سليم بشراسه وقامت بضربه عده مرات في أماكن مختلفه وقامت بلف قدمها حول قدمه واوقعته وقالت: اوعي في يوم تستهون بقوه خصمك حتى لو كان طفل يلا قوم
سليم بصلها وحس اني المنافسه اشدت بدأ يسدد لها اللكمات وهي تتفاداها بكل مرونه الا ان قام يضربها ببوكس جامد فرجعت للخلف وكان سليم سيهجم عليها لكنها نزلت من تحت ذراعه ووقفت بسرعه على الحبال ونزلت بقدمها على راسه بقوه فوقع على الأرض
شمس قامت وقالت: القصر حلو برضو
واخدت وضع القتال وقالت: الجوله لسه في بدايتها يا قناص
فهد: اكمل ياض هات فشار معاك حق المباراه بتحلو اوي بصراحه
اكمل: مش قولتلك
سيف بص لشمس بإعجاب شديد والباقي في صدمه فهي سريعه جدا ومتمكنه
سليم قام وشمس قالت: اهم حاجه لازم تركز في الخصم اللي قدامك علشان تعرف نقطه ضعفه لازم تفكر بعقلك مش بدراعاتك
بدأ يسددوا لبعض اللكمات وشمس تتفاداها وترد بعضها لسليم
شمس رفعت ايدها بس سليم مسكها ولف التانيه وراها وثبت رجليها وقال: ثبتي
شمس
: تعرف انك لازم دايما تستخدم اطرافك الخمسه
سليم: خمسه!!!؟
شمس: ايدين ورجلين وضربته بدماغها روسيه جامده رجع بعدها لوراء بعدم اتزان وقالت: ورأس ودي مهمه
شمس رجعت لوضيعيه القتال وقالت: حاجه مهمه برضو ودانك مع خصمك عنيك عليه حركاته دماغك شغاله علشان تعرف تتفادي يا حضرت المقدم
سليم قام وبصلها وقال: مش سهله انتي
شمس: الجوله لسه عليها دقايق هنفضل نتكلم
سليم قام بضربها بقوه لكان تفادتها وهو قام بردها سريعا فأصابت كتفها
شمس بصتله بشراسه: بتتعلم بسرعه
سليم: اكي.......
قاطعته شمس بلكمه أشد في وجهه وقالت: مش لازم تاخد وقت تتباهى بيه في المعركه خليه للآخر هيكون أفضل
شمس كانت هتتضربه برجلها بس سليم مسكها وشمس قالت: تعرف ايه هي أهم حاجه في جسم الست ايه
سليم : ايه؟!!!
شمس : المرونه..... ولفت جسدها وضربته في وجهه بقدمها الاخرى فوقع سليم عليه جانبه على الأرض بقوه
شمس خلعت الجيلافز وقالت: اتمنى تكون مباراه خفيفه عليك يا قناص.... وكملت بلغه غريبه اعتقد انك ستستمتع بالتدريبات مع الصقر
شمس نزلت من الحلبه ومشيت اما اكمل قال باستغراب: بس كده دي ماخدتش وقت
مالك قام: وقت ايه ده سليم بيفيص تقريبا
الشباب راحوا وجابوا سليم اللي كان لسه على الأرض وباصص لفوق بيفكر في كلامها
فهد بضحك: ايه يا قناص بتودع ولا ايه طب اتجوز الأول يا فقري
سليم قعد على الكرسي وقال: اااااااااه يا جسمي دي مش واحده بنت ابدا
أدهم ابتسم بفخر باخته وقال: اخت الإعصار
سليم بولوله: اتنيل ده انا اتشلفط على الآخر
شمس من وراه: اممممم معتقدش والله اني دي شلفطه كنت تعالى وشوف امبارح في الحاره
سليم: انتي هتعملي ايه
شمس فتحت علبه الإسعافات وقالت: هعالج جروحك
عدي بذهول: انتي ناسيه انك السبب على فكره
شمس وهي بتطلع قطن: لا مش ناسيه بس برضو انا دكتوره وبعدين دي عاده عند في التدريبات
شمس حطت القطن على وش سليم وبدأت تتطهره وهو قال: ممكن اسالك سؤال
شمس ببرود: لأ
سليم: هو انتي قبل ما تنزلي قولتي ايه الجمله الاخيره دي مفهمتهاش وايه اللغه دي
شمس: اعتقد اني قولت لأ ومش ضروري تفهمها دلوقتي وكفايه رغي دول مكانوش شويه خرابيش على وشك
سليم بتذمر: خرابيش ده انا حاسس اني دهسني قطر غير اني تقريبا دراعي اتكسر
شمس: لا متكسرش اتخلع وانا هرجعه دلوقتي
سيف: بس انتي مش تخصص عظام
اكمل: بس دكتوره وبعدين عادي ما هي على طول بتصلح كسور
شمس: بص هعمله بس والله لو شتمت لكسره ومش هخلي حد يصلحه
سليم : انا ابتديت اخاف
شمس مسكت ذراعه: متخافش مش هتحس بوجع كتير مش اوي يعني
سليم: اوي ازا.......... ااااااااااااه
سليم بصراخ: الله يخربيتك والبيوت اللي جمب بيتك انتي كسرتيه ولا ايه اااااه
فهد : ايه يا عم صوتك ده انت حتى راجل
شمس انفجرت في الضحك: هههههههههههههه سبحان الله شبهم بالظبط على وجون والياس ومعتز مفيش فرق
اكمل بضحك: ااه والله نفس الولوله
سليم بغيظ: انتوا بتضحكوا دراعي
شمس: مخلاص يا عم دراعك دلوقتي بقي كويس وبعدين بيت ايه اللي بتدعي عليا بالخراب مش لما يبقى في بيت الأول بعد الشر عليا يعني
مالك: ليه يا اختي مش ناويه تحصلي باقي العصابه
شمس: لأ وبعدين لسه في 3 تاني سناجل في العصابه مش انا لوحدي يعني
أدهم: ليه هي المفروض عصابتكم دي كام واحد؟؟؟!
شمس: 7 بنات ودرش وسلام اروح اغير هدومي
شمس مشيت وسليم كان بيدلك دراعه وقال: البنت دي عندها انفصام ولا ايه احيانا بارده وأحيانا مرحه
اكمل عدل نضارته وقال: هي شمس كده مهما بينت انها بارده وقاسيه هتفضل طيبه وحنينه على الكل.... وكمل بسخريه: على الكل ماعدا نفسها
معتز جيه وقال: ها يعرف يروح للمستشفى ولا في خطر نجيب هنا الدكتور الأول حي ولا ميت
مالك: ميت ايه يا عم أعوذ بالله دول مكنوش كام كدمه يعني
سليم: اهي اهي كام كدمه كنت اخدتهم انتوا مكاني
معتز بصله وقال بذهول: دول كام كدمه فعلا
بص جمبه كانت شمس جايا وقال بغيظ: يعني اشمعنا احنا يحصل فينا الويل ده انتي كسرتيلي ضلعين ودراعي وهو سليم
سليم بفزع: ايه ضلعين ده الحمد لله طلعت حي خلع دراع بس
شمس: هو فرحه قرب محتاج جسمه كويس اما انتوا قاعدين فاضين
معتز: مش مبرر على فكره
شمس: تعالى يا أكمل وهات معتز معاك... وبصت على الشباب وقالت: التقسيم بعد نص ساعه في اوضه الاجتماعات سلام
شمس مشيت وقال معتز بصوت عالي: على فكره بقى انتي لا هتوردي على جنه ولا على جنينه حيوانات
شمس بصتله وقالت ببرود: أنت بتعلي صوتك شكلك وحشك التدريبات
معتز بفزع: مين انا ده اكمل
شمس مشيت: حسابك تقل يا معتز ووقت الحساب جيه
معتز بلطم: احيه احيه انا كان مالي بس
سليم حضنه وقال بضحك: شد حيلك يا ابني شكلنا هنبقى زماله
معتز: اه يابا تعالى شوف مرمططت ابنك منك لله يا روز انتي آش والبت موده الجزمه انتوا اللي نقيتوا في السفريه
فهد: دي كلها بنات تعرفها
معتز: دول اخواتي منهم لله مكان ما هما قاعدين
سيف: طيب يلا خلص التدريب
سليم راح لاوضه الهدوم وقال في سره بمكر: انا جايلك يا زتونتي علشان تعرفي تقفلي تاني في وشي
..........................................
عند روان كانت بتراجع الشفتات في المستشفى العسكري وقالت: اوووف امتا بقى ربنا يتوب علينا انت السبب والله يا عز
عدنان بضحك: يا صغيره على الجنان يا طمطم
روان: أهي اهي ااه والله لسه صغيره
عدنان: المهم روحي أدى الورق ده لدكتور موسى في مكتبه
روان: وفين شمس
عدنان: عند الطفله الغريبه في العنايه هي مين البنت دي يا روان دي بتقعد جنبها وقت طويل هي تعرفها
روان : هتبقى تعرف بعدين كمل انت الشفتات دي وهات الورق يا اخويا
روان كانت بتمشي في الممر بس لقيت اللي بيشدها وبيحاصرها ما بين ايديه والحيطه وراها
روان: هاااااا هو انت بتعمل ايه
سليم بغضب مصطنع: بقى بتقفلي التليفون في وشي يا روان
روان بغضب ما انت اللي قليل الادب
سليم: اممم طب حيث اني قليل الادب هاخد بوسه منك
روان بفزع: لا لا لا انا اسفه اسفه
سليم كتم ضحكته وقال بتحذير: خلاص هقبل الاعتذار بس بشرط
روان كمان بتتشرط
سليم بابتسامه مكر: بوسه في خدي
روان: لا طبعا عيب وانا مش هعمل كده واوعي يا عم الحج ده مكان اكل عيش
روان مشيت وقال سليم بصوت عالي
'' هيجي اليوم اللي مش هتعرفي تهربي فيه يا زتونتي ''
..........................................
تاني يوم في المغرب في اوضه الاجتماعات قال سيف: اكمل استعد علشان هتتحرك مع فهد وسليم بعد ربع ساعه
شمس من وراهم: لا مش اكمل اللي هيروح
سيف: اومال مين
شمس ببرود: انا لاني اكمل هيكون مع الفريق التاني
سيف بهدوء شديد: تمام بس هتروحي كده
شمس : لا انا ولا انتوا هتروحوا كده
أدهم: عارفين اني الموضوع سري بس هنعمل ايه
شمس: 10 دقايق وجايا
أدهم بص لاكمل وقال: مش كنا اتفقنا هتروح انت مع الفريق التاني
اكمل عدل النضاره وقال: لو هي عملت كده يبقى في دماغها حاجه عايزه تتأكد منها أو تعمل حاجه
سليم: على فكره النضاره دي ابتدأت تتدايقتي
اكمل: الله وانا مالي وبعدين كفايه تنمر
.......:مين بيتنمر عليه مين
الكل بص باستغراب وكانت بنت قمحيه بعيون سوداء ولابسه بنطلون اسود على جاكيت جينز اسود وشميز رمادي وحجاب رمادي وكمامه سوداء وكاب اسود
فهد: انتي مين
شمس بسخريه: عزرائيل هكون مين يعني
أدهم بذهول: شمس انتي ايه اللي عملتيه في نفسك ده بقيتي واحده تاني
شمس: لازم انا ابقى متنكره خالص اما انتوا
عطتهم كمامات سوداء وكابات سوداء وقالت كل يلبس من دي قبل ما يخرج من المكان وفى عربيات تاني تحت هتنقلكم وأكمل هيدي المفاتيح ليكم وتتحركوا في أوقات مختلفه
عدي بهدوء: والفريق التاني
شمس: بعد الكل ما يتحرك الفريق التاني مش هيدخل غير في النص ودي مش المهمه الاساسيه هنوقف دخول الشحنه البلد احنا هنمشي واي سؤال المقدم سيف موجود ربنا معاكم
فهد وسليم وشمس مشيوا ونزلوا للجراج وركبوا عربيه باللون الأبيض وسليم كان بيسوق وجمبه فهد وشمس وراء قاعده على اللاب بتاعها بتركيز وقالت: سليم ساعتين بس ونوصل مفهوم
سليم: مفهوم وساق على سرعه عاليه
وبعد ساعتين وصلوا ميناء اسكندريه شمس قالت: احنا دلوقتي هندخل بهدوء وانا هعرف كام واحد جوا من اوضه المراقبه لحد ما الباقي يوصل تمام
سليم وفهد: تمام
..........................................
اما عند الشباب قال سيف بعد ما مشيوا : اكمل الفريق التاني جاهز
اكمل بجديه: ايوه يا فندم جاهز واتفضلوا المفاتيح اهي المفروض هتتحركوا اتنين اتنين وفي عربيتين تحت أهم حاجه الكمامات
مالك: تمام بس ليه ده كله
سيف لبس الكمامه وقال بجديه: بعد المهمه ما تخلص هنشرح ليكم ليه يلا يا مالك وبعد نص ساعه اتحرك انت وادهم يا عدي
اكمل: تمام كده وبعد 4 ساعات الفريق التاني هيوصل
مالك: طب والسفينه كده هتكون اتحركت من ساعه
سيف مشي وقال: يلا يا مالك والفريق التاني هيتصرف
..........................................
شمس لاوضه المراقبه بس قابلهم حارسين ففهد ضرب واحد وسليم التاني وكان في تالت هيضرب فهد بس شمس ضربته في رقبته وقع فاقد الوعي
شمس: عد الجمايل يا باشا
فهد: تتردلك أن شاء الله
وصلوا لاوضه المراقبه وكان فيه 2 قاعدين فسليم وفهد دخلوا وضربوهم وربطوهم وشمس دخلت وقعدت على الكرسي وبدأت تشتغل وكان سليم بيراقب الطريق وفهد بيراقب الكاميرات
بعد ربع ساعه
شمس خلصت ووقفت وقالت لفهد : خلصت كده والصفقه مش هتم غير بعد كام ساعه وهنشوف شاكر السويسي اللي هيجي ولا رشدي ذراعه اليمين
شمس قربت من الشخصين وحقنتهم بماده وقالت: فهد فكهم وقعدهم مكانهم
فهد بصلها باستغراب بس عمل كده وشمس خرجت ودخلت تاني وقالت: هو القناص فين
فهد : هو مش برا؟!!!
شمس: لا و.....
سليم: انا هنا
شمس: انت كنت فين
سليم: القبطان مش هيتحرك غير بعد ساعه والمفروض يكون سيف ومالك وصلوا بس مفيش حد جيه
فهد: ازاي المفروض يكونوا هنا من 10 دقايق
شمس : سليم روح دور عليهم في الناحيه الشرقيه وانا وفهد من الغربيه تمام
فهد وسليم: تمام
بعد ربع ساعة
سليم كان ماشي وقابل أدهم وعدي وقال: هو انتوا وصلتوا الأول
عدي: لا المفروض يكون سيف ومالك هنا من بدري
شمس وفهد كانوا ماشين وإذا 7 حراس قدامهم
شمس باستمتاع: دي شكلها هتحلو
فهد وشمس بدأو في الضرب بس الأعداد بتزيد ولقيوا سيف ومالك قدامهم وخلصوا من الكل
شمس: انتوا كنتوا فين ده كله
سيف: مش وقته السفينه هتتحرك قبل ماعدها
فهد : ازاي واللي هيسلم موصلش
شمس : اكيد وصل لازم نتفرق بس فين الباقي
مالك: فهد تعالى معايا نشوف هما فين
مكه بعتت رساله من تليفونها وسيف كان بيراقب الممر ولقي مجموعه جايين فسحب شمس في مكان ضيق علشان يتخبوا منهم
شمس كانت لازقه اوي في سيف وهو حاطط ايده على وسطها والتانيه بيكتم بيها صوتها علشان الخضه اللي اخدتها
وبعد ما مشيوا سيف طلع وقال بخفوت: مشيوا
شمس بمحاولة لتدارك الأمر رغم دقات قلبها الشديده: للللازم نرجع اوضه المراقبه هنعرف مكانهم أسرع
سيف: تمام يلا
..........................................
عند أدهم وسليم وعدي
أدهم: اممم يعني اللي هيسلم البضاعة وصل
عدى وهو بيراقب الوضع: لازم الباقي يعرف بس هنوصل ليهم ازاي
سليم بتركيز: بصوا كده
أدهم وعدي بصوا وقال عدي بذهول: ازاي رشدي اللي هيسلمها كده السفينه هتتحرك بدري
أدهم قام: لازم نوصل للباقي شكل رشدي ناوي على غدر وده مش كويس
.....:انتوا مين
سليم قرب بسرعه واداله روسيه فاغمي عليه
عدي: بقيت سريع يا سليم
سليم: تدريبها طلع بفايده
..........................................
بعد ساعتين كانت السفينه وقفت في البحر وجيه من بعيد مركب صغير واللي كانوا جواه طلعوا على ضهر السفينه وكانوا راجلين والحراسة بتاعتهم تحت أنظار الفريق
فهد بتفكير: كده الصفقه هتم بدري غريبه دي
مالك: في حاجه غلط في الموضوع ليه رشدي هو اللي هيسلم المفروض يكون شاكر
شمس بهدوء وتركيز: أدهم قبل ما تخرج اكمل كان مشي
أدهم: أيوه مشي
شمس ابتسمت: تمام يلا نتفرق لأنهم وصلوا
شمس مشيت ومعاها أدهم وسيف
وفهد ومالك مشيوا في اتجاه وعدي وسليم في اتجاه
..........................................
عند فهد ومالك كانوا ماشيين بس قابلوا حراسه كتير حواليهم
فهد: يااااه كل دي ناس
وبدأت المعركة بس العدد بيزيد وإذا فجأه بشخصين يظهروا وتبدأ معركه عنيفه بينهم هم الاربعه وبعد ما خلصوا بص مالك وفهد الشخصين دول وكانوا بنتين لابسين نفس نظام شمس بس بشعرهم وحاطين عليه الزنط
فهد : انتوا مين؟؟!!
تقدمت واحده وقالت: من الفريق التانى واحنا وصلنا دلوقتى
حس فهد بحاجه غريبه تجاه البنت دي بس نفاها بسرعه وقال مالك: طب انتوا كام
قالت التانيه: اربعه يا فندم
هز مالك راسه بشرود وقال: تمام يلا نروح للباقي
فهد ومالك طلعوا قدامهم وهما بيحاولوا يتحكموا في دقات قلبهم الغريبه دي
بنت منهم حطت ايدها على قلبها اللي بيدق بجنون وقالت بصوتها الحقيقي وبهمس: تفتكري عرفوا اننا احنا يا شغف
شغف بتوتر: لا يا رسيل اكيد لا احنا مغيرين شكلنا وصوتنا يلا قبل ما ياخدوا بالهم اننا مش وراهم
..........................................
عند سيف وشمس وادهم كانوا بيراقبوا رشدي والشخصين التانين
سيف بجديه: فعلا رشدي ناوي على حاجه والتسليم شكله خلاص قرب
أدهم: لازم نعمل قلق علشان الصفقه تقف
شمس بصت على تليفونها وقالت: يلا الفريق التاني وصل لازم نروح عند الجهه الشماليه هما هناك مع عدي وسليم
سيف وادهم: تمام يلا
اما عند عدي وسليم كانوا واقفين بيحاولوا يتجاهلوا احساسهم ناحيه البنتين دول وكانوا متنكرين ولابسين نفس اللبس الأسود
الباقي وصل وقالت شمس ببرود: مرحبا لقد وصلتم كيف كانت الرحله
جين ببرود ومش بصوتها: جيده حسنا يجب أن نعلم كيف نوقف هذه الصفقه
سيف: لازم شويه مننا يعملوا قلق والباقي يخلص على اللي هنا
ديانا ببسمه خبيثه وهي تنظر للماء: تتذكرون يا أصدقاء عندما كنا في فرنسا
شمس بخبث: حسنا تفكيرك سريع وانا اعترف انا والبنات هنهتم بالتشتيت وانتوا خلصوا الموضوع هنا
مالك: هتعملوا تشتيت ازاي
شغف بحماس: دع لنا هذا سنستمتع كثيرا
وفي ثواني كانت كل واحده تركض في اتجاه وشمس قالت لادهم: ممكن يا أدهم ايدك
أدهم مديلها ايده وهي مسكتها ورفعت نفسها وجريت على السور بسرعه وهوب نطت في المياه هي والباقي
سليم بذهول: يا ولاد المجانين هيعملوا ايه
أدهم: مش عارف
وبعد دقايق سمعوا صوت فرقعه شديده فقال سيف: بسرعه يلا
..........................................
عند رشدي
رشدي بغضب لرجالته: ايه الصوت ده
أدهم ببرود: اقولك انا ايه الصوت ده
رشدي: انتوا مين
سليم: مفاجأه
وبدأت المعركه بين الوحوش ورجاله رشدي وبعد ربع ساعه
رشدي: أيا كان انتوا مين أظهروا
مالك بغضب: وبعدين الرصاص خلص
رشدي بخوف: ايه ده
بدأ النور يقطع وينور وفي كل مره بينور 3 من الرجاله يكونوا ميتين
رشدي بخوف وصراخ: اظهروا
ظهرت صوت ضحكات عاليه ومخيفه لبنات وظهرت ديانا وراء رشدي: بووووه
والنور قطع ولما رجع كان الرجاله كلهم ميتين
الوحوش خرجوا لما النور رجع
ولقيوا رشدي واقف وديانا مسكاه من رقبته بطريقه معينه وهو مش عارف يتكلم أو يتنفس ووشه بقى ازرق جدا
شمس: ها يا اخ هتعترف ولا
رشدي هز راسه بلا وفي الثانيه التانيه كانت سكينتين بيتغرزوا فيه وكانت من رسيل وشغف
جين بتذمر: هذا ليس عدل وانا ايضا اريد
سليم: يا لهوي ده تعذيب مش هتاخده اقواله
شمس: الأشكال دي مش بتيجي غير كده
أدهم: ها يا عم انت ارحم نفسك واعترف بقى
رشدي: حححاااضر ه ه ه هعترف
ديانا سابته والباقي برضو
شغف ببرود: احنا هناخده معانا
سيف: تمام يلا هنخرح من هنا
خرجوا كلهم وشمس قالت: في طائرتين هيجوا واحده منهم هتنقل رشدي والبنات للمخابرات تاني والتانيه هتاخدنا احنا وفي مركب هينضف المكان هنا
الشباب بصوا للبنات اللي كانوا بيبصوا ناحيه البحر
أدهم: انتوا مبلولين والجو برد
شمس: عادي احنا متعودين... وبصت للبنات وقالت بلغه غريبه: عليكم شكر الليل فسواده لا يبين لون عيونكم الحقيقيه
البنات حطوا ايدهم على وشهم والشباب استغربوا ده وقالت شمس بضحك: ههههههه انتن أغبياء اقسم
ديانا مسكت سلاحها: ثانيه واحده لن استغرق أكثر من هذا لقتلك
شمس: اممم حسنا صمت
سمعوا صوت هليكوبتر وشمس قالت: مين بيسوق دي أش ولا روز
رسيل: لا دي ولا دي
الهليكوبتر وقفت على سطح السفينة ونزل منها شخص بيقول: يااااه ليكي وحشه يا ملكه
شمس: عبد الرحمن
اكمل نزل وقال: وانا برضو
شمس: انت شايفاك قدامي 24 ساعه
عبد الرحمن كان حاطط كمامه على وشه وقال: قوليلي أنهى فيهم اخوكي
شمس بصت للشباب اللي كانوا مستغربين وقالت: أدهم
ادهم بهدوء: نعم يا شمس
عبد الرحمن بصله وقال: سبحان الله نسخه من ابوكي حمد الله على السلامة يا كابتن
أدهم باستغراب شويه: الله يسلمك!!
ديانا ببرود: هيا لنذهب
البنات لفوا بس شمس قالت: مهلا الن تسلموا على قبل أن تذهبوا
رسيل بصوت مرتفع وبغيظ: عسى أن تتعفني في الجحيم
شمس باستفزاز: سوف نتعفن سويا لا تقلقي هيا اريد حضن سريع
شغف: فلتعطي لها الحضن قبل أن اجعلها تحتضن سمكه القرش بالأسفل
شمس: أجيد الغوص لا تقلقي
رسيل حضنتها جامد وقالت بهمس: قسما بالله لو مكانش عم حسن هيزعل عليكي لكنت قتلتك
شمس بضحك: أجل انا اعلم
جين بغيظ: هيا لنذهب عبد الرحمن احضر ذلك الحقير معنا وشاورت على رشدي
شمس: سلام ياض يا عبد الرحمن
عبد الرحمن بضحك: سلام يا ملكه
البنات مشيوا وقالت شمس وهما بيركبوا الطياره بتوديع: روحوا إلهي ما ترجعوا
ديانا : لا تقلقي سناخذكِ معنا
الطياره طلعت وقال فهد: شكلهم بيحبوكي اوي
شمس لفت: اااه جدا شكلي هموت والله المهم حد معاه حاجه ناشفه
الكل باستغراب: حاجه ناشفه!!؟؟
شمس بصت لاكمل وقالت بابتسامه: اكمل يا اخويا
اكمل: اووووف انا كنت عارف
وقلع الجاكيت اللي كان لابسه وقال
"خدي يا اختي"
شمس لبست الجاكيت وكان واصل لركبتها وقالت: مش خساره فيك والله الأكل اللي كنت بجبهولك
اكمل: حيث كده بقى فابقي هاتي كشري نفسي فيه
شمس: ماشي بس بتحلمش بعد كده كتير هو الجاكيت تقيل ولا لأ
أدهم: هو انتي بردانه
سليم: يعني انت متوقع بعد ما تنزل المياه الساعه 3 بالليل ومتبقاش بردانه في الجو ده
شمس: قوله والله ولاه يا أكمل البتاع دع بيدفي ابقى هات واحد ليا بناتي
اكمل بحسره: ماشي يا اختي انتي تتدفي وانا اموت من البرد هنا
سيف كان يشعر بالغيره الشديده من اكمل فقال "المفروض الطياره هتوصل امتا"
اكمل: اهي جايه في الطريق
..........................................
في الطيارة كان الجميع يجلس وكانت شمس تجلس بجانب أدهم وبجانبه سيف وامامهم الشباب وقال عدي: دلوقتي المفروض تشرحوا لينا ليه مبيناش اننا بوليس ادينا خلصنا المهمه
شمس بصت لسيف وقالت: مقولناش اننا بوليس علشان يبان اني سلطان هو اللي عمل كده
سيف : وبما أن رشدي هو اللي جيه كده شاكر السويسي هيشك في اختفاءه وكمان هو فاكر اني الحكومه متعرفش اننا عارفين بالشحنه دي
سليم: بس استفدنا ايه كده؟!؟!
شمس: استفدنا كده اني سلطان هيختفي لما يعرف اني شاكر بيدور عليه
سيف: ومفيش مكان يختفي فيه ومأمن بالنسبه غير الخليه اللي هو مسكها
أدهم بفهم: وكده يظهر ابو حذيفه أسرع بدال ما المفروض يظهر بعد 3 ايام
سيف: وكده نقدر زي ما أخدنا رشدي ناخد ابو حذيفه ومن غير ما حد يشك فينا لاني اللي هيتشك فيه دلوقتي شاكر
فهد باستغراب: ليه شاكر وبعدين ايه اللي يضمن اني سلطان هيروح على الخليه ما ممكن يسافر
شمس: لا ما نانو بيراقب دلوقتي سلطان وكل تحركاته وزارع في مكتبه جهاز تصنت يعني كل كلمه هتتقال هيسمعها
سيف: ومعتز بيراقب شاكر وبعت ليه دلوقتي تسجيل بأني اللي عمل كده هو سلطان
شمس: واكيد الرجاله اللي زارعهم سلطان عند شاكر هيبلغوا سلطان اني شاكر بيدور عليه علشان يقتله
مالك: ووقتها اللي أعلى من شاكر لما يشوفوا اني سلطان ورشدي اختفوا الوحيد اللي هيتشك فيه هو شاكر وهيقتلوه صح
سيف: صح واكيد لما هما التلاته يخلصوا لازم يطلعوا اللي فوقهم علشان مش عندهم وقت يثقوا في غيرهم
شمس: ووقتها نوصل للشبكه كلها والشحنه الكبيره ومن غير ما حد يعرف اني البوليس عرف علشان مياخدوش احتياط أكبر ولازم بكره يبقى عندنا ابو حذيفه
أدهم: بكره ازاي مش هنلحق
شمس بثقه: لا هنلحق انتوا قدها ولازم نستغل الوقت وكمان منضمنش سلطان لما يبقى ابو حذيفه هيقعد في خليته قد ايه لازم نمسكه بسرعه وانا والمقدم سيف عندنا الخطه التانيه ها يا وحوش قدها
الشباب بثقه: قدها يا فندم
عدي بتساؤل: بص صحيح ازاي قدرتي تاخدي تسجيل سلطان بخيانته لشاكر
سيف: ههههههههه ومين قالك اني سلطان اصلا كان ناوي على الخيانه
فهد: يعني ايه؟!!!
شمس: يعني التسجيل ده مش من سلطان هو اااه بصوته بس مش هو دي لعبه علشان شاكر مش يشك في حاجه
سيف: لما يبقى ليك عدوين ازرع ما بينهم الفتنه
شمس بتكمله: ههههههه واتفرج وهما بيولعوا في بعض
سليم بضحك: الله عليكم انتوا الاتنين تفكير عصابات والله
مالك: معاهم حق لما خلوكم انتوا الاتنين القائد
شمس ابتسمت وقال سيف بفضول: بس ازاي عملتيها وجيبتي تسجيل بصوته عملتيها بالتكنولوجيا يعني
شمس: هو ممكن تبقى بتكنولوجيا عادي بس عندي زميله بتعرف تقلد الأصوات سمعتها طبقه صوت سلطان وهي قلدته بالكلام بس كده
أدهم: زميله ليكي في المخابرات السريه يعني
شمس: اممممممم
فهد: اه صح هما البنات اللي كانوا معانا دول مش مصريين ولا ايه
سليم وعدي ومالك استمعوا بتركيز
شمس بصتله بغموض وقالت: ليه بتسأل
فهد: لا عادي اصلهم متكلموش مصري خالص
شمس بغموض: لا عادي هما مصريين بس احنا عاده مش بنتكلم في مهماتنا بلغه اصليه علشان ميتثبتش اننا ظباط مصريين ده غير تنكرنا
الشباب: تنكركوا يعني هما كمان متنكرين
ملحوظه........
(البنات لما نزلوا المياه وخرجوا كانت الكمامات اتشالت من على وشوشهم حتى العدسات بس من الضلمه ماخدوش الشباب بالهم)
شمس لعنت نفسها على تسرعها فهم أيضا أذكياء ومن الممكن أن يشكوا في الموضوع وأكمل بصلهم بقلق
سيف بص للشباب وقال باستغراب: في ايه بتسألوا كتير عن البنات دول ليه
مالك: عادي يعني يا سيف مجرد فضول
شمس بهدوء شديد: اه متنكرين اكمل هات الحقنه علشان السكر عالي عليا
أدهم بقلق: ليه حقنه يا شمس هو عالي اوي لدرجه الأنسولين
شمس بابتسامه: لا يا أدهم الحقنه بس فيها ماده علشان تغني عن الأكل بعد ما أخدها علشان مضمنش في المهمات اقدر اكل ولا لأ لو عالي عليا فجأه وكده
شمس مسكت الحقنه وجهزتها بس وقفها صوت سيف وهو بيقول بغضب: استنى انتي بتعملي ايه
شمس باستغراب من غضبه: ايه هاخد الحقنه
سيف : هتاخديها ازاي حضرتك وانتي قاعده وسطنا كده
شمس ببرود: كده وغرزت الحقنه في ذراعها على الهدوم
سليم بفزع: انتي اخدتيها على الهدوم
شمس بغيظ: اه طبعا اومال أخدها قدام 7 شحطه كده
فهد بضيق: شحطه الملافظ سعد والله
أدهم ضحك عليهم وقال: يعني انتي شايفه اننا شحطه ليه
شمس: يعني انتوا مش شايفين نفسكم ايه الطول المبالغ فيه ده
سيف: احنا طوال بزياده ولا انتي اللي قصيره
شمس وقفت وقالت بعصبيه: انا مش قصيره وبصت على طولها وقالت بحسره: مش اوي يعني
الكل قعد يضحك وادهم وسيف كتموها بصعوبه وشمس قالت: انا هاروح امسح وشي يا شويه شحطه
شمس مشيت ودخلت الحمام وبصت لنفسها وقالت: انا قصيره يا ابن مريم ماشي يا سيف بس بصراحه معاه حق ايه طول 6 ابتدائي ده يا ربي
..........................................
في مكان آخر في المستشفى العسكري في مكتب آيات كان قاعد عدنان مع البنات بيتكلموا وبياكلوا تسالي وكانوا اخدين الشفت الليلي والساعه 3 ونص الفجر
البنات بضحك: طب قول والله
عدنان: اه والله زي ما بقولكم حاطه كيلو دقيق وكيلو طماطم في وشها ولابسه لبس اختها الصغيره وماشيه زي اللي عندها تسلوخات هههههههههه
آيات: شفتها ياض يا عدنان وهي بتقول انا جومانا يا دكتور عدنان ممكن نتعرف
الكل: ههههههههه
أمل :هههههه والله زي ما قولت يليق عليها دبانه انا مش عارفه اصلا ازاي دي في طب عسكري
حبيبه: بس كويس يا عدنان انك وقفتها عند حدها علشان متزيدتش عليك
عدنان بجديه: اكيد اصلا ده مش النوع اللي المفروض راجل يأمن عليها بيته
روان: اومال ايه النوع المفروض
عدنان بشرود: يكون عندها أخلاق ومؤدبه شخصيه تقدر تآمن معها على أولادي وبيتي ويسلام لو محجبه
وابتسم لما افتكر رقيه ولون عيونها اللي جذبه ليها من اول نظره
آيات: شكلك واقع يا اسطا
عدنان بقرف: اسطا دي اللفاظ دكتوره دي
آيات: Yes sure
عدنان وقف: طب اقوم انا بقى علشان أمر على العيانين بتوعي
حبيبه اتنهدت بقوه
آيات: يااااه دي كلها هموم يا اختي
حبيبه: اسكتي قلبي كان هيقف
روان: ااه والله نفسي احساسي
آيات بقلق: اقفلوا على السيره دي دلوقتي
أمل: ايه رايكم نعمل حاجه مجنونه بما اني ذكرى صداقتنا بعد 3 ايام
روان: ايه رايكم نسافر
حبيبه: فين؟؟!؟
روان: ال......
قاطعها صوت الممرض وهو بيقول: دكتوره َايات المريض في اوضه 47 تعبان
آيات: إلهي يموت حاضر يا شفيق انا جايه بقلوكم ايه واحده فيكم تروح بدال ما اعمل ليه عاهة مستديمه
أمل: هو اصلا تحت رعايتك انتي
آيات بغيظ: كان المفروض يكون تحت رعايه دبانه لايقين على بعض والله يلا استعني على الشقا بالله
روان بصوت عالي: بت يا آيات اوعي يموت في ايدك ويتحسب عليكي روح
آيات من برا: هحاول بس موعدش
البنات بصوت واحد: يبقى الله يرحمه
..........................................
في الطياره كان الكل قاعد والشباب مغمضين عنيهم بتعب وشمس بتهز رجلها بتوتر وسيف بيراقبها بهدوء اما أدهم فثبت رجلها وقال بنفاذ صبر: ايه في ايه عملت ايه غلط
شمس باستنكار: انا عملت غلط
أدهم: اومال ده انا مربيكي وعارف لما تهتزي رجلك كده بتبقى متوتره
شمس: اديك قولت متوتره جبت منين اني عملت غلط ها
أدهم بصرامة: شـــمــس
شمس: اووف ما انت هتتضربني
أدهم: انا انا عمري اصلا مديت ايدي عليكي
شمس: اه لما كان عندي 6 سنين ضربتني بالمقشه علشان شخبطت في كشكولك وكمان ضربت ملك وعشق علشان قطعوا كشكول العلوم بتاعك بس بصراحه انت كنت تستاهل و.....
عدي: بس بس ده كله فكراه
شمس: قل أعوذ برب الفلق 🖐🏻يا ناس شر كفايكم قر
أدهم بذهول: قر ايه ده انا نص اللي قولتيه كان اتمسح من دماغي
سليم وفهد بضحك: ذاكرتك حديديه مشاء الله عليكي هههههههه
شمس: بصوا الذوق اتعلموا منهم
سيف: ملقيتيش غير دول اللي نتعلم منهم
سليم بغيظ: ومالهم دول بقى يا وحش
شمس: اه صح مالهم يعني دول عسل
فهد بضحك: الله يخليكي
سيف بصله نظره خرسته وادهم قال: متحوريش عملتي ايه غلط
شمس: ماشي بس اتصل على ياسين من تليفونك الأول
أدهم: ليه وانتي تليفونك فين
شمس: يا عم معنديش رصيد اتصل من عندك واه اتكلم انت الاول
أدهم بشك: ماشي
أدهم رن وفتح الاسبيكر وياسين رد وقال: الو
أدهم: الو يا ياسين
ياسين: أدهم ازيك في حاجه ولا ايه بتتصل في الوقت ده
شمس بخفوت: لسه صاحي يا ياسين تبقى زعلان وكملت بصوت مسموع: ياسين
ياسين: انتي..... عايزه ايه
شمس بتنهيده: خلاص يا ياسين انت ليه محسسني اني انا ضيعت شرف العيله ها
أدهم ضربها على كتفها وياسين قفل
شمس: ده قفل في وشي الواطي
أدهم ضربها على دماغها وقال: ايه الكلام اللي بتقوليه دي
شمس: انت بتضربني طب خليكوا شاهدين علشان لما اقول لابو على مبقاش كدابه ده لو يرضى يكلمني يعني
أدهم: انتي عملتي ايه ها
شمس رنت تاني وادهم قال: افتحي الاسبيكر
شمس: حاضر
ياسين: ايوه يا أدهم
شمس: اقسم بالله لو قفلت لاسيب البلد ومش هتعرفوا تجيبوني تاني
ياسين سكت لأنه عارف انها ممكن تعملها
شمس: بابا فين
ياسين: في البلكونه
شمس: بلكونه ايه انتي سايبه قاعد في الوقت ده ده الجو متلج
ياسين: حاولت معاه بس بيعاقبك يا دكتوره
عمر: تستاهلي
شمس : انت ياض أنت بتعمل ايه عندي لحد دلوقتي
آسر: عم.... اممممم
شمس قفلت بوق سيف بايدها فهو بعيدها بغيظ
عمر: بت يا شمس صوت مين ده
شمس: ده.... ده عدنان بس مشي طب اديه منوم
ياسين: يا سلام ولما افتح باب الشقه هو مش هيحس ولا انتي مش عارفة ابوكي و.....
شمس: الو انت قفلت ولا ايه
ياسين: البنات بيتصلوا انتي مش في المستشفى ولا ايه
شمس: احممم لا في المستشفى حتى عندي أدهم بنعمل شوكو
ياسين: اممممم ماشي
أدهم: شوكو ايه يعني ايه شوكو اصلا
شمس : اعملها مكالمه جماعيه
حبيبه: هي شمس على الخط بت يا شمس انتي فين
شمس: بعمل شوكو يا اختي المهم ياسين حط المنوم في القهوه وخليه يشربها
ياسين ببرود: لا
شمس بغيظ وبالتركيه: لما لا أليس هو ابيك ام ماذا
ياسين بعصبيه: لا تتكلمي كدتي أن تموتي البارحه
شمس بملل: مش لدرجه يعني وبعدين اديني عايشه اهو
روان: بعد ايه يا اختي بعد ما نزلتيني من البيت الساعه 1 بالليل
ايمان: قوليلها صحيتيني من حلم حلو منك لله
حبيبه كانت هتتكلم بس شمس قالت: بس متتكلميش انتي ده انتي قعدتي 3 ايام في العنايه اياكي تفتحي بوقك بقى ثم تعالوا هنا من الجذمه اللي ضربني واستغل اني نايمه ومش حاسه بحاجه
الكل سكت وعمر قعد يضحك
شمس: عمر قول انت
أمل: عمر لو قولت هقعدك اسبوع في المستشفى
عمر خاف فشمس قالت: عمر قول وانا مش هخلي حد يقربلك وهعملك كيكه بالفراوله
عمر: لا الا الفراوله انا هقر بكل حاجه احم احم كلهم حتى اخوكي المبجل
شمس: يا جذم يا كلاب البحر ماشي كل بحسابه المهم اصالح ابو علي
ياسين: مفيش منوم وانا مش هعمل كده
شمس: المنوم في اوضتي في الدرج حطله قرص بس ماشي
ياسين: لا مش ماشي
شمس : ياسين والله لو ما عملت كده لاطلقك قبل ما اجوزك وانت فاهم
ادهم: بس انا مش فاهم
شمس: ها ايه رايك اخد العصابه بكره ونعمل فتنه واخليك أعذب طول عمرك
البنات: اشطا نروح بكره
عمر بضحك: وافق يا ياسين لأحسن دول كبريت يولعوا ما بين الناس علطول
شمس بضحك: اسمع من صاحبك واوعي تنسى اللي حصل قبل كده في البحيره
ياسين: اوووف حاضر اقفلي وانا هعمل القهوه بس بشرط وبعدين لينا انا وانتي كلام تاني
شمس: مش مطمنه للشرط يا اخويا
ياسين بخبث: اقفلي وانا هعمل القهوه وافكر في الشرط
شمس بضيق: ماشي
شمس قفلت ولقيت أدهم مسكها من هدومها وقال: قول عملتي ايه خليتي ابوكي يعاقبك وانتي عارفه انه مش بيعاقبنا غير لما نبقي غلطانين
شمس: يا حضرت المقدم لاحظ اني في ناس قاعده اهو
وشاورت على الشباب
فهد بضحك: لا احنا مستمعين بس متقلقيش
أدهم بشك: اكلتي حلويات صح
شمس: وانت عرفت منين هو الواد عمر قالك
أدهم: مش محتاجه صحابك بيقولوا نزلوا من بيوتهم الساعه 1 بالليل وهما دكاتره يبقى اكيد كنتي بتموتي
شمس: بص بغض النظر عن موضوع نزولهم لأنهم بينزلوا في أي وقت الا اني مكنتش هموت
أدهم: لا والله
شمس: اووف ماشي هقولك كنت اصحيت الساعه 1 بالليل وكنت متضايقه وكأي واحد مصري بيصحي بالليل بيفتح التلاجة
سليم: ايه ده بجد افتكرت اني العاده دي محدش بيعملها كتير اتضح اني المصريين كلهم كده
فهد: عاده غربيه والله
شمس: والله الاتنين دول بيفهموا
أدهم: كملي
شمس: فتحت التلاجة ولقيت قدامي بسبوسه روحت اكلتها
مالك بصدمه: كلها
شمس: اممم كلها
عدي: واحده مريضه سكر تروح تاكل بسبوسه طب كلي حاجه تاني
شمس: ما انا أكلت حاجه تاني
سيف بسخريه: لا متقوليش كيكه
شمس: لا كنافة بالقشطه اصلي بعد ما اكلت البسبوسه لقيت نفسي جعانه ومكنش فيه غير الكنافه وكيكه الشوكولاته وبما أني ياسين بيحب الكيك قولت خلاص كنافه كنافه
سيف بصلها بغضب وهي خافت منه وادهم قال: كملي يا أخرت صبري
شمس: بس محستش بنفسي غير وانا في السرير وابوك بيبصلي نفس نظرتك دي
أدهم كان بيبص ليها بعتاب وقال: ليه عملتي كده عايزه تاكلي كلي حاجه قليله بتاكلي الكميه دي كلها ده انتي معجزه اني عايشه
شمس: انا اصلا لو مكنتش اخدت حبايه السكر قبل ما اكل زمانك دلوقتى واقف على قبري يا أدهم
أدهم بصلها وقال: انتي عملتي حاجه قبل حكايه السكر دي صح
شمس: اه قبلها بيومين كنت عمله مصيبه انا والبنات وقعدنا وقتها ساعه ونص نصالح في أبو علي
الشباب: تستاهلي انتي غلطانه
شمس: عارفه بس انا واحده مش باكل سكر ولا حلويات ومولوده بالسكر يعني من 22 سنه يعني المفروض يكون ليا عذر
سيف: أي عذر مقبول الا في مرضك
شمس بصتله ولقيت في عنيه نظره وجعتها نظره عتاب قاطع نظراتهم رن التليفون
شمس: ها ايه الشرط
ياسين بمكر: بصي القوه قدامي اهي والشرط انك هتشرحي للطلاب لمده يوم كامل مكان بابا
شمس: نعم يا عينيا
عمر: هههههههه قلبت على شارع الهرم
شمس: انا مالي انا مليش فيه شفولك حاجه تاني غير ده
ياسين: مفيش غير ده وبعدين مش لوحدك انتي وعصابتك
سمعوا صوت شرقه ودي كانت من أمل وقالت: نعم نعم واحنا مالنا بالحوار اصلا مش كفايه قاطعته على الواحد نومته
شمس: انتوا لسه على الخط
ياسين: اتصلوا تاني علشان يعرفوا الشرط
شمس: واطين ويعملوها
حبيبه: استنى يا حجه احنا مالنا نتعتقب معاها ليه
ياسين: علشان المصيبه اللي عملتوها من 3 ايام دي انا مش ناسي
آيات: ما احنا طول عمرنا بنعمل مصايب ليه نتعاقب
شمس: هتكونوا معايا في العقاب
البنات: لأ
شمس: هتكونوا يا اما مفيش ذكرى وتتأجل للسنه الجايه
عمر: ذكرى اه صح دي بعد 3 ايام
ياسين: ها اكب القهوه في الحوض
شمس: انت مستغل يا ياسين
ياسين ببرود: عارف وجيه الوقت اللي تتعاقبوا شويه على مصايبكم دي
روان بتذمر: بس احنا مش بنفهم في الرياضه احنا طب مش هندسه
ياسين: كدابين اومال مين كان بيصحح الكشاكيل مع بابا انتوا ولا خيالكم
شمس: خيالنا وبعدين المشكله مش هنا
عمر: اومال فين

آيات: المشكله في إني ابو علي بيدرس لاولاد وبنات في نفس الحصه شفت انت بقى فقع المراره لما واحده وواحد عندهم 16 سنه بيغمزوا لبعض في الحصه اهو هنا بقى تقع المصيبه مش المشكله
أ

مل: 16 سنه مش يفكروا في مستقبلهم لا دول بيشقطوا بعض في الحصه اموت واعرف ابو علي مستحملهم ازاي
ياسين: هههههههه مليش فيه ها موافقين
شمس: يعني انت يرضيك انا ابقى دكتوره لا ودكتوره عسكريه يعني شغل ليل نهار وبعمل وظيفه الأم والأخت والابنه في نفس الوقت وعايز ادي دروس ويتفقع مرارتي وانا لسه سنجل يرضيك
ياسين: يرضيني
شمس بغيظ: ماشي يا ياسين بعد بكره هناخد اجازه ونديهم دروس بس لو سمعتوا بقى صوت صريخ محدش يدخل
حبيبه: اما ربيناهم شويه الصيع دول منبقاش احنا العصابه
عمر: الله يرحمهم مقدما
شمس: اسمع بقى اديه القهوه ولما ينام خدوه اوضته واقفل الباب بالمفتاح وانا جايه في الطريق
ياسين: ماشي يا دكتوره سلام
شمس: سلام يا هندسه
سيف : عمر بيعمل ايه عندكم
شمس: والله يا سياده المقدم شكلك مش متابع العيله لاني عمر اصلا من امبارح عندنا
أدهم: ازاي عمر بيبات وانتي في البيت
شمس: لا ما ياسين عنده شقه تاني فوق فلما عمر يكون هنا بيبات معاه وهما مناموش اصلا كان عندهم شغل لياسين نزل بعد نص الليل فلقاني بطلع في الروح في المطبخ
الشباب قعدوا يضحكوا وشمس بصت لادهم وقالت: يرضيك اللي بيعمله اخوك ده
أدهم ربع ايديه وقال: اه يرضيني انتي تستاهلي علشان متستخفيش بمرضك بعد كده وبعدين انتوا سايبين بابا يشتغل ليه
شمس بتنهيده: بابا مش بيشتغل علشان شئ مادي لا علشان يشغل وقته وميفكرش في زمان بس برغم كده بيفكر في الماضي أصله مش هيسيبنا خلاص الماضي حصل وانكتب على الكل
الشباب بصولها بحزن فصعب انك تخسر حد بتحبه وهي خسرت كتير اما سيف كان نفسه ياخدها في حضنه يمكن يخفف من عليها وأكمل بصلها بوجع هو عارف كل حاجه وقد ايه قلبه مليان أوجاع
أدهم جاتله فكره علشان يخرجها من الحزن بابتسم بمكر وقال: صحيح بعد ما تخلص عقابك من بابا وياسين تستعدي لعقاب مني
شمس : نععععععم
أدهم بابتسامه بارده: نعم الله عليكي
شمس قامت وحطت ايد في وسطها والتانيه بتشوح بيها زي
(زي ستات الحارات 😅)
شمس بعصبيه: ليه أن شاء هو انت فاكر علشان انا اخر بنت في العيله اللي مش بيعيش ليها نسوان دي افترى عليا ولا علشان انت راجل أني هسمع كلامك لا يا حبيبي فوق ده انا في العند مفيش مني اتنين وانا الكل بيقول لولا الحجاب لكانوا افتكروني راجل انا مش هتعاقب سامع يا أدهم
الكل كانوا بيبص ليها بذهول من تحولها المفاجئ اما أدهم فأكثر تفاجأ هي اتغيرت خالص يمكن قاعدتها في الحاره غيرتها وفي وسط ده كله اكمل طلع حاجه من شنطته وراح ليها وقال: شمس
شمس لفت: ايه ف..... اممممم
اكمل دس في بوقها سندويتش وقال: اتهدي بقى
شمس قعدت ومسكت السيندوتش وقالت: معاك تاني منه
اكمل: ايوه إلهي يطمر
شمس: فاهمني والله انت
اكمل: هههههههه اكيد هو احنا عشره يوم المهم برنامج........ مش عارف اشغله
شمس وهي بتاكل: ليه لسه صغير مش عارف
أدهم ضربها على رأسها وقال: متتكلميش وانتي بتاكلي انتي مش لسه صغيره
شمس بتذمر: هي بقيت كده اكمل تعالى نفتح البرنامج في مكان تاني الدنيا بقيت خنقه هنا
أدهم بذهول: خنقه طب ايه رايك انك هتتعاقبي
شمس: لا يا غالي انا مش بتعاقب انا بعاقب بس ومش هسمع كلامك انا مش بسمع كلام حد غير سكري وزين غير كده No
وسابته ومشيت
أدهم بعند: طيب ماشي نشوف كلام مين هيمشي انا الكبير يا شمس
شمس دخلت دماغها من الباب وقالت: مش بالسن يا حضرت المقدم انا القائد هنا
وقفلت الباب وقالت: يلا ياض ورانا شغل
اكمل بضحك: حاضر
الكل انفجر في الضحك برا حتى سيف وقال أدهم: قائد هو في قائد بيتكلم وهو بياكل في قائد بيلبس بجامه فأر ويعمل شعره قطتين
فهد بضحك: اختك دي مجنونه
أدهم: والله من الواضح أن الخمسه اجن من بعض البسوا يا وحوش
..........................................
في مكان آخر في بيت حسن كان قاعد في بلكونه بيته وبيبص للسماء وبيقول بهمس: شوفتي يا حياه شمس كانت عايزه تمشي هي كمان كانت هتسيبني امبارح شبهك اوي يا حياه قويه وذكيه اوي زيك تعرفي اني أدهم رجع نسخه مني في كل حاجه بس نفس شخصيه جده عثمان وياسين هادي ورزين وبيفكرني بزين وكمل بدموع: تعرفي لو ملك لسه عايشه كانت هتبقى نسخه من شمس... وعشق كانت هتبقى مجنونه اوي زي دانه مسح دموعه وقال: بس تعرفي ربنا عوضني بدال الاتنين اربعه اربع مجانين اه احيانا بيخرجوني عن شعوري بأفعالهم بس دايما بيفرحوني ويضحكوني عوضوني عن حاجات كتير الا انتي عمر ماحد هيعوضني عنك يا حياتي
ابتسم بعشق لما افتكر موقف ليه هو وحياه
Flash back
في فرنسا في حفله من سنين دخل حسن بشكله الرجولي الجذاب وعيونه الخضراء وشعره الأسود وجسده المعضل
يوسف بضحك: لافت الأنظار كلها انت يا قيصر
حسن بغرور: طبعا هو انا اي حد
جلال: أبو غرورك يا أخي
حسن: خليك على جمب يا ابن الشرقاوي
جلال: اديني يا اخويا على جمب المهم نركز في اللي احنا جايين ليه
حسن: البنات فين
إبراهيم: مع زين جايين
يوسف: يا خوفي من زين
حسن: اه والله
جابر وصل وقال: زين مش البنات على فكره زين برا مع احمد وهو قالى اني البنات ربع ساعه ويكونوا هنا
يوسف: كده نقول يا خوفنا منهم
بعد ربع ساعة دخلوا 7 بنات قمه في الجمال حياه وليالي ودانه وولاء وفوز وفتون ورزان وكانوا قمه في الجمال ويظهر انهم ليسوا عربين من جمالهم الغربي نظر الجميع لهم وهم يدخلون بثقه كعادتهم نظر لهم الشباب بغيره شديده من ملابسهم
حياه

ليالي

فتون

رزان

دانه

فوز

ولاء

زين: يا جذم ده انتوا ليلتكم سوده
البنات وقفوا قدام الشباب وقال زين: افهم ايه اللبس ده
حياه: ايه يا زين اهدي مفيش حاجه المهم ليالي الكاميرات تبقى تحت سيطرتك انتي وولاء
ليالي: ماشي يا حياه يلا يا ولاء
حسن: زين خليك معاهم انت ويوسف علشان ميكونوش لوحدهم والباقي يتوزع في الحفله
يوسف: ماشي يا حسن يلا يا زين
بدأت اغنيه واللي عينهم كان عليه قرب من دانه وحياه اللي كانوا واقفين مع احمد وحسن وقال لدانه بالفرنسيه: هل تسمحي أن تشرفيني على هذه الرقصه انستي
دانه لسه هتتكلم بس قاطعها أحمد وهو يضع ايده على خصرها وبيقول: لا اسف هي سوف ترقص معي انا
وشدها على ساحه الرقص ودانه قالت: انت مين سمح ليك انك تشدني كده
أحمد بغضب ولغه صعيديه: مسمعش حسك واصل لحد ما المهمه الزفت دي توخلص
دانه: لا والله هتقلب على ذئاب الجبل ولا ايه
أحمد: دااااانه
دانه سكتت وهو شد على خصرها وضمها ليه اكتر وقال: اللبس ده اياكي اشوفك بيه تاني فاهمه
دانه: وانت مالك بيا وبلبسي انا حره
أحمد بصلها نظره اخرستها
اما على ترابيزه حياه وحسن حسن قال: افهم ايه اللبس ده
حياه: ايه لبس بنات ماله
قاطعهم صوت شخص بيقول: سنيوريتا تسمحي لي بهذه الرقصه
حياه: بالطبع
ومدت ايدها بس مسكها حسن وقال: اعتذر فزوجتي لا ترقص مع الغرباء
وشدها ومشى لمكان فاضي في الحفله وحياه بتحاول تفك ايدها منه ومش عارفه
حسن زقها على الحيطه وراها وقال بغيره شديده: كنتي عايزه ترقصي معاه
حياه: وانت مالك بيا
حسن: حـــيـــاه اوعي صوتك يعلى عليا واياكي المحك واقفه مع راجل الحفله كلها فاهمه
حياه: لا مش فاهمه وانا حره في تصرفاتي وايه رايك اني هاروح ارقص مع مارسيل و......
قاطعها حسن لما اطبق شفتيه على شفتيها في قبله عنيفه يبث فيها غيرته وغضبه منها وابتعد بعد فتره عندما احتاجت للهواء ومشى اصابعه على شفتيها المتورمه من قبلته وقال: اياكي اسمع اسم راجل على لسانك فاهمه يا حياه انتي ملك حسن الألفي فاهمه
حياه بصتله بغضب وقالت بالتركيه: إذا كنت انت حسن الألفي فأنا هي حياه عثمان اكارسو ولا اهزم بسهوله
حسن نزل لمستواها وقال: هنشوف يا حياتي
Back
حسن فاق على صوت ياسين بيقول: مش كفايه يا بابا تعالى اقعد جوا طيب
حسن: ماشي يا ياسين بس لما اختك والبنات يوصلوا الأول
ياسين: طب اشرب القهوه دي تدفيك شويه
حسن: ماشي يا ابني
..........................................
في الطياره رجع الشباب وغمضوا عينيهم بتعب وادهم بص جمبه لقى تليفون شمس فمسكه وفتحه بالباسورد وقعد يقلب فيه فقال سيف
" بتعمل ايه يا أدهم"
أدهم: بشوف ايه في تليفون اختي وقال يخربيت كده اكتر من 3000 صوره ومعظمهم للبنات وعمر وياسين والواد الطويل اللي عيونه خضراء ده في معظم الصور
الشباب بغيره: في معظم الصور
أدهم بصلهم وقال بضحك: هو انتوا بتغيروا منه ده عنده 17 سنه يا وحوش
سيف بسخريه: ده على اساس انك مش بتغير مني لما احضن ريم
عدي: وبتغير من ابنك حد يغير من ابنه
أدهم: بكره لما تخلفه هتغيروا من عيالكم زيي
أدهم ابتسم لما شاف صوره لشمس وهي لابسه خوذه المهندسين وياسين لابس البالطو الطبي وشاف صوره شمس وهي حاضنه ابوه وبتبوسه من خده وصوره لياسين شايل أيهم على كتفه وضرغام على كتف أيهم وشاف صوره العصابه ومصطفى هو اللي واخد السيلفي
أدهم شاف فيديو بس لونه اسود ففتح بفضول وظهر صوت حبيبه بتقول: بقولك ايه عدي النهار ده علي خير
عدي: ده صوت حبيبه انت شغلت ايه
أدهم: مش عارف فيديو لونه اسود كله
مالك: طب شغله كده
في الفيديو
شاب: والله لادخلكم السجن
أمل بعصبيه: سجن ايه يا راجل يا مهزق ده انت اللي كنت هتخبط الراجل
الشاب: وانتي مال اهلك هو كان ابوكي
أمل: وه مال اهلي انا هوريك كيف هما اهلي
ونزلت ضرب في الشاب ده
آيات بحماس: بت يا أمل استنى انا عايزه اضرب انا كمان
روان : يلا هي جات عليا استعني على الشقا بالله
بعد فتره في القسم
الشاب: البنات زي لازم يتعلموا الأدب
الظابط: اكيد اكيد
شمس: اكيد اكيد هو علشان ابن واحد معروف يطلع واحنا نلبس ده كان هيفرم الراجل
الظابط: طب مين عمل في وشه كده
البنات بصوت واحد: انا
الظابط: مشاء الله ومش عايزين تتحبسوا
حبيبه: لا عادي ناخد جوله في التخشيبه مفيش مانع
الضابط: انتي بتستظرفي
حبيبه ببرود: اه
الظابط بصوت عالي: يا عسكري محمد
روان: براحه يا حضرت الملازم ليجيلك سكر ولا حاجه
محمد دخل والظابط قال: خدلي الخمسه دول التخشيبه
آيات: يا حلاوه هنشوف كام ساعه عسل هنا يلا يا مرسي
محمد: مرسي مين؟؟!!
شمس: معلش يا متولي واحده غبيه فين بقى مكان الستات ده
محمد بصلهم بغباء
أمل: الراجل بلم انت يا رفاعي ولا محمد فين الزفت اللي بيقعدوا فيه الستات
محمد بغلظه: قدامي
حبيبه: عنده ذوق فعلا السيدات اولا
البنات دخلوا حجز الستات وقامت واحده تخينه وشعرها كأنه في ماس كهربي قالت: شوفي يا معلمه بنات جديده وشكلهم نضاف
واحده بنت ليل: هيهيهيه شكلهم وجوه جديده
واحده قامت: انتي يا بت منك ليها اطلعوا باللي في جيبكم
شمس ببرود: وان مطلعناش
واحده: ده طلع عندهم لسان يا معلمه
أمل: هي فين المعلمه دي ولا خايفه ومتستخبيه
واحده قامت وكان شكلها يخوف وواخده كام غرزه في وشها وجسمها مليان
أمل بخوف: يا ريتني ما سألت
روان: دي كانت بتسن سكاكين في وشها دي ولا ايه
المعلمه اتحركت وقالت بصوت غليظ: انا اهو يا نوغه منك ليها اطلعي يا بت انتي وهي باللي معاكي
آيات: خلينا شاهدين اني ده مستحيل يكون صوت واحده ست ابدا
حبيبه اتحركت ببرود وقعدت وقالت واحده
"ايه ده ايه ده دي قعدت من غير ما تستاذن دي لازم تتربي"
شمس بصت لامل وروان وآيات: اتصرفوا انتوا
روان شمرت وقالت بشر: نبتدي اللعب
شمس قعدت جمب حبيبه وقالت: مش هتتضربي
حبيبه : لا مليش مزاج
وبعد ربع ساعة
كان الستات كلهم واقفين صف ورافعين أيديهم وبيصوا بخوف للبنات
آيات ماسكه عصايه ورايحه جاي قدامهم وبتقول: فاكرينا علشان في طب نكون نايتي ونقول مامي وبابي وعندنا داده وبتوع اتكيت لا يا عرسه منك ليها ده احنا عايشين في حاره مش كل بتوع طب بيتاكل لحمهم ها حد عنده اعتراض على حاجه
الستات بخوف: لا
أمل: وانتي يا وليه يا اللي اسمك المعلمه سمعيني صوتك كده
المعلمه بخوف: معنديش اعتراض على حاجه يا معلمه
روان: ناس مش بتيجي غير بالعين الخضراء
البنات قعدوا وشمس قالت بضحك: عاش يا عصابه
روان: اكيد طبعا يا كبير مش كل الطير اللي بيتاكل لحمه
حبيبه: المهم هنطلع من هنا امتا
شمس: مفيش شبكه هنا خالص
آيات: وبعدين الامتحان بعد ساعتين والواحد كان فاكر انه هيروح بدري وياكل في الكافتريا ويتريق على خلق الله اديني بقينا رد سجون
أمل: اه يا فوزي مستقبلي بيدمر منه لله اللي كان السبب في المرمطه دي
روان: كان لازم يعني دكتور عطيه ابو كرش ده يعمل امتحان مفاجئ منه لله إلهي يقع على وشه وهو ماشي
البنات: آمين
أمل: بقولك ايه يا وليه منك ليها في كوتشينه هنا
بعد ربع ساعة تاني
دخل العسكري وهو بيقول: فين البنات اللي...... ايه ده انتوا عملتوا فيهم ايه
شمس: بسره ليه عندك طلب يا بت جمال
العسكري بزعيق: ايه اللي انتوا عملتوه في النسوان ده
حبيبه: ايه يا متولي في حد يدخل على حد كده مش تكح حتى
المعلمه: الحقني يا شويش من البنات المفتريين دول
شمس: بس يا وليه منك ليها بدال ما اقوم انا
محمد: قومي منك ليها إفراج
روان: ليه بس يا حسين ده احنا مكملناش نص ساعه بس
محمد بشخط: اتجري منك ليها قدامي
أمل قامت وقالت وهي ماسكه العصايه: بتزعق لمين يا عسكري انت ها
العسكري بخوف: سيبي العصايه دي احسن ليكي
روان قامت: ليه هتتضرب في المليان
البنات قاموا وقالت حبيبه: بس منك ليها انا مضربتش حد لحد دلوقتي
شمس: بت منك ليها انا هنا الكبيره انا اضرب الأول
آيات: عند امه يا أدهم انا الأول
العسكري جري وقال: يا حضرت الظابط الحقني
أمل بحسره: عاجبكم كده اهو فلسع
آيات: احنا هنمشي سلام يا واطيه منك ليها بصراحه منبسطناش بمعرفتكم
البنات خرجوا وشمس قالت: تفكروا مين جيه علشان يخرجنا
..... :انا
البنات بفرحه: تايجر
تايجر بغيظ: انا لا اعلم إلى متى ساحتمل جنونكم لا يذهب يوم من غير أن تقترفوا مشاكل
شمس: خلاص بقى يا تايجر
العسكري دخل وقال: أهم ياباشا
الظابط: قال انتوا اللي عملتوا كده في النسوان اللي في الحجز
البنات ابتسموا بشر وقالوا في صوت واحد
" محمد "
أدهم قفل الفيديو وقعد يضحك بقوه: يا لهوي ههههههههه دول مجانين هههههههه دول وقفوا نسوان الحجز صف رافعين أيديهم ههههههه والعسكري خاف منهم ههههههه يا لهوي يا وحوش لبستوا في 5 اجن من بعض

الشباب بصوله وانفجروا في الضحك كلهم وشمس خرجت على صوتهم هي وأكمل وقالت: بتضحكوا على ايه ضحكوني معاكم
أ

دهم وقف وقال: مين تايجر يا شمس
شمس بصت لاكمل وقالت: تايجر وانت تعرفوا منين
اكمل: والله ما فتحت بوقي بحاجه
أدهم: في التليفون فيديو وتايجر ده هو اللي خرجكم من القسم
شمس بصتله وقالت بغباء: وانت فتحت تليفوني ازاي
أدهم: بالباسورد شفتها لما كنتي عندنا صحيح ايه كميه الصور دي
شمس بضحك: كميه ايه بس دول يا دوب 30% ده اللي في اللابتوب اكتر من كده
أدهم: بس لطاف صحابك دول
شمس: لطاف ايه دول اكيد بيعملوا مصيبه دلوقتي
أدهم: طيب قدامنا 10 دقايق ونوصل هتصالحي بابا ازاي
شمس قعدت جمب اكمل وقالت: لا انا اخد البنات ونروح وانا هتصرف
مالك: تروحوا ايه في الوقت ده دي الساعه داخله على 5 الفجر
شمس: عادي مفيهاش حاجه مش راجعين من الشغل هو احنا راجعين من كباريه
اكمل ضحك عليها وقال سيف: اتقوا شر الشبهات الناس هتقول عليكم ايه
شمس: ناس مين مين بس يقدر يفتح بقه بحاجه وبعدين المنطقه كلها عارفه باخلاقنا ومحدش يقدر يتكلم علينا ودي مش اول مره نرجع متأخر
فهد: حتى لو انتوا بنات مينفعش تروحوا لوحدكم
شمس: محدش يقدر يتعرض لينا المشكله بس في المواصلات
أدهم: مفيهاش حاجه نبقي نوصلكم في طريقنا
شمس: بس طريقكم وطريقنا مش واحد
سليم: بت انتي عايزه تزحلقينا بأي طريقه
شمس: براحتكم بس انا كنت عامله على تعبكم وانكم لسه راجعين من عمليه وفي واحده تاني النهارده بالليل وكده يعني
عدي: صحيح المفروض نتجمع امتا علشان الخطه
سيف: الساعه دلوقتي 5 الصبح ناموا وعلى الساعه 2 كده نبقى كلنا في اوضه الاجتماعات وأكمل اكيد معانا
اكمل: اكيد يا فندم
..........................................

Sabreen ❤️