بيه أحمد هيتجوز يا ليا !
قالتها رنا بسعادة وكملت :
-البنت حلوة أووي واسمها منة ولطيفة كمان بتشتغل معاه في شركة بابا بجد أنا مبسوطة أووي….
حسيت فجأة بحاجة ضر.بت قلبي وانا بستقبل الأخبار دي …الدموع حر.قت عيوني بس محبتش أبين لرنا ….مفيش مخلوق مفروض يعرف اني بحب أحمد …لأن الكل شايفني اني مجرد اخت صغيرة ليه …احمد يبقى ابن عمي الكبير…أكبر مني بعشر سنين عنده تلاتين سنة ….لما جيت هنا كان عندي اربع سنين وهو اربعتاشر سنة …بعد مو.ت اهلي عمي قرر يربيني مع عياله وجيت اعيش هنا واتربيت مع رنا اللي كانت من سني وأحمد اللي اكبر مني …احمد عاملني كأنه أخته الصغيرة بالضبط …كان مهتم بيا زي رنا …بس انا اتعلقت بيه …
قعدت على السرير وانا حاسة بو.جع في قلبي …خلاص هو هيكون لغيري …..
………
-أنتي متأكدة من قرارك ده يا منة مش هتند.مي عليه …
-اند.م على ايه يا ماما …أحمد عريس مناسب جدا …هو مدير إدارة شركة شاركز ووسيم ومحترم وكل الصفات الحلوة فيه …
-بس قلبك مش معاه يا منة …قلبك مع….
-ماما لو سمحتي متجبيش سيرته ..اللي بيني وبينه انتهى ….صحيح مفيش من ناحيتي حب لأحمد بس على الاقل فيه احترام …وانا هحبه…هو هيعرف يخليني أحبه
اتنهدت والدتها وقالت :
-اللي تشوفيه يا بنتي …مش هعارضك ….
…..
في يوم خطوبة أحمد ….
مقدرتش استحمل اقعد في البيت …من الصبح روحت لبيت اهلي اللي اتقفل من زمان …
وقفت قدام البيت وانا بتر.عش ودموعي بتنزل …اول مرة احس اني وحيدة بالشكل ده ….
فضلت اتمشى في البيت …للاسف كل ذكرياتي عنهم باهتة …كل ذكرياتي مع أحمد …أحمد وبس ….هو اكتر واحد أنا بحبه في الحياة كلها …ودلوقتي هيكون لغيري ….
عيطت وانا قلبي وا.جعني …كنت حاسة بالتعب بيهاجم جسمي …محستش بنفسي غير وانا بنام على السرير اللي كان نضيف …كان عمي مكلف واحدة ست تيجي كل يوم وتنضف البيت …محبش البيت يبقى متبهد.ل ومهجو.ر….
……
-ليا…ليا ….
حسيت بحد بيهزني جامد …فتحت عيني بصعوبة وشوفته…
-أحمد …
همست بتعب …
-أيه اللي جابك هنا …البيت مقلوب عليكي …أنا بس اللي توقعت انك ممكن تكوني هنا وجيتلك ….
-أحمد …
قولتها وانا بعيط …فحط ايديه على راسي وقال :
-أنتي سخنة اووي …تعالي هوديكي الدكتور …..
-لا لا ابعد عني …اوعى تلمسني …
قولتها وانا بعيط فبصلي بصد مة وقال :
-مالك يا ليا فيه ايه ؟!
-حرام …ابعد عني …خلاص …ابعد متدنيش أمل. …
-أمل لإيه بالضبط …
-أمل انك مهتم بيا …
-أنا مهتم فعلا
هزيت رأسي وقولت وانا بعيط :
-لا انت مش مهتم زيي …مش بتحبني زي ما أنا بحبك …أنا بحبك يا أحمد …عايزاك تكون ليا أنا مش ليها …بحبك
